U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية شرسة ولكن بقلم لولو طارق - الفصل السابع والأربعون

مرحباً بكم أصدقائي وأحبابي عاشقي القراءة والقصص مع رواية اجتماعية جديدة للكاتبة لولو طارق التي سبق أن قدمنا لها العديد من القصص والروايات الجميلة علي موقعنا قصص 26 و موعدنا اليوم مع الفصل السابع والأربعون من  رواية شرسة ولكن بقلم لولو طارق. 

رواية شرسة ولكن بقلم لولو طارق - الفصل السابع والأربعون 

اقرأ أيضا: روايات غرام
رواية شرسة ولكن بقلم لولو طارق
رواية شرسة ولكن بقلم لولو طارق

رواية شرسة ولكن بقلم لولو طارق - الفصل السابع والأربعون 

كاونه واقف فاتح بوئه وبيضحك ... مبرررروك يتربووو فى عززززك يا بشمهندز بس ها تربى كل دول ازاى
عبير : كاونه سوفت يالا العيال مأريض قوووى
محى : خربيت لسانك انت ومراتك الله اكبر انتو بتباركولى والا بتقرررو عليااا ايه الا جاب دول هنا
سيف وحازم فى نفس واحد : أنت
نوجااا : ياختى جمالهم حلوو ماشاء الله لا قوة إلا بالله وبتخمس فى وشهم كلهم .. الله اكبر .. الله أكبر .. هاتى يا ورد يا حبيبتى هاتى انهى الواد وانهى البنت شكلهم باهت على بعض التلاته
صنين دول يا بت 😂😂😂
عبير بتشاور: خالتى اهه دى البت شبهى الخالق الناطق
كاونه : تفى من بوئك يالا تتشكى شبهك مين يا عبير دى شبهى انا
محى بيهجم عليهم وسيف وحازم مسكووو وهما بيضحكووو ..
محى بتريقه وبيتخن صوته : شبهى انا .. ليه يا كاونه هما عيالك والا عيالى انا إلا جبته لنفسى مين الا جاب جوز الخيل دول هنا
كلهم : أنت
ورد ضحكت : الحمد لله إلك يارب العالمين ما حرمتنى من لمة العيله هاااى فرحانه كتير بوجودكم حتى انت .. كمان حبه وأعابير مارتك والله نورتونى وتعبتك كتير .. وانتم يا صبايا ربنا يجعل ساعتك سهله وتجومو بألف خير وسلامه
نور بابتسامه : لو مكناش نتعبلك نتعب لمين يا ورد .. ورد هما دول لعبه والا حق بحقيقى
نجيه : هههههه خدى يا نور شيلى يا قلبى
سلوى : وانا كمان يا طنط ياااه كان نفسى اجيب تلاته كدا دا حلوين قوى
نوجا : قولى ماشاء الله يابت
سلوى : ماشاء الله ربنا يحميهم
سيف : طب مش ها نشيل احنا كمان والا ايه ..
نوجا : خد ياحبيبى عقبال عوضك
حازم بيلاعب الولد الا نور شايله من بعيد لبعيد
نور بتقرب بايديها عليه : بص يا زومى صغير قوووى هو انا ها اخلف البنوته صغيره كدا
حازم : والله لو جبتيها كدا ما ها اشيلها
نجيه : لا يا حبايبى التوأم لما بيتولدو بيبقو صغيرين كدا غير لما يبقى عيل لوحده
نوجا : شويه كدا يا محى خلاص الصبح طلع تاخد الشباب وولادك وتروح تطعمهم وتسجلهم يا حبيبى وها يكشفو عليهم ويصرفو لهم لبن
ورد : لبن ايش هاد يا أما نوجا
نوجا : لبن بودره بتعمليه رضعات لهم يا حبيبتى انتى مش ها تلاحقى عليهم وبصت لسيف معاك سيف ها يخلصلك قوام قوام
سيف : طلباتك كترت يا نوجا
نوجا : الناس لبعضها يا جوز بنتى ..
عبير قربت عليهم بعد ما دخلت المطبخ عملت مغات : انا عملت مغات اهووو انا الا جيباه من عندى وربنا معمول عموله واصلى وبتدى سيف
سيف : للاسف مليش فى الحجات دى ... قربت على حازم رفض بردو ومحى كذلك والبنات الا خدت منه .. فضلو مع بعض ومحى وحازم وسيف خد الولاد وراحو يسجلو الاطفال ويطعموهم ونوجا معاهم .. قضو نهار طويل مع بعض جدا .. وللاسف ابو محى وأمه تجاهلو الموضوع بردو واخته اكتفت بالاتصال والمباركه بس ... ونوجا ونجيه ونعمه الام والجدعنه بجد فضلو مع ورد ما اتخلوش عنها والبنات يوم اه ويوم لاء عندها .. شهر كامل لحد ما بدأت نور وسلوى يبان عليهم تعب وعلامات الولاده اضطرت نوجا ونجيه يروحو كل واحده لبنتها ويباشرو ورد بردو ... وعبير شبه مقيمه مع ورد .. وحمدى ها يتجنن نوجا رافضه الجواز لحد ما البنات تخلف وتطمن عليهم وتبقى متفرغه لهم ...
***************
نور قاعده على الكرسى : اااه اهئ اهئ اااه .. مش قادره يا ماما ..
نجيه ماسكه ايديها : يا حبيبتى استحملى الدكتوره قالت قدامك لبليل على ما تولدى
نور بعياط : كنت ولدت قيصرى لازم طبيعى انا تعبانه قوووى ما الدكتوره عرضت علينا
نجيه : لا يا نور يبقى قدامك الطبيعى وربنا كارمك بيه وتولدى قيصرى .. وجع دلوقت .. ولا وجع طول الوقت وعذاب بعد كدا .. وبطنك تتفتح وعضالات بطنك تضعف دى تجاره يا بنتى طول عمرنا بنولد طبيعى وفى بيوتنا ماعرفش موضة القيصرى الا انتو طالعين فيها دى اللى حالتها تعبانه وتستدعى القيصرى اااه معلش دى لها عزرها غير كدا لاء
نور بعياط : ااااااه تعبت يارب .. يارب هووون
نجيه : قومى خلينى أمشيكى شويه
نور بتهز راسها : مش قادره فين حازم ماجاش ليه هو وبابا ..
نجيه : زمانهم جاين قومى يا حبيبتى .. على ما اعملك كوباية قرفه .. خدى كلى البلح دا ... ونور بتتمشى فى الشقه وحازم وابوها وصلو مع بعض
حمدى : عامله ايه يا نور دلوقت
حازم مسك ايديها : تقعدى
نور بعياط بتهز راسها : لاء
نجيه : سيبوها تتمشى
حازم بقلق : طيب تعالى نروح للدكتوره
نجيه : لسا بدرى سيبها ما تقلقش عليها
حمدى : ربنا يقومك بالسلامه يابنتى ..
نور بعياط وصوت عالى : اه يا ماما كنتى بتتحملى كل الولادات دى ازاى .. وبتبص لفوق .. يارب
حازم اتنهد وبص على حمدى الا كشر وبهمس : معلش انت عارف انها لما بتبقى تعبانه اول حد بتفتكره أمها
حمدى : مين ينسى أمه يابنى
نور بعصبيه : خلصونى مش قادره الوجع بيزيد حاسه بتقل رهيب فى بطنى تعبانه
حازم : ياله نروح للدكتوره كفايه عليكى كدا ..
نجيه : لسا يا حبيبى لسا اهدى بس وسيبها ملكش دعوه أنت
حازم : يا ماما انتى مش شايفها مش مبطله عياط ما تقول حاجه يا عمى ..
حمدى : ها اقول ايه يابنى امك ادرى بيها مننا
نور بصريخ قربت على الفازات الا قداما ومسكتها وفى وش حازم الا وطى راسه على اخر لحظه وطار من قدامها وحمدى طار من قدامها ونجيه استخبت ورا الستاره ونور بتحدف بعشوائيه وجنون وبتقول اسكتووو مش عايزا اسمع حد فيكو 😂😂😂😂😂😂
حازم : يخربيت جنانك .. يارب تولدى دلوقتى .. قولتلك نروح للدكتوره
حمدى : ها نسيطر عليها ازاى دلوقت البت فلتت منها
نور : نزلونى .. نزلونى انا عايزا اولد
حازم : ها تعمل مظاهره
نجيه قربت منها ومسكتها .. تعالى ياله ننزل نتمشى لحد الدكتوره
نور : مش قادره ولدونى انتو مش حاسين بالنار الا فيا
وخدوها وراحو للدكتوره .. لحظات عدت عليها بصعوبه وفعلا ولدت وقااامت بالسلام وربنا رزقها ببنوته قمررر وتخينه رغم انها ماكنتش بتاكل كتير ...
********
فى ناحيه تانيه وفى نفس اللحظه سلوى مشغله الزنونه وماسكه فى سيف وامها وساميه وخالد محدش فيهم قادر عليها ..
سيف : يا سلوى اهدى جاين من عند الدكتور وبقالى 3 تيام مابروحش الشغل ها اترفد لازم انزل
سلوى بتتنط نطات خفيفه وبتعيط : مليش دعوه نور ولدت إشمعنا اناااا وبتضرب سيف فى كتفه .. ولدنى يا جاحد هو انت عشان ظابط مش عايزنى اولد انا تعبانه هما كدا الظباط مفترين
نوجا ضحكت وبهمس : بت تكسف وربنا هو قافل على العيل جوا والا عمل فيها ايه قلب أمه
سيف بينفخ بنفاذ صبر : يابنتى انا حابسها جوا ها اقولها بالامر انزلى ها تنزل .. افردى وانتى بتتنططى دلوقت وقعت .. تكسرى دماغها عشان دلعك
خالد وساميه سايحين على نفسهم من الضحك ومش قادرين يتكلمووو سيف بصلهم التلاته : انا جايبكو تضحكووو دى جننتنى حوشها عنى
نوجا رفعت ايديها : يحوش عنك ربنا يابنى
سلوى : اهئ اهئ اهئ .. انا تعبانه يا سيف بنتك نوتى
سيف : دا انتى الا نوتى وستين نوتى .. اتهدى بقى وسيبى دراعى خدل من كتر ما انتى ماسكه فيه ونايمه عليها هو رهينه
خالد : ياعم سيبها ماسكه يمكن مرتاحه كدا
ساميه : تعالى يا سلوى معايا وماسكه ايديها وسلوى بتشد سيف معاها
سيف : سيبينى يا بنتى عايزا ايه روحى مع ماما ربنا يهديكى
سلوى : اهئ اهئ لاء انت معايا انت السبب
سيف بعصبيه : انا السبب لوحدى ما تتهدى بقى لقص لسانك الا طول بين يوم وليله دا
خالد لف وشه ونزل وهو مش قادر يمسك نفسه من الضحك ونوجا بتلوى شفايفها وقامت تسلك سيف منها شكله ها يتهور عليها بجد 😂😂😂😂 بعد وقت سلوى تعبت جدا جدا وسيف شالها ونزل بيها جرى وولدت هى كمان فى نفس اليوم هى ونور
سيف مقرب من وش سلوى وبابتسامه : حمدالله على السلامه يا حبيبتى
سلوى بتعب : الله يسلمك فين بنوتى .. فين يا ماما
نوجا شايلها ومبتسمه احساس غريب قوووى عليها خلاص بقت جده .. قربت من بنتها وسمت بالله وناولتها البنت ..
سلوى بتبص فى وشها وكشرت : دى نايمه .. عايزا اصحيها
سيف : سيبيها نايمه انتى بقيتى قلق ليه مش فاهمك انا بقالى فتره
نوجا : هههههه لاء ولسانها طول
سلوى بتبربش وبتبص لسيف : بجد لسانى طول
سيف ضحك : ها ألمه ما تقلقيش خلاص ملكيش حجه و عقابك جاهز
سلوى ديقت عيونها وبتغيظ سيف وانتبهت : فين طنط ساميه وعمو خالد
نوجا : بيباركو لنور وجاين حلا
سيف مسك مناخير سلوى : هما مش بيقولو المناخير بترجع بعد الولاده لطبيعتها طب دى ايه نظامها بقت شبه مناخير البليتشووو
نوجا : لسا شويه ها ترجع حبه بحبه
سلوى ضربت سيف على ايده : انا مناخيرى بليتشو .. ماشى
خالد خبط ودخل ووراه ساميه بابتسامه فرح : حمدالله على السلامه يا سلوى وعقبال المره الجايه على خيررر
سيف رد بسرعه ورفع ايده : لالالالا ... المره الجايه ها احبسها لو فضلت كدا
كلهم : ههههههه
ساميه : اسكت انت .. عقبال مرات كتير ويارب يبارك
سلوى : شكرا يا طنط
خالد : ها تسموها ايه
سيف بص لنوجا وابتسم : نوجا الا ها تسميها عشان عارف انها بتتمنى اللحظه دى
نوجا بفرحه : شالله يخليك يا جابر بخاطرى روح يجبر بخاطرك ربنا .. وبثقه ها أسميها فتحيه على أسم امى
سيف ديق عيونه وسلوى ضحكت بصوت عالى : ليه يا نوجا ما اجيب لها منديل بأويه كمان والملايه اللف بالمره ونغنلى لها يا أم ملايه لف
نوجا : وليه ما تغنيش لها كعب العزال .. اسكت يا سيف والله يا استاذ خالد فتحه أمى الله يرحمها كانت جميله جمال .. الوسط كداهووو وبتفرد ايديها على وسعهم ووشها البدر فى تمامه لا والا الخدود وبتهز ايديها تقولش طماطميتين يا اخويااا وكانت جدعه جدعنه حدش يقصدها فى حاجه لله إلا لما تكون فى ضهره وحدش يقصدها فى شر إلا لما تديلووو بالشبشب
كلهم : 😂😂
ساميه: انتى عسل قوووى يا نوجا وشكلك كدا طالعلها
نوجا بصعبانيه : انا اروح فيها فين
سيف : روحى فى اى حته وخلصينى ها نسميها ايه
نوجا بتسرع : صفيناز
سيف : استغفر الله تصدقى انا غلطان يا نوجا
سلوى : قولى بقى يا ماما بطلى هزار
خالد : سيبوها انتو وراكو مشوار لا القاعده الحلوه ولا الضحكه إلا من القلب بتتعوض بسهوله
نوجا ضحكت : خلاص يا سيف الصراحه عايزا اقولك بس مكسوفه
سيف : ابوس ايدك قولى جننتينى انتى وبنتك
نوجا : نفسى أسميها آيات حبه قوى الاسم دا يا سيف قوى لو كان ربنا كرمنى ببنت تانيه غير سلوى كانت تبقى آيات
سيف ابتسم : والله ارتحتلو .. حلو هااا ايه رايك يا ماما
ساميه : على خيرة الله يابنى
سيف : وانت يا بابا
خالد : جميل ربنا يبارك فى صاحبة الاسم ويحفظها
سيف بص لسلوى وسلوى ابتمست : انتى بقى ما اسمعش صوتك خالص
سلوى ضحكت : ولا حبه صغنتتين اد كوهووون وضما صوباعين على بعض قدام وشها
سيف بغمزه : لاء ولا أد كدهووون
جاسر اخوه دخل بهوليله وآيات صحيت مفزوعه .. وسيف راح ضربه بهزار
جاسر بضحكه : خلاص انت ها تعلمنى الادب وهى لسا فى اللفه دانا ها اقلق منامكو كلكو زى ما كنتو قالقين منامنا انت ومراتك وبص لسلوى والا ايه يا مرات اخويا
سلوى ظبطت الحجاب : المسامح كريم يا جاسر بكرا يتردلك
جاسر نطر راسه وبضحكه : مش مهم .. المهم حمدالله على سلامتك وسلامة قمر العيله ادينى ايديها نفسى اعيش اللحظه دى من زمان واشبك
كلهم : 😂😂😂
خالد : انت مالى عينك حد اتلم وربنا ها يكرمك
جاسر : قريب يا حج ان شاء الله والا ايه يا ست الكل
ساميه : ايدى على كتفك
نوجا : ربنا يرزقك ببنت الحلال يابنى
جاسر رفع ايده : يااارب .. هاتو بقى
سيف : ورينى جايب ايه انا مش ها البسها حاجه دلوقت عشان ضعيفه اخاف تتعور
جاسر : يا حنين .. خلاص ألبس سلوى الخاتم
سيف زق راسه ؛ سايبه والا ايه هات انا ها البسها
جاسر : ما تزوقش طيب .. خد .. خاتمين زى بعض انما ايه اخر حلاااوه وربنا عموله ودافع فيهم مبلغ وقدره
سيف : لا ذوقك حلو
جاسر : من زمان حتى اسأل سلوى كل اسبوع اروح اجيب لها حاجه دهب تخبيها من وراك وتقولى بحوش
سلوى تنحت وشاورت على نفسها وبصت لسيف بخوف : انا والله هى مره واحده بس ووريتك الخاتم يا سيف
جاسر ضحك بصوت عالى وبص لسيف : مراتك دى غلبانه قوووى
سيف بص لابوه : ها تلمه والا المه انا
خالد شايل آيات : خد شيل بنت اخوك وبطل رغى سمى وجاسر مد ايده بفرحه ... وقرب من خدودها باسها
جاسر : ماشاء الله جميل قوى يا سيف .. انا عايزا من دا
سيف خدها منه : لا دا يخصنى انااا حبيب بابا .. وبيلاعبها ونسى كل الا حواليه
************
نور نايمه خالص من ساعة ما خرجت من العمليات يدوب رضعت بنتها بالعافيه ونايمه خالص على نفسها .. حازم جمبها وبيمشى ايده على شعرها .. وبص لامه
هى ها تفضل نايمه اكتر من كدا
نجيه : ادام بنتك ساكته سيبها ياحبيبتى ما داقتش طعم النوم بقالها اسبوع
حازم : عايزها تاكل حاجه
حمدى شايل بنت نور وفرحان قوووى بيها : يا مازن استنى سيبنى شايلها شويه
مازن : يابابا أنت شيلتها كتير انا نفسى اشيلها زيك .. مش انا خالها
حازم ضحك : يابنى انا ابوها ومش راضى يديهلى
نجيه رافعت ايديها لفوق : ربنا يبارك فيها ويحفظها من كل شر وكل سوء
حمدى وحازم : أمين ..
حمدى : اسمك ايه يا حلوه
حازم ابتسم وبص لنور الا نايمه خالص : نور اتفقت معايا على أسم تسنيم
حمدى : سموها اسم نعرف نقوله وله معنى
حازم : دا معناه جميل قوى يا عمى ... معناه.. أسم عين ماء فى الجنه
نجيه : ماشاء الله ... حلو الاسم يا حج حمدى .. عشان كدا كانت على طول تقول عليها توتا
حازم هز راسه : ايوا
حمدى بيلاعبها : تنسيم تنسيم
حازم ضحك ومازن بصوت عالى : يا بابا تسنيم
حمدى بيهزها براحه : اهو غلطنا من اولها يا توتا يا حبيبة جدووو
نور بتفتح عيونها براحه وحطت ايديها على صدر حازم الا قاعد جمبها ... توتا فين .. هو انا روحت
حازم : يااااه حمدالله على السلامه اخيرا فوقتى
حمدى قرب عليها ونور اتعدلت : سمى يا بنتى
نور مدت ايديها بابتسامه : بسم الله .. وبصت لحازم احنا ها ننصب من اولها ما تبطلو بقى
حازم باستغراب : ليه والله بنتك هو انا عملت حاجه
نور : دى شبهك يا حازم الخالق الناطق انت .. مليش انا عايزاها شبهى
نجيه وحمدى : 😂😂
حازم بصدمه مزيفه : للدرجه دى مش طيقانى هى بنتى حبيبتى عندها انتماء طالعه لابوها
نور : ههههههه ماشاء الله قلبوظه قوووى
حازم ابتسم ومسك خدود بنته : طيب ما هى خدودها زى خدودك تنكرى
نور بسرحان وضمتها قوووى نفسها تدخلها بين ضلوعها وبتبوس فيها حازم : ههههه كفايه ها تاكليها
نجيه : ها نروح أمتى بدال قعدتنا فى الاوضه نص المتر دى
حمدى قااام : ها اروح للدكتور اسأله وقام وقف لقى نوجا فى وشه فضل واقف ما اتحركش
نور بغمزه لحازم : مش ها تروح يا بابا
حمدى : اروح فين هو انا قولت رايح فى حته
كلهم : 😂😂😂
حازم : اتفضلى يا نوجا تعالى
نوجا عدت من جمب حمدى : وسع كدا يا حمدى سادد الطريق كدا ليه يوووه
حمدى رجع على جمب شويه : ادخلى يا نوجا .. اتفضلى والله نورتى . نور لسا قايمه وكانت لسا ها تسئل عليكى
نور بصت لحازم : هو بيتكلم بالنيابه عن نيتى ليه .. الراجل دا بقى خطر
نجيه نغزتها : اسكتى لنوجا تزعل
حازم : ههههههه وبهمس بقولك يا نور .. مش ناويه تديلو افراج حرام عليكى
نور بهمس : وانا مالى ... نوجا الا مش راضيه .. هى ورد ما جاتش ولا محى
حازم باستغراب : لاء رغم انى كلمته وقولتله .. وقالى جاى بس ورد مش ها تعرف تيجى انتى عارفه ظروفها
نور : طيب اتصل اطمن عليهم مش عارفه ليه قلقانه عليها
نوجا : يا حبيبتى ... وحضنت نووور جااامد مبرررروك يا ماما .. خلاص بقيتى ماما انتى وسلوى
نور ابتسمت : نسيتى ورد
نوجا : ربنا يعنها دى ام العيال خادوها على خوانه
نور اتنهدت : كان نفسى نبقى جمبها الايام دى صعبانه عليااا قوى ومدايقه من ابو محى وأمه ليه كدا حيات ابنهم زى الفل وهى بتحبه وبتتمنى له الرضا عايزين ايه تانى
نجيه : هما فاكرين انهم ادام بيكلمو ابنهم خلاص مش مهم هي رغم ان جبر الخواطر على الله إلا كسرة نفس اليتيم والضعيف
نوجا بزعل : الود ودى ارجعها عندى تانى .. انا غلطانه انى وافقت محى يتجوزها من غير ما يجو هما يخطبوها زيها زى البنات
حمدى : وإحنا يا نوجا مش كفايه كدا
نوجا مره واحده خضتهم كلهم : دا وقتك يا حمدى احنا فى ايه والا ايه
نور : خضتينى يا نوجا ما تتجوزيه وتريحنا من فلم الحب الممنوع دا
نوجا : كل شئ بمعاد يا نور .. احنا مش صغيرين وبصت لحمدى نصبر
************
محى نزل عشان يروح المستشفى لحازم ولسيف .. وجاى يركب بيحط ايده فى جيبه ملقاش الفلوس ... رجع تااانى فتح الباب براحه لانه كان سايب الولاد نايمه ... سمع صوت ورد بتتكلم وبتضحك وبتقول : وحشتنى كتير بدى اشوفك بيكفى بعد أكتر من هيك دخل عليها هجم وهى اتفزعت وقفلت التليفون بسرعه ومحى بدون وعى مسكها من شعرها وشدها جااامد
*********************
إلي هنا ينتهي الفصل السابع والأربعون من رواية شرسة ولكن بقلم لولو طارق
تابع من هنا: جميع فصول رواية شرسة ولكن بقلم لولو طارق
تابعوا صفحتنا على الفيس بوك للمزيد من روايات حب
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة