هذا الموقع محمي بموجب اتفاقية حماية حقوق المحتوي العالمية

رواية جمعتنا صدفة بقلم هنا عمرو - الفصل الثانى

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هنا عمرو علي موقعنا قصص 26 و موعدنا اليوم مع الفصل الثانى من رواية جمعتنا صدفة بقلم هنا عمرو. 

رواية جمعتنا صدفة بقلم هنا عمرو - الفصل الثانى

اقرأ أيضا: رواية حب وجنون بقلم ندي رمضان
رواية جمعتنا صدفة بقلم هنا عمرو
رواية جمعتنا صدفة بقلم هنا عمرو

رواية جمعتنا صدفة بقلم هنا عمرو - الفصل الثانى

هدي اول ما دخلت المكتب انبهرت بيه جدااا بتصميمه وشكله وبتدور عليه مش موجود دخلت وقعدت تلف في المكتب وسمعت صوت من وراها
اسر. انت بتعملي ايه هنا
هدي بخوف. انااا انا كنت اا مني ااا
اسر بصوت عالي. انجزي
هدي باندفاع. مني بعتالك الورق دا عشان تمضيه عشان عندها اجتماع مهم مع مستر كريم ولازم تروح فا كان لازم تجيبهولك
وسكتت تاخد نفسها وبتبصله واسر بيحاول ميضحكش بس قعد يضحك وصوت ضحكه كان عاالي وكريم دخل لاقاه بيضحك
كريم. انت بتضحك ازاي
كريم كان مستغرب لان اسر صعب اوي يضحك ودايما صلب وصعب التعامل
اسر بطل ضحك واستوعب انو ضحك من قلبه بعد سنين
اسر بصلابه. هاتي الورق
هدي. اديته الورق ومضاه واخدتوا ومشيت
كريم. كنت بتضحك علي ايه
اسر. ولا حاجه مفيش يلا نمشي
كريم. يلا
هدي راحت سابت الورق في مكتب مني ومشيت مع سهي
سهي. ايه كل دا
هدي. اسكتي دا انا كان هيجرالي حاجه
حكت هدي لسهي ايه الي حصل
سهي بضحك. طول عمرك هبله عادي يعني
هدي. بطلي ضحك يلا بينا نروح
روحوا الاتنين
عند هدي في البيت قاعدين بيتعشوا
شادي. ايه الاخبار في الشغل
هدي. حلو وانا مبسوطه جدا هناك
جميله. ربنا يوفقك يا بنتي
هدي. ياارب
جميله. عايزه افاتحكوا في موضوع
شادي. خير يا ماما
جميله. انا متقدملي عريس
هدي. اخيييرا ما انا من زمان اقولك اتجوزي يا جوجو
جميله. كان لازم اكبركوا الاول عشان مظلمكوش
هدي. وادينا كبرنا اتجوزي بقا
جميله. وانت يا شادي
شادي كان متضايق من فكره ان حد ياخد مكان باباه بس هدي خبطته في رجله بمعني انو يوافق
شادي. تمام يا ماما معنديش مشكله
جميله. طيب يا حبايبي هو لسه شويه يعني
هدي. قوليلي بقا ايه اخباروا
جميله. هو عنده شركه كبيره بتاعته وعنده 3عيال ولادين وبنت ومراته ماتت من وهما عيال صغيره
هدي. حلو جدااااا
جميله. طيب يلا كلوا وناموا يلا
دخلت هدي اوضتها وطلعت صوره باباها وباستها وعيطت وحشتيني يا بابا وصعب حد ياخد مكانك بس ماما ملهاش ذنب
وكانت هتنام بس اميره اتصلت بيها
هدي. الووو ميرا وحشتني
اميره. انت ندله اصلا مش بتسالي
هدي. ما انت عارفه انا في الكليه الصبح وبعد كدا عندي تدريب في الشركه
اميره. ربنا معاكي انا هنام بقا تصبحي على خير
هدي. وانت من اهل الخير يا قلبي هنتكلم بكره كتير ان شاء الله
اميره. ان شاء الله
........
بعد مرور اسبوع دون احداث تذكر سهي وهدي في الجامعه و التدريب في الشركه بعدها وشادي في دروسه واسر وكريم في الشركه كل يوم واسر قال لمازن ودنيا ان ابوهم هيتجوز ومكنش عندهم مانع واميره بتروح الكليه بتاعتها ولاحظت ان مازن دايما متابعها
..........
هي صباح يوم السبت كانت جميله ترتب البيت وكانت مامت جميله موجوده من الصباح الباكر
هدي.صباح العسل
الجده. صباح الفل علي عيونك يا قمر
هدي. هو في ايه انهارده
شادي وهو بيضرب هدي علي راسها بخفه
شادي. انهارده العريس جاي يا قطه
هدي وهي بتضرب راسها. اوووو نسيت
جميله. طيب يلا علي الكليه وبعدين متتاخريش في الشغل
هدي. حاضر يا ماما انا نازله باي
ذهبت هدي للكليه ومكنش عندها محضرات لان الدكتور كان غايب
هدي. حظي حلو انا تعالي معايا يا سهي عايزه اجيب طقم عشان العريس جاي انهارده
سهي. يا ليلتك السوده هتتجوزي من ورايا يا هدي
هدي. انت هبله دا عريس ماما
سهي. اه صح نسيت
هدي يلا طب
ذهبت هدي وسهي واشترت هدي بنطلون واسع من اللون الاسود وعليه بلوزه ليست طويله ولا قصيره بالون السماوي وطرحه مزيج من الاوان وجزمه من اللون الابيض وكان الطقم جميله جدااااا
سهي. كدا خلصنا يلا علي الشركه بقا
هدي. يلا يا ساسو
في الوقت الي كانوا بيشتورا فيه الهدوم في فيلا كريم المحمدي
كان كريم محتار يلبس انهو بدله عنده دخل عليه اسر ومازن
اسر. ايه يا كبير محتار في ايه
مازن. اكيد بيدور علي حاجه تعجب المزه
كريم. لم نفسك انت وهو
اسر. طيب يا عم خد اهي بدله جديده نوفي اهي
كريم. حبيبي يا اسر
مازن.وادي الجزمه اهي جلد كمان ها
كريم وهو بيحضن عياله حبايبي ربنا يخليكوا لياا
دخلت دنيا وهي بتقول بصوت عالي. خيااااانه بابا واخواتي اه قلبي
ضحك كريم وحضنها. حببتي يا دودو
واعطه دنيا بوكس فتحه كريم وجد ربطه عنق من اللون الازرق
كريم.ربنا يخليكوا ليا ياااارب
اسر.طيب يلا بينا يا بابا عشان هنتاخر على الشغل
كريم.يلا بينا
ذهبوا الي الشركه وذهب مازن لكليته ودنيا ذهبت لتشتري فستان وذهبت للكوافير
في الشركه....
وصلت هدي وسهي واخدوا يعملوا بجد وفي البريك كانت ذاهبه هدي حتي تستاذن من اسر انها تروح بدري قدام مكتب اسر كانت داخله لاكن اوقفها صوت فادي وهو يقول
فادي. هدي
هدي. افندم مستر فادي
فادي. انهارده في عشا عمل وكنت محتاجك معايا ممكن
هدي. اعتقد ان لما بيكون في عشا عمل بيكون مع حد متوظف مش تدريب وكمان بيجيلي ورقه من مستر كريم او مستر اسر مش كدا
فادي بإرتباك. اااا انااا بس
هدي.لاخر مره بقول لحضرتك يا مستر فادي متتخطاش حدودك معايا عشان تصرفي مش هيعجبك عن اذنك
واكملت طريقها لمكتب اسر بس اسر كان موجود في مكتب كريم ومكتب كريم قريب من المكان الي كان بيتكلم فيه هدي وفادي واعجب جداا بشخصيتها القويه وهدي دخلت المكتب واستنوا جوه واسر دخل لقاها قاعده قدام مكتبه وسرحانه ومخنوقه بالعياط
اسر. انسه هدي خير
هدي. اا مستر اسر انا كنت عايزه من حضرتك طلب
اسر وهو بيبص في الورق. خير
هدي وهي بتدمع. مستر اسر انا مش عايزه اتدرب مع مستر فادي لو سمحت
اسر. ليه
هدي ودموعها هتنزل. بيتكلم معايا بطريقه مش كويسه وبيبصلي بطريقه وحشه وانهارده قبل ما اخش لحضرتك قالي ان في عشا عمل وانا فهمت انو بيكدب
مسحت دموعها زي الاطفال وبصتله ممكن متدربش معاه
اسر وقد تاااه في عنيها الي لونها اتغير وهي بتعيط وحس انو كان عايز يقتل فادي
اسر. تمام هيتغير
هدي بابتسامه. شكرا جدا لحضرتك شكرا
اسر. العفو
هدي. هو ممكن امشي بدري انهارده
اسر. اممم ليه
هدي. اصل عندي ظروف في البيت وكدا
اسر. لا مش هينفع عشان انا همشي بدري انهارده
هدي. طيب امشي بدري ساعه واحده بس
اسر. قولت لا
هدي بضيق. طيب شكرا
خرجت هدي من عنده وهي مضايقه وقابلت سهي
سهي. مالك يا بومه
هدي. مرداش يمشيني بدري اعمل ايه العريس جاي الساعه 8وانا بمشي الساعه 7ونص ومن هنا للبيت نص ساعه هلحق اجهز امتي انا
سهي. انا عندي الحل
هدي. ايه
سهي. انت معاكي الهدوم هنا وانا معايا الميك اب انت الساعه 6ونص تلبسي ونجهز ونمشي الساعه 7ونص وانا هوصلك بنفسي
هدي. ربنا يخليكي ليا ياااارب يا ساسو
سهي. حببتي يلا بقا نخلص الشغل كله عشان تعرفي تجهزي
وبالفعل انهوا كل الشغل والساعه 5ذهب كريم واسر الي الفيلا عشان يجهزوا
في الفيلا
كريم ارتدي ملابسه الي جلبها له ابنائه واسر ومازن ودنيا جهزوا كلهم ونزلوا وفي طريقهم لبيت جميله
في الشركه في نفس التوقيت
ارتدت هدي ملابسها ووضعت لها سهي القليل من الميك اب اصبحت اجمل بكثير
.....
الساعه 8وصل عائله المحمدي اسفل منزل جميله ونزل كريم ودنيا من السياره الاول والسياره الثانيه نزل منها مازن واسر
كريم. يلا بينا
وصعدوا الي الشقه التي تسكن بها جميله وضربوا الجرس فتح لهم الجد محمد والد جميله. رحب بهم ودخلوا وقعدوا
محمد. ازيك يا ابني
كريم. الحمد لله يا حج بخير
محمد.مش هتعرفنا
كريم. دا اسر ابني الكبير بيشتغل معايا في شركتي ودا مازن ف
قاطعوا مازن وقام قعد جنب محمد وحط ايده حوالين كتفه وقال. انا مازن يا جدو في 2كليه تجاره وسنجل وبدور علي عروسه عندك واحده
محمد بضحك. هههههههه كان علي عيني حفيدتي في 3هندسه
مازن بزعل مصطنع. يووووو دايما حظي كدا
محمد. هههه معلش بكره تلاقي بنت الحلال
كريم كمل. ودي دنيا في 3ثانوي
محمد. قد شادي يعني
كريم. اه
محمد. اهلا بيكي يا بنتي
دنيا. اهلا بيك يا جدو
وهما بيتكلموا كانت وصلت هدي وفتحت الباب
هدي. سلامو عليكم
الجميع. وعليكم من السلام
هدي بصدمه. ايه دا
هدي. ايه دا
الجد. ازيك يا هدي دا الاستاذ كريم واسر ومازن ودنيا ولاده
كريم. مش معقول
محمد. خير يا ابني
كريم. اصل هدي بتشتغل عندنا تدريب تبع الكليه مش كدا يا اسر
اسر. اه بس انا مش فاهم هي هنا ليه
محمد. هدي تبقي حفيدتي وبنت جميله
اسر. ايييه
محمد. تعالي يا هدي دا الاستاذ كريم الي متقدم لمامتك يا بنتي
هدي. اهلا وسهلا صدفه غريبه جدااا
كريم. اه جدا
اتعرفوا علي بعض ودخلت جميله وقعدت معاهم وكلهم حبوا بعض جدااااا
دنيا. بصي بقا يا هدي انا معنديش اخوات بنات فا انتي هتكوني اختي و هنعمل شوبج سوا والاوضه بتاعتك هتكون جنب اوضتي لزق كدا
هدي بضحك. والله وانا كمان مليش اخوات بنات وانا يشرفني طبعا نكون اخوات
مازن. بصي بقا يا هدهود انا مازن والكوميديان بتاع الاسره فا سيبك من جو حضرتك ويشرفني كدا عشان نسلك سوا
هدي. ماشي يا ميزو
مازن. ايوه كدا
شادي. هاله هاله يا ست هدي بتقولي لمين اميزو
مازن مسكوا من القميص الي كان لابسه. بتقول حاجه يا اخ
شادي بخوف مصطنع. لا يا باشا انت تعمل الي انت عايزه
هدي ودنيا بيضحكوا جامد عليهم
جميله. الولاد شكلهم مبسوطين وحبوا بعض
كريم. اه الحمد لله
محمد. ربنا يحفظهم
كريم. طيب يا عمي احنا نكتب الكتاب يوم الخميس الجاي وهنعمل حفله علي قدنا كدا
جميله. انا موافقه
محمد. علي بركه الله
اسر وقف في البلاكونه وكانت هدي بتتكلم في الموبيل
هدي. يا حبيبي بجد كان نفسي تيجي
هدي. والله وحشتني اوووووي هتنزل امتي
اسر عينه بقي لونها احمرر وكان هيضربها بس سمع الباقي
هدي. هههه حبيبي يا خالو ترجع بالسلامه سلملي علي خالو يوسف كمان
هدي. باي باي
خلصت هدي المكالمه ولفت لقت اسر كانت هتمشي بس
اسر. انسه هدي انا غيرتلك الي هتتدربي معاه
هدي. ملهاش لازمه انسه ديه وشكرا جدا
اسر. بكره تيجلي المكتب عشان تعرفي هتدربي مع مين
هدي. حاضر تعالي نخش جوا
اسر. تمام يلا
دخلوا وقضوا سهره سعيده وميشوا بعد ما مشيوا في بيت جميله هدي حضنت مامتها
هدي. مبروك يا جوجو
شادي. مبروك يا حبي
جميله. الله يبارك فيكوا
هدي. انا عايزه انااااااام
جميله. يلا بينا ننام
هدي. هو انكل كريم قالك كتب الكتاب امتي
جميله. قال يوم الخميس الجاي
هدي. اوبه مفيش وقت لازم نجيب الفساتين
جميله. طيب انت اجازه امتي
هدي. بصي يوم الاتنين انا الصبح فاضيه معنديش محضرات مهمه
جميله. طيب ننزل الاتنين
هدي. طيب يلا ننام
......
في عربيه كريم ودنيا
كريم. ايه رايك في هدي واخوها ومامتها
دنيا. هدي والله قموره وطيبه وحبتها جدااااا وشادي دمه خفيف وطيب وطنط جميله حبتها اوووووي
كريم. طيب الحمد لله
دنيا. بابي كان في حاجه كدا
كريم. خير يا حببتي
دنيا. كنت عايزه اجيب هدي الفيلا عشان تظبط الاوضه وكدا
كريم. ماشي يا حببتي مفيش مشكله بكره بعد الشغل هجبها معايا
دنيا. حبيبي يا بابي
........
في عربيه مازن واسر
مازن. ايه رايك فيهم
اسر. ناس طيبه وحبتهم
مازن. وهدي وشادي
اسر. هدي انا عارفها من قبل كدا وهي محترمه وكويسه وشادي زيك كدا فا حبيته وطنط جميله طيبه اوووي بجد
مازن. ربنا يفرحنا يارب
......
عدي اليوم واشرقت شمس يوم جديد وكالمعتاد صحيت هدي ولبست وصلت وفطرت مع شادي وجميله وراحت الكليه مع سهي وبعدين راحوا الشركه
هدي. ربنا يستر مش عارفه هتدرب مع مين
سهي. انشفي يا بت متخافيش
هدي. ربنا يستر
دخلت هدي وسهي، سهي راحت مع عبد الرحمن عشان عندهم شغل وهدي كانت رايحه عند اسر بس لقت الدنيا مقلوبه وهو بيزعق مع مني وفهمت انهم عندهم صفقه بس مع المان وهما ميعرفوش الماني والي استلم الصفقه ديه يبقا عم اسر الي في فرع دبي وبعد فتره خرجت مني
مني. يا ربي
هدي. مالك يا بت
مني. متعرفيش حد بيعرف الماني الله يسترك
هدي. انا بعرف الماني
مني بفرحه. طيب تعالي معايا
دخلت هدي مع مني و
مني. مستر اسر عندي الي هيحل المشكله
اسر. مين
مني. هدي بتعرف الماني
اسر بتفكير. طيب يا مني اطلعي انت
بعد ما خرجت
اسر. بصي يا هدي انت هتدربي معايا انا وهترجميلي ونشتغل سوا تمام
هدي. تمام يا مستر اسر
اسر. طيب تعالي ترجمي الايميل دا انا مش فاهم حاجه
وقفت هدي قريب من المكتب بتاعه وهتبص في الايميل علي الاب بتاعه
اسر. تعالي هناك علي طربيزه الاجتماعات
هدي. لا مفيش مشكله كدا كويس
اسر. براحتك
انحنت هدي وهي واقفه وهو قاعد علي مكتبه وفضلت تترجم في الايميل وحجات تخص الصفقه وكل شويه تبدل الرجل الي بتقف عليها واسر اتخنق انها تعبت وعدي حوالي 3ساعات وهي كدا بدون مقدمات قام اسر وراح قعد علي طرابيزه الاجتماعات وهي بصلتوا وراحت وراه لانها كانت تعبت واول ما قعدت غمضت عنيها بألم بان علي تعابير وشها واسر في اللحظه ديه لعن عنادها معاه وهدي فتحت عنيها وبصتله
هدي. يلا نكمل
اسر. يلا
كملت هدي واسر فهمها حجات كتير وقعدوا وقت طويل من الساعه 1 لحد الساعه 6
اسر. اخيرا خلصنا
هدي. كان كتير اووووي
اسر. اه جدااا حتي البريك خلص وماكلناش
هدي. انا معايا سندوتشات ثواني
هدي فتحت شنطتها وطلعت سندوتشات جبنه تركي ولنشون وشيدر و2 عصير وحطتهم قدام اسر
هدي. اتفضل اكل بصيت بس اكيد هيشبعك
اسر. لا شكرا
هدي. انا مش بعزم دا ماما الي عملاه متخافش يعني كل يلا
اسر. امممم طلاما طنط الي عملاه يبقا طيب
اكلت هدي واسر وهما بيشربوا العصير واسر بيفهم هدي بعض الحجات دخلت واحده لابسه جيب قصيره وعليها بلوزه مفتوحه وشعرها كرلي ولابسه كعب اسمها دارين
دارين بدلع. هاي يا اسوره عامل ايه
اسر. ايه يا دارين جايه ليه
دارين. ايه دا بتكلمني كدا ليه
اسر. اصل في شغل
هدي. طيب استأذن انا يا مستر اسر
دارين. ياريت عشان اعرف اقعد مع اسوري براحتي
هدي بغيظ. دا مكان شغل اصلا بس انا همشي
اسر. استني يا هدي احنا ورانا شغل ودي دارين بنت عمي وعايشه بره
هدي. اهلا
اسر. ممكن يا دارين تروحي دلوقتي انت مسافره امتي اصلا
دارين. بعد بكره
اسر. طيب اشوفك بكره في النادي باي
دارين. باي
هدي. مستر اسر معاد الانصراف جه ممكن اروح
اسر. تروحي فين اصلا انت جايه معايا الفيلا
هدي. لا فيلا ايه انا مقولتش لماما ومينفعش
اسر. بابا قال لطنط متخافيش
هدي. طيب هجيب شنطتي
اسر. ماشي يلا
ونزلوا وراحوا الفيلا وبعدين
*********************
إلي هنا ينتهي الفصل الثانى من رواية جمعتنا صدفة بقلم هنا عمرو
تابع من هنا: جميع فصول رواية جمعتنا صدفة
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق