هذا الموقع محمي بموجب اتفاقية حماية حقوق المحتوي العالمية

روايه بنت الاكابر بقلم مها جعفر- الفصل الثالث

مرحباً بكم أصدقائي وأحبابي عاشقي القراءة والقصص والروايات مع روايات رومانسية مصرية ورواية رومانسية جديدة للكاتبة المتألقة مها جعفر علي موقعنا قصص 26 و موعدنا اليوم مع الفصل الثالث من رواية بنت الاكابر بقلم مها جعفر. 

رواية بنت الاكابر بقلم مها جعفر - الفصل الثالث

رواية بنت الاكابر  بقلم مها جعفر
رواية بنت الاكابر  بقلم مها جعفر

رواية بنت الاكابر بقلم مها جعفر - الفصل الثالث

ف صباح اليوم التالي
مهاب:انسه تالا
السكرتيره:مكتبها هناك اهو
مهاب:شكرا ويتجهه ناحيه المكتب ويخبط ويدخل بعد اما تأذن له
مهاب:مساء الخير
تالا عنيها توسع وتبص بسرعه ناحيه الباب
مهاب:هتفضلي باصه كده كتير
تالا بتوتر:ا...ا اتفضل
مهاب يضحك ويدخل يقعد:انتي دايما متوتره كده
تالا:ايه اللي جابك
مهاب:نعم
تالا:سوري ..اقصد فيه حاجه
مهاب:نعم تاني
تالا:ممكن انت تدخل ف الموضوع
مهاب يضحك:انا كنت عايز بطاطا
تالا:انت قليل الذوق وبعدين تستوعب وتحط ايدها ع بوقها
مهاب:ايه!!
تالا بتوتر:ا ..انا اسفه والله مقصدش بس انت طريقتك مكنتش كويسه معايا وبتتكلم كأني شغاله عندك حتي مكنتش باصصلي وانت بتتكلم
مهاب يضحك:اهدي طيب... اولا انا اسف ثانيا مقصدتش كده والله
تالا:حصل خير
مهاب:طيب بما انه حصل خير ما تجبيلي البطاطا بقي
تالا تضحك
مهاب يضحك:هنسافر امتي طيب
تالا:انا مش عارفه لسه لازم اتكلم مع فريده
مهاب:هي فين صحيح.. سألت عليها قالوا مجتش
تالا ب ضيق:اه لسه مجاتش
مهاب:طيب هستناها
تالا:تمام
مهاب:طيب ايه مش هتشربيني حاجه
تالا:اه سوري وتطلبله قهوه
مهاب:اتمني مكنش معطلك
تالا:لا ..هو انت تعرف فريده منين
مهاب:هو مش انتوا صحاب
تالا:اه بس فريده مش بتتكلم كتير
مهاب:امممم ويحكيلها علاقته ب فريده
تالا:اممم ...فريده جت اهي
مهاب يبص ناحيه اما تالا باصه ويشوف ازاي بيستقبلوا فريده وعجبه شخصيتها ويفضل متابعها لحد اما تدخل مكتبها
تالا:مستر مهاب
مهاب ينتبه ل تالا:نعم
تالا:انت كويس
مهاب يبتسم:اه ...يالا انا هقوم اشوف فريده
تالا:اوك
مهاب:متشكر ع القهوه
تالا:ده اقل واحب
مهاب يبتسم ويمشي متجه لمكتب فريده ويدخل اما السكرتيره تسمحله
مهاب:مساء الفل
فريده بهدوء:مساء الخير... اتفضل اقعد
مهاب يقعد:اخبارك ايه
فريده:الحمد لله.. تشرب ايه
مهاب:لا متشكر لسه شارب
فريده:فين ده
مهاب:عند انسه تالا
فريده:امممم
مهاب:عايز اشوف حل ف موضوع السفر ده
فريده:سفر ايه
مهاب:سفر انسه تالا عشان تتابع ديكور الشركه
فريده:اه ..كنت ناسيه... ومكلمتش تالا
مهاب:ما هي قالتلي وكل حاجه واقفه لحد اما تتكلم معاكي
فريده:اممم طيب خلاص شوف انت وقت اما تحب تبدأوا وحدد معاها وسافروا
مهاب:طيب تمام... يالا اشوفك بعدين بقي
فريده تقف:تمام ...نورتنا
مهاب:منوره بيكي
فريده تبتسم ومهاب يمشي وهي تكمل شغلها وشويه وتالا تروحلها
تالا:انتي ازاي تقرري يا فريده اني اسافر
فريده:اهدي طيب ما تقعدي
تالا تقعد
فريده:انتي ايه اللي مضايقك
تالا:هو كده
فريده:خلاص خليكي وهخلي مهندس تاني يمسك الشغل وهو اللي يسافر وتبقي ضاعت عليكي الفرصه
تالا:فرصه ايه
فريده:انك تبقي جنبه وقدام عينه شويه
تالا بتفكير وبصوت عالي:يا ديدا يا بنت اللعيبه وتصفر
فريده:بس يخربيتك
تالا:اووووه ...بنعرف نخطط ..وانا اللي بقول عليكي قافله فريده:بس يا بت
تالا تقوم تبوسها:حبيبتي يا ديدا
فريده:خلاص يا مجنونه اقعدي بقي عشان تحليلي الورطه اللي انا فيها دي
تالا تقعد:خير
فريده تحكلها اللي حصل مع مامتها
تالا:طنط شكلها مصممه المره دي ومش هتسيبك اللي اما تتجوزي
فريده:ما هي دي المشكله
تالا:طيب ما تتجوزي يا فريده انا والله نفسي افرح بيكي جدا
فريده ب حده:انتي عارفه وجهه نظري ف الموضوع ده ف بلاش انتي
تالا:طيب خلاص اهدي وانا هفكر
فريده:طيب يالا ع مكتبك وابقي فكري عندك
تالا:ايه القالبه دي يا ساتر يارب
فريده:يالا يا تالا
تالا:حاضر وتقوم وتروح مكتبها
°°°°°°°°°°°°°°°°°°°°°°°°°°°
Maha gaffer
دانا:عصام فكك مني بقي
عصام:بس انا بحبك يا دانا
دانا:وانا قولتلك مش بتاعت الشغل ده ولا ليا ف الكلام ده عصام:بقي كده يا دانا
دانا:اه كده يا عصام وطير بقي عشان انا مش فايقه
عصام:متبقيش تندمي بقي
دانا:دانا الصياد مبتهددش يا ابن الفرماوي
عصام:اشطا هنشوف مين اللي هيضحك ف الاخر ويسيبها ويمشي
••••••••••••••••••••••••••••••
Maha gaffer
تالا:لاقيتها ..لاقيتها يا ديدا
فريده:اطردك م الشركه عشان ترتاحي
تالا:مش ههون عليكي... واقولك خساره فيكي فكرتي
فريده:قولي يا زفته والا انتي حره سفرك ف ايدي
تالا:لا خلاص هقولك.... بصي يا فريده انتي هتتجوزي
فريده:هي دي الفكره... اطلعي بره
تالا:اسمعي للاخر
فريده:ربنا يستر عليكي
تالا تضحك:انتي هتتجوزي واحد انتي هتأجريه
فريده بأستغراب:هأجره ازاي
تالا:هتجيبي واحد غلبان تتفقي معاه انكوا تتجوزوا وتديله مبلغ يبدأ بيه حياته
فريده:ما هو جواز بردو يا تالا
تالا:جواز ع جواز يفرق... اللي انتي هتجبيه غير اللي مامتك هتجبيه ع الاقل انتي هتبقي متفقه معاه ان جوازكوا صوري ع الورق يعني م غير ما مامتك تعرف انما لو مامتك جابتلك حد هيبقي داخل ع انه جواز حقيقي
فريده بتفكير:هي فكره حلوه بس لحد امتي
تالا:اما ربك يسهل... انتي مش مضروره ف حاجه.. منك راضيتي مامتك ومنك انتي زي ما انتي وبتعملي اللي ع هواكي وبس وانتي المتحكمه
فريده:لا هفكر... ده صعب اوووي وبعدين هستغل فقر واحد عشان ارضي نفسي.. لا لا
تالا:خلاص يا اختي اتجوزي واحد هو اللي يتحكم فيكي ويبقوا جوازكوا حقيقي انتي حره
فريده:طيب سبيني لوحدي
تالا:زي ما تحبي.. وعقلك ف راسك يا ديدا تعرفي خلاصك وتخرج تالا وتفضل فريده غرقانه ف التفكير
°°°°°°°°°°°°°°°°°°°°°°°°°°°
Maha gaffer
رقيه:وحشتيني يا دانا
دانا تسلم عليها:وانتي كمان
رقيه:اخبارك ايه
دانا:الحمد لله وانتي
رقيه:الحمد لله...اتأخرتي ليه
دانا:اللي اسمه عصام ده بارد اوووي
رقيه:هو ضايقك تاني
دانا:اه وانا جايه وقفني
رقيه:قالك ايه
دانا:قال ايه الباشا بيهددني وبيقولي متبقيش تندمي
وقيه:سيبك منه ده بني ادم متخلف
دانا:سبتني ..انتي حضرتي ولا ايه
رقيه:اه ومقلش حاجه جديده هو زي كل محاضره
دانا:دكتور ممل أصلا
رقيه:جدا... ما تيجي نروح النادي
دانا:مقولتش ل فريده
رقيه:يا بنتي بطلي خوف منها بقي
دانا:انا بحترمها يا رقيه مش بخاف منها
رقيه:ماشي بس احنا هنروح النادي عادي يعني
دانا:مش عارفه
رقيه:يالا يا بنتي بقي
دانا:اشطا ويمشوا متجهين الي النادي
••••••••••••••••••••••••••••••
Maha gaffer
تالا:فريده انا خلصت
فريده متردش
تالا:فريدددده ...
فريده:ها
تالا:سرحانه ف ايه
فريده:مفيش
تالا:طيب انا المفروض هسافر امتي
فريده:تسافري فين
تالا:يا فريده ركزي... اسافر تبع شركه صقر
فريده:ااااه ...معرفش اتصلي ب مهاب وشوفي
تالا:طيب تمام... انا خلصت وهمشي مش عايزه حاجه
فريده:هو الكل مشي
تالا:اه
فريده:كله
تالا:اه يا ديدا.. سلام
فريده:سلام
°°°°°°°°°°°°°°°°°°°°°°°°°°°
Maha gaffer
دانا:حسن!!
حسن:وحشتيني
دانا تبص ل رقيه
رقيه ترفع ايدها مبرره الموقف:هو اللي اصر يشوفك
دانا:مين اداكي الحق تعملي كده
حسن:مش عايزه تشوفيني ولا ايه
دانا:حسن بلاش مشاكل انت عارف فريده لو عرفت هتعمل ايه
حسن:ودانا يا عيني خايفه م اختها
دانا:انا مبخافش م حد مش معني اني بحترمها ابقي خايفه منها
حسن يضحك:انا عارف وعشان انا عارف انك مبتخافيش ف هنقعد نشرب حاجه مع بعض وتمشي ع طول
دانا:لا يا
حسن يقاطعها:مش هسمحلك تعترضي ويشدها ويروحوا يقعدوا بعد اما رقيه تنسحب وتسيبهم
حسن:دانا انتي عارفه اني بحبك
دانا:مكنش يصح يا حسن تاخدني ونروح ديسكو
حسن:انا والله مقصدش بس كان قصدي نفرفش شويه
دانا:خلاص حصل خير
حسن يمد ايده يمسك ايدها:طيب مفيش وانا كمان بحبك
دانا تتكسف وتبص ف الارض
حسن يبتسم:تشربي ايه
دانا:اي حاجه
حسن يطلب اتنين عصير ويطلب ل دانا عصير الخوخ اللي هي بتحبه
دانا:عرفت اني بحبه ازاي
حسن:اللي بيحب حد بيعرف عنه كل حاجه
دانا تبتسم ب كسوف
••••••••••••••••••••••••••••••
Maha gaffer
فريده تفضل تشتغل وتفتكر انها لازم تبص ع تصاميم المشروع
فريده تفتح الموبايل:ايوه يا حنان
حنان:فيه حاجه يا فندم
فريده:فين تصاميم المشروع الجديد
حنان:ف مكتب مسيز تالا
فريده:طيب يا حنان وتقفل وتقوم تتجهه ل مكتب تالا وتفضل تدور ع التصاميم ومتلاقيش ف الاخر حاجه ف تقرر تتصل ب تالا
تالا:ايه يا فريده
فريده تسألها
تالا:وانتي عايزه تصاميم شركه صقر ليه
فريده:انا عايزه بتاعت شركتنا احنا يا تالا
تالا:اااه ما دي هتلاقيها مع نادر
فريده:فين مكتبه
تالا تشرحلها المكتب فين وتقفل
فريده تروح المكتب الخاص بنادر وتفضل تدور ع التصاميم وف الاخر تلاقيها ع المكتب وتيجي تشيلها تلاقي موبايله ف تحط التصاميم وتفضل تقدم وتأخر ف ايدها ومحتاره تمسكه ولا لا وف الاخر خدته وفتحته لقيته حاطط صورته مع واحده حضناه ع يخت وشكله ف الصوره مختلف جدا ع نادر اللي شغال ف الشركه وتفوق م شرودها ع صوت مكنتش تحب انها تسمعه
نادر:عجبتك الصوره
فريده بثبات:كنت جايه اخد التصاميم ولقيته محطوط ع المكتب
نادر يبتسم:نسيته ورجعت اخده
فريده تاخد التصاميم م ع المكتب وتحط الموبايل مكانه وتيجي خارجه م جنبه متجاهلاه
نادر يمسك م دراعها:بردو رفعتي شعرك ...مش لايق فيكي دور الراجل مهما عملتي
فريده تبصله بتحدي وتشد دراعها:تاني مره تمسك ايدي بالمنظر ده متعرفش ايه اللي هيحصلك
نادر متجاهل اللي قالته:بس تصدقي جسمك حلو وناشف كده... انتي بتلعبي رياضه؟
فريده تبصله بعصبيه وتمشي وتسيبه متجهه ل مكتبها وهو يضحك وياخد موبايله وينزل وفريده متعرفش تركز وتقرر تاخد التصاميم تبص عليها ف البيت وبالفعل تعمل كده
°°°°°°°°°°°°°°°°°°°°°°°°°°°
Maha gaffer
دانا:يا خبر.. انا اتأخرت اوووي
حسن:ملحقتش اقعد معاكي
دانا:معلش يا حسن عشان فريده
حسن:طيب خلاص بس هشوفك تاني
دانا تبتسم:تمام
حسن:طيب استني اوصلك
دانا:لا معلش يا حسن انا هاخد تاكسي
حسن:يا بنتي مينفعش
دانا:معلش عشان خااطري
وتمشي دانا بعد اما تقنع حسن انها تروح لوحدها
••••••••••••••••••••••••••••••
Maha gaffer
فريده:مساء الخير
وفاء:مساء النور
فريده تبص للممرضه:خدت العلاج
الممرضه:اه يا هانم
فريده:بالشفا ان شاء الله
وفاء:روحي انتي دلوقتي
تخرج الممرضه بره الاوضه
وفاء:اقعدي يا فريده
فريده تتنهد:ماما بجد انا جايه هموت وانام وحقيقي مش قادره اتكلم
وفاء:يبقي انا هقوم دلوقتي امشي يا فريده
وتيجي تقوم فريده تقعدها:ماما بلاش تضغطي م النقطه دي
وفاء:ده اخر كلام عندي يا فريده وانا مش باخد رأيك او بناقشك هو الموضوع متوقف ع اه او لا منك والنتايج اللي قولتلك عليها ف الحالتين
فريده تتنهد:انتي مصممه ليه طيب المره دي... فيه عريس طيب
وفاء:اه
فريده:مين هو
وفاء:هشام ثروت
فريده:صاحب شركات ال ثروت
وفاء:بالضبط
فريده:وده جواز مصلحه ع طريق الاباء وكده
وفاء:مش عاجبك هشام
فريده:انا مش عاجبني اي راجل يا ماما
وفاء:ما يا تشوفي هشام يا تشوفي انتي حد عاجبك
فريده تتنهد:ربنا يسهل يا ماما
وفاء:مش هتنيميني يا فريده هتردي عليا بعد بكرا زي دلوقتي
فريده تستسلم وهي مش عارفه هتعمل ايه:حاضر يالا انا هقوم انام
وفاء:مش هتتغدي
فريده:كلت ف الشركه...اومال دانا فين
وفاء:لسه مجاتش
فريده:ايه اللي اخرها وبعدين السواق تحت
وفاء:ما هي متصلتش بيه معرفش ليه
فريده تطلع موبايلها وترن ع دانا
فريده بقلق:انتي فين يا دانا
دانا:ف التاكسي
فريده:طيب خلي بالك م نفسك
دانا:حاضر
وتقفل دانا
وفاء:براحه عليها اما تيجي يا فريده
فريده:متقلقيش يا ماما... ارتاحي انتي وتنزل تستني اختها تحت وبعد شويه توصل
فريده:كنتي فين
دانا بخوف:ا ..كنت
فريده ب عصبيه:كنتي فين وم غير كدب عشان هعرف
دانا:فريده هقولك بس
فريده تقاطعها:كنتي مع الواد بتاع الديسكو ده صح
دانا تبص ف الارض
فريده:هي دي اخرة ثقتي فيكي
دانا:والله انا مكنتش هقابله
فريده:وجايه ف تاكسي
دانا بدموع:كنت متأخره وقولت عقبال ما يجي هيتأخر
فريده:الكلام خلص لحد هنا يا دانا وم دلوقتي السواق هيوديكي وهيفضل مستنيكي لحد اما تخلصي وهيرجعك
دانا بعياط:يا فريده
فريده تجز ع سنانها:ع اوضتك يا دانا م غير ولا حرف عشان انا مش عايزه ماما تسمع صوتي
دانا تطلع تجري ع اوضتها وتفضل تعيط بهستريه
°°°°°°°°°°°°°°°°°°°°°°°°°°°
Maha gaffer
تالا قاعده بترسم ويقطع اندمجها رنين هاتفها تبص فيه وتفرح ب هستري
تالا:وحشتني اووووي
.......:وانتي كمان يا توتي
تالا:مش ناوي تيجي بقي ...انت طولت المره دي
.......:اومال بتصل بيكي ليه يا قلبي
تالا:بجد يا چو
يوسف:اه والله يا توتي
تالا:امتي
يوسف:بكرا
تالا تصفر:ايوواااااع يا چو
يوسف:مجنونه والله
تالا:بس بحبك والله
يوسف:وانا بموت فيكي
تالا:تيجي بالسلامه يارب
يوسف:يارب...يالا كملي رسم بقي
تالا:ايه الرعب ده
يوسف:عيب انا حافظك
تالا:حياتي والله
يوسف يضحك:يالا اشوفك بكرا ف المطار م النجمه
تالا:عنيا
يوسف:تؤبرني هالعيون
تالا تضحك وتقفل وتكمل رسم
•••••••••••••••••••••••••••••
فريده تطلع اوضتها وتغير وتلبس بيجامه عباره ع هوت شورت وتيشرت عليه وتقف قدام المرايا وتشد التوكه م شعرها وهنا تسرح ف شكلها وتفتكر نادر اما شد التوكه م شعرها وتفوق م شرودها بسرعه وتسرح شعرها وتعمله ديل حصان(رغم ان فريده تتشبه بالرجال كثيرا او هذا ما تعتقده هي الا ان الجانب الانثوي طاغي.. حتي هي لا تستطيع التغلب عليه بالكامل ف هي لا تستطيع ان تكون رجلا ف البيت ولا تستطيع النوم الا بثوبها الانثوي)
فريده تروح ع السرير وتمسك التصاميم تشوفها ويعجبوها ويجي ف دماغها موضوع مامتها وتفضل تفكر هتعمل ايه وم كتر التفكير تتعب وتنام وتقرر تاخد اجازه بكرا ك راحه ليها
•••••••••••••••••••••••••••••
Maha gaffer
ف صباح اليوم التالي
تالا تصحي وتجهز وتتشيك قبل ما تروح المطار ودلوقتي ع هي وصلت ومستنيه
.......:انسه تالا
تالا بأستغراب:مستر مهاب
مهاب:اخبارك إيه
تالا:الحمد لله... حضرتك بتعمل ايه هنا
مهاب:انا مستني صاحبي جاي م السفر وانتي
تالا:يجي بالسلامه وتقطع كلامها اما تلمحه وتكمل:ع اذنك وتطلع تجري عليه وتصوت:چوووو وهو يستقبلها بأنه يفتح دراعه ليها وهي تنط ف حضنه ويشيلها ويلف بيها
تالا:وحشتيني يا چو
يوسف ينزلها:وانتي اكتر يا توتي
تالا:خسيت كده ليه
يوسف:محدش مهتم باكلي زيك بقي
تالا:مش هسفرك تاني
يوسف يضحك ويقطع كلامهم ..
مهاب:وحشني يا باشا
يوسف يحضنه:انت أكتر يا صاحبي
تالا باستغراب:انتوا صحاب
يوسف يضمها:انتي تعرفيه
تالا:اه فيه شغل مع بعض
مهاب:انتوا تعرفوا بعض منين
يوسف:اه ..دي ويقطع كلامه رنين هاتف مهاب
مهاب:اسف يا چو مكالمه مهمه
يوسف:ايه ياض الادب ده
مهاب يضحك ويبعد شويه ويرد ع الفون
تالا:انتوا تعرفوا بعض م امتي
يوسف:ده صديق الطفوله
تالا:بس عمره ما جالك البيت
يوسف:لانه كان مسافر بره
تالا:ومحكيتش عنه
يوسف:مجتش فرصه يا توتي
تالا هتتكلم يقاطعها
يوسف:مش هطير كفايه اسئله ...يالا
تالا:يالا ويتجهوا ناحيه مهاب ويطلعوا يركبوا العربيه ويتجهوا لبيت تالا
°°°°°°°°°°°°°°°°°°°°°°°°°°°
Maha gaffer
فريده تستيقظ وتقرر تخلي اليوم كله رياضي ف تقوم تلبس لبسها الرياضي اللي بيدل فعلا ع انها بنوته مش ولد وتسرح شعرها وترفعه ديل حصان وتنزل
فريده:صباح الخير
وفاء:صباح النور وتبصلها وتبتسم:شوفي اما بتكوني بنوته بتبقي حلوه ازاي
فريده:وبعدين يا ماما
وفاء:خلاص سكت اهو....هتعملي رياضه
فريده:اه ...
وفاء:بلاش الحديد اللي بتشليه ده
فريده:ان شاء الله وتمشي فريده تروح ع اوضه الرياضه اللي ف الفيلا واللي تكون عباره ع چيم اصلا فيه كل حاجه موجوده ف الچيم ومش موجوده كمان كأنها فاتحه چيم ف بيتها وتبدأ تلعب ع كل الاجهزه الموجودة وبتحاول تنهك نفسها ع اد ما تقدر عشان تفصل ع التفكير واثناء ما هي بتعمل رياضه دانا تدخل وتلاقي فريده بتعمل يوجا الي هي سانده ع الحيطه ودماغها تحت ورجليها فوق (معرفش اسمها😂💔)
دانا:فريده
فريده تتجاهلها
دانا:انا اسفه... والله ما قصدت امبارح اكسر ثقتك فيا
فريده متردش عليها
دانا بدموع:والله رقيه هي اللي خادتني النادي وهناك اتفاجئت انها متفقه مع حسن
فريده تنزل وتقف قدام دانا:وانتي قولتي انك هتروحي النادي
دانا تبص ف الارض
فريده:ارفعي راسك وردي
دانا:انا اسفه
فريده:يعني انتي عارفه انه غلط انك تروحي م غير ما تقولي
دانا:مش هكررها تاني يا فريده اوعدك
فريده:انتي بتحبي حسن يا دانا
دانا تبص ف الارض
فريده:ردي عليا
دانا تهز راسها بالموافقه
فريده تتنهد:وهو بيحبك
دانا تهز راسها بالموافقه
فريده:وليه مجاش كلمني
دانا بهمس:هو
فريده تقاطعها:علي صوتك
دانا بصوت أعلى:هو مستني اما نخلص عشان يكلمك
فريده:يبقي مش المفروض تصبروا لحد اما يخلص ويدخل م الباب
دانا تهز راسها بالموافقه
فريده:يبقي ايه لازمة اللي بتعملوه ده
دانا:انا اسفه ومش هعمل اي حاجه م وراكي تاني يا فريده بس سامحيني
فريده ملامح وشها تلين وتخبطها ع دماغها:انا مش عايزه اسفك.. ده خوف عليكي يا بت
دانا:وانا والله عارفه يا فريده
فريده:انا موافقه انكوا تتكلموا وتشوفوا بعض ك صحاب لحد اما يجهز بس متعمليش حاجه م ورايا
دانا تحضنها بفرح:حبيبتي يا ديدا.. انا بحبك اوي
فريده تبتسم:لابسه لبس رياضي ليه حابه تلعبي
دانا بمكر:جدا
فريد تضحك ويجهزوا نفسهم ويبداوا يلعبوا بوكس مع بعض زي ما متعودين وطبعا فريده محترفه بتصد اي ضربه جايه م اختها الصغيره
*********************
إلي هنا ينتهي الفصل الثالث من الرواية
تابع من هنا: جميع فصول رواية بنت الاكابر بقلم مها جعفر

تابعوا صفحتنا على الفيس بوك للمزيد من روايات رومانسية مصرية
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات رومانسية مصرية كاملة

إرسال تعليق