هذا الموقع محمي بموجب اتفاقية حماية حقوق المحتوي العالمية

رواية اختلاف القلوب وتحدى القدر بقلم هاجر عبدالحليم - الفصل التاسع عشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل التاسع عشر من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل التاسع عشر

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل التاسع عشر

ف الديسكو
ميار بصريخ:اوعى ياحيوان..سيبنى بقولك...انت مودينى فين...الحقونى ياخلق...هو مفيش راجل يساعدنى
مدحت ركبها العربية بالغصب وقال:ياحلوة مفيش حد هيسمعك...احنا خارجين من ديسكو مش من جامع
جاى يركب بس ف ايد مسكت ايدى قبل م يركب العربية
مدحت:نعم
الشخص:موديها ع فين...ايه شغل البلطجة دة....خليها تمشى بالذوق احسلك
مدحت:ايدك جمبك ياشبح..متلعبش معايا ثم انت مالك اصلا....دى واحدة فاكرة نفسها الخصرة الشريفة وهى ف الحقيقة عاه
مكملش جملته بسبب القلم اللى خده
مدحت بعصبية:مش مدحت اللى واحد خرع زيك يضربه...اتحمقت عليها اوى..جرا ايه هو انت تعرفها؟!
الشخص بص ع ميار بحيرة وبعد كدة بصله وقال:هتمشى ولا امشيك انا بطريقتى...وانا الصراحة مخنوق وحابب افش غلى ف اى حد ولا يهمنى
مدحت بص ل ميار وقال بثقة:تتعوض...حظك انك فلتى من ايدى انهردة بسبب اللى عملى فيها عنتر ابن شداد...مسيرك تيجى تحت ايدى..هتروحى منى فين هى الدنيا قد كدة
وبص للشخص وقال:هتندم علشان وقفت ف طريقى..اكيد هشوفك تانى
وبزعيق قال:اطلعى يابت
ميار طلعت بخوف وهى عمالة تعيط ومغمضة عينها مش فتحتها الا لما اتاكدت ان مدحت مشى
فتحت عينها بخوف علشان تتصدم ب
ميار بصدمة:اسر
اسر بسخرية:اه منتوا كلكوا كدة...بوشين... فعلا ان كيدكن عظيم
ميار بعدم فهم:احنا...احنا مين... مش فاهمة
اسر بعصبية:انتى هتستعبطى يابت.. لا بلاش الجو دة مش عليا...انا شايفك ف ديسكو..واحمدى ربنا ان جيتك لولايا كنت روحتى ف الباى باى
ميار:انت مش ملاحظ ان عصبيتك ملهاش داعى
اسر قرب منها وقال بقسوة:كنتى بتعملى ايه هنا؟! مصيرك ع فكرة واضح لو استمريتى ف اللى انتى فيه دة...انتى واحدة شمال...ومش بعيد كنتى حبة تقضى معاه ليلة بس بتعملى اللى عملتيه علشان تكسبى فلوس اكتر
وشد وسطها ليه وقال:طب محنا فيها اهو؟! تعالى معايا وهديكى اللى انتى عايزاه
ميار بصدمة وعياط:اسر ايه اللى انت بتقوله دة؟! مالك قولى فيك ايه؟!
اسر وهو لسة حاطت ايده ع وسطها وبيتكلم بوجع:مفيش انا بس مخنوق وعايز افرفش شوية...شكلى كدة كنت عبيط لما افتكرت انى هحب واتجوز...بقولك ايه تعالى معايا مش هتندمى.. همتعك
ميار:اسر انا ميار...انت عارفنى صح
اسر صرخ بكل قوته ووقع ع الارض ميار اتخضت وقعدت جمبه ومسكاه من كتفه وكانت بتعيط ع حالته
ميار بخوف:اسر...فى ايه...ايه اللى حصل؟!
اسر بصريخ ووجع:انا غبى غبى غبى.... وهى خاينة كلكم خاينين...داست ع قلبى بكل قسوة ياميار...انا حبيتها من كل قلبى....انا مكنتش شايف نفسى الا معاها...قولت دى اللى هتكملنى...روحى بتبقى ناقصها حاجة وهى مش معايا..ميار قوليلى يا ميار هو انا ناقصنى انا مش اتحب...شكلى وحش قوليلى بصراحة...قوليلى ف ايه زيادة عنى...انا جيبتلها عربية وجبتلها شغل...وكنت مستعد اضحى بنفسى علشانها..دة انا كل صلاه بدعيلها وبنسى ادعى لنفسى...هتكون لغيرى اااااااه الرحمة يااااارب
وكان هيحط راسه ع الارض ميار مسكته وحضنته من وشه وقالت بصريخ:كفايا يااسر حرام عليك نفسك...مفيش حاجة تستاهل هى اللى خسرانة صدقنى مفيش اطيب ولا احن من قلبك..اهدى يااسر ارجوك...قوم روح وصلى ركعتين...ولازم تعرف ان مفيش حد احسن منك...ربنا اكيد شايف الاحسن...وليه حكمة احنا مش نعرفها
وفجاه اسر غمض عينه واغمى عليه وراسه وقعت ع حجرها
ميار بخوف وعياط وهى بتفوق اسر
اسر اسر فوق الله يخليك...اسر...انت ليه غاوى تعذبنى...ليه شوفتك انهردة...انت ليه مش عايز تفهم ان بفضل الموت ولا انى اشوفك ف الحالة دى....صدقنى انا كنت بفضل ادعى ليل نهار علشانك وكنت بقولك لو هى خير ليك تقرب منها ولو شر تبعد عنها وتبقى من نصيبى انا يااسر لان مفيش حد هيجبك ادى..صدقنى مش هتلاقى
جابت مفاتيح العربية من جيبه وحاولت تقومه وركبته العربية ووصلته ع اابيت...الكل اتخض لما شاف اسر كدة..وشكروا ميار علشان جابته..بس استغربوا ازاى هى ف الشارع لحد دلوقتى...ف نادوا ع السواق يوصلها لحد باب بيتها علشان اللى عملته مع اسر
تانى يوم
ف بيت ميار
ميار بصريخ: يابا سيب ماما الله يخليك هى عملت ايه لكل دة...لو سمحت سيبها واللى انت عايزه هعمله...
ابو ميار ماسك الحزام وعمال يضرب ف ام ميار وهى عمالة تصرخ من الوجع
ابو ميار بصريخ:انتوا عايزين ايه منى ياولاد***** انا عملت فيكم ايه...هى حصلت تسرقينى...فين الفلوس اللى كانت ف الدولاب ياولية ...انطقى
ام ميار بعياط:ياحاج هو انا مش قولتلك ان دى فلوس ميار ختهم علشان اجيبلها شوية حاجات لزوم الجهاز....وبعدين الفلوس دى فلوسى... انا تعبت وصحتى مبقتش فيا... مسحت السلالم واتمرمط علشانها لا ياحاج الفلوس دى مش فلوسك ااااااااه
ميار بعياط:يالهوى...خلاص يابابا...انا هجيبلك الفلوس..بس سيبها... جسمها جاب دم ومبقتش بتستحمل ضربك ليها عمال ع بطال
طق طق
ابو ميار:افتحى الزفت
ميار بخوف:حاضر حاضر
راحت علشان تفتح الباب لقيت حسونة

حسونة وهو بيضرب كف ع كف:لا حول ولا قوة الا بالله...مالكم بس ياجماعة صوت صريخ الحاجة جايب ل اخر الشارع
ميار بخوف:الحقنى ياحسونة..امى هتموت تعالى حوش ابويا بالله عليكى دة عدمها العافية جوة
دخل حسونة وحاول يبعده من عليها
حسونة:اهدا ياحاج مش كدة دى حرمة ف الاول وف الاخر...ايه اللى حصل بس؟!
ابو ميار:انا متجوز حرامية ياحسونة..بعد كل السنين دى تسرقنى...كان ف فلوس ف الدولاب تقوم تاخدها وتصرفها كلها...انا هطق منها ياحسونة
ميار بعياط:امى مش حرامية يابابا...حرام عليك ربنا هيحازيك ع اللى انت بتعمله دة
ام ميار بعياط:امشى انتى ياميار...روحى شوفى حالك يابنتى
ميار راحت وحضنت امها وقالت:لا ياماما انا مش هسيبك
ابو ميار:جينا لسهوكة النسوان اهو....بت انتى دخلتك ع حسونة بكرة...ف انزلى شوفى ناقصك ايه وهاتيه...ومش عايز اعتراض والا هعمل فيكى اللى عملته ف امك
حسونة:خلاص ياحاج تعالى انزل معايا القهوة...عندى ليك حجر معسل انما ايه يعدل المزاج
ابو ميار:اتفو..نسوان عايزة الحرق...بت... روحى من هنا...امشى بقولك
بصت ع امها بصة اخيرة كلها حسرة ووجع ومشيت
ف قصر الرملى
مروة:يالهوى ياميار كل دة بحصل وانا معرفش حاجة...لا انتى يستحيل تتجوزى الجدع دة...متخافيش انا معاكى..مش هيقدروا يلمسوا شعرة منك
مروة بعياط:ازاى وانا مليش حد ف الدنيا دى...خلاص انا الموت ارحم ليا من الوجع دة كله
مروة:بعد الشر عليكى...لسة الحياه قدامك..ومتخافيش انا هلاقى حل
ميار بحسرة:ازاى يامروة فهمينى...شكلى كدة هرضى بمصيرى...انا اللى غلطانة مكنش لازم اسيب ماما لوحدها هو ليه مش عايز يفهم انها مغلطتش...الفلوس دى فلوسها هى تعبت كتير علشان تجيبهم...هو معاه ومش عايز يصرف مليم ولا عليا ولا عليها كل فلوسه رايحة ع السجاير والسهر لحد م خلاص بقيت زيه وبعمل كل اللى هو بيعمله
مروة بزعل:مش عارفة انا مش لاقية اى حل خالص....بس احنا لازم نفكر ف طريقة نقدر نخرجك بيها من المصيبة دى
وفجاه سمعوا صوت حد بيقول
انا عندى الحل
ف اوضة اية واسد
اسد صحى من النوم لقا اية نايمة ف حضنه ورجلها ع رجله وحضناه من وسطه جامد ع الرغم من صدمته من الوضع الغريب اللى هى نايمة بيه...بس مقدرش يمسك نفسه وضحك بس ضحكة هادية...فضل يلمس ع شعرها لحد م هى حست بيه...فتحت عينها براحة واول م بصت ف عنيه ولقت ابتسامة خبيثة ع شفايفه...برقت عينها وقامت وهى مكسوفة من الموقف
اية:هوااا انتاااا انااااا...هو ف ايه؟!
اسد ضحك بصوته كله وقال:هو انتى طلعتى منهم؟! اقصد اللى بيناموا بالشكل الغريب دة...شكلك كدة من النوع اللى مش بيثبت وهو نايم...لازم يتقلب يمين وشمال
اية بكسوف:سورى لو ضايقتك. انا فعلا بتقلب ..بس ازاى عملت كدة...كان لازم اخد بالى انك كنت نايم جمبى...بس اللى بيناموا مش بيبقوا واخدين بالهم...سورى ها
اسد قرب منها وقال بحب:بلاش كسوف..انا جوزك ياغبية...والاسف دة ملوش داعى...انا حبيت دة منك..ههههههه..بس فعلا شكلك كان يضحك راسك ع صدرى ورجلك ع رجلى وقربت توصل ل بطنى..دة شوية وكنتى هتنامى فوقى
اية قامت من ع السرير بسرعة وكسوف من كلامه
راحت واتطمنت ع نوح لقيته لسة نايم....راحت فتحت الدولاب وطلعت هدوم ل اسد بعد كدة طلعت هدومها..بس قبل متدخل الخمام..حطت هدوم اسد ع السرير ودخلت الحمام كل دة حصل بسرعة...واية كانت مكسوفة ومتوترة اوى...وفضلت تانب نفسها علشان هى اللى غلطانة...اسد كان متابعها بصمت وابتسامة ع شفايفه بس علشان مش يكسفها اكتر
فضل مستتى لحد م هى خرجت من الحمام
اية:انا نازلة تحت شوية
فتحت الباب وجرى ع تحت
اسد:هتجننى امى بكسوفك دة...خلينى معاكى للاخر..يااارب نفسى تحن عليا...عمرى م شوفتها زى منا عايز..يارب انت القادر ع كل شى...خليها تحبنى زى مبحبها..ولو حصل لدبح عجل وفرقه ع الغلابة
ف المطبخ
اية وهى ماشية ف القصر لقت جيسى واقفة قصادها
اية:ف ايه ممكن تعدينى...مالك واقفة كدة ليه؟!
جيسى بغيرة:ف شى صار بينكم امبارح؟!
اية ب استغراب:انتى ازاى تسالى السؤال دة؟! انا مش هجاوبك...خلى اسد هو اللى يجاوبك؟!
جيسى:انا عم اسالك انتى...مو اسد
اية بنفاذ صبر:جيسى بالله عليكى...انا مش فايقة للجو دة خالص...وعلشان اطمنك مفيش حاجة حصلت ولا هتحصل...ولو مش مصدقانى عندك جوزك اساليه
جيسى:ليك اوعى تكونى مفكرة حالك شى كبير..بتعرفى انا لحد هلا م حطيتك ف دماغى..ولو بدى لخرجك من هون انهردة قبل بكرة..بتعرفى لو خلفت عيل ل اسد...هو راح يكون كتير مبسوط...وما راح يقدر يتخلى عنى ابدا..ولو انا خيرته بينى وبينك..اكيد راح يخترنى انا..اسد بيحبنى كتير وانتى مجرد عروسة ب ايده بس ياخد منك يالى بده ياه..وراح يرميكى رمى..هو بس شايفك عم تعنديه علشان هيك متمسك بيكى
اية ع الرغم من خوفها ووجعها بس حاولت تظهر عدم الاهتمام والبرود ف نبرة صوتها
كل اللى قولتيه دة مش يهز منى شعرية....انا هنا علشان انا لازم اكون هنا...انا مرات اسد دى حقيقة لازم تتقبليها وكل اللى هتاخديه انا كمان هاخده و

قطعتها ف الكلام وقالت:لا اصبرى ع حالك شوى...انا لو خلفت ل اسد ابنك ما راح يكون لى اى شى..وحقيقته راح تظهر للكل..انه مانه ابنه ل اسد...وما راح يقدر ياخد اى شى...بس اللى ليه الحق ابنى اللى راح ييجى ع ها الدنيا...نصيحة م تتعشمى زيادة لحتى م تزعلى....واضمنى مستقبله ل ابنك...يفضل ان تاخدى فلوس من اسد وتفتحى مشروع وتصرفى ع حالك وع ابنك...واطلعى من حياتنا ع الخالص.
جيسى حست انها انتصرت لما شافت نظرة الخوف والانكسار ف عنيها...شافت اسد جاى عليهم...خافت ودخلت الاوضة
اسد راح ل اية شافها سرحانة وبصة ف الفراغ
اسد:اية...اية
اية:ها..ايوة
اسد بشك:هى جيسى قالتلك حاجة ضايقتك...متاخديش ع كلامها يااية...الكلام مش بفلوس...هى بس بتسمم ودانك علشان تخليكى تمشى من البيت...اوعى تخلى اللى عايزاه يحصل
اية بخوف:لا يااسد...انت متعرفش هى قالتلى ايه...فعلا كل كلامها صح..ومش هقدر اتكلم فيه...اسد هى عايزة
اسد:قولتلك متاخديش ع كلامها...بقولك يااية هو انتى مش زهقتى من قاعدة البيت؟!
اية:اه والله زهقت جدا...مخنوقة اوى...نفسى اشوف الشارع من ساعة م خلفت نوح واتجوزتك وانا مش بخرج من القصر
اسد:طيب باذن الله ليكى عندى خروجة انما ايه...هتدعيلى عليها..بس ممكن نخرج انا وانتى لوحدينا ولو عايزة تاخدى نوح بردو عادى معنديش مشكلة
اية ع الرغم انها مش حبة تخرج معاه..بس هى فعلا مخنوقة وحبة تشم هوا ف وافقت
اية:تمام بس... هتودينى فين
اسد بهزار:يافرج الله...اخيرا وافقتى نخرج سوا...لا ياعسل الخروجة دى انا اللى هخترها..انتى كل اللى هتعمليه تلبسى وتتشيكى بس ب ادب...مش عايز لبس يخلينى اطربق الدنيا عليكى..عايز لبس محترم اظن فاهمة
اية:فاهمة...طيب قولى ع الاقل امتى الخروجة
اسد:انهردة بليل.. ايه رايك؟!
اية:تمام موافقة
اسد باس راسها وقال:لا اله الا الله
اية بسرحان:محمد رسول الله
عند جيسى
جيسى بغيرة:هيك لكان...ليك هو حتى نسى ييجى ويودعنى قبل ميروح الشيغل...للدرجة هاى اكلتله عقله...اوكى...انا لازم اعمل يالى بدى ياه واخلف الولظ قبل م اية واسد يحصل بينهم شى وتخلف وهيك كل اللى بدى ياه ما راح يصير بنوب...لازم احمل ب اسرع وقت ممكن
ف الجنينة
مروة بصدمة:انتى ببتكلمى بجد...يالهوى...هو ف ايه ياجدعان...هو انا مختوم ع قفايا للدرجادى...ازاى كل دة يحصل...انتى وريان تحبوا بعض...وكمان لبستى خاتم ريان..والعيلة متعرفش...انا دلوقتى عرفت ان انتى مش بتعتبرينى زى اختك علشان لو كنت كدة فعلا مكنتيش خبيتى عليا....لا وايه عايزة ميار واسر يتجوزوا بعض...وانا اللى هعرض كمان ياحلاوة..لا مش ممكن ميار مش هتوافق ع حاجة زى كدة
ميار:بس انا موافقة
مروة فتحت بقها من الصدمة وقالت:نعم ياختى موافقة...لا كدة الموضوع فيه حب...بت انتى بتحبى اسر
ميار بعياط:ايوة
اميرة ضحكت وقالت:بجد اسر دة طيب...ربنا مش رايد قلبه ينجرح...علشان كدة بعتك ليه...متقلقيش انا ومروة هنساعدك...علشان انا كمان مش احس بالذنب...مش كدة يامروة
مروة:والله مروة م فاهمة اى حاجة...غير انى عايزة اضربك قلم واشدك من شعرك علشان خبيتى عليا طول المدة دى...وبعدين انا خايفة عليكى...لسة اهلنا لما يعرفوا...يالهوى دى هتبقى مجزرة
اميرة بخوف:حرام عليكى يامروة مش تخوفينى بليز...انا كنت بحبه..ومعرفش اللى حصل دة حصل ازاى...وبعدين انا وريان خلاص هنواجه عيلتنا وان شاء الله هنكون لبعض
مروة:ثقة ف الله نجاح
ميار:هههههههه...طب ممكن حد يفهمنى ازاى هخلى اسر..يحبنى وكمان يتجوزنى
مروة:ههههههه لا وانتى الصادقة الموضوع هيبقى فيه جواز الاول بعد كدة ادعى يبقى فيه حب
مروة:احنا هنعمل كام خطة حلوين...احنا لازم نقربك من اسر شوية....الاول بس هو انتى تعرفى اسر قبل كدة؟!
ميار:اه اعرفه
وحكيتلهم كل حاجة
اميرة:حلو اوى الكلام دة...اللى حصل امبارح بينكم هيفيدنا كتير...احنا لازم نخليكوا تتقابلوا كام مرة...وكمان لازم يعرف علاقتك ب ابوكى عاملة ازاى
ميارة بحسرة:ازاى وانا خلاص جوازى اتحدد
اميرة:اه صح...يبقى لازم الموضوع يخلص انهردة..يالهوى ازاى..فكرى يامنيلة ع عينك
مروة:اه هفكر...خلاص انا هتصرف عندى ليكوا خطة انما ايه بس لازم تنفذوها صح...موافقين
ميار واميرة:موافقين
واتفقوا مع بعض ع خطة هيعملوها
شوية ورعد نزل
ميار استاذنت ومشيت وقالت انها مش رايحة الدرس انهردة علشان مصدعة ومش هتعرف تستوعب حاجة...واميرة دخلت القصر
رعد:مش يلة بينا
مروة:ايوة يلة
ف العربية
مروة بملل:متشغل حاجة نسمعها بدل الملل اللى راكب الواحد دة
رعد ببرود:مش بحب الاغانى...عندك تليفونى حطى الهاند فرى واسمعى براحتك
مروة:تعرف انك بارد برود الابل..وجحش كدة ف كلامك...صدق اللى سماك رعد..مغلطش
رعد بصدمة:افندم...الكلام دى ليا؟!
مروة:اظن ان مفيش حد غيرى انا وانت ف العربية
رعد بصلها بحدة وقال:تعرفى لولا ان احنا ف الشارع..كنت زمانى حسبتك ع كل كلمة طلعتيها
مروة:اللى عندك جيبه
رعد بزعيق:مروة ف ايه؟!
مروة بعصبية:ف انى خلاص تعبت ومحتاجة اخد قرار

مروة بعصبية:ف انى خلاص تعبت...ومحتاجة اخد قرار..تعرف ايه هو...انى لازم ابعد عنك...انا بتعذب وانا بشوفك...انا تعبت يارعد...لو سمحت قولى بتحبنى ولا لا؟!
رعد بزعيق:انتى عبيطة مش بتفهمى..لحد امتى هفهمك انى مش بحبك...اثبتهالك ازاى؟! ايه رايك اخطب واتجوز وتشوفينى مع واحدة علشان تحرمى تتكلمى معايا ف الموضوع الزفت دة تانى
مروة بصريخ:رعد حاسب
بص بصدمة لقا عربية ف وشه فرمل مرة واحدة مروة رجعت ل قدام واتخبطت ف راسها جامد..هو اتخض عليها
رعد بخوف:مروة...مالك ايه اللى حصل؟! ورينى راسك؟!
مروة بصريخ:اوعى متلمسنيش..روحنى حالا...والا هنزل من العربية...عايز تتجوز واحدة غيرى يارعد...عايز تلمس واحدة غيرى...عايز تحضن وتخلف من واحدة غيرى...لا يارعد..انت ليا انا وبس فاهم
وفضلت تضرب ف صدره جامد وهى بتعيط وتصرخ..وهو مش عارف يعمل ايه...هو متضايق وعايز يهد الدنيا علشان سايفها كدة..بس مفيش ف ايده حاجة
مروة بتعب:خلاص يارعد انا هريحك منى ومن عمايلى...انا هبعد عنك يارعد..هتجوز واعيش بعيد عنك مش هتشوف وشى تانى
ودى كانت اخر جملة قالتها بعد م فقدت الوعى
رعد قلق عليها وحاول يفوقها معرفش
لف ورجع تانى ع البيت
وعمال يضرب ف الدريكسيون ضربات متواصلة ويقول:اااااه انا غبى..ليه ...ليه يامروة...ليه..دة انتى حتة منى...ليه عايزة نبعدى عنى...ليه مصممة نتخانق..ماشى يامروة والله لهوريكى
ف مكان ما
اهى الصور اللى حضرتك طلبتها ياباشا
مين البت اللى معاه دى
دى بنت عمه...واقرب واحدة ليه...تقدر تقول دى نقطة ضعف رعد الرملى
عملت ايه ف موضوع غسان
دعينالو ياباشا...وكان عزاه امبارح
حلو الكلام
وبص ناحية الصورة وقال:انا عايز البت دى
ههههههه اعتبرها بتاعتك ياباشا...كدة هنضرب عصفورين بحجر واحد...تاخد البت اللى انت نفسك فيها...وتدمر رعد الرملى...والفلاشة خلاص كدة بح...محدش هيقدر يقرب منك
تمام خليك ورا رعد الرملى واعرفلى كل حركاته..واعرفلى كمان عمله ايه لما عرفه بموت غسان..كدة لازم يقفلوا القضية وتشوفلى حد تانى يقوم بالعمليات الجاية ومبكونش فيه وجع راس
تمام ياباشا
ف قصر الرملى
ريان:يبنى اهدا هى بخير...الاصابة سطحية يومين تلت تيام كدة هتلاقيها خفت...وكمان حالة اغماء طبيعية...رعد بيحبك اوى يامروة
مروة بصت ل رعد بعتاب هو تجاهل نظراتها وبص ل ريان وقال:ماشى ياريان
ثريا:قولى يارعد...هو ايه اللى حصل بينكم؟!
مروة:اللى حصل يامرات عمى انى خلاص زهقت من العيشة دى ومحتاجة اغير حياتى...ابنك خلاص صحانى من الحلم اللى كنتى فيه ع كابوس مرعب..لازم تعرف يارعد انى مبقتش مروة اللى كانت بتقعد ع حجرك وبتفضل تزن عليك علشان تشيلها..انا خلاص قررت انى هستغل موهبة التمثيل وهمثل وشادى هيساعدنى وكمان بفكر انا وهو نتجوز واخرج من السجن وارتاح
رعد بزعيق:مروة للصبر حدود..اعقلى الكلام اللى بتقوليه قبل ملسانك ينطقه...انتى مش هتخرجى من البيت دة الا لما تخلصى جامعتك
وقرب منها ومسك دراعها جامد وقال:فاهمة
مروة بحدة:سيب ايدى..انت ب اى حق تحكم عليا
رعد:انا اخوكى الكبير ولازم تسمعى كلامى
مروة بحسرة:اخويا...لا يارعد انت مش اخويا انت حبيبى...وطالما انت مش متقبل وجودى ف حياتك..سيبنى بقا ف حالى...خلينى اعيش الحياه اللى انا عايشاها
ومرة واحدة الباب خبط وكان عزيز
عزيز:الحق يارعد
رعد:ف ايه يابابا
عزيز:ابو مروة تحت ف القصر ومعاه مراته وواحد تانى معرفوش
كلهم بصوت واحد:ايه...انت بتقول ايه
*********************
إلي هنا ينتهي الفصل التاسع عشر من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق