قصص 26 قصص 26

آخر الأخبار

random
جاري التحميل ...

يسعدنا تلقي اقتراحاتك أو تعليقك هنا

روايات رومانسية كاملة | رواية العشق الضال "الفصل الثاني"

مرحبا احبابي متابعين قصص 26 أهلا بكم معنا في روايات رومانسية كامله ورواية "العشق الضال" بقلم فاطمة محمد رزق ...  تقدروا تتابعوا الفصل الأول من هنا
أغلقـت قلبـها الى وللأبـدد ولـم تهتم يوماً بتلك اللعنة التى يقال عنـها "الحب" .. لم تعتقد لوهلـة أنه قد يأتي اليوم الذي تـدخل فيه عالم "الحب" .. منعتـها كل الظروف عن إبدائها لمشـاعرهـا -لقد عشقهـا لم يعد يرتـوي إلا بحـبها يقول لقد عشـقت حنـانها .. لم أره على أيٍ من البشر الحقودين الذين تلوثت قلوبهم بالعفن .. قلبها الصافى النقي .. روحها السمحة .. ضحكتـها أآآآه من ضحكتـها إنها وللحـق ملاك يعيش على ارضنا هذه .. لقد أبديت لها عشقي بأفعالي ولكن لم اعطها تلميحاً بسبب تلك .. الظروف ! هـل ستظل الظروف هى الحاجز بين حبهما ؟! أم هـل يستمر ذاك العذاب طويلا ؟! بل هل سيتركها ترحـل من بين يديه بعد أن ملكها ؟! أم يتمسك بعشقه الضآل .. هذا ما ستجيبه أحداث الروايه لنا .. أتمنى لكم قضاء أوقات ممتعه معنا ...


روايات رومانسية كاملة | رواية العشق الضال "الفصل الثاني"


الحلقه الثانيه
اسماء:طب دى حاجه جميله جدا انتى عارفه انى بحب جنى جدا ايه الى بيخليه ميتقدمش وهو جاهز من كله !!
فرحه:الصراحه ياماما حجته ان العيله بتاعتنا مفككه كل واحد فيها ف جنب يعنى سعات نفضل شهر كامل مانشوفش بعض !! هو مش عارف يروح يتقدملها ازاى !!! هو متدايق من كده فاهمانى
اسماء بحزن:اه فهماكى ياحبيبتى طب انا رايحه انام الوقت عاوزه حاجه
فرحه:لا عاوزه سلامتك
اسماء:تصبحى على خير
فرحه بابتسامه:وانتى من اهل الخير ياحبيبتى
ذهبت اسماء الى غرفتها فقالت فرحه لنفسها:يمكن انا قسيت عليكى ياماما لما قلت كدا بس انا تعبت من الحال دا ويوسف زهق كمان حتى انتو تعبتو نفسى بقا نرجع عيله واحده ونتلم تانى
نزلت من عينها دمعه اخفتها وهى تقول:اكيد ان شاء الله اللى جاى احسن
ثم قامت من على سريرها كما اعتادت ان تفعل كل يوم قبل نومها واحضرت مصحفا لتقرأ به ايآت القرآن الكريم وبدأت من الايه التى قد توقفت عندها بصوتها العذب ترتل الآيات"لا يكلف الله نفسا الا وسعها لها ماكسبت وعليها ما اكتسبت ربنا لا تؤاخذنا ان نسينا او اخطأنا ربنا ولا تحمل علينا اصرا كما حملته على الذين من قبلنا ربنا ولا تحملنا ما لا طاقه لنا به واعفو عنا واغفر لنا وارحمنا انت مولانا فانصرنا على القوم الكافرين......." كانت تقرأ الايات وعيناها تفيض من الدمع فكل كلمه تقرأها تناجى بها ربها وفى نفسها تقول كم انت رحيم ياالله فعندما تغلق كل الابواب امامنا ولا نجد اي باب مفتوح يفتح لنا بابك على مصرعيه كم اشكرك ربى على تلك النعمه "نعمه الاسلام" ..
****
حين خرجت اسماء من غرفه ابنتها وهى تبكى من ذاك الكلام التى قد سمعته ركضت الى غرفتها وهى تبكى بشده وهى فى الطريق اصتطدمت بمحمد ولكنها لم تنتبه
دخلت غرفتها واغلقت الباب عليها وسمحت لدموعها ان تتساقط بكل حريه
اسماء ببكاء حاد:يارب طب انا كدا ام وحشه انا السبب فى تعاسه ولادى ابنى بيحب واحده وبسببى انا وابوه مش عارفين نجوزهالو اكيد اصلا محمد معدش بيحبنى ابدا والرجوع ليه بقا شبه مستحيل طب اعمل ايه بس يارب
وفجأه وجدت الباب يطرق بدأت تمسح دموعها وقالت بصوت شبيه بالبكاء:مين
محمد:انا محمد ياأسماء ممكن تفتحى !!
اسماء:حاضر
توجهت اسماء نحو الباب وفتحته
اسماء:عاوز حاجه ؟؟؟!!
دخل محمد الغرفه وتابع بسؤال
محمد:مالك كنتى بتعيطى ليه ؟؟
اسماء محاوله تغير الموضوع:الولاد نامو
محمد:متوهنيش يااسماء مالك ؟!!!
اسماء:مفيش
محمد بحزن:بالرغم من كل حاجه وبالرغم من كل الى حصل بينا انا موافقتش اطلقك ابدا فى يوم من الايام اليوم اللى انا اتجوزتك فيه كان اسعد يوم فى حياتى بس كان فيه حاجه قبل اما اتجوزك فتره كتب الكتاب كنت فاهمك بالملى كل حرف كل حركه اى نظره كنت بفهمك دايما ف بلاش تحاولى تخبى عليا ابدا لانى لسه زى ما انا !!
اسماء:دا من عشر سنين يامحمد انت لسا فاكرنى !!!
محمد:اه طبعا عمرى ماقدرت انساكى يوم ولا حتى حاولت انساكى انا كنت دايما متعلق بكل ذكرى فى يوم قضيناه سوى
اسماء وقد بدات تبكى:كله راح خلاص
واتبعت حركاتها بجلسه على الارض تضع يداها على رأسها وهى تقول:عارف انا مكنتش متصوره فى يوم من الايام انى اكون سبب فى عذاب ولادى بس اكتشفت ان ابنى مش عارف يتقدم لجنى بسبب اننا اسره مفككه !!!! وتابعت ببكاء قد زاد عليه الحزن هما:انا معرفش اعمل ايه دلوقت
جلس محمد بجانبها على الارض
محمد:طيب اهدى دلوقت واحنا هنحاول نحل الموضوع انتى افضلى عايشه معانا هنا وبلاش تسافرى تانى وانتى اتصرفى معايا زى ماانتى عاوزه مش عاوزه تعتبرينى جوزك شبه ال10 سنين اللى فاتو دا ياحبيبتى يرجعلك وانا عمرى ما هغصب عليكى ب حاجه
اسماء ببكاء:عارف انا مكنتش متخيله ف يوم من الايام ان احنا نقدر ننفصل عن بعض 10 سنين متخيلتهاش !!
محمد بحزن:كل مشكله وليها حل حتى مشكلتنا اللى حصلت دى انا فعلا غلطت لما شكيت فيكى بس !! كانت كل الادله ضدك وكنت مصدوم مقدرتش اتحمل والله وبعدها اما عرفت الحقيقه حاولت اصالحك كتير بس انتى مرضتيش اسماء انا عملت كل حاجه عشان ارجعك مرضتيش جيت اعتذرتلك قدام اهلك مرضتيش اترجيتك تفضلى بردو مرضتيش عملتلك حفله ومفاجاه كبيره عشان ترضى بردو مفيش بردو انتى زى ماانتى وفضلت كلمتك متعلقه ف دماغى "انا بكرهك" مش قادر اوصفلك الكلمه دى وحشه ازاى ولا حتى شعورها ناحيتى انا كنت بتعذب بدل المره الف وكل يوم اصبر نفسى واقول هترجع مفيش بردو مجتيش خالص
زادها ذاك الكلام حزنا وبدا بكائها يزداد
امسك محمد يدها وقال
محمد:وبالرغم من كل دا انا لسه بحبك حبى ليكى مقلش ولا ثانيه بالعكس كان بيزيد
نظرت له وكأن تلك الكلمات التى كانت تنتظرها منذ الازل
تابع محمد قائلا:بطلى عياط بقا
اسماء ببكاء:هو انا ظالمه اوى كدا
محمد بحزن:انا اللى ظالم عشان قلت الكلام دا دلوقت !!
ووضع يداه الاثنتان على وجهها ومسح لها دموعها وفجأه قامت اسماء باحتضانه بقوه وهى تبكى..
صدم محمد فى بادئ الامر لم يعلم هل يفرح لاجل ماحدث الان وانها بين يديه بعد سنوات من الشوق والحنين اليها ام يحزن لاجل بكائها المستمر ضمها محمد اليه بشده واخذ يربت على شعرها وهو يردد
محمد:خلاص اهدى ياحبيبتى خلاص
اسماء ببكاء:والله انا كمان بحبك اوى وكنت بتعذب فى كل لحظه فراق انت كنت كل حياتى
محمد:مره واحده بس مره واحده كنتى تيجى وتقولى عاوزه نرجع على طول كنا هنرجع واحسن من الاول كمان
اسماء:انا مقدرتش اعمل كده انا اللى بدأت و فى نظرى كان لازم افضل على نفس الرأى
محمد:بس انا عاوزك تفتكرى انا هفضل جمبك فى اى قرار هتاخديه هفضل دايما جمبك وهدعمك ولو عوزتى فى يوم نرجع انا قلبى مفتوح
بدأت اسماء تهدأ وكأنها كانت فى احضان والدتها الحنون وبدأت بالابتعاد عنه
نظر لها محمد مطمئننا وكأنه يقول "لاتخافى ياحبيبتى سأظل دوما معك وان رحل الجميع سأكون دوما معك سأحبك وسأعطيكى الحنان الى ابد الدهر"
ابتسمت اسماء لتلك النظره وبدأ محمد بالوقوف ووقفت اسماء ايضا
محمد:بصى يا اسماء انتى هتفضلى فى البيت دا اما موضوع جنى دا فاحنا هنروح نتقدملها وانا هكلم والدها احنا صحاب وهحدد معاه معاد
اسماء بابتسامه:ماشى
خرج محمد من الغرفه وعلامات السعاده تملأ وجهه التعيس منذ زمن بعيد ..
اما اسماء فكانت تخاطب نفسها قائله:هو انا ليه حضنتو بجد!! بس هو كان واحشنى اوى معقوله هو بجد لسه بيحبنى ومنسانيش !! بس انا بجد كنت محتاجاه ..!!!
****
كانت فرحه جالسه فى غرفتها وكانت لاتزال تقرأ من كتاب الله العزيز دخل عليها يوسف وهى عند ايه تقول "ولا تيأسو من روح الله انه لا ييأس من روح الله الا القوم الكافرون"
يوسف:صدق الله العظيم والله كأن ربنا بيبشرنا
فرحه:انت جيت امتى !!!
يوسف:حالا كنت عاوز اقولك على حاجه
فرحه:اه قول انا معاك
يوسف:فرحه انا فرحان اوى انا كنت نايم وصحيت عطشان جدا جيت اروح المطبخ عشان اشرب لقيت بابا بيخبط على ماما وماما كانت بتعيط وفهمت انك قلتلها على انى عاوز اتقدم لجنى
فرحه:انا اسفه والله بس
يوسف مقاطعا:ياحبيبتى متعتذريش دا كان حل حلو اوى اسمعى بقا اللى حصل ياستى بابا دخل على ماما و ..
****
فى بيت ياسين
كان لا يستطيع النوم بسبب حزنه على اخته وتذكرها حينما قالت له...
حبيبه ببكاء:بص انا كنت راحه الجامعه من شهر لمحت خالد فاستغربت ولما قربت منه لقيته ماسك ايد بنت وبيبوس راسها وبيقولها مع السلامه ياحبيبتى
وبدأت تنهار باكيه وياسين يضمها اليه قائلا
ياسين:اهدى ياحبيبتى عشان خطرى اهدى بس انا مش مصدق خالد يعمل كدا ازاى!!!!!!!!!!
حبيبه ببكاء:اه والله عمل كدا
ياسين بغضب:والله العظيم انا هوريه
ابتعدت عنه قائله
حبيبه:متكلموش ولا كلمه انا امبارح كلمته وهزقته وقلت كل حاجه وقفلت فى وشه بعدها متكلموش خلاص ولا كأننا لينا علاقه بيه
وانهارت باكيه من جديد
عاد ياسين الى الواقع ومشاعره مختلطه بين الحزن والغضب الشديد والندم على موافقته هو ووالده على خالد!! وبعد محاولات عديده استطاع ياسين النوم اخيرا بصعوبه كبيره ...
****
مر اليوم على ابطالنا جميعا ولله الحمد بكل خير
فى صباح اليوم الثانى وبالتحديد فى بيت فرحه
استيقظت فرحه من نومها باكرا الساعه السادسه وذهبت الى الحمام لتغسل وجهها وتتوضأ ثم خرجت من الحمام وأدت فرضها ثم ذهبت الى غرفه اخيها يوسف ودخلت عليه
فرحه:يوسف يلا اصحى بقا عشان متأخرنيش
يوسف بصوت نائم:اه اه انام شويه بس
فرحه:قوم بقا يابارد انت مش قلتلى انا الى هوديكى الشغل بكرا
يوسف بنعاس:اما يجى بكرا بقا
فرحه:ما النهاردا بكرا ياذكى ثم تابعت بصوت اعلى:قوووووم بقا
يوسف وقد بدأ يستفيق:حاضر شويه بس
فرحه بحزن مصطنع وهى تتجه نحو الباب:انا هفتح الباب وهخرج منه ومش هطلب منك حاجه تانيه وهتحمل جرح قلبى والدمعه اللى على خدى
يوسف:طب كويس وخدى الباب معاكى وانتى خارجه
فرحه:عاااااااااااااا هضربك والله
واحضرت وساده من على سريره وبدأت تضربه بها بقوه وهى تقول
فرحه:خد دى ودى عشان مش راضى تصحى ودى عشان تقولى خدى الباب معاكى وانتى طالعه انا هوريك
يوسف وهو يقوم من على السرير:اه اه طب براحه انا قايم
فرحه وهى تستمر بضربه:لا مش براحه خد دى
يوسف:بقا كدا
وتناول وساده بجانبه وبدأ يضربها بها وهى تستمر بضربه واستمرو لفتره بتلك الحرب الممتعه الى ان بدأو يضحكون سويا
فرحه:هههههههههه مش قادره خلاص
يوسف:ههههههههههه ولا انا فاكره زمان كنا نفضل نلعب كدا كتير
استلقت فرحه على السرير وهى تمد يداها الاثنتان وتقول:اااااه كل حاجه زمان كانت احسن بكتير
يوسف وهو يستلقى بجانبها:بس انا عندى احساس ان اللى جاى احسن
فرحه بابتسامه:وانا كمان
ثم قامت بسرعه من على السرير وهى تصرخ
فرحه:الشغل الساعه كام !!!!
يوسف:يابت لسا بدرى الشغل 9 ودلوقت الساعه 7ونص
فرحه:لا ما احنا لسا هنلبس وحجات كتير يلا بسرعه
يوسف:هههههههه حاضر حاضر يلا ..
****
فى بيت جاسم
جاسم:بابا ماما انا رايح الشغل عاوزين حاجه
الام:لا ياحبيبى متتاخرش بس عشان الغدا
جاسم:موعدكيش ياماما والله اصل النهاردا هفضل اختار مذيعات جداد وانتو عارفين المناظر الى بنقابلها
الام:اه بس حاول متتاخرش
جاسم:حاضر ياحبيبتى
الاب:جاسم هو ياسين مش جاى معاك ولا ايه !!!
جاسم:هههههههههه لا الواد طفش ثم تابع بإشاره اصبعه الى الخلف وهو يقول:فاكر اخر مره كانو 200 اختارت منهم 3 وبالعافيه ف اتعقد منى
الاب:ههههههههه والله انت مفترى متنساش انه ابن صاحبى ياولد
الام:ههههههههه ابنك هيطلع عينهم ربنا يكون فى عونهم
جاسم:بتدعيلهم والله مايستحقو بيحسسونى انى بقولهم اظهرو على التلفزيون دى اذاعه يعنى على الراديو مش هيظهرو بس لا كل هدفهم يغرو المدير دا ويوقعو الراجل دا حاجه والله تخلى الواحد يقرف
الاب:معلش يابنى الشغلانه دى كلها كدا
جاسم:ماشاء الله ياحاج سليم تقعد انت عن الشغل وتخلى ابنك يشتغل ويشوف المناظر دى كل يوم وترجع تقوله معلش يابنى الشغلانه دى كلها كدا
سليم:هههههههه ما انا اخدت دورى خلاص الدور عليك انت وياسين بقا
جاسم:هههههههه لا من ناحيه ياسين ف هو كره الشغلانه دى اصل الواد جامد الصراحه عيون زرقه وشعر مسبسب وطويل دا كله كوم وضحكته الى بتبين غمزاته دى كوم تانى خالص حاجه تفتح النفس كدا وتلقى البنات هناك عاوزه تلزق فيه
سليم:ههههههه الواد هيتحرق حرام عليك كفايه حسد
جاسم:ههههههههه بقا كدا يابابا انا عمرى حسدت حد
سليم:هههههههه لا الحمد لله انك مش بتحسد والا كان فاتو اتشوه!!
الام:ههههههههه جرا ايه ياسليم انت ناسى ابنك ولا ايه دا قمر هو كمان وعندو نفس الجمال
سليم:والله ياصبرين معاكى حق بس هو مش واخد باله !
جاسم وهو يضع يداه على فمه ويرسل قبلات ف الهواء:شكرا ياجماعه لا داعى للاطراء
سليم:جاسم انت اتأخرت على الشغل يلا امشى
جاسم:ههههههههه طب حتى سبنى اكمل المشهد
سليم:يلا ياواد على الشغل متتأخرش
جاسم:هههههههه حاضر حاضر متزقش ..
****
فى بيت ياسين
حبيبه:استنى افطر الاول قبل ماتنزل
ياسين:يابت هتأخر والله مفيش وقت
حبيبه:افتح بقك يازفت مش هتمشى الا لما تاكل
وضع ياسين يده على كتفها وقبل رأسها وهو يقول:هاكل والله عشانك بس انتى اكلتى
حبيبه تحاول التهرب:بس انت كل دلوقت يلا
ياسين:ااااااه مكلتيش !!!
قاطعه رنين هاتفه فاخرجه واجاب
ياسين:الو .. لا انا مش جاى معلش النهارده .. لالا روحو انتو عادى .. معلش فيه ظروف كده ومش فاضى .. ماشى سلام
حبيبه:ياسييين مرحتش ليه !
ياسين:لا انا كده كده اصلا مكنتش رايح انا كنت رايح على مشوار تانى بس بما انك مكلتيش يولع المشوار على الخروجه على الشغل على اي حاجه يلا عشان تاكلى
حبيبه:طب ليه كده !!
ياسين:انتى عارفه انك اغلى حاجه فى حياتى صح ومش عشان شغلى مهتمش بيكى انا مش زى بابا يلا تعالى
وسحبها من يدها واجلسها على الكرسي
حبيبه:ربنا يخليك ليا يارب
ياسين:ويخليكى ياحبيبتى يارب حبيبه انا مش عاوزك يوم تدارى حزنك عليا شاركينى حزنك مش انتى لما ماما الله يرحمها ماتت وانا كنت تعبان جيتى انتى وواستينى مع انك كنتى تعبانه جدا وقلتيلى احنا مش لازم ابدا ندارى زعلنا على بعض وفضلنا نعيط سوا انتى بقا فضلتى شهر كامل مخبيه على اخوكى تعرفى انا زعلت اوى انك مقلتليش
حبيبه:ما انا مكنتش عاوزه ادايقك وف نفس الوقت مكنتش قادره اتظاهر بالبرود واللا مبالاه ثم تابعت ببكاء:لان انا مش بحبك تزعل
ضمها ياسين اليه وهو يقول:بصى ياحبيبتى من هنا ورايح اى حاجه تحصل تعالى قوليلى وانا هقف دايما معاكى فى اى حاجه يلا بقا عشان تاكلى وبطلى عياط
وابتعد عنها ومسح لها دموعها وشرع فى اطعامها وبادلته اطعامه هى الاخرى حتى انتهو ..
ياسين بابتسامه جذابه:تيجى نخرج
حبيبه بفرحه:اه فين !!
ياسين:البسى وانا هاخدك يلا
حبيبه:لا لازم اعرف الاول
ياسين:لا مفاجأه يلا البسى يابت
حبيبه وهى تتمتم بكلام كالاطفال:نانانا مفاجاه وبتاع !!
ياسين:بتقولى ايه مش عاوزه تخرجى !!!!
حبيبه وهى تصعد السلم بسرعه:هو انا اتكلمت دقيقه وارجع
ياسين:هههههههه مجنونه اقسم بالله واكمل بصوت منخفض:ربنا يسعدلك ايامك يارب
****
فى بيت فرحه
كانت قد ارتدت فستان طويل حتى قدميها وحجابا يغطى شعرها الجميل يزيدها جمالا ..
فرحه:يوسف لبست خلاص
يوسف:من ساعه وانتى لسا بتلبسى
فرحه:خلاص اهو يلا بقا استنى هروح اقول لماما وبابا ان احنا نازلين
يوسف:طيب بسرعه
فرحه:طيب
وذهبت من امامه لتخبر والديها
****
فى بيت ياسين
حبيبه:اااااااهو خلاص لبس
ياسين:ايه يابت القمر دا بس اشمعنا طرحه بيج على فستان لونه بنى
حبيبه:يابنى انتو ولاد مبتفهموش ف الموضه
ياسين:ياشيخه طب اتجرى قدامى يلا
حبيبه:ههههههه لا اسمها يلا يابرنسيسه قدامى
ياسين:اهو انا اقول اى حاجه عشان تظهر ضحكتك دى تانى
حبيبه بابتسامه:ربنا يخليك ليا يارب
ياسين:انا وانتى يارب
وامسك يدها وخرجو من المنزل وعند وقوفهم عند السياره
حبيبه:مش هتقولى رايحين على فين
ياسين:تؤ تؤ تؤ مفااجاه ..!
****
فى سياره يوسف
يوسف:ادينا وصلنا انا عاوزك كدا بقا تدخلى بقلب جريئ وانتى واثقه فى نفسك وانا واثق انك هتكونى Number One
فرحه:هههههههههه Number One مره واحده
يوسف:طبعا يافروحه انتى اصلا محدش زيك اصلا ثم تابع بابتسامه:على فكره انا واثق انك هتنجحى ف المقابله دى وهتبقى مذيعه اد الدنيا ..........................................................................!!!!!؟؟؟؟


روايات رومانسية كاملة | رواية العشق الضال "الفصل الثاني"
اتمنى تكون البدايه حلوه واللي حابب يتايعها هتنزل كل يوم في نفس المعاد وتقدروا تتابعوها من خلال صفحتنا على الفيس بوك

عن الكاتب

Marwa Raafat

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

قصص 26