U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل السابع و الخمسون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السابع و الخمسون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السابع و الخمسون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل السابع و الخمسون

مر اسبوع على الأحداث وبدأت كل حاجه ترجع لطبيعتها وكل واحد رجع لشغله من جديد
وتم استلام جثة إنعام ودفنها وجارى التحقيق مع مكرم فى الجرايم اللى فعلها وبدء حمزه يتعافى وسعيد جدآ بوجود ميرفت جنبه
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها قامت قعدت على السرير بتاعها ودموعها نزلت منها وافتكرت اللى حصل بينها وبين ادهم فى المستشفى وحطت راسها على رجلها وقعدت تعيط وتفتكر الكلام اللى حصل ما بينهم
~•~•~•~•~•~•~•~•~•~•~•~•~•
فلاش بااااااك

ادهم :- داس على سنانه وقال انتى متستهليش دقه واحده من قلبى انتى واحده خاينه خونتى ثقتى فيكى انا اكتر حاجه ندمان عليها أن انا حبيت واحده زيك
داليا :- بدموع والله العظيم ما خونتك انا عملت كده علشان مصلحتك عملت كده علشان اوضح ليك الحقيقه وتعيش مرتاح كان كل همى راحتك وبس مفكرتش فى اى حاجه تانيه
ادهم :- وده مش مبرر كافى يا داليا علشان اسامحك عليه
داليا :- طيب سامحنى على الغلطه دى ما انا كتير اوى سامحتك يا ادهم علشان بحبك مش انت بتحبنى يا ادهم وحياة حبنا سامحنى
ادهم :- للاسف مبقاش ليكى مكان فى قلبى
داليا :- يعنى ايه
ادهم :- يعنى انتى طالق يا داليا
داليا :- بصت ليه بصدمه وقالت انت بطلقنى يا ادهم
ادهم :- واحده زيك مبقاش ليها وجود فى حياتى من هنا ورايح انتى ولا حاجه بالنسبه ليا وسابها ومشى
داليا :- بصت على ادهم وهو ماشى وحست أن الدنيا بتسود فى عينيها ووقعت على الارض مغمى عليها
ادهم :- كان اختفى والناس شافت داليا واقعه فى الارض نقلوها على اوضت الكشف وبعد وقت دخل الدكتور وكشف عليها وفوقها واداها حقنه مهدأه وخرج
داليا :- فضلت ساكته والدموع بس نازله من عينيها ودخلت ليها ميرفت وقالت
ميرفت :- سلامتك الدكتور قال ان انتى عندك انهيار عصبى
داليا :- مردتش عليها وبصه قدامها والدموع نازله من عينيها
ميرفت :- مسكت ايد داليا وقالت مال ايدك متلجه كده داليا ردى عليا
داليا :- مردتش عليها
ميرفت :- طيب انا جيت افرحك واقولك أن حمزه فاق واول حاجه عملها سأل عليكى
داليا :- ساكته
ميرفت :- طيب حاولى تنامى شويه وريحى اعصابك
داليا :- نزلت لتحت وغمضت عينيها وعملت نفسها نايمه
ميرفت :- غطتها وطفت النور وخرجت من الاوضه وقفلت وراها الباب
داليا :- فتحت عينيها تانى وقعدت تعيط وبعد وقت قررت تمشى من المستشفى وتروح لاكتر مكان بترتاح فيه قامت من على السرير وفتحت الباب براحه ملاقتش حد واقف خرجت تجرى وقفت تاكسى وراحت بيه على الملجأ دخلت على الاوضه المخصصه ليها واترمت على السرير وقعدت تعيط لحد ما عينيها راحت فى النوم وبعد وقت دخلت فاطمه تتطمن عليها بعد ما عرفت انها اغمى عليها ملاقتهاش فى الاوضه راحت سألت عليها فى اوضت حمزه ميرفت قالت ليها أنها كانت فى اوضتها وبدأوا يدورا عليها وحاولوا يوصلوا ليها عن طريق التليفون بس هى كانت قافله لحد ما افتكرت فاطمه وقالت
فاطمه :- صح داليا لما بتكون مضايقه بتروح تقعد فى الملجأ ومدام راحت هناك بترفض تقابل اى حد ولا تكلم حد فى الفون بس متقلقوش عليها مدام راحت هناك بتبقى بتستعيد قوتها وهترجع اقوى من الاول بكتير
ومر كذا يوم على وجودها فى الملجأ وهى بترفض تقابل اى حد لحد ما قررت ترجع على شقة ابوها وبالفعل خرجت وراحت عند ابوها وعرفته أن ادهم طلقها وبقت تقضى حياتها ما بين نزولها الشغل وقعدتها فى اوضتها ما بين دموعها وذكريتها مع ادهم
~•~•~•~•~•~•~•~•~•~•~•~•~•
باااااااك

فاقت داليا من سرحانها على صوت خبط الباب مسحت دموعها وقالت

داليا :- ادخل
سعيد :- فتح الباب ودخل وقال صباح الخير يا حبيبتى
داليا :- صباح النور يا بابا
سعيد :- عامله ايه دلوقتى يا بنتى
داليا :- وهى بتحاول تظهر قويه قدام ابوها قالت انا كويسه وزى الفل يا حبيبى متقلقش عليا انا داليا سعيد
سعيد :- مسك وشها ما بين ايديه وقال متحاوليش تمثلى انك قويه على ابوك يا بنتى ده انا بعرف ايه فيكى من نظرة عيونك من غير ما تقولى ولا كلمه
داليا :- دموعها نزلت منها واترمت فى حضن ابوها وقعدت تعيط وتتشعلق فى ابوها اكتر
سعيد :- ضمها ليه جامد وقال عيطى يا بنتى طلعى كل اللى جواكى
داليا :- بدموع انا بموت من جوايا يا بابا قلبى مش قادر يقتنع أن خلاص مفيش ادهم مش قادر يصدق أن هو طلع رخيص اوى عنده انا قلبى بيتقطع من كتر الوجع اللى حاسس بيه ليه ادهم عمل فيا كده يا بابا لييييييه
سعيد :- انتى اللى كنتى غلطانه من الاول يا حبيبتى غلطى لما اخدى منه العينه بدون علمه مره وغلطى لما نزلتى الشغل من وراه مره تانيه انتى اكتر واحده عارفه طبع ادهم عامل ازاى وكنتى عارفه ومتأكده أن هو مش هيسامحك على كده فين دماغك يا داليا فى وقت زى ده
داليا :- حتى انت يا بابا بتقولى كده
سعيد :- انا الوحيد اللى لازم اقولك كده علشان عايز مصلحتك وخايف عليكى لازم افتح عينك على الغلط يا بنتى
داليا :- يا بابا افهمنى انا عملت كده علشانه كنت عايزه افتح عينه على الحقيقه كنت عايزه أخرجه من وجع الماضى
سعيد :- ارجع اقولك غلطانه برضه كنتى قولتى ليه اللى حصل وسبتيه هو يتصرف
داليا :- مكانش هيوافق يعمل التحليل
سعيد :- ما هو ده اللى انا بقوله ادهم اعتبر اللى انتى عملتيه معاه ده خيانه لويتى دراعه وعملتى ليه تحليل غصب عنه وواحد زى ادهم ده مش هيقبل حد يلوى ليه دراعه
داليا:- كان لازم يتغير علشانى يا بابا موضوع زى ده كان غفر ليا زى ما انا غفرت ليه حاجات كتير للاسف يا بابا ادهم انانى اوى اوى رضا كبرياءه وغروره على حساب قلبه وداس على قلوب بتحبه وعايزه مصلحته لمجرد بس دورت على اللى يريحه ووقفت وقالت ومن هنا ورايح هخده قدوه ليا فى قسوة القلب من هنا ورايح هتعلم ادوس على القلوب زى ما هو بيعمل بالظبط
سعيد :- بس كده عمرك ما هترتاحى علشان كل مره هدوسى على قلب هتخسرى احترامك لنفسك يا بنتى ربنا يهديكى ويصلح حالك وخرج وسابها
داليا :- ضحكة بوجع وقالت يعنى هخسر ايه اكتر من اللى خسرته ودخلت الحمام اخدت شاور واتوضت وخرجت من الحمام دخلت اوضتها تانى لبست هدومها وأدت فرضها وخرجت من اوضتها وقالت انا رايحه الشغل يا بابا
سعيد :- اعملى حسابك اخوكى راجع النهارده الشقه هو ومراته
داليا :- ماشى سلام ونزلت وقفت تاكسى وراحت على شغلها
~•~•~•~•~•~•~•~•~•~•~•~•~•
فى المستشفى

صحى حمزه من نومه بص قصاده لاقه ميرفت نايمه على الكرسى وهى قاعده نده عليها وقال

حمزه:- ميرفت يا قلبى
ميرفت :- قامت وقالت بخضه فيك حاجه تعبان انادى الدكتور
حمزه :- أهدى يا حبيبتى انا كويس
ميرفت :- اتنهدت براحه وقالت طيب الحمدالله
حمزه:- ليه نيمتى على الكرسى منمتيش ليه جنبى على السرير
ميرفت :- ها ع.ع.عادى نمت وانا قاعده محستش غصب عنى
حمزه :- غصب عنك ولا مكسوفه تنامى جنبى انا جوزك يا هبله
ميرفت :- ت.ت.تحب اقعدك
حمزه:- متغيريش الكلام انتى لسه بتتكسفى منى يا ميرفت
ميرفت :- ح.ح.حمزه خلاص بقى
حمزه :- تعالى
ميرفت :- بأستغراب اجى فين
حمزه :- تعالى جنبى
ميرفت :- والله انت ناسى اننا فى المستشفى
حمزه :- لاء مش ناسى انتى مراتى يا ميرفت مش هيحصل حاجه لو جيتى جنبى
ميرفت :- حمزه بلاش جنانك ده الله يكرمك
حمزه :- اقسم بالله لو ما جيتى يا ميرفت هقوم اشيلك وخلى الجرح يتفتح تانى وانتى حره بقى
ميرفت :- غمضت عينيها بكسوف وقامت من على الكرسى وراحت ببطئ شديد نامت على السرير جنب حمزه
حمزه :- حط دراعه تحت راسها وشدها فى حضنه
ميرفت :- كانت هتموت من الكسوف وقالت ح.ح
حمزه حد يدخل علينا
حمزه :- متخافيش وبص على شفايفها وقال تعرفى أن شفايفك وحشونى اوى
ميرفت :- وشها احمر وقالت ا.ا.انت مالك النهارده يا حمزه
حمزه :- مشتاق ليكى يا ميرفت بقالى قد ايه محروم منك ويوم ما لاقيتك اتصبت واتحرمت من ان انا اقرب ليكى تعبت بجد
ميرفت :- احم م.م.ما الايام اللى جايه كتير محبجش فى المستشفى يعنى
حمزه :- طيب حتى بوسه اصبر بيها نفسى
ميرفت :- بكسوف لاء انت النهارده فظيع بجد ولسه هتقوم
حمزه :- شدها ليه وقرب من شفايفها وبسها بوسه طويله وبعد وقت بعد عنها وقال ياااااااه يا ميرفت قد ايه كانوا واحشنى شفايفك
ميرفت :- كانت مكسوفه ومش قادره تتكلم وترد عليه
حمزه :- رفع وشها ليه وقال كنا بطلنا الكسوف ده من زمان ايه رجعه تانى بس
ميرفت :- ح.ح.حمزه مينفعش كده والله ح.ح.حد يدخل علينا ويشوفنا كده احنا كلها ساعه والدكتور يطمنا عليك وهنروح البيت ابقى اعمل اللى انت عايز تعمله فى الاوضه بتاعتنا
حمزه :- انتى اللى قولتى يعنى هعمل اى حاجه انا عايزها
ميرفت :- بصت لتحت بكسوف وهزت راسها بمعنى ايوه
حمزه :- ده انتى هتتقطعى النهارده يا ميرفت
ميرفت :- ضربته بكسوف على صدره وقالت قليل الادب
حمزه :- اتوجع من الجرح مطرح ما ضربته ميرفت وقال اااااه يا بنت المجنونه
ميرفت :- بلهفه وخوف قالت ا.ا انا اسفه مقصدش والله
حمزه :- شدها فى حضنه وقال متخفيش انا كويس والجرح محصلش ليه حاجه انا بهزر معاكى يا ميرفت
ميرفت :- بجد يعنى مش تعبان
حمزه :- اكيد تعبان بس بسبب بعدك عنى وغمز ليها
ميرفت :- قامت من جنبه بكسوف وقالت والله العظيم انت غلس
حمزه :- هههههههه يخربيت خدودك الحمرا دى من الكسوف انا حتى زى جوزك يعنى هههههههه
ميرفت:- ابتسمت وقالت غلس وبعد وقت جه الدكتور كشف على الجرح واطمن عليه وكتب ليه على خروج وحضرت ميرفت كل حاجه وسندته وخرجوا وقفت تاكسى وراكبوا الاتنين وراحوا على الشقه
~•~•~•~•~•~•~•~•~•~•~•~•
فى شركة ادهم الحناوى

فى مكتب ادهم

كان قاعد على مكتبه وماسك التليفون فى أيده وبيتكلم فيه وقال

ادهم :- اياك تزعلها مفهوم
جورج :- اكيد طبعآ يا ادهم باشا مدام داليا فى عنينا وبناخد بالنا منها علطول ومحدش بيضايقها من الموظفين نهائى
ادهم :- لو عرفت بس أن حد ضايقها هيبقى اخر يوم فى عمره وحسك عينك تعرف أن انا بسألك عليها كل يوم
جورج :- اطمن يا باشا والله متقلقش
ادهم :- قفل التليفون مع جورج واتنهد بوجع
أكرم :- مدام انت لسه بتحبها اوى كده وخايف عليها طلقتها ليه
ادهم :- داس على سنانه وقال علشان لوت دراعى يا اكرم خانة ثقتى فيها وانضمت لاكتر ناس بكرهم فى حياتى وسكت شويه وقال بحبها اه وبخاف عليها وبحميها من بعيد بس عمرى ما هقدر اغفرها غلطه زى دى واعيش معاها تانى
أكرم :- انت ليه غاوى تتعبها وتتعب نفسك يا ادهم الدنيا ابسط من كده بكتير ده ربنا اسمه الغفور الرحيم يبقى احنا البشر المخلوقين من طين منغفرش لبعض ونسامح فوق يا ادهم وفكر بالعقل داليا بتحبك واللى عملته ده بدافع حبها ليك كانت عايزه تفتح عينك على الحقيقه انا فاكر كلام مصطفى ده لما قال إنها بتحبك وبتخاف عليك وأنها كانت حريصه واخدت هى العينات وودتها المعمل بنفسها واحده غيرها كانت مشغلتش بالها بحاجه زى كده وأدت العينه لمصطفى وخلصت نفسها داليا بتخاف عليك اكتر من نفسها راجع نفسك يا ادهم فى اللى انت بتعمله ده
ادهم :- حاول يغير الموضوع وقال سيبك منى دلوقتى امك عامله ايه
أكرم :- ماشى براحتك غير الموضوع علشان مش عايز تبين أن انا عندى حق وانت مش عندك رد ليا
ادهم :- اكرررررم طمنى على امك
أكرم :- ماشى يا ادهم خرجت من المستشفى بس صحتها بقت فى النازل وطول النهار دموعها على خدها وبتنادى على مكرم وبنأكلها بالعافيه
ادهم :- واحد واطى وانانى مفكرش فيكم قبل ما يعمل كل ده مفكرش فى أمه وابوه هيبقى ايه وضعهم لما يعرفوا الحقيقه بتاعته
أكرم :- للاسف مكرم طول عمره انانى مش بيفكر غير فى نفسه وبس
ادهم :- روحت ليه؟ وزورته ؟
أكرم :- كان ممنوع عنه الزياره علشان التحقيق لسه تامر مكلمنى وقال مسموح أزوره النهارده
ادهم :- هتروح تعمله ايه ده كان عايز يقتلك خساره فيه السؤال
أكرم :- للاسف اخويه من لحمى ودمى ولازم اقف جنبه لاخر لحظه
ادهم :- روق كده واهدا
أكرم :- ربنا يدينى الصبر من عنده حاسس ان انا متكتف ومش قادر اعمل اى حاجه
ادهم :- حاسس بيك يا صاحبى
أكرم :- وقف وقال عقبال ما تحس بالبونيه اللى كانت هتموت عليك
ادهم :- روح مكتبك يا اكرم خلينى اشوف شغلى
أكرم :- ماشى يا ادهم اهو ماشى وهز راسه يمين وشمال وخرج من مكتب ادهم راح مكتبه
ادهم:- رجع راسه لورا وبص لفوق وقعد يهز الكرسى بتاعه وسرح فى ذكرياته مع داليا
~•~•~•~•~•~•~•~•~•~•~•~•~•
فى فيلا ادهم

فى اوضت دينا

كانت نايمه على سريرها ودموعها على خدها ورافضه تاكل وتشرب ورافضه تكلم اى حد وفى الوقت ده الباب خبط بتاع اوضتها قالت بعصبيه

دينا :- انا مش قولت محدش يخبط على باب أوضى
الشغاله :- استاذ تامر تحت وعايز حضرتك يا ست دينا
دينا :- تامر طيب روحى قوليله ان انا نازله وقامت من على سريرها مسحت دموعها وغسلت وشها وفتحت الباب ونزلت
تامر :- راح يجرى عليها ومسك ايديها وقال بلهفه كده يا دينا تقلقينى عليكى بالشكل ده رافضه تردى على الفون عليا ليه يا قلبي
دينا :- بدموع مش عايزه اكلم حد مش عايزه حد يسأل عليا انا عايزه اموت وبس يا تامر وقعدت على الكنبه
تامر :- ليه بس يا قلبى
دينا :- انت اللى بتسألنى ليه ؟ ماانت عارف الحكايه كلها من اولها لاخرها يا تامر انا مشوفتش يوم واحد حلو بطلع من صدمه ادخل فى التانيه علطول أبويه تاجر مخدرات امى برضه زيه والاتنين ماتوا مقتولين من واحد عاش واتربى وسطنا وطلع مجرم انا خلاص مش عايزه اعيش الدنيا الخداعه دى يا تامر
تامر :- قعد جنبها وقال خليكى قويه يا دينا ده ابتلاء واختبار من ربنا بيشوفك هتصبرى عليه ولا لاء وبعدين انا جنبك يا دينا ومهما حصل هفضل جنبك ومعاكى وعمرى ما هتخلى عنك يا عمرى
دينا :- بدموع انا بموت يا تامر انا بتقطع من جوايا ليه انا اللى بيحصلى كل ده ليه مكتوب عليا الحزن وبس نفسى فى فرحه من قلبى بجد الدنيا بقت سوده اوى فى عينيا وحطت ايديها على وشها وقعدت تعيط
تامر :- شدها فى حضنه وطبطب عليها ودموعه نزلت وقال أهدى يا حبيبتى دموعك غاليه عليا اوى ومسك وشها بين ايديه ومسح دموعها وقال انا كلمت ادهم على جوازنا وهو وافق على اخر الاسبوع ده
دينا :- بصت ليه بصدمه وقالت اخر الاسبوع ازاى بس انا مش مستعده لاى حاجه يا تامر
تامر :- هو ده وقته يادينا لازم ابقى معاكى وجنبك دلوقتى
دينا :- يا تامر افهمنى بس انا مش مستعده
تامر :- قطعها وقال انا مش جاى اخد رأيك يا دينا انا جاى ابلغك قرارى
دينا :- بصت لتحت ودموعها نزلت منها
تامر :- رفع راسها وقال خلاص بقى يا دينا انسى اللى فات محدش منهم يستاهل دمعه واحده منك انتوا لو كنتوا غاليين عندهم كانوا فكروا فيكم قبل ما يعملوا كده ويغلطوا فى حق البلد والقانون صدقينى النهايه ليقه جدآ على أفعالهم اللى ارتكابوها يا دينا فكرى فى نفسك وبس
دينا :- هزت راسها بدموع وقالت هحاول
تامر :- انا عايزك تتأكدى أن انا بحبك وهفضل جنبك ومستحيل ابعد عنك مهما حصل
دينا :- هزت راسها وقالت واثقه فيك يا تامر
تامر :- بحبك وهفضل احبك العمر كله
دينا :- بصت ليه وابتسمت بحب
~•~•~•~•~•~•~•~•~•~•~•~•~•
فى المدرسه عند سندس ومؤمن

انتهى وقت الدراسه وخرجوا الاتنين مع بعض تحت نظرات وائل الحاقده ليهم

مؤمن :- مش مصدق نفسى أن اخيرآ اليوم خلص يوم طويل اوى
سندس :- اهو يوم زى باقى الايام هيفرق ايه يعنى
مؤمن :- مالك يا سندس
سندس :- انا مخنوقه ومش عايزه اروح الفيلا ممكن تخرجنى
مؤمن :- اه طبعآ انتى تأمرينى وشاور لتاكسى وقفه وراح على كافيه ودخلوا قعدوا وطلب مؤمن حاجه يشربوها وبص لسندس وقال ممكن اعرف بقى مالك
سندس :- مخنوقه يا مؤمن من اللى بيحصلنا انا مش فارق معايا موت بابا ولا موت ماما يعنى هما لما كانوا عايشين كانوا بيعملوا ليا ايه هما ميتين بالنسبه ليا من زمان اوى بس اللى واجعنى ومزعلنى السمعه اللى هما سابوها لينا كفايه أن بيتقال علينا أن احنا اللى اهاليهم بتوع المخدرات واتقتلوا بسبب اللى عملوا
مؤمن :- عارف ان هو صعب عليكى اوى اللى حصلك بس أنا متأكد انك قويه وهتقدرى تتخطى كل المشاكل دى يا سندس
سندس :- قويه قويه قويه انا زهقت من الكلمه دى والله انا أضعف مخلوق على وجهه الارض انا اللى بحاول ارسم ليكم أن قويه بس خلاص مبقتش قادره يا مؤمن انا مش بنام زى البنى ادمين يا مؤمن كل اللى بيحصل فى حياتى بيمر كل يوم شريط قصاد عينى و لو صدفت وغمض عينى شويه بشوفه كابوس فى منامى انا نفسى ارتاح بقى
مؤمن :- صعبة عليه سندس مسك ايديها وطبطب عليها وقال انتى محتاجه دكتور نفسانى يا سندس علشان تقدرى تمرى بالازمه دى الفتره الجايه
سندس :- بصدمه دكتور نفسانى ليه يا مؤمن شيفنى مجنونه
مؤمن :- يا بنتى الدكتور النفسانى ده مش للمجانين الدكتور النفسانى ده بيساعدك تتخطى مشاكلك بكل سهوله
سندس :- سكتت شويه ومردتش عليه
مؤمن :- اسمعى كلامى بس ومش هتخسرى صدقينى هتحسى بفرق كبير اوى لما تروحى
سندس :- ماشى
مؤمن :- انا هشوف دكتور كويس نروح ليه بكره بعد المدرسه
سندس :- اوك مفيش مشكله
مؤمن :- يلا نمشى
سندس :- لاء مش عايزه اروح دلوقتى لو عايز تمشى انت امشى
مؤمن :- لاء طبعآ انا عامل علشانك انتى انا مش فارقه والله طيب اقولك حاجه
سندس :- ايه
مؤمن :- تيجى معايا البيت حمزه راجع النهارده من المستشفى ومراته معاه تعالى اتغدى معانا
سندس :- ب.ب.بس داليا يعنى
مؤمن :- بأستغراب مالها داليا
سندس :- اكيد هتاخد منى موقف بعد اللى حصل بينها وبين ابيه ادهم وكمان انا كنت بعاملها وحش اوى الفتره اللى فاتت يعنى ممكن مترضاش تكلمنى
مؤمن :- هههههه داليا اختى تاخد موقف منك دى اطيب ما خلق داليا اختى طيبه اوى وعمرها ما تاخدك انتى بذنب اخوكى وبعدين لو على معاملتك ليها سهله تقدرى تتأسفى منها وهى مش هتقولك حاجه صدقينى
سندس :- سكتت شويه وقالت امممم اوك يلا بينا
مؤمن :- يلا ودفع الحساب وخرجوا واقفوا تاكسى وراحو على البيت
~•~•~•~•~•~•~•~•~•~•~•~•~•
فى قسم الشرطه

راح أكرم القسم وهو حاسس بوجع فى قلبه دخل المكتب وانتظر دخول مكرم ليه واول ما الباب اتفتح وشاف مكرم داخل قام من على الكرسى ودموعه نزلت منه ومشى براحه لحد ما وصل عنده وبص ليه مده طويله ومره واحده شده فى حضنه وقال بدموع

أكرم :- ليه يا مكرم عملت كده فى نفسك وفينا ليه
مكرم :- كانت أيده فى جنبه ومحركهاش اتجاه اخوه خالص
أكرم :- بدموع مبسوط كده لما اترميت فى الحجز فرحان لما امك هتموت عليك وابوك مكسور علشانك اختك اللى كسرة فرحتها وهى منتظره فرحها انا يا مكرم اللى حسيت بضهرى اللى اتكسر بعد اللى عملته ده وبعد عنه وقال بعصبيه ايه يا اخى هتفضل لحد امته انانى ومش بيهمك غير نفسك ومصلحتك بس
مكرم :- بصله بحقد وكره وقال تعرف انا مش ندمان على اللى عملته ولو رجع بيا الزمن برضه هعمل نفس اللى عملته ده وهتمنى اقتلك انت واللى اسمه ادهم بدل المره مليون مره انا بكرهك يا اكرم بكرهك
أكرم :- مسكه من هدومه وقال بعصبيه لييييييه عملتلك ايه كل ده علشان بنت عمك حبتنى انا وانت لاء طيب وانا مالى ايه ذنبى فى كده ها رد عليا
مكرم :- جاسمين كانت سبب من ضمن أسباب تانيه كتير علشان اكرهك طول عمرك انت المفضل عند أهلك طول عمرك انت اللى الناس بتحبك عمرك ما فكرت تقعد معايا وتصاحبنى زى ما بتقعد وتتكلم مع ادهم ده انت بتحبه اكتر منى يا اخى عشت عمرى كله مهمش فى حياتكم شغال فى ساقيه ومش عاجب اقولك على حاجه انتو زعلكم ده مش عليا زعلكم ده علشان سمعت العيله مش اكتر انتو عمركم ما حبتونى ولا هتحبونى
أكرم :- ضربه بالقلم وقال ده علشان يفوقك يا مكرم فوق بقى يا ابنى فكك من دور الضحيه اللى انت عايشه ده وافرض كلامك ده حقيقى تروح تتاجر فى المخدرات وتقتل يا سيدى كان عندك مليون طريق تانى سيب الفيلا سيب الشغل ابعد سافر ابنى ذات محترم لنفسك كان هيبقى افضلك بكتير لكن انت اتجهت للاجرام بكل دم بارد وجاى دلوقتى بتحملنا احنا الذنب لاء يا مكرم فوق المحترم بيبقى محترم لنفسه مش لاى حد تانى لكن انت اختارت تعيش وتموت وسخ ياريت كنت موت وانت صغير ولا كبرت وعملت اللى عملته ده منك لله يا مكرم امك لو حصلها حاجه يبقى ذنبها فى رقابتك انت يا خساره يا مكرم يا خساره وسابه ومشى
مكرم :- ههههه هيعمل فيها العاقل اه لو بأيدى يا اكرم كنت خلصت عليك وارتحت وجه العسكرى اخده تانى نزله الحبس
~•~•~•~•~•~•~•~•~•~•~•~•~•
فى بيت نهى

جهزت نفسها نهى لكتب الكتاب وكانت متوتره ومنتظره وصول محمد والمأذون وبعد وقت سمعت صوت خبط على باب اوضتها قامت تفتح لاقتها رودينا اترمت فى حضنها وقالت

نهى :- رودى قلبى بجد فرحتينى لما جيتى
رودينا :- وانا اقدر برضه مجيش كتب كتاب اختى انتى بتستعبطى ولا ايه امال مين اللى هيقرصك فى ركبتك
نهى :- احلى اخت دى ولا ايه
رودينا :- وبعدين ايه يا بت الحلاوه دى بس يا بختك يا سى محمااااا
نهى :- هههههههه اهو انتى اللى حلوه وبعدين كلها كام يوم وهتحصلنى يا جميل وهنقضى شهر العسل سوا فى فرنسا
رودينا :- بجد دى اكتر حاجه مفرحانى أننا هنقضى شهر العسل مع بعض هناك وهنرجع مع بعض
وفى الوقت ده سمعوا صوت جرس الباب
نهى :- بتوتر ش.ش شكلهم وصلوا
رودينا :- هههههههه مالك يا بنتى اتخضيتى كده
نهى :- خايفه اوى يا رودى اوى
رودينا :- اجمدى يا قلبى وبعدين محمد بيحبك متخفيش منه
نهى :- مخافش ده انا حاسه ان قلبى هيوقف عليا
رودينا :- طيب يلا يا نونا زمان العريس على نار وخرجت وهى خايفه ومتوتره واول ما محمد شافها راح يجرى عليها وبصلها بأعجاب وقال
محمد :- ايه الجمال ده يا قلبى وباس ايديها
نهى :- بكسوف ش.ش.شكرآ
محمد :- تعالى اقعدى وقعدت نهى وهى بتدعك فى ايديها بتوتر وراح محمد عند المأذون وتم كتب الكتاب ومضت نهى على الورق وراح محمد عندها وباس راسها وقالها مبروك يا قلبى
نهى :- بكسوف ا.ا.الله يبارك فيك وسكتت شويه وقالت م.م.محمد
محمد :- ايوه يا روحى
نهى :- امال فين ماما وعفاف والاولاد محدش فيهم جه ليه
محمد :- ها ا.ا اصل ماما تعبانه شويه وسبت عفاف معاها وسلمى زمانها جايه
نهى :- وهى مش مصدقه محمد قالت لا الف سلامه عليها
محمد :- الله يسلمك يا قلبى وفى الوقت ده وصلت سلمى وقالت
سلمى :- مبروك على اخويه لهطت القشطه دى يا ناس وراحت حضنت نهى
نهى :- أتأخرتى كده ليه
سلمى :- يا اختى على ما بلبس واحد التانى يقلع بقيت بجرى وراه ده شويه ووراه ده شويه لما هيجننونى معاهم ولاد الكلب دول
نهى :- هههههه لاء واضح أن هما جننوكى خلاص هههههه
محمد :- طيب حضرتك بركتى للعروسه وبالنسبه للعريس اللى هو اخوكى مفيش حاجه خالص
سلمى :- وانا اقدر بس يا ميدو مبررررروك قلب اختك وحضنته وقالت ليه فى ودنه يارب تخلى بالك من نهى ميحصلش ليها زى اللى حصل للى فاتوا
محمد:- اتوتر وقال ا.ا الله يبارك فيكى يا سمسمه يارب وبص لنهى وقال يلا يا حبيبتى
نهى :-بتوتر دلوقتى لسه بدرى
محمد :- بدرى من عمرك يا روحى يلا يا حبيبتى ووقف وشدها تقف وسلموا على كل الموجودين ونزلوا ركبوا العربيه ومشى بيها
نهى :- ه.ه.هو احنا رايحين الفيلا ولا ايه
محمد :- اه يا حبيبتى معلش مش هينفع نروح فندق دلوقتى علشان ماما تعبانه
نهى :- م.م.مفيش مشكله وبعد وقت وصلوا الفيلا ودخلت نهى مع محمد وهى متوتره ولاقت فى وشها عفاف وامها قالت بتوتر ا.ا السلام عليكم
عفاف وامها :- وعليكم السلام
نهى :- الف سلامه عليكى يا ماما
ام محمد :- الله يسلمك
محمد :- يلا يا حبيبتى تعالى نطلع اوضتنا
نهى :- بتوتر ح.ح.حاضر
محمد :- مسك ايديها وطلعوا السلم ووصلوا عند الاوضه وقبل ما يفتح الباب قال استنى
نهى :- فيه ايه
محمد :- هشيلك يا عروسه ولسه بيوطى علشان يشلها لاقه تيا قدامه قالت
تيا :- بابى بابى
محمد :- وقف تانى وقال نعم يا حبيبتى
تيا :- انا خايفه تعال نام جنبى
محمد :- روحى لعمتك عفاف تنام جنبك
تيا :- قولت ليها مرضتش
محمد :- بعصبيه خلاص روحى نامى لوحدك يا تيا
تيا :- قعدت تعيط
نهى :- استنى اجى انا معاكى
تيا :- لاء انتى وحشه انا عايزه بابى
محمد :- تيااااا كفايه دلع وروحى على اوضك يلا
تيا :- عيطت اكتر
نهى :- خلاص يا محمد روح نيمها انت على ما اخد شاور
محمد :- اتنهد وقال حاضر وراح مسك ايد تيا ودخل معاها اوضتها
نهى :- اتنهدت وبصت لمحمد وهو ماشى وفتحت الباب ودخلت الاوضه بصت لنفسها فى المرايا واخدت الهدوم ودخلت الحمام اخدت شاور واتوضت وخرجت من الحمام لاقت محمد قاعد مستنيها قالت م.م.محمد انت نيمت تيا
محمد :- ايوه يا عمرى ولسه هيقرب منها
نهى :- بعدت عنه وقالت احم ا.ا.ادخل اتوضه علشان نصلى الاول
محمد :- حاضر واخد هدومه واخد شاور واتوضه وخرج صلى بنهى وقال الدعاء ووقف وشد نهى تقف قصاده وقرب منها وقال جعانه
نهى :- هزت راسها بمعنى لاء
محمد :- رفع وشها ليه وقرب من شفايفها وبسها بوسه طويله
نهى :- حاولت تبعد عنه
محمد :- شدها اكتر قلعها الاسدال وشالها حطها على السرير وقرب تانى من شفايفها ولسه هيبوسها باب اوضه خبط
نهى :- بعدت عنه وقالت م.م.محمد الباب بيخبط
محمد:- بعصبيه سيبك منه اكيد حد معندهوش دم علشان يخبط علينا فى وقت زى ده ولسه هيقرب تانى منها
عفاف :- محمد يا محمد الحق ماما تعبانه اوى
محمد :- نفخ وقام من جنب نهى وفتح الباب وقال بعصبيه مش عارفه تتصرفى يا عفاف اديها العلاج بتاعها اللى هو عند اللزوم
عفاف :- اخدته ولسه تعبانه برضه
محمد :- نفخ وبص لنهى وقال معلش يا حبيبتى هروح اشوفها واجيلك علطول وخرج من الاوضه وقفل الباب وراه
نهى :- بصت على الباب وهو بيتقفل وقامت قعدت على السرير وشدت الغطا على جسمها
محمد :- نزل مع عفاف ودخل الاوضه عند أمه لاقها بتتوجع راح قعد جنبها وقال مالك بس يا ماما
ام محمد :- تعبانه اوى يا ابنى حاسه ان انا بموت مش قادره
محمد :- بعد الشر عليكى يا ماما حاسه بأيه بس
ام محمد :- جسمى كله بيوجعنى يا ابنى
محمد :- طيب خدى العلاج وهتبقى زى الفل
ام محمد :- اخده يا ابنى معملش حاجه خالص خلاص يا ابنى روح انت لمراتك معلش عطلتك معايا روح
محمد :- يا ماما المهم عندى راحتك وسلامتك
ام محمد :- بدموع تعبانه اوى يا ابنى خليك جنبى حاسه انى بموت
محمد :- انا جنبك اهو مش هسيبك غير لما تنامى
ام محمد :- لاء متسبنيش خالص خليك جنبى لصبح
محمد :- اتنهد وقال حاضر يا ماما حاضر
عفاف :- طيب هروح اوضى انا بقى تصبحوا على خير وطلعت عند اوضت محمد وخبطت على الباب وقالت نامى لواحدك يا عروسه عريسك هينام النهارده عند أمه هههههههه تصبحى على خير يا عروسه وسابتها وهى بتضحك ودخلت اوضتها ونامت
نهى :- ضمة رجليها عند صدرها وحطت راسها عليها وقعدت تعيط
*********************
إلي هنا ينتهي الفصل السابع و الخمسون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة