U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل الثالث و الخمسون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثالث و الخمسون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثالث و الخمسون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثالث و الخمسون

فى بيت سعيد

فى اوضت حمزه

كان قاعد حمزه على سريره وماسك التليفون فى أيده وجايب صورة ميرفت وسرحان فيها ودموعه نازله منه وفى الوقت ده تليفونه رن برقم غريب رد عليه بصوت حزين وقال

حمزه :- السلام عليكم
المتصل :- ساكت ومش بيرد
حمزه :- لسه هيتكلم سمع صوت نفس ميرفت رد بصدمه وقال ميرفت
المتصل :- مردش عليه
حمزه :- ميرفت ردى عليا بالله عليكى سمعينى صوتك بلاش عقابك ليا القاسى ده انا بموت من غيرك يا ميرفت عارف ان غلط فى حقك وغلط كبير كمان بس وغلاوتى فى قلبك سامحيني ميرفت انا حمزه حبيب قلبك مش انتى دايمآ كنتى بتقولى ليا أن انا حب عمرك كله طيب ازاى هونت عليكى تبعدى عنى وتعذبينى بالشكل ده
ميرفت :- بدموع ووجع انت اللى هان عليك تكسرنى وتوجعنى انت اللى خوفتنى منك لدرجة بقيت اهرب شبه المجرمين انت اللى خلتنى كده متجيش تلوم عليا دلوقتى فى اللى بيحصل
حمزه :- ياااااااه اتكلمى تانى يا ميرفت واحشنى صوتك اوى قولى كل اللى فى قلبك وطلعيه مهما كان قاسى انا متقبله
ميرفت :- كفايه بقى حرام عليك مبقتش مستحمله عذاب اكتر من كده ابعد عنى وسبنى فى حالى بقى
حمزه :- بدموع لالالا اعملى فيا كل اللى عايزه تعمليه بس متبعديش عنى تانى قوليلى مكانك فين وانا هجيلك وصدقينى انا ندمت ندم عمرى على كل حرف نطقته وجرحك سامحينى يا ميرفت وكفايه بعد بقى
ميرفت :- مبقاش ينفع يا حمزه خلاص
حمزه :- ليه مبقاش ينفع قوليلى بس انتى فين وانا هعملك كل اللى انتى عايزاه
ميرفت :- مقدرتش تسمع صوته وكلامه اكتر من كده قفلت السكه من غير ولا كلمه
حمزه :- ميرفت ردى عليا يا ميرفت لييييييه كنت صدقت أن لاقيتك ليه؛ بس انا مش هيأس هفضل وراكى لحد ما تسامحينى وقام يجرى بفرحه وقال يا بابا يا بابا
سعيد :- خير يا ابنى فيه ايه
حمزه :- بفرحه كلمتها سمعت صوتها يا بابا
سعيد :- مين دى يا ابنى
حمزه :- مراتى كلمتنى وسمعت صوتها اخيرآ
سعيد :- بفرحه بجد يا حبيبى ربنا يفرح قلبك ويقربكم لبعض
حمزه :- يارب يا ابو حمزه يارب
مؤمن :- خرج من الحمام وقال ايه ده فيه ايه
حمزه :- اخيرآ سمعت صوت مراتى يا مؤمن واطمنت عليها
مؤمن :- بفرحه لأخوه بجد طيب عقبال ما تتقابلوه وتعيشوا الباقى من حياتكم مع بعض فى سعاده يا حبيبى
حمزه :- يارب يا مؤمن انا حاسس ان الدنيا دى مش سيعانى من كتر الفرحه
سعيد :- ربنا يفرح قلبك يا ابنى
حمزه :- باس راسه وقال ويخليك لينا يا بابا وسابهم ودخل الاوضه بتاعته
مؤمن :- صعبان عليا اوى حمزه ده يا بابا بقى شبه العيل الصغير اللى كان شبطان فى أمه وسابته ومشيت وفضل يعيط واول ما شافها تانى فرح برجوعها ليه ربنا يريح قلبه يارب
سعيد :- هو ده الحب يا ابنى على قد حلاوته إلا أنه فى اكتر الوقت عذاب للاتنين من فراق ولاقه واشتياق وخصام وجعه صعب وحلاوته فى ساعة اللقاء احلى واحلى تحس ان العالم كله وقف فى اللحظه دى
مؤمن :- إنبى انت اللى عسل وشكلك كده كنت مدوبهم فيك وانت شاب يا حجيجه
سعيد :- ولد اختشى يا قليل الادب أنا عمرى ما فيه حد قدر يملاه عينى الا امك الله يرحمها
مؤمن :- الله يرحمها بهزر يا حاج عارف طبعآ أن عمرك ما حبيت حد غير ماما
سعيد :- اتنهد وقال امك دى كانت نجمه منوره دايمآ فى سمايا وهتفضل كده حتى بعد ما ماتت وسابتنى هتفضل نجمتى اللى بتنور سمايا طول ليلى واحشتنى اوى ونفسى اروحلها
مؤمن :- بعد الشر عليك يا بابا ربنا يخليك لينا يارب وباس راسه وسابه ودخل اوضه
~•~•~•~•~•~•~•~•~•~•~•~•~•
فى شركة ادهم الحناوى

وصل مصطفى الشركه وطلب أن يقابل ادهم الحناوى ودخل السكرتير بلغ ادهم اللى اتعصب مجرد ما سمع اسم مصطفى وطلب من السكرتير أن هو يدخله وحاول أكرم أن يهدى ادهم علشان ميدهورش على مصطفى لحظة ما يشوفه وبالفعل دخل مصطفى ومعاه التحليل وقال

مصطفى :- السلام عليكم
ادهم :- بعصبيه انت ايه جابك هنا تانى مش اخر مره قولتلك مش عايز اشوف وشك تانى
مصطفى :- اهدا يا ابنى انت واحشتنى اوى وصدقنى مش هطول عليك والله هقولك الكلمتين وهمشى علطول
ادهم :- راح عند مصطفى ومسكه من هدومه وقال مليون مره اقولك متقولش كلمة ابنى دى تانى فاهم
أكرم :- قام جرى وشد ادهم بعده عن مصطفى وقال اهدا يا ادهم مش كده اقعد بقى
ادهم :- وهو بيحاول يهرب من ايد أكرم قال اطلع بره يا وسخ واياك تيجى هنا تانى
مصطفى :- ادهم انا مقدر اللى انت فيه بس جه الوقت اللى لازم تسمعنى فيه وتعرف الحقيقه وتتأكد من كلامى بالاثبات ده وشاور على التحليل وقال انا وامك عمرنا ما كنا خاينين زى ما انت شايفنا امك طول عمرها مراتى وحتى لما طلقتها كان طلاق باطل وبالتالى جواز خالد منها كان باطل برضه
ادهم :- والله دى كدبه جديده جاى تقولها ليا علشان اسامح الست هانم بعينك يا مصطفى انا عمرى ما هسامحها مهما حصل
مصطفى :- يا ادهم اسمعنى للآخر بقى انا لما طلقت امك كانت حامل فيك منى يعنى انت ابنى انا مش ابن خالد الحناوى
ادهم :- اتصدم من كلام مصطفى ليه وبص لاكرم اللى كان هو كمان مصدوم من اللى بيسمعه وبص ادهم لمصطفى بغيظ وقال انت كدااااب اطلع بره احسن ما انده على الأمن يرميك بره
مصطفى :- انا مش كداب يا ابنى ومعايا اللى يثبت كلامى ده ومد أيده بالتحليل وقال ده تحليل DNA ليا وليك بيثبت انك ابنى والجينات الوراثيه واحده
ادهم :- مش عايز اشوف حاجه انت واحد كداب مهما عملت اطلع بره بقولك احسن ودينى لو فضلت دقيقه واحده هنا هقتلك يا مصطفى
أكرم :- اهدا بس يا ادهم وبص لمصطفى وقال مع احترامى لحضرتك ايه يثبت لينا صحة التحليل ده واصلا جت ليك عينة ادهم منين علشان تعمل التحليل ده
مصطفى :- اللى يثبت صحة كلامى ده مراته داليا هى اللى جابت عينة الدم منه وهى اللى عملت التحليل ده بنفسها فى معمل من اختيارها هى
أكرم وادهم :- اتصدموا لما سمعوا اسم داليا
ادهم :- وهو بيدوس على سنانه قال داليا
مصطفى :- ايوه يا ابنى داليا وصدقنى هى عملت كده بعد ما احنا اللى ضغطنا عليها تجيب لينا عينه منك وكانت حريصه جدآ وخايفه عليك وراحت معايا بنفسها للمعمل وجابت النتيجه بنفسها علشان تضمن أن مفيش تلاعب مننا فى نتيجة التحليل
ادهم :- اطلع بره
مصطفى :- اسمعنى يا ابن بس
ادهم :- راح فتح الدرج بتاعه وطلع مسدسه بعصبيه ووجه اتجاه مصطفى وقال بررررررره احسن ودينى افرغه كله فيك وارتاح منك
أكرم :- طلع يجرى على ادهم وقال ادهم بلاش تتهور ادهم هات البتاع ده اسمع كلامى
ادهم :- والله العظيم لو متحركش دلوقتى حالا وخرج لقتله
مصطفى :- اعمل فيا اللى انت عايزه يا ابنى بس ارجوك سامح امك احنا مبعدناش عنك بمزاجنا خالد الحناوى هو اللى اخدك مننا وبنفوذه قدر يزور كل النتايج والتحاليل اللى تثبت انك ابنى علشان ينتقم مننا و يعذبنا انا وامك احنا فى الوقت ده كنا أضعف من أننا نقف قصاده ونتحداه كنا ضعاف جدآ وده اللى ضيعك مننا لازم تفهم أننا حاولنا كتير نقابلك ونفهمك الحقيقه بس تملى كنت بترفض تسمعنا سامح امك يا ادهم امك هتموت عليك ورافضه العلاج وكل يوم بيفوت فيه خطر عليها يا ابنى فكر بالعقل وبلاش تهور
ادهم :- ضرب طلقه فى الهوا وقال المره الجايه هتكون فيك اطلع بررررره
الكل فى الشركه اتجمع حاولين مكتب ادهم بعد ما سمعوا صوت الرصاص
أكرم :- ادهم اهدا ارجوك بلاش تهور وبص لمصطفى وقال اتفضل حضرتك دلوقتى امشى من وشه ارجوك
مصطفى :- ماشى يا ادهم انا ماشى بس ارجوك فكر فى كلامى وتعال زور امك لو مره واحده وخرج وسابه
ادهم :- حدف كل اللى على المكتب فى الارض بعصبيه وقال ودينى لاقتلك انت وهى يا مصطفى هقتلكم كلكم هقتلللللللكم
أكرم :- ثبته وقال اهدا يا ادهم الموظفين كلهم بيتفرجوا عليك وسابه وراح عند الباب وزعق فى الموظفين وقال كل واحد يروح يشوف شغله يلا وقفل الباب وراح عند ادهم وقال اهدا كده وفكر بالعقل
ادهم :- قعد على الكرسى وهو بينهج وقعد يفكر فى كلام مصطفى بعصبيه وافتكر لما قال إن داليا هى اللى جابت ليه عينة الدم وافتكر لما دخلت قطعه الازاز فى رجله وداس على سنانه وقال بصوت واطى داليا ودينى ما انا سايبك واخد مفاتيحه وتليفونه وقام وقف
أكرم :- بقلق رايح فين يا ادهم
ادهم :- خرج من الباب من غير ما يرد عليه
أكرم :- يا نهار اسود اكيد رايح لداليا وخرج يجرى وراه بس ملاحقش ادهم كان ركب عربيته ومشى بيها على الفيلا ركب أكرم عربيته هو كمان وراح وراه وبعد وقت وصل ادهم على الفيلا ونزل يجرى من عربيته ودخل الفيلا وهو الشر بينط من عينيه طلع يجرى على اوضه ولاقه داليا قاعده متوتره وبتاكل فى ضوافيرها من القلق والخوف قفل الباب بالمفتاح وبصلها بعصبيه
داليا :- اول ما شافت ادهم قدامها بالحاله دى اتوترت وضحكة ليه ضحكه توتر وقالت ح.ح.حمدالله على ا.ا السلامه يا ح.ح.حبيبى
ادهم :- بعصبيه وهو بيدوس على سنانه ليه عملتى كده
داليا :- وهى بتدعك ايديها بتوتر ع.ع.عملت ايه
ادهم :- بصوت عالى متستعبطيش انتى عارفه انا بتكلم على ايه انطقى بقولك ليه عملتى كده
داليا :- بخوف ع.ع.عملت كده علشان مصلحتك والله علشان تتخلص بقى من عقدة الماضى وعلشان مامتك الغلبانه دى اللى هتموت علشان تسامحها لازم تعرف انت ابن مين يا ادهم
ادهم :- بعصبيه انتى مالك مين سامح ليكى تدخلى فى اللى ملكيش فيه بتستعبطينى يا داليا
داليا :- قربت منه وقالت والله العظيم ما اقصد انا عملت كده علشانك انت
ادهم :- ابعدى عنى خليكى مكانك
داليا :-بدموع اسمعنى يا ادهم بس
ادهم :- من هنا ورايح لسانك ده مينطقش أسمى هتعيشى هنا بس مش اكتر من خدامه عندى لوقت مزاجى انتى اتحطيتى معاهم فى نفس القايمه يا داليا
داليا :- قربت منه وقالت لالالا يا ادهم ارجوك انا بحبك وعملت كده علشانك بلاش عقابك ده هيكون قاسى عليا اوى
ادهم :- زقها بعيد عنه وخرج من الاوضه ومن الفيلا خالص ركب عربيته ومشى
أكرم :- كان وصل تحت واستنا ادهم ينزل ليه بس ادهم مشى من قدامه من غير ولا كلمه طلع يجرى وراه وقال ادهم يا ادهم استنا يا ابنى
داليا :- نزلت تجرى وراه ادهم وهى بتعيط وبتنادى عليه
أكرم :- راح عندها وقال أهدى يا داليا سبيه دلوقتى علشان متعصب ولما يهدا هبقى أكلمه
داليا :- بدموع كلمه يا اكرم فهمه أن انا عملت كده علشانه هو عارف أن انا مقدرش على عقابه ده ليا فهمه ارجوك
أكرم :- حاضر هكلمه والله بس مش دلوقتى هو رافض يسمع اى حد خالص
داليا :- قعدت فى الارض وحطت ايديها على وشها وقالت بدموع والله العظيم بحبه ومش قصدى ازعله
أكرم :- قومى يا داليا وهو والله بيحبك فوق ما تتخيلى بس انتى غلطى لما عملتى كده من وراه كنت قوليله عرفيه انتى اكتر واحده عارفه ادهم بيكره أمه قد ايه وكمان مش سهل عليه يعرف بعد العمر ده كله أنه ابن الراجل اللى عاش سنين حياته وهو بيكرهوا للاسف غلطتك كبيره اوى عند ادهم
داليا :- كلمه يا اكرم وحياة فاطمه عندك كلمه وحنن قلبه عليا وخليه يسامحنى
أكرم :- من غير ما تقولى يا داليا بس للاسف ادهم هيختفى زى كل مره يومين تلاته ومحدش هيعرف يوصله
داليا :- افتكرت شقة جدته قامت وقفت وقالت عن اذنك يا اكرم وطلعت اوضتها لبست هدومها
أكرم :- اتنهد بوجع وقال ربنا يهديك يا ادهم عليها البت هتموت عليك وخرج ركب عربيته ومشى
داليا :- نزلت ركبت العربيه ومشيت بيها على المكان اللى فيه شقة جدته وهى دموعها على خدها وصلت تحت البيت ونزلت من العربيه وراحت ركبت الاسانسير وطلعت بيه على الدور اللى فيه الشقه ونزلت تجرى منه وراحت رنت الجرس وبعد وقت الممرضه فتحت باب الشقه وقالت ليها داليا
داليا :- ادهم هنا
الممرضه :- ا.ا.ايوه
داليا :- دخلت تجرى وبصت حاوليها وقالت فين هو
الممرضه :- فى الاوضه جوه عند جدته
داليا :- راحت عند الاوضه وخبطت على الباب
ادهم :- من جوه قال بعصبيه قولتلك متخبطيش على الباب يا ميرفت
داليا :- دى انا يا ادهم
ادهم :- اتغاظ لما سمع صوتها وفتح الباب ومسكها من دراعها وداس على سنانه وقال ايه جابك هنا
داليا:- ادهم ارجوك بلاش تعمل فيا كده زعقلى اضربنى اعمل اى حاجه بس متتجاهلش وجودى فى حياتك
ميرفت :- كانت صعبانه عليها داليا غمضت عينيها بوجع ودخلت وسابتهم
ادهم :- اطلعى برررره يا داليا ومشوفش وشك هنا تانى
داليا :- ابوس ايدك يا ادهم سامحنى
ادهم :- مسكها من دراعها وشدها وراه وفتح باب الشقه وحدفها بره وقال متجيش هنا تانى مفهوم وقفل الباب فى وشها
داليا :- بدموع قعدت تخبط على الباب وتقول ارجوك افتحلى يا ادهم انا اسفه والله انا عملت كده علشانك افتح يا ادهم افتح وقعدت على الأرض وسندت على الباب وقالت بدموع والله العظيم بحبك ومش قصدى اوجعك وقعدت تعيط
ادهم :- بصوت عالى ميرررررررفت
ميرفت :- جت تجرى وقالت ن ن.نعم
ادهم :- بعد كده اى وقت تيجى فيه البنى ادمه دى موجود ولا مش موجود مدخلهاش هنا مفهوم
ميرفت :- ح.ح.حاضر
ادهم :- دخل الاوضه عند جدته وقفل الباب وراه وحط راسه على كتف جدته وقال لييييييه الدنيا كلها بتعمل فيا كده ليه حتى الانسانه الوحيده اللى حبيتها طلعت خاينه راحت وقفت معاهم ضدى ليه مليش حظ مع اى حد بحبه انا تعبت منهم كلهم مبقاش فيا حيل ولا قادر استحمل كل ده ودموعه نزلت منه وقال انا خلاص مش قادر أظهر قدام الناس قوى انا ضعيف جدآ كل ضربه بتيجى من ناس بحبهم كانت بتضعفنى لحد ما قدروا يكسرونى
ليه بنتك غاويه تتعبنى وتكسرنى؟ ليه؟ هو فيه ام تعمل كده فى ابنها زمان سبتنى ورمتنى ودلوقتى يقولوا أن انا ابن نفس الشخص اللى بكرهوا طول حياتى طيب كنت عملت ليها ايه كنت طفل صغير لا حولا ليه ولا قوه كان كل حلمه أن ينام فى حضن أمه ولا تجيب ليه لعبه يلعب بيها علمتنى القسوه بدرى اوى شيلتنى مسؤوليه تقيله عليا جدآ خلتنى بنى أدم معندهوش قلب كسرت كل حاجه فيا كبرت عندى رغبة الانتقام ولما قابلة البنى ادمه الوحيده اللى قدرت تخطف قلبى وتعيشنى سعيد وتنسينى جزء من الماضى راحوا ليها وخلوها معاهم وداست على قلبى علشانهم انا بكرهم كلهم بكرهم ودخل فى حضن جدته وقعد يعيط زى الاطفال
جدته :- رفعت ايديها ببطئ شديد وحطتها على ضهر ادهم وطبطبت عليه براحه جدآ
ادهم :- اتفاجئ بحركة جدته وبصلها وعيونه كلها دموع وقال انتى اتحركتى
الجده :- بصت ليه وعيونها كلها دموع وحاولت تحرك شفايفها علشان تتكلم
ادهم :- هز راسه بفرحه وقال ها اتكلمى يلا
الجده :- معرفتش تحرك شفايفها بصت ليه بقلة حيله وهزت راسها بمعنى أنها مش قادره
ادهم :- نام فى حضنها وقال بلاش تتعبى نفسك اكتر من كده كفايه عليا حركة ايدك ولمستك ليا
الجده :- طبطبت على ادهم ودموعها نزلت منها
ادهم :- مسح دموعها وقال بلاش دموعك دى ارجوكى انا مقدرش اشوفها ونام فى حضنها ومسك فيها زى الطفل الصغير
~•~•~•~•~•~•~•~•~•~•~•~•~•
فى فيلا أكرم

وصل اكرم الفيلا فى نفس الوقت اللى وصل فيه مكرم فرح وراح عنده وحضنه بحب وقال

أكرم :- فينك يا ابنى واحشتنى
مكرم :- بعد عنده وقال بجفاء موجود هكون فين يعنى
أكرم :- بصله بوجع وقال ليه الجفا ده اللى عندك ليا عملتلك ايه علشان تكرهنى الكره ده كله فيه ايه يا اخى ده انت قلبك قاسى اوى كده ليه
مكرم :- علشان طول عمرك انت الطيب وانا الشرير انت الكويس وانا الوحش طول عمرك ابنهم المدلل إنما أنا طول عمرى مطحون معاهم فى الشغل اعمل يا مكرم سوى يا مكرم حتى انت اختارت طريقك إنما أنا حكم عليا ابوك اكون معاه ومشيت انا وراه رغبة ابوك حتى الانسانه الوحيده اللى حبيتها حبيتك انت وانا لاء طول عمرك انت اللى مستحوذ على كل الاهتمام إنما انا محدش بيشوفنى انا بكرهك يا اكرم وهعيش عمره كله بكرهك وسابه ومشى
أكرم :- اتصدم من الكلام اللى سمعه من اخوه ووقف شويه مكانه مش قادر يستوعب كره اخوه ليه بالطريقه دى ودخل على اوضه لاقه فاطمه قاعده على الكنبه ودموعها نازله منها اتنهد وراح قعد جنبها وقال فاطمه انا اسف
فاطمه :- مردتش عليه وقامت من جنبه وقعدت على السرير
أكرم :- راح قعد جنبها وحط أيده على كتفها وقال عارف انك مش هتسامحينى بسهوله بس غصب عنى والله عملت كده انتى عصبتينى جامد وأسلوبك فى الكلام كان فيه اهانه كبيره ليا وكلمة انت مش راجل دى صعبه اوى على اى واحد
فاطمه :- زقت ايده وقامت من جنبه ومردتش عليه
أكرم :- وقف وراها وقال علشان خاطرى سامحينى انا اسف والله العظيم مش هعمل كده تانى اول واخر مره همد ايدى عليكى
فاطمه :- سابته ودخلت الحمام من غير ما ترد عليه
أكرم :- اتنهد وقال شكلى كده هتعب اوى على ما تصالحينى يا بطتى وغير هدومه وراح نام على السرير
فاطمه :- دخلت الحمام ووقفت قصاد المرايا وقعدت تعيط وحطت ايديها على بؤقها علشان تكتم صوتها وقالت ليه يا اكرم توجعنى اوى كده ليه
~•~•~•~•~•~•~•~•~•~•~•~•~•
فى فيلا ادهم الحناوى

وصلت داليا وهى دموعها على خدها قابلتها دينا واتصدمت من شكلها قالت ليها

دينا :- داليا مالك
داليا :- بدموع ادهم مش هيسامحنى يا دينا
دينا :-مش هيسامحك على ايه
داليا :- ادهم بعد عنى وكرهنى خلاص وسابتها وطلعت على اوضتها ودخلت الاوضه وقفلت وراها الباب واترمت على السرير وقعدت تعيط
دينا :- بأستغراب مالها دى وهى تقصد ايه بأدهم مش هيسامحنى ورفعت كتفها بعدم فهم وطلعت لاختها سندس وخبطت على الباب ودخلت ليها
سندس :- عايزه ايه يا دينا
دينا :- حضرتك مش ناويه تنزلى مدرستك بقى مش كفايه عليكى انتخه والقاعده فى الاوضه دى
سندس :- هتفرق ايه اذا كنت هتعلم ولا لاء فى الاخر هكون بنت تاجر المخدرات المنتحر والام الهاربه من أولادها يعنى هتفضل السمعه الوحشه ورانا ورانا مهما حصل
دينا :- لاء يا سندس غلطانه انتى ليكى نفسك بس بصى لمستقبلك وحددى هدفك وأجرى وراه وابقى حاجه كبيره الناس بتنسا بسرعه مفيش حد فيهم بيفتكر حاجه حصلت من سنين يعنى ابوكى مكانش اول ولا اخر تاجر مخدرات كان فيه قبله كتير ومحدش فاكر عنهم حاجه دلوقتى بصى لمستقبلك يا حبيبتى ومتفكريش فى اى حاجه تانى
سندس :- دموعها نزلت منها وقالت ليها احنا ليه بيحصل فينا كده ليه الدموع مش بتعرف حد غيرنا انا تعبت يا دينا نفسى يكون كل ده كابوس وهصحه منه قريب والاقى حياتى حلوه زى اى بنت فى سنى؛ عارفه انا مش مأثر فيا موت بابا ولا فارق معايا ولا هممنى اختفاء ماما ولا هى عامله ايه دلوقتى بقى عندى تبلد مشاعر بشكل رهيب بقيت مش قادره احب بقيت بكره وبس نفسى اعيش حياتى زى اى واحده فى سنى انا بكره حياتى اوى يا دينا اوى
دينا :- انتى صغيره على كلامك ده يا سندس
سندس :- صغيره! اوقات كتير بحس أن انا عجزت اوووى من اللى بشوفه فى حياتى يا دينا بقى مليش نفس لاى حاجه فى الدنيا عارفه انا نفسى اموت وبس
دينا :- بعد الشر عليكى يا حبيبتى شيلى كل الأفكار السلبيه اللى فى دماغك دى وركزى على هدفك فى الحياه واسعى ليه واعملى حسابك من بكره هتنزلى مدرستك الجديده وانا هوديكى بنفسى وبستها فى دماغها وقالت انسى اللى فات ده كله وابدأى من جديد يا سندس تصبحى على خير وخرجت وسابتها
سندس :- اتنهدت وقالت ياريت النسيان كان بالسهوله دى يا دينا مكانش حد غلب وراحت على سريرها ونامت
~•~•~•~•~•~•~•~•~•~•~•~•~•
فى اوضت دينا

دخلت دينا وهى ماسكه دموعها بالعافيه وقفلت الباب وراها واترمت على السرير وقعدت تعيط وفى الوقت ده تليفونها رن برقم تامر ردت عليه وهى الدموع على خدها وقالت

دينا :- السلام عليكم
تامر :- وعليكم السلام عامله ايه يا حبيبتى
دينا :- اهو بحاول اعيش
تامر :- دينا انتى كنتى بتعيطى
دينا :- تعبت يا تامر كلنا بنمر بحاله صعبه اوى مش سهل علينا الصدمات اللى اخدنها الفتره اللى فاتت دى انا بحاول اقوى سندس وانا محتاجه حد يقوينى
تامر :- انا جنبك يا حبيبتى انا قوتك فى وقت ضعفك
دينا :- عارفه والله انا اصلا مش عارفه من غيرك كان هيبقى ايه وضعى انت اكتر حاجه بقوى علشانها
تامر :- دينا انا ناوى اكلم ادهم ونتجوز اخر الاسبوع ده
دينا :- بصدمه! نتجوز؟ طيب ازاى واحنا فى الظروف دى يا تامر
تامر :- ده اكتر وقت لازم نتجوز فيه علشان اقدر اكون جنبك اوقات كتير بيبقى بالى مشغول عليكى وانا نايم فى اوضى نفسى اخبيكى جوه حضنى واطمنك انا محتاجك جنبى الفتره دى اكتر ما انتى محتاجانى انا حاسس ان انا هموت من قلقى عليكى يا دينا
دينا :- بأستغراب قلقك عليا! من ايه قلقان يا تامر هو انت تعرف حاجه انا معرفهاش
تامر :- ها ل.ل.لا طبعآ ا.ا.انا اقصد قلقان عليكى من الحاله اللى انتى فيها دى
دينا :- اوك يا تامر كلم ادهم
تامر :- برن عليه ومش بيرد عليا وبعد كده الفون بتاعه اتقفل خالص قولت يمكن فصل شحن ولا حاجه شويه كده هجرب عليه تانى وانتى لو هو جه قولى ليه أن انا عايز أكلمه
دينا :- حاضر يا تامر
تامر :- روح وعمر تامر كله انتى يا دينا خلى بالك على نفسك يا حبيبتى فى رعاية الله سلام
دينا :- سلام وقفلت السكه وحطة التليفون جنبها وقالت بحبك اوى يا تامر اوى ونامت على السرير
*********************
إلي هنا ينتهي الفصل الثالث و الخمسون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة