-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

قصص حب |إغفرى لى (الجزء الثالث والأخير)

#إغفرى _لى قصة حب زوجة تحب زوجها ومفكرة نفسها تعيش حياة مستقرة وفى بيت سعيد ولكن فجأة تكتشف خيانة زوجها وعلاقاته النسائية وتكتشف الكذبة الكبيرة التى أوهمت نفسها أنها تعيش قصة حب مع زوجها 
إغفرى لى قصة مثيرة وشيقة تعالوا نحكى أحداث هذه القصة ونكتشف كيف إكتشفت الخيانة ،وكيف رجعت زوجها لبيتها من خلال موقعنا قصص 26 



#إغفرى_ لى

الاسبوع التاني اجا و النتيجة اجت معه و طلعت سلبية و لحمدلله و انا ما رحت عالمخبر لجيب النتيجة دقيت عالتلفون حتى ما يقلي زوجي اعطيني ورقة نتيجة التحليل بس اخدت النتيجة عالتلفون..


وبعدين وقفت عالمراية لزبط حالي قبل ما فوت لعنده و خبره ..

وقفت و تذكرت كل شي مريت فيه من شهر لهلا كانت الاحداث بذاكرتي متل شريط فيديو عم يمر قدامي بكل التفاصيل الحزينة وهالشي كان ضروري حتى يقسي قلبي اكتر و كمل للاخير بدون اي تأنيب ضمير ..

فتت لعنده وانا عم ابكي ومنهارة وقلتلو ايدز
قلي شووو 

قلتلو معك ايدز ..معك ايدز و صرت صرخ من وين جبته عم تخوني ...عم تنام مع غيري .. وهو كان ساكت ومصدوم قبل ما يبلش ينهار ويبكي 
وقت قلتله يعني انا ممكن يكون معي ايدز و واحد من اولادك يمكن يكون معن ايدز انت شو عملت فينا انت دمرتنا وموتتنا 
وقت اجا بدو يحكي سبقت عليه فورا وقلتلو اوعا تفكر تكذب وتنكر انا هلا تذكرت تفاصيل مرت قدامي وانا متل الغبية ما انتبهت لانو كنت واثقة فيك ثقة عمياء ريحة العطر النسواني على تيابك والعلامات الزرقا على رقبتك هيدا كله ما اجا من فراغ بس الله كبير يمهل ولا يهمل الله عقابه كبير بس نحن شو ذنبنا ندفع غلط نحن ما عملناه انت رح تموت طب نحن ليش لنموت معك حكيت
هالحكي كله وزوجي منهار عالاخر وانا كنت عم اطلع فيه وعم احكي بقلبي دوق من يلي دوقتني اياه شوي 
وطالعت تيابي من الخزانة وبلشت البس قلي شو عم تعملي لوين رايحة وتاركتيني قلتله بدي انزل عالمخبر الطبي حلل الي وحلل لاولادي واذا بكون معنا هالفيروس رح ارجع اقتلك بايدي ..

#إغفرى_ لى

نزلت و اخدت الاولاد و رحت حللت الي والن مع انو بعرف ما فينا شي بس حتى يتاكد انو نحن حللنا بحال اذا سال الاولاد و الولد ما بيعرف يكذب ابدا و بعدها رجعت عالبيت ووقت فتت سمعته عم يتخانق مع شريكه بالوساخة ويقله انت السبب وانت يلي دمرتني وخربتلي حياتي انا ما كان الي بهالقصص انا كنت بحب بيتي وأولادي انا شو عملت بحالي و بعيلتي
و وقت فتت سكر الخط فورا وتلبك 

قلتلو سمعت كل شي 
قلي شو صار معك قلتلو النتيجة بدها وقت لتبين و رحت وجبت شنتة وفتحتها عالتخت وفتحت خزانتي وبلشت ضب بتيابي
قلي شو عم تعملي انتي
قلتلو عم ضب تيابي وتياب الاولاد قلتلو اذا طلعت نتيجة سلبي رح اخدن و ارجع لبيت اهلي و اذا ايجابية رح نروح عالمركز نتعالج قلي و اناااا

قلتلو انت ما بتخصني اعمل يلي بدك اياه وضعك ما بهمني انا الي بحالي وباولادي واحمد ربك اذا ضبطت اعصابي وما قتلتك 

قلي طولي بالك خلينا نحكي شوي

قلتلو شو بدنا نحكي خلص الحكي بعد هالمصيبة ورجعت عدت الحكي عليه بانك دمرتنا و هدول الاطفال شو ذنبن اذا ما ماتو رح يصيرو يتيمين الاب وبكل الاحوال هادا موت عالحياة لانو انا كتر وحدة بتعرف شو يعني يتم الاب ..

قلي معقول تتركيني بهالظرف و تتخلي عني انا بحاجتك و حاجة الاولاد ما بعرف ايمت رح موت انا بدي اشبع منكن 
قلتلو قاعدين معك اسبوع بس اشبع من اولادك ..

#إغفرى_ لى

خلال هالاسبوع زوجي صار يصلي كل فرض بفرضه و يقرا قران حتى احيانا كنت فوت عليه لاقيه قاعد على سجادة الصلاة و ساجد وعم يبكي و يطلب العفو من ربه ويدعي اني ما كون انا او حدا من الاولاد معن هالفيروس ..

الموت ..الموت كلمة بحدا ذاتها مخيفة وما في شعور مخيف اكتر من انو تعرف انو حياتك رح تنتهي بعد شهر أو شهرين و رح تترك الدنيا وتطلع عند ربك لتتحاسب على كل غلط عملته و بتشوف هالمدة قصيرة كتير لانك تلحق تستغفر ربك وتتوب توبة صادقة ..هيك كان زوجي يلي اتغير 180درجة حتى صار الهدوء وللسكينة واضحة على ملامح وجهه اما جسمه فكان جسم هزيل مع انه الدواء يلي كنت مستمرة عليه المفروض يزيد وزنه بس القلق و الخوف كانو اقوى من أي شي ..

بعد ما طلعت نتيجتي و نتيجة الاولاد بانها سلبية إرتاح زوجي و ضميره كتير
وبتذكر قلي هديك الليلة بدي أحكي معك

قعدت جنبه عالتخت و حكالي كل شي عمله و قلي بدي أطلب طلب أخير منك
قلتله تفضل
قلي بدي تسامحيني انا غلطت معك و انت ماا بتستاهلي كنت نعم الزوجة و الام بدي موت و انا مرتاح

قلتلو ما بوعدك انت حرقتلي قلبي وتابع قلي بكرا بدي اتصل بالمحامي ليجي ويبلش بمعاملة نقل الملكية بكل شي من اسمي لاسمك حتى تقدري تعيشي انت و هالاولاد من بعدي و ما ناقص عليكن شي
انا فعلا شفقت عليه وهو عم يدوب قدامي وقلتلو فورا انا حبيتك و بعدني بحبك رغم كل شي عملته و كانا ما رح اتركك ورح نرجع عيد التحليل مرة واتنين لعله يكون مخربطين 
قلي لا ما مخربطين انا بستاهل هالشي هيدا اقل عقاب من ربي على الشي يلي عملته
قلتلو معلش منعيده ..
و مات زوجي الله يرحمه

(لا لا عم امزح ما مات)
رجعت جبت شب من مخبر تاني و حلله دم مرة تانية بس هالمرة خبرته النتيجة المزبوطة لانو حسيته فعلا تغير و تاب وطلع من هالتجربة انسان ناضج ومختلف ومسؤول ..

بتذكر وقت فتت عنده وهو كان يئسان عالاخير ومسلم لوضعه

قلتلو فادي ..انت ما معك ايدز
قلي شوووو

قلتلو ولله عم أحكي جد إنت ما معك إيدز دقيت للمخبر 

وقلي النتيجة سلبية قلي كيف لكن أول مرة طلعت النتيجة ايجابي بهداك المخبر 

قلتلو مابعرف رح البس وروح أتاكد بنفسي وأخد النتيجة و فرجين اياها للمخبر الاول و خلين يرجعو يطلعولي النتيجة عالكمبيوتر بلكي كانو مخربطين

وطبعا فعلا رحت عالمخبرين و جبت النتيجتين يلي بشبهو بعض و رجعت عند زوجي يلي كان قاعد على اعصابه

وقلتلو هات البشارة المخبر طلع مخربط بالنتيجة انت ما فيك شي

#إغفرى_ لى

كانت فرحته ما بيعطيها لحدا سجد لربه و حمده مية مرة ..
قلتلو انا برايي لازم تنزل عالمشفى بقاقلي ببتعرفيني بستفرغ من ريحة المشافي
قلتلو معلش بس أحسن حتى يعرفو شو معك بضل هنيك في طاقم وأجهزة طبية بفحصوك أكتر لتعرف من شو هيك عم يصير معك وطلبتله سيارة إسعاف من المشفى ورحنا قعدنا أسبوع وبهالاسبوع رجع متل اول (طبعا انا وقفتله الدواء يلي كنت اعطيه اياه لهيك رجع إتحسن)

و بعد ما طلعنا من المشفى باع زوجي الشقة يلي كان شاريها لقصصه و قطع علاقته مع رفيقه تماما يلي عرفت بعدين انو كمان تاب و بطل هيك حركات لانو خاف بعد ما سمع بمرض زوجي ..
ولقراءة المزيد من قصص الحب فقط تابعونا علىصفحتنا على الفيس بوك
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة