U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية شرسة ولكن بقلم لولو طارق - الفصل الثامن والثلاثون

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل الثامن والثلاثون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل الثامن والثلاثون

اقرأ أيضا: روايات غرام
رواية شرسة ولكن بقلم لولو طارق
رواية شرسة ولكن بقلم لولو طارق

رواية شرسة ولكن بقلم لولو طارق - الفصل الثامن والثلاثون

محى ماشى بوردته وفرحه مليه الكون خلاص حانت اللحظه وعيونها فى عيون بعض بتحكى كلام كتير من زمان محبوس جواهم زى الاسير قطع سحر عيونهم
صفاره الشباب ومحى ببتسامه فى عيونه وشفايفه وحب صادق : اتغيرتى يابنت اللذينه
ورد بضحكه : ايه يا محى والله ما عرفت حالى هاد انا والا واحده تانى .. بتجبل فينى هيك يا جلبى
محى بابتسامه عريضه حضنها تانى : ببقبل فيكى باى شكل واى وضع انا حاسس انى ملكت الدنيااا وانتى فى حضنى
ورد بكسوف وضحكه : ابعد شوى يا محى بتخجلنى ما صدجت اتحشم
محى : هههههههه فيش اتحشم ايوا الصراحه ما صدقت ولسا انتى شوفتى حاجه التقيل جاى ورا وبيطلع ايده وينزلها اصبرى عليااا
نور كانها بتعزف على الكمان تيرارار .. ما تخلصوووو فى ام الليله
سلوى بهيام : سيبيهم شويه يا نور انتى رخمه ليه دول جمال قوى
نوجا بتزغرت وماسكه ملح وبتنطره عليهم
محى مسك عينه وبيقلد محمد هنيدى : عينى عينى ... عينى يا نور خالتك ملحتها
نور : ههههههههه ... معلش أمحى ضريبة الجواز يا بطل
نجيه حضنت ورد جااامد وبفرحه ؛ مبررروك يا قلبى ... ربى يسعدك ويجعلها بدايه خير عليكى
ورد بفرحه : الله بيبارك فيكى ولحازم ونور يا خاله وعجبال ولدهم ان شالله
نوجا : اهئ اهئ تعالى فى حضنى كنتى ماليه عليا البيت وكلها شهر وسلوى تسيبنى اخص عليكو كلكو
نور قربت على ودنها وبهمس : انتى بتقولى اسفوخس عليكو من امتى الرقه دى يا نوجا
نوجا : غورى دلوقت اسفوخس عليكى انتى لوحدك وحضنت ورد وورد بادلتها الحضن ومحى مسك ايديها وخارج وبيركب ورد العربيه وبعدين ركب جمبها واتفاجئ با الا ركب وبيسوق
ووشه اتقلب اول ما شاف كاونه هو الا راكب العربيه
محى بيخبط على كتف كاونه بايده : ايه .. ايه .. انت بتعمل ايه يا كمان نانه انزل يا بابا بلاش لعب عيال
كاونه بيضحك وفاتح بوئه على الاخر : ها أسوق العربيه
محى قلب وشه : ماتسوقش .. انزل انا الا ها اسوق
كاونه لف له وورد اتخضت ومسكت فى دراع محى : وربنا ما حد زفك ولا موصلك غيرى انت بتقول ايه يا جدع
محى : يا مصيبتك السودا يا محى .. كانت جوازه وكمان نانه ها يقلبها جنازه ..
ورد بهمس : محى ماله هاااد بوئه معلج يا جلبى ما راح يجفل تانى
محى : واكل عياله وجاى يحلى بينا يا ورد .. وكاونه طلع مره واحده وبسرعه ومحى وورد ضهرهم براسهم رجعووو لورا ورجليهم اترفعت ..
كاونه ماشى وبيضربت كلاكس العربيه : تيت .. تيت ويقول بصوت عالى محى .. تيت تيت .. ويعلى صوته اكتر محى
ورد : 😂😂😂😂 هاد مجنون يا محى ليش ما بيجول ورد انا العروس
محى تنح وبصلها وبص لكاونه وعيط عياااط مصطنع ورفع راسه لفوق : يارب ورد وكاونه والاتنين مع بعض .. كتير يارب .. كتير .. وكاونه بدء يجيب العربيه يمين وشمال وشمال ويمين وورد بتصرخ .. وكاونه بيضحك ..
ورد : بيكفى راح اموت يا غراب الشوم
كاونه : هههههه دى التحيه يا عروسه وبيب .. بيب محى
محى : بيب .. بيب أهلى .. اتهد بقى واهدى خلى الليله تعدى على خير ..
كاونه : ما تخافش يا بشمهندز .. انا وسنتى كنا كفاءه
محى : هو لسا فى سنتى دا ابنك غير عيلاء والا ابن اختك
كاونه : ابن المعلم الكبير حموءه
محى : حموءه دا حتى عيب على شنبه .. انت ليه بتعرف ناس زباله ..
كاونه : اللهم صلى على النبى .. مخشوف عنك الحجاب .. عرفت منين انهم زباله
محى : 😂😂😂😂😂
ورد : ايش يجول هاد .. شو يعنى مخشوف
محى بهمس : مكسوف يعنى
ورد بتهز راسها : ايه فهمت يا جلبى .. وليش مكسوف والله وشه بيجول انه ما بيعرف كسوف جليل الحيا
محى : لا دا خجول قوووى انتى ما تعرفهوش .. ما يغركيش شكله دا قطه مغمضه واطلقت علينا ..
كاونه : بتقول حاجه سعتك
محى : ها اقول ايه .. حسبى الله ونعمه الوكيل .. بقى دى ليلة فرحى الا نايم قايم احلم بيها .. اتزف معاك ماشى يا حازم راح فين دا
كاونه : تعرف يا بشمهندز .. انا قدمى سعد بالصلاه على النبى .. كل الا يشوفنى
محى : اكيد بيجيلو حصبه
كاونه بيهز راسه : لا بيجيلو البوليس ههههههه
محى : هههههههههه .. حلوه يا كاونه كمان واحده عشان عايز أمن الدوله على طول .. والعربيات الا ماشيه حوالين محى بتزفه وقفو على الصفين والشباب نزلت ومشغلين اغانى بصوت عالى جدا مع كلاكسات العربيه ... وسيف وحازم كل واحد ماسك شمروخ وولعوهم وبيلفو حوالين بعض بيه وهما بيضحكو ويصفرو جااامد ... سيف ركب عربيته وجمبه سلوى ونوجا ورا ... وحازم قعد على عربيته من قدام الا بيزفو بيها محى ومسك فى الشباك بايده وكاونه طلع بسرعه وبيجيب العربيه يمين وشمال وقلب نجيه ونور اتخطف خافو يقع من على كبوت العربيه العربيات كتير حواليهم بيعملو حركات جنونيه ..
محى : براحه يا زفت لحازم يقع
كاونه : ههههههه دا باشا كبير فى نفسه ما يتخافش عليه ..
نور سايقه عربيتها ونجيه راكبه ورا وطلعت راسها من قزاز العربيه : حازم .. حازم
حازم : ايه فى ايه
نور : انزل لو سمحت
نجيه بصوت عالى وخوف : انزل يابنى عشان خاطرى
حازم شاور لكاونه ووقف ونزل ركب جمب نور ..
نجيه بعصبيه : طول عمرك عاقل ايه جرالك
نور بغمزه : ايوا ايه جرالك .. اهدى كدا
حازم : ما تتخيليش يا ماما انا فرحان اد ايه عشان محى وورد والله بجد اجمل يوم فى عمرى انهارده .. ووش نور ملامحه اتغيرت حازم بدء يتجاهلها ودا مجننها برغم معاملته لها بس فى حاجه غريبه بتشدها طول الوقت ناحيته .. وصلو قاعه بسيطه بس جميله جدا والا جملها أكتر فرحه ورد ومحى والناس الا حواليهم .. دخلو القاعه وفرقه محاوطهم بالطبل والزمر ... وداخلين وسط فرحه وتسقيف الناااس حواليهم واخيرا وصلووو للكوشه يا دوب قعدو همسه وقااامو يتنططو ويتبسطو بليلتهم مع بعض ... ونور قاعده مخنوقه .. كل واحد واخد حبيبته وبيرقص معاها حتى سيف صمم انه يرقص مع سلوته بعد ما كتب الكتاب وبقت مراته وعلى ذمته ودا مجنن نوجا ...
نجيه : قومى ارقصى مع جوزك
نور : مليش فى الرقص
نوجا زقتها : يابت اتلحلحى غيرى من نفسك ولبسك دا
نور بعصبيه مكتومه : يووواه بقى سيبونى فى حالى ..هو مازن فين مش باين هو وابويه
نوجا : اكيد راح يشتريلو من برا
نور بصت على باب القاعه والصدمه بانت على وشها لما شافت الا داخله وكانها عروسه وملكه الحفله ايوا هى معقول قايل لها فضلت وقت بتبص عليه من فوق لتحت وفاقت من شرودها لما شافت حازم قدامها وايديهم فى ايد بعض بيسلمو بحراره قامت وكأن حاجه بتسحبها ناحيتهم ولاول مره تحط ايديها فى ايد حازم بتملك وبابتسامه مصطنعه : مش تعرفنى يا حبيبى
حازم بص على ايديها وبصلها وبعدين اتنحنح وبص لهاله : اعرفك هاله صديقتى .. وبيشاور على نور .. نور مراتى يا هاله
هاله بنص ابتسامه وبتبص لنور باستغراب مدت ايديها : أهلا
نور بطراطيف صوابعها سلمت عليها وبربع ابتسامه : اهلا .. ياله ياقلبى محى بيصفرلك
حازم : شويه وها ارحلو ها اقعد هاله بس لانها ضيفتى نورتى مصر كلها من تانى
نور بتهز راسها وبرخامه : وضلمتى مكانك التانى ياريت تنوريه بسرعه
هاله : هههههه شكلك دمك خفيف
نور : قوى فوق ما تتخيلى .. تعالى وشدتها من دراعها وبتكلم حازم وكانها بتتوعد له : ضيفتك ضيفتى انا كمان والا ايه روح لصاحبك وانا ها اقعدها .. وشدتها ومشيت بيها وحازم قرب منها وجمب ودنها
حازم : براحه عليها هى مش حملك
نور ادته بكوعها فى بطنه وهو اتوجع وكملت طريقها ورا فى اخر القاعه .. وقعدتها
هاله مسكت دراعها : اه براحه انتى عنيفه قوووى
نور خبطت ايديها على التربيزه : طبعى يا قطه وللاسف مش عارفه اغيره .. فا لمى نفسيتك ومع نفسك وبتبعت لها بوسه فى الهوا .. وبتعمل ايديها على برا .. وعلى برا
هاله : على فكره انا ضيفه حازم وعيب قوى الا بتعمليه
نور بتشمر ايديها فى تهديد غير مباشر : العيب ها تشوفيه بجد لو مخرجتيش من هنااا ولو شوفت وشك فى اى مكان حازم فيه ها اقطعك بسنانى
بستغرب من جرائتكم الغريبه عاملين زى الحدايه الا بتخطف ببجاحه وتجرى عااادى وكأن لها حق
هاله برقه : حازم جنتل قوووى معقول ذوقه وصل لكدا .. بقولك ضيفته تقوليلى حدايه وخطف المفروض ترحبى بيا مش تهددينى ثم كمان حازم مفهمنى انك مش عايزاه ومش ها تكملو
حازم قرب منهم وحط ايده على ضهر نور : هااا ها تشربيها ايه يا حبيبتى
نور بتجز على سنانها : ها اشربها السم الهارى انت وهى وشدته تعالا يا حبيبى نرقص ما تقلقش دلوقتى تستلقط لها قزازه حاجه ساقعه من اى جارسون وبصوت هامس دا اخرها
هاله بقرف وصوت هامس : تستلقط .بقلم لبنى طارق . ايه المخلوق دا ياااى يا حازم
حازم : عيب يا نور لازم اقعد معاها
نور شدته جااامد : ما تعصبنيش بردو بعت وجبتها وكمان يوم فرح محى وبتتريق دا احلى يوم فى عمرى .. قول كدا يا ميه من تحت تبن عشانها وعشان خطوتها الا تسد النفس فرحان
حازم وقف قدامها : اخر مره ها اقولك اتكلمى معايا بأدب بعد كدا تصرفى مش ها يعجبك .. انتى عارفه انها جايه .. ودا حقى خلاص احنا قربنا نطلق واتفقت انا وهى نتجوز بعد ما اطلقك
نور بصدمه شديده : ت ايه .. تتجوز ودموعها اتجمعت فى عيونها .. نفسى أعرف ليه الجبروت فى دمكم .. انا ليه حظى دايما ملعبك سواء مع ابويا او معاااك .. تعبت من حياتى ومن دنيتى بسببكم كلكم ونطرت راسها تجاه هاله .. هى دى البنت من وجهة نظرك هى دى الاخلاق الا انت وغيرك بتتمانها مبروك عليك يا بشمهندس فعلا تستحقها
حازم بعصبيه شدها من دراعها على جمب بعيد عن كل العيون : بتلومينى على ايه .. مش راجل قدامك ومن حقى أعيش أمى الا بتحبك واختارت عيشتك ونسيت ابنها عشانك مش من حقها تشوف حفيد لها وبتستناه على نار .. عايز افهم ايه مزعلك طول الوقت وبتريقه طلقنى .. ابعد عنى .. ملكش دعوه بحياتى وبعدين يا نور قوليلى اخرتها احترت معاكى يا بنت حمدى طول الوقت بحاول وانتى بتصدينى
نور بتحاول تكتم أهاتها ووجعها الكبير ما اتخيلتش ان الموضوع مؤذى للمشاعر بالطريقه دى كانت بتستهتر بالموضوع بس لاء هى فعلا حبته ومش متخيله حياتها من غيره ومجرد ما واحده تانيه جايه تاخد مكانها نار قادت مش قادره عليها : عارف مهما كانت معانتك معايااا بس شعورك واحساسك والنار اللى وبتخبطه على صدره خبطات ورا بعض جواك الا ممكن تطلع تحرق المكان دا كله فى حاله واحده بس لو خرجت ولقتنى داخله عليك وفى ايدى هانى فاكره حبيبى الا انت فرقت بينى وبينه
حازم بيجز على سنانه وبيضغط على ايديها : صدقتى نفسك .. هانى اللى خان ابوكى مع مراته بتسميه حبيب وبتحطيه فى مقارنه معايااا اكيد اتجننتى وللحظه فاق وحس هو قال ايه ونور عيونها اتقلبت لدم لدرجه انها ما بقتش شايفه قدامها زقته
بغل شديد و طلعت تجرى برا القاعه وحازم بيبص لهاله الا قاعده مراقبه الموقف من بعيد وطلع يجرى ورا نور اول ما وصل برا لقى عربيتها طالعه بسرعه جنونيه ... وقابل ابوها ..
حمدى ماسك مازن : مالها نور يا حازم
حازم : ولا حاجه وبيتوه على الموضوع ... اختفيت فين وبيمشى ايده على راس مازن . انت والباشا
حمدى : كان عايزنى اشتريله كام حاجه كدا وكنا بنلف عليها لحد ما لقيناها ..
مازن : هى نور مش جايه تااانى
حازم : ها تيجى ان شاء الله ياله ادخلو عشان نوجا سئلت عليكو كتير ودخلو وحازم فضل يتصل على نور كتير لحد ما قفلت تليفونها خالص ... اوووف منك ومن عمايلك يا نور بجد دمرتيلى اعصابى .. ودخل خد هاله وخرج بيها وصلها الفندق الا قاعده فيه وفضل يلف بعربيته على نور واضطر يرجع تااانى عشان محى وورد يوصلهم شقتهم بعد الفرح
فى ناحيه تانيه وفرحه مش حاسين باى حد غير نفسهم لان دا يومهم الجميل الا ها يجمعهم .. محى ماسك ايديها وطالع على السلم .بقلم لبنى طارق . ووقف قدام شقته وبيطلع المفتاح والابتسامه مش عايزا تفارقه .. مد ايده ياله يا قلبى
ورد كشرت وفضلت واقفها مكانها مش عايزا تدخل
محى : ياله يا وردتى مش ها تدخلى شقتك يابت
ورد : مانى داخله يا محى .. كيف يعنى ماراح تشيلنى كيف ما بيعملو فى الفلمه
محى بيدعك راسه من ورا : فلمه .. تعالى يا حبيبتى دا افلام يا ورد يعنى كلام فاضى بذمتك بعد هدت الحيل دى انا قادر اشيل نفسى
ورد بترفع كتافها : هى هئ هئ .. مانى داخله راح ارجع لأما نوجا من شان تأدبك يامحى وسايبه ونازله على السلم جرى ومحى طار وراها وبيشدها
محى مسكها من ايدها وبيشدها يطلعها : ها تغضبى يوم فرحك .. اطلعى يابت
ورد : مانى طالعه راح ابات هون يا تشيلنى
محى : شالك شايل أعمى يا ورد ونزل السلمتين وشالها وهى بفرحه بتهز رجليها واتشعلقت فى رقبته .. محى بصوت مكتوم ما تتهزيش
ورد محاوطه رقبته وبضحكه : فرحان كتيررر .. معجول شيلتنى وانا عروس
محى : اشيلك انهارده يجيلى دسك وتشيلنى بكرا
ورد : بشيلك لوحدك يا محى ماراح اشيل دسكك هاد عيب والله
محى : هههههههههه وقفل الباب برجله .. ودخل اوضه النوم ونزلها وهى فى حضنه .. وسند راسه على راسها بياخد نفسه : قطعتى نفسى حلو كدا .. و بهمس بيخطفهم فى دنيااا تانيه مليانه مشاعر وحب .. وردتى نورتى حياتى .. اخيرا بقيتى فى حضنى وليااا ومعايا وبيقرب من شفايفها بعدت عنه ..
ورد : ما بجدر عيب هيك وبضحكه والله بخجل كتير
محى : يابت تعالى خلاص مفيش عيب .. وورد بتجرى ومحى وراها ..
ورد : ههههههه امسكنى يا محى راح شوف بتقدر على والا لاه
محى : انتى جايه تعيشى طفولتك هنا .. مره شيلنى ومره أمسكنى
ورد : ههههههه ايه راح العب وانت تلعب معى هيك بيكون الجواز احلى
محى : طيب تعالى نلعب عروسه وعريس
ورد : كيف بلعبها معك لعبنها من شوى يا محى
محى بمكر : تعالى وانا اقولك وشدها لحضنه من تااانى .. انسى الا حصل من شويه عشان الا راح حاجه وعلى صوته والا جااى حاجه تانيه خالص فاهمه
ورد ابتسمت : شكلك بيضحك وانت جد هيك
محى : ارويكى وانا حمش عشان تموتى على نفسك من الضحك دا انا نافخهم فى الشغل ..
ورد : اتركينى هالحين اغير هاد وبتشاور على الفستان والله طابج على نفسى
محى : حججك كترت اتفضلى .. وبضحك وانا كمان ها اغير يا قمر وجايلك .. وغيرو الاتنين ومحى قرب على ورد حضنها بشوق رهيب وباسها من خدودها وبهمس بحبك
وجرس الباب رن .. وبص لورد بنص عين هو انا عريس وكدا والا بستعبط عشان عمرى ما شفت حد بيرن الجرس قرب الفجر على عريس يكنش بتاع اللبن ههههه
ورد شهقت جااامد وضربت على صدرها : يا ويلى يا محى ليكون صار شى لاهلك
محى اتنفض من مكانه : لهوووى وطلع جرى على برا بالبجامه وورد وراه ببجامه بردو ..بقلم لبنى طارق . وفتح الباب واتفاجئ بواحد معاه تلت شنط .. خير حضرتك .
الشاب : هى ورد هنا
محى تنح وبصوت عالى : نعم
ورد قربت : ايه انا هون ورد مين يا الا بيسئل
الشاب زق محى وجرى على ورد شالها وبيلف بيها ومحى واقع فى الارض باصص عليهم ونزلها بيحضنها جاااامد وبيبوس كل حته فى وشها
محى فرد ايده : يالهوى اسود .. ورد وقام شد الشاب وقعه على الكرسى ونام فوقه .. كيس جوافه انا يالا جدامك .. دانا جوزها ولسا محضنتهاش ولا بوستها وبيرفع ايده وينزلها جامد على وشه والشاب مسك ايد محى وورد بتضرب على وشها ضربات خفيفه بايديها ... اجتله يا محى راح اجيبلك سكين خلص عليه يا جلبى
محى : سكينه يا بلوة حياتى جاتك وجع فى قلبك ياورد .. ها اتسجن يوم فرحى منك لله يا كاونه شكلى ها يجيلى البوليس بجد .. انت مين يالا وبيدوس على جسم الشاب جااامد برجله وجسمه ..
الشاب : انا نادر
محى : نادر ازاى ياروح أمك دا الا زيك مترمين على القهاوى بالكوم
نادر : اسمى نادر اخو ورد ومحى رافع ايده وفضل رافعها وبرق وتنح وورد وقعت مغمى عليها .. محى اتعدل براحه وبيعدل نادر وبينفض كتافه بايده وحضنه وعيط عياط مصطنع وبصوت رايح نوعا ما ايه جابك .. ايه جابك يابو النوادر الا بيحصلى حاله نادره غريبه مريبه ياجدع .. وكتاب حياتى ياعين ما شوفت زيه كتاب
نادر : وسع كدا انت ها تغنى وراح شال ورد نيمها على الكنبه وبيفوق فيها
محى : يالهوووى اسود البت ها تتحبس يا نور يابوذ الفقر .. اخو البنيه رجع وراح عليه يقومه وبيرفع ايده .. والله ما عايز اتعبك دا حتى عيب .. وزق ورد اتنيلى فوقى ..
ورد ماسكه راسها : انا بحلم والا شو جرا يا محى
محى : ههههههههههه لا حقيقه اخوكى وبيضرب على رجله خفيف .. اخوكى الا بقاله سنين برا مصر رجع ازاى ماعرفش يا بومه عرف شقتنا الا لسا داخلنها يادوبك ازاى وربنا يادوبك ورفع ايده الاتنين ..بقلم لبنى طارق ماعرفش بردو قدامى قومى
نادر : طيب انا ها اعرفكم كل حاجه
محى : انت تخرس خالص .. ها اقول لمراتى حاجه وابتسم ابتسامه صفرا وارجعلك .. ودخل هو وورد الاوضه
ورد : راح اجوله انى مانى خيته ماراح يجول شى وبيتعاطف معى
محى : هشششش اخرسى دا تزوير فى اورق رسميه ونصب وليله ملهاش اخر دا الا قولته لنور وما سمعتش كلامى .. لا وجاى يوم فرحى .. انا عارف انى فقر بس مش قوى كدا وربنا قومى وخليكى طبيعيه وعلى الله تخليه يقرب جمبك فاهمه
ورد بغل : راح ادشه يا محى
محى رفع ايده لفوق وبيدعى : دشه تجيلك فى دماغك ها تجننينى
نادر : انا اتافجئت ان انهارده فرحك يا حبيبتى والله لما وصلت للناس الا كنتى عايشه عندهم واهل الشارع قالولى ان فرحك انهارده وفى قاعه اللؤلؤه
محى : يتشكو فى لسانهم
نادر : مين
محى : الا قالولك
نادر ابتسم .. انا عارف انى ضيف تقيل ورخم انهارده وبص لورد واتكلم بوجع رهيب وشوق فظيع لها .. بس لما عرفت انها رجعت ماقدرتش اصبر كفايه السنين الا ضاعت فيها وهى مش فى حضننا كان نفسى ودموعه نزلت بابا وماما يبقو معانا انهارده
ورد بتمسد عليه : وينهم خيى والله واحشنى كتير
نادر : ماتووو يا ورد مااتحملوش بعدك عنهم
محى باستغراب : هو انتى تعرفيهم يا حبيبتى
ورد بتهز راسها بتاكيد : ايه يا محى فى حدا بالكون بينسى ناسه واهله بيك وإمك
نادر ابتسم : معقول فاكرهم
ورد : والله بكذب عليك لو قولت هيك
نادر : امال ايه بقى
ورد : بيكفى انك فاكرهم ونحنا اخوه مش هيك يعنى واحد يا جلبى
محى : جاتك وجع فى قلبك ها تجيبلى جلطه مستعجله
نادر : هههههه لسا زى ما انتى وبيحسس على شعرها .. يا اجمل عيون واخف دم
محى قعد فى النص على الكنبه بينهم وزق نادر .. وبيقوله انا احلى على فكره .. عيونها دى لينسز
نادر : بس اللهجه مالها كدا
محى : بعافيه لسانها اتعوج شويه وبنحاول نعدله
ورد : ههههههه هاى لغتنا نحنو البدو .. صحيح بحاول ابسطها واتكلم متلكم وهاد يالا اتوصلتله مابعرف اكتر من هيك
نادر : بدووو .. عايز اعرف ايه حصلك وايه وداكى هناك ورجعك تانى
محى بيتواب : لا مش وقته .. انا شايف انك لازم تروح تريح فى الفندق وبكرا نتكلم ونعرف انت وصلتلنا ازاى واحنا وصلنلها ازاى
نادر : فندق ايه وبيت اختى موجود دا حتى عيب
ورد : والله عيب يامحى هاد اخى مانه غريب عنا اتركه يدخل ينام هون
محى بجنون : يا بت اتكتمى ..وبيزق نادر بايده قوم ياعم الله يسهلك
نادر قام : انام هنا والا هنا
محى : دا لازقه ... انا ها اجيبلك البوليس .. انا ايش عرفنى انك اخوها
نادر طلع الباسبور وبطاقته القديمه الا معاه .. وفتح الشنطه بتاعته وطلع البوم كبير صور تخصه هو واخته وامه وابوه .. وفضل يفرجهم وفعلا فى شبه كبير بين البنوته الصغيره خصوصا العيون وورد ..
ورد اتنهدت وبتبص للصور وبتتخيل نفسها هى اخته الصور تجنن وواضح عليهم الرفاهيه والحياه الجميله .. وواضح بردو انها محور اهتمام من كل الا حواليها عيله واهل واسم وكل حاجه اكيد لو كانت اخته ماكنش اهل محى رافضوها وكسرو فرحة محى
محى شاور بايده على اوضة الاطفال : اتفضل هنا معلش ها اقفل عليك الباب من برا
نادر : تمام براحتك اهم حاجه ما اسيبش اختى لازم افضل جمبها
محى : جمبها ازاى يعنى ها تلزق فيها والا ايه
نادر : ههههههه لا ها اطمن عليها .. اديها دهب ماما كله لانه امانه فى راقبتى وارضها الا بابا كاتبها باسمها وحوالى 250 الف فى البنك وورد ومحى بصو لبعض وتنحو .. ونادر بيكمل وفى كمان محى حط ايده على بوئه
محى : وربنا ما انت مكمل ارجوك نتكلم وقت تانى
ورد : انت بتعرف انا خيتك والا لا
نادر : انا بعد ما شفتك اتاكدت انك اختى وابصم بالعشره .. وكمان ها نروح بعيد ليه ها نعمل تحليل DNA بسيطه والمفروض اصلا لا بتستلمى ورقك الرسمى وكل شئ يخصك غير بعد التحليل واثبات النسب
محى اتوتر جااامد : طيب اتفضل ادخل الاوضه ريح انا وورد تعبانين ومحتاجين نريح احنا كمان .. ونادر دخل الاوضه وورد ومحى دخلو اوضتهم ..
محى قاعد مهموم ومبوذ
ورد : لا تخاف شكله جلبه كبير وراح يفهمنا
محى بعصبيه وصوت هامس : مجنونه ياورد .. دا واخده العشم والحنين قوووى .. لا وعمال يعد فى التركه والفلوس والاطيان الا عند سعتك وكمان التحليل دى مصيبه
ورد : ايش هاااى التكره والطبيان دول يامحى
محى لف ايده حوالين راقبتها وحضنها جامد وضحك .. وباس خدودها : يا حبيبتى التركه والاطيان الا هما ميراثك دهب وفلوس وارض
ورد ابتسمت : والله يا محى طلعت غنيه ومعابيه كتير انااا .. راح امرمغك بالفلوس يا جلبى
محى : مرمغينى بسكاتك صدقتى والا ايه .. ياله خلينا ننام لانى اتصلت على نور كتير ما بتردش تلاقيها فى سابع نومه وشد ورد على السرير جمبه وكل ما يقرب منها تبعد لحد ما نامت فى حضنه عافيه
****************
سيف واقف فى مدخل العماره مع سلوى بعد ما نوجا ونجيه طلعو على فوق شدها تحت السلم وحضنها وميل براسه باسها من خدها ..
سلوى باحراج شديد ووشها قلب الوان : احمم حد يشوفنا يا سيف
سيف : انتى مراتى مفيش حجه بقى انا زهقت من الحصار الا معمول علينا هى مامتك صاعبه ليه كدا
سلوى : ماعرفش بس دا طبعها وعلى فكره طيبه قوووى فوق ما تتخيل
سيف سند على الحيطه بضهره : عارف وواخد بالى بس انا بعدك خلاص ها يقتلنى وانا مش قادر اقرب منك
سلوى : هااانت يا حبيبى
سيف : ايه قولتلى ايه
سلوى : ههههه ووشها إحمر جدا .. طيب اطلع بقى
سيف مسك ايديها : مش قبل ما تقولى قولتلى ايه
سلوى : احمممم وبتفرك فى ايديها وبصوت مبحوح حبيبى
سيف رفع راسه لفوق والابتسامه على وشه : احلى حبيبى سمعتها وحستها فى حياااتى .. ياله اطلعى بدال ما اخطفك وانا من ساعة ماعرفتك وانا بقيت مجنون
سلوى : ماشى ياله باااى
سيف بتريقه وضحك : ياله باى ..بقولك ايه مش اخويا كان ها يتجنن وورد بتتجوز ههههههه ولما قولتله انها بدويه كان ها يتجنن اكتر
سلوى : ماخلتوش راح خطبها من محى ليه ههههههه
سيف : عشان محى يروح فيها واخويا فى ليله واحده ومسك شفايفها بايده .. بقيتى شريره
سلوى بعدت ايده وطارت على السلم وهو خرج بسرعه وهو بيضحك ركب عربيته وطار على الطريق هووو كمان
************
نور بزعيق : اركن يا كاونه .. وانزل
كاونه ركن العربيه وحس بقلق من شكل نور ونبرة صوتها ونزلت ومسكته من قميصه جااامد : مين قال لحازم على مرات ابويااا ومش عايزا كدب والا وربنا ماحد ها يعرف مكان جثتك وانت عارف انى اقدر اعملها
كاونه : يا ست نور حازم باشا بيحبك ولما عرف كان معايا خطوه بخطوه وبيأمنك فى كل لحظه
نور بصوت عالى زى الصاعقه : بتستهبلنى انا .. وبتخنق كاونه بايديها وبتضربه برجليها .. قولتلك طلعه برا الليله دى ازاى تشوه صورة ابويا وصورتى قدامه وتديله الفرصه يعايرنى
كاونه : والله مش اخلاقه دا خلانى حلفت على المصحف محدش يعرف بالا حصل مهما حصل والرجاله الا جبتها من بعيد قوى واتاكدت انهم ما يعرفوش ابوكى مين بالفهلوه
نور بعدت عن كاونه ومصدومه اكتر : يعنى انا طول الفتره دى لعبه فى ايده
كاونه : لا يا ست نور دا بيحترمك وبيحبك ونور سمعه الكلمه وضحكت بهستريه
نور : بيحبنى .. دا عايز يذلنى ويكسرنى واهو بدء وانت السبب
كاونه بنفى : ابدا .. ابدا .. طول الوقت بيحميكى وبيبعد الكلاب دى عنك من قبل ما يعرف حكايتهم صدقينى
نور اتحولت لانسان ألى مجرد من المشاعر وراحت على العربيه وبتسوق هى وقالت لكاونه خد تاكسى وروح انت .. وفعلا كاونه مشى وهى كمان وصلت شقه أمها دخلت اترمت على الكنبه وبتلف بعيونها فى المكان وبتلف معاها الذاكريااات .. ورن فى دونها صوتها وهى صغيره
فلااااش باااك
**********
رباب قاعده بتعيط ونور قربت عليها : مالك يا ماما وبتمسح دموعها هو باب زعلك تانى وجدو
رباب هزت راسها : الحب كسرنى يابنتى مش قادره ابعد واسيبكم ابدا أوعى تحبى وتأمنى لحد فى يوم من الايام لازم يبقى ليكى شخصيه وقويه محدش يقدر يدايقك ابدا ابوكى ها يتجوز عليا ابوه وامه بيدورو على العروسه عشان تجبلو الواد يا نور وبعصبيه كام مره قولتلك لما شعرك يطول لازم تقصيه ومسكت المقص وشعرها وبتقص شعر نور
نور بعياط وصوت طفولى : ماما .. لاء يا ماما .. نفسى يطول سيبيه
أمها : أسكتى يا نور لازم تبقى اد المسئوليه وطول ما ابوكى شايفك بشعر طويل ها يشوفك ضعفيه مش قد المسئوليه ويتجوز عليا عشان يجيب الواد .. لازم انتى الا تحميه مش هو وتحمى امك انا خلاص تعبت .. تعبت يا بنتى ومحدش حاسس بيا
نور بتمسح دموعها وبتتشنهف وهى بتبص على شعرها الا مرمى على الارض قدامها : والله ها احميه بس سيبى شعرى الجميل
أمها بتعيط على عياطها : اسمعينى طول ما انتى بنت فى عيونهم ها يبيعو ويشترو فيكى ها يتحكمو ويتشرطو عشان عندك شويه احساس .. لازم تبقى نور ابن حمدى مش بنته اوعى يا نور تكسرينى انتى كمان
نور بغلب طفولى واستسلام لحاجه مش فاهمها : حاضر ياماما .. وبعد ما قصت شعرها خالص قامت وسابتها ماقدرتش تتحمل تشوف بنتها كدا ... ونور قعدت على الارض وبتشيل شعرها الا يدوب طول وكانت فرحانه بيه قوووى ماصدقت تبقى زى البنات وبطفوليه أكتر حطته على راسها تانى وكانه ها يرجع مكانه .. قمة الوجع والحرمان لما نحرم حد من حاجه بيحبها وخصوصا لو طفله تعيش مأساه وتدفع تمن غلط امها وابوها وتمن حياتهم الغلط ليه ولادنا هما الا بيدفعو التمن .. تمن الاختيار وتمن الفراق وتمن المشاكل
باااك
*****
فاقت من شردوها ودموعها بتسبقها انا حبيته يا ماما قوى وخايفه يبعد عنى وخايفه اقرب منه مش قادره فى حاجه جوايا منعانى .. قامت من مكانها وفتحت الكنبه الا مليانه على اخرها فلوووس وبترميها برا الكنبه وتقريبا ملت الصاله بيها وبتصرخ بصوت عالى ... عملتولى ايه بردو تعيسه وحظى زى ماهووو وبتشد خصله من شعرها ماقدرتش اخليه زى ما انا عايزا فى عيونه انا راجل وفى عيون ابويا ابنه الا لازم يشيل همه وهم ابنه من بعده حتى خالتى مسميانى راجل العيله .. اااااه تعبت يارب تعبت امتى هما يشيلو همى امتى اعيش حياتى واتخلص من كل القرف الا جوايا خلاص اتكتب عليا اعيش واموت وانا واقفه وسط عمال وطوب وزلط وحديد وقعت على الفلوس المرميه ووشها على الارض وفارده ايديها على وسعهم وفقدت وعيها تماما لا بقت حاسه ولا شايفه حد استسلمت لأحبطها من الحياه والناس وتليفونها واقع على الارض بيرن ويرن بس على الفاضى
*********************
إلي هنا ينتهي الفصل الثامن والثلاثون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة