هذا الموقع محمي بموجب اتفاقية حماية حقوق المحتوي العالمية

رواية اختلاف القلوب وتحدى القدر بقلم هاجر عبدالحليم - الفصل السادس و العشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل السادس و العشرون من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل السادس و العشرون

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل السادس و العشرون

ف فلة عبد الرحمن
ميار جات الفلة وكانت شايلة شوية حاجات ع ايدها وكانوا تقال
ياسمين ندهت ع حد من الخدم علشان يطلع معاها الشنط بس قالتلها تتطمن ع الشنط وتنزلها علشان عايزة تتكلم معاها ميار بلعت ريقها بصعوبة وقالت ف سرها:استر يارب
ف قصر الرملى
ف الصالة
اسد:يعنى هو حاليا كويس..ولا نروح المستشفى نتطمن احسن
ريان:ع اساس ان انا بتاع جوافة يعنى ولا ايه؟! منا قولتلك الرصاصة سطحية وكانت ف دراعه يعنى بعيدة عن القلب..مفيش داعى للخوف..المهم..انت ايه اخبارك؟!
اسد:الحمد لله زفت ع الاخر...ف قضية كنت متكلف بيها وتعبانى..والله م عارف انام
ريان:قضية ايه دى؟!
اسد:قضية خطف الاطفال الموضوع دة كتر اوى..تصور بقا موجود ف المناطق الراقية مش بس ف القرى والمناطق الشعبية..اكتشفنا ان ف واحدة ست لابسة لبس شيك جدا اللى يشوفها ميقولش ابدا انها ممكن تخطف طفل..المهم بتخلى الطفل يعديها الشارع يروح يعديها بحسن نية هى تطلع مطوة وتحطه ف ضهره علشان ميلفتش نظر الناس تروح تركبه العربية اللى فيها باقى العصابة ويطلعوا بيه ع المخزن ويقتلوا الطفل وبيبعوا الاعضاء بتاعته
ثريا بحزن:ياااه هى ليه الدنيا بقت وحشة كدة...ازاى يجيلهم قلب يعملوا كدة...دى الام تخاف تنزل ابنها الشارع علشان بس يجيبلها حاجة دى بقت بتبقا مع ابنها خطوة ب خطوة..النصيبة ان مش بس الاطفال هما اللى بيتخطفوا دول بقوا بيخطوا الرجالة والستات كمان
ريان بهزار:ياحزنى..دة ع كدة اخاف ع نفسى هيغتصبونى يعنى ولا ايه؟! بقولك يااسد انت تجيبلى المسدس يبقى معايا انا كمان..الواحد ليه روح واحد ياخويا.مش زيكوا انتوا ب سبع طرواح
ثريا واسد ضحكوا بصوتهم كله
اسد:لا متخافش ..دول ليهم مواصفات خاصة..انت متنفعش معاهم ابدا...المهم روح جهز نفسك علشان كتب كتابك وفرحك..واحلق دقنك دى بقت ظاهرة اوى
ريان: اه فعلا بس والله انا كان نفسيتى زبالة بسبب موضوع اميرة دة...مكنش عندى خلق اعمل اى حاجة..دة حتى اميرة طلبت منى كذا مرة انى احلقها..قال ايه خشنة وهتشوكها..ايه البنات المسهوكة دى ياراجل
ثريا:يوه ياواد عيب كدة...انا واقفة...حد يقول الكلام دة
ريان قام وباس ايدها وقال:حقك عليا ياست الكل..متزعليش منى
ثريا:خلاص ياريان انا مش زعلانة..المهم عندى انك تكون مبسوط..مش عايزة حاجة اكتر من كدة..جايز اكون غلط لما حسيت انك بتحب ميرا..بس والله ربنا يعلم انى كنت عايزة مصلحتك المهم مش عايزاك تخبى عليا اى حاجة تانى حتى لو كانت تافقة فهمنى يبنى
ريان:فاهم ياست الكل
شوية ودخلوا ميرا واميرة ومروة
اميرة:السلام عليكم
الكل:وعليكم السلام
ريان:تعالوا يابنات
مروة:انا مش فاهمة..هو انت عامل ل اميرة عمل ولا ايه؟! البت خلت دماغنا تصدع طول الطريق عمالة تتكلم عليك...وانا عمالة بندب ف حظى
ريان:هههههه ليه بس ياقلبى..مين اللى زعلك وانا افرمهولك؟!
مروة رفعت حواجبها وقالت:تقدر
ريان بص ل اسد وبعد كدة بصلها وقال:جربينى
مروة:رعد
ريان:اخس يامروة هو انتى متعرفيش انى بق ولا ايه..دة انا اكتر واحد فشار فى الدنيا..افرم رعد..دة هو اللى يعملنى كتفة..والله معرف بتحبيه ع ايه...دة ربنا يكون ف عونك لما تبقى ع ذمته
مروة:ههههههههه والله بدعى لنفسى من دلوقتى
ترن ترن
اميرة:مين ياميرا
ميرا:دة عمر
اميرة:مالك ليه الكسوف دة..انتى خلاص يومين وهتكونى مراته
ميرا:يعنى دى حاجة تستاهل انى اكون مبسوطة علشانها
اميرة:طبعا ياحبيتى دى سنة الحياه..وعمر بيحبك وحياتكوا هتكون مستقرة..وهتحبى عيشتك معاه
ميرا:طيب ..انا هطلع اكلمه
اميرة:تمام روحى اتكلمى معاه ف اوضتى براحتك وبعد كدة هتلاقينى مع مروة ف اوضتها بنقيس الفستانين
ميرا:اوكى
اميرة شدت ايد مروة وطلعوا الاوضة قاسوا الفساتين بسعادة وفضلوا يتكلموا كتير ويتصوروا بطفولة ع الموبايل وبطريقة تضحك..شوية وجات ميرا وكملت هزار معاهم
ف فلة عبدالرحمن
ف المطبخ
ميار:ايوة ياطنط..حضرتك عايزانى
ياسمين:ايوة تعالى
ميار راحتلها وقالت:نعم
ياسمين بصتلها وقالت:انتى بتحبى اسر؟!
ميار سكتت ومش عارفة تقول ايه
ياسمين:مش بتردى ليه؟!
ميار:ابدا بس انا الصراحة مش من حقى اجاوب ع السؤال دة
ياسمين:مش من حقك ليه؟!
ميار:انا بحبه اوى ياطنط..ونفسى هو كمان يحبنى.هو اتجوزنى شفقة.مش حب ابدا.هو اللى قالى كدة. قلبه مجروح ياطنط...حاسة انه بقا شخص تانى ومش عارفة دماغه فيها ايه من ناحيتى
ياسمين:انتى متخيلة انه ممكن ياذيكى؟!
ميار:لا لا ياطنط انا مش قصدى كدة والله..بس هو ع طول تجاهل وزعيق وعنده غموض ف شخصيته غريبة انا مش فاهمة حاجة بجد.
ياسمين:ولا انا كمان فاهمة..بصى يابنتى انا هساعدك تكسبى قلب اسر ابنى وعايزة اقولك ان الموضوع سهل ع فكرة..اسر مفيش احن منه...يطلع يطلع وينزل ع مفيش...الموضوع عايز منك صبر بس...وحاولى تكونى عنيدة معاه يعنى بلاش الخوف والرعشة اول ميكلمك او يزعق فيكى.. وانك تعملى كل اللى يقولك عليه بالحرف والكلمة انتى مش الة..خلى يبقى فيه مناقشة خليكى قطة مخربشة هو هيحب كدة...ومش تديله اى حاجة بسهولة..حتى الزعيق مش من حقه...خليكى ماكرة..وخدى معاه مبدا شوق ولا اتدوق فاهمة ياميار
ميار ب ابتسامة واسعة: فاهمة ياطنط
ياسمين:خليها ماما احسن...انا واثقة انها هتطلع منك احلى
ميار:حاضر ياماما
بليل
ف مكان ما
اشخاص بيتكلموا مع بعض
هى فين
ف المخزن ياباشا
طيب انا داخلها
ودخل للبنت دى كانت مغمى عليها وايديها متكتفه ب سلسلة من حديد
ايدة محدش لسة شاف شغله معاها ليه؟! اخلصوا يابهايم شوية والملك جاى علشان ياخدها للعوامة بتاعته
هو هيعمل فيها ايه ياباشا؟!
ودى عايزة كلام هياخد مزاجه منها بعد كدة هيوديها للمافيا يستغلوا جسمها الحلو دة ويصورها كام صورة حلوة ب قمصان نوم انما ايه..بعد كدة يتمتعوا كام يوم ويرموها ل اى زبالة
وبعد كدة بصلها وقال برغبة:كان نفسى اخد منها حتة..بس خلاص مليش نصيب ف حتة الاشطا اللى قدامى دى...صحوها بعد كدة جهزها علشان الملك كمان ساعة جاى
فى راجل منهم جاب جردل فيه مياه ساقعة تلج ورماه عليها
البنت فتحت عينها بفزع وجسمها كله بقا يترعش وبتضغط ع سنانها جامد من السقعة
واحد قالها بزعيق:اسمك ايه ياروح امك؟!
البت برعشة:سراب
ياترى ايه حكاية سراب دى؟! ومين دول؟!
وجابوها ازاى؟! وياترى مصيرها ايه؟!
دة اللى هنعرفه بعدين
ف قصر الرملى
بليل
ف اوضة جيسى
اسد:خير ياجيسى
جيسى وهى بتقلعوا البدلة وبعد كدة قربت منه تفتح زرار القميص هو مسك ايدها وغمض عينه جامد وقال:انتى بتعملى ايه؟!
جيسى ب استغراب:شو فى يااسد..كانك مانك متحمل لمستى اليك..للدرجة هاى..مو بدك يانى..وعم تتهرب منى كمان
اسد ب استغراب:هو ايه اللى عملته علشان تقولى الكلام دة؟! كل الحكاية انى تعبان..ومش قادر
جيسى بغيرة:لو انا كنت اية..كينت راح تقول هيك..اكيد لا مو هيك..ما بعرف طالما انت عم تحبها هيك..ليش مخلينى اعيش معك..ولا انت مخلينى كرسى احتياط..لو هى رفضتك تيجى لعندى...لانه انت لو طلقتنى راح تكون خسرت..لان اية لسة بتحب زوجا الاول..وما راح تسلم نفسا اليك بسهولة
اسد بغيرة مسك ايدها جامد وقال بعصبية:اتكلمى معايا عدل..انا جوزك مش واحد بلعب معاكى ف الشارع...وانتى لو عايزة تطلقى..هطلقك..معنديش اى مشكلة..انا لو شاورت هلاقى مليون بنت ف وشى...والدنيا مش هتقف سواء عليكى ولا عليها
جيسى ضربتها ف صدره ضربات متواصلة وهى بتقول بعصبية وعياط:بس انا عم احبك...ليش قلبك حجر هيك ليش هيك عم تعمل فينى..حرام عليك..والله قلبى عم يتقطع من غيرتى عليك...ليش ما تدينى اللى بدى ياه منك...بدى حس انى لسة بقلبك..ولو بالكذب..ليش الخيانة ليش..انا بكرهك الله لا يوفقك..كتير بكرهك
اسد مسك ايدها وقال بزعيق:اهدى بقولك اهدى بقا
جيسى بعصبية:لا ما راح اهدا...ما راح اسمع كلامك..انت ظالم..وبدك تاخد كل شى...انا راح امشى من هون..وما راح تشوف وشى...وخلى قلبك يتحرق مع اللى شقلبت حالك...وما راح تاخد منها اى شى..هى واحدة بتدور ع مصلحتا وبس..ولو ايجت فرصة..راح تبعد عنك..هي كلبة فلوس..ايه والله..وما راح تحبك...انا بس اللى بحبك...بعد عنى بقا
جات تبعد بس هو مسكها من وسطها وقال بزعيق:انتى عايزة ايه..عايزة تحسى انك مراتى..وملكى..انا هعملك اللى انتى عايزاه
وشالها وحطها ع السرير..واستسلمت ليه بالكامل
وابتسمت بمكر ظنا منها ان شوية الكلام والتمثيل دة كله اثر ف اسد
والصدمة ان اية كانت سامعة كل الكلام وسمعت كلمة جيسى وهى ف حضن اسد وهى بتقول:كتير بحبك اسد
حطت ايدها ع ودانها وعمالة تكتم عياطها بالعافية ودخلت اوضتها وقفلت الباب بعنف وقعدت ع الارض وهى عمالة تعيط
اااااااه يااااارب مش قادرة استحمل يارب..يارب الاختبار دة صعب اوى..انا تعبت وكرامتى كل مدا بتوجعنى..امشى واسيبه وتبقى انتصرت عليا..ولا احاول اكسبه علشان اكسبه انا ويطلقها..ايوة انا عايزاه يطلقها..انا مش بحبها ولا عايزاها ف حياته..انما هو خاين وسافل...خااااااين..اااااااسد انت خاين...وانا بكرهك..اااااه بكرهك...لا انا بحبك...بحبك يااسد
وقعدت ع الارض ونامت بوضعية الجنين..وفضلت تعيط بحرقة وغيرة..لحد م غلبها النوم
عند مروة ورعد
مروة دخلت الاوضة وكانت معاها الاكل
لقت رعد صاحى وباصص ناحية نقطة ف الفراغ
مروة:احم احم
رعد بصلها وضحك وقال:تعالى يامروة
مروة راحت وقعدت جمبه وقالت:يلة علشان تاكل..انت مش كلت من الصبح..واخواتك قلقانين عليك اوى
رعد:بكرة هبقا كويس ان شاء الله وهفطر مع اخواتى قبل م كل واحد يروح شغله...مروة بقولك
مروة:نعم
رعد بغيرة:هو انتى فعلا بتحبى مراد
مروة بتوتر:مراد!!! ليه السؤال دة دلوقتى يارعد؟! خليك ف اللى انت فيه..بتشغل بالك ب مواضيع تافهة
رعد:بس دة مش موضوع تافه..انا محتاج اعرف علشان اعرف اتصرف...علشان لو انتى عايزاه يبقى اكلمه ونحدد ميعاد قراية الفاتحة
مروة بصدمة:قراية فاتحة!!
مروة قامت وقالت بعصبية:انت بجد واحد عنده انفصام..لا انت مجنون..لا انت واحد عايز يروح مصحة نفسية علشان يتعالج..انت مش معقول بجد..كلامك حاجة وافعالك حاجة تانية خالص
هو انت عايز ايه بس فهمنى..عايزنى ولا لا؟!
رعد بحزم:مش بحبك ولا عايز اتجوزك..انتى طفلة..خوفى عليكى وغيرتى دى..علشان بحس انك اختى..واى تفسير تانى ف دماغك غير كدة مش صح...حاولى تحبى مراد هو انسان كويس وهيسعدك...انا تعبت بجد وانا بقالى اكتر من سنة بشرحلك وانتى مش عايزة تفهمى..اعمل ايه تانى...انا علشان اثبتلك ان اللى ف دماغك دة مجرد اوهام انا هخطب وف خلال اسبوع من دلوقتى...انا قعدت مع نفسى وحاولت انى احبك واشوفك انثى وزوجة لكن صدقينى مقدرتش..انا اسف
مروة بعصبية:يعنى بالنسبالك عادى ابقا مرات حد تانى غيرك
رعد:عادى
مروة:وابقا بتاعته وملكه وف حضنه وام ولاده ويلمسنى ويومرنى وقت مهو عايز
رعد بغيرة اخفاها ببراعة:عادى
مروة بعصبية بصت ع الاكل وقالت:هو الاكل دة اسمه ايه؟!
رعد بدهشة:نعم!!!
مروة:مترد وخلاص..خدنى ع قد عقلى يااخى
رعد:شوربة فراخ..ورز وكوسة وملوخية
مروة:شاطر
راحت مسكت طبق الملوخية ودلقتها ع راس رعد ومسكت كباية المياه ودلقتها ف وشه ورز بهدلت بيه السرير
وهى بتصرخ وتقول:غبى..عديم الرحمة..ااااااه...ماشى يارعد...والله مهستنى قراية فاتحة ولا نيلة هكلم بابا يعجل الجوازة دى..علشان اخرج من سجنك..يامفترى..تستاهل اكتر من كدة..اوووووف..جاتك داهية ف شكلك
ومشيت مع رزعة باب محترمة
هو فضل مبرق بعنيه ناحية الباب بصدمة وهو بص ع نفسه وهو راسه كلها ملوخية ووشه اللى كله مياه...وفجاه لقا نفسه بيضحك جامد بصوت رجولى هز البيت كله..لدرجة انه مسك بطنه من الوجع
اااااه يخربيتك مجنونة والله..دى اول مرة تعمل معايا كدة..يعنى يوم متشطح تنطح..بهدلتنى منها لله...ماشى يامروة..والله هردها ليكى...انا عديم الرحمة وغبى ومفترى دة ظنك فيا ههههههههه ماشى يامروة..هقول ايه..منتى تربية رعد هتطلعى ازاى يعنى
قام وخدش دوش وغير هدومه ونام ع الكنبة بدل السرير وهو ع وشه ابتسامة مش عايزة تفارقه
ف اوضة مروة
عمالة تتنطط ع السرير وتقول
ااااااه..هيجننى يااميرة...هيجنننى.اااااااه....انا همووووت..قال عايز يخطب قال..دة انا اقتله واقتلها..اصبر كل دة..وف الاخر يقولى كدة.. بس والله يستاهل اللى عملته فيه
ريان:ههههههههههههههه.....اللحظة دى كانت محتاجة تتصور...بقا رعد الرملى يتعمل فيه كدة...ومنك انتى كمان...يانهار ضحك
اميرة:مش مصدقة انك خرجتى من اوضته سليمة
مروة:والله ولا انا...بقولك هيخطب...الواد دة هيتحرك امتى...لما اشيب حد يكلمنى ويقولى
ريان:يامجنونة اعقلى...والله بكرة ان شاء الله يعنى هيعرض عليكى الجواز قصاد الناس كلها...ومش هيتردد لحظة انه يعمل كدة
مروة:قرب منى تعالى
قرب منها هى مسكت كتفه ونطت من ع السرير وقالت:احلف انه هيعمل كدة
ريان:هههههههههههه والله قولت والله ههههههههههه..وياريت بلاش تسالى ازاى..سيبينى افكر كدة ف خطة تخلى اللى ف دماغك ودماغى يحصل...بصى انا هعزم مراد ع الحفلة اللى هتتعمل بكرة...وهحاول اتفق معاه ع كام حاجة كدة..وهبلغك بيهم..ويارب خطتنا تنجح
مروة:يارب
ف فلة عبدالرحمن
ميار دخلت الاوضة فتحت دولاب اسر وجابت القميص بتاعه وقلعت هدومها ولبسته وفضلت تلمسه بحب وجابت الرفيوم بتاعه ورشت نفسها بيه وفضلت تلف جامد ووقعت ع ااسرير وهى بتقول:بحبك...بحبه ياناس بحبه اووووووى
وحطت ايدها ع وشها
وجابت مشط ووقفت ع السرير وابتدت تغنى وهو يتتحرك راسها يمين وشمال بطفولة وسيبت شعرها كان طويل وواصل لحد اسفل ضهرها
معجبة مغرمة
انا بقا مش عايزة الا هو
مشيته همسته
نظرته بتحرك قلبى جوة
معجبة مغرمة
انا بقا مش عايزة الا هو
مشيته همسته
نظرته بتحرك قلبى جوة
حد يقوله حد يقوله
انى بحبه الحب دة كله
حد بقوله حد يقلوااا
انى بحبه الحب دة كله
حد يقوله بجد انا عايزا
اصلى مسكوفة اروحله واقوله
ايوة خطفنى بسحر جماله
شوقى بينله وعينى قايلاله
خايفة مكونش انا اللى ف باله بعد دة كله
خرجها من اغنيتها صوته الجهورى وهو بيزعق ويقول:مياااااار
اتخضت ووقعت ع السرير
ميار ب الم:اى ضهرى
اسر قرب منها وبصلها بعصبية ونظرات حارقة
تقسم ان لو كانت حقيقية لكانت رماد الان
ميار بخوف قامت من ع السرير ووقفت عليه وقالت:براحة اهدا بص هفهك استنى والله هفهمك..انا كنت كنت اه انا كنت سلام عليكوا
وجت تدخل الحمام بس هو مسك ايدها جامد وقال بزعيق:ايه دة؟! انتى لابسة هدومى ليه؟! وانتى كنتى بتغنى الاغنية دى لمين؟! انطقى.. القطة اكلت لسانك ولا ايه؟!
ميار بخوف: والله انا كنت
وفجاه بصتله بتحدى:وانت مالك اصلا..اعمل اللى انا عايزاه..طالما مش بعمل حاجة غلط.وبعدين بلاش مخك يروح ل لبعيد انا كنت بعمل بروفة ع مسرحية هعملها اتا وشادى ع مسرح......... وكنت بلبس هدوم شباب فملقتش الا هدومك
اسر ضحك بصوته كله وقال بسخرية:لا والله لا بجد اقنعتينى. انتى فاكرانى عبيط ولا ايه
وقال بعصبية:انا مش بعتبرك مراتى..انتى واحدة عايشة زى البهايم تمام..تاكل وتشرب وتنام...واحمدى ربنا انى هخليكى تكلمى تعليمك..والهبل والمياصة اللى حصلت من شوية اياك تتكرر تانى...وحبك اللى بقا

ظاهر دة تخرجية من قلبك..والا انا اللى هخرج الحب دة بطريقتى انتى فاهمة
ميار بعياط:طب هو انت ليه مش عايز تدينى فرصة...يمكن تحبنى وتبقا حياتنا مستقرة زى اى زوجين
اسر بزعيق:مستحيل..عايزانى احب علشان اتجرح تانى
اسلم قلبى لواحدة زبك انتى..بتشرب وتسهر ف اماكن لبنات ليل..انتى مش مضمونة خالص
وبصلها بمكر وقال:بس احنا ممكن نعمل ديل مع بعض
ميار:ديل!! ديل ايه؟!
اسر شالها وعينه ع السرير وقال:تعالى هقولك ديل ايه؟!
ياترى ايه اللى هيحصل ببنهم؟!
*********************
إلي هنا ينتهي الفصل السادس و العشرون من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق