قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

قصص اطفال | حماده وزير التعليم

حبايبى الحلوين وحشتونى كتير كتير ..احنا لسه بنحكى عن حماده الولد الصغير اللى عنده 7 سنين
حماده لسه سهران بيتفرج على التلفزيون رغم الساعه 10 دلوقتى ومامته بتقوله يلا ياحماده عندك مدرسه بدرى
حماده مدايق اوى ودخل ينام وهو زهقان 
حماده كان بيفكر وبيقول ياااه لو يلغوا المدرسه ويلغوا التعليم وفجاءه ابقا كبير
انا مش عايز اروح المدرسه تانى انا عايز اكبر بسرعه واشتغل زى بابا 
بابا بيرجع من الشغل مش بيعمل الواجب .لكن انا واجب عربى وواجب رياضيات و واجب ...ياااه زهقت عايز اكبر
فجاءه سمع حماده صوت بيكلمه ..يااااه ايه دا !!!انا خايف ..انتى مين؟؟

قصص اطفال | حماده وزير التعليم

متخفش ياحماده انا البنت الطيبه اللى بتحقق الامنيات ..بزور الاطفال الحلوين واحقق لكل طفل امنيه 
قولى يا حماده نفسك فى ايه؟
حماده بعد ماكان خايف فرح اوى وقال للبنت الطيبه انا عايز ابقا كبير واشتغل ومش اروح المدرسه
البنت قالت لحماده اختار الشغل اللى تحبه وانا احقق امنيتك
فكر حماده شويه وبعدين قال انا عايز اكون وزير التعليم
ايوا وزير التعليم ...كده بقا مفيش حد هيقولى اعمل الواجب ولا هتعاقب واروح المدرسه متاخر براحتى 
البنت الطيبه قالتله وانا هحقق امنيتك 
الصبح دخل حماده المدرسه متاخر وكل كان بيبتسم لحماده ويرحبوا بوزير التعليم الجديد
الكل فى استقباله وهو سعيد وفرحان
حماده دخل فصل عشان يمارس مهمته كوزير 
المدرس فى الفصل رحب بالوزير حماده وبدء المدرس يسال الطلبه فى العلوم والرياضيات واللغه العربيه واللغه الانجليزيه 
والطلبه بتجاوب على كل الاسئله وحماده يشعر بالضعف لانه مش عارف اى معلومه 
حس اد ايه هو جاهل وكان لازم يتعلم الاول قبل ما يفكر فى اى منصب او اى شغل 
اتمنى وقتها لو يرجع تانى تلميذ عشان يروح المدرسه ويعمل الواجب ويتعلم
صحى حماده من النوم وعرف  انه كان بيحلم وفرح انه هيروح المدرسه ويتعلم عشان يكون قوى فى منصبه قوى بعلمه ومعرفته .
يارب القصه النهارده تعجبكم وانتظروا القصه الجايه ...باى باى ياحلوين...ماما نونا

عن الكاتب

ماما نونا

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26