-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية لست عاهرة بقلم محمود زغلول الفصل الثامن

يسعدنا من خلال موقع قصص26 أن نقدم لكم الفصل الثامن من رواية لست عاهرة بقلم محمود زغلول وهي واحدة من قسم روايات رومانسية مصرية  والتي تدور أحداثها في قالب خفيف من الدراما والمتعة باللهجة العامية المصرية.


رواية لست عاهرة بقلم محمود زغلول - الفصل الثامن


رواية لست عاهرة بقلم محمود زغلول
رواية لست عاهرة بقلم محمود زغلول

رواية لست عاهرة بقلم محمود زغلول - الفصل الثامن

دكتورة دنيا ممكن كلمة لو سمحتي ..؟؟
انتي بتناديني انا يا أستاذ ..؟؟؟؟
شدوها ودخلوها جوه العربية بسرعه وكتموا نفسها
ورشوا سبراي مخدر علي مناخيرها ونيموها وخدوها ومشيوا ....!!!
بعد وقت غير معلوم بالنسبالها متعرفش اد ايه بالظبط ابتدت تفوق ...!!!!؟
انا فين انا فين وابتدت تفتح عيونها وتبص علي المكان اللي هيا فيه ..؟؟
شقة غريبه وفي شخصين قاعدين قدامها بيشربه سجاير وشكلهم مخيف ..!!؟؟
ابتدت تركز اكتر وتفتكر اللي حصل ..!!؟
صرخت واتصدمت لما لقت تفسها بملابسها الداخليه وبس ...!!!!!
رجعت لوره لحد اقرب حيطه ليها وقعدت في ركن وابتدت تداري جسمها بأيديها ...!!
كل حتة في جسمها بتترعش دموعها نازله مبتقفش وكأنه نهر دموع ومنبعه عيونها ...!!
بتبص للاتنين اللي قدامها بصة رعب وترقب للي ممكن يحصل وبتفكر في اللي ممكن يكون حصل فعلا ...!!؟؟
مصدومة مش قادره تتكلم بتترعش وبس ..!
وعلي اد ما بتقدر بتحاول تداري جسمها بجسمها
بتسأل نفسها ..؟؟
انا ليه يحصل معايا كده ؟؟
ومين دول ..؟؟ وليه خطافوني ..؟؟
انا عمري مأذيت حد في حياتي ..!!
واكتر سؤال بيدور في دماغها ..؟؟
هو انا لسه زي منا بنت ولا ......؟؟
باب الاوضة اللي قدامها اتفتح وخرج منه ..؟؟
ووقف وبيبص عليها بنظرة غل وشماته ونظرة اخري يغلب عليها الشهوه وهو يتفقد جسمها العاري بعينيه....!!!!؟
دنيا : مش ممكن ..!! انت ؟؟
انفجرت في العياط بزيادة ..!!
معقول تكون انت اللي عملت فيا كده
تعرف اني في لحظة فكرت اني لو خرجت
سليمة من هنا ..؟؟ هجيلك تجبلي حقي ..؟!
صالح : وبكل برود :؟ مش قولتلك يا دنيا أبعدي
عن اشهد هاه ؟ وبصوت عالي : قولتلك ولا
لا ؟؟ انتي اللي مسمعتيش الكلام وجبتي
الاذي لنفسك ، ليه كده ليه تعملي في
نفسك كده ،ينفع حد محترم زيك يا دكتوره
يتصور الصور دي ينفع هاه ؟؟ وقرب منها
ووراها صور ليها ،وهيا شبه عاريه في
احضان الاتنين اللي معاهم في الشقه
اللي هما خطفوها اصلا ..!!؟؟
دنيا : اول ما شافت الصور صرخت وقالتله :
انتوا عملتوا فيا ايه يا حيوان ودموعها نزلت
بغزاره اكبر وقالتله : حرام عليك ليه كل ده ؟
انا عملتلك ايه وجسمها كله بيترعش وهيا
لسه بتحاول تغطي نفسها بنفسها ...!!!
صالح: لا لا لا تؤتؤ !! وبسخرية : ذوقك وحش
يا دكتوره بقا دي مناظر تتصوري معاها
وشاور بأيده علي الاتنين اللي قاعدين وهما
ضحكوا وواحد رد وقالوا : مالها مناظرنا
بس يا صالح باشا ..؟؟ رد صالح : اسكت
يا كلب هتجيب نفسك للدكتورة دنيا ..؟؟
وقرب منها تاني وقالوا بص اد ايه كلها
رقه وجمال وابتدي يلمس جسمها
بأيده ...!! وبصوت واطي قالها: بصراحة
حقه الواد اش اش يموت عليكي ...!!

رواية لست عاهرة بقلم محمود زغلول - الفصل الثامن

دنيا : ولسه بترتعش ومرعوبه جدا ومش قادرة
تتكلم :؟ ابعد ايدك عني يا صالح باشا
حرام عليك كفايه لحد كده ابوس ايدك
هاتلي هدومي استر بيها نفسي ومشيني
من هنا أرجوك وبتعيط بحرقة ...!!!!!
صالح : انا كنت ممكن اخلص عليكي هنا ومكنش
حد هيحس بحاجه ..!! بس انا هطلع جدع
معاكي وهمشيكي !!!
بس هتنزلي من هنا علي بيتكم علي طول
وكل اللي حصل النهارده تنسيه ومحدش
يعرف عنه حاجه خااااالص هاه ؟؟ خالص
واشهد ده تنسية تماما ولو فكر يكلمك
تصديه وتكلميه بطريقة وحشه تخليه يكرهك
وبسخرية قالها : .. مهو برده يا انسه دنيا
ميرضكيش ان حبيبي وابن عمي يتجوز
واحدة لا مؤاخذة بتتصور في احضان
الأشكال دي دي سمعة عيلة وعيلة محترمة
دنيا : مشيني من هنا وانا هنفذ كل اللي انت
عاوزه بس أرجوك هات هدومي وسيبني
اخرج من هنا ..!!!؟
صالح :ماشي هات يا بني هدوم الدكتوره بس
لو الكلام اللي قولته متنفذش اقسم بالله
صورك دي هتتبعت لحبيب القلب اش اش
وهبعتها لكل مواقع السوشيال ميديا
وهتيقي مشهورة اوي ههههههه وابقي
اثبتي بقا اني شوفتك ..؟؟
اديها يا بني هدومها خليها تداري الحلاوة
والجمال ده ..!! اه اللي بتفكري فيه
محصلش انتي لسه بنت احنا يادوب خدنا
كام صوره كده للذكري عشان لو فكرتي
ترجعي في كلامك تاني ...!!!
عشان تعرفي اد ايه انا جدع بس ..!!
دنيا : خدت هدومها وبتلبسها بسرعه وبتحاول
تداري جسمها وبتقوله : انا هنفذ كل طلباتك
بس بالله عليك امسح الصور دي وانا وحيات
ربنا أشهد ده مش هكلمه ولا هعرفه تاني
بس امسحهم وبتعيط ...؟؟
صالح : ههههههه لا الصور هتفضل معايا لحد
متأكد انك نفذتي كلامي وساعتها انا
هكمل جدعنتي معاكي وهخليكي تمسحيهم
بأيدك كمان يلا يا بني خدوا الدكتوره
وصلوها ..!! اه وخدي تليفونك انا كنت
قافلهولك عشان محدش يزعجك وانتي
لا مؤاخذة اااا بتتصوري ..!!!
دنيا : ماشي ماشي سيبني بقا انزل من هنا ؟؟
خدوها ونزلوها وفي مكان قريب من بيتها نزلوها
وقالولها اوعي تنسي كلام صالح باشا احسن
يزعل منك يا دكتوره وهيا شاورت براسه دليل علي موافقتها ...!!!!
اول ما نزلت من العربيه خدتها جري من كتر خوفها لحد مبعدت عنهم وماشية بتعيط في الشارع وبتسأل نفسها ليه ؟؟ انا عملت ايه ؟
ليه يا ربي يتعمل فيا كده ؟؟ اشمعنا انا ؟
وصلت البيت وحاولت تتماسك علي اد ما قدرت
عشان ميبنش عليها حاجه قدام عبير وأمها ؟؟؟
أمها : ايه يا دنيا جايا بدري النهارده يعني
مش عوايدك يعني يا دودو ؟؟
دنيا : بببدري ليه يا ماما هيا الساعة كام مش
بدري يعني ولا حاجه وبتترعش .؟؟
أمها : مالك يا بنتي بتترعشي كده ليه ووشك
مخطوف ومخضوضة كده ليه وكمان مش
عارفه الساعة كام ؟؟ في ايه يا دنيا انطقي
ايه حصلك يا بنتي ..؟؟
دنيا مقدرتش تتمالك نفسها جريت علي أمها واستخبت في حضنها وانهارت من العياط
وفضلت كتير في حضنها ، كانت محتاجه تحس بشوية أمان ودفا بعد يوم بارد وطويل حتي ولو هيا متعرفش عده منه اد ايه بس أيا كان عدد الساعات اللي فاته من اليوم ده فهما عده عليها سنين طويله ....!!!
أمها : ودموعها نزلت علي منظر بنتها ودموعها حتي من غير متعرف في ايه اللي حصل وسألتها
وهيا بتبكي وضماها لصدرها مالك يا بنتي حد اذاكي حد ضايقك ...؟؟
دنيا : وبعد ما حست بالأمان ولو قليل ، تمالكت نفسها شويه ومسحت دموعها وقالتلها : مفيش حاجه ياماما انا بس تعبانه شويه واتخانقت مع دكتور في الجامعه وممكن يشيلني الماده بتاعته
فكنت خايفه شويه ..!! منا لو قلتلها الحقيقة اللي حصلت مش بعيد تموت فيها ..!!!!
أمها : هو ده كل اللي عامل فيكي كده ؟؟ يتحرق
الدكتور علي مادته وتتحرق الكليه كلها بس متعمليش في نفسك كده يا حبيبتي وبعدين احنا لينا ربنا اللي عمرة مهيرضي بالظلم يا بنتي ..!!
خشي يلا اغسلي وشك كده ولو ليكي حق اتاكدي
يا حبيبتي ان ربنا هيجيلهولك !! ولو بعد حين !!!؟
دنيا دخلت علي أوضتها وكلام أمها رغم انها بتتكلم علي حاجه تانيه ومتعرفش الحقيقة بس ريحها وطمنها شويه ، وبتسأل ربنا ؟؟؟
هوه صحيح حقي هيرجعلي ؟؟ طب امتي وازاي يارب ؟؟ يارب انصرني واترمت علي السرير وفضلت تعيط ...!!!!
في فيلا عائلة اشهد ..
فريد : ايه يا صالح روحت المحافظة ..؟؟
صالح : ايوه يا عمي لسه جاي من هناك واتأكدت
بنفسي ان "مالك شداد" سحب ورقه
ومفيش حد تاني مترشح والنهارده كان
اخر يوم لتقديم ورق الترشح وانا ممشيتش
من هناك غير لما اتاكدت ان فعلا باب
الترشح اتقفل ..!!
مبروك يا عمي يا حضرة النائب ..!!
فريد : والسعادة ملت وشه : مبروك علينا كلنا يا
صالح فاضل بس نخلص من موضوع
اشهد ونجوزه بنت عبد الحميد عشان نتم
الصفقة اللي ما بينا أنت عارف الصفقة
دي بالنسبالي ايه ..؟
صالح : بالنسبالنا يا عمي !!؟ ومتخفش كله
تمام واعتبر الجوازه تمت واشهد خلاص
كلها ايام وهيكره البنت دي خالص
وهيجيلك بنفسه ويقولك جوزني رانيا
بنت عبد الحميد الصفتي ؟؟
اشهد : صالح ..صالح يا صاااااالح..؟؟
صالح : نزل لاشهد لما نادي عليه وكان مرتبك جدا
وخايف وبيقول لنفسه بينادي عليا كده ليه ؟؟معقوله
تكون دنيا قالتله علي اللي حصل ؟؟ لا اكيد لا لا
وبكل خوف وارتباك قاله ...؟؟
صالح : ف ف ف ايه يا اش آش بتنادي بصوت
عالي كده ليه كنت عاوز حاجه ..؟؟
أشهد : ؟؟؟؟؟؟
أشهد : ههههههه مالك يا عم خايف ومخضوض
كده ليه مفيش حاجه ؟؟ كنت عاوز أسألك
بس عملت ايه مع الحاج في موضوع دنيا
ايه كلمته ولا لسه ؟؟
صالح : وبعد مخد نفس عميق قاله : منا كنت لسه
بكلمه فوق وانت جيت قاطعتنا وناديت عليا
بس متخفش انا قولتلك اعتبر الموضوع
منتهي يا اش اش! دانت اخويا ويهمني
مصلحتك اكتر من مصلحتي ..!!
اشهد : حبيبي يا صالح طب يالله اطلع كمل
كلامك معاه والله لو اعرف انك بتكلمه في
موضوعي مكنتش ناديتلك ..!!!

رواية لست عاهرة بقلم محمود زغلول - الفصل الثامن

في بيت دنيا ....
عبير : يلا يا دودو عشان تتعشي معانا كل ده نوم
دي حتي ماما بتقول انك جيتي بدري
النهارده ولا واكله كشري برده ..؟؟
دنيا : انا مش نايمه يا عبير ومليش نفس اكل كله
انتوا انا هذاكر شويه ...؟؟
عبير : يا بنتي قومي انتي لسه مضايقة من
موضوع الدكتور ده ؟؟ متخافيش كلهم
بيقولوا كده هنشيلكم المادة ومش عارف ايه
عشان يخوفوكم بس !! بس مبيعملوش حاجه
في الاخر اسأليني انا هههههههه
دنيا : معلشي يا عبير اتعشوا انتوا انا فعلا
مليش نفس وهذاكر شويه ولو جوعت هبقا
أقوم اكل ...!!
عبير سابتها وخرجت وهيا فتحت تليفونها وقاعدة بتفتكر كل حاجه حصلتلها رغم انها منسيتش اصلا وبتفكر هتعمل ايه مع اشهد ..؟؟ هتقدر
تبعده عنها ازاي ؟ وايه المبرر اللي هتقولهوله وكمان هيا هتقدر تنساه ازاي ؟؟ ويا تري الكلب صالح هيوفي بوعده وهيمسح الصور ولا لأ ؟؟وكل ده ودموعها علي خدودها مبتبطلش ...!!!
وفجأه تليفونها رن ..؟؟
اول ما شافت الاسم اتخضت ..؟؟
ده اشهد ؟؟ انا لازم ارد عليه وابتدي في الخطة القذرة بتاعة صالح من دلوقتي وأحاول أكرهه فيا وربنا يعيني انا بقا وأقدر انسي ..؟
انسي اشهد وانسي اللي حصلي ...!!!
بس يا تري هقدر ...؟؟؟
الو ايوه يا اشهد ازيك عامل ايه
اشهد : ايه بنتي في ايه قافلة فونك من الصبح ليه
؟ ومجتيش الكليه ليه قلقتيني عليكي انتي
كويسه ؟؟
دنيا : اه انا تمام بس كنت تعبانة شويه ومقدرتش
انزل النهارده ايه كنت عاوز حاجه ..؟؟
اشهد : عاوز حاجه ؟؟ في ايه دنيا بتكلميني ليه
كده .؟؟ انا كنت عاوز اطمن عليكي ..؟؟
دنيا : اطمن انا كويسه ؟؟ كوبسه جدا كمان وزي
الفل ومعلش هقفل معاك بقا عشان هنام
اصلي تعبانه شويه وقفلت السكة ورمت
الفون وانهارت من العياط ...!!!
تاني يوم دنيا قاعدة في البيت ومرحتش الجامعه ومبتردش علي اشهد ..؟؟
وقعدت كام يوم كده علي نفس الحال قاعده علي سريرها تسرح شويه وتعيط شويه وتنام شويه وولا بتروح الجامعه ولا بترد عليه ..
في فيلا عائلة اشهد ..
صالح : ايه يا حبيبتي ايه اخبار اش اش والبت
دنيا دي ..؟؟
مهره :اسكت يا صالح اشهد قالي انها مبتروحش
الكلية بقالها كام يوم ولا بترد عليه في
الفون حتي ..؟؟ وحالته النفسية بقت زفت!!
ارتحت يا حبيبي ؟ أهي جت منها لوحدها
اهي وشكلها ناويه تخلع ...!!؟؟
صالح : مهي لازم تخلع يا حبيبتي ههههههععععه
وضحك ضحكة شريره ومهره باصتله
باستغراب وتعجب ...!!!!
اشهد حالته النفسية بقت وحشه وبيسأل نفسه ليه دنيا بتعمل معاه كده بعد ما كانوا قربوا جدا من بعض واخر مزهق قرر انه يروحلها البيت بنفسه..؟
وتحت البيت بعتلها رساله وكاتب فيها ؟؟
انا تحت بيتكم لو مردتيش عليا انا هطلعلك واقابل
الحاجه واللي يحصل يحصل المهم اشوفك واعرف في ايه ؟؟؟
دنيا : هيا ناقصة جنانك انا فيا اللي مكفيني !!
وكلمته هيا في التليفون !! وهيا كمان صوته كان وحشها ونفسها تتكلم معاه ..؟؟
اشهد : ممكن افهم في ايه بقا ؟؟ مبترديش عليا
ليه وكمان مبتجيش الجامعه كمان ليه ؟
انا عملتلك اي حاجه ضايقتك ..؟؟
دنيا : أنت مجنون اتفضل امشي من عندك حالا
اديني رديت اهوه اتفضل امشي بقا ..!!
اشهد : ماشي بس قولي في ايه ؟؟
دنيا : مفيش حاجه يا سيدي انا بس أعصابي
تعبانه شويه ومش عاوزه اتكلم مع حد
خالص وارتاح في البيت شويه أريح
أعصابي فيها حاجه دي ...؟؟
اشهد : ماشي يا دنيا ريحي أعصابك بس
ابقي طمنيني عليكي وردي عليا ..؟؟
دنيا : حاضر بس اتفضل امشي من عندك وانا
هبقا اكلمك انا واطمن عليك واطمنك عليا
وهقفل دلوقتي عشان ماما جايا باي ..!!
تاني يوم في فيلا عائلة أشهد ...
اشهد : عملت ايه يا صالح مع الحاج كلمته في
الموضوع انا خلاص لو هوه موافقش انا
هروح من بكره واتقدم لدنيا واللي يحصل
يحصل بقا انا خلاص تعبت وقرفت
هوه مش مكفيه اللي عمله معايا اول مره؟
صالح : أهدي كده خالص يا اشهد واتمالك
أعصابك عشان في حاجات جديده
عرفتها النهارده وبصراحة كنت ناوي
مقولش ليك دلوقتي !! بس طالما وصلت
انك عاوز تروح تتقدم فأنا لازم أوريك
واقولك يا خويا عشان مينفعش اسيبك
تتدبس ما انت كرامتك من كرامتي برده
احنا أخوات يا اش اش ...!!!؟؟
اشهد : عرفت ايه وأدبس في مين وكرامة ايه يا
صالح وهتوريني ايه في ايه قول ؟تقصد
مين بكلامك ده .....؟؟؟
صالح : هقولك يا صاحبي !! منا لازم اقولك
عشان تلحق نفسك ....؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في بيت دنيا :...
قومي يا عبير هاتي أختك تأكل معانا بقالها يومين
مبتاكلش من ساعة موضوع الدكتور الهباب ده ..!
وقاعده علي طول في الاوضه ومبتخرجش حتي .؟
حاضر يا ماما : دنيا يلا قومي عشان تآكلي مش هينفع كده ،،!!! هتموتي يا بنتي كده ..؟؟
دنيا : حاضر يا عبير اخرجي وانا جايا وراكي !!
وقبل متخرج تليفونها رن ...؟؟
شافت الرقم اتفزعت واترعبت ..؟؟؟
ده رقم صالح ...؟؟
دنيا. : ااااال الو ..؟؟
صالح : ازيك يا دكتوره دنيا عامله ايه دلوقتي
مش احسن برده ..؟؟ عموما انتي طلعتي
جدعه ونفذتي كلامك بالظبط وانا دوري
بقا اني اوفي بوعدي واديكي تمسحي
الصور بأيدك ...!!
دنيا : انهارت في العياط وقالتله : بجد هتمسح
الصور ؟ وبتترعش وتقوله : اانا والله العظيم
مش بكلمه خالص ولو كلمني مبردش عليه.!
صالح : عارف عارف يا دكتوره وعشان كده كلمتك
عشان تيجي بنفسك تمسحي صورك اه
بدل لا مؤاخذه ما تظهرلك صور تاني في
اي وقت تقولي صالح باشا طلع عيل في
كلامه ...!!!؟
دنيا : ماشي ماشي اجي لحضرتك فين وامتي؟؟
صالح : بكره بليل هتيجي في العنوان ده هتقابلي
واحده هناك هتديكي الفون وامسحي كل
حاجه بنفسك ومتخافيش دي اختي اللي
هتقابلك يعني ست محترمة ..!!
دنيا : عنوان ايه يا صالح باشا انا مش هقدر
اروح هناك انت ايه بتدبرلي مصيبة تاني
حرام عليك انت أيه ..؟؟
صالح : متخافيش اللي هتقابليها دي اختي وهيا
الوحيده اللي امنتها علي صورك روحي
متخافيش وبعدين انا لو عاوز أأذيكي
مش هغلب يعني ..؟ وانتي عارفه
ولما تقابليها متحكيش معاها في اي حاجه
انا مفهمها انك واحده ولاد الحرام ضحكوا
عليها وصوروها وانا جبتلك الصور وانتي
عاوزه تمسحيهم بنفسك ...!!
دنيا : ماشي هروح بكره بس بالله عليك كفايه
كده وانا خلاص اتعلمت مبصش لفوق تاني
اتعلمت يا باشا ..!! هات العنوان ..؟؟
تاني يوم بليل :
راحت علي العنوان خبطت علي الباب ؟؟
واحده فتحت لها ودخلتها وسألتها انتي دنيا ؟؟
قالتلها اه انا دنيا !!
طب استريحي عندك شويه هجبلك الامانه من جوه واجي ...؟؟
خرج نفس الاتنين اللي خطفوها قبل كده ..؟؟
قامت وقفت وصرخت اول مشفتهم ..؟؟
جريوا عليها وسدوا بؤها ورشولها مخدر تاني ..!!
نيموها علي الكنبه وقلعولها هدومها وسابوها ومشيوا متخدره ...؟؟
ابتدت تفوق بس مش قادره تتحرك لسه تأثير المخدر عليها ..!!!
حاولت تجيب هدومها وتلبس بس مش قادرة
حتي تحرك ايديها دموعها نزلت مش عارفه تعمل ايه ؟؟ وفجأة ...؟؟؟
باب الشقة اتفتح ...؟؟
دنيا : اتصدمت اكتر وتنحت لما شافت اللي داخل
من الباب ..؟؟
دموعها جفت في ثانيه من الصدمة ؟
معقوله انت ؟طب ليه ؟؟
طب ازاي ؟؟ مش ممكن تكون انت يا ..؟؟
أشهد ....!!
وبينها وبين نفسها اكيد دي خطة من الكلب صالح بس يا تري اشهد هيتصرف ازاي وهيعمل ايه معايا ...؟؟؟؟؟
*********************
إلي هنا ينتهي الفصل الثامن من رواية لست عاهرة بقلم محمود زغلول
تابع من هنا جميع فصول: رواية معشوق الروح بقلم آيه محمد 
تابعوا صفحتنا على الفيس بوك للمزيد من القصص والروايات الأخري 
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة