قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

قصص قصيرة للاطفال|جحا والحمار

في القصة القصيرة دي يا اصحابي الحلوين هنحكي حكاية جحا والحمار ، وهنشوف ازاي هنتعلم منها في نهاية القصة.
جحا والحمار

كان يا ما كان ، في يوم كان جحا رايح السوق وراكب حماره، وحماره كان حجمه صغير ،وكان معاه ابنه ماشي جنبه وبيتكلم معاه.
وبعد ما مشيوا شوية في الطريق ،شافوا مجموعة ناس واقفين على الطريق، ولما شافوهم اتعجبوا من جحا ، ازاي يركب الحمار ويسيب ابنه الصغير ماشي على رجليه، ففكر جحا في كلامهم وشاف انه ينزل من على الحمار ويركب ابنه.
ومشيوا كملوا طريقهم ،وكان في بئر ماء ومتجمع جنبه ستات ، واستغربوا من جحا انه رجل كبير وماشي على رجليه وابنه الصغير راكب على الحمار، فاقتنع جحا بكلامهم وركب مع ابنه على الحمار.
وكان الجو حر شديد ،وهما مكملين طريقهم للسوق، وكان الحمار ماشي ببطء وصعوبة لان جحا وابنه راكبين على ضهره ووزنهم تقيل ،ولان الجو حر.
اقرا ايضا:قصة الفار والاسد
ووصل جحا وابنه باب السوق وكان الناس متجمعين ،فقالوا لجحا حرام تركب انت وابنك على الحمار وفي الجو الحر ده انت مش ملاحظ انه ماشي تعبان وبصعوبة، فسمع جحا كلامهم ونزل هو وابنه من على الحمار، وكملوا الطريق ماشيين على رجليهم.
لما وصلوا السوق والتجار والناس شافوهم استعجبوا وقالوا لجحا انك غبي تمشي انت وابنك في الحر الشديد ،والحمار مرتاح بلا حمل ، قالوا له وهما بيضحكوا عليه مش باقي غير انك تشيل الحمار على ضهرك.
وفي نهاية القصة القصيرة (جحا والحمار) نكون اتعلمنا يا اصحابي اننا لا يمكن هنقدر نرضي كل الناس، ياريت تكونوا استمتعتم بالقصة واتعلمتم منها ، اقروها تاني مع اصحابكم ومتنسوش اعجاب بصفحتنا على الفيس بوك.

عن الكاتب

مروة عادل

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26