قصة قلبي ادمن قسوتك بقلم أمنية أيمن - الفصل الرابع
قصة قلبي ادمن قسوتك بقلم أمنية أيمن - الفصل الرابع
لين :
انت بتهزر صح
هز ادهم راسه نافيا :
لا مبهزرش انا عارف ان انتي صعب تستوعبي ال انا هقوله دلوقتي بس هي دي الحقيقه لين انا مشدود لك من يوم ما شوفتك ايوه وكنت بضربك وبشتمك وبعاملك وحش عشان كنت شايف كل بنات حواء وحشين ومش كويسين بحبك من قبل نادر كمان انا كنت بموت كل لحظه بشوفكم فيها مع بعض كل لحظه هو ماسك ايدك فيها وبيأكد لك حبه انتي انتي علاج يا لين انتي ال خلتيني افهم ان مش كل بنات حواء مش كويسين بس وانتي بتعالجيني حطيتي فيا مرض اكبر بس احلى واجمل سرطانك سرطان حبك (امسك يديها الاثنين وقبلهما بحنان) انا عوزك تعرفي يا لين ان انا ملكك ملكك انتي بتاعك انتي عارف انك مش بتحبيني وعارف انك لسه بتحبي نادر بس
قاطعته لين :
ومين ال قال لك اني لسه بحب نادر نادر دلوقتي بالنسبه ليا ذكرى حلوه لما بفتكره بقول الله يرحمه انت يا ادهم بدأت تنشر جوايا سرطانك زي ما انت بتقول بدأت اتشدلك معاك بحس بحاجات محستهاش مع نادر يمكن اكون فعلا لسه محبتكش وممكن اكون كمان اتجوزتك عشان دي وصيه نادر بس دلوقتي لا دلوقتي انا معاك عشان ادهم مش عشان نادر ادهم انت دلوقتي جوزي وابني وصحبتي وابويا و اخويا ممكن لسه مبقتش حبيبي بس انا واثقه ان انا في يوم هحبك وان اليوم ده قرب كمان
ابتسم ادهم لها بحب وسعاده :
ربنا يديمك نعمه في حياتي
ابتسمت لين له بسعاده :
ويديمك انت كمان نعمه في حياتي يا يا دومي
ادهم بمرح :
لا لا لا دومي كده مره واحده ما تيجي ابخرك لتاخدي عين ولا حاجه
لين:
يا سلاااااااام
ادهم:
وحياة عمك عبد السلام يا لينتي
لين :
وحياة عمك عبد السلام! ده انا متجوزه بياع كرشه بقى 😂
ادهم :
😂😂😂😂😂😂😂
مر شهر ونصف وفي احد الايام عاد ادهم من عمله وكان يجلس هو و لين يشاهدوا ال T. V الى ان طلب ادهم من لين كوب من النسكافيه وبالفعل لبت طلبه ولاكن اثناء صنعها للنسكافيه شعرت ببعض الدوار ولكنها لم تبالي وذهبت لكي تعطيه النسكافيه ولاكن شعرت بالدوار مره اخرى ولاكن هذه المره اقوى من السابق وصبت النسكافيه كاملا على ظهر ادهم (دلقته في قفاه) و
ادهم بفزع :
اييييه يا لين انتي هبله (لما تجيب لين بسبب الدوار الشديد الذي تشعر به) (عاد ادهم اليها بعدما هداء نيران ظهره ببعض الماء) انتي هبله يا لين شويتيلي ضهري
لاكن لين لا تسمعه وسقطت مغشيا عليها ولاكن قبل ان تلامس الارض حملها ادهم و وضعها على الشازلونج واحضر زجاجه عطر وافاقها وما ان فاقت حتى دفعته بقوه و توجهت نحو الحمام ذهب ادهم وراها بغضب ولاكنه وجدها تتقئ بشده فحملها بعدما انتهت وصعد بها الى غرفتهما واتصل بالطبيبه وقامت بالكشف على لين وخرجت من الغرفه و
ادهم :
لين مالها يا دكتوره
الطبيبه ببتسامه :
الف مبروك المدام حامل
ادهم بصدمه سعيده :
ازاي حامل طب احلفي كده
ضحكت الطبيبه :
والله مراتك حامل وفي اخر شهرها الاول
ادهم بسعاده شديده للغايه :
طب حضرتك قولتلها حاجه
الطبيبه ببتسامه :
لا ادخل لها طمنها بقا
ادهم بسعاده :
اوكي مع الف سلامه (من ثم دخل الى لين بعدما اخفى سعادته) كده يا لين تخاوفيني عليكي الف سلامه على مولاتي لين ايه
لين ببتسامه مرهقه :
مليش حق الله يسلمك الدكتوره قالتلك عندي ايه يا دومي
ادهم ببتسامه وهو يجلس بجانبها على السرير وامسك يدها وقبلها بحب :
يعني قالتلي انك عندك شويه دلع على نونو بس
لين وقد فهمت ما يقصده ولاكن لا تستوعبه :
يعني ايه يا دومي مش فاهمه
قبل ادهم راسها :
يعني حامل يا قلب دومك
قامت لين و وقفت على السرير وظلت تقفز عليه بسعاده :
بجد يا دومي هيييييييه
ادهم وقد امسكها من خصرها :
اتهدي يا بنت المجانين هتنزلي البيبي كده
جلست لين على السرير :
حاضر حاضر بجد يا دومي انا فرحانه اووووي
قبل ادهم باطن يدها بحنان :
ربنا يفرح قلبك ديما يا قلب وكلاوي دومك
لين:
😂😂😂😂
انا عاوزه اقول لك على حاجه مهمه اوي يا ادهم
ادهم :
ادهم! اااااه يبقى في مصيبه في ايه بهدوء كده قولي في ايه؟
لين ببكاء شديد :
بص بص بصراحه كده يا ادهم انا انا خاااااااينه
ادهم بصدمه :
اييييه انتي بتقولي ايه طب ال في بطنك ده ابني ولا؟
لين:
انا خاااااينه خااااااينه
ادهم وهو يشعر بلهيب يشتعل داخله :
طب بتخونيني مع مين طب هو انا مش راجل يا لين مش انتي قولتيلي انك بدأتي تحبيني؟
لين :
انتي سيد الرجاله كلها يا ادهم وعدته اني عمري ما هحب غيره وحبيتك انت
ادهم:
ايه انتي بتقولي ايه؟
لين وهي تلف يديها حول رقبته وقد توقفت عن تمثيل البكاء :
بحبك بيحبك بحبك اوي اوي يا دومي
ابتعد ادهم عنها وظل يقفز بسعاده ويضحك بهستريه ويصفق بسعاده ظلت لين تضحك عليه بقوه و تتذكر عندما اعترفت لنادر بحبها يبدو انه مرض يجري في عروق العائله كلها (عندك حق والله يا اختي) من ثم اقترب منها ادهم وقبل بطنها بحب وحنان داعبت هي بدورها شعره باصبعها الرقيقه فابتسم لها بسعاده وفي احد الايام كان ادهم عائد من عمله يشعر بالتعب الشديد وكانت لين في نهايه شهرها الثالث وفجأه رن جرس الفيلا نظر ادهم على الساعه وجدها ١٢:٣٠ فتعجب و
لين :
خليك انت انا هقوم افتح عشان انت تعبان
ادهم:
ليه هو مفيش راجل في البيت ولا انتي متجوزه سوسن
لين وهي تمسك ضحكتها :
لا والله يا دومي يا حبيبي انا مش قصدي كده خالص وبعدين انا قولتلك قبل كده ان انت سيد الرجاله وبعدين انا وانت واحد
ادهم:
واحد في كله الا دي يا لين اتهدي واقعدي وانتي شبه البالونه
لين:
ماشي ماشي يا ادهم (بتندهلوا ادهم لما تزعل منوا او لما تبقى تعبانه او لما يبقى في مشكله)
بينما ضحك ادهم عليها ثم ذهب لفتح الباب وذهبت لين خلفه لتروى فضولها بعدما ارتدت اسدال صلاتها وذهبت خلفه و وقفت على السلم بينما فتح ادهم الباب ومن شده الصدمه حدث له ما جعل لين تصرخ وتجري نحوه متجاهله حملها
من شدة الصدمه سقط مغشيا فركضت لين نحوه متجاهله حملها و
لين:
اااااااادهم قوم قوم يا حبيبي (حاولت حمله)
المرأه المجهوله:
استنى يا بنتي انتي شكلك حامل كده مش هينفع تعالي نشيله سوا عشان ده مش عيل ده راجل
أومئت لين براسها :
حضرتك عندك حق بس معلش ثانيه اقلع الاسدال عشان اعرف اسعدك
المرأه المجهوله :
ماشي يا بنتي
خلعت لين اسدالها وحملت ادهم بمساعده المرأه المجهوله وجلست لين و وضعت رأس ادهم على قدمها واعطتها المرأه المجهوله زجاجه عطر وحاولت ايفاق ادهم الا ان فاق و
ادهم:
اااااااه شوفتي ال حصلي يا لين
لين وهي تداعب شعره باصابعها :
ايه ال حصلك يا قلب لين
ادهم:
حلمت ان وحكى لها كل ما حدث بالتفصيل (فاكر نفسه كان بيحلم) ولاكنه تابع قائلا فتحت لقيت ماما
لين بصمه وهي تنظر للمرأه :
ايييييه! امك؟
والدة ادهم:
ليه هو انت يا ادهم مش فرحان ان انت شفت امك؟
انتفض ادهم واقعا على الارض من الصدمه :
انتي! (ثم تابع بسخريه) افتكرتي ابنك امتى يا يا مدام جيسي اه اه انا اسف لسه انسه مش كده
والدة ادهم:
احترم نفسك يا ولد انت بقيت local اوي اوي يا ادهم
ادهم بسخريه :
والله! اممممَمممم وياترى يا انسه انتي لسه فاكره ابنك كان local ولا لا تؤ تؤ تؤ معقول بردو الفرق مش كتير يدوب بس ٢٠ سنه الا كام شهر
لين في حاله صدمه من طريقة ادهم في الحديث مع امه اهذا زوجها الذي يتقي الله فيها وفي ثمره حبهما اهذا زوجها الذي يتقي الله ويمشي على نهج ومنهج رسول الله (نسيت اقول لكم ادهم بقى انسان كويس وبيتقي ربنا وبيصلي وبيذكي) فقالت بعصبيه وحده و صوت عالي:
اااااااااادهم
نظر لها ادهم ولثالث مره ترى الدموع في عينيه :
عاوزه ايه انتي كمان
لين بنبره استعطاف :
مينفعش تكلم والدتك كده يا يا ادهم
ادهم وهو يهب ناهضا من على الارض :
مش ناقصه زعلك انتي كمان (امسك والدته من ذراعها واقترب من الباب) وانتي يلا اطلعي بره ومتدخليش الفيلا دي تاني ساااااااامعه
وقفت لين خلف والدة ادهم :
لو هي خرجت من هنا يبقى انا كمان هخرج من هنا ومش هتشوفني ولا انا ولا ال في بطني تاني وانت عارف ان انا مش هيفرق معايا واعملها
ادهم بصمه و ذهول :
هتسيبي بيتك عشان خاطر دي يا لين؟!
لين بصدمه في ادهم :
دي! دي تبقى امك يا ادهم امك سامع انا بقول ايه
ادهم :
امي! هي في ام بتأذي ابنها يا لين في ام بتعمل كده انتي لسه مشوفتيش ال في بطنك ومستحيل تأذيه لاكن هي شافتني وفضلت معايا ٧ سنين يا لين
لين وهي ثابته على موقفها :
لسه ثابته على موقفي على فكره
نظر لها ادهم بضعف وعتاب من ثم ذهب من امامها وتوجه نحو غرفتهما واغلق الباب بعنف اما لين فادخلت والدة ادهم وقادتها الى احد الغرف قائله ان تلك الغرفه لها وتركتها في الغرفه وذهبت الى زوجها وما ان دخلت الغرفه حتى نظر لها ادهم بحزن وعتاب من ثم ادار وجهه للناحيه الاخرى اقتربت لين وجلست بجواره بهدوء وظلت تنقر على كتفه بأحد اصابعها فنظر هو لها ثم ادار وجهه الى الناحيه الاخرى مره ثانيه (ايه الراجل ده) من ثم خطر على بال لين فكره جهنميه و
لين وهي تمسك ساعد ادهم بقوه :
اااااااااااه الحقني يا ادهم ااااااااه
انتفض ادهم بقلق عليها :
انتي انتي كويسه انتي بتولدي ولا ايه
لين :
بولد اااايه بس انا حامل في الثالث حرام عليك ااااااه مش قدره
ادهم بقلق:
طب طب انتي حاسه ب ايه
لين :ااااااااه مش قادره بيوجع اووي
ادهم ولازال على قلقه :
هو اااايه
لفت يديها حول رقبته :
قلبي قلبي يا حبيبي بيوجعني طول ما انت زعلان مني يرضيك قلبي يوجعني يا دومي
ادهم نظر لها بغضب وترك يدها حول رقبته ونظر بعيدا عنها :
طلما كده بتزعليني وبتنصري عليا اعدائي ليه
لين بصدمه :
اعدائك! دي امك يا ادهم امك
ادهم نافيا :
لا مش امي مفيش ام بتعمل كده في ابنها يا شيخه ده القطه بتخاف على ولادها وبتحاوط عليهم من البرد
لين :
ولو يا ادهم بردو امك وتعمل فيك ال هي عاوزاه تموتك تحرقك ال هي عاوزاه يا شيخ انت ده كفايه انها خلتك راجل ملو هدومك
ادهم نافيا :
ال خلاني راجل ملو هدومي هو ابويا الله يرحمه
لين :
الله يرحمه يا ادهم ويسكنه الفردوس الاعلى كمان طب سيبك من دي كفايه يا ادهم انها شالتك في بطنها ٩ شهور انت بتشوفني تعبانه ازاي وانا لسه في اول الحمل وكمان في تقدم عن وقت ماهي كانت حامل فيك كفايه انها استحملت آلم يعادل تاني آلم في الدنيا بعد الحرق حيا كفايه يا ادهم انا رضعتك وسهرت على راحتك كل ده هي عملتوا علشانك وانت بتقول عليها عدوتك
ادهم:
ده واجبها نحيتي حقي
لين بعصبيه :
وزي ما ده واجبها نحيتك ليه نسيت واجباتك ناحيتها و زي ما ده حقك ليه نسيت حقها دلوقتي بس انا عرفت حقيقتك وهي ان انت شخص اناني ومبتفكرش غير في نفسك وانا ميشرفنيش ان جوزي وابو ولادي يبقى واحد زيك يا يا استاذ ادهم (وكانت ستقوم من جانبه)
امسك ادهم يدها واجلسها على السرير بهدوء :
طب بصي انا هروح واتأسف لها انتي عندك حق وعلى فكره انا مش هعمل كده عشان ال انتي لسه قيلاه انا هعمل كده عشان اقنعتيني واعملي ال انتي عاوزاه مش همنعك مش بقول كده عشان انتي مش فرقه معايا انا بقول كده عشان انا مش بغصب حد على وجوده في حياتي غصب عنه وعلى فكره بردو انا مش زعلان منك بالعكس انا بشكرك علشان فوقتيني من ال انا كنت فيه
لين بهدوء:
ده واجبي ناحيتك يا ادهم كزوجه وام و اخت و صديق وبنت و حبيبه وياريت تكون فعلا مش زعلان مني
ابتسم لها ادهم بحب ومن ثم ذهب الى غرفة والدته ذهبت لين وراه خفيه (بتتسحب) سمحت له والدته بالدخول على اساس انه لين فدخل ادهم وسمعت لين الاتي :
ادهم :
طب مينفعش ادهم؟
والدة ادهم :
ادهم! اتفضل ده بيتك
ادهم :
لا ده بيتك انتي ممكن اقعد
والدة ادهم :
اكيد يا بني اقعد
ادهم وقد جلس امام والدته وقبل يدها :
بصي يا امي انا بعترفلك ان انا غلطت في حقك انا اسف سامحيني
جلست والدته امامه في الارض واحتضنته وهو بادلها العناق باشتياق لهذا الحضن وهنا قررت لين الدخول اليهما و وضعت يديه في خصرها و
لين بغيره على ادهم :
وانا مليش من الحب نصيب
ابتعد ادهم عن امه وابتسم لها :
طب ازاي ده انتي حتى ال علمتيني الحب (وفتح ذراعه لها) تعالي
فذهبت لين نحوهما واحتضنهما هما الاثنان و
ادهم :
ممكن اسالك سؤال يا امي
والدة ادهم :
اكيد يا حبيبي
ادهم :
هو انتي ليه عملتي ده كله
لين :
الله يا ادهم احنا قولنا ايه
والدة ادهم :
سيبيه يا لين بص يا ادهم................
إرسال تعليق
يسعدنا تلقي اقتراحاتك أو تعليقك هنا