-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية لست عاهرة بقلم محمود زغلول الفصل الأول

يسعدنا من خلال موقع قصص26 أن نقدم لكم الفصل الأول من رواية لست عاهرة بقلم محمود زغلول وهي واحدة من قسم روايات رومانسية مصرية  والتي تدور أحداثها في قالب خفيف من الدراما والمتعة باللهجة العامية المصرية.


رواية لست عاهرة بقلم محمود زغلول - الفصل الأول


رواية لست عاهرة بقلم محمود زغلول
رواية لست عاهرة بقلم محمود زغلول

رواية لست عاهرة بقلم محمود زغلول - الفصل الأول

بس بس بس بقولك ايه يا مزه مفيش فيديو جديد ..؟
مين دي ياض اللي بتعاكسها ..؟؟
مين دي ازاي انت مش من هنا ولا ايه ..!!

دي البت دنيا انت مشفتش الفيديو بتاعها اللي علي النت ولا ايه ..؟

ااااه هيا دي بقا دنيا اللي بيقولوا عليها اللي عامله فيديو لا مؤاخذه هههههههههه ؟؟

ايوه هيا دي الليييي لا مؤاخذه ههههههه ..!!!
بس مش باين عليها يا جدع ...!

عارفه يا عبير ايه اكتر حاجه وجعاني وكسره قلبي ؟؟
ايه يا دنيا ..؟
قولي يا حبيبتي وفضفضي ..؟
اني خلاص حاسه اني مبقتش انسانة مبقاش عندي اي احساس من كتر مبسمع كلام الناس عليا في وشي ومن ورا دهري

ونظرتهم ليا اللي كلها احتقار وشهوه وشفقة الناس كلها شايفاني واحده زباله ..!!!

واحده ممكن تعمل اي حاجه مع اي حد ..!!
واحده "عاهرة "

دنيا دنيا ..؟
كلمي يا دنيا ماما بتنادي عليكي
ايوه يا ماما نعم ..!؟

انا مش قلتلك متنزليش الشارع تاني ومتخرجيش بره عتبة البيت ....

انتي عاوزه تعملي فيا ايه تاني حرام عليكي مش كفايه سمعتنا اللي بقت علي كل لسان ....!!

ياريت كان ابوكي عايش كان قتلك ودفنك قدام الناس عشان نخلص من عارك ...!!!

وقفتي حال أختك بعد مكانت خلاص هتتجوز انتي عاوزه منا ايه ...!!!

متخرجيش من باب الشقه تاني يمكن الناس تنسي اللي حصل والا قسما بالله اكون دبحاكي انا بأيدي ...!!!

يلا غوري من وشي مش عاوزه اشوف خلقتك قدامي ....!!

بكيت كتير .. بس تقريبا دموعي خلصت من كتر البكاء ....

تقريبا 24 ساعة انا ببكي بس ....
وكل لحظة بتعدي عليا بحس فيها بالندم والظلم ..

كل مفتكر اللي حصل بتحسراكتر ...
فكرت مليون مره اني انتحر واخلص من حياتي بس مبقدرش ..

خايفه من ربنا مش عاوزه اموت كافره ..؟!
بس انا خلاص مش هقدر استحمل اكتر من كده انا بموت من جوايا ميت مره كل دقيقة..!!

بس انا لازم اموت بجد واكيد ربنا هيسامحني مهو ربنا بيرحم لكن عبيده مبيرحموش .....

رواية لست عاهرة بقلم محمود زغلول - الفصل الأول

قبلها بسنة ...
------------

دنيا .. قومي يا حبيبتي يلا عشان تروحي كليتك ..؟
حاضر يا ماما قايمة اهوه بس هخطف نصايه كده واقوم علي طول ..

قومي بقا يا دودو بطلي دلع انا عملتلك فطار يلا عشان تآكلي وتنزلي ...
دي أخر سنة ليكي في الكلية ولازم تتخرجي وتبقي اكبر دكتوره في الدنيا زي م ابوكي الله يرحمة كان عايز ...!!

خلاص قومت اهوه يا ماما يا حبيبتي ومتخافيش بنتك هتكون احلي وأجمل دكتوره في الدنيا كلها عشان افرحك انتي وبابا الله يرحمة اموااااه حبيبتي يا ماما ربنا يخليكي ليا ..

امال البت عبير فين ..؟؟
نزلت علي شغلها من بدري وبعد الشغل هتقابل كريم خطيبها وهيروحوا يتفرجوا علي القاعة اللي هيحجزوا فيها فرحهم ...

خلاص فاضل علي فرحهم 3 شهور هنعمله ان شاء الله في اجازة نص السنه عقبالك يا دودو لما اخلص منك انتي كمان..

بيجيلك كل يوم عريس بس انتي اللي مش فاهم مالك مش راضيه ليه ..؟

يا ماما انتي لسه يدوب مخلصه جهاز عبير اختي بالعافيه ..
هخلص كليتي واشتغل وبعدين أفكر في الجواز متخفيش عليا مش هبور بنتك زي القمر ودكتوره كمان ههههههههه ...
ماشي ربنا يسعدك يا بنتي ويرزقك بابن الحلال ....

فطرت ونزلت علي الجامعه..
البنت دي ما شاء الله جميلة ومحترمة جدا انا متابعاها من زمان يا مصطفي متيجي نخطبهالك ..؟
ياريت يا فاطمة يا اختي بس في اتنين صحابي أتقدمولها واترفضوا ...!!

ده غير كذا شاب من المنطقه ومن بره وبرده اترفضوا بتقول انها لسه هتكمل تعليمها ومش بتفكر في الجواز دلوقتي ..
يا خساره يا مصطفي دي بنت متتعوضش ..!!!

خلصت محاضراتي وخرجت قعدت مع صحابي في كافتيريا الجامعة زي كل يوم نتكلم ونهزر شويه قبل منروح علي بيوتنا ...

الحقي يا دنيا الواد بتاع كل يوم اللي بيفضل يسبلك بعيونه جاي علي هنا وأكيد هيعد ويتنحلك زي كل يوم هههههههههه

قعد علي ترابيزه جنبنا وفضل باصص ليا جدا وكان بقالوا علي كده حوالي شهر تقريبا من اول الترم مبدأ ...

خلصنا قعدتنا وكل واحده خدت طريقها عشان تروح...

انسه دنيا ممكن كلمة لو سمحتي ..؟؟
هوه نفس الشاب بيناديني طب أرد ولا لأ...؟
*********************
إلي هنا ينتهي الفصل الأول من رواية لست عاهرة بقلم محمود زغلول
تابع من هنا جميع فصول: رواية معشوق الروح بقلم آيه محمد 
تابعوا صفحتنا على الفيس بوك للمزيد من القصص والروايات الأخري 
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة