اهلا بيكم ياحبايبى يا حلوين ..النهارده معايا حكايه جديده من حكايات حماده الولد الصغير اللى عنده 7 سنين
اخر مره كنا مع حماده الدكتور طلب من حماده يحافظ على جيشه 


حماده مستغرب ومحتار ..فين هو الجيش دا؟!!!
الدكتور سمير قاله ياحماده كل بلد عندها جيش اكيد ,لو الجيش دا ضعيف ومش قوى سهل جدا اى عدو يضر البلد دى
حماده لسه مستغرب كلام الدكتور وعايز يفهم 
قصص اطفال l حماده وجيشه القوى

قال الدكتور سمير: انت كمان ياحماده عندك جيش فى جسمك اسمه كرات الدم البيضاء 
الجيش دا بيدافع عنك .
يعنى يوم ما وقعت فى الجنينه واتعورت الجيش حماك ووقف معاك وحارب اى شىء ممكن يضرك ويدخل جسمك
وبدء الجيش يبنى انسجه جديده مكان اللى اتقطعت 
عشان كده بعد فتره لقيت ان مكان الجرح اختفى وقدرت تجرى وتلعب تانى 
زى مامهم اى دوله تبنى جيش قوى وتحافظ عليه مهم انت كمان تحافظ على جيشك اللى بيحمى جسمك عشان يكون قوى مش ضعيف 
تحافظ عليه وتاكل اكلات مفيده فيها فيتامين وفواكه وخضراوات 
وتلعب رياضه عشان جسمك يكون قوى وعقلك كمان يكون ذكى 
حماده طفل لطيف وفهم كلام الدكتور وقال من النهارده ههتم بجيشى اللى بيدافع عنى وهحافظ عليه قوى

انتظرونى المره الجايه فى قصه جديده من قصص حماده ..اشوفكم على خير ياحلوين ..باى باى ..ماما نونا

جديد قسم : قصص اطفال

إرسال تعليق