مرحباً بكم أصدقائي وأحبابي عاشقي القراءة والقصص الرومانسية مع رواية رومانسية إجتماعية كوميدية جديدة للكاتبة فاطمة صلاح علي موقعنا قصص 26 وموعدنا اليوم مع الفصل السابع عشر من رواية آسيا بقلم فاطمة صلاح.
رواية آسيا بقلم فاطمة صلاح - الفصل السابع عشر
رواية آسيا بقلم فاطمة صلاح - الفصل السابع عشر
ابتعدت عنه ببطيء وهي تبتسم له بعشق
أكرم وهو يتنحنح:لو كنت اعرف اني وحشك كده كنت صحيت من بدري!!
اسيا بحنق:يشيخ انت طلعت روحي!!
ثم اكملت بجديه:مين اللي عمل فيك كده،،،انت ليك أعداء!!
أكرم بتفكير:كتير!
اسيا:طب انت مش فاكر شكل اللي ضربك؟؟
أكرم بسخريه:كلك اتغيرتي في الشهر ده الا غبائك ياحبيبتي،،مشاءلله زاد
اسيا بحنق:وانت بردو برودك زاد
أكرم بجديه:كان خافي وشه طبعا
اسيا:ممم،،عمتاً كريم مش سايب الموضوع
اوميء الاخر براسه وهو يغرق في افكاره،،هو خائف عليها وبشده،،فمن المؤكد المره القادمة سيطعنوه في اغلي ما يملك سيطعنوه في...آسيا
___________________
في المساء
اذن له الطبيب بالخروج بشرط الراحه التامه حتي يتعافي تماماً
تَرَكُوا الممرض يساعد أكرم في ارتداء ملابسه و دلفوا للخارج
اسيا:بابا لو سمحت عايزاك في كلمتين
سامر:قولي يا حبيبتي
اسيا:انا عايزه اروح اقعد مع اكرم لحد ميروق
سامر بهدوء:اسيا يا حبيبتي،،نتي عارفه ان الفيلا بتاعت لين جناحات وانا مش هسمح تقعدا في قوضه لوحدكم!!
اسيا بعند:أولاً يا بابا الجناح في قوضتين،،ثانياً حتي لو قوضه احنا متجوزين!!
سامر باستنكار:ايه بجاحتك دي يا اسيا!!
اسيا بلا اهتمام:اما يبقي عشان صحه أكرم يبقي اعمل اي حاجه!!
سامر بيأس:روحي ياسيا انا تعبت معاكي،،بس أحب اعرفك ان البيت بيت عيله في خاله ومراته وابنهم ولين وبنتها أضافه ليه هو وعيلته!!
اسيا:انا دخله اقوله واشوف هيقول ايه!!
____________________
في غرفه اكرم
بعد ان خرج الممرض
ابتسمت بسعادة وهي تراه وأخيراً يرتدي ملابس خروج ويصفف شعره بوسامه
اكرم بحب:تعالي عندي واقفه بعيد ليه!!
اقتربت منه وابتسامتها تزداد:انت قادر تقف انا فرحانه اوي!
اكرم بتمثيل:لا مش قادر تعالي اسنديني
اسيا بحماس:عشان كده انا مش هسيبك لوحدك
اكرم:مش فاهم؟
اسيا بابتسامه:هاجي أقعد معاك!
اكرم باستنكار:تقعدي معايا فين؟؟
اسيا:في الفيلا!
ارتسمت علي وجهه التسليه:انتي قد قرارك؟؟
اسيا بتأكيد:طبعاً
اكرم بداخله:متلوميش الا نفسك بقي..
____________________
وصلوا للفيلا وقد رحب الجميع بها ترحيباً شديداً خاصه والدته
_____________________
في الجناح
دلفوا وأغلقوا الباب خلفهم
اسيا بسعادة:الله في ركن للقهوة والكابتشينو،انت برنس والله وليفينج وتواليت ومطبخ كمان
ابتلعت ريقها:فين القوضه التانيه!!!!
اكرم وهو يحاول كتم ضحكته:قوضه ايه؟
اسيا بتوتر:مش الجناح بيبقي ق و ض تين!!
اكرم بجديه كاذبه:لا منا جبت مهندس ديكور وسع القوضه بتاعتي من القوضه التانيه وعملت الباقي ركن القهوه!
وضعت الاخري يدها علي وجهها بصدمه:طب انا كده هنام فين!
اكرم بضحك:في القوضه معايا!
اسيا بصراخ:نعم نعم انت فاكرني سهله ولا ايه و...
قاطعها الاخر وهو يتجه لغرفته:خلاص نامي ع الكنبه هنا بس ماليش دعوه لو دخلك فار ولا صورصار من البلكونه
اسيا بارتباك: م ب خافش
ثم اتجهت نحوه ليستند عليها
نظر الاخر لها نظره لعوبه:ولو كده انزلي نامي مع ريناد في قوضتها وبكره روحي!
اسيا بتفكير:طب مين هيخلي باله منك لو عوزت حاجه؟
اكرم بجديه كاذبه:ممرضه او ..
اسيا بصراخ وهي تبتعد عنه:نعم نعم يا بابا انا مش متحركه من هنا اصلا وهنام عندك عادي احنا متجوزين يعني بس ممرضه لاااااااا
اكرم بضحك:ما كان م الاول
____________________
دلف الاخر للاستحمام بعد شد وجذب مع الاخري في ان تساعده ولكن بالتأكيد قابلت طلبه بالرفض
______________
بدلت ملابسها لهوت شورت باللون الكحلي وبلوزه من الدانتيل والشيفون باللون الفيروزي
ثم جلست علي الفراش وهي تدعي الله ان يديم وجوده بجانبها فقلبها يبتهج بمجرد رؤيته،،فحتي شجارته السخيفه معها تعشقها!
_____________________
دلف الاخر من المرحاض وهو عاري الصدر يحاوط جزأه السفلي بمنشفه سوداء وفي يده منشفه يجفف شعره بها
نظرت له الاخري بصدمه وعينيها تتسع وهي تردد بارتباك:انت منحط!!مش عارف ان في بنت قاعده معاك في القوضه و..
اكرم بتسليه:حد قالك تفضلي قاعده!
وضعت الاخري يديها علي عينيها:يلا البس بسرعه يلا يلا
نظر لها الاخر بضحك وهو يقترب:لا انا قاعد بهوي الجرح!
نظرت له شزراً من بين اصابعها:خلاص انا اللي خارجه
اغلق الباب وهو يقف بمواجهتها:بصي بقي انتي اللي جيتي برجلك مفيش خروج م القوضه الا بخيارين
اسيا بملل:ها!
اكرم:يأما تساعديني اغير،،يأما..
ثم وضع اصبعه علي شفتيه وهو يحركه بمعني ان تقبله
اسيا بانفعال:اساعدك ايه مانت زي القرد اهو و...
قاطعها وهو يقبلها باشتياق وشغف لتضع يديها علي صدره وهي تعمقها
بعد دقائق طويله ابتعدا حتي يأخذا حاجتهما من التنفس
اكرم بألم:اهه!
اسيا بقلق:في ايه!!
اكرم وهو يتنهد بتعب:سندتي بايدك علي مكان الجرح
اسيا باحراج:اسفه مختش بالي!
اكرم بحب:عادي يا قلبي
____________________
في الواحده صباحاً
اغلق الاخر الانوار وهو يتجهه لفراشه حتي ينام
اسيا بارتباك: انت بتعمل ايه!
اكرم بجديه:بنام!!
اسيا بصراخ:وانا هتسبني انام علي الكنبه دي!
اكرم:والله السرير واسع بس انتي اللي حباها
نظرت له شزراً وهي ترتمي علي الكنبه بتأفأف
اتجه لها الاخر وهو ينظر لها بحب:قومي يا حبي نامي ع السرير كنت بهزر وانا هنام هنا
اسيا بتوتر:اكيد انا مش جايه اتعبك يعني!
ثم امسكت يده وهي تتجه للفراش بابتسامه: يلا ننام
ابتسم الاخر لها بحب
لتتسطح وهي تضع جميع المخدات بينهما!
نظر لها الاخر بيأس وهو يردد:انتي مصيبه
_____________________
مر خمس وعشرين يوماً قد اوشكت علي التعافي تماماً من ذلك المرض النفسي اللعين،،وقد اقتربت بشده من الاخر بشده واصبحا كصديقين مقربين بل اكثر
_____________________
استيقظت وهي تحك اصابعها في راسها بتأفأف وهي تدلف للخارج
وجدت الاخر في المطبخ يعد الافطار
كارمه:صباح الخير
مراد بابتسامه:صباح النور يا حبي
كارمه:امال صاحي بدري ليه؟
مراد بضحك:انهارده الجمعه يا زهايمر
كارمه بضحك:ياني عليا!
مراد:روحي طيب غيري عشان نفطر وننزل!
كارمه باستفهام:ننزل فين!
مراد:نصلي وبعدين نروح علي ماما!
كارمه بتأفأف:مراد انا مش عايزه اروح عند اهلك
مراد باستغراب:ليه؟
كارمه:مامتك تعليقاتها زادت اضافه علي ميار بنت عمك ونظراتها ليك!
مراد:اولا يا كارمه ده طبيعي احنا من اول ما اتجوزنا انتي مروحتيلهمش الا مرتين الشهر ده وانا مقدر طبعا ظروفك،،اما ميار فانا وضحكتلك ان من واحنا صغيرين كله بيقول ان احنا لبعض و...
قاطعته الاخري وهي تجز علي اسنانها:تمام
تركته وذهبت وهي تشعر بألم غريب في قلبها لم تشعر به من قلب اما الاخر فارتسم علي وجهه الاستغراب
_________________
في فيلا عائله مراد
دلف مراد وهو ممسك بيد الاخري
احتضنته والدته بعد ان اخذت يده من يد كرمه اقتربت"ميار"لتحتضنه كعادتها ليبعدها الاخر بيده
والدته ببرود:ازيك!
كارمه بحب:ازي حضرتك يا ماما!
والدته ببرود:كويسه!
اما ميار فاقتربت وهي تحتضنها بتمثيل:ازيك يا كوكتي!
كارمه بابتسامه كاذبه:تمام وانتي!
بعد الكثير من السلامات والاحاديث التافهه ذهبوا لغرفه الطعام
___________________
علي مائده الطعام
ميار بدلع:موري دوق واقول رايك
مراد:عادي ام جمال دايما اكلها حلو
ميار:مش ام جمال اللي طبخت انا اللي طبختلك بايدي
مراد بابتسامه:جميل اكيد تسلم ايدك
ظلت تاكل الاخري بدون نفس وهي تنظر لهم بكبت بعد ان راتهم اندمجوا في الاحاديث سوياً وبعد ان رات نظراتها له والاخر كانه نساها لم ينظر لها ولو لثانيه
افاقت علي صوت والدته:امال مفيش اي حاجه في الطريق!
مراد بابتسامه:لسه ربنا ما أرادش!
والدته:لازم نروح نطمن عليكي يا كارمه انتو بقالكم ٥شهور اهو متجوزين!
مراد بتوتر خفي:تطمني عليها اي يماما اصلا٥شهور ولا حاجه!
والدته:متدخلش بينا انت بس يا ولد!
_________________
في المساء
بعد ان عادوا لمنزلهم
مراد:مالك يا كارمه
كارمه بارتباك:مراد هو انا ظلمتك صح؟
مراد بضحك:ظلمتيني في ايه؟
كارمه:في مرضي،في ح بي لسليم؟
مراد بعصبيه:مش قولتلك معتيش تجيبي سيرته!!!!
كارمه بخوف:انا اسفه
احتضنها الاخر وهو يردد:انا اللي اسف اني زعقت
كارمه:مراد احنا لازم نبدأ حياتنا صح،بعد ٣ايام اخر جلسه ليا مع د/نادر وهيبقي اول يوم لينا مع بعض كزوجين وصدقني مش غصب عني انا فعلا عايزه كده!
مراد بعدم تصديق:عايزه كده ايه بس يكارمه انتي..
كارمه بداخلها:مش عايزاك تضيع مني وانا متاكده ان ميار بتحبك وطنط مش طايقاني كل ده ضغط عليك وانا مش هسمح تسبني رددت اخر جمله بصوت عالي وعينيها تلتمع بالدموع
مراد بحب:مين قالك اني هسيبك!انا بحبك يا كارمه مستحيل ابعد عنك مهما حصل!!
اقتربت منه وهي تبتسم بحب وتقبله قبله رقيقه في شفتيه ثم تركته وذهبت لغرفتها بخجل..
_____________________
فتحت كشكول مذكراتها وهي تكتب"سليم...انا خايفه اقولك انك بقيت ولا حاجه!بعد كل السنين دي والعذاب ده كله بقيت ولا حاجه،،غمضت عيني كتير عشان تفضل حلو فيها وخفيت حقايق كانت واضحه وضوح الشمس عن عيني،،حاربت نفسي عشان متطلعش من قلبي بس طلعت بافعالك،،كذبت علي نفسي وعلي اللي حواليا بانك ليا وهتفضل ليا رغم انك عمرك ما كنت ليا ولا...هتكون،،،قد ايه اتشاكلت مع اقرب حد ليا عشانك وعشان توقف نصايحها قد ايه ظلمت مراد بحجه انه السبب في اننا اتفرقنا رغم اننا عمرنا ما اتجمعنا اصلا،،قد ايه دعيت في كل صلاه ان ربنا ينسيني حبك رغم ان من جوايا كنت بدعي افضل احبك وفي الاخر ربنا نزع حبك من قلبي زي ما خلقه،،ماعدش ليا القدره عشان اسيطر علي قلبي هو حبك وهو طردك وهو دلوقتي اللي بيدخل مراد بالبطيء وغصب عني،،انا هبدا حياه جديده وصح كمان كام يوم رسمياً بس من انهارده من جوايا انت بقيت ولا حاجه،انا لمراد وبس ومتاكده اني هحبه وهحبه اضعاف حبي ليك اللي كان زمان."
اغلقت المذكرات بابتسامه وسعاده بحياتها الجديده والذي سوف تبنيها مع الاخر ثم تركتها علي الفراش وهي تدلف للمرحاض
____________________
دلف الاخر الي حجرتها ليناديها لمشاهده فيلمهما المفضل ليسمع صوت المياه دليل علي انها تستحم بالداخل،،لفت نظره كشكول مكتوب اعلاه "مذكراتي"
ليفتحه وهو يقرأ ما كتبته منذ دقائق ارتسمت علي وجهه ابتسامه سعيده فاخيراً قد بدأ ينال نتيجه صبره.
_____________________
استيقظت في الصباح لتجد نفسها نائمه أرضاً نهضت بتكاسل و هي تشعر بألم حاد في ظهرها
اسيا بصراخ:أكرم انت ازاي ترميني ع الارض ايه نوم الجاموس بتاعك ده!!
اكرم بنعاس:ولله لو كنت سبتك جنبي كان زمانتي مت مدخلتش في غيبوبه ده نتي فتحتي الجرح باين
اسيا بخوف:وريني كده
ثم اتجهت نحوه وهي تقوم بخلع التشيرت
امسك الاخر يدها وهو يضحك بشده:ايه التحرش اللي ع الصبح ده
اسيا بجديه:انا مش بهزر؛انا ضربتك فيه بجد
اكرم:لا يا حبي اكيد،،انا كويسه جدا ويلا عشان ننزل نفطر
نهضت ليمسك يدها مره اخري وهو يجلسها اعلي رجليه
اكرم:انتي رايحه فين!!
اسيا بضحك:رايحع التواليت وبعدين هنفطر هروح فين!!
اكرم:فين قبله الصباح!
اسيا بضحك:قبله!ياني
اكرم:هتديهاني ولا؟
اسيا بتأفأف:ولا يلا قوم بقي
نهض الاخر علي امل ان تتمسك به ليجدها تدلف في طريقها الي المرحاض ببرود
لينادي عليها ثم يلصقها بالحائط وهو يأخذ قبلته بل يأخذ أكثر مما طلب.
___________________
علي مائده الطعام
نازلي:انا كنت نادره ان اما يقوم بالسلامه هزور جمعيات الايتام ودار المسنين تيجي معايا يا اسيا؟
اسيا بضحك:وانا والله كنت ناويه اروح انهارده دار المسنين خصوصا ان فيه بليل حفله!
اكرم:حفله ايه؟
اسيا:هتكون ايه يعني!عشان يسعدوهم وهيبقي فيها رجال اعمال وناس مهمه يعني جاين يفرحوهم!
اكرم بجديه:خلاص تعالي نروح وحضرتك يا ماما؟
اسيا بصراخ:نروح فين!!انت تقعد ٣شهور في راحه تامه!
اكرم بضحك:انا بقيت تمام خلاص ورايح هتيجي ولالا!
اسيا بتأفأف:انا رايحه بردو
نازلي:خلاص روحو نتو يا حبايبي وانا هروح بكره انشاءلله!
_____________________
ارتدت تشيرت بنصف كم باللون الاحمر وسلوبت من الجينز وحذاء رياضي وحقيبه صغيره باللون الابيض وتركت شعرها الذي قصته حينما كان الاخر بالمشفي واصبح لا يتعدي منتصف ظهرها
اما هو فارتدي بنطلون من الجينز وتشيرت باللون الاسود وحذاء رياضي اسود
_____________________
في دار المسنين
بعد ان رحب بهم مدير الدار دلفوا للحديقه لم يلفت انتباههم سوي رجل يجلس وحيداً في زاويه بعيده ويرتسم علي وجهه علامات الحزن بدقه
نظروا لبعضهم البعض ثم اتجهوا له
اكرم:ازيك يا حاج
فريد:......
اسيا:ازيكك يا عممو عامل ايه؟
فريد:.....
اسيا بمرح:تعرف يا عمو اني كاتبه؟اه موقفه الكتابه من سنين بس ممكن اكتب عنك يا قمر انت!
فريد بانتباه:عني انا وزينات؟
اسيا باستغراب:اه عنكم،،بس زينات مين!
فريد:اقعدو الاول!
جلس اكرم من الجهه اليمني والاخري من اليسري
فريد:من 48سنه كنت بحب بنت عرفتها في اخر سنه ليا في الكليه كانت جميله،جميله اوي خطفتني من اول نظره بعينيها اللي تتوه فيهم،،وقعنا في بعض اللي بينا مكنش حب ولا عشق ولا الكلام الفارغ ده،،كان اتصال روحين
اكمل وهو يضحك بمرار:انفصلنا اكتر ما ارتبطنا بس كل مره كنت برجع لها او بترجعلي ولا كأن حاجه حصلت عمر حبنا مانتهي ولا ببعد ولا بخناق ولا باي حاجه،،اتجوزتها بعد تعب ومرار وفراق وبعد حب ٦سنين!عشت معاها عمري كله اكتر ما عشت بين اهلي وناسي عشت معاها٤٢سنه في بيت واحد عملنا كل اللي يتعمل سهرنا للصبح نتكلم،اتفرجنا علي كل الافلام الرومانسي والكوميدي،سفرنا كل البلاد اللي تخطر في بالك،وبعد٥سنين مفيش خلفه بدون اي سبب ربنا رزقني منها بأمير!أنا حبيت امير عشان منها عشان بحبها وحتي بعد ما رماني دلوقتي بحبه عشان من ريحتها،،يمكن اما امير جه بعدنا بحكم اهتمامنا بيه،،انا في مسؤلياتي كمصاريف وتربيه،وهي اهتمام وتربيه وشغل البيت،،زعقنا واتخانقنا وسبتلها البيت كتير،بس كنا بنرجع هما دول زينات وفريد مبيعرفوش يعيشو من غير بعض،،امير كبر واتجوز من ٧سنين وهو من اكبر البشمهندسين في مصر زي مانا كنت،،حسينا قد ايه كبرنا والصحه راحت بس حبنا الحاجه الوحيده اللي مراحتش ده زاد لحد ما من سنتين جالها،،،
اكمل والدموع تتساقط من عينيه:ورم في المخ!
المصيبه اني معرفتش!معرفتش الا بعد ما ماتت،بصحيها عشان نفطر زي كل يوم الاقيها مبتردش ازاي!!ازاي مبتردش؛ازاي ماتت وسابتني!دي لسه٦٨سنه!!بعدها كل حاجه عدت بسرعه دفنوها وبعدت عني وسبتني لوحدي امير خد مراته وفرح بنته وسبني لوحدي في الشقه مع ذكرياتنا وريحتها!ومن سنه كان مذنوق ومحتاج فلوس عشان شغله فابعت الشقه وعطيته الفلوس وجيت هنا جيت بعد ما زينات جتلي ووصتني اني اعمل كده قالتلي اني قريب هروحلها فا افك ضيقه ابني!اضطريت اسيب ذكرياتنا واجي هنا اعيش علي ذكرياتنا اللي لسه في قلبي لحد ما اروحلها.
اكمل وهو يبكي بشده:وحتشيني اوي يا زينات الدنيا متتعش من غيرك يا حبيبتي.
اسيا ببكاء:....
تابع من هنا: جميع فصول رواية تمرد صحفية بقلم دودو محمد
إرسال تعليق
يسعدنا تلقي اقتراحاتك أو تعليقك هنا