U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية اختلاف القلوب وتحدى القدر بقلم هاجر عبدالحليم - الفصل العشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل العشرون من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل العشرون

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل العشرون

ف الصالة
عزيز بصدمة:هو انت بتعمل ايه هنا...وعايز ايه من مروة بعد كل السنين دى؟! لسة دلوقتى فاكر انك عندك بنت
احمد ببرود:انت ملكش حق انك تتكلم بلسان مروة
وبص ل مروة اللى لسة ف حالة صدمة ومش قادرة تستوعب حاجة
احمد بلهفة وهى بيفتح دراعاته ل مروة:تعالى يامروة ف حضن ابوكى ما شاء الله عليكى كبرتى...انا هاخدك ونسافر واوعدك هعوضك عن كل حاجة مريتى بيها
مروة بصت ل رعد ب استغراب وصدمة وقالت وهى بتشد ف قميصه:رعد...قولى مين الراجل دة انا اول مرة اشوفه..بيقول انه ابويا...هو كدة فعلا...قولى يارعد بلاش سكوتك دة
رعد بخوف وهو ماسك ايدها جامد كانه خايف تبعد عنه:
مروة مش هتخرج من البيت دة ياعمى....انت شكلك نسبت انك رميتها وهى لسة ف اللفة مكنش فارق معاك عياطها واد ايه هى كانت محتاجة وجودك علشان تعوضها عن موت امها بس انت عملت ايه سافرت واتجوزت واحدة كلنا كنا رافضين جوازك منها..دى حياتك وانت حر فيها..بس مروة مش هتبعد عن عيونى لحظة..مش هتقدر تاخدها منى
احمد:وانت بتتكلم وبتقرر ع اى اساس...انا ابوها وانت حيالة ابن عمها..انا هاخدها ومفيش حد يقدر يمنعنى
ريان بعصبية:عمى لو سمحت الزم حدودك...مروة دى اختنا ورعد هو اللى رباها...رعد هو اللى ليه الحق انه يقرر يخليها تمشى معاك او لا....وكمان مروة لو عرفت انت عملت ايه مش هقتبل تمشى معاك
احمد:فعلا عرفت تربى ولادك ياعزيز..ع اخر الزمن حتة عيل زى ريان يكلمنى انا بالعصببة دى
مروة بخوف وعياط:رعد انا مش عايزة اروح معاه...خليه يمشى يارعد...ارجوك انا مش عايزة اشوفه..انا مليش اب..انت ابويا يارعد...ابوس ايدك قوله يمشى
رعد حضنها بخوف وقال:متخافيش يامروة
وبص لعمه وقال:مروة هتبقى مراتى..ومش هتقدر تاخدها من بيت جوزها وكمان بالغصب
احمد بعصبية:ايه اللى انت بتقوله دة..انت اتجننت..دة انت شكلك عايز تتربى يابن عزيز
ثريا:احمد امشى بالله عليك..انا عايزة اعرف ايه اللى فكرك ب مروة بعد كل السنين دى...انت مكنش فارق معاك وجودها اصلا...ايه نسيت لما فضلت اعيط واترجاك ان ترحم البت وتخليها تسافر معاك تتربى تحت ضلك لكن جبروتك نسوك واجباتك ك اب....لا يااحمد دة ع جثتى لو ختها..دى روح البيت دة
احمد بندم:والله ندمت...وعايز اعوضها ع كل اللى فات...ربنا غفور رحيم...وانا كنت معمى..كان كل همى ساعتها انى اسافر واتجوز الست الوحيدة اللى خطفت قلبى...وعارف انى غلط لما سمعت كلام سوزى ومختش بنتى معايا
سوزى بعصبية:شو عم بتقول
قطعها صوت احمد الجهورى وهو بيقول:مش عايز اسمع صوتك...اكتمى خالص...انتى السبب ف اللى بيحصل دة دلوقتى
سوزى سكتت بس كان جواها نار قايدة هى مش حبة تكون موجودة...هو اللى حكم عليها بكدة...بصت ل مروة بصات كلها كره وحقد ..محدش عارف السبب دة
احمد ل مروة:علشان خاطرى يابنتى تعالى ف حضنى...دة اول طلب اطلبه منك بلاش تكسفينى...رعد علشان خاطرى قولها انت...شكلها بتسمع كلامك..قولها انى ابوها وعمرى م هعمل فيها حاجة..انا جاى ونيتى خير..صدقنى مش هاخدها منكوا طالما انتوا مش حبين دة
مروة بصت ل رعد بتردد..رعد طبطب ع ايدها وشاورها بعيونه انها تروحله ومتخافش منه
مروة عمالة تعيط بصمت وهى عمالة بتبص ع ابوها ومراته والشاب اللى معاهم اللى لحد دلوقتى مش عارفة مين دة...بقت قريية منه هو مرة واحدة خدها ف حضنه جامد وعمال يعيط بحرقة وصوت عالى لدرجة ان مراته استغربت علشان دى اول مرة تشوفه بيعيط بالحرقة دى.اما مروة ف اول مرة تحس ب انها محتاجة تشد عليه وتاخده بالحضن جامد وتشكيله وتانبه ع اللى عمله وتعيط ف حضنه تحس ان ليها اب يخاف عليها..وفعلا دة اللى حصل شدت عليه جامد وحضنته وحطت راسها ف صدره وعمالة تعيط بصوت مكتوم وبتقول:بابا..بابا انتى هنا فعلا...قولى انك هنا..ليه كدة يابابا تبعدنى عنك...كنت حسة انى مكسورة من غيرك...ساعات لما اكون مخنوقة كنت بتمنى تكون موجودة علشان اشكيلك همومى واحكيلك عن مشاعرى..كنت بشوف صحابى ومعاهم ابهاتهم كنت بحس بحسرة ووجع...ليه خليتنى احس الاحساس دة يابابا ليه
احمد بدموع:الله يجازى اللى كان السبب.. سامحينى يابنتى..والله م غيبتى عن تفكيرى لحظة..ربنا يقدرنى وعوضك
وبص ل رعد وقال: رعد هو انت حابب تتجوز بنتى فعلا...اقصد يعنى الكلام اللى قولته كان بجد..ولا علشان تخوفنى
رعد مش عارف يقول ايه هو محتار فعلا....خايف يقول اه ويظلم نفسه بجوازه منها...وخايف يقول لا يكون فعلا خسرها
احمد:اتكلم يارعد
رعد:الحقيقة ياعمى انا
مروة قطعته وقالت:رعد اخويا يابابا..واعتقد مينفعش الاخ يبص ل اخته والا يكون انسان مش كويس
احمد بشك:بس انا مش مقتنع بدة...ع العموم انا جايلك عريس
الكل اتصدم بما فيهم رعد
ف فلة عبدالرحمن
ف اوضة اسر
اسر باصص ع نفسه ف المرايا بعصبية وغيرة وكل شوية بيشد ويرخى...وف دماغه كل الذكريات اللى جمعته ب اميرة وف دماغه بس كلمة واحدة خاينة..خاينة...خاينة
فتح الحنفية وغسل وشه بسرعة ومرة واحدة جى ف
باله ميار واللى حصل ف اخر موقف ما بينهم
اسر ب استغراب:ايه اللى يخلى واحدة زى ميار...تروح اماكن زى دى...وانا ازاى قولت الكلام اللى قولته قدامها ازاى محستش بنفسى كدة...وكمان تودينى الفلة وتطمن عليا قبل م تمشى...ياترى ايه حكاية البت دى...طب وانا مالى...انا مليش دعوة بيها ولا ليا دعوة ب اى واحدة...انا خلاص هقفل ع قلبى..ومش هسمحله يعرف للحب طريق..انا هكتفى بشغلى وحياتى..وبالنسبة ل ريان واميرة...انا عارف هاخد حقى منهم ازاى
ف اوضة اميرة
ميرا قاعدة ع الكنبة وبتحرك رجليها يمين وشمال بملل
اووووف بقا...انا زهقانة وعايزة اقعد ف الجنينة شوية...تعالى يااميرة معايا
اميرة بتعب:معلش ياميرا...انا تعبانة وعايزة اقعد ف الاوضة...تعالى نرغى احسن..واوعدك اول م حس انى بقيت احسن هعمل اللى انتى عايزاه
ميرا:طب انا معنديش كلام...اتكلمى انتى...ولا اقولك خلاص عرفت انا هقول ايه..هو يعنى هبقا مرات اسر
اميرة بعدم فهم:مش فاهمة...عايزة ايه يعنى
ميرا: عمر قالى انه هيتجوزنى وهيخلينى اعيش معاه ف بيت واحد وهبقى كمان مراته وحلاله وانا مش فاهمة يعنى ايه الكلمتين دول
اميرة بكسوف:بصى ياقلبى لما تتجوزى ان شاء الله...هو يقولك
ميرا بفضول:لا انا عايزة اعرف دلوقتى بليز فهمينى....هو الكلام ف الموضوع دة عيب ولا ايه...لو كدة خلاص انا مش عايزة اعرف حاجة ميرا مؤدبة
اميرة:هههههههههههه اه حرام عليكى ياميرا...بصى ياحبيتى احنا بنات زى بعض ومش هتكسف اقولك بس يعنى يفضل انك تخلى عمر هو اللى يقولك منه هتبقى احلى..وابقى خلى الاسءلة دى ف دماغك ابقى اساليها ل عمر بعد الفرح...تعالى نلعب السلم والتعبان ايه رايك؟!
ميرا:لا انا عايزة العب بنك الحظ
اميرة:ههههههه طيب...يلة نلعب
ف اوضة اية
اية:يبنى حرام عليك...قولى مالك بتعيط كدة ليه...انا اول مرة اشوفك بتعيط كدة...ولا عايز ترضع ولا تنام..عايزنى اشيلك واروح واجى بيك..وانا تعبانة ومش ناقصة فرهدة
ولسة بردو عمال يعيط
اية قعدته ع حجرها وبصت ف عنيه وقالت بتهديد مزيف
اية:اسكت يانوح والا هنادى اسد علشان يديك الابرة..ها
الابرة كبيرة قااااد كدة وهتفضل تعيط كتير
فجاه لقت نوح بيضحك بطفولة وعمال يسقف وينط ع حجرها
اية استغربت بس ف نفس الوقت ضحكت بصوت عالى بسبب ضحكة نوح
اية:طب دة اسميه ايه ونبى..انت بتضحك ليه دلوقتى...لا يااية خلية يضحك احسن..بدل م يعيط....تعرف يانوح..انا محتارة ومش عارفة اعمل ايه...ف احساس بيشدنى ل اسد بس خايفة اسد من النوع الانانى والطماع ع الرغم من شهامته بحس انه بيحبنى بس قولى انت ازاى وهو بينام ف حضن واحدة تانية غيرى ازاى بيحبنا احنا الاتنين هو عنده قلب واحد مش اتنين...مش هقبل انه ياخدنى ب الساهل...والعقربة مراته دى...استغفر الله العظيم...ربنا يقوينى عليها وع سمها اللى بسمعه منها كل يوم دة
ف المطبخ
اميرة بتخرط الملوخية وعمالة تكلم نفسها بصوت واطى:يارب ايه اللى بيحصل دة...معقول ابو مروة ييجى بعد كل السنين دى...لا وكمان جاى ومعاه عريس ل مروة...والزفت التانى اللى اسمه رعد دة..واحد غيره كان اتكلم ودافع عن حبه لكن لا فضل ساكت ومتكلمش..خليه كدة لحد م تضيع منه..واصلا مروة م فتقدة للاهتمام ولو لقيته مع اى حد هتحبه وانا واثقة من كدة
فجاه لقت حد بيقول ف ودانها:تووووووووت
لفت وهى متعصبة لقت ريان واميرة بيضحكوا بصوت عالى
اميرة:بلاش كدة ها
ريان:هو كدة
مروة:بنهزر معاكى ياميرو
اميرة:ونبى ياختى..بالذمة انتى ليكى نفس تهزرى بعد كل اللى حصلك
مروة: take it easy babe
اميرة بصدمة:البت دى مش طبيعية اقسم بالله
مروة:بقولك ايه سيبك منى انا دلوقتى خلينا ف الغلبانة ميار كلمتنى وكانت منهارة
اميرة بخوف:ف ايه تانى؟!
مروة بزعل:انا معرفش والله ازاى ف ابهات كدة...تصورى كتفها ف السرير وجاب حزام وضربها جامد قدام امها وتصورى ليه كل دة...راحت قعدت مع صحبتها جارتها يعنى ف الشارع...راح وخبط عليهم لقوا اخو البت موجود اتعصب عليها وجابها من شعرها قدامهم وعمل اللى عمله فيها
ريان بصدمة:الراجل دة مكانه ف مصحة نفسية...لازم تهرب من البيت دة...احنا لازم نتصرف...بقولك يااميرة هى الساعة كام معاكى دلوقتى
اميرة:الساعة 8
ريان:هى الافراح عندهم بتبقى ب الليل ولا الصبح
مروة ب استغراب:اشمعنى
ريان:اخلصوا ياجدعان وردوا عليا
مروة:عرفت منها ان فرحها بكرة الساعة 10 بليل
ريان:طبعا هى هتكون ف الكوافير من الصبح بدرى واكيد انتى واميرة هتكونوا معاها صح
مروة واميرة:صح
ريان:احنا لازم نخلى اسر يتجوز ميار بكرة الصبح بس ازاى دة يحصل....لازم يشوف ميار وهى ف اصعب حالتها...لازم يشوف معانتها مع ابوها بقولك يامروة...روحى كلمى ميار خليها تيجى هنا ع القصر وحاولى تخليها تيجى ضرورى وكمان كلمى اسر وقولى انك عايزاه ف موضوع مهم
مروة:عمرك اطول من عمرى...انا كان فعلا كان ف خطة ف دماغى علشان اخلى اسر وميار يتجوزوا وتقريبا كدى نفس الفكرة اللى ف دماغك..خلاص ولا تقلق انا هعمل اللى انت قولت عليه..بس يارب ميار تعرف تيجى

اميرة:هو ابوكى فين صح؟!
ريان:كلهم ف المكتب بيفتحوا ف القديم...وياريت بلاش اسءلة علشان انا معرفش حاجة..بجد يامروة مبسوط ليكى جدا...علشان اخيرا ابوكى رجعلك
مروة:ياعمنا بلاش جو المسلسلات والدراما الحزينة دى.انا فعلا مبسوطة علشان ابويا رجعلى وان شاء الله لينا قاعدة انا وهو..اعرف كل حاجة ...بس انا مش فاهمة ليه مراته كدة...عمالة تبصلى بصات غريبة كانى قتلتلها قتيل
ريان:هى موزة الصراحة
اميرة:ريان اتلم
ريان:انتى اللى ف الحتة الشمال ياقلبى...مقدرش استغنى عنك...وصدقينى موضوعنا احنا كمان هيخلص
اميرة:يارب ياريان...الهم دة ع ضهرى بجد نفسى اشيله...بس اطمن ع مروة واسر وميرا...بعد كدة نشوف حوارنا احنا
ريان.تمام ياكبير..بصى بقا يامروة اسمعى كل الكلام اللى هقوله ونفذيه بالحرف الواحد تمام
مروة:تمام
ف المكتب
عزيز:يعنى انت فعلا جاى علشان تكون ف وسطينا مفيش ف نيتك حاجة تانية
سوزى:ليك انت كيف عم تحكى هيك مع احمد
احمد:سوزى لو سمحت ياتسكتى ياتطلعى برة...اسمع ياعزيز انت اكتر واحد عارف اد ايه انا اتظلمت..وعارف كمان ان انا اتجوزت من ام مروة الله يرحمها بالغصب انا مكنتش مقتنع بالجوازة دى...بس ابوك هو اللى حكم عليا ورضيت علشان اكسب رضاه دوست ع قلبى علشانه وفضلت مخلص ليها لحد م ماتت اه غلط لما سيبت مروة بس انا اهو جيت علشان اصلح الغلط دة..بنتى لسة صغيرة وانا اللى هوديها للعريس ب ايدى وهشوف عيالها ان شاء الله
عزيز:يااحمد انا اتمنى انك ترجعلنا تانى...دة بيتك ف الاول وف الاخر انا بس صعبان عليا نفسى...انت مشوفتش نفسك يوم م سافرت عملت ايه انت رفعت ايدك عليا وخليت ثريا تدخل المستشفى لما زقتها واتخبطت ف الحيطة
احمد بندم:المسامح كريم بقا ياعزيز...ايه مش هتقدر تسامح اخوك ولا ايه...وادى راسك ياسيدى ابوسها...ولو عايزنى اعتذر ل ثريا موافق اعمل كدة
عزيز حضن احمد وقال:نورت بيتك ياابن امى وابوية
سوزى كانت متابعة الحوار وهى هتموت مكنتش متوقعة انهم هبتقلبوا بالسهولة دى..واقسمت انها مش هتقعد ف القصر دة فترة طويلة
ف بيت ميار
ميار بصدمة:يانهار اسود ومنيل انت عايزانى اعمل كدة فعلا...مين اللى قالك ع الخطة دى...دة ابليس نفسه ميعرفش يجيبها..
مروة:وكمان العلامات اللى ف جسمك دى هتفيدنا كتير ع اللى ناوين نعمله...تعالى واعملى اللى قولتلك عليه...عايزة لما اشوفك اقول لا دى تستاهل جايزة اوسكار...بس اهم حاجة تيجى ومتخليش ابوكى يشوفك
ميار بحسرة:ابويا...ابويا من ساعت م ضربنى وهو مختفى معرفش راح فين
مروة:طب تعالى انا مستنياكى
ميار:تمام...ربنا يسترها
مروة:ان شاء الله خير
ف اوضة اية
اسد دخل الاوضة وهو مهدوم وتعبان لقا اية مستنياه
اية:اتاخرت كدة ليه
اسد حس بدوخة وقال:مش قادر يااية..انا ماسك نفسى تحت بالعافية..دلوقتى فعلا مش قادر..حاسس ان بطنى بتتقطع..
اية جريت عليه ومسكت بطنه وقالت:ورينى كدة
لقت بطنه مجروحة كان ف حد ضربه بسكينة
اية بخضة:اسد انت
وفجاه اسد اغمى عليه
اسف جدا ياجماعة الحلقة صغيرة
بس ان شاء الله الحلقة الجاية هتبقى طويلة ودسمة وكلها احداث
*********************
إلي هنا ينتهي الفصل العشرون من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة