قصص رومانسية جريئة ممنوع دخول الأطفال

الاسره هى الاساس وعندما يكون الاساس متهالك وردىء مستحيل يكون البناء قوى ومتماسك

وصلتنى هذه الرساله واوجعتنى كلماتها ..تقول الرساله..

 انا بنت سنى 26 انا بنت وحيده علي 4 اخوات ولاد وانا اصغرهم ..

 اتربيت وسط بيت كله مشاكل بين الام والاب مشاكل لدرجه ان الناس كانه عارفين كل مشاكلنا بسبب صوتنا العالي طول الليل والنهار .. لحد ماكبرت شويه وبقي عندي 14 سنه وبدئت المشاكل تتحول لينا احنا كمان طول الوقت اخواتي بيتخنقوا سوا وطلعنا مش بنحب بعض وسيرتنا بقيت علي كل لسان ..

 لحد ما بابا وماما انفصلوا وانا الي ساعدتهم علي دا كان عندي وقتها 22 سنه كنت فعليا تعبت وكنت فاكره ان دا الحل عشان كل حاجه تقف وتهدا .. 

تم الطلاق وعزلنا لمكان جديد انا وماما واخواتي .. فضلنا سنه تقريبا في استقرار  لحد ما اخواتي اتجوزه واحد ورا التاني ورجع كل حاجه من جديد ..

 مشاكل امي مع اخواتي بسبب زوجات اخواتى انهم مش كويسين وبيتكلموا عني وحش وبيهتكوا فى عرضي .. 

واخواتي مساعدنهم وبيتكلمه عني هما كمان مع بعض ! .. موقفي من اخواتي اني مابقتش معترفه ان ليا اخوات رجاله وبقت نظرتي ليهم انهم مش رجاله .. قررت انعزل عنهم ولكن كانت المشاكل بتجيلي لحد عندي كنت بحتسب دا عن ربنا ..

لحد ما اتخطبت وروحنا زياره لخطيبي فى بيت اهله كلنا قومت احضر اكل مع مامت خطيبي في المطبخ .. بعدها عرفت ان اخويا بيقول تلاقيها مش اول مره تيجي هنا ! بيطلعني اني كنت بروح لخطيبي الشقه ! 

انا موجوعه ان الي المفروض يستروني لو لقوني عريانه هما الي بيعروني ! ومش فاهمه ليه .. انا ملتزمه دينيآ ومحدش بيعرفني غير انه يحلف باخلاقي انا سيبت خطيبي بسبب اني مش سويه نفسيا وخايفه من الجواز .

. 

انا مش عارفه اعمل ايه مش عارفه اخد خطوه الجواز بيتقدملي ناس محترمه كتير بس انا مش قادره وفي نفس الوقت مش قادره اعيش وسط اهلي حتي امي عندها مشكله لما مش بتلاقى حد تزعق معاه بتخلق مشكله وتدعي عليا وتبهدلني .. انا سمعتها كتير ان اي حد غيري كان زمانه ضاع وخصوصا اني بنت .. بس انا محافظه علي نفسي عشان خاطر ربنا ونفسي .. عايزه حل ارجوكى ياماما نونا .. انا مش قادره اتجوز ومش قادره اعيش في وسطيهم مدمرني نفسيا .. ومش هقدر اهرب معنديش حد اروحله انا بشتغل وبدرس وبعمل اعمال خيريه ولكن كل دا مش قادر يخرجني من الي انا عايشه فيه انا بحاول صدقينى بحاول ابني شخصيه مستقله قويه بذاتها وقويه نفسيا بس انا حقيقي تعبت ومش قادره اعافر لوحدي ومنتظره ردك.

راى ماما نونا

ابنتى الغاليه ..تعجز كلماتى ان تداوى جراحك ..لكن  اكيد انتى قويه وقويه جدا كمان

 اللى يستحمل كل ده اكيد لازم يكون قوي انا مش هقولك سيبى البيت عشان اكيد انتى مش كده انا هقولك استحملتى و قوتك دى اكيد هتقدر تخليكى تعيشى حياة اجمل وتكونى مستقلة فى حياتك وبجد ربنا معاكى بتمنالك كل خير.

يسعدنا تواصلكم معانا ونرحب باي تعليقات على مشكلة اليوم.

ممكن تتواصلوا معانا دايما هنـا

او على صفحتنا فى فيس بوك