مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الثانى من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل الثانى
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل الثانى
ف الصالة
الكل قاعد وبيضحك وبيستعيدوا ذكرياتهم مع بعض
ثريا:هههههههه ع فكرة ياجماعة عزيز هو اللى كان عينه منى من الاول وفضل يمشى ورايا ويشوفنى رايحة فين وجاية منين وف الاخر لما لقانى انسانة كويسة قرر يتقدملى مش كدة ياعزيز
عزيز:يااااه انتى لسة فاكرة ياثريا الموضوع دة عدا عليه سنين وبعدين عمرى م هنسى اول يوم شوفتك فيه...عمرى مهنسى اليوم اللى عمرى ابتدا فيه وانتى معايا...انتى حبيتى وام ولادى...ربنا يباركلى فيكى ياام العيال
ياسمين ضربت عبدالرحمن بصدره فخفة
عبدالرحمن:اى يامجنونة انتى ف ايه
ياسمين:شايف بيقولها ايه...اتعلم من اخوك
عبدالرحمن لعزيز:منك لله ياخويا خليت مراتى تقلب عليا
ثريا:هههههه يابت دة بيحبك اوى اسمعى الواحد لما بيقعد مع واحدة السنين دى كلها لو غابت برة البيت يوم واحد بيحس بفراغ وبيحس ان فى حاجة ناقصة
عبدالرحمن:والله معاكى حق...انا بجد بعشق ياسمين جدا...انا اتعودت ع وجودها ف حياتى..دى عشرة عمرى دة احنا ابدنا مع بعض
عزيز:هههههه جرا ايه ياعم...اتكلم عن نفسك...احنا لسة شباب لولا بس العيال هما اللى خلونا نحس ان احنا كبرنا
ثريا ل ياسمين:شوفى عزيز هههههههه والله لما تشوف احفادك بيجروا كدة حواليك هتعرف انك كبرت
عزيز:دة يوم المنا...ربنا يسمع منك ياثريا....والله نفسى اوى...بقولك ايه هو مرات اسد اللى اسمها..اسمها....اسمها ايه اصلى نسيت اسمها غريب اوى
ثريا:هههههه اسمها جيسى ياعزيز...عايز منها ايه؟!
عزيز:ابدا مش شايفها خالص دى تقريبا ال 24 ساعة لوحدها فوق
ثريا بتنهيدة تعب:ربنا يهديها انا هتكلم مع اسد علشان يشوف حل معاها...لازم تعرف ان احنا مش رافصين وجودها ولو مديت ايد هنمد دراع...احنا مش وحشين ياعزيز
عبدالرحمن:خير ان شاء الله يامدام ثريا
عزيز وثريا:يارب
فى الجنينة
مش مصدقة ان ريان واقف قدامى دلوقتى اااااه قد ايه نفسى اعمل حاجات كتير اوى ع الاقل اعرف ايه اللى حصل معاه؟!وشم رحيته والمسه علشان اتاكد انى مش بحلم
ميرا سابت ايدى وجريت ناحية ريان وحضنته وفضلت تعيط
ريان شد عليها جامد وقال:بس ياميرا...يابت بطلى عياط انا اهو قدامك...يالهوى هو انا اتحب اوى كدة...يخربيتك خلاص اخوكى هيقتلنا انا وانتى
بصتله وقالت:وحشتنى اوى مش مصدقة انك واقف قدامى...مش مصدقة انك هتكون جوزى وحبيبى قدام ربنا وقدام الناس كلها....انا نفسى ف الموضوع دة انهردة قبل بكرة
مسح دموعها وقال:ف اقرب وقت هيتقفل علينا باب واحد
وهمس ف ودانها وكان نفسى اعرف بيقولوا ايه بس لما شوفت ملامح الخجل ع وشها عرفت انه كان بيقولها كلام رومانسى خاص بيهم هما...حاولت احبس دموعى ع قد مقدر وفضلت افرك ف ايدى عايزة امشى من هنا...انا ايه اللى عملته ف نفسى دة يارب؟!ازاى سمحت لقلبى انه يعمل حاجة زى كدة؟!
اسد ل اسر:الله يرحمك يارجولة
اسر:والعزا امتى علشان بس اروح اعزى دى اصول بردو
الكل ضحك من قلبه..اما انا كان قلبى بيعيط وبيصرخ عايز حد ينجده ومش عارف
ريان بص عليا وشاور بصباعه عليا انا قلبى كان هيقع من مكانه وحيات ربنا..يارب الاحساس دة وحش اوى
اميرة...انتى اميرة صح
وقرب منى ومسك ايدى ولففنى حوالين الارض مرتين وقال:ايش ايش ايه الحلاوة دى يابت...كبرنا وحلوينا...مكنتش اعرف ان اجى الاقيكى اتغيرتى كدة...كله كان بيكلمنى ما عدا انتى معرفش ليه؟!
قولتله:معلش حصل خير
ميرا قربت مننا وقالت:ايه رايكوا نخرج انهردة ف مطعم كدة بليل
اسر قرب مننا وقال:هههه بنت حلال والله كنت لسة هقترح الاقتراح دة وبالمرة
غمزلى وقال:هقول ل أميرة قلبى المفجاه
ريان:ايدة ايه اللى بيحصل هنا...بتغمزلها واحنا موجودين....لا مش مراعيين وجودنا خالص
اسر:خليك ف حالك ياجدع انت...ها يااميرة ايه رايك
بتسالنى عن راييي يااسر....انا مش عايزة اروح لمكان ريان فيه...انت ازاى متحسش بيا..دة انت صديق طفولتى واقرب حد ليا
قولتله:لازم يعنى
اتصدم وبص ل ريان اللى بصلى وقال بهزار:اوعى تكونى مش حبة تشوفونى....هعتبر نفسى شخص تقيل ع قلبك
قولت بسرعة:لا لا انا مش قصدى كدة ابدا
ميرا:يبقى خلاص اعملى حسابك خارجين انهردة بليل تمام
قولت ب استسلام:تمام
بصيت لقيت اسد مش موجود تقريبا كدة دخل اما رعد كان واقف بيسمعنا وعينه راحت ع البلكونة
قولتلهم:يلة خلينا نخش كلهم مستنين
قالولى كلهم:يلة
بصيت ناحية البلكونة لقيت مروة واقفة وبتترجانى اطلعلها...مرديتش ازعلها وشاورت براسى معناه طالع
ف الصالة
ريان جرى وسلم ع الكل بلهفة وشوق وانا شوفت ريان بيعيط جامد وهو ف حضن والدته وفضل يبوس ايدها وراسها
وبيقول بعياط:وحشتينى اوى ياست الكل...انا غبى علشان بعدت عن حضنك طول السنين دى كلها...انا غبى غبى
اسد بصله وقال بهزار:انشف يلا معندناش حد بيعيط
ريان بصله:انا بنى ادم ع فكرة عندى احاسيس مش فردة كواتش
الكل ضحك من قلبه
ريان بص لوالد ميرا وقال:لينا قاعدة بس مش دلوقتى الحق انام شوية اصلى مهدود اوى
ميرا بصتله وقالت:دة اللى المفروض تعمله ياريان نام وارتاح ولو صحيت وحابب نخرج نشم نفس شوية برة القصر ابقى كلمنى
قالها بحب ظاهر ف عنيه جرحنى اوى:تمام..عن اذنكوا
ومشى وانا عينى فضلت مراقباه لحد م اختفى عنى
بصيت ل اسر وشديته من بدلته وقولت:ايه المفجاه اللى كنت بتقول عليها
اسر:حد قالك ان انا حرامى كان بيسرق الغسيل اللى كان ف سطح بيتكوا...ايه المسكة دى
قولتله:يوووو يااسر قولى ونبى ايه المفجاه
اسر طلع لسانه وقال:مش هقولك الا لما نخرج مع بعض لكن دلوقتى لا
بصيتله بغضب زاءف وقولت:كدة يااسر ماشى خليك فاكرها...يلة ياميرا خدى اخوكى الرزل دة من هنا
ميرا ضحكت بصوتها كله وبصيت لوالدها وقالت:يلة يابابا علشان ف تقرير عايزة الحق اكتبه قبل بليل
والدها قالها:حاضر يابنتى
وسلم ع الكل وخد ميرا واسر ومراته ومشيوا
روحت الاوضة اللى انا وماما عايشين فيه ورميت نفسى ع السرير وفضلت اعيط بحرقة رهيبه واقول:ياااارب..يااارب
ف اوضة مروة
كنت مستنية رعد ييجى وفعلا الباب خبط روحت فتحت لقيته وشة زى مسيبته
قولتله:افرد وشك دة شوية
بصلى بغضب ظاهر وقال:تصدقى انا غلطان علشان جيتلك انا ماشى
مسكت دراعه بسرعة وقولت:لا لا انا اسفة خلاص....بس علشان خاطرى اضحك وغلاوتى عندك
لقيته ضحك وهز راسه بالنفى وقال:مفيش منك فايدة ابدا...عمرك مهتكبرى..ع العموم انا جيت علشان اعتذر علشان زغقتلى وانتى كمان هتعتذرى علشان اللى عملتيه
ضحكت ف وشه وقولت:لو دة هيريحيك ف انا اسفة مش هعمل حاجة انت قولتلى لا عليها
بص ف عنية وقال:وعد
قولتله:مين وعد دى انا معرفهاش...برى يابيه معرفش مين دى والله
ضحك بصوته كله اللى بيزغزغ جسمى وروحى
دة انتى نصيبة من نصايب الزمن...اوعدينى يامروة انك هتحاسبى ع كل خطوة بتعمليها دة لمصلحتك انتى ع فكرة
قولتله:حاضر يارعد والله...بقولك خش انت واقف كدة ليه
ضحك وقعد ع الكرسى وقال:ع فكرة جيبتلك حاجة بتحبيها اوى
قربت منه بفضول وقولت:جيبتلى ايه يارعد قول بسرعة بسرعة بسرعة
ضحك وقال:بس بس بصى انا مش هقولك جيبتلك ايه الا لما تنفذيلى شرطى
قولتله بفضول:شرط ايه دة؟!
قعدنى جمبه وقال:انا عايزك متقوليش رعد تانى فرق السن بينا كبير بردو مش صغير علشان كدة عايزك تقوليلى ابيه لازم نحط اللقب دة فاهمانى يامروة
بصتله بصدمة وقولت:ولا فاهمة اى حاجة....انت ليه عايزنى اقولك ياابيه...انا من ساعت متولدت وانا بقولك رعد بس من غير القاب ايه اللى غير رايك دلوقتى
تنهد تنهيدة تعب كانه بيفكر ف حاجة ومش عايز يقولى عليها
يامروة ايه اللى هيجرا لو قولتيلى ياابيه مش فاهم
ضحكت وقولتله:انا عندى فكرة احلى عارف انا ممكن اقولك ايه
همست ف ودنه وقولت:بابا رعد
بصيتله لقيته رفع حاجبه وقال:بابا مين يابت انتى
ضحكت جامد وقولتله:بابا انت ياحبيبى
وجريت قبل ميعمل فيا حاجة
بابا...انا بابا..هههههه البت دى نهايتى هتبقى ع ايدها...انا كنت لازم اسمع منها كلمة ابيه علشان اخليها تحس ان احنا اخوات مش حاجة تانية لان كلمة ريان بتزن ف ودانى وعرض اسد لجواز مروة منى بيخلى عقلى يشت ومش عارف افكر...مروة بنتى واختى مش حاجة تانى...انا مش بحس احساس الحب وانا معاها...يبقى ازاى بحبها
طلعت من جيبى الشيكولاتة اللى جيبتها لمروة ونسيت ادهالها لا انا هروح ادهالها دلوقتى
ف الصالة
كنت قاعد مع ماما وبابا فجاه فتحوا معايا سيرة جيسى
والدتى قالتلى:اسد لازم تفهم مراتك انها عايشة مع ناس ف البيت دة...وليهم حق عليها مينفعش تفضل حبسة نفسها ال 24 ساعة ف اوضتها
تنهدت تنهيدة تعب وقولت:هى خايفة تصدوها اصلها حساسة اوى ياماما ولو حد بس زعقلها ممكن تعيط
ابويا بصلى وقال:ياحنين انت..اسمع يااسد ولو انى انا مش شايف الصفة دى فيك..احنا مش هنعض ولا ناكل ست الحسن بتاعتك..ولا هنموت علشان نتكلم معاها...كل اللى احنا عايزينه انها تقرب وتفهمنا ونفهمها....ممكن نلاقيها كويسة والمشكلة دى تتحل بدل مهى متعلقة كدة يفضل انك تتكلم معاها.
والدتى قالتله:براحة عليه ياعز مش كدة...اسمع يبنى انا هتكلم معاها وهحاول اخليها تندمج مع البنات علشان لو قربت منهم هتحبهم وهكلم مروة علشان تتكلم معاها كمان انت عارفها عشرية كدة والناس كلها بتاخد عليها بسرعة
قولتلها ب امتنان:ربنا يخليكى ليا ياست الكل...ان شاء الله هتبقى اقرب واحدة ليكى ف البيت دة وهتقولى اسد قال انا هطلع اتكلم معاها شوية
والدى قرب منى وحط ايده ع كتفى وقال:بكرة عيد ميلاد مروة ممكن نستغل اليوم دة ونحاول نقرب منها ايه رايك ياثريا
والدتى قالتله:عين العقل ياعز
سيبتهم وطلعت اوضة جيسى...انا كان مالى ومال الجواز..دة انا كنت عايش ملك ف زمانى...يارب قوينى ع كل شى صعب داخل عليه
ف اوضة جيسى واسد
دخلت الاوضة لقيت جيسى بتسرح شعرها
احم احم
بصيتلى وع وشها ابتسامة فرحة:اهلين حبيبى تعى كتير اشتقتلك انا
قربت منها وحطيت ايدى ع وسطها وشديتها ليا بحب وقولت:حبيبى قاعد لوحده ليه
قالتلى بحزن:هيدى العاديه يعنى عندك شى جديد
قولتلها:ليه مش قاعدة مع مروة او مع اميرة...لا ياجيسى قاعدتك دى مش هتنفع...وبعدين الشى اللى انتى خايفة منه مش موجود
بصتلى ب اهتمام وفضول:شو قصدك
شيلتها ع دراعاتى وقولت:اقصد ان اهلى متقبلينك...بس هما زعلانين علشان انتى مش عايزة تقربى منهم
بصتلى ب فرحة وقالت:عن جد عم تحكى
فرحت علشان هى فرحانة وقولت:ايوة بتكلم بجد...علشان خاطرى ياجيسى قربى منهم...وحاولى تندمجى معاهم...نفسى اخلف عيل منك اوى...وخايف اخد الخطوة دى بسبب توتر العلاقة بينك ومابينهم
حطت راسها ع صدرى وقالت:ما بدى ياك نخاف بنوب...كل شى راح يكون منيح بوعدك
تنهدت ب ارتياح:طمنينى نخش بقا ف المهم
وشيلتها وحطيتها ع السرير وكفاياكم كدة مش هقول حاجة تانى😂
ف الصالة
كنت قاعد فاتح ملف الزفت غسان دة يبقى واحد من ضمن الالوف اللى بيتاجروا ف اعضاء الناس وانا مش هرتاح الا لما يشرف ع الحجز
فجاه تليفونى رن
الو
ايوة يارعد متنساش تنفذ بكرة...معندناش وقت
لازم بكرة يعنى ياعمر...اصل عندى مناسبة ولازم احضرها وبعدين البت اللى اسمها نوسة دى ع طول بتبقى ف الكباريه واوعدك بعد بكرة ان شاء الله هنفذ
مش فاهم ايه وجهة نظرك...لكن تمام براحتك بس بعد بكرة تنفذ يارعد التاخير مش ف صالحنا
متقلقش ياعمر خير ان شاء الله
تمام ربنا معاك ويعديك من القضية دى ع خير
ان شاء الله..يلة سلام
سلام يارعد
وقفلت معاه وطلعت ارتاح ف اوضتى شوية
بليل
ف قصر الرملى
ف اوضة ريان
صحيت من النوم خت الدش بتاعى بعد كدة خرجت واخترت بدلة ولبستها وسرحت شعرى ولبست الساعة وحطيت البرفيوم بتاعى المفضل...خلصت لبس ورنيت ع عشقى الاول والاخير
الو ياروح قلبى
ايوة ياريان...خت راحتك ف النوم؟!
مش قوى يعنى...لكن تمام بصى انا جهزت يلة البسى بسرعة وانا هنزل اشوف اميرة
لقيتها بتقولى بغيرة واضحة:نعم ياخويا وتشوفها ليه انت وبصفتك ايه تعرف ياريان لو خرجت برة الاوضة دى هعمل فيك ايه...هتفضل قاعد فيها لحد ماجى انا واسر ومتشيلش هم اميرة انا كلمتها وقالتلى بتلبس
ضحكت بصوتى كله وقولت:حبيب قلبى بيغير عليا لا لا محبكش وانت كدة....ايه مش واثقة ف الريان بتاعك ولا ايه...وبعدين اميرة دى اختى ياهبلة دة انتى اللى ف القلب
هههههه ماشى ياريان كل بعقلى حلاوة كل النصيبة انى مش بعرف ازعل منك ابدا...لكن معلش اول منتجوز صدقنى محدش هيعرف ينجدك منى
قولتلها وانا قاصد ان اخليها تتكسف:قسما بالله انا م عايز حد ينجدنى منك...انا كلى ملكك والله...اعملى فيا ما بدالك
لقيتها اتكسف فعلا وقالت:لا دى قلة ادب اوى...انا انا مكنتش اقصد اللى فهمته يخربيتك انا هقفل
قفلت معايا ورميت نفسى ع السرير وقولت:بعشق امك وعيتلك كلها يامسهرانى الليل يارب امتى اتجوز البت دى انا ع اخرى والله
ف اوضة اميرة
لبست واستنيت ميرا واسر ف الصالة وفعلا لقيت الباب خبط روحت فتحت
اسر صفر وقال:اموت انا...ايه الاحتشام دة
قولتله:وحش ولا ايه
قالى بضحكة:دة تقريبا احلى حاجة فيكى اللبس الطويل والواسع بيخليكى اميرة كل الاميرات
ضحكت وقولتله:ميرسى يااسر...هو احنا هنخرح بعربيتك انت صح؟!
قالى:ايوة ريان لسة مجبش عربية فهنخرج بعربيتى...بقولك ياميرا كلمى ريان خلينا نلحق
قالتله:يبنى هو ثوانى وجاى
قعدنا فترة مستنينه وفعلا جى وسلم علينا سلام بارد من وجهة نظرى...اما ميرا باس ايدها وفضل يمدح فيها وف لبسها قدامى...لقيت اسر مسك ايدى وقال:يلة بينا يااميرتى
شديت ايدى عليه كانى بطلب منه الامان وفعلا ركبنا وروحنا ع المطعم
ف الشارع
ف عربية رعد
حبيب امشى شوية بالعرببة معرفش ليه السبب بس حسيت انى مخنوق ومحتاج اغير جو شوية.فضلت امشى ف الطريق وانا معرفش العربية ولا دماغى مودينى فين
فجاه لقيت حاجتين اغرب من بعض
اول حاجة المطر مطر عليا...وانا اصلا مش بحب المطر...وفضلت العن دماغى علشان خليتنى اخرج من القصر ف ساعة زى دة تانى حاجة وانا بسوق لقيت واحدة خرجتلى من لا شى ووقفت قدام العربية
فرملت ووقفت العربية وانا مصدوم مش فاهم مين دى؟!ولا عايزة ايه؟!
فتحت الباب لقيتها مسكت فيا جامد وكانت عارقانة وجسمها مليان جروح وقالت بنبرة توسل وتعب:الحقنى ابوس ايدك
خوفت عليها جدا فعلا كان شكلها يرعب
قولتلها:انتى مين؟!
لقيتها حست بدوخة وقالت:انا أية
وفجاه اغمى عليها بين ايديا
ف المطعم
كنا قاعدين بنضحك وبنهزر حاولت افوك شوية خاصة ان اسر معايا وبجد دة الشخص الوحيد اللى بيخرجنى من اى مود وحش
لقيته مسك ايدى وقال:تعرفى انا نفسى ف ايه دلوقتى يااميرة
قولتله:نفسك ف ايه؟!
قالى:تغنى
بصتله بصدمة وقولت:ايه اغنى..لا طبعا مش هغنى...انت بتهزر
ريان بصلى وقال:صوتك حلو ع كدة؟! لا لو دى حقيقة يبقى لازم تغنى فعلا....بس اختارى اغنية حلوة كدة....وياسلام لو رومانسية
وبص لميرا وقال:علشان اهديها للبت دى
اسر بصله وقال:عينك ياحبيبى عيب
قولتله وانا شبه غضبانة:ياسلام جاى تقولى عينك دلوقتى هههههه كنت فين لما حضنها ولما فضل يقولها كلام حب وغرام...دة انت فلة اوى يااسر
. ميرا ضحكت وقالت:بطلى غيرة يابت انتى واللى غيران مننا يعمل زينا
اسر بصلى بصات ذات مغزى هو عارفنى اكتر من نفسى اكيد لاحظ انى متضايقة بس اكيد مبعرفش السبب يارب ميعرف
لقيته قالى:هتغنى ولا لا؟!
لقيت نفسى بقول:هغنى
ريان فرح وقال:طب ثوانى بس
لقيته راح وجاب المايك وادهولى وقال:اطلعى ع المسرح وغنى
طلعت ع المسرح ومسكت المايك ولقيت العيون حواليا بس اتشجعت ومسكت المايك وغنيت اغنية حسيتها اوى مقدرتش امنع نفسى من العياط
مش كل اللى بينحبهم هيكونوا لينا
ولا كل اللى بنحبهم لايقين علينا
ممكن نلاقى اللى ياما حلمنا بيهم ويلاقونا
منلاقيش الحب فيهم
وساعات بنشوف الحب وهو ميشوفناش
وساعات بيجينا الحب ويمشى ومعرفناش
وساعات يقابلنا الحب ويمشى كانه مكاش
وكتير بيسيبنا الحب وجرحه مبيسيبناش
مش كل اللى راح مننا سيبناه ب ايدينا
مجايز يكون حلمنا محلمش بينا
ممكن يلاقى فينا فعلا كل حاجة
واى حاجة وميلاقيش الحب فينا
وساعات بنشوف الحب وهو ميشوفناش
وساعات بيجينا الحب ويمشى ومعرفناش
وساعات يقابلنا الحب ويمشى كانوا مجاش
وكتير بيسيبنا الحب وجرحة مبيسيبناش
مش كل اللى بيحبنا ساب جرحة فينا
مجايز يروح مننا والخير يجبنا
ممكن نعاند ويفضل بين ايدينا
وبعد جرحه منلاقيش اللى يداوينا
وساعات بنشوف الحب وهو ميشوفناش
وساعات بيجينا الحب ويمشى ومعرفناش
وساعات يقابلنا الحب ويمشى كانه مجاش
وكتير بيسيبنا الحب وجرحه مبيسيبناش
الكل سقفلى جامد ومدحوا ف صوتى جدا اسر قرب منى ومسك ايدى ونزلنى من ع المسرح وقعدنى ع الكرسى
وقالى:انتى كويسة؟!
لا مش كويسة انا تعبانة انا مخنوقة محدش فيكم حاسس ربع اللى انا حساه
قولتله وانا بمسح دموعى:انا كويسة متقلقش عليا
ريان قالى:بجد واو ايه يابنتى الاحساس دة يخربيتك عينى دمعت والله
ببصيتله وقولت:متشكرة
متشكرة!!! ايه البت الرخمة دى
همست ف ودن ميرا وقولت:هى اميرة دى ع طول كدة
قالتلى بنفس الهمس:كدة ازاى يعنى
قولتلها:معرفش بحسها مش طيقانى من ساعت مجيت..بتكلمنى ببرود..انا شكلى مش هعرف اتعامل معاها
قالتلى:ليه بتقول كدة اميرة انسانة كويسة...صدقنى اول متاخد ع وجودك الموضوع هيفرق والله هتحسها واحدة مجنونة
جتلى فكرة مجنونة معرفش ايه اللى جابها ف دماغى مش وقتها خالص
مسكت بطنى وقولت:ااااه بطنى مش قادر
ميرا بصتلى بخوف وقالت:فى ايه ياريان مالك
مسكت ايدها وقولت:عايز اروح الحمام حاسس انى دايخ
لقيت اسر قام وقال:طب هروح معاك ثوانى
ميرا قامت وقالت:لا يااسر خليك مع اميرة وانا هروح مع ريان مش هنتاخر ثوانى بس
حاولت اخفى ابتسامتى ومسكت ايدها ومشينا
انا بقا مش فاهمة ايه اللى بيحصل بالظبط بس كل اللى اعرفه انى هموت من قلقى عليه
اسر:عايزة تعرفى ايه المفجاه
قولتله:لا يااسر مش دلوقتى انا هخش الحمام ثوانى وراجعة
قالى:هاجى معاكى
قولتله:لا خليك مرتاح ثوانى بس وراجعة
ومشيت وعينى بتدور عليهم وفعلا شوفتهم وياريتنى مشوفتهم
*********************
إلي هنا ينتهي الفصل الثانى من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا