قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

قصص رومانسية | حب لا يجوزشرعا "الفصل الثامن"وعشق ورومانسية بدون وجه حق

اهلاً بكم أصدقائنا زوار موقعنا قصص 26 وهنكون معاكم في قصص رومانسيه علشان نكمل قصتنا الحلقه اللي فاتت قصص رومانسية | حب لايجوز شرعاً "الفصل السابع" واللي شوفنا فيه اعتراف مازن لسلمى أنه بيحبها وكان مستني رد سلمي في عرضه ليها انه يهديها الباقي من حياته وشوفنا مها وتوفيق وعلاقتهم هنشوف النهارده أن توفيق فهم ان مها بتحطله حاجه في اللبن كل يوم علشان مايقربلهاش وهنشوف رد سلمى على مازن مش هحرقلكم الأحداث تابعونا ... واتمني قصتنا اليوم من حب لا يجوز شرعاً للكاتبه الجميلة ورد سليـــم تنال اعجابكم ..
قصص رومانسية | حب لا يجوزشرعا "الفصل الثامن"وعشق ورومانسية بدون وجه حق

حب لا يجوز شرعاً

الفصل الثامن

في بيت فوزي خصوصا قوضة سلمي

فلاش باك

مازن :انا بحبك

سلمي :انت... انت بتقول ايه

مازن:زي ما سمعتي وعلي فكرة عارف كمان انك بتحبيني

سلمي:ده ايه الغرور ده
مازن :لا ده ثقة مش غرور صعب قوي علي اي حد يفهم او يحس لو كان اللي قدامه بيحب ولا لا... الا اللي بيحب بجد بيحس من همسة اونفس بيفهم من نظرة عين بيكون هو اول واحد في الدنيا يفهم حبيبه بيفكر في ايه ويحس بيه ويحس هو عايز يقول ايه وانا حسيت كل ده معاكي

سلمي:ياااااه كل ده في قلبك ليا

مازن:واكثر ياسلمي اكتر من كده بكتير لو تعرفي اللي جوايا من ناحيتك كنتي انتي اللي جيتي قولتيلي انا من اول مرة شوفتك فيها وانا مش علي بعضي مفيش تركيز غيرفيكي واخدة كل تفكيري وعقلي وقلبي وانا دلوقتي بعرض عليكي اللي باقيلي حياتي وسنيني واسمي تقبلي

سلمي:

مازن:تقبلي ياسلمي انا بحبك ........سلمي تقبلي

سلمي:ماذن كل ده مرة واحدة كتيير علي قلبي

مازن:سلامة قلبك يا حياة قلبي

سلمي:طب سيبني افكرشوية

مازن:سلمي من غير تفكير انا لما حبيتك مفكرتش حبيتك عشان مجنونة

سلمي:..................

مازن:سلمي انتي ساكتة ليه؟

سلمي مكسوفة علي متاخدة علي مستغربة الموقف كله ماذن يادوب شافته 3 مرات هي اه مبتنكرش انها اعجبت بيه واتشدتله ويمكن كمان حبته ما هو كمان مش اي حد ده رجل بمعني الكلمة طول بعرض ب وسامة بجمال رجولي خاص من نوعه جذاب للغاية هي مش نسياله المواقف الجميلة اللي حصلت منه لما ضرب واحد عشانها ولما كان في واحد مسكين اداله اللبس اللي كان جايبه بس اللي هو بيطلبه ده قرار مش سهل

سلمي:لان الكلام ده كتير جدا ع المرات القليلة اللي شوفنا بعض فيها ازاي لحقت تحبني زي ما بتقول

مازن:سلمي انا مش هلف وادور عليكي انا ياما عرفت بنات وشوفت كتير وقابلت كتير بس ولا واحدة حسيت معاها الاحساس اللي حسيته من اول مرة شوفتك فاكرة ايام ما كنت بودي جارد

لتبتسم هي ابتسامة ساحرة اخذته الي وادي العشاق حيث لا يوجد هناك سواهم حقا هما في السيارة ووسط الزحام ولكن ارواحهم قد تلألأت في سماء العشق فحقا حياتنا اذا حسيبناها باوقات السعادة التي نعيشها لوجدنا انفسنا عشنا مجرد ساعات فقط
الفصل الرابع ..إغتصاب ولكن تحت سقف واحد
سلمي:هههههههههه فعلا ساعتها افتكرتك البودي جارد اعملك ايه ما انت اللي بتلعب رياضة وجسمك مقارب منهم واه علي فكرة انا شايلالك فلوسك انا مرضتش اكسفك ساعتها لا احنا كنا وسط ناس وبتبص علينا واصلا مكانش يصح انك تدفعلي

مازن:اولا ياشيخة حرام عليكي انا ايه اللي جاب جسمي ليهم انا اه بلعب رياضة بس علي قدي تانيا انا من اول مرة شوفتك فيها وانا حاسس انك تخصيني انا وبس ثالثا بقا خلينا فموضوعنا ها قولي بقا مستنيها من تاني مرة شوفتك فيها

سلمي:اقول ايه

مازن :قولي انك بتحبيني ومتخبيش قولتلك انا شايفها فعنيكي

سلمي:علي فكرة الوقت اتأخر وانا لازم اروح

مازن:مش هتمشي من هنا غير لما تقولي انك بتحبيني

سلمي: هتحبسني يعني

مازن:هحبسك ..انا خلاص حبستك جوا قلبي وقفلت عليكي ورميت المفتاح يعني مؤبد متتعبيش نفسك((وبطريقة مضحكة)) ولو مقولتيش دلوقتي انك بتحبيني هصوت وهلم عيلكي الناس واقول انك خطفاني واللي فبطني ده يابنت اللذين وا.............

سلمي وهي بتحط اديها علي بوؤه :هششششششششش يخربيتك خلاااااااص بحبك.. بحبك

مازن:هههههههههه ايوة كدة ناس مبتجيش غير بالعين الحمرة

باااااااااااك

اللي بحبه بموووت انا فيه عجباني قوي شخصيته احكي عليه ايه ولا ايه عن شجاعته وجرئته هو الله اكبر عليه يتحسد علي رقته واللي فايده كمان مش ليه من كرمه وحنيته كل الناس بتقول عليه رااجل قد كلمته قلبي واجعني واعمل ايه انا مشدودة من ناحيته جذاب قووووي وهموووت عليه هيجنني بضحكته اه يا نا منكلامه وابتسامته ياني عليه عيون لكن مدوخاني بدوب وبنسي نفسي لو نداني وبنسي اسمي من سلام ايديه انا علي سيرته بقوم وبنام وخلاص قربت احفظه مهما اتقال في حبيبي كلام هو مالي مركزه لو كان واقف وسط كام من بين الف بميزه من خوفي عليه م الايام انا بدعي الله يحفظه لو في الدنيا في منه اتنين كانت الدنيا اتغيرت وياريت الناس التانيبن كانت منه اتعلمت بس ده كل فين وفين لو وسامته اتكررت
اقرأ ايضاً ... قصة العاشق المسكين من أقوى قصص الحب والرومانسية
هكذا ضلت تدندن سلمي الي ان فتحت احلام باب الغرفة

احلام :سلمى اااااااااااااا انتي لسة مالبستيش

سلمي:عاااااااااااااااااااا ماما خضتيني

احلام :خضيتك ايه يا بنت المجنونةهو ده اللي هتدخلي تغيري

سلمي:خلاص ياما ما خليها بكرة انا اصلا راجعة من الجامعة تعبانة

احلام :ماشي ارتاحي شوية وتعالي حضري معايا الغدا

سلمي :حاااضر

في ڤيلا توفيق

مروان صحي من النوم دخل اخد دوش وغير لبسه ولبس گاچوال عبارة عن بنطلون چينز وتي شيرت اسود ونزل تحت في الجنينة لقي مها وجهاد قاعدين مع بعض

مروان... لا بس ايه اللي لم الشامي ع المغربي اول مره اشوف وحدة وضرتها قاعدين مع بعض بس تصدقو شكلكم حلو

جهاد..مروان عيب كده وبعدين انت شايفني عيلة صغيرة عشان الكلام الفاضي ده

مها ..وبعدين يا مروان انا بعتبر مامتك زي مامتي

مروان.. اه يعني انا اللي بقيت عزول بقا تمام طب اخرج انا منها بقا عن اذنكم

جهاد.. علي فين يامروان

مروان ..مفيش ياماما هخرج شوية سلام

جهاد.. سلام......... ولاحظت ان مها قاعدة حزينة

جهاد.. مالك يامها مش طبيعية انهاردة ليه

مها.. انا خايفة قوي توفيق جاب اخره معايا وبقا يلح عليا كتيير

جهاد.. طب خلاص متخافيش هخليه يبات عندي انهاردة

مها.. ياريت حتي اخف الضغط علي اعصابي شوية

((نشوف مروان))

مروان خرج من الڤيلاا ع الكباريه علي طول ودخل وهو داخل مايا كانت بتعمل نمرتها لمحته غمزتله غمزة وقحة وهو كمان ردهالها دخل قعد ع البار لغاية ما مايا تخلص جاتله واحدة مقززة من الاشكال اللي في المكان

...............ميلزمكش حاجة يا باشا

مروان.. لا شكرا ميلزمنيش انهاردة

....................طيب انت الخسران وع العموم احنا في الخدمة ثم ضحكت ضحكة خليعة وذهبت من جانبه
مروان قعد يشرب خد كام كاس لغاية ما مايا تخلص وهو قاعد افتكر كلام مني وانه لو بيحبها بجد المفروض يتغير فجأة اتخنق من المكان وف نفس الوقت كانت مايا خلصت وجات

مايا.. اهلا بشبوشتي عامل ايه

مروان.. اهلا مايا

مايا بغمزة.. هاا مش يالا ناخد وقتنا بدري

مروان..لا خلينا هنا انهارد

مايا بوقاحة.. بس هنا مش هنبقي علي راحتنا

مروان.. خلاص يامايا ولاهنا ولاهنا انا مروح سلام

وغادر قبل أن ترفع صوتها بالرد عليه

روح مروان الڤيلا غير لبسه ونام وجاسر قاعد حزين بيفكر وتوفيق قدرت جهاد تخليه يبات عندها بحيل نسائية ومها قاعدة زعلانة وبتفكر ياترى جاسر شايفها ازاي بعد ما عاندته بمساعدة امه

فلاااااااش بااااااااك

مها ولحد امتي هفضل في الوضع ده انا بتعذب كل دقيقة وانا حاسة انه على قد ما هو قريب علي قد ما هو أبعد من نجوم السما عليا

جهاد.. قولتلك كل حاجة وليها وقتها

مها.. طب انا اعمل ايه دلوقتي ده بفا مش طايق يبص ف وشي

جهاد.. انا هقولك تعملي ايه بصي يا ستي

انتي هتطلبي من توفيق انه يشغلك في الشركة توفيق طبعا مش هيرفض لان ده اول طلب ليكي هما اصلا مش محتاجين موظفين ولا عندهم حتي مكاتب فاضية انتي بقا هتشبطي فمكتب جاسر ولان ن جاسر استحالة يتنازلك عن مكتبه توفيق هيضطر يديكي القوضة اللي جنب جاسر عشان متزعليش دي قوضة صغيرة بيريح فيها شوية لو عنده ضغط شغل ومنه انك تبقي قريبة من جاسر يمكن يسمعك ومنه ان جاسر يبقا تحت عينك لا يبص لواحدة تانية وانتي وشطارتك بقا

مها.. شطارتي ايه بقا ده انتي اللي طلعتي شاطرة بس تفتكري جاسر هيرضي بسهولة يديني المكتب اللي جنبه

جهاد.. اكيد لا طبعا بس انا قولتلك بقا انتي وشطارتك

باااااك

مها لنفسها..يا ترى جاسر كرهني اكتر ولا هيفهم اني عايزة ابقي قريبة منه
فضلت مها تفكر لغاية ما نامت هي كمان طلع الصبح عليهم وكل واحد راح علي شغله جاسر مقدرش يروح الشغل مها راحت كانت فكراه في الشركة من قبلها بس اتفاجئت انه مجاش عدي اليوم وتوفيق ومها روحو بدري عن مروان.. مروان كان عنده شغل لانه بيسهر كتيير فبالتالي اهمل في شغله والمفروض كان عنده ملفات مهمة محتاجها في شغله وكان نسيها في البيت لان الملفات بتاعة الصفقات والشحنات المهمة بيشيلوها ف البيت واضطر يرجع البيت يجيب الملف المهم اللي عايزه

في بيت فوزي

كانت لسة سلمي راجعة من الجامعة وطبعا شافت مازن

احلام.. ها يا سلمي هنروح لا ختك انهاردة ولا ايه

سلمي ..اه ياماما دي كلمتني وعايزانا نروح نتغدا معاها

خلاص.. ادخلي غيري لبسك عقبال ما انا كمان اغير

سلمي.. خلاص ماشي

وراحو عند مها وسلمو علي جهاد وسألو علي مها جهاد قالتلهم

جهاد.. اتفضلو ارتاحو وانا طالعة اندهلها اصلها لسة راجعة من الشغل

احلام وسلمي.. هي مها اشتغلت

جهاد.. اه بتشتغل مع توفيق في شركته بعد اذنكم انا طالعة انده لمها البيت بيتكم وطلعت فوق

قبل كده بعشر دقايق

في غرفة توفيق

مها..لوسمحت سيبني

توفيق.. لوسمحتي انتي فهميني في ايه بالظبط ليه مش بتخليني اقربلك انا ولا مرة من ساعة ما اتجوزتك فاكر اني اصلا لمستك وعمال اقول اصلها صغيرة خليها تتدلع واحدة واحدة عليها بس ما بدهاش بقا اومال انا متجوزك ليه انا عايز اخلف يا هانم مش اشرب لبن كل يوم زي العيال الصغيرة ومدراش بالدنيا انتي فكراني ايه مش فاهم انتي اكيد بتحطيلي حاجة في اللبن ده اومال انا دافع فلوس لابوكي ليه وقبل مايخلص الكلمة كان نازل علي وشها بالقلم

مها..بعياط وحسرة.. حرام عليك وانا ذنبي ايه نصيبي وقعني فيك انت وهو... هو باعني بفلوس وانت الصراحة تتقال اشتريت ومقصرتش دفعت كتيير في العروسة اللعبة اللي عايزها تجبلك الولد انما انا محدش فكر فيا لا انت ولا هو

توفيق.. انا مليش دعوة بكل كلامك ده ودلوقتي هدخل الحمام ارجع الاقيكي مجهزالي نفسك

مها..انتو ايه مش بشر طب الكلام ده مش هيحصل الاعلي جثتي

توفيق.. هو ايه اللي مش هيحصل طب هنشوف كلام مين اللي هيمشي.. وقرب منها توفيق وشدها ليه بالعافية وفجأءة قطعلها بلوزتها وقعد يضرب فيها ويقربها ليه بالعافية

في نفس الوقت كانت جات جهاد وسمعت الصوت وفضلت تخبط ع الباب لغاية ما توفيق ساب مها وفتح الباب

جهاد اول ماتوفيق فتح وشافت مها اتخضت من منظر

جهاد. . توفيق في ايه صوتكم عالي جدا واحنا عندنا ضيوف تحت يالا يامها كلمي مامتك عايزاكي تحت وراحت واخدة مها عندها قوضتها تظبط نفسها وطبعا حكتلها اللي حصل وغيرت هدومها المتقطعة ولبست من عند جهاد

في نفس الوقت كان جاسر نازل علي السلم وهي سلمي واحلام قاعدين تحت

سلمي..في نفسها ياعيني عليكي يامها بقا الواد جاسر القمر ده قدامك طول اليوم وانتي قاعدة مع الرجل الالي اللي فوق ده ربنا يكون في عونك

جاسر .. السلام عليكم ورحمة الله

سلمي واحلام.. وعليكم السلام

وراح خارج الجنينة

في التليفون

جاسر.. ها يامازن جبت التوكيل معاك علشان امضيلك عليه

مازن.. اه يا بني جبته انت وراك غير تعبي انا خلاص علي باب الڤيلا اهو وداخل

جاسر.. اه شوفتك يالا ادخل ولا استناك

مازن.. لا استني انتي هتمضي وهمشي علي طول انا لسة راجع من الجامعة وتعبان عايز اروح انام

وجي مازن ونزل من العربية وسلمو علي بعض

جاسر.. تعالي ندخل جوة

مازن. .لا خلينا هنا الجو حلو

جاسر.. لا انا حاسس اني تعبان انهاردة مش هقدر اقعد في الشمس

مازن.. سلامتك خلاص تعالي ندخل

وطبعا مازن دخل واول ماشاف سلمي كان ناقص يطلعلو جناحين يطير بيهم من كتر الفرحة

مازن.. سلمي!!

احلام بصوت واطي.. مين ده يابت انطقي قبل ما اكسرلك رقبتك

جاسر.. ايه ده انت تعرف سلمي

مازن.. اه طبعا عز المعرفة سلمي تبقي...... وقبل ماينطق

سلمي.. ماما دكتور مازن استاذي فالجامعة

جاسر بهمس لمازن.. مش عارف ليه شاامم حاجة مش طبيعية يا مازن

مازن ..هاااار احووووس عليك انهاردة خلاص بعدين اقولك

جاسر.. اه طب انا بقول نطلع نقعد برا فالجنينة

مازن.. جاسر يا حبيبي الشمس غلط عليك يا بابا

جاسر.. يارااااااجل للدرجادي خايف عليا

مازن.. اه طبعا اومال ايه انا ليا مين غيرك احبه واخاف عليه ياقلبي
جاسر.. خلاص يا نحنوح اترزع وهات الورق امضيهولك عشان تتكل انت جاي تعبان وعايز تروح تنام

مازن ..لاخلاص انا قاعد شوية ((وبطريقة فوكاهية)) سلمي تعالي هنا عشان اااا.. تشوفي الورق بتاع التوكيلات وتتعلمي بيخلص ازاي ((اي كلام في العبيط عشان يجبها تقعد جنبه واستغل ان فيه مسافة كبيرة بين ماهما قاعدين وبينه))

سلمي تنحت

احلام ..وده مهم يا ابني ممكن تمتحن فيه

مازن.. اه يا طنط طبعا

احلام بنية صافية.. طب روحي ياسلمي خليه يذاكرلك شوية

سلمي.. يذاكرلي ايه يا ماما هو انا في المدرسة

احلام.. يابت اسمعي كلام المستر

جاسر فطسان علي نفسه من الضحك... مستر طب قرب يا مستر عشان امضيلك الورق

سلمي بعد الحاح من احلام راحت قعدت جنب مازن

مازن بصوت واطي.. ايوة بقا جاسر احياة عيالك 2 لمون عشان المذاكرة بس وبراحتك يعني مش مستعجل

جاسر.. ده بعينك افهم الاول

مازن.. بعدين يا جاسر

جاسر.. دلوقتي

مازن.. الحب يا سمج

جاسر.. انت لعبي يا مازن ومش بتاع حب وبعدين يعني اللي حبو عملو ايه

مازن.. دي اول مرة فحياتي احب صدقني بقا مش وقته وحياة امك قوم. ...وقام جاسر

سلمي ..مازن وبعدين متسوقش فيها عشان ماما مش فاهمة ينفع اللي انت بتعمله ده ...ده اسمه جنان علي فكرة

مازن.. لو حبك جنان مش هستني لحظة واحدة وهتجنن

سلمي..ماما هنا وهتاخد بالها

.مازن.. احنا بينا وبينها 10متر ...وحشتيني

سلمي.. علي فكرة لسة سايباك من ساعة

مازن بتوحشيني لما بغمض عنيا

سلمي.. بجد يامستر

مازن.. بجد يارروح وقلب وعقل وحياة وعيون المستر

جاسر.. طب اللمون يا مستر

مآزن.. روح داهية تاخدك وتريحني انت ايه اللي جابك دلوقتي. ده انت فصيل

سلمي اتكسفت ورجعت مكانها عند امها

في نفس الوقت كانت مها نازلة علي السلم وجات عنيها هي وجاسر في عين بعض لثواني ولف وشه بعيد عنها مازن خده قالو تعالي نقعد في المكتب

مازن.. جاسر انت هتفضل كدة كتيير ما خلاص يا ابني اللي حصل حصل

جاسر اكتفي بنظرة استغراب لصاحبه

مازن.. انا عارف انك موجوع بس خلاص بقا امر واقع وهتبقي قدامك علي طول يعني خلي دمك خفيف شوية ابوك ياخد باله.

جاسر.. مش قادر يامازن اللي شوفته مكانش سهل طول ما هي قدامي مش هيبقي في فرصة اني انساها انا بتعذب كل يوم وانا بقول لنفسي خلاص كرهتها ويرد قلبي عليا يقولي انت كداااب اكدب علي كل الناس الا انا. ... ولا كلام الدنيا كلها يكفي جرحي بس للاسف مش عارف اعمل ايه

مازن.. يبقي مفيش غير حل واحد

جاسر .. ايه هو

مازن.. انك تنشغل بغيرها.. اخطب

جاسر.. ايه.. لا انا عمري ما حبيت غيرها

مازن.. طول ما انت قاعد فاضي مش هتنساها

جاسر.. واظلم واحدة ملهاش ذنب ليه

مازن. . هتظلمها فايه انت هتخطب وتتجوز

جاسر.. هفكر سيبك مني دلوقتي انت ناوي علي ايه

مازن .. هخطبها.

جاسر.. انت ماالك انهاردة هي طالبة معاك خطوبة ولا ايه

مازن لا بصراحة طالبة معايا استقرار كفاية عط بقا عايز امشي مستقيم ويالا بقا كفايا رغي زمان الغدا جهز انتو بتتأخرو قوي فالغدا علي فكرة

جاسر.. اه ده انت داخل علي طمع بقا

مازن.. انهاردة بس

وخرجو برا لقيو احلام وسلمي عايزين يمشو.

مها.. ماما انا قولتلك علشان تتغدي معايا مش تقعدي شوية صغيرين وتمشي

احلام.. اصل الوقت راح واحنا كنا فاكرين لسة بدري

مازن وهو باصص ل سلمي .. وقت راح ايه بس يا طنط انتو لازم تتغدو معانا عشان حتي يبقا عيش وملح

جاسر.. بصوت واطي.. شايفك بتعزم في بيت ابوك يعني

مازن.. عادي بقا انا وانت واحد يا جسورة

وقعدو كلهم ع السفرة وجه توفيق وبالصدفة قعدت مها قدام جاسر وسلمي قدام مازن طبعا مازن قاعد مبحلق لمها وهي خايفة مامتها تاخد بالها بس لا حظ ان كمان جاسر بيبص لمها وهي كمان بتبصله وخاف لباباه ياخد باله

مازن في نفسه.. ده شكل مها هي كمان مش هتجبها لبر انا لازم اتكلم معاها واقولها تبعد عن جاسر مينفعش كده وراح عمل نفسه شرقان علشان يلفت انتباه الكل ومحدش يلا حظ حاجة علي علي مها وجاسر

احلام.. سلامتك يابني اشرب مية اديلو يا سلمي الكوباية

سلمي.. اتفضل

مازن بصوت واطي.. احلي اتفضل سمعتها فحياتي

جاسر.. مازن خف امها قاعدة

مازن.. وانا عملت ايه قول لنفسك انت اللي باين عليك ع الاخر عنيك فضحاك

في نفس الوقت دخل مروان

مروان.. خيااااااااااانة بتتغدو من غيري

جهاد.. بطل بكش انت قولت عندك شغل

مروان.. اخ من ياچيدو انتي يا قمر ياللي فهماني

جهاد.. طب يالا اقعد اتغدي

مروان.. لا شكلي مش هلحق انا جاي اخد ورق مهم وراجع تاني.

جهاد.. لا الكلام ده مينفعش اتغدي وبعدين امشي

مروان.. امرك يا ست الكل.

وقعد مروان وطبعا واخد باله من مازن اللي عينه مبتنزلش من علي سلمي. فحب يغيظه

مروان.. بس ايه يا سلمي القمر ده ماشاء الله اللي بيدخل الجامعة بيحلو كده

مازن بصوت واطي.. عندك يا نجم سلمي تخصني اركن في حتة تانية

مروان.. مازن يا حبيبي انت متاكد انك دكتور فالجامعة مش سواق توك توك يا قلبي

مازن.. بطل سماجة

جهاد.. اه صحيح يا جاسر سهي بنت خالك جاية من السفر ياريت تقابلها في المطار لحسن خالك ومراته مش جايين معاها

جاسر.. حاضر يا ماما
قصص رومانسية | حب لا يجوزشرعا "الفصل الثامن"وعشق ورومانسية بدون وجه حق

مازن.. بس! ............ هي دي يا معلم.

لينظر له جاسر ثم ينظر لمها بتحدي..

                                                            يتبع ...

يا ترى فعلا جاسر هيخطب سهي؟
ومها هتعمل ايه؟
ومروان هيفضل كده ولا هيتعدل؟

ومستنيين تعليقاتكم وتوقعاتكم للفصل التاسع من الروايه ولو الروايه نالت اعجابكم نتمنى تشاركوها وتقدروا تتابعونا من خلال صفحتنا على الفيس بوك

عن الكاتب

Marwa Raafat

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26