قصص مضحكة | الملك وبناته الثلاثه - الجزء الأول

هذا الموقع محمي بموجب اتفاقية حماية حقوق المحتوي العالمية

قصص مضحكة | الملك وبناته الثلاثه - الجزء الأول



الملك وبناته الثلاثه قصة قصيرة مضحكة و مثيرة - الجزء الأول

يسعدنا أن نقدم لكم اليوم في موقعنا قصص 26 قصة جديدة طريفة ومضحكة بعنوان الملك وبناته الثلاثه وهي قصة بها حكمة وعبرة بسيطة المعني لكنها عظيمة الشأن كما سنري في أحداث القصة ، وللمزيد من القصص المضحكة يمكنكم زيارة قسم قصص مضحكة .




 كان ياما كان , كان في ملك من قديم الزمان عنده 3 بنات و في يوم من الأيام حب أنه يختبر حب بناته ليه فقال لبنته الكبيرة " بتحبيني قد اية ؟ " فردت بسرعه وبدون تردد وقالتله بحبك يا بابا قد حب السمك للبحر" فأعجب الاب من رد بنته الكبيرة وذكائها لأن السمك مبيقدرش يعيش من غير الميه يبقي هيا اكيد بتحبني كتير فرح الملك بالرد خالص وراح اداها قصر كبير ومجوهرات كتير.

بعد ما خلص كلام مع بنته الكبيرة , نادي علي بنته التانية وسألها نفس السؤال وكان ردها " بحبك يابابا قد الطيور ما بتحب السماء " فعجبه برضه رد البنت واداها قصر ومجوهرات زي أختها الاولي .


بعدين نادي علي بنته الصغيرة واللي كان بيحبها جدا جدا علشان هيا اخر العنقود وسالها نفس السؤال برضه فردت عليه رد غريب زعله جدا قالتله " بحبك يابابا قد حب الزعتر للشطة "  زعل منها وضربها جامد علي وشها ومسكها من شعرها ورماها بره القصر بتاعه بدون ما يسمع منها ولا كلمة.
طلعت بره القصر اصغر بنات الملك وهي بتعيط وفضلت تتمشي في الشوارع  والناس كلها مش طايقينها لان الملك غضبان عليها ما عدا واحد بس من المزارعين البسطاء اعجب بيها وعطف عليها وهيا كمان اعجبت بيه واتجوزوا وعاشوا مع بعض في كوخ في الغابة .

بعد فترة كبيرة , طلع الملك لرحلة صيد في الغابة ومعاه شوية من حراسه , فضل يصطاد طول اليوم وتاه من حراسه من غير ما ياخد باله وهو بيجري ورا الحيوانات اللي بيحاول يصطادها , وفضل يدور عليهم في الغابة طول اليوم لحد ما وصل عند كوخ صغير في الغابة قرر انه يخبط عليهم لأنه كان جعان وعطشان فقال اخبط عليهم اكل واشرب عندهم أي حاجة , خبط علي الباب فتح صاحب الكوخ الباب فحكاله حكايته انه تاه وهو بيصطاد جوا الغابة وخلال ما هوا بيتكلم مع صاحب الكوخ سمعت مراته اللي هيا بنت الملك صوته وعرفته انه باباها الملك اللي طردها من القصر . 


ياتري هتعمل اية البنت مع باباها الملك !! وازاي هتديله درس وعبرة مضحكة لباقي عمره ؟


هذا ما سنتعرف عليه لاحقاً في الجزء الثاني من قصة الملك وبناته الثلاثة

ويمكنكم مشاهدة المزيد من القصص المضحكة بزيارة قسم قصص مضحكة .

إقرأ أيضاً 

جديد قسم : قصص مضحكة

إرسال تعليق