مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هنا عمرو علي موقعنا قصص 26 و موعدنا اليوم مع الفصل السابع من رواية جمعتنا صدفة بقلم هنا عمرو.
رواية جمعتنا صدفة بقلم هنا عمرو - الفصل السابع
رواية جمعتنا صدفة بقلم هنا عمرو - الفصل السابع
العيله قررت تاجل الحفله عشان هدي وهتبقي يوم التلات بدل الجمعه وهدي اتحسنت كتير عن الاول واسر وكريم بيروحوا الشركه وبيجوا بليل يطمنوا علي هدي ومازن في الكليه والكروسات ودنيا وشادي دروس لان الامتحانات فاضل عليها شهر وهدي بتذاكر في اوضتها عشان برضو امتحاناتها قربت
...............................
قبل الحفله بيومين مكانش الديكور اتعمل لان هدي رفضت و كانت عايزه هي الي تعمله بنفسها وكلهم وافقوا وهدي فكت الغرز وبقت كويسه جدا
.............
..... في الفيلا
قبل الحفله بيوم هدي بتشطب في التجهيزات بتاعه الحفله
هدي واقفه في الجنينه الكبيره ولابسه بنطلون رصاصي فاتح واسع وعليه تيشرت بولو من اللون البنك وطرحه بيضا ولابسه كوتش مزيج من اللون الابيض والبنك ونظاره شمس ومشمره التيشرت شويه عشان تعرف تشتغل و
هدي. لا لا هاتها كدا شويه ايوه كدا تمام
العامل. انسه هدي ممكن تقوليلي احط ديه فين بالظبط
هدي. عند الكوشه كدا من تحت عند السلالم هناك
العامل. تمام يا انسه
كانت بتشتغل من الساعه 6 الصبح ودلوقتي الساعه 3 وهي واقفه وماكلتش حاجه من الصبح
جميله. الله حلو اوي يا هدي
هدي. بجد يا ماما عجبك
جميله. اوي يا حبيبتي
هدي. وهبتقي احلي بليل عشان الشمس
جميله وهي تحضنها. عقبالك يا حبيبت امك
هدي. حببتي يا ماما الا قوليلي يا عروسه جهزتي نفسك
جميله. اه كله تمام وانهارده ظبط الفستان والميك اب ارتست جايه بكره الساعه 10
هدي. طيب تمام
جه مازن وشادي ودنيا الي كانوا بره ودخلوا و
شادي وهو بيزغزغ جميله. القمر الي هتتجوز
جميله. عيب يا ولا
مازن. ليه كدا بس احلي ماما ديه ولا ايه
جميله. ربنا يهديكوا ويخليكوا ليا يارب
هدي. ايه يا رجاله مش هنعمل الواجب مع العروسه
مازن. ازاي ودي تيجي
هدي ودنيا ومازن وشادي بيلفوا حوالين جميله وبيغنوا اخيرا اتجوزت بصوتهم ومازن وهدي بيعملوا حركات مضحكه واسر وكريم دخلوا لقوهم كدا قعدوا يضحكوا كتيير
كريم. ايه يا مجانين
مازن.ايه يا بابا بنعمل الواجب مع ماما
كريم. خلاص يا اخويا الواجب وصل تعاالي يا بنتي
كريم اخد جميله وطلعوا فوق
هدي حست بدوخه و
هدي قربت من دنيا. دنيا
دنيا بقلق. ايه مالك
هدي. وطي صوتك اسمعي خشي المطبخ وهاتيلي عصير اي حاجه مسكره لاني دايخه جدا
دنيا. حاضر بس تعالي اقعدك طيب
هدي. لا لا روحي بس
دنيا راحت تجيب لها عصير و
هدي بتعب. اسر ممكن تشوف الديكور لو فيه حاجه قولي
اسر. طيب حاضر بس انت كويسه
هدي. اا اه انا كويسه روح بس
مشي اسر يتمم علي الحجات و
هدي. مازن الله يخليك خدي عند المرجيحه ديه وقعدني
مازن بقلق. مالك يا بت
هدي. دايخه شويه
مازن. طيب تعالي
مازن سند هدي ووصلها لحد المرجيحه و قعد معاها
هدي قعلت النضاره حطتها فوق دماغها وقاعده
مازن. انت كويسه
هدي. متقلقش انا كويسه
جت دنيا ومعاها العصير و
دنيا. خدي اشربي
هدي شربت العصير وحست انها احسن بكتير وقعدوا كلهم يهزروا ويضحكوا و
هدي. انا هقوم بقي اكمل شغل
مازن. اشطا وانا هطلع انام شويه عشان بليل عندنا رقص
دنيا. واووووو احلي حاجه بحبها
هدي. رقص ايه
مازن. احنا في اي مناسبه لازم نجيب مدربه رقص ونحفظ رقصه سلو ونعملها فاهمه
هدي. ااااه طيب الرب يرعاكوا
مازن. هدي انت معانا مفيش كلام واتصلي ب اا اي حد من صحابك بس واحده بس
هدي بتسليه.اممَمم اجيب مين سهي ولا راما ولا اميره ولا
مازن. اميره... ااااااا اي حد انا طالع
هدي بضحك هي ودنيا. واقع واقع يعني
هدي. انا هروح اكمل
دنيا. ماشي وانا رايحه ازاكر مع شادي
راحت هدي لاسر و
اسر. الشغل تمام مفيهوش مشكله
هدي بفرحه. بجد يعني انفع
اسر بضحك. تنفعي جدا
هدي. الله وبتسقف وتلف
اسر. بس بس العمال تقول ايه جايب بنت اختي تشتغل
هدي بكسوف. احم اسفين يا بشمهندس
اسر بضحك. يلا نكمل
كملوا شغل لحد ما كل حاجه خلصت كانت الساعه 7
مازن. يلا بقا ناكل الكابتن زمانها جايه
هدي. اه ياريت انا جعانه
اسر.يلا
دخلوا كلهم واكلوا بهدومهم
مازن. بابا الكابتن جايه كمان شويه ها
كريم. مفيش مشكله
هدي بخبث. وانا كلمت سهي و
مازن شرق. كح كح كح كح ككح
هدي بتديلوا مايه
هدي. خد يا حبيبي مالك
مازن بيشرب مايه
هدي. بس مش هتيجي فا اميره جايه
مازن ساب المايه وضحك
دنيا بضحك. يلا يا ميزو كل يا حبيبي
مازن. ايه مالك انتي وهي انا تمام
اكلوا وطلعوا يجهزوا عشان الرقص
عند مازن اخد شاور ولبس بنطلون سويت بانس وعليه تيشرت بولو ازرق ومشط شعره وحط برفانه الخاص ولبس كوتش ابيض
عند اسر اخد شاور ولبس وشورت كافيه وعليه تيشرت ابيض وكوتش ابيض ومشط شعره وحط برفانه ولبس ساعه
عند دنيا اهدت شاور ولبست بنتكور رصاصي وعليه تيشرت نص كوم ملون الوان كتير وعقدت شعرها ديل حصان ولبست كوتش ازرق
عند هدي اخدت شاور وكانت محتاره تلبس ايه في الاخر لبست بنطلون كافيه جباردين مش ضيق ومش واسع وعليه بلوزه بيضه باكمام واسعه جميله ولبست طرحه مزيج الوان ولفتها بطريقه بسيطه زادتها جمال وحطت برفانها الي ملوش ريحه نفازه وكوتش ابيض
عند شادي اخد شاور ولبس شورت اسود وتيشرت بينك وكوتش اسود
كلهم نزلوا اتجمعوا في الجنينه واتفاجاوا باسر وهدي الي لابسين زي بعض بس هي كانت مجرد صدفه واميره وصلت وكانت لابسه بنطلون ابيض وعليه بلوزه زرقا نفس شكل بلوزه هدي كانوا جايبنها سوا وطرحه ملونه وكانت جميله جداا
مازن. مساءوا ازرق
اميره. ازرق ازرق مالو
مازن. عاجبني
اميره. ابعد عن وشي
مارن رفع ايدوا. اسفين يا صلاح
الكابتن جت واتعرفت عليهم وبدات تحدد الكابلز ازاي
الكابتن بتعمل الكابلز حسب الطول والشكل وكدا
الكابتن اسمها ساره
ساره. ممكن اتعرف عليكوا والسن وكدا
اسر. انا اسر 25سنه
مازن. انا مازن 20سنه
شادي. انا شادي 19سنه
دنيا. انا دنيا 18سنه
هدي.انا هدي 21 سنه
اميره. انا اميره 20سنه
ساره. اهلا بيكوا كلكوا قبل ما احدد حد كام عايز يكون مع حد معين
الكل سكت
ساره. تمام هحدد انا
ساره. هدي ومازن مع بعض واسر واميره مع بعض وشادي ودنيا مع بعض
الكل تنح لان مازن عايزه اميره واسر عايز هدي
مازن. انت متاكده
ساره. هكمل اهو، الاغنيه بتشتغل وهدي ومازن واسر واميره هيبدلوا يعني مازن واميره مع بعض واسر وهدي مع بعض
مازن بارتياح. روحي يا شيخه ربنا يعمر بيتك
ساره. يلا نبتدي
الاغنيه كانت اغنيه perfect واتدربوا عليها كلهم وقعدوا وقت طويل عقبال ما حفظوا الحركات وخلصوا واميره طلبت اوبر بعد ما رفضت ان مازن يوصلها وروحت
مازن بتعب وهو بيقعد علي النجيله. ااااه اخيرا
هدي قعدت هي كمان. اه الحمد لله انا مش قادره
اسر. انا تعبان اوي بجد
دنيا. وانا كمان المفروض نقوم ننام، الميكب ارتست جايه امتي يا هدي
هدي. ماما بتقول 10 الصبح
دنيا. اووو بدري
هدي. ما هي الاول جايه لماما يعني احنا هنلبس علي 2 كدا ونحط ميكب بعدها
دنيا. اشطات ماشي
مازن. والنبي بلاش التشطيب السوبر لوكس دا ها والله بخاف
هدي. هههههه والله عندك حق بس متخافش انا هكون مشرفه عليهم
دنيا. ليه مش هتحطي بكره
هدي. هحط بس مش اوي يعني
مازن قام وشغل اغنيه thinking out loud
هدي. الله انا بحبها اوي
اس.وانا كمان يلا نرقص
هدي بكسوف. لا لا
مازن. يلا يا هدهود وانا هرقص مع دنيا
قامت هدي بعد محايله ورقصت مع اسر وبتتحرك ببساطه وخفه وخلصوا الرقصه ومازن ودنيا متنحين من حلاوه الرقصه
مازن وهو بيسقف. الله اووووووووووووووو
هدي اتكسفت. مرسي يلا يا دنيا بقا
كانوا هيتحركوا لاكن
كريم. استنوا يا ولاد عايزكوا كلكوا
الكل وقف جنب بعض
كريم. انا عامل ليكوا مفاجاه
مازن. ايوه بقا
كريم. انا جددت العربيات بتاعتكوا انت يا اسر ومازن ودنيا بموديل 2019
اسر استغرب لاكن
هدي بصريخ. مبرووووك يا دودو وحضنتها ولفوا ببعض
دنيا. الله يبارك فيكي بس..
هدي. مبسش انا مش هسيبك كل يوم هتوصليني وهفحتك كل شويه
دنيا ابتسمت علي طيبه قلبها. من عنيا
شادي حضن اسر ومازن مع بعض. مبروك اشوباب ارن لواحد فيكوا بس في ثانيه يكون قدامي
مازن. ههههههههه دا انت داخل علي طمع
اسر.ههههه متقلقش معاك
كريم ضحك. انتو بجد مفيش منكوا انا جبت لهدي وشادي عربيات جديده بموديل 2019 برضو بس حبيت اشوف رد فعلكوا وانبسط جداا
شادي. الله يا ما انت كريم يارب مش هتزل للكلاب دول وراح لكريم يحضنه
شادي. حبيبي يا بوب
كريم. انت الي حبيبي والله
كريم قرب من هدي واداها المفتاح وهي حضنه ودفنت وشها في كتفه وحست بحنان ابوها الي اتحرمت منه من زمان وفضلت تعيط كتير وصوت شهقتها كان عالي والكل عنيهم دمعوا ومتابعين الموقف
كريم. بتعيطي ليه بس اهدي يا حببتي
هدي بعياط. كان نفسي في الحضن دا من زمان اووي
كريم. بقا بتاعك اهو متعيطيش بقا
هدي بعدت عنو ومسحت دموعها
مازن. يا جماعه انا قلبي رهيف ودمعتي قريبه
هدي ضحكت والكل ضحك
كريم. يلا اطلعوا ناموا تصبحوا علي خير
الكل. وحضرتك من اهلو
وطلعوا ناموا وعدي اليوم علي خير
......... تاني يوم الصبح الساعه 11
دنيا دخلت علي هدي و
دنيا. اصحي بقا يا هدي يلاااااااااااا
هدي. باااااس سبيني شويه والنبي
دنيا. مامي بتقولك قومي
هدي. يوووووو صحيت اهو
دنيا. يلا قومي
قامت هدي دخلت الحمام وطلعت كانت لابسه هوت شورت ستان وتيشرت قط قصير ستان لونه بينك فاتح وشعرها القصير ورا ودانها كانت قمر
دنيا. اوووو ايه الحلاوه ديه
هدي. زي الي انت لابسه انت هبله
دنيا كانت لابسه ذي بتاعها بس لون ازرق وشعرها طويل
دنيا.انا عايزه ارقص
هدي. ههههههههههههه الفرح بليل هيصي بقا
دنيا. لا دلوقتي
قامت دنيا شغلت اغنيه زلزال وعلت الصوت جدااا
هدي. يا مجنونه
دنيا. يلا يلا
دنيا كانت بترقص وشدت هدي وبدؤا يرقصوا وهدي بتتمايل علي الاغنيه باحترافيه و جميله دخلت عشان تشوفهم لقتهم بيرقصوا قعدت تسقف ورقصت معاهم و
جميله. كفايه كدا يلا خدوا شاور والبسوا وتعالو اوضتي عشان تحطوا الميك اب
هدي. حاضر يا مامي
دخلت هدي اخدت شاور وطلعت لقت دنيا بتعمل ماسك ولابسه البورنس ولفه فوطه علي شعرها
دنيا. يلا يا هدي تعالي احطلك من الماسك دا حلو اوي
هدي. طيب يلا
حطوا الماسك كان اسود وقعدوا علي السرير وفتحوا الموبيلات بتاعتهم والاغاني شغاله طبعا
مازن بيخطب
دنيا. ميين
مازن. انا يا اختي
دنيا. ثواني طيب
هدي لبست طرحه علي شعرها والبورنس كان طويل فا عادي
مازن دخل واول ما شافهم
مازن. عاااااااا يا ستار يا رب يا ستار يا رب
هدي بضحك. هههههههه ايه شوفت عفاريت
مازن. انيل يا اختي انيل
دنيا. انجز عايز ايه
مازن. احلق دقني ولا اسبها
دنيا. عادي
هدي. احلقها
مازن. اش معني
هدي. معرفش بس انا مش بحب الدقن يعني البنات كلها بتموت علي الولاد الي بدقن بس انا واميره لا
مارن في سره. طلاما في اميره يبقا نحلقها
مازن. متشكرين يا هدهود انا رايح احلق بقا
مازن خرج شاف اسر واقف قريب من الباب
مازن. ايه يا عم فجعتني
اسر. انت الي فافي
مازن. ماشي يا عم سلام
اسر. رايح فين
مازن. هروح احلق
اسر. طيب خدني معاك
مازن بيبصله قوي. نعم هتحلق بجد
اسر. ا اه فيها ايه يعني
مازن. فيها هدي
اسر. ما تلم نفسك هتاخدني معاك ولا اتصرف انا
مازن. لا وعلي ايه تعالي يا اخره صبري
نزل اسر ومازن حلقوا واخدوا شاور وبدؤا يلبسوا
في نفس الوقت تقريبا كان هدي ودنيا شالوا الماسك ونشفوا شعرهم وبدؤا يلبسوا هدي ساعدك دنيا في اللبس والعكس برضو و ولبسوا بس فاضل الطرح والميك اب خرجوا من اوضتهم راحوا عند جميله الي كانت جهزت ولبست وكانت زي القمر
هدي. ايه الحلاوه دي قمر
جميله. ربما يباركلي فيكوا يارب
دنيا. احلي مامي ديه ولا ايه
جميله. هههههههه حبايبي والله، يلا اقعدوا وخلصوا اتاخرنا
هدي. مستعجله انتي
جميله. بس يا بت
هدي ودنيا. هههههههههه
قعدت دنيا وحطت ميك اب حلو جداا ومناسب ليها ومش اوفر وهدي ساعدتها انها تلبس الطرحه وكانت جميله جدا وهدي حطت ميك اب رقيق جدااا لدرجه ان الميك اب ارتست استغربت انها اكبر من دنيا ومش حاطه زيها ولبست الطرحه والاكسوارات وجهزوا
....... عند الرجال
لبس اسر ومازن وكريم بعد ما حلقوا كلهم و خرجوا لاستقبال الناس ومازن طلع يشوفهم
مازن. ايه جماعه اتاخرنا
هدي. خلاص اهو نازلين قولهم يستعدوا
مازن. ايه الحلاوه دي
هدي. مرسي والنبي انت الي قمر
مازن. تسلميلي انا هنزل اقولهم يستعدوا
هدي. ماشي
نزل مازن وقالهم انهم نازلين ووقف كريم علي اخر السلم وجنبه اسر ومازن وشادي
الباب اتفتح ونزل منه الاول دنيا بفستانها الزهري وحجابها
الكل اتفاجا
كريم. ايه القمر دا
دنيا وهي بتحضنه. مبروك يا بابي
اسر ومازن حضنوا دنيا وباركولها
شادي. مبروك يا دنيا
دنيا. الله يبارك فيك
بعدها نزلت هدي وعلي وشها ابتسامه خطفت قلب اسر
كريم. القمر التاني
هدي حضنته. مبروك يارب دايما مبسوطين
كريم. الله يبارك فيكي يا حبيبتي
اسر بيبص لهدي باعجاب
اسر. هدي
هدي. نعم يا اسر
اسر. احنا عاملين matching تاني
هدي بصت للجرافته لقتها نفس لون الفستان
هدي. انت عرفت ازاي اللون
اسر. الله مش عارف انا جبتها كدا صدفه
هدي. صدفه غربيه
اسر. وحلوه
هدي اتكسفت. اا انا هروح اسلم علي الناس
بعدها نزلت جميله بفستانها الاسود الي خطف كريم
كريم. دا بقا البدر
جميله.هههههههههه
كريم. مبروك يا قلبي
جميله. الله يبارك فيك يا حبيبي
راحوا وقعدوا علي الكوشه وموسيقى هاديه شغاله
هدي بتسلم علي الضيوف ودنيا معاها واسر ومازن نفس الشيء ووصلت اميره بعد فتره وكانت لابسه فستان بنك وطرحه بنفس اللون وكانت جميله جدا
مازن.ايه الحلاوه ديه
اميره. اممممم هنبتدي بقا
مازن. خلاص خلاص
راحوا وسلموا علي بعض و
هدي مسكت المايك و
هدي. الف مبروك لاحلي عروسين في الدنيا كلها وانت عملالكوا مفاجاه بسيطه يارب تعجبكوا
هدي.............................
*********************
إلي هنا ينتهي الفصل السابع من رواية جمعتنا صدفة بقلم هنا عمرو
تابع من هنا: جميع فصول رواية جمعتنا صدفة
تابع من هنا: جميع فصول رواية جمعتنا صدفة
تابع من هنا أيضاً: جميع فصول رواية قسمتي بقلم أسماء سليمان
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية فارس عشقي بقلم سحر فرج
إرسال تعليق
يسعدنا تلقي اقتراحاتك أو تعليقك هنا