U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل السادس والثمانون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السادس والثمانون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السادس والثمانون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل السادس والثمانون

مرت سنه واكثر على ابطالنا بدون احداث تذكر

اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها بصت جنبها ملاقتش ادهم قامت دخلت الحمام اخدت شاور واتوضت وخرجت لبست هدومها وأدت فرضها وخرجت من اوضتها ونزلت تحت ملاقتش حد دخلت الجنينه لاقت ادهم بيلعب مع مصطفى ابنه ابتسمت بحب وقالت

داليا :- صباح الخير
ادهم :- شال مصطفى وقال مامى صحيت اهى والدنيا نورت وراح عندها باسها فى خدها وقال صباح الفل يا روحى
داليا :- صاحين بدرى كده ليه
ادهم :- حبيب بابى صحه بدرى وكان عايز يصحيكى اخده ونزلت بيه هنا علشان تنامى براحتك
داليا :- اخدت مصطفى وباسته وقالت حبيب مامى عامل ايه
مصطفى :- ضحك ليها ونزل يجرى
داليا :- اممممم انت عايز نلعب ماشى انا همسكك اهو وطلعت تجرى وراه ومصطفى يجرى ويضحك ومره واحده حست نفسها دايخه وقفت ومسكت راسها بتعب
ادهم :- طلع يجرى عليها وقال مالك يا قلبى
داليا :- بتعب مش عارفه دايخه اوى وقعدت على الكرسى
ادهم :- اتصل بالدكتور طيب
داليا :- لالالا على ايه تلاقينى بس من المجهود اللى بعملوا فى الشغل
ادهم :- طيب ريحى نفسك شويه يا قلبى
داليا :- حاضر يا ادهم وجت تقف داخت تانى وقعدت على الكرسى
ادهم :- لا يا داليا انتى شكلك تعبانه اوى انا هتصل بالدكتور
داليا :- بتعب ماشى
ادهم :- شالها وطلع بيها الاوضه وحطها على السرير ومسك تليفونه وطلب الدكتور وبعد وقت وصل الدكتور ودخل يكشف على داليا وكان ادهم قلقان عليها جدآ وبعد شويه خرج الدكتور وسأله ادهم وقاله
ادهم :- خير يا دكتور المدام مالها
الدكتور :- اطمن يا استاذ ادهم المدام حامل مبروك
ادهم :- حامل
الدكتور :- ايوه مبروك
ادهم :- بفرحه الله يبارك فيك يا دكتور ووصله عند الباب وخرج الدكتور وطلع يجرى على الاوضه ودخل بفرحه وقعد جنب داليا وقال مبروك يا قلبى
داليا :- بتعب الله يبارك فيك يا حبيبى
ادهم :- بفرحه انا نفسى يكون عندى عيال كتير اوى منك
داليا :- ضحكت بتعب وقالت اه ما انت مش خسران حاجه انا اللى بحمل واشيل فى بطنى واولد قيصرى وبتفتح بطنى ويطلع عينى فى تربيتهم
ادهم :- طيب ما انا بساعدك لما بتولدى لكن الحمل والولاده اساعدك فيهم ازاى دول
داليا :- ضحكت وقالت انت بتسمى الساعتين اللى بتقعدهم بمصطفى دول مساعده ؟
ادهم :- اه مش بتريحى جسمك فيهم احمدى ربنا
داليا :- الف حمد والف شكر ليك يارب
ادهم :- ضحك وقال لمضه
داليا :- اموت واعرف ازاى حصل الحمل ده انا باخد الحبايه كل يوم فى وقتها ومنستهاش ولا مره مصطفى لسه صغير ومحتاج وقت ورعايه
ادهم :- النصيب يا حبيبتى ربنا رايد كده ربنا هيقويكى عليهم أن شاءالله
داليا :- ونعم بالله ولسه هتقوم
ادهم :- رايحه فين
داليا :- هنزل الجريده
ادهم :- وانتى تعبانه كده ريحى النهارده وفاطمه ومنتهى موجدين هناك
داليا :- ما انت عارف فاطمه على وش ولاده ومنتهى مش هتقدر تخلى بالها على الجريده لوحدها
ادهم :- بلاش علشان خاطرى
داليا :- اتنهدت وقالت حاضر
ادهم :- باس راسها وقال ربنا يبارك ليا فيكى يا قلبى وقام دخل الحمام
داليا:- مسكت تليفونها وطلبت رقم منتهى وانتظرت الرد
منتهى :- دولى مجتيش ليه لحد دلوقتى
داليا :- مش جايه النهارده يا توته
منتهى :- بقلق ليه خير مصطفى كويس
داليا :- متقلقيش مصطفى كويس بس انا تعبت شويه وادهم جاب ليا الدكتور
منتهى :- بخوف وقالك ايه
داليا :- طلعت حامل
منتهى :- بفرحه بجد مبروك يا روحى ربنا يكملك على خير يارب
داليا :- حبيبت قلبى يا توته عقبال ما ربنا يكرمكم يارب
منتهى :- بوجع ما انتى عارفه يا داليا كل ما نعمل حقن بيفشل
داليا :- مش عارفه ليه مع أن العمليه نجحت
منتهى :- كل الدكاتره أكدوا أن مفيش مشكله عندنا تمنع الحمل بس لسه ربنا مأردش
داليا :- ان شاءالله يا حبيبتى ربنا هيكرمكم قريب
منتهى :- أن شاءالله المهم خلى بالك على نفسك ومتشغليش بالك بالجريده فى عينيا
داليا :- انا عارفه أن الحمل هيكون تقيل عليكى لوحدك وكمان فاطمه مش بتنزل علشان تساعدك
منتهى :- اه صح ابقى اسألى عليها علشان كلمتها من شويه وكان عندها وجع شكلها ناويه تعملها النهارده
داليا :- بجد خلاص هبقى اتصل بيها لما ادهم ينزل
منتهى :- اوك باى
داليا :- قفلت معاها وفى الوقت ده خرج ادهم من الحمام وقال
ادهم:- بلغتى منتهى انك مش هتنزلى
داليا :- ايوه بس هى صعبانه عليا اوى نفسى ربنا يكرمها
ادهم :- انا مش ساكت وبحاول اشوف ليهم حل الدكتور أكد ليا أنهم مش عندهم اى مانع للحمل بس لسه ربنا مش رايد
داليا :- ربنا يرزقهم بالذريه الصالحه يارب
ادهم :- يارب ولبس هدومه واده فرضه وباس راس داليا وقال عايزه حاجه
داليا :- عايزه سلامتك يا حبيبى وحضنته
ادهم :- نامى وارتاحى انا هاخد مصطفى معايا
داليا :- مش هتعرف تشتغل منه هيخلى عينك فى وسط راسك
ادهم :- متشغليش بالك انتى بس يلا باى
داليا :- باى
ادهم :- نزل وقال قلب بابى انت فين
مصطفى :- جه يجرى وقال ب.ا ب.ا
ادهم :- شاله وقال روح قلبى بابى يلا بينا باى
مصطفى :- ضحك وهز راسه وشاور بأيده باى
ادهم :- ضحك واخده فى حضنه وباسه من خده وخرج ركب عربيته وحط مصطفى فى المكان المخصص ليه ومشى راح الشركه
~•~•~•~•~•~•~•~•~•~•~•~•~•
فى فيلا أكرم

كانت فاطمه تعبانه ورايحه وجايه فى الاوضه بتعب واكرم قاعد على السرير وعينه بتروح فى النوم

فاطمه :- بصت ليه بغيظ وقالت انت ناااااايم وسيبنى تعبانه كده
أكرم :- فتح عينه بخضه وقال ها ا.ا.انا صاحى اهو
فاطمه :- منك لله انت السبب ااااااه
أكرم :- بصلها بأستغراب ورفع حاجبه وقال والله وده من ايه أن شاءالله
فاطمه :- بوجع بكرهك يا اكرم بكرررررهك
أكرم :- يشفى الكلاب ويضرك يا حبيبتى بتكرهينى ليه يا اخرت صبرى
فاطمه :-بدموع ااااااه انت اللى ضحكت عليا وخلتنى حامل ااااااه
أكرم :- نعمممممم ضحكت على مين يا اختى انتى جالك زهايمر ولا ايه امال مين اللى كانت بتتحرش بيا يا بت ده انتى اللى كنتى بتسحبينى لقلة الادب
فاطمه :- قليل الادب وبكررررررهك اااااااه هموت حسبى الله ونعم الوكيل فيك يا اكرم يا ابن الورمه ااااااه اشوف فيك يوم
أكرم :- وهو مش قادر يمسك نفسه من الضحك قال يخربيت كده ده انتى طلعتى فقره كوميديه بشكل ياريت تولدى كل يوم والله
فاطمه :- بغيظ عاااااا هقتلك يا اكرم هقتلك اااااااه مش قادره قوم أتحرك ودينى المستشفى
أكرم :- انا هنام ساعتين امى بتقول أن البكريه بتاخد وقت ونام على السرير
فاطمه :- راحت ضربته فى ضهره وقالت بدموع قوم يا اكرم بجد والله العظيم مش قادره
أكرم :- قام وقف وقال انا كان مالى ومال الجواز ياربى يلا بينا
فاطمه :- شيلنى
أكرم :- أشيل مين انتى مش واخده بالك من الحجم ولا ايه امشى يا حبيبتى الله يكرمك الواحد حيله مهدود لواحده
فاطمه :- بقولك شيلنى خلص يا اكرم البيبى شكله هينزل اخلص
أكرم :- استعنا على الشقا بالله وميل عليها وشالها وقال يا قوووووى ونزل يجرى بيها على السلم
منير :- فيه ايه يا ابنى
أكرم :- فاطمه تعبانه من بليل وشكلها هتولد
وفاء :- طيب مقولتش ليه من بدرى
أكرم :- مش انتى قولتى البكريه بتاخد وقت
وفاء :- ايوه يا حبيبى المهم يلا بينا بسرعه
أكرم :- خليكى يا ماما علشان متتعبيش انتى
وفاء :- لاء يا حبيبى مش هقدر اقعد هنا واستناكم يلا بينا بقى
أكرم :- خرج بفاطمه وحطها فى العربيه وراه وقعدت جنبها وفاء وركب أكرم ومنير قدام وراحوا على المستشفى
وبعد وقت وصلوا المستشفى ونزل أكرم وشال فاطمه ودخل اوضت الكشف وحطها على السرير ولسه هيمشى
فاطمه :- مسكته من هدومه وقالت انت رايح فين
أكرم :- هروح اجيب الدكتور
فاطمه :- انت مش هتتحرك من هنا لحد ما البيبى ينزل فاهم اااااه
أكرم :- سيبى يا بت هتخنقينى هنزلك البيبى ازاى الله يحرقك
فاطمه :- بصريخ معرفش اتصررررررف
أكرم :- يخربيت ام الجنان ده دى اخرت اللى يتجوز من واحده دماغها رايحه منها
فاطمه :- فى وش أكرم اااااااه همووووت
أكرم :- نهار اسوح ومنيل على اللى خلفونى ما تسبينى طيب اروح اجبلك الدكتور يجى يولدك
فاطمه :- مش هسيبك يا اكررررررم
أكرم :- وانا ههرب من امك فين ما انا اتنيلت على عين اللى خلفونى وادبست فيكى
فاطمه :- بصريخ يا ابن الورررررمه هوريك يا اكرم ااااااه
وفى الوقت ده دخل الدكتور واستغرب المنظر قال
الدكتور :- ايه ده فيه ايه
فاطمه :- اااااااه هموت وده السبب وشاورت على أكرم ااااااه
الدكتور :- ضحك وقال لاء ملوش حق الصراحه
أكرم :- زق ايديها وقال ربنا على المفترى فضحتينا
فاطمه :- بدموع ااااه الحقنى يا دكتور فيه حاجه هتقع منى من تحت اااااااه وفى الوقت ده راس البيبى نزلت
أكرم :- اول ما شاف كده اتصدم وقال دى راس صح واغمى عليه
الدكتور :- طلع يجرى ومسك البيبى وبص على أكرم وقال ده ايه العيله المجنونه دى
فاطمه :- اتنهدت براحه وغمضت عينيها بتعب
الدكتور :- ولد فاطمه فى اوضت الكشف ونده على الممرضين اخدوا البيبى وفوق أكرم
أكرم :- بص على فاطمه لاقها بتبص وبتضحك عليه قال هو اللى انا شوفته ده كانت راس البيبى
الدكتور :- ايوه مستعجل ينزل الدنيا
أكرم :-بخوف يعنى اللى انا شوفته ده كان صح يا لهوى
الدكتور :- ضحك وطبطب على كتف اكرم وقال يتربه فى عزك عريس زى القمر
أكرم :- وهو مصدوم من اللى شافه قال شكرآ يا دكتور
الدكتور :- خرج وسابهم
فاطمه :- بضحك اجمد يا دكرى
أكرم :- انتى ازاى استحملتى كده
فاطمه :-بضحك قدرت ربنا بقى
أكرم :- لاء حاجه صعبه اوى انا مكنتش اعرف ان الولاده بالشكل ده
فاطمه :- كله يهون علشان ابنى حبيبى
أكرم :- زى ما اتفقنا
فاطمه :- هنسميه مكرم أكرم منير
أكرم :- ربنا يخليكى ليا يا حبيبتى ويخلي لينا ابننا
وفى الوقت ده جه الممرضين واخدوا فاطمه على الاوضه بتاعتها
ودخل وراها أكرم ومنير ووفاء
منير :- حمدالله على سلامتك يا بنتى
فاطمه :- الله يسلمك يا بابا
وفاء :- حمدالله على سلامتك يا حبيبتى وربنا يجعله زريه صالحه وبار بيكم يارب
فاطمه :- الله يسلمك يا ماما ربنا يخليكى لينا يارب
وفى الوقت ده دخل ممدوح وايه وهى تعبانه ومش قادره تمشى من بطنها
ممدوح :- مبررروك وصول حبيب خاله الدنيا
فاطمه :- الله يبارك فيك يا حبيبى عقبال ما تشوفوا بنتكم بين ايديكم يارب
ايه :- اسكتى يا طمطم انا خايفه اوى
فاطمه :- وهى كاتمه ضحكتها قالت متخافيش يا حبيبتى دى الولاده دى اسهل ما يمكن
أكرم :- بضحك على يددددددى
ايه :- الله يطمنكم شكلها كده موووت
ممدوح :- ابوس ايديكم بلاش تخوفوها دى مصدعانى بسبب خوفها من الولاده دى
أكرم :- ده انت داخل على منعطف تاريخي يا راجل دى اختك فرجت عليا المستشفى كلها
ممدوح :- ربنا يبشرك بالخير يا اخويه
ايه :- حطت ايديها على بطنها وقالت بصريخ اااااااه
ممدوح :- بخضه مالك يا يا حبيبتى
ايه :- ش.ش.شكلى هولد
أكرم :-بضحك البس يا معلم
وفاء :- راحت مسكت ايديها وقالت أهدى يا حبيبتى
ايه :- بدموع لالالا مش قادره هموووت
منير :- بعد الشر عليكى يا بنتى
ايه :- بصت لممدوح وقالت انت يا بارد واقف كده ليه اتحرك بقولك بولد
ممدوح :- بصلها بصدمه وقال نعم
أكرم :- لاء يا معلم ده انت هتدخل دلوقتى فى اسطوانة انت السبب
ايه :- ايوووووه هو السبب طلقنى يا ممدوح
أكرم :- بضحك يلا بقى شيل يا بطل
ممدوح :- بضحك انتو السابقون ونحنوا اللاحقون
ايه :- انت لسه هتهزر اتحرك يا بنى أدم
ممدوح :- ميل عليها وشالها وقال هولدها واجى وراح على اوضت الكشف وراح وراها منير ووفاء
أكرم :- بضحك المشهد ده كان من شويه فاكره
فاطمه :- ما انتو بتبقوا السبب فى اللى بيحصل لينا
أكرم :- خلاص بلاش انتو اللى خسرانين وغمز ليها
فاطمه :- مسكته من هدومه وقالت بضحك ده انا اقتلك
أكرم :- مش بقولك انتى اللى بتجرجرينى لقلة الادب
فاطمه :- ضربته على صدره بدلع وقالت غلس
أكرم :-بضحك اموت انا
وفى الوقت ده دخلت الممرضه بالبيبى وادته لفاطمه
فاطمه :- مسكت البيبى وضمته فى حضنها بحب وبصت لاكرم بدموع وقالت اخيرآ يا اكرم ربنا كرمنى بحته منك
أكرم :- باس راسها برقه وقال ربنا يخليكم ليا يا اغلى ما فى حياتى وضمها فى حضنه بحب
فاطمه :- ضمت البيبى واتنهدت بحب وقالت ربنا ميحرمنيش منكم يارب
أكرم :- رضعيه بقى
فاطمه :- بكسوف طيب اطلع بره
أكرم :- نعم يا اختى
فاطمه :- اطلع بره بقى يا اكرم
أكرم :- الصبر من عندك يارب ووقف وقال هروح اطمن على ايه اختى وسابها وخرج راح عند ممدوح وقال لسه
ممدوح :- بقلق لسه
أكرم :- اجمد يا ابنى متقلقش هما بيتأخروا كده وبص لامه وقال ما تقوليلوا يا ماما زى ما قلتى ليا
وفاء :- قولت ليه والله أن البكريه بتاخد وقت
ممدوح :- يا مسهل يارب
وفى الوقت ده خرج الدكتور وقال
الدكتور :- المدام ولدت وجابت ليكم عروسه زى القمر
ممدوح :- نط بفرحه وقال هيييييا اخيرآ بقيت اب
الدكتور :- بص لاكرم وقال بضحك هو انتو كلكم كده
أكرم :- عيله لسعه بعيد عنك يا دكتور
الدكتور :- ربنا يسعدكم دايمآ عن اذنكم وسابهم ومشى
وفاء :- مبروك ما جالك يا ابنى
ممدوح :- الله يبارك فيكى يا امى
منير :- مش مصدق نفسى بقيت جد لابنى وبنتى فى يوم واحد ربنا يخليهم ليكم وتفرحوا بيهم يارب
ممدوح :- ويخليك لينا يا عمى
أكرم :- مبروك يا توحه مكتوب لينا ناخد لقب اب فى يوم واحد وسبحان الله مكنتش بطيقك فى الاول بس طلعت راجل وجدع
ممدوح :- يا راجل ده انت كرهتنى من اول مره شوفتنى فيها بس انت برضه ابو النسب وحبيبى جهز نفسك بقى ابنك عريس بنتى وش
أكرم :- انا اعرف ان ابو العريس هو اللى بيخطب لابنه إنما معاك العكس انت اللى بتخطب لبنتك
ممدوح :- بضحك ايوه يا ابنى أخطب لبنتك ولا تخطبش لابنك
أكرم :- يا سيدى وانا موافق وفى الوقت ده جه البيبى واخدها ممدوح وباس راسها وقال
ممدوح :- ربنا يجعلك صالحه يا بنتى ويخليكى لينا
أكرم :- يارب هتسموها ايه
ممدوح :- عائشه
أكرم :- جميل ربنا يخليها ليكم يارب
ممدوح :- راح عند منير ومد أيده وقال حفيدك أهى يا عمى
منير :- شالها وباس راسها وضمها فى حضنه وقال ربنا يبارك ليكم فيها يا ابنى
وفاء :- هاتها يا منير
منير :- خدى يا حبيبتى أهى
وفاء :- شالتها وباستها وحضنتها بحب وقالت ربنا يحميها ويحرسها من شر العين يارب زى القمر ماشاءالله
وفى الوقت ده خرجت ايه ودخلت اوضتها والكل دخل وراها
وفاء :- حمدالله على سلامتك يا حبيبتى
ايه :- الله يسلمك يا ماما
منير :- ربنا يبارك ليكم فيها يا حبيبتى
ايه :- ويخليك لينا يا حبيبى
أكرم :- مبروك يا ايوش الهبله بقت ام ربنا يستر عليها لتفكريها اكل وتاكليها هى كمان
ايه :- لالالا اكلها ايه البركه فى مندوح حبيبى بيجيب ليا اكل اربعه وعشرين ساعه
ممدوح :- ده انتى فى حاملك ده عملتى ازمه فى الاكل فى تونس ومصر
ايه :- انت هتحسدنى ولا ايه
أكرم :- ده انت داخل على رضاعه طبيعيه ومحتاج اكل علشان اللبن يعنى اطمن يا معلم ده انت داخل على ايام فله
ممدوح :- ربنا يطمنك والله
ايه :- بزعل طفولى انتوا هتتريقوا عليا ولا ايه
ممدوح :- قعد جنبها وقال أنا أقدر برضه يا حبيبتى
ايه :- طيب صالحنى بشيكولاته
أكرم :- وربنا طفله جايبه طفله
ممدوح :- علشان تعذرونى انتو ضحكتوا عليا فى الجوازه دى ومحدش قالى انها طفله وجعفر فى نفس الوقت
ايه :- ضربته فى صدره وقالت جعفر فى عينك
وفى الوقت ده دخلت الممرضه بالبيبى وادته لايه
ممدوح :- بفرحه بنتى
ايه :- اللله دى حلوه اوى يا ممدوح
وفاء :- يا بنتى قولى بسم الله ماشاء الله ما يحسد المال اللى الا أصحابه
ايه :- بسم الله ماشاءالله بس طالعه احلى منى ومن ممدوح
أكرم :- بغرور يبقى طالعه حلوه لخالها اكيد يعنى
ممدوح :- يا راجل قول كلام غير ده
ايه :- ياريت يا كرومتى تطلع شبهك وتاخد لون عينيك
منير :- طيب ما انتى شبه أكرم يعنى بنتك هتطلع شبهكم انتو الاتنين
ممدوح :- وانا ابن البطه السوده ومتطلعش شبهى انا ليه ده انا حتى زى ابوها وبص لاكرم وقال وبعدين انت قاعد هنا ليه ما تروح لمراتك يا اخى
أكرم :- تصدق انا غلطان اصلا أن عبرتك وهروح لمراتى وابنى احسن من اشكالكم وسبهم ومشى
~•~•~•~•~•~•~•~•~•~•~•~•~•
في بيت سعيد

دخلت ميرفت الاوضه عند حمزه لاقته نايم راحت قعدت جنبه على السرير وقالت

ميرفت :- حمزه حمزه اصحه يلا
حمزه :- نايم ومش بيرد عليها
ميرفت :- يا حمزه اصحه يلا متغلبنيش زى كل يوم
حمزه :- نايم برضه
ميرفت :- انا عرفت مين اللى هيصحيك وخرجت من الاوضه وشويه وجت ومعاها هاجر وقالت ليها صحى بابا يلا يا جوجو وحطتها على السرير جنبه
هاجر :- قعدت تضرب على وش حمزه بأيديها وشدت شعره وفضلت تقوم وتقعد على وشه وتقول بابا بابا بابا
حمزه :- قام مفزوع من نومه ولسه هيزعق لاقه هاجر قدامه وبتضحك وباسته فى خده
حمزه :- ضحك ليها وشدها فى حضنه وباسها وقال بقى انتى اللى بتعملى فى بابا كده
هاجر :- قعدت تضحك
ميرفت :- ضحكت وقالت هى الوحيده اللى بتعرف تصحيك ومتقدرش تتعصب عليها
حمزه :- صباح الخير يا قلبى
ميرفت :- صباح النور يا حبيبى يلا قوم جهز نفسك على ما احضر الفطار
حمزه :- قام وقف وشال هاجر وباسها ونزلها وقال أجرى يلا على جدو
هاجر :- طلعت تجرى علي جدها وتقول تتو تتو
ميرفت :- بصت على هاجر وهى بتجرى وضحكت وقالت الوحيده اللى ليها تأثير على كل البيت ومحدش يقدر رفض ليها طلب
حمزه :- شد ميرفت فى حضنه وقال وانتى يا قلبى ليكى تأثير عليا ومقدرش ارفض ليكى طلب حتى لو كان عمرى
ميرفت :- بصت ليه بحب وقالت ربنا يخليك ليا يا حبيبى
حمزه :- شدها فى حضنه وباس راسها وقال وميحرمنيش منك يا قلبى
هاجر :- جت تجرى وقالت ممم تتو
ميرفت :- جدو حضر المم
هاجر :- هزت راسها بمعنى ايوه
ميرفت :- طيب يلا يا قلبى
حمزه :- شال هاجر وباسها وقعدها على كتفه وخرجوا التلاته من الاوضه
سعيد :- صباح الخير يا ابنى
حمزه :- صباح الخير يا بابا
ميرفت :- حضرت الفطار ليه يا بابا كنت بصحى حمزه وهاجى احضره انا
سعيد :- محصلش حاجه يا بنت اهو بنساعد بعض
حمزه :- ربنا يديك الصحه ويخليك لينا يا بابا
ميرفت :- هو مؤمن لسه نايم ولا ايه
سعيد :- لاء صحيته علشان ميتأخرش على الجامعه بتاعته
مؤمن :- صباح الفل يا بشر
حمزه :- صباح الخير يا دكتور مؤمن اخبار التشريح معاك ايه
مؤمن :- تشريح مره واحده يا عم ده انا لسه سنه اولى
حمزه :- يعنى مش بتمسك بنى ادمين وتقطعهم
مؤمن :- نهار اسوح ليه هو انا جزار فيه ايه يا عم اسكت شويه وراح شال هاجر على رجله وقال والله يا بنتى كتر خيرك انك مستحمله ابوكى ده
هاجر :- ضحكت وتفت على ابوها وقالت بابا كخ
مؤمن :- البت دى بتفهم والله جدعه يا جوجو
حمزه :- يا بنت الكلب طيب خلى عمك ينفعك
مؤمن :- اه طبعآ هنفعها دى روح قلب عمها من جوه وباس خدها وقعد يأكلها
سعيد :- هاتها يا مؤمن وكل انت
مؤمن :- لاء خليها انا باكل وبأكلها
حمزه:- عامل ايه مع سندس
مؤمن :- كويس انك فتحت الموضوع وبص لابوه وقال بابا مش ناوى بقى تروح تخطبها ليا من اخوها ادهم
سعيد :- مش لما هى تخلص الثانويه العامه بتاعتها الاول
مؤمن :- انتو قلتوا لما ادخل الجامعه وادينى دخلتها اهو اخطبها ليا دلوقتى وخلوا الجواز بعد ما نخلص
سعيد :- اتنهد وقال طيب اصبر فى الاجازه
مؤمن :- هتفرق ايه دلوقتى من الاجازه
حمزه :- كلم اخوها يا بابا لو وافق مش هيحصل حاجه هما كده كده بقالهم كام سنه بيكلموا بعض يعنى لما يلبسوا الدبل ويكون فيه حاجه رسمى يبقى احسن برضه
مؤمن :- ينصر دينك اول مره تقول حاجه صح
حمزه :- والله
مؤمن :- حبيبى يا ابو الحماميز
سعيد :- اتنهد وقال وانتى رأيك ايه يا ميرفت يا بنتى
ميرفت :- انا رأى من رأى حمزه يا بابا خليها رسمى احسن
سعيد :- خلاص هبقى اكلم جوز اختك وأشوف رأيه ايه
مؤمن :- اقسم بالله انت راجل عسليه
سعيد :- فيه ولد متربى يقول لابوه كده
مؤمن :- اكيد مفيش علشان كده انا قولتها اصل حضرتك نسيت تربينى اسم الله على مقامك يا حاج
سعيد :- لله الامر من قبل ومن بعد
مؤمن :- طيب هتكلم ادهم امته
سعيد :- متزنش على دماغى يا مؤمن قولتلك هكلمه بقى
مؤمن :- وغلاوة ماما عندك كلمه النهارده
سعيد :- اتنهد بحزن وقال ماشى يا مؤمن اسكت بقى
مؤمن :- قام وقف وراح عند أبوه وباسه وقال اقسم بالله انت احسن اب فى الدنيا دى بحالها ومد أيده بهاجر وقال خد جوجو بقى انا ماشى
سعيد :- اخد هاجر وقال خلى بالك على نفسك
مؤمن :- وهو ماشى قال حاضر يا بابا مع السلامه ونزل وقف تاكسى راح عند الفيلا بتاعة ادهم وشاور لسندس تيجى ليه
سندس :- ركبت وراه وقالت صباح الخير
مؤمن :- بصلها وابتسم وقال صباح النور وبص لسواق جنبه وقاله يمشى وبعد وقت وصلوا عند مدرسة سندس ونزلوا الاتنين من التاكسى وحاسبه مؤمن ومشى
سندس :- بصت ليه بأستغراب وقالت شكلك النهارده فيه حاجه غريبه
مؤمن :- اممم زى ايه كده
سندس :- فيه حاجه مفرحاك اوى صح
مؤمن :- لدرجاتى بقيتى حفظانى وبتعرفينى اول ما تشوفى عينى
سندس :- بكسوف ق.ق.قول بقى ايه اللى مفرحك اوى كده
مؤمن :- انا كلمت بابا وهيكلم اخوكى النهارده وهاجى اخطبك
سندس :- بفرحه بجد
مؤمن :- اه والله ايه رأيك
سندس :- بفرحه ده احلى خبر سمعته فى حياتى
مؤمن :- بحب وانا فرحتى اتنين النهارده علشان هتبقى خلاص ليا وعلشان الفرحه اللى شيفها فى عينك دى
سندس :- بصت بكسوف فى الارض
مؤمن :- رفع وشها ليه وبص فى عينيها وقال مش عايزك تبعديهم عنى طول ما انا معاكى
سندس :- هزت راسها بكسوف وقالت ح.ح.حاضر
مؤمن :- رجع لوراه وقال احم امشى بقى احسن شوشو حضر وبيلعب فى دماغى
سندس :- يعنى ايه
مؤمن :- بيحط قصاد عينى افكار سوده ومنيله بنيله واخرتها بوليس الاداب هيجى يشلنا من هنا بتهمة الفعل الفاحش فى الطريق العام
سندس :- بكسوف والله العظيم انت قليل الادب
مؤمن :- واحد الشيطان بيلعب فى دماغه عايزه يكون ايه بطل سباحه يعنى امشى الله يحرقك
سندس :- ضحكت على كلامه
مؤمن :- بحبك
سندس :- اتكسفت وقالت انا ماشيه وسابته وطلعت تجرى
مؤمن :- خبط على راسه وقال اهدا بقى يا شوشو البت مشيت ووقف تاكسى وراح على الجامعه بتاعته ودخل
بنت :- مؤمن يا مؤمن
مؤمن :- وقف وبص ليها بأستغراب وقال انتى تعرفينى
البنت :- هزت راسها وقالت ايوه من اول يوم دخلنا الجامعه انا مروه
مؤمن :- اهلا يا مروه خير
مروه :- ا.ا.انا معجبه جدآ بيك وبشخصيتك وبخفة دمك مع اصحابك اتردت كتير قبل ما اجى اكلمك بس مقدرتش اصبر اكتر من كده
مؤمن :- مشى أيده على شعره وقال بأحراج انا اسف بس انا مرتبط بواحده وبحبها جدآ وعينى مش بتشوف غيرها
مروه :- بكسوف ا.ا انا اسفه بس فكرت انك مش مرتبط علشان مش لابس دبله
مؤمن :- الارتباط مش محتاج دبله الارتباط الحقيقى هنا وشاور على قلبه وقال ربنا يسعدك بواحد يحبك وتحبيه بجد وياريت تعتبرينى زى اخوكى ولو احتاجتى اى حاجه تعالى ليا علطول
مروه :- أن شاءالله عن اذنك وسابته ومشيت وراحت قابلت وائل بره الجامعه
وائل :- عملتى ايه
مروه :- مش ده اللى يخون حبيبته رفض طبعآ وقال إنه بيحبها وصعب عينه تشوف غيرها
وائل :- داس على أسنانه وقال اكيد هو مش ملاك ومسيره يقع برضه
مروه :- شيلوا من دماغك بقى وركز مع ناس بيحبوك
وائل :- ناس مين دول
مروه :- بدموع انا يا وائل طول عمرك مش حاسس بيا تقولى اعملى ده اعمله علطول روحى هنا اروح ومش برضه ارفض ليك طلب على أمل انك تحس بيا بس انت ولا هنا كل همك البنات وبس وازاى تنتقم من مؤمن تصدق انا كلام مؤمن ده فؤقنى اوى وفتح عينى أن لسه فيه ناس بتحب بجد وبأخلاص انا خلاص معنتش هساعدك فى اى حاجه تانى يا وائل عن اذنك وسابته ومشيت
وائل :- وقف بأستغراب وقال بتحبنى امته ده حصل ما احنا مع بعض من زمان اوى وهز كتفه ومشى على الجامعه بتاعته
~•~•~•~•~•~•~•~•~•~•~•~•~•
فى شركة ادهم

دخل ادهم مكتبه وهو شايل مصطفى على أيده ونزله على الأرض وقال

ادهم :- العب قصاد بابى هنا متعملش شقاوة ماشى وباس راسه وراح قعد على مكتبه واتصل على السكرتير وطلب منه يجيب ليه الورق يمضيه وبعد وقت دخل السكرتير ومعاه الاوراق ومضى عليها ادهم وفى الوقت ده دخل فادى وقال
فادى :- صباح الخير يا ادهم
ادهم :- صباح النور يا فادى اقعد
فادى :- بص لاقه مصطفى راح شاله وقال ايه ده مصطفى باشا بحاله عندنا فى الشركه وباسه
ادهم :- جبته معايا علشان داليا حامل وتعبانه
فادى :- بفرحه بجد ربنا يكملها على خير يارب
ادهم :- يارب المهم عامل ايه مع رودينا
فادى :- الحمدالله كويسين وادهم مطلع عينا احنا الاتنين
ادهم :- ربنا يخليه ليكم يارب حافظ على بيتك علشان ابنك يا فادى
فادى :- بوجع خلاص يا ادهم دى كانت نزوه وراحت لحالها وبحاول اعوض رودينا عن كل اللى عملته فيها
ادهم :- انا ليه حاسس انك لسه بتفكر فيها
فادى :- اتنهد بوجع وقال مش قادر انساها يا ادهم
ادهم :- ومراتك
فادى :- بحبها ومش مقصر معاها فى حاجه بس اللى فى القلب محدش يعلم بيه غير اللى خلقه
ادهم :- اعمل حسابك أن الستات بتحس اوى بالحاجه دى يعنى لو قلبك مشغول بواحده غيرها بتعرف من غير ما انت تتكلم
فادى :- بس انا فعلا بحب رودينا وفى نفس الوقت فكرى مشغول بنهى ونفسى اعرف هى اختفت فين
ادهم :- يا فادى شيل نهى من دماغك بقى لو رودينا حست وبعدت عنك المرادى انسى أنها تسامحك وترجعلك تانى
فادى :- عارف وانا والله بحبها ومقدرش استحمل بعد رودينا عنى
ادهم :- ربنا يصلح ليك الحال يارب
فادى :- يارب المهم بلغ داليا سلامى وبارك ليها نيابة عنى وعن رودينا
ادهم :- ماشى يا حبيبى
فادى :- باس مصطفى ونزله وقام وقف وقال هروح بقى اشوف شغلى
ادهم :- ماشى ربنا معاك
وفى الوقت ده اتفتح الباب ودخل علاء وقال
علاء:- متجمعين عند النبى أن شاءالله
فادى وادهم :- عليه الصلاة والسلام
علاء :- شال مصطفى وقال حبيب عمو عامل ايه يا قلبى
مصطفى :- ضحك ليه وقال طاطا
علاء :- ضحك وقال هو انت حفظت شكلى بالشكولاته ولا ايه
ادهم :- علشان انت كل ما تشوفه تديله شيكولاته
علاء :- احلى شيكولاته هتكون عندك وانا عندى كام مصطفى بس
مصطفى :- حضن علاء وباسه فى خده
علاء :- اخده فى حضنه جامد وباسه فى خده وفى أيده وقال احلى حضن ده والله
ادهم :- بص ليه بوجع
فادى :- هروح انا طيب اشوف شغلى وسابهم ومشى
ادهم :- اقعد يا علاء
علاء :- قعد وقعد مصطفى على رجله
ادهم :- ناوى تعمل ايه
علاء :- فى ايه
ادهم :- فى موضوع الحمل
علاء :- بوجع مش بأيدى حاجه وكل ما اعمل ليها حقن يفشل
ادهم :- طيب حاول مره كمان وانا هشوف ليك دكتور تانى احسن
علاء :- سيبها على ربنا وقت ما هيريد هيدينا
ادهم :- ونعم بالله طبعآ بس حاول مره تانى علشان منتهى
علاء :- بوجع منتهى رضيت بالأمر الواقع وبتحاول تتأقلم عليه وهى اللى طلبت متعملش حقن تانى
ادهم :- اتنهد وقال ربنا يكرمك يارب
علاء :- وقف وقال يارب انا هاخد بقى مصطفى باشا معايا المكتب وهبعت اجبله طاطا
ادهم :- ماشى بس لو تعبك هاتوا
علاء :- انا اتعب من مصطفى استحاله طبعآ واخده وخرج على مكتبه
ادهم :- بص عليه وهو ماشى واتنهد بوجع على اخوه وشاف شغله
~•~•~•~•~•~•~•~•~•~•~•~•~•
فى فيلا ادهم

دخلت دينا الفيلا هى وتامر وكان تامر شايل بنته آيتن على أيده وقال

تامر :- جبتك اهو يا حبيبتى عند اخوكى زى ما طلبتى ياريت بقى تروقى شويه وبلاش عصبيتك دى
دينا :- اتنهدت وقالت انا اسفه يا تامر بس ايتن تعبتنى معاها وقلة النوم تعبت اعصابى اسفه يا حبيبى
تامر :- يا حبيبتى انا مقدر كل ده بس حاولى تتحكمى فى اعصابك اكتر من كده شويه
دينا :- اتنهدت وقالت حاضر زعلان
تامر :- ابتسم ليها وقال لاء خلاص
دينا :- باست خده وقالت بحبك
تامر :- بعشقك يلا خدى ايتن وادخلى وباس راس ايتن وباس راس رودينا وقال باى
دينا :- ابتسمت ليه ودخلت الفيلا وطلعت على اوضت الجده وخبطت على باب الاوضه ودخلت وقالت عامله ايه يا توحه
الجده :- الحمدالله يا بنتى عامله ايه
دينا:- قعدت وقالت ايتن مطلعه عينى مش بتنام طول الليل وبتزن علطول ومش عارفه ايه السبب
الجده :- معلش يا بنتى هى التربيه كده مش بالساهل ولازم هتتعبى شويه فى أولها هاتيها
دينا :- ادتها ايتن وقالت هو محدش فى البيت
الجده :- وهى بتهز ايتن قالت لاء كلهم مش هنا معاده داليا لسه داخله اوضتها من شويه كانت قاعده معايا وسندس فى المدرسه وادهم راح شغله
دينا :- وداليا مراحتش الشغل بتاعها ليه
الجده:- داليا حامل
دينا :- بصدمه حامل ده مصطفى لسه صغير
الجده :- مش عارفه دى تعبانه اوى
دينا :- هدخلها واخدت ايتن وقالت عن اذنك يا توحه وخرجت راحت عند اوضت داليا وخبطت على الباب وسمعت صوت داليا وهى بتأذن ليها تدخل دخلت وقالت الجميل بيعمل ايه
داليا :- دينا تعالى يا دودو
دينا :- دخلت بفرحه وقالت مبروك يا ام العيال وضحكت
داليا :-ضحكت وقالت الله يبارك فيكى عقبالك
دينا :- عقبال مين دى الاخت ايتن قايمه معايا بأحلى واجب
داليا :- ضحكت وقالت كلهم كده واخدت ايتن من ايد دينا وقالت عروسة ابنى عامله ايه
دينا :- مطلعه عينى والله يا داليا بتزن كتير اوى ومش عارفه ليه لسه امبارح متخانقين انا وتامر بسببها
داليا :- ليه بس ده تامر بيحبك
دينا :- عارفه والله إنه بيحبنى بس كانت ايتن بتعيط كتير وهو نايم اتغاظت منه وزعقت معاه ما هو ابوها هو كمان ولازم يشيل شويه معايا
داليا :- وربنا احنا كستات مجانين ربنا يعين الرجاله علينا نفس الحكايه كنت بعملها مع ادهم بس الصراحه هما معذورين برضه هما ايه عرفهم بالتربية بس دى مهمتنا احنا مش هما
دينا :- يلا هما نصيبهم كده يستحملوا بقى وقعدت تضحك
داليا :- فضلت تلاعب ايتن
دينا :- امال فين مصطفى
داليا :- ابوه اخده معاه الشغل
دينا :- احسن برضه علشان انتى تستريحى شويه
داليا :- بس مصطفى واحشنى اوى
دينا :- بغمزه مصطفى بس ولا ابو مصطفى كمان
داليا :- بحب الاتنين طبعآ دول هما شمعة حياتى اللى بينوروها
دينا :-بضحك زيدى يا زيدى هييييييح
داليا :- ضحكت وقالت الله اكبر هتقرى ولا ايه
دينا :- ربنا يسعدكم ويهنيكم يارب وتفرحوا بولادكم
داليا :- اللهم امين انا وانتى يارب
*********************
إلي هنا ينتهي الفصل السادس والثمانون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة