مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل السابع من رواية اختلاف القلوب وتحدى القدر بقلم هاجر عبدالحليم.
رواية اختلاف القلوب وتحدى القدر بقلم هاجر عبدالحليم - الفصل السابع
اقرأ أيضا: رواية عشق الزين (الجزء الأول) بقلم زيزي محمد
 |
| رواية اختلاف القلوب وتحدى القدر بقلم هاجر عبدالحليم |
رواية اختلاف القلوب وتحدى القدر بقلم هاجر عبدالحليم - الفصل السابع
فجاه سمعت صوت اسر بيقول:اميرة هو انتى ليه معظم الوقت ع طول سرحانة كدة
بصتله وقولت:لا مفيش حاجة...انت عارفنى من يومى وانا بسرح كتير
قالى:بس مش بالطريقة دى يااميرة...انا كنت بكلمك بس انتى مكنتيش معايا خالص...اميرة احنا اهو بقالنا 8 شهور تعرفى لولا ترددك دة كنا انا وانتى دلوقتى متجوزين ومش بعيد تكونى حملتى كمان
قولتله بتوتر:انا اسفة يااسر انت عارف غلاوتك عندى انت صديق طفولتى ومش بقدر ازعلك منى انا وافقت علشان انا كنت شايفة عيلتك حابين دة..وكمان شوفتك مبسوط اى نعم اتصدمت بمشاعرك دى بس انا اهو بحاول يااسر
قالى بصدمة:انتى ليه محسسانى انك مجبورة ع العلاقة دى...انا مضربتكيش ع ايدك علشان توافقى بيا يااميرة....ولو مش حبة خلاص ننهى الموضوع دة...انا صبرت عليكى بما فيه الكفاية...اهلى بيسالونى ليه الوقت دة كله...اميرة قدامك يومين لو مش حبة خلاص انا مش هضايق ودة وعد شرف منى ليكى..ولو قولتى اه هنكتب الكتاب مع ميرا وريان
اتصدمت من كلامه هقوله ايه بس يارب
قولتله:هما خلاص ناوين يكتبوا الكتاب
قالى:ريان جى انهردة من باريس وكلم بابا واتفقوا كتب الكتاب هيبقى الاسبوع الجاى ان شاء الله
قولتله وانا بحاول ادارى وجعى:خلاص يااسر...هنكتب الكتاب مع ميرا وريان
قالى بشك:متاكدة..بس علشان متظلميش نفسك ولا تظلمينى...علشان انا الصراحة مش حمل جرح منك
قولتله:اسر متخلنيش احس بالذنب انا مكنتش متاكدة من مشاعرى وكنت بحاول احول علاقتى بيك من مجرد صديق لشخص هيكون زوج وحبيب اعتقد الموضوع دة بياخد وقت
قالى:خلاص يعنى ختى الوقت دة ولا لسة؟!
قولتله:اه خته يااسر
لفيت تليفون اسر رن فتح موبايله وبص عليا وقال:دة ريان ثوانى ورجعلك
ريان...ياترى بيرن عليه ليه...خلاص هو عايز منى ايه..هو هيكون لواحدة تانية غيرى..لازم ابتدى صفحة جديدة مع اسر...يمكن احبه مع الوقت
ف قصر الرملى
عرفت من ميرا ان اسر مع اميرة ع الكورنيش وعرفت كمان ان ف خلال 5 شهور كانت بتتهرب من اسر كل ميفتح معاها سيرة الجواز الموضوع دة اكدلى ان ف احتمال كبير تكون اميرة بتحبنى...بس ياترى انا فرحان بدة ولا متضايق...مش عارف حاسس انى متلغبط..انا كلمت عمى وحددت معاه كتب الكتاب ع امل انى اتجوز بسرعة واعيش مع ميرا وتحاول تخرجنى من الدوامة اللى انا فيها مش عارف من ساعت مشوفت عيون اميرة ونظرة الحب والعتاب اللى شوفتهم ف عنيها وانا بجد مش فاهم مالى..كلمت اسر وحاولت اعرف ايه اخر اخبار علاقته ب اميرة تقريبا حكاله كل اللى اعرفه بس الصدمة الحقيقة انه قالى ان كتب كتابه هو واميرة هيبقى ع اخر الاسبوع وعبرلى عن سعادته بالقرار دة حاولت اكون معاه مبسوط رغم صدمتى دة معناه انى فهمت غلط...ممكن تكون بتحبه فعلا...طب انا متضايق ليه...المفروض افرح علشان كدة مش هحس بالذنب ناحيتها
بصيت من البلكونة لقيت اسر داخل بعربيته وكان معاه اميرة..بصيت عليهم بس للاسف معرفتش هما بيتكلموا عن ايه...لقيتها نزلت وبصت ناحيتى اتقابلت عيونا بسرعة ومشيت داخلة ع القصر
دخلت القصر قولت اخش عند اية شوية اطمن عليها قولت اكيد هى متوترة دلوقتى علشان خاطر حددوا كتب كتابها ع اسد بس فجاه لقيت حد شدنى من دراعى
بصيت بصدمة وقولت:انت...عايز ايه منى
قالى:بلاش الحدة دى ياقطة...وبعدين انا رجعت من السفر مش تقوليلى حمد لله ع السلامة
قولتله بحدة:مش بقول لحد حاجة..وابعد عنى بقا والا قسما بالله هقول لميرا وهى بقا اللى تتصرف
قالى ببرود:اخس عليكى ياميرو....وبعدين انتى صعبانة عليا اوى تحبى واحد مش بتحبيه ليه...وبعدين الصراحة انا قعدت افكر عن سبب تصرفاتك الغريية معايا وتصرفك المبالغ فيه ساعة مكنا ف المطعم الصراحة ملقتش تفسير الا تفسير واحد منطقى وهو انتى بتحبينى وبتحاولى تدارى مشاعرك دى علشان انتى حساها غلط صح
يارب هو كدة عرف بحقيقة مشاعرى...لا يستحيل لازم اثبتله العكس علشان يعرف ان هو غلطان ومبقاش سبب ف جرح قلبين مش قلب واحد
قولتله بشجاعة صدمته وفعلا نجحت ف ان اخليه يعرف ان ممكن تفسيره دة يطلع غلط
كل اللى انت بتقوله دة تهيات ف دماغك..معقولة احب واحد مشوفتوش غير مرة او مرتين...انا بحب اسر وهتجوزه وبمجرد منكتب الكتاب هقول لعمى يحدد معاه الفرح...علشان بس تتاكد ان تفكيرك دة كله غلط..اسر دة صديق طفولتى وهيقى جوزى وابو ولادى وانت بالنسبالى لا شى....انت متفرقش معايا اصلا
وحطيت صباعى ف وشه وكملت بتهديد:واياك تقرب منى وتفتح معايا السيرة الزفت التانى والا هنفذ تهديدى ولازم تعرف انا مش بتاعة كلام لقيته لوى دراعى جامد وقال بحدة:اوعى تفتكرى انى هموت عليكى لا ياماما فوقى انا معايا اللى مالكة حياتى...وانا معايا دهب اسيبه واروح للتراب...وانا بس عايزك تعرفى انى يستحيل ابصلك اصلا...ونصيحة منى لو بتحبينى ف احسلك تشيلى الحب دة من قلبك لان مصيره الفشل..سلام
دخلت اوضتى ورزعت باب الاوضة جامد..فضلت اروح واجى وانا متعصب وكان هاين عليا اكسر كل اللى ف الاوضة..لقيت نفسى برن ع ميرا وبطلب منها نتقابل سوا ف اى مكان...اعتذرتلى وقالت انها مشغولة ومش هتقدر وقالت هتاخد بكرة اجازة وهنخرج انا وهى ف اى حتة
قغلت معاها وقعدت ع الارض بعمل ضغط وانا مش عارف النار اللى جوايا دى مين هيطفيها
ف اوضة مروة
كنت قاعدة بذاكر فجاه لقيت الباب بيخبط ببص لقيته رعد
قولتله:افندم
قالى:ممكن ادخل ولا مش مرحب بيا
قولتله بقسوة:انا اسفة مش بدخل حد غريب ف اوضتى..حاجة تانى
قالى بصدمة:ودة من امتى ان شاء الله...مروة انا تقريبا مش بشوفك ع طول ف دروسك واوضتك يتقعدى مع كل العيلة الا انا...ممكن اعرف ايه السبب
قولتله وانا بحط صباعى ع راسى ف الاتجاه اليمين
مزاجى كدة...مش عايزة اشوف وشك اللى بقا بيعصبنى...سيبنى اركز ف دروسى لحد مييجى الشخص اللى ينجدنى منك
لقيته دخل وقفل الباب وبصلى بعصبية وقال:ينجدك منى...منى انا... انا اللى رببتك لولايا كان زمانك دلوقتى ف ميتم..انا اللى كنت بحميكى من بابا لما بيحب يعاقبك لما كنت بتعملى حاجة غلط...انا اللى كل عيد كنت بحوش علشان اديكى عديتك وكنت بفرح لما اشوف نظرة الفرح ف عنيكى...انا اللى كنت بلعب معاكى وكنت بحاول احميكى حتى من نفسى ومن عقابى ليكى...دلوقتى عايزة حد ينجدك منى
بصيتله بعصببة وقربت منى وقولت:انت عايز منى ايه...عايزنى اقرب ولا ابعد..عايزنى اكون اختك ولا حبيتك عايزنى افضل لزقة فيك زى اللبانة ولا اهتم بنفسى ويبقى ليا اوليات غيرك ف حياتى...انا لحد دلوقتى بحبك وهفضل احبك ل اخر نفس فيا....بس انت مش بتحبنى يبقى خلاص سيبنى ادواى جرحى دة بعيد عنك
برقت فيها جامد..مش معقولة دة كلام طفلة..وبتقول انى جرحتها...انا مجرحتهاش انا مش وعدتها بحاجة
قربت منها وقولت:مروة حببتى
قالتلى بزعيق:متقولش حبيتى انت فاهم ولا لا
قولتلها بعصبية:انتى عايزة ايه دلوقتى بقا علشان ترحمينى
قالتلى بعياط:عايزاك تحس بيا
وقربت منى وحطت ايدها ع رقبتى وقالت كلام كله حب اشعر جسمى كله:انا بحبك يارعد...نفسى مكونش بنت عمك اللى رببتها...نفسى اكون حبيتك وملكك انت بس...رعد انا مش طفلة صدقنى انا جمالى محافظة عليه علشانك انت بس ياحبيبى
قربت منى جامد وانا جوايا صراع بين قلبى وعقلى..قربت منى لدرجة انى حسيت بنفسها بيختلط ب انفاسى..قربت من شفايفى اوى وفعلا لمستتى برقت عينى جامد مش عارف ابعدها ولا اقربها منى زيادة
بس فجاه لقيت نفسى ببعدها عنى بعنف وضربتها قلم جامد لدرجة ان وشها احمر
(يالهوى يارعد ليه كدة اشرب بقا من اللى هى هتعملوا فيك😭)
اتصدمت وبصيت ل ايدى....ايدى اللى ضربت بنتى واختى..مش عارف انا عملت كدة ازاى...بس هى كانت لازم تفوق
اتصدمت ودمعت عينى دة ضربنى...للدرجادى مش طايقنى ولا حابب لمستى...كدة انت ختمتها يارعد
بصتله وقولت:القلم دة هتدفع تمنه غالى اوى...صدقنى مش هرحمك...انا هوريك الطفلة دى هتعمل ايه...والله يارعد لخليك تلف حوالين نفسك وحيات كرامتى اللى كل مدا بتبقى ف الارض لخليك تركع تحت رجلى علشان اوافق بيك وساعتها انا اللى هرفض
شدنى من شعرى جامد وقال بعصبية:لمى الدور احسلك...متسوقيش فيها...انتى اللى غلطانة وبتبجحى...انتى ليه مش عايزة تفهمى...صدقينى انا اللى هختارلك العريس ومش هرميكى لحد الا وهو بيموت ف التراب اللى بتمشى عليه
قالتلى بزعيق:اطلع برة برة مش عايزة اشوفك اطلع برة
لقيت نفسى بطلع من الاوضة ومشيت برة القصر كله وركبت العربية وبمشى بيها بسرعة وف دماغى كل الكلام اللى مروة قالتله
ف اوضة مروة
مسكت موبايلى ورنيت على
ايوة ياميار
ايوة يامروة...ايه اخبارك ياحب
انا عايزة اخرج
ورعد مش هيزعق
ملهوش دعوة بيا...انا هخرج... انا مخنوقة... مش عايزة اسمع سيرة البنى ادم دة...انتى بتخرجى بتروحى فين
خروجاتى مش هتناسبك
قولى انتى وملكيش دعوة
انا هخرج بليل ف ديسكو اسمه..........تحبى تيجى
اشطا....هاجى معاكى...ع التليفون اوك
تمام سلام ياحب
ف القسم
عمر قالى:احنا اهو عمالين نحقق ف قتل نوسة ومش عارفين نوصل لحاجة...الزفت غسان مش بيظهر ف الصورة ابدا....مش عارفين نفسك عليه حاجة
قولتله:تقرير الطب الشرعى قال ايه؟!
قالى:بص التقرير قال انها ماتت بسبب جرعة مخدرات زيادة....ومش عارفين ليه اضربت بالرصاص بعديها
قولتله:شخصية زى شخصية نوسة دى ممكن تموت بسبب جرعة زيادة...بس اكيد اللى قتلها مكنش عارف انها ممكن تموت لو هو مكنش اتكرم وقتلها
قالى:بس احنا مينفعشة نقبض ع غسان...هنقبض عليه بتهمة ايه
لقيت العسكرى بيخبط وببقول ان ف واحدة اسمها ميرا عايزانى
عمر غمزلى وقال:مين ميرا دى؟! قولتله:بطل هبل يلا...دى بنت عمى وقريب هتكون مرات اخويا
قالى:طب هى جاية ليه؟!
قولتله:مش عارف اكيد كل شى هيبان دلوقتى خليها تدخل
دخلت فعلا وقعدت ع الكرسى وقال:ازبك يارعد الحقنى بكياه مياه علشان انا ع اخرى
بصتلها ب استغرب بعد كدة بصيت للعكسرى وقولت:هات كباية مياه يبنى بسرعة
العكسرى قال:تمام يافندم
بصيت لميرا وقولت:اهلا ياميرا...ممكن اعرف ايه سبب الزيارة دى
قالتلى:انا عرفت ازاى اوقع اكبر عصابة دولية لتجارة الاعضاء...غسان دة فرع ف ناس بيحركوا...احنا لازم نعرف ازاى نوقع غسان ونقرروا ع اسامى الناس التانية بس كله لازم يتعمل بشويش علشان الناس الكبيرة لو شمت خبر هيقتلوا
قولتلها ب اهتمام اكبر:ازاى دة بقا هيحصل؟!
قالتلى:هقولك...انا عرفت ان غسان ناوى يعمل عملية لواحد...وشكله ناوى ياخد القلب بتاعه..دة بيستغل الناس الغلابة اللى معندهاش حد يسال عليهم...احنا ممكن نكون موجودين قبل ميعاد العملية ونمسكوا متلبس...وساعتها سهل نعرف مين اللى وراه؟!
عمر قالها:وانتى تعرفى الواحد دة منين؟!
قالتله:للاسف مش هقدر اقول عرفت الواحد دة منين علشان لو حد عرف ساعتها اللى قالى محدش هيرحموا
وبصيت ناحيتى وقالت:لو عرفت حاجة عن ميعاد العملية دى هقولك...سلام
قولتلها:سلام
اول م مشيت عمر قالى:انت فاهم حاجة
قولتله:لا...بس كله هيوضح...انا هبقى استفسر منها بعدين
ف الشارع
ميرا ماشية ف الشارع ووقفت مع واحدة شكلها كدة باين عليها الغلب كله
ميرا:متقلقيش...هنعرف نحميه
امينة:امانة عليكى ياست ميرا...انقذو هو ميعرفش انه رايح علشان يموت...دة ضحك عليه وفهموا انه هيعملوا شوية تحاليل علشان يطمن من الناحية الصحية....هو غلبان اوى ياست ميرا مش عايزاه يحصل معاه زى محصل مع اخويا الله يرحمه
ميرا:متقلقيش بس اهم حاجة نعرف ميعاد العملية دى امتى...ومتقلقيش مش هتظهرى ف الصورة...دة وعد منى ليكى
امينة:تمام ياست ميرا
بليل
ف
اوضة اسد
دخلت لقيت جيسى بتعيط جامد روحت قعدت جمبها وقولت:مالك ليه العياط دة؟!
مسحت دموعها وقالت:ولا شى...لا تشغل بالك
بصيتلها بحب:لو مشغلتش بالى بيكى هشغل بالى يمين...وبعدين انا عارف انك بتعيطى ليه..علشان جوازى من اية...صدقينى مفيش حاجة ف ايدى
بصتلى وقالت: ليك والله قلبى عم يقيلى انك بتحبا وما بدك تقيلى....اذ هيك روح لعندا..انا ما بدى ياك
قولتلها وانا بحاول اهدى اعصابى
انتى مش ملاحظة ان من ساعت مرجليها خطت ف القصر وانتى ع طول خايفة ومهما تقرب منك بتصديها يابنتى انا شخصيا كل محاول اتكلم معاها بتصدنى وبتقول علشان مراتك متحسش ان فى حاجة بينا
قالتلى بعصبية:انا كتير بكره ها المخلوقة...مشان خديتيك منى....انا ما بدى تتجوزها...هى بدها تخدك منى وانا ماراح اسمحلا تعمل هيك...والله ما فينى اتحمل شوفك داخل اوضتها...انا زوجة منيحة مانى زوجة مهملة زوجا او ما بتحبه...بتعرف شو انا صبرت كتير واذ انت اتجوزت ها البنت والله ما راح اقعد ف ها المكان
قولتلها بعصبية:لاااا انت النقاش معاكى بقا صعب...انا زهقت من العيشة دى بقا...كل شوية تهديد...لا ياجيسى مش اسد الرملى اللى يتهدد واللى انتى عايزة تعمليه..اعمليه
سيتها وهى مصدومة فتحت الباب حسيت ان اية كانت بتسمعنا روحت اوضتها وخبط
اول مسمعت صوت الباب اتاكدت ان اسد خد باله منى
روحت فتحت الباب وانا متوترة
قولتله:اهلا يااسد باشا معلش مش هقدر اقولك اتفضل
ضحك وقالى:ولا يهمك بس ع فكرة المفروض تتعودى عليا علشان خلاص هتبقى مراتى
قولتله بتوتر:هو انت متاكد انك عايز تاخد الخطوة دى اقصد يعنى مراتك مش هتقبل حاجة زى كدة وانت بتحبها ف انا بقول بلاش نتجوز
الظاهر الكلام مكنش عجبه
فقال:وانتى هتروحى فين...عندك مكان غير هنا تروحيه
قولتله:متقلقش عليا عمى نعمان من ساعت مجيت هنا وهو سايينى ف حالى ومش بيتعرضلى ف مفيش منه قلق
قالى:بتهيالك عمك نعمان كان مستنيكى تولدى علشان ياخد الواد حجة ويطلبك بيه وساعتها هتقبلى تروحى معاه علشان تبقى مع ابنك
قولتله بقلق:وانت ايش عرفك؟!
قالى:مصادرى الخاصة...هو انتى فاكرة ان عمك دة هسيبه يخطط واحنا نروح ف الرجلين انا بحاول اعرف عنه كل حاجة وانا بقولك لازم تبقى ع ذمتى علشان مش بعيد نغمض عين ونفتحها نلاقيه هنا
قولتله:طب ومراتك؟!
قالى:ملكيش دعوة بيها
وبص ناحية نوح وقال:هو عامل ايه دلوقتى
قولتله:كويس الحمد لله
قالى:خلى بالك منه
شاورت براسه ب اه
جى يمشى روحت ناديتله وقولت:اسد باشا
بصلى وقال:انا اسد وبس يااية مفيش واحدة بتقول لجوزها اسد باشا
قولتله بسكوف:فى حاجة عايزة اتكلم معاك فيها بس الموضوع محرج ومش عارفة اتكلم فيه ازاى
بصلى ب استغراب وقال:قولى يااية..ف ايه
قولتله:هقولك بس بعد كتب الكتاب لكن دلوقتى الصراحة مش عارفة اقولك ازاى
الظاهر فهم فضحك ضحكة رجولية
وقال:متخافيش مش هعمل اى حاجة خالص...الا برضاكى واعتقد يعنى انك مش هتبقى عايزة وانا لو مراتى مش هيطلع عليا صبح هههههههه ف متقلقيش
قولتله:انت بنى ادم غريب...انت ازاى كدة
قالى:كدة ازاى يعنى
قولتله:كدة كدة يعنى اقصد يعنى شهم وصابر 8 شهور وفضلت معايا وفضهرى لحد مولدت نوح ودلوقتى واخد الريسك بجوازك منى وعارف ان دة ممكن يخرب بيتك مع مراتك
قرب منى وقال:متخافيش يااية كله هيبقى كويس
لقيتها عيطت وقال:انا اسفة اوى
مسحت دموعها ب ايدى وقولت:الناس بتتاسف لما تغلط...وانتى مغلطتيش يااية....اوعدك انى هفضل جمبك وفضهرك واوعى تحسى انك غريية اهلى بيحبوكى اوى كل اللى اقدر اقولهولك انك خلاص ختى قلبهم بجدارة
لقيتها بصيت ف عينى وقالت:شكرا ليك يااسد
قولتلها:تصبحى ع خير
قالتلى:وانت من اهله
خرجت من الاوضة وحطيت ايدى ع قلبى...مش عارف ايه بيحصلى لما بشوفها...معقول هتبقى مراتى بكرة...بجد مش مصدق..اللى فضلت تتجاهل وجودى لمدة 8 شهور هتبقى ليا
*********************
إلي هنا ينتهي الفصل السابع من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابع من هنا: جميع فصول الرواية
تابع من هنا: جميع فصول رواية عشق الزين الجزء الأول
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية شهد الحياة بقلم زيزي محمد
إرسال تعليق
يسعدنا تلقي اقتراحاتك أو تعليقك هنا