-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية آسيا بقلم فاطمة صلاح - الفصل الخامس عشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية إجتماعية كوميدية جديدة للكاتبة فاطمة صلاح علي موقعنا قصص 26 وموعدنا اليوم مع الفصل الخامس عشر من رواية آسيا بقلم فاطمة صلاح. 

رواية آسيا بقلم فاطمة صلاح - الفصل الخامس عشر


رواية آسيا بقلم فاطمة صلاح

رواية آسيا بقلم فاطمة صلاح - الفصل الخامس عشر

 تجمعت الدموع في عينيها وهي تنظر له بألم،،ألم يعادل اضعاف الالام التي تلقتها طوال حياتها فأكثر ما يؤلمنا حقاً ضياع ما أفنينا عمرنا في الحُلم به،عاشت طوال حياتها تتمناه منذ طفولتها والان أصبح رسمياً لغيرها لحظه هو لم يكن لها من الاسأس ولو لمره ولكن كان يوجد أمل خبيث بداخلها وأختفي نهائياً الان وحل محله الفراغ نظرت له وكأنها تودعه لاخر مره،،في الاصل هي لم تنصدم فهي أصبحت تتوقع منه أي شيء في أي وقت ولكن أقتنعت أخيراً أنهما لن يلتقيان لا في الدنيا ولا في الاخره ول افي اي زمن كان،، أما هو فبهُتت إبتسامته للحظه لحظه واحده فقط ثم ألتفت مره أخري لعروسته وهو يضحك لها بسعاده!!!،نهضت وهي تتجه للمرحاض،،،وهي تنظر لمظهرها في المرأه حاولت البكاء اعتصرت عينيها بشده ولكن لم تبكي!!ألقت نظره أخيره علي مظهرها وهي تتجه للخارج لتصتدم بفتاه

كارمه:اسفه مختش بالي

حور بصدمه:كارمه!!

كارمه وهي تبتسم:شفتي عفريت!

حور باستغراب:نتي عارفه ده فرح مين؟

كارمه بضحك يخلو م المرح:سليم!هو انا مكنتش اعرف وجايه مع مراد بس كويس اني جيت!

حور بحزن علي حالها:سامحيني يا كارمه كان لازم اقولك عشان ..

لتقاطعها الاخري:ولا نتي ليكي ذنب ولا ثم اكملت بقوه:ولا سليم انا اللي عيشت نفسي في وهم ولازم اتحمل ثم نظرت للاخر وهو يتراقص مع اصدقائه في سعاده كبيره لتكمل:بس متأكده ان الفرح ده هيبقي خطوه كويسه في علاجي!كده كده لازم افوق!

____________________

ذهبت لمراد:مراد ممكن ثانيه؟

مراد بقلق:في حاجه تعبتي؟

كارمه بلاشعور:لا بس ده فرح سليم و...

مراد بصدمه:سليم!!

كارمه باستغراب:انت مكنتش تعرف يعني؟

مراد بصدمه:هعرف منين!!!انا المره الوحيده اللي كان موجود فيها سمعت صوته بس و مدققتش في وشه مكنش وقتها!!!!

تذكرت تلك المره التي الت بها لما هي فيه الان لتتساقط الدموع من عينيها

كارمه بحزم:طب يلا روحني مش عايزه اقابل ماما و....

ضحك الاخر بسخريه:عايزه تهربي من اهلك ولا منه يكارمه!!!انتي عايزه اي بجد اكتر من كده!!

ثم اكمل بسخريه اكبر:لالا احسن يكون عندك امل انه يطلقها ويرجعلك وكده!

كارمه والدموع تزداد في التساقط:انت غبيي

مراد بعننف:يلا عشان نباركلهم

ذهبوا للعروسين لتجد العروس"لارا"فتاه فائقه الجمال بشوشه ويظهر عليها السعاده بشده هي بلاساس قد راتها مره واحده عندمت ذهبت لاخيها في عمله

كارمه بابتسامه كبيره:الف الف مبروك

لارا ببشاشه:الله يبارك فيكي

سليم وهو يتنحنح ويمد يده ليسلم عليها:الله يبارك فيكي يارب

ليمسك الاخر يده وهو كاد ان يكسرها:ويبارك في مراتك!

_____________________

في السياره

تردد في الاجواء اغنيه "رهنت عليك"لتشرد في كلماتها وتتنهد في مقطع"وكل الناس قالولي بلاش قولت ده روحي وعنيا" لتتذكر عدد المرات اللي كادت ان تفقد اسيا بسببه واسيا تصر في كل مره علي رايها"بكره هتندمي ندم عمرك اما تعرفي حقيقته وهتقولي اسيا قالت"وترد الاخري دائما"انا اعرفه من ونا ٧سنين اكيد مش هتعرفيه اكتر مني ولو عايزه تخسريني جيبي سيرته تاني!!"تذكرت عدد المرات التي كانت تحذرها حور منه قائله"هو اخويا وبحبه وكل حاجه بس هو مبيحبكيش صدقيني سليم مبيهموش الا مزاجه والفلوس!!،انا مش عارفه اي اللي في دماغه بس نهايه الموضوع ده هتدمرك!"لترد دائما وقلبها يهتز بشده"بيحبني انا متأكده بس اللي متأكده منه أكتر ان حبه ميجيش ربع حبي ليه"

افاقت علي صوت مراد"وصلنا!"دلفت للشقه وهي لاول مره منذ مرضها تراها بشكل اخر راتها مسكنها الوحيد ومكانها التي يجب ان تتواجد به دائماً بدلت ملابسها بمنامه قطنيه بااللون الارجواني وجلست علي سريرها لتهاتف آسيا فقد اشتاقتها بشده ولم تهاتفها منذ اكثر من اسبوع ولكن الاخري لم تجب حتي مع اصرار كارمه علي مهاتفتها

ظلت تفكر كثيراً في ضروره استيقاظها من ذلك الوهم الذي أدخلت نفسها به وعاشت علي امل ان يتحقق لسنين طويله

كرمه بحرقه:يارب نسيهوني انت مقلب القلوب وقادر علي كل شيء نسيهوني وقدرني مظلمش مراد اكتر من كده!!

____________________

دلفت للخارج لتجد الانوار مغلقه لتدلف لحجرته وجدته يقف في الشرفه ويرتدي بنطلون قطني بااللون الاسود وعاري الصدر دلفت له وهي تستند بكوعيها علي السور ثم تنحنت بإحراج مرادانت كويس!

مراد باستغراب:ايه اللي جابك!ليه مش قاعده تدعي ربنا يخلصك مني وتعيطي علي حبيبك زي كل يوم؟

كارمه بتماسك وهي تنظر للقمر وتتنهد بشده:انا من اول مافتحت عيني عرفت الحب بيه!!مستني ايه من طفله عندها ٧سنين عمرها ما شافت إهتمام!انا اتخلقت في عيله فقيره ابويا راجل طيب كبير في السن كل علاقتي بيه يومياً"إزيك يكارمه"امي!!

اكملت بحسره:من اول ما دخلت ٣ابتدائي وهي وقفت شتايمها واقلامها الخفيفه علي اقل غلطه ممكن طفله تعملها وبدأنا الحزام والشباشب والمقشات وكل اللي قلبك يحبه اهه ونسيت اقولك والحرق كمان!بدأت تشيلني البيت وتعلمني الطبيخ ومفيش داعي اني اذكر بقيت الحاجات،اخويا اللي بيقولو سند هو كان اكبر مني ب٥سنين،سقطت دمعه من عينيها:اول مره عرفني فيها اني فعلا مليش حد كنت في١ابتدائي وهو في٦يعني كان في نظري اكبر حد، واحده معايا في الفصل زقتني ورجلي اتعورت!جريت عليه اعيط جامد قالي "هي ضربتك بالنار!!،متكلمنيش تاني قدام صحابي عشان مكملش عليكي" يومها فضلت طول اليوم اعيط مش عشان الضربه خالص لا عشان كلامه لاول مره كنت احس بوجع جوايا!!عارف مين اللي جابلي حقي تاني يوم؟سليم اما شافني بعيط!!

مكنتش باخد مصروف!!اخرها تحن عليا بملبسه،،كان هو اللي بياخد من مصروفه ويجبلي حاجه حلوه رغم انه نفس مستوانا، كان بيلعب معايا وهو اكبر مني ويسيب صحابه الولاد عشان محدش كان بيحبني عشان رفيعه جدا وشكلي يخوف،، فضل يدافع عني لحد وقت قريب، عرفني علي اخته عشان مبقاش لوحدي، كان بيحنن محمود عليا ساعات,كان بيحذر ماما وهو طفل متمدش ايدها عليا ل ما كبر واتلهي في نزواته، كل ده حببني فيه غصب عني عشان عرفني معني الامان والسند " لحد اما اكبرت غميت عيني عن كل وحش بيعمله وفضلت رسمه ليه اجمل صوره،،

تنهدت بخنقه: انا مش بحكيلك كل ده عشان تتعاطف معايا ابداً والله،،بس عشان اعرفك اني مش بإيدي افضل احبه بعد متجوزتك ولا بايدي اجرحك ولا بايدي حتي تعبي ومرضي النفسي!!وجدت دموع متساقطه علي وجهه لتقول بصدمه:انت بتعيططط ليه!

مراد بحزن:انا اسف اني مكنتش معاكي اسف انك استحملتي كل ده لوحدك

كارمه وهي تضحك بوجع:اديك معايا وفي اسوء فتره بمر بيها واديك مستحملني!ويمكن حكمه ربنا في انه اختارك ليا عشان محدش هيحبني ولا يستحملني زيك!

احتضنها وهي تبكي بشده لتبتعد بعد دقائق وهي تمسح دموعه:بوعدك اني هتعالج ومش هستسلم للإكتئاب ده وهتنتهي الفتره دي ع خير ثم اكملت ببسمه صغيره:اوعدك اني انساه

امسك رأسها بين كفيه ثم هبط علي شفتيها وهو يقبلها بعنف حاول من خلاله بث الاعاصير التي تدور بداخله من جنونه بها لها لتستسلم الاخري وتنسي في تلك اللحظه كل ما فات.

...................................

في المشفي

ظلت والدتها تهزها بذعر:اصحي يا اسيا،،حلم ياا حبيبتي اصحي يا قلبي

اسيا بصراخ هادر:اكرم متسبنيش متسبنيش والنبي هموت من غيرك

لمياء بخوف:اصحي يا بنتي والنبي متوجعنيش عليكي!!

اسيا وهي تتصبب عرقاً:اكرم كويس؟

والدتها:ايوه يا حبيبتي والله كويس

دلفت له بسرعه لتجده نائم كما تركته عصراً

وضعت يدها علي وجهها وظلت تبكي بألم:فوق بقي والنبي مش قادره استحمل!!

_____________________

في العاشره

طلبت من الجميع الذهاب ليرتاحوا وهي ستبقي بجواره

_________________

شعرت بانها علي وشك ان تصيب بأزمه بسبب ضيق تنفسها لتذهب لتتمشي قليلاً

تمشت في الشوارع بضياع وهي تمسح علي وجهها بألم لتريي فتاه تبدو "أجنبيه" تقف وهي تتراقص بدلع وحبيبها ينظر لها بعشق لترتسم بسمه وجع علي فمها وتشرد بعيداً لبدايتها هي واكرم..

فلاش باک

اتي للبحر ليفرج عن همه بسبب مشاكله التي ازدادت مؤخراً لرغبه والدته في زواجه ورفضه التام ليري من بعيداً الفتاه "الهمجيه"التي قابلها في مدرسه" ريناد"كانت هذه المره طفله وليست شيطانه كما راها سابقاً كانت ترتدي تشيرت قصير باللون الزيتي وهوت شورت باللون الاسود وحافيه القدمين وبجانبها حذاء رياضي وشنطه باللون الاسود وترفع شعرها علي شكل ذيل حصان ودار بينها وبين صديقتها حوار ليقترب في مكان خفي وهو يسمعها تقول

اسيا بضحك: اه عرفاها رقصه البلطجين ثم اخذت تتراقص كالشباب وهي تفعل بيدها حركات سريعه وتسقط ارضاً ثم ترتفع وهي تتراقص بشده اكبر وتدور يديها بسرعه وتغني "مهرجان" غريب لينفجر ضحكاً وهو يضع يده علي فمه كي لا تسمع،ارتمت ارضاً وهي تقول:ها انا ولا سليم بتاعك؟ليأتيها الرد:نتي بتقولي ايه؟سليم بتاعي طبعاً لترتدي حذائها وهي تقول:طب باي

اندفع فجأه في وجهها فهو لم يكن يود ان تغيب عن عينيه بهذه السرعه لتقول:اعوذبلله بسم الله

اكرم بسماجه:شفتي عفريت ظلت تدعي انه يراقبها لعده دقائق ليتركها ويذهب كلاً منهما في اتجاه اخر

افاقت وهي تقول بحسره:بس في كل مره كان القدر بيجمعنا صدفه يتري المره دي هيرجعك ليا و لا!ليرد عقلها:من المحتمل لا!

اما القلب فكان له رأي اخر

عادت للمشفي وحجرته تحديداً لترتمي علي المقعد وهي تتمني بشده ان تكون الايام الماضيه ماهي الا كوابيس لعينه

.................................................

في اليوم التالي

استيقظت علي صوت الطبيب والممرضه

الطبيب:حضرتك مينفعش تباتي هنا يا انسه اسيا واظن اني وضحت ده امبارح!دي عنايه حرجه

اسيا بتأفأف:مش ناقصااك

الطبيب:افندم؟

اسيا بملل:بص انا قاعده هنا٢٤ساعه ومستحيل امشي الا ورجلي علي رجله!!

الطبيب باستفزاز:ولو لا قدر الله توفي!هتتوفي معاه ونرتاح من لسانك المبرد ده!!

اسيا بصدمه:اتوفي!اتوفي مين يا ابن ستين ك**** يا و***يا***انت لسه شفت حاجه!

ثم هجمت علي الاخر كقطه شرسه وهي تقطع وجهه باظافرها وتهطل عليه بوابل من الشتائم وتدعي عليه افظع الدعاوي

انتهي بها الحال ملقاه امام المشفي من الامن بعد ان اكتفي الطبيب بتحذير الامن بادخالها لتلك المشفي فحينها سيضطر لنقل"اكرم"وحالته لن تشفع له عنده

_____________________

في منزل آسيا

لمياء بضجر فالباب يكاد ان يقع من تلك الطرقات العنيفه:حاضر حاضر

اندفعت الاخر كصروخ في منتصف الحرب وهي تصرخ:بااابا باابا

سامر:فيه ايه يا اسيا مالك يا حبيبتي!!!

اسيا بحزم:اتصل حالاً بالنقيب "هيثم" عايزاه يقبض علي الدكتور الزفتتت بتاع اكرم

والدها بصدمه:ليه في ايه!!

اسيا:الحقر الو***منع دخولي المستشفي ورماني بره مستغل انه ابن صحاب الخره المستشفي

سامر بغضب:وانتي سكتي مش عوايدك

اسيا بخنقه:اضطريت اسكت من وجعي ع اكرم،،قطعت وشه بس بضوافري وشتمته بس لو متقبضش عليه هطين المستشفي ع دماغه

سامر بصدمه:خشي نامي ياسيا!!

اسيا بصراخ:انام حضرتك بتهزر؛؛؛انام واكرم بين الحياه والموت!

ثم اضافت بحزم:ياريت حضرتك تغير هدومك عشان تيجي تدخلني الزفته دي

سامر بحزم:لو منمتيش مش هوديكي!

اسيا بخنقه:بابا ايه جو الاطفال ده؛؛انا جوزي في المستشفي وحضرتك بتقول اي!!!!

لمياء:بابي عنده حق ياسيا،،خودي شاور ونامي والساعه5هصحيكي نروح

اسيا بصراخ:خلاص تسلموا انا رايحه لعمو رؤوف وهو هيتصرف

سامر بهدوء:ولو قولتلك ان دكتور شريف صاحب المستشفي صاحبي من سنين واقدر ابيتك واجبلك قوضه ترتاحي فيها؟

اسيا:وانا اقول شوفت الخلقه الزباله دي فين اتاري ابن صاحبك،،طيب هدخل اقعد لحد5

سامر بحزم:تنامي!!!انا عارفك اكيد منمتيش الا ساعه ولا حاجه

اومأت بالموافقه فهي فعلياً لم تنم ساعه كامله حتي فهي ظلت تصف للاخر كم هو يعني لها حتي الصباح

_____________________

دلفت للمرحاض لتأخذ شاور عله يريحها ويهديء من نار قلبها

بعد مده طويله جلست علي سريرها بإسترخاء

آتي اكرم وعينيه ممتلئه بالدموع:وحشتيني اوي يا آسيا

اسيا بضحك وهي تتلمس كل شبر في وجه:أكرم انت رجعت

اكرم بضحك:عشان حياتي متتعاش منغيرك انا بحبك

اسيا بفرحه:وانا كمان بموت فيك اوي

احتضنها بشده كأنه يود ان يدمج جسديهما ليصبحا جسد واحد كما حال ارواحهم قبل رأسها بحب وهو يتلمس بيده وجهها كأنه يود ان يحتفظ بتفاصيله

افاقت علي صوت هاتفهها وهو يردد"أقول بكره أكيد راجع واقوله علي اللي جوايا"رددت بضياع وهي تصبب عرقاً وتهمس بصوت متقطع:اكرم!!ثم نظرت لهاتفها وهي تضحك بشده لتجد أن كارمه من تحادثها اخبرتها باختصار ان اكرم بالمشفي و أغلقت الهاتف نهائياً وألقت به أرضاً وهي تصرخ بوجع:ليه سبتني ونايم ليه كل دهه!!فين وعودك ليا!طب ليه خلتني أحبك ليه علقتني بيك بعد مكنت قفلت الباب ده نهائي،انا كنت ميته قبل معرفك وعرفت طعم الحياه معاك دلوقتي رجعت اسوء م الاول،اوعي تموت والنبي

ثم انهارت :انا مكنتش عايزه حاجه م الدنيا الا انت ومازلت مش عايزه حاجه الا انك ترجعلي احسن م الاول،ارجعلي وهنبقي احسن والله،نهضت وهي تنظر لصورتهما معا:ً انت وحشتني اوي وحشني رخامتك وحضنك وقله ادبك وحشني"بحبك"وحشني قعدتنا علي البحر وحشني خوفك عليا،وحشني كل اللي كان بينا وحشني لما كنت ب... صمتت وهي تقول بنواح:انت الوحيد اللي عمر مخطر في بالي اقول كنت!ولا ينفع اصلا اقول كنت انت هتصحي نا متاكده ياريت بإيدي حاجه كنت خليتك جنبي لاخر لحظه في عمري كنت اديتك عمري دلفت للشرفه وهي تنظر للبحر وتستمع للموسيقي لتضحك بكسره وهي تردد مع الاغنيه"أنا بعدك صعب أكمل عادي!"

..........................................

اشرقت شمس يوم جديد

في منزل مراد وكارمه

كارمه وهي تفتح عينيها بكسل وتنظر في"الساعه"ايه ده الساعه.ه١٢اوفف انا نايمه كل ده ليه!"وجدت بجانبها ورقه بيضاء مكتوب عليها"مكنتش أعرف أنك خُم نوم كده مرضتش اصحيكي ونزلت انا الشغل والفطار ع السفره يارب يطمر فيكي يا حياتي لو عوزتي حاجه كلميني"ابتسمت علي كلماته كما لو انه ترك لها شعر من تأليفه ونهضت في اتجاهها للمرحاض،خرجت بعد مده قصيره وهي تدلف للخارج لتتناول فطورها تناولت القليل ثم هاتفته

مراد بمرح:صحي النوم يا كوكو

كارمه:صباح الخير

مراد بضحك:صباح مين قولي مساء!

كارمه باستنكار:لالا متأفورش ملحقتش اصلا

مراد بسخريه:ملحقتيش اي ده نتي نمتي نوم ليكي وللزمن؟

كارمه بحنق:نايمه ٢وصاحيه١٢.٥يعني١٠ساعات ونص في اي بقي

مراد بسخريه:لا مفيش خالص

كارمه بدهشه:خود هنا صح!

مراد بانتباه:في اي؟

كارمه بحنق:انت هتحاسبني علي ساعات نومي كمان

انفجر الاثنان ضحكاً علي تفاهتهما ليرد مراد بحب:مش بحاسبك بس بحب تبقي انتي اول حاجه اشوفها واول حد اسمع نبره صوته، بحب أبدا يومي بيكي

تنحنت الاخري وهي تقول:انهارده معادي مع دكتور نادر الساعه٦،بس انا هروح لاسيا ناو وبعدين اروحله!

مراد وهو يمط شفتيه بحيره:انا حاسس انك روقتي اصلا

ابتسمت بشرود وهي تقول بداخلها"رغم حبك ليا مش حاسس باللي جوايا انا بموت!انا بحاول اطلع نفسي من كل ده عشان مظلمكش اكتر من كده عشان عارفه انه ميستحقش لكن انا ربنا عالم باللي فيا وعالم ان دي اصعب مرحله في كل ده وفعمري بس الفرق ان ال٣اللي فاتو مكنتش انا يعتبر اللي بتعامل لكن دي بعرف اتحكم فنفسي!!انا ضايعه!!"

افاقت علي صوته وهو يقول:روحتي فين؟

كارمه وقد اختفت كل اثار المرح من نبرتها:عندك حق روقت

مراد باستغراب من لهجتها:تمام روحي لاسيا وبعدين هاجي اخدك نروح للدكتور

كارمه باهتمام:هتاكل اي؟اعملك اكل قبل ما امشي!

مراد بنبره يشوبها السعاده لاهتمامها:هاكل في الشغل

اغلقت معه وهي تخرج ثيابها ارتدت فستان باللون الاسود وبه ورود صغيره باللونين الزيتي والنبيتي وحجاب باللون النبيتي وشنطه وحذاء رياضي باللون الاسود وذهبت في طريقها لمنزل آسيا

...................................................

قررت أخيراً في الثانيه عشر ضهراً الإستجابه لظهرها الذي يصرخ بألم أن ترئف به وتتسطح علي سريرها أو تجلس علي الكرسي بدلاً من جلوسها علي المنضده في الشرفه

دلفت لحجرتها لتبدل ثيابها ببنطلون رياضي بااللون الابيض وتشيرت قصير في منتصفه قلب مكسور كحال قلبها الان لتبتسم بسخريه وهي تتذكر انها كانت ترتديه في كتب كتابها قالت لنفسها بصوت مبحوح من كثره البكاء:امال هو في اي حتي الهدوم معنداني

لترد علي نفسها وهي تضحك بشده والدموع تتساقط لا ارادياً: هو انا نسيت اصلا!! ربنا يشفيك يا عمري!

اخذت هاتفها وسماعته وبعض المال لتأتي بالقهوه والمياه وهي تدلف للخارج جلست علي البحر كعادتها وهي تستمع لاغنيه"كل حاجه"لتامر حسني وهي تبكي بشدهه وتقول:والاغاني كمان اهي معنداني تسطحت علي الرمال والدموع تتساقط وهي تغني بخنقه"انا مش عارفه اعيش من بعده انا مش عارفه اموت!!"نهضت بعد ساعه ونصف وهي تتمشي بطول البحر لتجد إمرأه يظهر عليها الفقر الشديد تقف في وجهها أزالت السماعات وهي تقول بحنق:في حاجه!!

المرأه:والنبي يستي أي حاجه وعدت البت اني هجبلها انهارده ربع كيلو لحمه؟

اسيا بقسوه:متوعديش بحاجه انتي مش ضمناها بعد كده فاهمه!!الفلوس دي في ايد غيرك يعني ممكن ميدوكيش بالتالي متجبلهاش!

ثم ردتت بداخلها:زي اللي وعدني يفضل معايا وهو بين الحياه والموت ونا بموت لوحدي!

تساقطت الدموع من عين المرأه وهي تبتعد عن طريقها وتقول:صح عندك حق!اسفه يا مدام

لعنت نفسها بشده فماذنب تلك المرأه الفقيره بتعب روحها!

نادتها بصوت عالي:استني!

توقفت المرأه وهي تلتفت لها!لتضع الاخري يدها في جيبها وهي تخرج كل ما يوجد معها وتضعه في يد الاخري وهي تطبطب بحنان علي كتفيها وتقول:اسفه مكنتش اقصد،خودي دول وجبيلها اللي عايزاه

ثم اعطت لها عنوانها:لو احتجتي اي حاجه تعالي متتردديش

نظرت المرأه في يدها لتجد انها قد وضعت"مئتان جنيه"لتقول بفرحه:ربنا يجبر بخاطرك يست هانم ثم نظرت ليدها اليسري وهي تقول:ويخليلك جوزك يارب وتعيشو في هنا وسعاده هو محظوظ بواحده حنينه زيك و...

قاطعتها الاخري بكسره:ربنا يخليكي

غادرت وهي تنظر للدبله وتقول:يارب استجاب لهاا واشفيهولي!!

___________________

دلفت لبيتها في الثانيه ظهراً لتجد الجميع يجلسون بقلق تمتمت بداخلها بلعنات فهي غير قادره علي الاستماع لتأنيب والدتها،

لمياء بخوف:كنتي فينننن قلقتينا عليكي

كارمه وهي تحتضنها:كنتي فين يا حبيبتي

لمياء:ومبترديش علينا ليه قافله فونك ليه

اسيا بجمود:كان طيران

دلفت لحجرتها وبدلت ملابسها وارتمت علي فراشها تستدعي النوم ظلت تتقلب بإرهاق وهي تشعر بالكون يدور من حولها بعد ربع ساعه

كارمه وهي تجلس بجانبها وتهتف بصوت عالي:اسياااا اسووووو اسيا اسووو

لتضع الاخري يدها علي وجهها وهي تقول:هش بقي الصداع هيفرتك مخي!!!!!

كارمه وهي تنظر لها بصدمه:انتي مين!!

اسيا وهي تعطي لها ظهرها وتقول بنعاس:العو

كارمه بجديه:اسيا قومي كلميني عشان مزعلكيش

اسيا بسخريه:لا زعليني

ثم جلست وهي تنظر لها وتقول بنعاس: عايزه اي

نظرت لها كارمه بصدمه وجهها أصبح نحيف والعظام تبرز منه وعينيهاا مليئه بالسواد ومن الداخل حمراء قاتم وشفتيها متشققتان بشده وشعرها يقول بوضوح:لم تلمسني الفرشاه منذ عده ايام

كارمه بصدمه:ايه اللي عمل فيكي كده مالك يا اسيا

اسيا بضحك يخلو م المرح:مفيش جوزي بيموت في المستشفي وانا مش فايدي اعمل حاجه

كارمه بصدمه:كل ده عشان ده!

اسيا بصراخ:كارمه اطلعي بره!!متجيش بعد متفضي ونتي سيباني ٦ايام ولا تعرفي عني حاجه تقولي عشان ده!

كرمه بصدمه:اسيا انتي كنتي قفله فونك و!!

اسيا بسخريه:مش اول مره اقفله،لكن اول مره تبعدي بالايام متعرفيش عني حاجه

كارمه بدموع:صدقيني انا كنت مشغوله في الدكتور النفسي

اسيا بلا اهتمام:مش مهم انا هنام

كارمه باستغراب:اسيا يعني انتي اتخليتي عن الماجستير عشانه بجد فعلا صح؟

اسيا بصدمه:نتي عرفتي منين اصلا!

فلاش باك

بعد ان دلفو لشقتهم في الثانيه صباحاً

كارمه بابتسامه خفيفه:انت حد نادر ياريتني قابلتك من زمان كانت حياتي هتبقي جنه مش جحيم زي دلوقتي تصبح ع خير.

مراد بفرحه داخليه:عايز اقولك حاجه مهمه

التفتتت له

ليقول بتردد:النتيجه بانت

ثم امسك بيدها ليجلسوا

كارمه بهدوء:اه عرفه

مراد:بصي تقديرك مش بيعكس انك مستواكي قل او كده بس ده قدر ومش عايزك تزعلي فوقي بس وهنذاكر وهتعملي ماجستير و...

قاطعته كارمه بلامبالاه:جبت مقبول وشلت مادتين؟

هز رأسه بالرفض لتكمل وهي تمط شفتيه بحيره:٣/٤

مراد بنبره يشوبها الحزن:جيد!!

هزت رأسها وهي تقول:ومتعرفش اسيا عملت اي

تنحنح و:الاولي ع الدفعه

ابتسمت بسعاده كما لو انها هي التي حصلت علي اللقب لتقول بفرحه:بجدد وهتحضر ماجستير امتا

مراد:عزيز قالي انه قابلها بعد مجابت النتيجه وقالتله انها شالت فكره المنحه من دماغها خالص لانها مش هتقدر تسافر كل اللي فبالها دلوقتي انها تتجوز اكرم وتستقر

باك

كارمه بشك:اي اللي غير رأيك فيه!

اسيا بصدق:الكلام ده مقرراه من اول مقابلته اصلا بس كنت بضحك ع نفسي، مصارحتش نفسي بمشاعري وضيعت شهور في خوفي لحد ما ضاع ودلوقتي بتمني ثانيه بس

كارمه ببكاء:مضاعش هيفوق وهيبقي زي الفل وهتتجوزو وتخلفوا كمان

نهضت اسيا متجهه للمرحاض وقبل ان تغلق الباب:انا عشان حظي وحش جبتله الفقر بس

شهقت كارمه من تلك الخرافات وهي تضع يديها علي فمها وتقول بصدمه:كده كتير اوي عليكي يا اسيا،كتيرر!!يارب الطف بيها يارب

ثم ظلت تفكر في كلامها ايعقل ان تحب مراد وتتحسر علي تلك الشهور والايام التي تضيعها عبثاً في اوهام الماضي؟؟نعم فسليم منذ البارحه منذ ان تزوج اصبح من الماضي،،وضع نفسه في الماضي بافعاله بعد ان اثبت لها انها مجرد طيف عابر في حياته.

..............................

في الثالثه عصراً

يلتفون جميعاً حول مائده الطعام

يأكل الجميع بنهم والاخري تقلب في طبقها بشرود

كارمه بحنق:طنط قوليلها تاكل مينفعش كده

لميا بحزن:والله يكارمه غلُبت معاها!

اسيا بلاشعور:شبعانه والله

لميا بعصبيه:بتاااكلي اي عرفيني كده مسكالي الكلمه دي٢٤ساعه ع الفاضي

اسيا بسخريه:باكل اقلام م اللي بيحصل ده

سامر:سبوها براحتها اما تجوع هتاكل!

ابتسمت بكسره وعينيها تلتمع دموعاً كعادتها في الاونه الاخيره وهي تشرد بعيداً في ذلك اليوم الذي خذلتها كارمه وكان هو الوحيد الذي بجانبها كم تعشق ذلك اليوم!

فلاش باك

اسيا بخنقه:صدقني مليش نفس والله العظيم مليش نفس بقالي ساعه بحلفلك

اكرم بطريقه مضحكه:لا يروحي لا يماما الطفح ده نا دافع فيه دم قلبي!

انفجرت الاخري ضحك ليقول الاخر:بصي بقي نتي تخلصي الطبق ده كله يأما مفيش مفجأت

اسيا بحنق:شبعاانه

اكرم وهوو يدس ملعقه مليئه بالطعام في فمها:اتكتمي وكلي حتي لو هترجعيه اهم حاجه فلوسي متروحش هدر!

اسيا والاكل في فمها:بخيللل

اكرم باشمئزاز:طب اقفلي الزفت دهه مش ناقص قرف

باك

انفلتت منها ضحكات عاليه والدموع تتساقط من عينيها لينتبه لها الثلاثه وهم ينظرون لها بحسره ولكن هي كانت في عالم اخر:ازدادت الدموع في التساقط وصوته يتردد في اذنها:اخر معلقه يلا،لا دي بجد اخر معلقه،متكمليهوش ماشي دي صدقيني اخرهم

لتنظر بعد عده دقائق لتجد الطبق فارغ

افاقت ونظرت لهم بابتسامه مكسوره

والدها بحسره وهو ينهض:الحمدلله

تبعته والدتها اما كارمه فجلست وهي تبكي علي حال صديقتها فهي في قاره والسعاده والفرح في قاره اخري تبعد عنها بأميال


................................

غادرت كارمه بعد اتي لها"مراد"ليصطحبها للطبيب ودلفت الاخري لتبدل ملابسها حتي تذهب لاكرم

ارتدت بنطلون من الجينز التلجي وتشيرت قصير بحمالات باللون الابيض وقميص"كاروهات"باللونين الاسود والابيض تركته مفتوح وكونفرس باللون الاسود،،بعد ان اكدت عليها والدتها عدم ارتداء فستانها الاسود

_____________________

في المشفي

دلفت بعد ان رحب بهم مدير المشفي واعتذر والدها نيابه عنها لابنه والذي ضمد وجهه بعد ان دمرته الاخري

اسيا بلهفه:هروح انا لاكرم بعد اذنكم!

_____________________

دلفت له

اسيا بحب:عمر اسيا وحشتني اوي يا حبي،،الساعه بتعدي عليا دهر في بعدك

امسكت يده:اكرم انا بحبك بحبك اوي والنبي لو بتحبني قوم

دلفت للخارج لتطلب من دكتور "شريف"ان يفحصه بدلاً من ابنه والذي بنظرها" فاشل"

لتسمع الحوار الذي يدور بينهم

هيثم:والله يا عمي انا مهتم جداً بحالته بس الحاله صعبه جداً مش متحدده!

لمياء:مش متحدده ازاي يا هيثم!

هيثم بشرح:حضرتك طبعاً عارفه ان..............................

لمياء بحزن:ربنا يتولاه برحمته يارب

تساقطت الدموع من عينيها وهي تهز رأسها برفض لتسقط ارضاً بعد ان فقدت وعيها وقد تجمع ارهاقها الجسدي والذي ازداد بعدم تناول الطعام والشراب وعدم النوم،، مع ارهاقها النفسي الذي تتدمر فعلياً بعد ان سمعت ما تفوهه به الاخر

الجميع بخوف:اسيا!


*********************
إلي هنا ينتهي الفصل الخامس عشر من رواية آسيا بقلم فاطمة صلاح
تابعوا صفحتنا على الفيس بوك للمزيد من روايات رومانسية
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة