قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

خطيبى محترم جدا وانا رافضه اكمل معاه | فضفضه مع ماما نونا | موجوعه

الزواج شركه بين طرفين يجب ان يسوده الاحترام والتفاهم والود ..الحب ليس قاعده اساسيه فى كل زواج 
كتير الحب بيتولد مع العشره ..القصص الرومانسيه ليست شرط حتمى ليكون الزواج ناجح .
وصلتنى رساله من فتاه رافضه تكمل مع خطيبها رغم انه انسان مثالى ...تعالوا نقرأ سوا الرسالة

حبيبتى ماما نونا ..انا متابعه الموقع من فتره ومحتاجه رايك جدا


انا 29 سنه واتخطبت قبل كده مرتين ومحصلش نصيب انى اكمل 
من اسبوعين اتخضبت الخطوبه الثالثه وعندى مشكلتين مع خطيبى 

المشكله الاولى خطيبى قاعد معايا يومين وسافر بره مصرلانه بيشتغل فى دوله من دول الخليج وهينزل قبل الفرح على طول يعنى بعد6 شهور
وعندى احساس انى مش مبسوطه لانه مش هيبقى معايا ومش هعرف افهمه كمان مش هعيش احلى فتره فى حياة كل بنت 
يعنى الخروج والفسح  

المشكله التانيه انا حاسه انه اقل منى انا اخصائية تحاليل وبعمل ماجستير وهو بيشتغل مندوب مبيعات فى شركه فى الخليج انا كنت اصلا رافضه من الاول بس اهلى مبسوطين بيه اوى  هو كويس ومحترم ورجل.

بس نظرتى بعد اسبوعين خطوبه مش عايزة تتغير ده غير انه مدخن وانا مش بحب التدخين
المجمل انا مش مستريحه اعمل ايه ؟؟

اتكلمت مع اهلى بصراحه انى مش مرتاحه فقالوا الحب بيجى بالعشره بس انا مش مستريحه وقلقانه مش مساله حب.

اعمل ايه ؟؟ عايزه احل الارتباط دا بس من غير مااتسبب فى جرحه لانه انسان طيب

وارجع افكر انى ادى لنفسى فرصه بس خايفه يتعلق بى اكتر

على فكره هو ماديا كويس بس انا مش ببص للماده غير انى حمله هم مشكله الرجل المسافر بره بعد الجواز مش بيقدر ياخد مراته معاه
ياريت تنصحونى اعمل ايه وازاى اقنع اهلى هو شايفنه فرصه ..انصاحينى ياماما نونا.

راى ماما نونا

ابنتى الغاليه ..مبدأيا كدا انتي تنظرين للفرق التعليمي بينكم ودا ممكن في المستقبل يسبب مشاكل بالاضافه الى انك  انتي فعلا مش هتقدري تعرفيه بما فيه الكفايه عشان سفره والمده الي قعدها معاكي قليله جدا لكن كمان اسبوعين مش كفايه عشان تقولي مش عايزاه 

مفيش قدامك غير انك تصبري شوية وتصلي استخاره وتعرفيه اكتر وتشوفي نفسك انتي هتقدري تكملي ولا ايه لكن متطوليش عن شهر بالكتير وتحسمي امرك فى الفتره دى حاولى تتكلمى معاه كتير حتى لو عن طريق النت ..المهم تقربى من شخصيته وتفكيره وربنا يوفقك للصالح .



يسعدنا تواصلكم معانا ونرحب باي تعليقات على مشكلة اليوم.

ممكن تتواصلوا معانا دايما هنـــــــــــــــــا
او على صفحتنا فى فيس بوك


عن الكاتب

ماما نونا

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26