مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية كاملة جديدة للكاتبة آية الرحمن والمليئة بالعديد من الأحداث المثيرة والمتشابكة فى إطار إجتماعى , وموعدنا اليوم علي موقع قصص 26 مع الفصل الثانى من رواية بنات عمى بقلم آية الرحمن .
رواية بنات عمى بقلم آية الرحمن - الفصل الثانى
رواية بنات عمى بقلم آية الرحمن - الفصل الثانى
ركضو الي اعلي بعد سماع الصوت الأتي من اعلي واتجهو نحو غرفة حور
مكة.... دي حور اللي بتصوت
مالك بصوت هادي..... هششششش مسمعش صوت حد فيكو
وضع اذنه علي الباب استمع الي صوت همس في الداخل
مالك.... انا هفتحلكو الباب وانتو ادخلو ومتعملوش صوت وانا هلف من الاتجاه التاني
اشرقت بخوف..... هو في ايه انا مش فاهمة حاجة
مالك بتحذير..... مسمعش نفس اعملو اللي قولتلكو علية يلا
قام مالك بكسر الباب ورقض سريعا الي الإتجاة الأخر دخلت اشرقت ومكة وانصدمو مما رأوا
وضعت مكة يديها علي فمها بزهول.... انتا مين ودخلت هنا ازاي
= حرامي انا حرامي
اشرقت بغضب.... يابجحتك يااختي ومعتز بنفسك اوي كده علي ايه
مكة بدموع..... انتا عاوز من اختي اي سيبها الله يخليك
=باالادب كدا ومن غير نفس مسمعش صوت حد فيكم وانا هسبها عايشة لا كدا يااما تترحمو عليها وهاخد برضة الأنا عاوزة
اشرقت ببكاء.... وانتا عاوز ايه يازفت انتا
= حرامي وجاي اسرق هكون عاوز ايه يعني جاي اقلبلي كام حاجه كده لكن الصراحة غيرت رأيي
مكة... مش فاهمة
= بتفكير... معايا تلت مزز يحلو من ع حبل المشنقة ومتريشين كمان ابقي حمار لو ضيعت الفرصة دي من ايدي
مكة واشرقت ضمو علي بعضهم بخوف وحور معاه تحت تهديد السكين ع رقبتها
اتجها مالك الي حديقة القصر وقام بالصعود الي اعلي في البلكونة المطله لغرفة حور ودخل بهمس حتي لا يحس به الواقف
مكة بهمس... ما
اصمتت عندما اشار اليها مالك بالصمت
= انجزو بقه قدامي من سكات عشان اي نفس اترحمو ع اختكم حياتها بين ايديه
تسحب مالك بهدوء من خلفة ووضع يدة علي يد هذا الحرامي واسقط من يديه السكين بصعوبة
افلت حور من بين يدية وانهال مالك عليه بالضرب
رقضت حور مسرعة الي اخواتها وهيا تبكي بهسترية وجسدها يرجف من الخوف
مكة بلهفة...... انتي كويسة
حور ببكاء ورعشة.... هزت راسها بانعم
انهال مالك علية بالضرب الشديد
مالك بغضب وعصبية/ قولي ياابن ال**** مين اللي وزك تعمل كدا وازاي تتجرء تدخل هنااااا
الحرامي وهو يااخذ نفسة بصعوبة.... والله ماحد وزني ياابية انا حرامي وكنت داخل عشان اسرق بس الانسة صوتت وخوفت لحد يسمعني عشان كده هددتها بالسكينة ولما اخواتها طلعو قولت فرصة اخطفهم كلهم واطلب فدية وحضرتكو طبعا هتدفعو مش هتقولو منين
انهال مالك علية بالضرب مرة اخرى.....
لما تفكر بعد كدا تأذي او تقرب من حد من عيلة الصياد فكر ميت مرة في العواقب
اتي الغفير الحارس للمنزل معه الشرطة وخلفهم
الحاج محسن وخلفه منيرة وفايزة من الخارج
فايزة وهي تحتض ابنتها.... حصلك حاجة ياحببتي
حور وهي تحتضن والدتها بخوف.... هزت رأسها بالنفي
الحاج محسن بهدوء ... اي اللي حصل لكل ده وايه اللي جاب الشرطة اهنية
مالك بغضب.... دا كلب كان داخل يسرق بس عقلة وزة وكان ناوي يخطف البنات وانهال علية بالضرب مرة اخري
ابعدة رجال الشرطة عنة بصعوبة
الظابط.... مالك بية اللي انتا بتعملة دا غلط في وجدنا سيبنا احنا نشوف شغلنا
الحاج محسن موجها كلامة للظابط.... احنا متشكرين لحضرتك ياابية واسفين لو كنا ازعجناك تقدرو تمشو
الظابط بأعتراض..... بس ياحج
الحاج محسن بمقاطعة وحزم.... تشرف وتنور يابية
الظابط بقلة حيلة.... ماشي عن اذن حضرتك
فهو لا يقدر يعصي لة اوامر انهو محسن الصياد كبير البلد بأكملها وكلمتة سيف تمشي ع الكبير قبل الصغير
مالك بغضب.... بس ياجدي اللي حضرتك عملتة دا غلط
محسن بجدية.... انتهي النقاش واللي انا قولتة هو اللي هيتنفذ ولا انتا هتعصي كلامي ياواد
مالك بضيق.... العفو ياجدي بس بعد اذنك انا مش معاك في قرارك دا
غادر مالك وانصرف الي غرفتة بغضب
الجد بحنان موجها كلامة الي حور وهو يلمس علي رأسها.... متخافيش ياحببتي جدك موجود
ثم وجه كلامه لفايزة...... خدي بتك نيميها يافايزة وانتو كمان يابنات يلا علي اوضكو متخافوش
ثم وجة كلامه للغفير وانته جبلي واد المركوب ده وتعالي ورايه ع المنضدرة
وفي دقائق نفذ الجميع الامر
ـــــــــــــــــــــــــــــــــــــــــــــــــ
في غرفة مالك
يقف مالك في شرفة غرفته وشرارة الغضب تخرج من عيونة
مالك وهو يضرب بيدية ف الجدار بغضب.... ماشي يااجدي اعمل اللي يريحك بس وديني ماانا سايب ابن ال**** الا اما اربية واعرفو ازاي يتجرء يدخل هنا تاني
دخلت علية منيرة
منيرة بتسأل..... في اي ياحبيبي معصب نفسك كده ليه خلاص جدك هيتصرف مش مستاهلة الغضب دا كلة
مالك بعصبية.... والنبي ياماما سبيني ف حالي اصلي مش طايق نفسي
منيرة بطمأنان.... معلش ياحبيبي اهو محصلش حاجة اهدي كدا
مالك بغضب..... ابن ال** ازاي يتجرء يدخل البيت وعلي اوض البنات لا وايه كمان شعرها كان مكشوف صبرو عليا بس
منيرة بخبث..... طب وانتا ايه اللي مزعلك يشوفها بشعرها ولا ميشوفهاش
مالك بغيظ من والدتة..... ازاي يعني مليش دعوة هيا مش مسؤله مني ومن الواجب احافظ عليها
منيرة بخبث.... عشان مسؤلة منك ولا عشان غيران
مالك بصدمة.... ايه غيران وهغار لية
منيرة وهيا تغادر الغرفة..... وانا هعرف منين اسأل نفسك
مالك بغيظ.... اقفلي الباب وراكي
ـــــــــــــــــــــــــــــــــــــــــــــــــــــ
في اسفل
في المنضدرة عند الحاج محسن
الحاج محسن بحزم..... انا مشيت الحكومة مش عشان حاجة بس عشان انا عاوز اسمع الحقيقة منيك قولي بصراحة مين اللي اجرك عشان تدخل بيتي وتتهجم علي ناسة بالطريقة دي وكمان اني مش موجود في الوقت ده قول الحقيقة ياولدي ومحدش مقرب منيك متخافش
الراجل بخوف... حاضر هقول بس وعد انك هتصدقني
الحاج محسن.... واني سامعك
الراجل.... والله ياحاج ماحد اجرني ولا قالي علي حاجة اني راجل غلبان بجرى علي وكل عيشي وعندي مره ياحاج كل متشوفني عاوزة عاوزة لحد ماخلاص مبقتش قادر البيلها طلباتها وولادي مقدرش اوكلهم ولا اعلمهم وانا كنت جاي اسرق والله ياحاج بس اسرق اي حاجة اجيب لولادي بيها وكل واني مروح
من صبحية ربنا وانا واقف علي رجلي ادور ع شغل ومحدش راضي يشغلني
وزي ماانتا عارف ياحاج العيشة غالية والمره مبترحمش اعمل ايه بس والله العظيم ماكنت هأذي حد والانسة هي اللي صرخت فأطريت اخوفها بالسكية ولما البنات دخلو الشطان قلي خدهم ولما اطلب منيكم فلوس عشان يرجعو انتو هتدفعو
بس البية دخل قبل مااطلع وحصل اللي حصل
عارف اني غلطان ياحاج واستاهل قطع رقبتي بس سامحني ياحاج عشان خاطر عيالي
الحج محسن بجدة.... قوم اقف علي حيلك
الراجل وهو ينهض من مكانه.... تحت امرك ياحاج
اخرج الحاج محسن مال ثم تحدث بجديه..... خد دول ياولدي والكارت ده في عنوان الصبح تروحة
الراجل.... ايه الفلوس دي ياحاج
الحاج محسن.... الفلوس دي جيب بيها وكل لولادك وانته مروح
هب واقفا..... وروح ضارك والصبح روح ع العنوان ده وهناك هيشغوك ومشفكاش بتسرق ولا تتنطت علي البيوت مرة تانية
ثم اكمل بتحذير.... اني المرادي رحمتك وسامحتك وساعدتك تكون انسان كويس المرة الجايه فيها قطع رقبتك
الراجل بندم...... توبة والله ياحاج مش هتتكرر تاني
والف شكر ليك
انحني علي يده ليقبلها لكن الحاج محسن سحبها بسرعة ورتب علي ظهرة بحنان...... روح ياولدي لولادك وتركه وغادر المكان
ــــــــــــــــــــــــــــــــــــــــــــــــــــــ
في غرفة حور
كانت نائمة في غرفتها وجسدها يرتعش من الخوف استمعت الي صوت دق علي الباب
تسحبت بهدوء وممسكه بيدها فاظة
وقت خلف الباب وفتحت بهدوء رفعت يدها الممسكة بالفازه لتخبط من قادم خوفا من ان يكون حرامي مره اخري
مسك مالك يديها قبل ان تأتي بالفاظة علية
نظر لها بزهول من رد فعلها الغير متوقع... اهدي ياحور
حور بتوتر.... مالك اسفة مكنتش اقصد فكرت حرامي
مالك بهدوء.... حصل خير المهم انتي عامله ايه دلوقتي
حور بهدوء بعض الشي.... الحمد لله
مالك بأطمأنان.... كويس انا كنت جاي اطمن عليكي تصبحي علي خير
ادار ظهرة ليغاد ولكن اوقف علي صوتها
حور.... مالك شكرا
التفت مالك اليها.... علي ايه
حور بأحراج...... احم. انك انقذتني ف الوقت المناسب
مالك بجدية..... مفيش داعي للشكر انا عملت واجبي واي حد مكاني كان عمل كدا عن اذنك جاء ليغاد مرة اخري ولكن اوقف علي صوتها
حور...... مالك انتا لسه زعلان مني
مالك بسخرية...... وهزعل لية هو انتي بتزعلي حد
حور.... شيفاك متغير معايا
مالك بجدية..... تعرفي انتي عيبك ايه ياحور انك بدوسي علي غيرك من غير ماتحسي ومفكره ان مفيش حد غيرك عنده مشاعر او له الحق انه يزعل المهم ادخلي نامي ومتخافيش طول ماانتي في حماية مالك محدش هيقرب منك
حور.... عارفة بس بجد عاوزة اعرف انا عملت ايه
مالك بهدوء.... لو غيرتي اسلوبك شويه محدش هيزعل منك لأنا ولا غيري
حور بفهم.... انتا زعلت عشان كلامي امبارح
مالك.... خلاص ياحور حصل خير هسيبك ترتاحي عندك شغل الصبح تصبحي علي خير
تركها وانصرف الي غرفته علي الفور قبل ان تتحدث مرة اخري
ـــــــــــــــــــــــــــــــــــــــــ
في صباح اليوم التاني
يجتمع الكل علي مائدة الطعام
هبطت مالك من اعلي...... صباح الخير
الجميع...... صباح النور
مالك.... ايه يابنات انتو مجهزتوش ليه عشان الجامعة
مكة وهيا تتناول الطعام..... انا مش هروح يامالك ممكن حد يخطفني من هناك مستحيل اروح
مالك بجدية..... لية ان شاء الله سيبك من الهبل دا وقومي اجهزى محدش يقدر يقرب منكو طول ماانا موجود وبعدين انا كنت متوقع انك اخر واحدة تفكرى في الخوف والكلام دا
اشرقت.... اصلك مشفتش يامالك اللي احنا شفناه دا كان هيخطفنا يامالك وكمان كان ممكن يعمل فينا حاجة تانية
مالك.... متخافوش ولا كان يقدر يعملكو حاجه مش انتو بتثقو فيا
هزو رأسهم بنعم
مالك.... يبقي تشيلو الخوف دا من دماغكو وانسو كل اللي حصل امبارح دا
انا هسيبكو النهاردة بس عشان تهدو ومن بكرة هترجعو الجامعة تاني الامتحانات قربت
مكة..... حاضر
الحاج محسن بفخر.... ربنا يبارك فيك ياولدي
مالك بأبتسامة وهو يقبل يد جده.... ويخليك لينا يابركة
فايزة.... هيا حور مش هتروح معاك الشغل النهارده ولا ايه
مالك وهو ينظر الي ساعة يدة.... مش عارف المفروض تكون نزلت من شويه انا نازل متأخر
كادت فايزه ان تتحدث ولكن قطعها قدوم حور.... صباح الخير
الجميع.... صباح النور
مالك وهو يجمع اغراضة ليذهب افطري براحتك وابقي تعالي
حور.... لا مش عاوزة انا هاجي معاك
مالك.... تمام يلا
غادر مالك وحور وظل الجميع فقط
منيرة.... مالك يامكة مبتكليش ليه
مكة بشرود.... مليش نفس
الجد بحنان.... كملي فطارك يامكة
مكة بتنهيدة..... حاضر ياجدو
ـــــــــــــــــــــــــــــــــــــــــــــــ
في غرفة اشرقت
جالسة علي فراشها امامها اللاب توب تعمل عليه بااندماج قطعها دخول فايزه عليها.... بتعملي ايه ياشوشو
اشرقت.... ولا حاجه ياماما بلعب
فايزة.... طب ماتسيبك من اللعب دا وتيجي نروح نفرفش مكة شوية بدل المود اللي هيا فية دا
اشرقت بتنهيدة... بتفكريني ليه بس انا بحاول انسي
جلست فايزة بجوارها وجذبتها داخل احضانها مرتبه علي ظهرها بحنان.... متخافيش ياحببتي محدش يقدر يعملكو حاجه
اشرقت ببكاء داخل احضان والدتها... انا معرفش لو مالك مكنش معانا كان حصلنا ايه
فايزة بحنان.... مكنش هيحصل حاجه ياحببتي اهدي ومالك معاكو علي طول وانا معاكي وجدك واخواتك ومرات عمك وكنا فرفشي بقي يابت متبقيش كئيبة كده
ابتسمت اشرقت علي حديث والدتها فتحدث فايزة بحب... ايوه كده بحبك وانتي علي طول بتضحكي ومبسوطه كده اذا كان انتي او اخواتك يارب دايما تفضلو كده علي طول والسعادة متفرقكمش ابدا
اشرقت بدعاء.... اللهم امين
ـــــــــــــــــــــــــــــــــــــــ
في الشركه
في مكتب مالك* جالس مالك وكريم يعملون لوقت طويل
كريم بأرهاق.... باااااااس كده كله تمام
مالك بجديه.... تمام مفيش اي حاجه ناقصة
كريم بتأكيد.... لاء كله تمام
مالك... طيب يلا بقي نكمل شغل علي الشحنه التانية
كريم بأرهاق.... لاء مع نفسك بقي انا تعبت من الصبح واحنا قاعدين القاعدة الزفت دا انا هقوم اتمشي شوية وانزل اشرب نسكافية في الكافتريا تحت
مالك... مش مستهله كلها ساعة ونمشي
كريم... ياعم مليش دعوة بيك
قام كريم من علي المقعد ملتفتا ليخرج وجد حور امامه من خلف الزجاج جالسة علي مكتبها تعمل بكل تركيز
وقف كريم ينظر لها بأبتسامة متحدثا مالك.... معقول في قمر عندنا وانا معرفش
مالك وهو مازال منشغلا باالاوراق.... قمر ايه
كريم بأبتسامة وهو مازال ينظر الي حور .... قمر قدامي قاعد بيشتغل بكل تركيز
انتبه مالك الي حديثة ثم نظر الي ماينظر له كريم وجده ينظر الي حور
اعتلي الغضب ملامح مجهه.... وحياة امك
نظر له كريم بزهول.... نعععععععم
مالك بغضب.... قاعد بتعاكس في بنت عمي قدامي وزعلان كمان ايه ياض البجاحة دي
كريم بزهول.... دي بنت عمك
مالك بسخرية.... اه شوفت
كريم بهيام... اخس عليك يامالك لما عندك قمرات كده مش تعرفنا عليهم
مالك بغضب... كررررررريم
كريم بضحك.... ههههههههههه خلاص سكت واضح ان الانسه ملكية خاصة
مالك بغيظ منه... اطلع بره يالا
كريم.... هههههههههه يبقي ملكية خاصة سلام
انصرف كريم وظل مالك بمكانه ونيران الغضب تشتعل بداخله
نظر الي حور بغيظ من خلف الزجاج وهيا مازالت منشغله بالعمل
ـــــــــــــــــــــــــــــــــــــــــــــ
انتهت حور من العمل واتجهت الي مكتب مالك دقت علي الباب دخلت بعدما سمح لها بالدخول
حور بتسأل... خلصت
رد مالك وهو منشغلا بالاوراق.... ايوه خلصت اهو
اغلق الملف الموجود امامه وقام بترتيب مكتبه كالعادة واغلق جميع النوافذ بالرمود كنترول الموجود معه... ثم قام بغلق اللاب توب ووضعة في الحقيبه الخاصة به وهم واقفا من علي مقعدة
مالك... يلا
خرجت حور من غرفة المكتب امامه وهو خلفها
هبطو الي اسفل قابلهم كريم امام الشركه متحدثا بأبتسامة وهو يمد يده لمصافحة حور... اهلا وسهلا منوره الشركه كلها... كريم العزايزي
حور بأبتسامة... مرسي جدا يااستاذ كريم من ذوقك... حور الصياد
كريم بأبتسامة... غنية عن التعريف ياانسة حور
حور... تسلم يااستاذ كريم
كريم... استاذ كريم ايه بس صلي علي النبي في قلبك قولي ياكريم بس او ياكيمو
نظر له مالك بغيظ وغضب بادله كريم نظره استفزاز فااكمل حديثة.... انا بقي صاحب مالك الانتيم
مالك بصوت واطي... كنت
كريم.... بتقول ايه ياحبيبي
مالك بغضب... مابقولش مش كنت عاوز تروح
كريم بأستفزاز... وغيرت رأيي يأخي انتا مالك اما انك رخم صحيح
ضحكت حور بشده علي حديث كريم
كريم بأبتسامة.... خدي قلبي خلاص مش عاوزة
مالك بغضب وهو يحز علي اسنانه محدثا كريم بهمس.... دا انا اللي هاخد روحك في ايدي لو مامشتش من هنا خلال ثانية
كريم بهمس هو الأخر... والثانيه خلصت سلام يامعلم سلام ياحور اشوفك بكره بقي
اخرج كارت من جيبه... دا الكارت بتاعي لو احتاجتي اي حاجة ابقي كلميني مش هرد عليكي ههههههه
ضحكت حور مره اخري واخذت منه الكارت
نظر مالك لكريم بغضب شديد فغادر كريم من امامه وحور واقفة تضحك عليهم
مالك بغضب وعصبيه.... بتضحكي ليه
حور بأستغراب.... عادي اعيطت يعني ولا ايه مش فاهمة
نظر مالك الي يدها وجد الكارت اخذه منها ومزقة دون ان يتحدث
نظرت اليه بزهول من رد فعله
تركها وانصرف الي السياره ينتظرها ....
تابع من هنا: جميع فصول رواية جمارة بقلم ريناد يوسف
أو أرسل لنا رسالة مباشرة عبر الماسنجر باسم القصة التي تريدها
إرسال تعليق
يسعدنا تلقي اقتراحاتك أو تعليقك هنا