قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

قصص قصيرة كوميدية .. الفانوس السحرى ( الحلقة الثانية )

نعود اليكم من جديد والجزء الثانى من مجموعة قصصية كوميدية من القصص القصيرة بعنوان ( الفانوس السحرى ) والتى نقدمها لكم من خلال موقعنا قصص 26 , نستعرض لكم الجزء الثانى والذى تورد احداثه من وحى الخيال تدور احداثها داخل مصر من الشخصيات الطبيعية التى نقابلها يوميا فى حياتنا .

قصص قصيرة كوميدية .. الفانوس السحرى ( الحلقة الثانية )

الجزء الاول :قصص قصيرة كوميدية .. الفانوس السحرى ( الحلقة الاولى )

الفانوس السحرى .. شيلنى وأشيلك 

توكى : شيلنى وأشيلك مش بتقولوا كده فى مصر ولا فاكر أن الفلوس حتجيلك وأنت قاعد كده بالسهل .. 
ده كان زمان أيام شهر زاد أنسى .. وكل ما هتبيع أكثر هـ نملى لك المخازن أكثر وأكثر وتتغنى وتبقى مليونير أيه رأيك.. 
موافق - موافق
ثانيا: لو مادفعتش ثمن البضاعة والشيطان وزكك أنك تدوس على ثمنها حنفضى المخازن وحناخد حقنا من حبابى عنيك .. موافق
- موافق ياتوكى طب لو البضاعة ماتبعتش أو ملهاش سوق عندنا حتعملوا أيه
- دى بقى مالكش دعوة بيها أحنا بنجيب البضاعة أللى لها سوق عندكم والزباين والتجار أللى حيشتروا منك أحنا أللى حنجيبهم ما عليك أنك تقبض وتورد لنا ثمن البضاعة وتاخد حقك وتدينا حقنا صعبة دى ياحاج زيزو
- لأ مش صعبه.. طب مفيش حاجة كده تحت الحساب نبل بيها ريقنا
- أنتى عايزه حاجة ساقعة زيزوو
- حاجة صاقعة أيه ياتوكى .. قصدى كام ألف جنيه على عربية على فيلا جديده بعفش جديد .. حاجة كده تليق بشيخ بندر تجار الصين الشعبية
- حاضر يازيزو وكله بثمنه – يعنى أيه .. كله حنخصمه من الأرباح .. هو أحنا لحقنا نبيع ولا نشترى .. دى بزنس مافيش هزار زى ما أتفقنا .. غمضى عينك يازيزو فتحى
أفتح عيناى لأجد نفسى فى مكتب فخم ولا مكتب رئيس الوزراء فأقوم من مكانى لأتفحص المكان وأنا منبهر فكل مافى المكتب صنع فى الصين من أول الأقلام حتى الكمبيوتر والفاكس والتكييف والسجاد والكراسى والمسبحة وسجادة الصلاة وأنظر من نافذة المكتب فأشاهد نهر النيل العظيم مازال يجرى فحمدت الله بأنى مازلت هنا فى مصر وأسمع طرقات خفيفه على الباب وتدخل بنوته صينيه وهى تحمل ملفات وتضعها على مكتبى وتنحنى وهى تقول : صباهك سهيد مسيو زيزو.. لو سمحتى أمضى أوراقى الصفقة الجديده
- أنت مين وصفقة أيه
- أنا كيو سكرتيراتو بتاع حضراتكم..صينيه برضه ..تومام
- صفقة أيه أللى ح أمضى عليها يا كيو
- دى صفقة غطيان الأزازات
- حتى غطيان الأزايز بنستوردها ودى بكام ياكيو
- دى بعشرة مليون جنيه بس ..- ولينا كومشين كام من غطيان الأزايز ياست كيو
- مليون جنيه يامسيو زيزوو حيتخصم منهم قسط الفيلا والسيارة ومرتبات الموظفين
يتبقى لحظرتك خمس آلاف جنيه غير الضرايب
- ضرائب أيه هو أتبقى حاجة ياكيو
- أحنا بنقسط الضرايب مسيوو ..- كام يعنى ..-عشرة آلاف على كل صفقه
- الله يعنى حبقى مديون وممكن الضرايب تحجز عليا ومش بعيد أدخل السجن الله يخرب بيتك ياتوكى ده مش فانوس سحرى ده فانوس فقرى
- مين توكى مسيو زيزو
- دى عملى الأسود ورطتنى أنا بس لما أشوفها أتفضلى شيلى الورق ده من قدامى وأخرجى وسبينى
تنحنى يوكى وترفع الملفات وتخرج وتغلق الباب ويبحث عن الفانوس فيجده أمامه فى المكتبه فيأخذه ويدعك فيه لتظهر توكى وهى تنحنى وتقول : شبيكو لبيكو توكى بين أيديكو مسيو زيزو
- بتورطينى ياتوكى طلعتى أرباحى كلها مصاريف وأقساط وسايبانى للضرايب يخربوا بيتى دى حركة تعمليها فيى.. الأسم فانوس سحرى ووكيل تجارى لعموم بضايع الصين لكن فى النهاية أنتم المستفيدين بعتم بضاعتكم ومشيتوا أموركم وأولع يازيزو وأخرج من المولد بلا حمص وكمان ممكن أشرف فى السجن ...ياحلاوه

انتظروا معنا الجـزء الثالث 
نرجو ان تنال قصة الفانوس السحرى من مجموعة قصص قصيرة كوميدية اعجابكم ويسعدنا تلقى ارائكم وتعليقاتكم من خلال التعليقات اسفل القصة او من خلال صفحتنا على الفيس بوك .. دمتم بخير :) 

عن الكاتب

Khaled Ahmed

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26