U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل الرابع والسبعون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الرابع والسبعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الرابع والسبعون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل الرابع والسبعون

اشرقت شمس صباح يوم جديد بنورها الساطع فى سماء الاسكندريه لتبدء فاطمه بفتح عيونها على صوت تليفونها بصت فيه لاقته ممدوح قامت قعدت على الكنبه وبصت على السرير لاقت اكرم مش موجود اتنهدت بزعل وردت على التليفون وقالت

فاطمه :- صباح الخير يا حبيبى
ممدوح :- بصوت حزين صباح النور يا فاطمه
فاطمه :- مال صوتك
ممدوح :- زهقان وقرفان يا فاطمه انا خلاص مش طايق العيشه دى
فاطمه :- اهدا بس وقولى ايه حصل تانى
ممدوح :- ايه يا فاطمه مش بتستجيب لكلامى نهائى اتكلم معاها وفى الاخر كأنى مقولتش حاجه انا تعبت من تصرفاتها دى يا فاطمه وخايف اهمالها ده يخلينى ابص بره
فاطمه :- يا حبيبى قولتلك اصبر عليها شويه ايه خام يا ممدوح متعرفش حاجه خالص وانا لما انتو تنزلوا هكلمها
ممدوح :- يا فاطمه افهمينى انا راجل واكيد عينى بتشوف دى ودى يعنى لازم تملا عيني علشان مبصش بره
فاطمه :- لاء غلط طبعآ تبص بره ايه مش كل واحد مراته تقصر معاه شويه يروح يبص بره لازم تفهمها مره واتنين وتلاته تطول بالك عليها كفايه أنها سابت أهلها وراحت معاك فى بلد متعرفش حد فيها علشان بتحبك ممدوح اعقل وقولتلك هكلمها وانت حاول معها وسيبك من الكلام الاهبل ده
ممدوح :- عمرك ما هتفهمينى عايزه اوصلك ايه ولا هتعرفى احساسى ايه گ راجل
فاطمه :- حاسه بيك يا ممدوح وفاهمه والله بس ايه غلبانه وطيبه وبتحبك ممكن قلة خبرتها هى اللى وصلتكم لكده لكن بالكلام هتيجى والله بس شويه شويه
ممدوح :- وانا بحبها والله العظيم بس وسكت شويه وقال عمومآ انا هحاول معاها تانى يا فاطمه
فاطمه :- ربنا يهديكم ويصلح ليكم الحال وانا هكلم ايه فون وهحاول افهمها شوية حاجات كده
ممدوح :- ياريت يا فاطمه ياريت
فاطمه :- حاضر يا حبيبى من عينيا
ممدوح :- يلا هسيبك تشوفى ايه وراكى باى يا حبيبتى
فاطمه :- باى يا قلبى وقفلت معاه وقامت دخلت الحمام اتوضت وخرجت ادت فرضها ونزلت لاقت منير ووفاء قاعدين بيفطروا قالت صباح الخير
منير ووفاء :- صباح النور
فاطمه :- هو أكرم نزل من بدرى
منير :- لسه ماشى قبل ما تنزلى علطول
فاطمه :- بزعل ماشى
وفاء :- انتو زعلانين مع بعض ولا ايه يا بنتى
فاطمه :- يعنى
منير :- ده ابن كلب بقى الحمار ده يزعل القمر بتاعنا كده انا لما يجى هشد ليكى ودانه
فاطمه :- ابتسمت وقالت ربنا يخليك ليا يا بابا
وفاء :- طيب ليه النكد يا بنتى
فاطمه :- يا ماما انا مش عايزه نكد والله بس انا نفسى ارجع الشغل زهقت من قعدت البيت وهو رافض لمجرد أنه الراجل طيب ما هو واخدنى وانا بشتغل جزاتى يعنى أن انا اتنازلت عن الشغل علشانه
منير :- يا حبيبتى اى راجل بيخاف ينزل مراته الشغل علشان متنشغلش عنه
فاطمه :- طيب ما ادهم شغل مراته وعلاء شغل منتهى اشمعنا أكرم بقى
وفاء :- يا حبيبتى بلاش تقارنى جوزك بحد الراجل مش بيحب كده وكل واحد وليه طابعه بلاش تنكدى على نفسك وعلى جوزك خديه بالمسايسه كده وهو هيوافق مش بالقفش
فاطمه :- حاضر يا ماما
منير :- وانا يهدا شويه وهكلمه فى موضوع شغلك وان شاءالله اقدر اقنعه
فاطمه :- شكرآ يا بابا بجد ربنا ميحرمنيش منكم يارب
وفاء :- ربنا يهنيكم ويسعدكم يارب
فاطمه :- وقفت وقالت عن اذنكم وطلعت اوضتها
~•~•~•~•~•~•~•~•~•~•~•~•~•
فى فيلا ادهم

صحيت داليا وهى نايمه فى حضن ادهم بصت ليه بحب وابتمست وقربت من شفايفه وباسته بوسه رقيقه ومشيت صوابعها براحه على وشه وقالت بصوت واطى

داليا :- بحبك اوى يا ادهم ومهما عملت فيا مقدرش اكرهك
ادهم :- فتح عينه لاقه داليا بتبص ليه بحب ابتسم ليها وقرب من شفايفها باسها وبعد عنها وقال احلى صباح علشان فتحت عينى عليكى
داليا :- ابتسمت بحب وقالت اللى يشوف كده يقول ان احنا عرسان جداد ودى اول ليله لينا مع بعض
ادهم :- ابتسم وقال احنا هنفضل طول العمر كله عرسان حتى لما عيالنا يكبروا ونبقى جد وجده هنفضل كده كل يوم كأنه اول يوم لينا مع بعض
داليا :- نامت على صدره بحب وقالت ربنا يخليك ليا يا ادهم
ادهم :- باس راسها وقال وميحرمنيش منك يارب
داليا :- ادهم متنساش تكلم أكرم علشان ينزل فاطمه معايا الشغل
ادهم :- لاء مش ناسى اول ما اروح الشركه هكلمه
داليا :- مسكت التليفون وقالت وانا هتصل بالبت توته علشان تنزل معايا من النهارده
ادهم :- اوك كلميها وانا هدخل الحمام وباس راسها وقام من على السرير ودخل الحمام
داليا :- طلبت رقم منتهى وانتظرت الرد
منتهى :- صباح الفل يا قلبى
داليا :- صباح الهنا يا روحى عامله ايه
منتهى :- الحمدالله يا دودى مبروك رجوعك لادهم
داليا :- الله يبارك فيكى عرفتى منين
منتهى :- طمطم كلمتنى امبارح فى الفون وقالت ليا
داليا :- اسكتى انا مش مصدقه نفسى فرحانه اوى
منتهى :- ربنا يسعدكم يارب
داليا :- يارب يا حبيبتى المهم اكيد فاطمه قالت ليك على الجريده اللى ادهم جابها ليا
منتهى :- اه قالت ليا وفرحتلك اوى
داليا :- محتاجكم يا بنات معايا طول عمرنا على الحلوه والمره مع بعض الجريده دى هتكون بتاعتنا احنا التلاته
منتهى :- انا معاكى طبعآ مفيش كلام بس طمطم صعب دى عامله مشكله مع أكرم علشان عايزه تنزل الشغل وهو مش راضى
داليا :- انا قولت لادهم يحاول يقنع أكرم ربنا يهديه ويوافق
منتهى :- يارب عايزين نفضل احنا التلاته مع بعض علطول
داليا :- يلا طيب اجهزى وانا هعدى عليكى بالعربيه
منتهى :- اوك باى
داليا :- قفلت مع منتهى وقامت من على السرير فى نفس الوقت اللى ادهم طالع من الحمام
ادهم :- خلصتى كلام مع منتهى
داليا :- امممم قولت ليها وهعدى بالعربيه اخدها
ادهم :- قرب منها ولف دراعه حاولين وسطها وبص فى عينيها وقال فرحانه
داليا :- فرحانه بس ده انا هطير من الفرحه ربنا يخليك ليا
ادهم :- انا كلى ليكى اى حاجه بتتمنيها بأشاره واحده هتكون عندك مش هخلى نفسك فى حاجه يا داليا
داليا :- بس انا دلوقتى نفسى فى حاجه وبتمنى تحققها ليا بأشاره واحده زى ما بتقول
ادهم :- اطلبى يا روحى وعيونى علشانك
داليا :- قربت ليه اكتر وبصت فى عينيه وقالت نفسى تبقى معايا علطول ومتبعدش عنى لحظه واحده تقدر تحقق امنيتى دى
ادهم :- بص فى عينيها بصدق وقال اوعدك يا داليا عمرى ما هبعد عنك
داليا :- بس ارجوك أصدق فى وعدك ده المرادى قبل كده وعدنى وملتزمتش ليا بواعدك ده
ادهم :- خلاص يا داليا قولنا ننسى اللى فات ونبدء بصفحه جديده
داليا :- عينيها دمعة وقالت انا بقيت اخاف افرح بعلاقتنا دى يا ادهم احسن ما يحصل معانا زى كل مره وأوقات بخاف ليكون كل ده حلم وهقوم منه
ادهم :- عارف انك اتعذبتى معايا يا داليا بس انا كنت مريض نفسى داليا انا بتعالج علشان مخسركيش تانى
داليا :- عارفه مديحه قالت ليا الموضوع ده وفرحت بالخطوه دى اوى
ادهم :- كان لازم اخد الخطوه دى يا داليا وانتى كنتى سبب فيها خوفى انك تضيعى منى خلانى اراجع حسابتى كلها لاقيت نفسى متكتف بحبل الماضى وكنت محتاج دكتور نفسانى يفك الحبل ده عنى والحمد الله بقيت احسن من الاول بكتير
داليا :- طيب و ابوك وأخواتك مش هتسامحهم
ادهم :- انا سامحتهم يا داليا
داليا :- بفرحه بجد
ادهم :- بحاول انسى الماضى وافتح صفحه جديده مع كل الناس مش عايز كره ولا حقد فى حياتى الجايه عايز تبقى حياتى مسلمه عايز حياة جوها نقى علشان لما يجى ابنى الدنيا يبقى جه على دنيا نضيفه يقدر يتأقلم فيها
داليا :- مسكت ايده باستها وقالت طول ما ايدى فى ايدك هنقدر نكمل مع بعض الصعب
ادهم :- بحبك يا داليا ومسك وشها بين ايديه وقرب من شفايفها وباسها بوسه طويله وبعد وقت بعد عنها وحط راسه على راسها وقال انتى اجمل حاجه دخلت حياتى ونورتها بحبك وهفضل احبك لاخر نفس فيا
داليا :- وهى مغمضه عينيها يااااااه يا ادهم كان نفسى اسمع الكلام ده منك من زمان اوى بعشقك يا ادهم بعشقك واترمت فى حضنه
ادهم :- ضمها فى حضنه وباس راسها وابتسم وقال انا بقول بلاش شغل النهارده وخلينا نقضى اليوم مع بعض
داليا :- بصت ليه وقالت بجد
ادهم :- ابتسم وقال لو عايزه انا مستعد وغمز ليها
داليا :- فهمت قصده زقته وقالت تصدق انت قليل الادب وطلعت تجرى على الحمام
ادهم :- بص عليها وهى بتجرى وابتسم وراح لبس هدومه وسرح شعره وقعد ينتظر خروج داليا من الحمام
~•~•~•~•~•~•~•~•~•~•~•~•~•
فى شقة سعيد

قام مؤمن من نومه على صوت تليفونه بيبص لاقها سندس بص جمبه ملاقاش ابوه رد عليها وقال

مؤمن :- صباح الهنا يا قلبى انا
سندس :- صباح النور
مؤمن :- احلى حاجه أن انا بسمع صوتك اول ما بفتح عيونى واخر حاجه بسمعها قبل ما انام صوتك برضه
سندس :- احم ا.ا.انا قولت اصحيك احسن ما تروح عليك نومه ونتأخر
مؤمن :- ربنا يخليكى ليا يا قلبى وتفضلى فكرانى علطول كده
سندس :- ط.ط.طيب انا هقفل بقى علشان اجهز نفسى باى
مؤمن :- بحب سلام يا احلى واجمل مخلوقه على وجه الارض وقفل مع سندس وقام خرج من اوضه دخل الحمام وبعد وقت خرج من الحمام راح المطبخ ومشى براحه من غير ما حد يحس بيه وقال فاجئه صباح الخير يا حاج
سعيد :- اتخض وقال يااااا ابن الكلب خضتنى
مؤمن :- انا مش عارف يا حاج ليه مصمم تشتم أبويه مع أن أبويه ده حتة سكره وربنا وعمره ما طلع من بؤقه الشتيمه واخد بالك انت عمره
سعيد :- يا ابنى انت عايز تجيب أجلى ارحمنى شويه
مؤمن :- بعد الشر عليك يا حجيجه ده انت اللى منور البيت كله
سعيد :- روح يا مؤمن شوف هتعمل ايه مش ناقص صداعك على الصبح
مؤمن :- والله وانا كمان كان نفسى اقعد معاك شويه اونسك بس مش فاضى ورايا مستقبل بيضيع وفشل منتظرنى
وخرج من المطبخ ودخل اوضه
سعيد:- هز راسه يمين وشمال وقال ربنا يهديك يا ابنى وتعقل شويه وراح يكمل بقيت الاكل
~•~•~•~•~•~•~•~•~•~•~•~•~•
فى شقة منتهى وعلاء

خرج علاء من اوضه بيدور على منتهى لاقها فى المطبخ دخل عندها حضنها من ضهره وباسها فى رقابتها وقال

علاء :- صباح الخير يا قلبى
منتهى :- صباح النور يا حبيبى
علاء :- بتعملى ايه
منتهى :- بعملك الفطار بس متخفش اخد بالى من السكر والملح
علاء :- باسها فى خدها وقال اى حاجه هتعمليها بأيدك هاكلها
منتهى :- لفت راسها ليه وباسته بوسه على شفايفه وقالت بحبك
علاء :- قرب تانى لشفايفها وباسها وقال بعشقك يا روح علاء بس خدى بالك احسن الاكل يتحرق زى كل مره
منتهى :- متقلقش واخده بالى المرادى اوى
علاء :- امممم لما نشوف
منتهى :- شدته من أيده وقالت تعال بس وقعدته على الترابيزه وقالت هدوق احلى اكل
علاء :- بضحك ربنا يستر ورينى يا ستى
منتهى :- حضرت الاكل على الترابيزه وقعدت وقالت دوق بقى وقولى رأيك
علاء :- مسك المعلقه وبدأ يحط فى بؤقه الاكل
منتهى :- بقلق ها
علاء :- احم جميل تسلم ايدك
منتهى :- لاء شكله مش عجبك
علاء :- بصى هو حلو بس محتاج شوية تظبيط بس يكفى انك بتحاولى وعلشان خاطرك انا هاكل الطبق كله
منتهى :- لاء خلاص بلاش تغصب على نفسك تعال ننزل ونجيب اى حاجه من الشارع
علاء :- لاء هاكل من الاكل ده يكفى أن حبيبت قلبى وقفت وعملته علشانى وبدأ ياكل
منتهى :- اكلت معاه وبصت لعلاء وقالت علاء انا بحبك اوى
علاء :- ابتسم ليها وقال وانا بموت فيكى
وبعد وقت انتهوا من الاكل
منتهى :- وقفت علشان تشيل الاطباق
علاء :- مسك ايديها وقال لاء اقعدى انتى بقى انا هشيل الاطباق وهغسلهم كفايه انك انتى اللى عملتى الاكل
منتهى :- قعدت تبص ليه بحب وهو واقف بيغسل الاطباق وقالت علاء
علاء :- نعم يا روحى
منتهى :- انت هتعمل التحليل امته
علاء :- ربنا يسهل يا توته لما اكون فاضى
منتهى :- بس بالله عليك ما تتأخر
علاء :- حاضر يا توته
منتهى :- انا النهارده هنزل اول يوم مع داليا فى الجريده بتاعتها
علاء :- المكان اللى يريحك يا حبيبتى روحى فيه
منتهى :- طبعآ هكون مرتاحه علشان هبقى مع داليا
علاء :- تمام يا قلبى يلا علشان اوصلك
منتهى :- هنزل معاك بس هستنا داليا تخدنى معاها بالعربيه
علاء :- ماشى يا حبيبتى يلا بينا
ونزلوا الاتنين ركب علاء عربيته وراح على الشركه ومنتهى وقفت تستنا داليا
~•~•~•~•~•~•~•~•~•~•~•~•~•
فى شركة ادهم

وصل اكرم الشركه ودخل على مكتب ادهم وقعد على الكرسى وقال

أكرم :- صباح الخير
ادهم :- بأستغراب صباح النور مالك
أكرم :- مليش يا صاحبى
ادهم :- مالك يا اكرم اتكلم
أكرم:- مراتى زى اى ست مصريه اصيله تمووت فى النكد بتخترع اى حاجه علشان تنكد عليا بيها
ادهم :- شوف ايه طيب اللى بيسبب النكد ده وحل المشكله
أكرم :- هى هى نفس المشكله عايزه تشتغل
ادهم :- وفيها ايه
أكرم :- فيها أن انا مش عايز اخليها تشتغل مش هستحمل تكون مراتى وسط رجاله لوحدها انا بغير عليها يا ادهم وكمان هى كانت موافقه أنها تقعد ومتنزلش الشغل تانى مرجعتش تتكلم فى موضوع الشغل ده تانى غير لما عرفت بموضوع جريدة داليا ونزول منتهى الشغل ومن ساعتها وهى شغاله زن على دماغى
ادهم :- ما ليها حق يا اخى ما انت واخدها وهى بتشتغل وعارف أنها بتحب شغلها وكنت متفق معاها انك هتنزلها تشتغل بعد الجواز ايه خلاك تغير كلامك دلوقتى
أكرم :- بحبها وبغير عليها يا ابنى انت
ادهم :- ده على اساس أننا مش بنحب مراتتنا احنا كمان ولا بنغير عليهم بالعكس لو انت بتحبها بجد هتساعدها تحقق ذاتها وتفرح لما تشوفها ناجحه فى شغلها إنما اللى انت بتعملوا ده انانيه منك يا اكرم
أكرم :- كل واحد وليه طريقة تفكيره انا دماغى كده وبفكر كده ومش موافق على حكاية الشغل دى نهائى
ادهم :- يا ابنى اسمعنى بلاش دماغك الجزمه دى سيبها تنزل تشتغل مع داليا ومنتهى طول ما هى شايفه أنها أقل من صحابها هتفضل منكده عليك وممكن تزهق منك بلاش غباوتك دى
أكرم :- لاء برضه تتعود متبصش لحد مش لازم يتعمل ليها كل حاجه زى داليا ومنتهى بالظبط
ادهم :- غبى وهتفضل غبى اقسم بالله
أكرم :- والله انا كده ومش هتغير بقى علشان اى حد عن اذنك وخرج وسابه
ادهم :- بص ليه وهو خارج وابتسم وقال لنفسه اراهن انك هتنزلها الشغل من بكره يا اكرم وضحك وبدأ بشتغل
~•~•~•~•~•~•~•~•~•~•~•~•~•
فى تونس

صحيت ايه من نومها ملاقتش ممدوح قامت من على سريرها وخبطت على باب الحمام وقالت

ايه :- ممدوح انت جوه يا ممدوح وفتحت الباب ملاقتش حد استغربت ونزلت تحت ملاقتش حد قالت ده راح فين معقول يكون نزل الشركه وسابنى وطلعت على اوضتها تانى مسكت تليفونها وقعدت على السرير وطلبت رقم ممدوح وانتظرت الرد
ممدوح :- ايوه يا ايه
ايه :- انت فين
ممدوح :- فى الشركه
ايه :- والله ونزلت وسبتنى ليه بقى أن شاءالله
ممدوح :- انتى مش امبارح زهقتى من القاعده فى الشركه
ايه :- ايوه بس مقولتش مش هنزل معاك تانى على الأقل فى الشركه بشوف ناس رايحه وجايه احسن من القاعده فى الفيلا لوحدى ما بين أربع حيطان
ممدوح :- خلصنا بقى يا ايه عايز اشوف شغلى
ايه :- ماشى يا ممدوح براحتك سلام وقفلت السكه وحدفت التليفون جنبها وحطت ايديها على وشها وقعدت تعيط ورجعت شعرها لوراه وقالت ماشى يا ممدوح فكرنى مش هعرف اجيلك الشركه طيييب وقامت دخلت الحمام اتوضت وخرجت لبست هدومها وأدت فرضها ونزلت ركبت عربيتها وراحت على عنوان الشركه قابلت صعوبه للوصول لشركه بس بعد وقت قدرت توصل لمكان الشركه
~•~•~•~•~•~•~•~•~•~•~•~•~•~
فى شركة ممدوح

قفل مع ايه وهو متعصب غمض عينه ونفخ وحدف التليفون على المكتب وحط أيده على وشه ورجع بيها لوراه ورجع ضهره لوراه وقال

ممدوح :- واخرت العيشه دى ايه يا ايه
وفى الوقت ده الباب خبط ودخلت هند وقالت
هند :- مسيو ممدوح مدام لينا لبرا وحابه تقابلك توا
ممدوح :- بأستغراب لينا ودى عايزه ايه دى وبعدين بص لهند وقال دخليها
هند :- اوك مسيو وخرجت وشويه ودخلت لينا وكانت لابسه ملابس ظاهره مفاتنها كلها بشكل واضح راحت باست ممدوح من خده بدلع وقالت
لينا :- مسيو ممدوح عالسلامه شنو احوالك سافا
ممدوح :- وهو بيبص على جسمها وبيبلع ريقه بصعوبه قال بتوتر ت.ت.تمام الحمدالله
لينا :- استنيتك لبارح برشا علاش مجيتش
ممدوح :- ها م.م.ما انا مينفعش اقابلك ف.ف ف بيتك وقام وقف واداها ضهره وقال ل.ل.لينا احم ي.ي.ياريت العلاقه اللى ما بينا تفضل فى حدود الشغل
لينا :- راحت وقفت وراه وحسست على ضهره وقالت وعلاش تبقى فى حدود الخدمة انت تعجبنى من قبل يا ممدوح اما مكنتش نشوف فى عينك نظره إعجاب اما توا ليك نهارين نظرتك فيها برشااا اعجاب وهذا اللي فرحنى وشجعنى باش نقلك الكلام هذا
ممدوح :- اتوتر اكتر من لمسة ايديها ليه وقال م.م.مدام لينا مينفعش ا.ا.انا راجل متجوز وبعشق مراتى
لينا :- وقفت قدامه وقربت ليه وقالت بدلع انت مش اول راجل يكون معرس ويحب واحده اخرى على مرته
ممدوح :- ب.ب بس دى تبقى خيانه يا مدام لينا
لينا :- لفت دراعها حاولين رقابته وقربت جدآ ليه وبصت فى عيونه وقالت نجمو نسميوها حاجه اخرى نقولو حب او وقت حلو تعديه مع شكون ترتاحله و تحبه
ممدوح :- بلع ريقه وبص على شفايفها واتوتر وقرب ببطئ على شفايفها وغمض عينه ولسه هيبوسها
الباب خبط بعد عن لينا بتوتر وقال ا.ا.ادخل
هند :- مسيو ممدوح مدام ايه لبرا حبت تقابلك و تدخلك قولتلها أنه عندك اجتماع مهم
ممدوح :- بتوتر ا.ا ايه ودى جات ازاى ط.ط.طيب خليها عندك ثوانى
هند :- باهي مسيو وخرجت وسابتهم
لينا :- قربت منه وباسته بوسه رقيقه على شفايفه وقالت نستناك الليلة اوكا عندك العنوان😉
ممدوح :- بتوتر هز راسه بمعنى ايوه
لينا :- رد بالك متجيش عاد نستناك وغمزت ليه
وفى الوقت ده دخلت ايه وهى متعصبه وقالت
ايه :- هو فيه ايه كل يوم اجتماع مع الهانم هو مفيش عملاء غيرها ولا ايه
ممدوح :- بتوتر ا.ا ايه صوتك عالى احنا فى الشركه وفيه موظفين
ايه :- انا عايزه افهم موضوع الست هانم ده ايه
لينا :- بنشتغل عادى
ايه :- والله وهو كل يوم كده شغل مع بعض فى المكتب بالساعات
لينا :- مسيو ممدوح اتكلم
ممدوح :- خلاص يا ايه مينفعش اللى بتعمليه ده
ايه :- مسكت لينا من دراعها بغيظ وقالت انتى عارفه لو شوفتك هنا تانى هعمل فيكى ايه هولع فيكى وشاورت على ممدوح وقالت ده جوزى ومش هسمح لاى واحده تقرب منه واللى تفكر تخده منى هيكون حفرت قبرها بأيديها فاهمه
ممدوح :- فرح بكلام ايه وبصلها وابتسم بحب
لينا :- مسيو ممدوح عاجبك الكلام اللى مرتك تقول فيه
ممدوح :- احم زى ما مراتى قالتلك اعتبرى العقد اللى ما بينا منتهى وهبعت المحامى يدفع ليكى كل الشروط الجزائيه اللى علينا
لينا :- بصدمه مسيو ممدوح
ايه :- ياريت حضرتك تكونى فهمتى هو قالك ايه ومسكتها من دراعها وفتحت الباب وقالت اتفضلى بقى من غير مطرود
لينا :- بعصبيه وحدة متسواش قعرة ومشيت وهى متعصبه من اهانتها
ايه :- قفلت الباب وبصت لممدوح بغيظ
ممدوح :- احم ا.ا انا معرفش أنها جايه انا اتفاجئت بوجودها
ايه :- بغيظ والله اتفاجئت ولا انت كنت عارف اصلا وعلشان كده مرضتش تخدنى معاك وانت ماشى
ممدوح :- لا والله انا مرضتش اخدك معايا علشان زنك ومش بعرف اركز فى شغلى وراح سند على المكتب وشدها ليه ولف دراعه حاولين وسطها وقال بس ايه الجو الجامد ده لدرجاتى بتحبينى وبتغيرى عليا
ايه :- اتوترت وحاولت تبعد عنه وقالت ا ا.انت ملكى انا ومش هسمح لحد يقرب منك ويخدك منى
ممدوح :- ياريت يا ايه تعملى فعلا بالكلام ده وتملى عينى ومتخليش عينى تبص لبره
ايه :- وانت تقدر تبص لبره ده انا اموتك
ممدوح :- ضحك وقرب من شفايفها ولسه هيبوسها
ايه :- زقته وبعدت عنه وقالت م.م.ممدوح احنا فى الشركه حد يشوفنا
ممدوح :- غمض عينه واتنهد وقال فيها ايه يا ايه انا جوزك حتى لو حد شافنا ايه المشكله
ايه :- ا.ا المشكله فيا انا يا ممدوح بتكسف من الحاجه دى
ممدوح :- يا حبيبتى انسى بقى اللى تربيتى عليه ده وانتى بنت حاجه وانتى متجوزه حاجه تانيه خالص مش بقولك مع الكل لاء بقولك معايا انا بس بصى لفاطمه واتعلمى منها عمر ما اخوكى اشتكى منها
ايه :- ممدوح مش وقته الكلام ده وقعدت على الكنبه وقالت عايزه اكل انا مفطرش
ممدوح :- ايه كده كتير والله انا زهقت ومليت من الوضع ده
ايه :- عايز ايه يا ممدوح قولتلك مش وقته الكلام ده احنا فى مكان شغل
ممدوح :- داس على أسنانه بغيظ وقال ماشى يا ايه ماشى وقعد على الكرسى بتاع مكتبه وطلب ليها اكل وقعد يشوف شغله
~•~•~•~•~•~•~•~•~•~•~•~•~•
فى بيت فادى

صحى فادى من نومه بص على رودينا اللى نايمه جانبه وحاطه ايديها على صدره نام على جانبه وبص على رودينا ومشى أيده على شعرها وقال

فادى :- سامحيني يا رودينا على خيانة تفكيرى ليكى انا بحبك وفى نفس الوقت عينى وقلبى انشغلوا بيها تفكيرى فيكى واتعلق فى نفس الوقت بيها انتو الاتنين جوايا ومش قادر أتنازل عن حد فيكم انا فيه حرب داخليه جوايا يا رودى حاسس ان انا بخونك بتفكيرى واحساسى وفى نفس الوقت حاسس ان ربنا عمل كده علشان يجمعنا انا وهى مع بعض انا تعبت من التفكير يا رودينا تعبت كل ما اخد قرار أن انا هبعد عنها ومش هفكر فيها الاقيها قدامى وقلبى وعقلى يرجعوا تانى ليها واتنهد وقرب من خدها وباسها برقه وقام من جنبها دخل الحمام اخد شاور واتوضه وخرج لبس هدومه واده فرضه وخرج من الاوضه بتاعته بص على باب نهى شويه وغمض عينه بتوتر وفتحها تانى واخد قرار أنه يروح يخبط على بابها وراح خبط على الباب
نهى :- فتحت الباب بأستغراب وقالت فادى صباح الخير
فادى :- صباح النور يا نهى
نهى :- خير فيه حاجه رودينا كويسه
فادى :- ها ل.ل لا مفيش حاجه ورودينا نايمه
نهى :- امال خير فيه ايه
فادى :- ك.ك.كنت اه كنت جاى أسألك مش ناويه تنزلى تانى الشغل
نهى :- انا فعلا كنت لسه بفكر انزل علشان ادور على شغل وسكن ليا
فادى :- بأندفاع لاء اوعى تمشى وتسبينى
نهى :- بصت ليه بأستغراب
فادى :- حس نفسه اندفع فى الكلام وقال احم اقصد تسيبى رودينا فى وقت زى ده وهى حامل ومحتاجه وجودك جنبها
نهى :- غمضة عينيها بتوتر وقالت تمام انزل بس الاول الاقى شغل واستقر فيه وبعد كده ابقى افكر فى موضوع السكن ده
فادى :- وليه تدورى على شغل ما مكانك لسه موجود فى الشركه
نهى :- بجد
فادى :- ايوه والله وتقدرى تنزلى من دلوقتى
نهى :- لاء خليها من بكره بقى أن شاءالله
فادى :- هتنورى الشركه يا نهى
نهى :- ش.ش.شكرآ وفى الوقت ده سمعوا صوت رودينا بتقول
رودينا :- انتو واقفين كده ليه
فادى :- احم ر.ر رودينا ا.ا.انتى صحيتى امته
رودينا :- دلوقتى يا فادى
نهى :- ص.ص.صباح الخير
رودينا :- ابتسمت وقالت صباح الورد انتو واقفين كده ليه
نهى :- فادى قالى انزل الشغل من بكره
رودينا :- بفرحه بجد والله العظيم جدع يا فادى انك فكرت فى الموضوع ده هى اينعم هتسبنى لوحدى بعد ما اخد على وجودها معايا اربعه وعشرين ساعه بس المهم عندى مصلحتها وحضنتها وقالت فرحانه اوى والله شكرآ يا فادى انا فخوره اوى بيك وفرحانه أن ربنا بعت ليا واحد قلبه ابيض زيك
فادى :- ضحك ليها بتوتر وقال ط.ط.طيب هروح انا بقى عايزين حاجه
نهى :- ش.ش.شكرآ
رودينا :- راحت حضنته وباسته فى خده وقالت هتواحشنى
نهى :- احم ط.ط.طيب عن اذنكم ودخلت قفلت الباب وراها
فادى :- بص على الباب وهو بيتقفل وبعدين بص على رودينا بتوتر وقال هروح انا باى نزل ركب عربيته ومشى على الشركه
رودينا :- بصت ليه بأستغراب من توتره وهو ماشى وراحت على اوضتها
~•~•~•~•~•~•~•~•~•~•~•~•
فى الفندق

كان تامر نايم على السرير واخد دينا فى حضنه وبيمشى أيده على شعرها وبيبتسم وقال

تامر :- بحس انك شبه الاطفال وانتى فى حضنى يا دينا
دينا :- بصت ليه بحب وقالت انا فى حضنك بحس أن انا مطمنه اوى ومفيش حاجه مخوفانى بحس بالراحه غريبه بحس جواه بطيبة الاب وحنان الاخ وعشق الزوج حاجات كتير اوى بحس بيها وانا فى حضنك
تامر :- يااااه يا دينا عيشت قد ايه احلم باللحظه دى وبدعى ربنا ميحرمنيش منها أبدآ
وفى الوقت ده تليفون تامر رن بص بأستغراب وقال ايه ده
دينا :- ايه فيه ايه
تامر :- فى الشغل بيتصلوا بيا
دينا :- طيب رد
تامر :- رد وقال السلام عليكم وسكت شويه بصدمه وقال
مكرم ...........
*********************
إلي هنا ينتهي الفصل الرابع والسبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة