-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية اختلاف القلوب وتحدى القدر بقلم هاجر عبدالحليم (ج2) - الفصل الأول

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع  الفصل الأول من الجزء الثاني من رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم  (ج2) - الفصل الأول

تابع من هنا: الجزء الأول من رواية اختلاف القلوب وتحدي القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم  (ج2)
رواية اختلاف القلوب وتحدى القدر بقلم هاجر عبدالحليم  (ج2)

رواية اختلاف القلوب وتحدى القدر بقلم هاجر عبدالحليم  (ج2) - الفصل الأول

ف قصر الرملى
اية ف الحمام عمالة تحمى نوح وهو عمال يضحك ويصرخ بطفولة ويرمى المياه عليها
اية بضحك:ولد بس هههههه يبنى قرب بلاش فرهدة..هو انت بتضحك ع ايه ممكن افهم
نوح بصلها وقال وقال:اد(اسد يعنى😂)
اية ب استغراب:بتقول ايه انت..اد ايه دة؟!
نوح رمى المياه عليها وفضل يضحك
اية:هههههههه طب يلة خلينى احميك ونخرج بدل متاخد برد..ونعرف ايه اد دى كمان
نوح:اد بابا اد
اية:بابا! ااااه فهمت بقيت بتعرف تقول بابا وكمان عرفت اسم اسد...والله معرف هو بيعملك ايه...دة كل عقلك كله
فضلت تحميه وجابت الفوطة ونشفتله جسمه وخرجت من الاوضة
وهى بتلبس نوح سرحت فجاه وقالت:معقولة يكون لسة مراحش الشغل ومع جيسى ف الاوضة...طب وانا مالى انا..هى مش مراته ومن حقها تحس انه جوزها..بس بردو انا متضايقة...هو ليه مش قادر يستوعب دة..هو انا معنديش مشاعر..انا بحبه وصعب عليا اشوفه كل شوية داخل خارج من اوضة جيسى..يارب قوينى وصبرنى
طق طق
اية راحت علشان تفتح ونوح ع كتفها
اية:اسد...انت ايه اللى جابك
اسد:عايزانى ارجع يعنى
اية:لا مش قصدى والله..انا بس استغربت مجيتك..هو انت مش المفروض رايح الشغل
اسد:ايوة..بس قولت اطمن ع نوح الاول..ممكن اخش
اية:ايوة ايوة اتقضل اسفة معلش
دخل اسد الاوضة وبص ع نوح
ومد ايده ليها وقال:هاتيه
اسد مسك نوح وفضل يلعب معاه ويرفعه ف الهوا وينزله ونوح يضحك ويسقف
اية بخوف:براحة عليه يااسد..يقع منك مش كدة
اسد:يابنتى مهو مبسوط اهو وبيضحك..متخافيش عليه..بقولك صح
اية:نعم
اسد:انهردة هاخدك بعد الشغل هوديكى الشقة علشان تتفرجى عليها وتقوليلى رايك...لو كدة هتقق مع صاحب الشقة ونكتب العقد بس موقت مش دايم علشان معرفش الدنيا فيها ايه..وهقسم الاسبوع عليكى وعليها
اية:تمام هجهز وهستناك ان شاء الله..اسد انا حاسة انى عايزة اتكلم معاك شوية
اسد بصلها ب اهتمام وقال:معاكى
اية:بس نتكلم بجد..وياريت تفهم كل كلمة بقولها..انا اتجوزتك وانا عارفة ان فى واحدة تانية ف حياتك ورضيت بحاجة زى كدة علشان مكنش يهمنى وقتها...لكن مع مرور الوقت حسيت ان مخنوقة وف نار بتنهش فيا...انا لما بقعد هنا بفتكر ان ف واحدة بتشاركنى فيك...يمكن لما اقعد ف شقة تانية انسى بس ان دة مستحيل علشان عارفة ان الوقت اللى انت مش هتكون فى البيت هتكون معاها فيه
اسد:خدى الولد
اية جية تاخد الولد بس نوح ماسك قميص اسد جامد ب ايده الاتنين ومش عايز يسيبه
اسد:ههههههههه خلاص سيبيه معايا...بصى يااية انا عارف انك ف وضع صعب..وصدقينى انا لو عليا مش حابب الوضع دة يستمر بس اظن انك واحدة بتفهمى
جيسى حامل وانا مستحيل اربى ابنى بعيد عن عيونى مش هستحمل دة...ونوح بردو ابنى واللى يقول غير كدة هحط صباعى ف عنيه...وبعدين انتى ف قلبى وبحبك عايزة ايه تانى؟! اعمل ايه علشان ترضى عنى يااية
اية:متعملش حاجة..انا اللى هعمل...عارفة انى خليتك تصبر عليا كتير..وان الاوان الصبر دة ينتهى...روح شوف شغلك وانا هستناك..ان شاء ترجعلى بسلامة
اسد باس راسها وقال:الله يسلمك
اية:نوح تعالى ياحبيبى علشان بابى يروح الشغل..بلاش تعطله
نوح ضحك وراح ل اية وبعد كدة بص ع اسد
اسد ضحكله ومشى ف طريقة للشغل
ف اوضة جيسى
جيسى:الو
المتصل:ايوة ياست هانم..هو كلمنى واتفق معايا انى اكتبله عقد موقت.وقالى كمان انه مش عايز حد يعرف ان هو واخد الشقة دى.. وبالذات انتى
جيسى:ليش..هو ما فى حدا من البيت بيعرف ها الموضوع؟!..اكيد ما بدوا يانى اعرف لحتى ما اعمل مشكل..بس ليش عقد موقت يعنى؟!
المتصل:هو قالى ان ف احتمال يرجع هو ومراته القصر تانى..علشان مش عايز يبعد عن اهله فترة طويلة هو متعودش ع كدة...وقالى هى اللى مصممة علشان نفسها تعيش لوحدها كفيا خيرها شرها وهيحاول يقنعها انها تغير رايها وتعيش ف القصر تانى...بقولك ياست هانم..هو انتى كنتى عايزة تعرفى ليه؟!
جيسى:ابدا..كينت راح انهى الحيرة هاى ع الخالص..ع كل حال شكرا كتير اليك..ومكفاتك راح تاخدها..سلام هلا
المتصل:سلام ياست هانم
ف اوضة مروة
مروة بعياط:انا تعبت يااية..والله تعبت..خلاص تعبت من تجاهله وبروده..انا مش رخيصة ولا برمى نفسى عليه..لو هو مش عايزنى ف غيره عايزنى
اية:ياحبيتى هو عملك ايه بس فهمينى؟!
مروة بعياط:انهردة دخلت اوضته علشان اصحيه والصراحة يعنى قربت منه اوى هو صحى وزقنى وكمان زعقلى وقالى كلام مينفعش يتقال وخرج وسابنى بحرق ف دمى
اية:الصراحة انتى غلطانة..هو مش حلالك ياحبيتى..يعنى مينفعش تخشى اوضته واللى عمله دة الصح
مروة بتعب:سبيبنى يااية لوحدى انا مخنوقة
ايو:ماشى ياحبيتى ربنا يكتبلك اللى ف الخير


ف اوضة جيسى
فضلت تملس ع بطنها بحيرة وابتسامة بسيطة ع شفايفها
طق طق
جيسى:اتفضل
اية:ممكن ادخل
جيسى قامت بسرعة وقالت:نوح وينه؟!
اية:هههههههه...ايدة هو انتى عايزة تاخديه منى ولا ايه؟!
جيسى:ههههههه لا بس انا كتير اتعلقت بها الولد من ساعة م حملته اول مرة...تعى بدى احكى معك
اية قعدت جمبها وقالت: ف ايه؟!
جيسى تنهدت بتعب وقالت:بدى ياكى تساعدينى انفصل عن اسد؟!
اية بصدمة:ايه الكلام العبيط دة..وبعدين خطوة زى دى مينفعش تاخديها لوحدك..اسد مش هيقبل بحاجة زى كدة..انتى نسيتى انك حامل
جيسى:مشان هيك بدى ياكى تساعدينى
اية:اساعدك ف ايه..دة خراب بيوت..استهدى بالله كدة واعقلى علشان اسد لو سمع منك الكلمة دى هيطين عيشتى انا وانتى مع بعض والله...وبعدين انا عارفة ليه عايزة تنفصلى عنه؟! علشانى صح..بس احب اطمنك انه
جيسى:راح تفلو من هون مو هيك...ليك ما تستغربى مشان لو حبيب بعرف شى بعرفه...انا ما بدى ياكوا تفلوا من هون بسببى انا بعرف اسد منيح ما راح يقيل بها الحل بنوب هو بس بيعمل هيك كيرمالك ومشان اثبتلك انى عم احكى الحقيقة تقدرى تقولى ليش اسد بدوا عقد البيت يكون مؤقت مو دايم
اية بحيرة:وانا ايش عرفنى...هكون بشم ع ضهر ايدى مثلا...وبعدين انا ميفرفش معايا انى امشى او ممشيش انتى فاهمة غلط..انا بس مش عايزة اجرحك او تجرحينى دة وضع واتفرض علينا خلاص..وانا مش عايزة يحصل مشاكل ما بينا وكمان عايزة اوفى بوعدى ليكى احنا مش ف الفرح وعدنا بعض ان احنا نحاول نكون صحاب وننسى ان احنا ضراير يعنى وكدة وانا اهو والله بحاول اعمل كدة ع قد مقدر وانتى لو قربتى منى شوية كمان مش هتحسى انى وحشة
جيسى:بعرف هيك..بس انا ما بتحمل اشوف اسد معك..والله ما بتحمل...انا الى قلب ومشاعر وما فينى اتقبل هيك وضع وما فينى كمان اخلى اسد يبعد عن عيلته مشان هيك انا قررت انه اسد اول ما ييجى من الشيغل راح احكى معه..بترجاكى يااية ما تحكى معى انا قررت وخلاص..بيكفى تعب لهون
اية اتضايقت علشانها وحاسة بالذنب علشان هتفرق جيسى عن اسد..بس فى حاجة جواها فرحت بدة..بس بسرعة استغفرت ربها..هى مينفعش تفرح..هى مش هتتدخل ف حاجة ولا هتكلم اسد كمان ف حاجة..هو لما ييجى ويسمع قرار جيسى ساعتها يقرر هيعمل ايه
اية استاذنت من جيسى وخرجت من الاوضة ونزلت تقعد مع ثريا تحت ف الصالة ويرغوا مع بعض شوية
ف القسم
طراااااااخ
اسد بزعيق:متخلصى يابت وقولى مين اللى بيسرحك...لا شغل السهوكة دة مش عليا...انا جايبك من سرير واحد اد ابوكى..قولى مين اللى وداكى الشقة دى
سراب ب انهيار وعياط يحرق قلب الكافر
والله ياباشا انا مظلومة...والله انا مش كدة ولا عمرى كنت كدة..ابوس ايدك ياباشا..خلينى امشى من هنا...والله العظيم معرف انا روحت الشقة دى ازاى
اسد:نعم ياروح امك متعرفيش ايه...ليه ياختى ساقوكى حاجة اصفرة وانا معرفش..بت انتى انتى هتقرى ولا اتصرف معاكى بشغل يليق ب الستات العا********اللى زيك
سراب بعياط:ياباشا طب هتلى حاجة استر بيها نفسى بدل الملايا دى...انا نفسى الارض تنشق وتبلعنى..انا والله كل اللى اعرفه انى اتخطفت من بيتى وجابونى لواحد كبير ف العوامة بتاعته واغتصبنى ورمانى لكذا واحد عمله نفس اللى عمله معايا كنت هموت ياباشا لولا ستر ربنا بعد كدة صورونى وا وا
وقعدت تعيط ورمت نفسها ع الارض كل متفتكر اللى حصل معاها
اسد حس بشقفة ناحيتها بس حاول يمسك نفسه علشان دة شغله ويشوف ايه حكايتها
طق طق
اسد:ادخل
دخل رعد وشاف سراب وهى عمالة تعيط ضيق عنيه ب استغراب..هى بصتله ومسحت عنيها بسرعة...جت تقوم بس اسد منعها وقال:لسة حكايتك معرفتهاش كاملة..وهعرفها صدقينى ياسراب
ونادى ع العسكرى وخد سراب وداها الحجز وهى عمالة تعيط وبتحاول تمسك الملاية جامد علشان جسمها مش يبان
رعد:مين دى؟!
اسد قعد ع المكتب وحط ايدع ع راسه وقال:والله تعبت ومبقتش قادر استحمل ام دى شغلانة انا بفكر اقدم استقالتى واشتغل مع ابوك ف الشركة انت ايه رايك؟!
رعد:مين سراب دى يااسد؟!
اسد:هههههههه.دة انت مصمم بقا..دى واحدة كانت موجودة ف شقة ضعارة كبيرة اوى ف .....بس محدش يعرف عن الشقة دى حاجة اتقدم بلاغ فيها روحنا قبضنا ع كل اللى فيها ودى بقا كانت ف الاوضة مع واحد اد ابوها كانت مغمى عليها وهو راخر فوقناهم بمياه متلجة وجيبناهم ع هنا..بس الغريبة انها قالت كلام الواحد يخاف حتى انه يصدقه
رعد:كلام ايه؟! وبعدين انت ازاى تدخل البنت الحجز بالملاية..حرام عليك يااسد
اسد:حرام عليا...انت عايزنى اجيبلها هدوم مثلا يعنى ولا ايه؟!
رعد سرح ف البنت دى شوية وقال ف سره:سراب
رعد:انا عايز احقق مع البنت دى..طريقتك خشنة ومش هتفيدنا بحاجة...صدقنى انا هجيبلك ارار الموضوع دة..وكله هيخلص ف خلال 24 ساعة
اسد:ياعم براحتك..دة انت ريحتنى...الحق انا اروح ع البيت...اصل اخوك هلكان ومحتاج اقرب سرير علشان ينام عليه
رعد:روح يااسد
ف قصر الرملى
ف اوضة اميرة وريان

اميرة نايمة ف حضن ريان صحيت بتبصله بحب وبتفكر ايه اللى حصل ما بينهم بعد الفرح
فلاش باك
ريان شايل اميرة وداخل بيها الاوضة..واول م دخل فضل يلف بيها وهى عمالة تضحك..نزلها ع الارض وحط ايده ع خدها وقال:احنا هنتبدى صفحة جديدة مع بعض..حياتنا هتبقى كلها وردى مش هسمح لدموعك دى انها تنزل سواء انا او غيرى...الحزن هحاربه علشانك
اميرة بحب:ان شاء الله
ريان غمزلها وقال:طب ايه؟!
اميرة بكسوف:ايه
ريان بمكر:عايز عسل
اميرة:ههههههههه..والعسل دة اجيبه منين..مفيش عسل هنا خالص
ريان:لا منا عارف العسل فين
اميرة:فين
قرب منها فعلا وعرف مكان العسل😂
اميرة بسكوف فتحت عينها وقالت:قليل الادب
ريان:بس بموت ف العسل..ونبى دة انتى الحلو كله يلة غيرى خلينا نصلى ونقرا قرءان شوية
اميرة:طيب انا هخش الحمام اغير الفستان والبس الاسدال واخرج الاقيك غيرت انت كمان
ريان:ماشى ياقلبى
راحت غيرت الفستان ولبست الاسدال وهى عمالة تدعى ان يعدى ليلتها دى ع خير
خرجت لقيته غير ولبس جلابية
اميرة فضلت تضحك عليه بصوت عالى وتقول:عامل ايه ياشيخنا...هى خطبة الجمعة انهردة وانا معرفش ولا ايه؟! بجد شكلك نكتة بالجلابية دى
ريان:خفة يابت..اخلصى وتعالى خلينا نصلى ركعتين كدة لله...علشان ربنا يباركلنا
اميرة:يلة
صلوا ركعتين وريان هو الامام وفضل يقرا بعض ايات الله بصوت خاشع يهتز له القلوب خلص الصلاه وجاب المصحف وقرا بعض ايات الله هو واميرة
تقريبا فضلوا كدة 3 ساعات
اميرة:صدق الله العظيم..تعرف انا اول مرة اكون مستمتعة كدة بقراءة القرءان...يمكن علشان لقيت حد يشجعنى
ريان:طريق ربنا مفيش اسهل منه يااميرة..بس الموضوع عايز صبر وايمان قوى علشان تعرفى تثبتى قلبك ع دين الله
اميرة:ونعم بالله...فعلا انا حاسة انى بعيدة اوى عن ربنا..والموضوع دة مضايقنى
ريان مسك ايدها وقال:بسيطة نحاول انا وانتى نقرب من ربنا..وناخد ب ايد بعض للجنة..يلة بقا تعالى
اميرة بتوتر:اجى فين
ريان شالها وقال:هحكيلك حدوتة قبل النوم
نيمها ع السرير وفعلا قدر بكل بساطة وخبرة يحكيلها حدوتة قبل النوم وكانت احلى حدوتة😉
وبقت اميرة مرات ريان شرعا وقانونا امام الله
باك
اميرة فضلت تلمس ع وش ريان وهو كان حاسس بيها وصلت عند شفايفه هو عضها بخفة ف صباعها علشان يناكشها
اميرة:اى..ليه البواخة دى
ريان حضنها وقال:صباح العسل
اميرة:صباح المهلبية
ريان:انا مبسوط اوى
اميرة:مش اكتر منى
ريان:فرحانة يااميرة
اميرة:انا طايرة من الفرحة ياريان..دة انت حلمى من وانا صغيرة...انا مكنتش بتمنى غيرك
ريان:طب ليه كنتى زعلانة ف الفرح؟!
اميرة بتوتر:لا والله مكننش زعلانة..انا بس كنت متوترة شوية علشان يعنى اللى هو انت فاهم بقا..كان خوف طبيعى ف ليلة زى دى
ريان بشك:انا عارف وفاهم يااميرة...بس حاسس انه مش دى الحقيقة...هو الموضوع ليه علاقة ب
مكملش جملته لان اميرة حاولت تلهيه عن اى افكار بطريقة العشق وهو رحب بالطريق دة
ف اوضة جيسى
اسد بصدمة:نعم..عايزة تتطلقى وتربى ابنى لوحدك...بذمتك لو اى راجل غير سمع منك الكلام دة هيعمل ايه؟! والله هيجيبك من شعرك ويحطه تحت رجله لحد ميبنلك صاحب
جيسى:خلاص انا مستعدة اتنازل عن ابنى اليك وتطلقنى
اسد:ياااه..هو ابنك رخيص عندك اوى كدة؟! مش عايزة تربيه ف حضنك..ماشى ياجيسى هطلقك بس بعد متولدى ابنى وتطمن عليه
جيسى:لا بدى سافر ما بدى اكون هون..عن جد البيت هاد بقا تقيل ع قلبى
اسد مسكها من دراعها وقال:انا عايز اعرف دماغك فيها ايه..ليه حاسس ان المرادى بتتكلمى بجد دونن ع اى مرات سابقة
جيسى:اسد انا عن جد عم احكى...انا خلاص تعبت وما فينى اتحمل...اية ما راح تكون اليك وانا ف حياتك..وانت بدك تفل من هون بسببى..انا م اتعوت اكون عبء ع حدا...بترجاك اسد طلقنى
اسد بتوسل:جيسى انا بحبك ومش هقدر ابعد عنك..انا محتاج وجودك..لما اكون مخوق او تعبان انتى الوحيدة اللى بتقدرى تخرجينى من كل دة...انا اتعودت ع حضنك وع قربك..مش هقبل انه حد غيرى يمسك...مش هستحمل دة ياجيسى ارجوكى
جيسى بتعب:الله يوفقك ما تضغط عليا بها الطريقة مشان انا ماراح ارجع عن قرارى
اسد بزعيق:مفيش حد يقدر يمس حاجة كانت بتخص اسد الرملى فاهمة..وانا مش هتنازل عن اى حاجة تخصنى وعندك اجدعها حيط واخبطى راسك فيه..ستات عايزة الحرق والاهانة صحيح
وخرج وقفل الباب بعنف
جيسى بعياط حطت ايدها ع بطنها وقالت:ما فى حل غير انى اتخلص من ها الطفل مشان اسد يكرهنى ويطلقنى ويشوف حياته بعيد عنى
ف القسم
رعد بزعيق:ايه الدوشة دى ياعسكرى
العسكرى:الستات اللى ف الحجز ياباشا عملين دوشة ومش ساكتين..شكلهم بيسلموا ع واحدة منهم
رعد بخوف:واحدة..واحدة مين؟!
ف اوضة مروة
مروة فاتحة اللاب توب وقاعدة بتصفح الفيس..فجاه لقت نفسها بتدخل ع صفحة مراد..وفجاه صفرت ب اعجاب لما شافت مراد متصور مع موديلز اقل ما يقال عنهم ملكات جمال..ومتصور مع منتحين كبار وكمان رجال سياسة لا يستهان بهم

مروة:دة انت طلعت داهية واحد زيه ازاى لحد دلوقتى مفكرش حتى انه يتجوز لا ازاى لا كدة المعجبين هيطيروا من بين ايديه..ماشى مسيرك هتقع مع واحدة هتدوخك يامراد
ياترى جيسى هتتخلص من الجنين؟! واسد رد فعله ايه هيطلقها؟! ايه اللى هيحصل مع سراب ورعد؟! ممكن فعلا رعد يحبها ولا حب مروة ليه هيمنعه؟!
اسر سر اعجاب مروة المفاجى لمراد؟!
*********************
إلي هنا نتهي الفصل الأول من رواية اختلاف القلوب وتحدى القدر بقلم هاجر عبدالحليم  (ج2)
تابع من هنا: جميع حلقات الجزء الثاني من رواية اختلاف القلوب وتحدي القدر
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة