هذا الموقع محمي بموجب اتفاقية حماية حقوق المحتوي العالمية

رواية اختلاف القلوب وتحدى القدر بقلم هاجر عبدالحليم - الفصل الخامس و العشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل الخامس و العشرون من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل الخامس و العشرون

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل الخامس و العشرون

ف الصالة
اسر استغرب لما اميرة عملت كدة..دى الحركة اللى كانت بتعملها لما تغلط ف حقه..ودى الحركة المشهورة ف مرحلة طفولتهم..حاول يكتم شبح ابتسامة ظهرت كانت عايز تظهر ع شفايفه ونجح ف دة ببراعة
اسر لسة ساكت مش بيتكلم صعبان عليه رجولته وكرامته وجرح قلبه
اميرة بندم:اسر انا اسفة بقولك...انا عارفة ان قلبك طيب وهتسامحنى...اعتبرنى اختك وغلطت..لو انا كنت كدة فعلا..كنت هتتجاهلنى كدة؟!
اسر بسخرية:اختى!! اختى ازاى ومنين؟! عقلك مش عارف يفهم انتى عملتى فيا ايه..تعرفى انا مبسوط علشان دة حصل وعرفت حقيقتك قبل متبقى ع ذمتك..مش بعيد تكونى ف بيتى وتكونى دايرة ع حل شعرك مع حبيب القلب..وساعتها تاخدى لقب خاينة بجدارة
ريان بعصبية قرب منه وشد قميصه جامد وقال:انت ازاى تتكلم معاها كدة؟! انت عمال تظلم وترمى بالباطل عليها ودة مش حقيقى...ليه بتحكم ع الامور من وجهة نظرك انت وبس..احنا مش خاينين يااسر..ولو اميرة بقت ع ذمتك صدقنى هتنسى وهتحاول تخرج حبها ليا من قلبها...مش هتطعنك ف ضهرك وتدور ع حل شعرها زى منت بتقول...ودى اخر مرة تتكلم معاها بالاسلوب دة تانى ولو حصلت انا مش مسؤول عن افعالى
اسر ببرود ضحك ومسك ايد ريان ونزلها من عليه وقال:اوعى تفتكر انك كسبت وانا خسرت لا دة انا كسبت كتير اوى ع الاقل انا كنت ماشى دوغرى ودخلت من الباب وكنت شاريها من اول لحظة فهمت فيها يعنى ايه حب...مش زيك انت كنت معاها ف الدرا..وكنت مستعد ابقى كدة ل اخر يوم ف عمرى..مكنش فارق معايا ان اللى حبيتها كانت مع حد غيرى وكانت هتكون ف بيته وهتكون ام ل عياله واضحى بعمرى وشبابى مع واحدة مش بحبها واكيد هظلمها معايا وهيحصل بينا مشاكل ملهاش اول من اخر..اللى يستحمل اللى انت استحملته دة ومخدش خطوة الا لما القدر لعب لعبته معاه يبقى مش يستاهل لقب رجولة من الاساس.صدقى غضب ربنا اللى معاكوا مش مباركتوا ..وياويل الناس اللى غضب ربنا مرافقها..ولا هتعرفوا تفرحوا لحظة ولو اتجوزتوا هيحصل ميت مشكلة ومشكلة ومش بعيد ست الحسن تسيبك وتروح ل راجل تانى..اصل دة مش بعيد ع واحدة زيها
وبص ل اميرة اللى كانت بتعيط بصمت مش مصدقة ان اللى قدامها دة صديق طفولتها واللى كبرت معاه وكانت ع طول ف حمايته.. وقال بقسوة:انتى واحدة مش تستاهل الشرف والكرامة بس تستاهل العار واللى يعرفك يحط راسه ف التراب يابنت الخدامة
ريان كان بيسمع وبيحاول ع قد ميقدر يتحكم ف اعصابه علشان لو مسكه مش هيخرج من ايده سليم..كان بيتنفس بسرعة من العصبية وبيكور ايده جامد بس مستحملش اخر كلام قاله لقا نفسه بيرفع ايده علشان يضرب اسر بالقلم وهو بيصرخ ب اسمه: اسر
اسر مسك ايده قبل م تترفع عليه
ميار واميرة بصه ل بعض بخوف وشهقات مكتومة من الاتنين
ريان بعصبية:انت الظاهر عايز تتربى ياابن عمى..وشكلك سكران ومحتاج تفوق وانا اللى هفوقك
ميار بصت ع اسر لقيته ناوى ع الشر من ناحية ريان
شدت ع قميص اسر وقالت بتوسل: اسر بلاش يااسر علشان خاطرى كفايا اللى قولته..يلة خلينا نمشى..انت تعبان ومحتاج ترتاح علشان بكرة اليوم طويل..انتوا ولاد عم مينفعش اللى بيحصل دة بينكم
اسر بصلها وقال بزعيق:ابعدى ايدك عنى متلمسنيش...وبعدين انت واقفة ليه اتفضلى روحى ع الفلة..مش عايز اشوفك
وشد دراعها جامد لدرجة افزعتها وبصتله بخوف ورعب..
وقال كلام صدم اميرة وريان وبصوا ل بعض بصات معناها شكل الموضوع هيطول وهنتعب اوى معاه
اول واخر مرة تتدخلى ف حاجة تخصنى اوعى تنسى نفسك وتفتكرى انك مراتى بجد..انا لسة عرفك من يومين..واحمدى ربنا انى حميتك من ابوكى والراجل التانى اللى معاه لولايا كان زمانك مكتوب عليكى وحياتك معاه عبارة عن شد وجذب.اطلعى برة حالا..ولسة كلامنا مش خلص..محتاجين نحط النقط ع الحروف علشان نعرف هنمشى ازاى بعد كدة
ميار لسة ساكتة ومش بتتحرك خطوة واحدة
غمض عينه جامد وقال بزعيق:برة بقولك
ثريا وعزيز سمعوا صريخ
ثريا بخضة:ياساتر يارب هو ايه اللى بيحصل تحت..دة صوت اسر وريان...يالهوى لو مسكوا ف بعض..انا قلبى كان حاسس ان النفوس مش كويسة
عزيز:تعالى ننزل نشوف والله العظيم العيال دى هيتعبونى..وهيخلونى اركب الوش الخشب..مهو مش هينفع معاهم غير كدة
وفعلا نزلوا تحت
ف اوضة اية
اية سمعت صريخ وشكل ف حد بيتخانق ف نيمت نوح ع السرير بتاعه ولبست..جاية تفتح لقت جيسى ف وشها
اية:هو ف ايه؟! مين بيزعق تحت؟!
جيسى:هاد صوت اسر وريان..بس ما بعرف ليش عم يتخانقوا..تحبى تنزلى معى
اية:ايوة هنزل اشوف ف ايه؟!
جيسى:انا حكيت مع اسد وحكيتله كل شى..قالى انه راح ييجى..بس بصراحة بدى احكى معه بموضوع مهم كتير
وقالت بخبث:بدك تعرفى شو الموضوع
اية بفضول:ايه الموضوع؟!
جيسى:ههههههههه لا ما راح احكيلك هلا...الصراحة بدى اعملك مفجاه كتير حلوة..راح تنبسطى فييا كتير..بوعدك ع ها الشى..يلة بيكفى كلام ويلا ننزل نشوف شو فى..مشان القصر الهادى راح يولع هلا

اية:لا حول ولا قوة الا بالله حرام عليكى دة السم ف اللسان...ان شاء الله خير..واكيد دة سوء تفاهم بينهم وهيتحل
جيسى: any way...انا راح انزل ل تحت تحبى تيجى معى ولا شو؟!
اية:خلاص ياجيسى قولت نازلة يلة بينا
ونزلوا تحت فعلا
وهما نازلين ف رسالة جات ع تليفون جيسى.فتحها وابتسمت بمكر وقفلت التليفون
ف الصالة
عزيز بصريخ: ف ايه؟! مالكم بتزعقوا كدة ليه؟! حد كان ضربكوا ع ايدكم علشان تعقدوا المواضيع كدة؟!
ريان بعصبية:اسر هو اللى اتعدا حدوده ف الكلام وقال كلام مينفعش يتقال ل اميرة لولا انه ابن عمى كان زمانى عرفته مقامه..دة طعنى ف شرفى..اللى اتكلم عنها دى هتبقى مراتى واللى يغلط فيها ك انه غلط فيا
وبص ل اسر وقال بعصبية:مفيش كلمة قولتها صح..صدقنى اميرة بتزعك..ويعز عليها تشوفك زعلان..كانت دايما بتدعيلك انه ربنا يعوضك خير..ولما ربنا رزقك بواحدة تحبها بجد بتزعقلها وتهينها كدة قدامنا...ايه الجبروت اللى انت فيه دة يااخى
اسر بدهشة بص ع ميار وقال:بتحبنى!!
ميار بصت ع ريان بعتاب..اسر حس بكدة فعلا وقال ف سره:لا احنا كدة كلامنا طويل اوى ياميار..بس نخلص من الموضوع دة الاول
اسر بص ع ريان وقال:اخر الكلام انت ابن عمى بس ب الاسم واللى انت عملته فيا مش مسامحك عليه..بس انا هعمل ب اصلى وهقف معاك ف فرحك...بس بعد كدة لسانك ميخطبش لسانى
عزيز:يبنى استهدا بالله ومتخليش الشيطان يوقع ما بينكوا..اللى حصل كان مقدر ومكتوب واكيد اللى حصل دة انعاد عليك بفايدة..بس انت لو فكرت هتلاقى كلامى صح
اسر:خلاص ياعمى...محصلش حاجة.. عن اذنك
وشد ايد ميار جامد ومشى من غير ولا كلمة وهو مقتتع انه لسة مخدش بطاره منه
اية:هو ف ايه ياجماعة؟! حد يفهمنا
ثريا بتعب:مفيش يااية خشى المطبخ انتى واميرة اعملوا الغدا يلة ا..لولاد كلهم هيتغدوا معانا..بقالهم فترة كبيرة معدوش مع بعض..الدنيا خدتهم جامد
اية:حاضر ياماما
جيسى:وانا راح ايطلع ل اوضتى مشان تعبانة كتير
ثريا:مش هتساعدى اية واميرة؟!
جيسى:ههههه شو ها المزحة هاى..وليش اعمل هيك انا..انتى بتعرفى انى م بحب ها الشغلات
ثريا بزهق:لا انا خلاص تعبت..و مش حمل مناهدة معاكى..اعملى اللى يريحك انا هطلع ارتاح
طق طق
اميرة:انا هروح اشوف مين
راحت وفتحت لقت مروة والجناينى وهو شايل رعد وهو مغمى عليه ومتصاب
اميرة بخضة:ايدة..يانهار اسود
كلهم جريوا يشوفوا ف ايه
ثريا خبطت ع صدرها وقالت بصريخ:ابنى
ووقعت مغمى عليها
ف فلة عبدالرحمن
ميار واسر دخلوا الفلة وهو لسة بيشد ع ايدها دخلوا الاوضة هو قفل الباب بالمفتاح وبصلها وقال:اتكلمى
ميار بتوتر:اتكلم اقول ايه؟!
اسر بعصبية:انتى هتسوقى الهبل يابت انتى ولا ايه؟! ايش عرف ريان انك بتحبينى؟! ايه اللى حصل انا معرفوش؟! وبعدين انتى بتحبينى فعلا؟! لا اصحى مش انا اللى احب واحدة زيك..يظهر انى غلط لما عملت اللى عملته
ميار بخوف:والله انت فاهم غلط.حب ايه بس يااسر..هو انا لحقت احبك امتى؟! صدقنى معرف ريان جاب الكلام دة منين.وبعدين انا مش بطالبك بحاجة..كفايا بس تحمينى وتبقى معايا حتى لو اخ...انا مش عايزاك تكون زوج ليا...انا مش حبة كدة..وبعدين انا بشكرك ع اللى انت عملته معايا..اللى انت عملته كانت رجولة وشهامة منك..وبعدين انا معملتش حاجة علشان تتعصب عليا كدة اتعصبت عليا قدام والدك ووالدتك وبعد كدة قدام ريان واميرة..ليه دة كله.هو انا عملت ايه؟!...ليه مصر تخوفنى منك ليه؟!
اسر حس بندم ع اللى قاله بعد نظره عنها وايداها ضهره وبعد كدة قرر يمشى يدوب هيمسك مقبض الباب سمع صوتها
رايح فين؟!
اسر:الشغل
ميار:خلى بالك من نفسك..طب ممكن اعرف هتيجى امتى؟!
اسر بصلها وقال بجمود:مش عارف ع حسب الظروف..بس يعنى مش هتاخر جامد..اشغلى وقتك ب اى حاجة ولو حبيتى تروحى تقعدى مع مروة شوية مفيش مشكلة..وكمان بالنسبة لدروسك ياريت تبلغينى بيها.وانا هظبط شغلى ع مواعيد دروسك علشان انا اللى هوديكى واجبيبك
ميار بفرحة:بجد
حست انها اندفعت بمشاعرها شوية وقالت بكسوف:احم احم قصدى يعنى مش عايزة اتعبك
اسر ب اختصار:مفيش تعب..يلة سلام
ومشى فعلا
ميار:يالهوى ع البرود..بارد ومتستفز...بس ماشى ودينى منا سايباك.بردو هتحبنى يااسر..دة اجبارى مش اختيارى ع فكرة..هتحبينى ازاى بقا؟! سيب الموضوع دة عليا انا
وبعد كدة ضربت راسها بخفة وقالت:اااخ..نسيت اساله هو بيشتغل ايه؟!
خلاص لما ييجى ابقا اساله مش حكاية يعنى
ف اوضة عبدالرحمن وياسمين
ياسمين:ميرا وحشتنى اوى ياعبدالرحمن...هى هتفضل لحد امتى عايشة مع عزيز؟!
عبدالرحمن:سيبيها ياياسمين..هى مرتاحة مع اميرة...وبعدين لو جت هنا هتقعد مع مين..اهى اميرة مونساها شوية
ياسمين:طب انا هنزل تحت شوية..وانت كلم عمر..اتفق معاه ع كتب الكتاب والفرح يعنى وكدة؟!
عبدالرحمن:انا كلمته من بدرى..وخلاص انا هكلم عزيز وهخلى فرح الولاد كلهم ف يوم واحد
ياسمين:ولاد مين؟!
عبدالرحمن:ف ايه ياياسمين؟! انتى هيتستى ولا ايه؟! اقصد عمر وميرا واميرة وريان واسر وميار

ياسمين:ايوة بس اسر وميار متجوزين فعلا..طب خلاص كلم عمر وخلى كتب كتابه مع ريان بكرة ان شاء الله..انا بصراحة حاسة ان احنا بقينا مجرد كومبارس ف حياه ولادنا..اللى ف دماغهم بيعملوا..مش بيعملوا حساب لحد حتى ل اهلهم
عبدالرحمن:خلاص ياياسمين..وصدقينى هربى ابنك دة من تانى..بس بطريقة صح.الواد كبر خلاص وواعى لكل تصرف بيعملوا يلة ربنا يهديه
ف قصر الرملى
ف اوضة رعد
احمد:اهدا ياعزيز ان شاء الله هيكون كويس
عزيز:مراتك فين
احمد بضيق:مردتش تقعد ف القصر قالتلى هتقعد ف فندق..اتخنقت معاها وشدينا جامد...راحت عملت بردو اللى ف دماغها ومشيت مش عارف اعمل معاها ايه؟! من يومها وهى شايفة الناس تحت وهى بس اللى فوق..انا اتخنقت وشيلت ايدى منها الصراحة
عزيز بشفقة ع اخوه:ربنا يهديهالك ياخويا..اللهم امين يارب
احمد:مش فارقة خلاص اللى كان كان..مش هنغير حاجة
ثريا بعياط:ها ياريان طمنى
ريان:متخافيش ياماما الرصاصة ف دراعه والحمد لله سطحية انا شيلت الرصاصة وهلفله الجرح ب قماش وخلاص هو كمان نصية كدة وهتلاقيه فاق متخافيش
احمد حضن مروة وقال:خلاص يابنتى كفايا عياط..هو كويس وهيقوم بسلامة ان شاء الله...اهم حاجة بس انك بخير وعرف يحميكى منهم..قضا اخف من قضا...ع فكرة يامروة عندى ليكى مفجاه حلوة
مروة بفضول بعدت عنه وقالت:مفجاه ايه؟!
احمد:انا هخلى رعد يتجوزك وف اقرب وقت كمان
مروة بصت ل رعد بحسرة وقالت:رعد عمره م هبقبل انه يتجوزنى ع الرغم من انى متاكدة انه بيحبنى بس معرفش ليه العند ليه.؟! هو بيحبنى بس حب تملك..انت متعرفش هو عمل فيا ايه انهردة؟!
احمد:لا عارف مراد كلمنى وقالى..وهو عنده استعداد انه يساعدنا علشان نخلى الزفت اللى نايم دة ياخد خطوة علشانك
مروة:لو سمحت يابابا بلاش تقول عليه زفت
احمد:هههههههه للدرجادى بتحبيه
جاية ترد بس سمعت اهة الم من رعد الكل بقوا حواليه ثريا مسكت ايده وقالت:رعد..قوم يبنى..قولنا انت كويس صح؟! يبنى رد عليا بلاش تقلقنى عليك
رعد بهمس متعب:مروة....مروة
الكل بص ل مروة ب استغراب
اية بفرحة:دة بينادى عليكى يامروة...انا بقول انك تتكلمى معاه وتخليه يسمع صوتك
مروة:رعد انا هنا جمبك
رعد فتح عينه ببطء وفضل يبصلها بتعب واضح
ريان:كدة بردو ياكبير تقلق البت الغلبانة دى عليك..قلبها كان هيقع ف رجليها.. حرام عليك ياشيخ
رعد:شكرا ياريان..هو انا كويس صح؟!
ريان بهزار:صحتك كفيلة تهد جبل..دة انت زى القطط بسبع طرواح
ثريا:الله اكبر ف عينك..هتحسدلى الواد ولا ايه...ارتاح يبنى..واول م الغدا يجهز هخلى اميرة تطلعلك الاكل
ريان بغيرة:لا اميرة مش هطلع اكل لحد..هى بقت مراتر ومش هتخدم حد من اخواتى..خلى رعد يتجوز ومراته هى اللى تخدمه
مروة:خلاص ياطنط..انا اللى هطلع الاكل..بس اهم حاجة..خلى رعد يستريح..علشان تعب انهردة جامد
احمد:حمد لله ع سلامتك يابطل
رعد بتعب:جرا ايه ياعمى هو انا كنت بحارب ف سيناء..بطل ايه بس؟! مفيش حاجة حصلت اصلا..واللى حصل دة الواحد واخد عليه ومتعرض ليه ف اى وقت..بس اهم حاجة دلوقتى انى محتاج انام
ثريا باست راسه وقالت:تصبح ع خير
رعد:وانتى من اهله ياست الكل
ف شغل اسر
اسر:ايه رايك؟!
معتز:الحقيقة يااستاذ اسر شغلك لا يعلى عليه..وانا الصراحة اقتنعت
اسر:افهم من كدة؟! انك هتقبل تنتج الاعلان؟!
معتز:و ف اسرع وقت كمان..وان شاء الله هنعمل حملة اعلانية وهتكسر الدنيا..ومتقلقش الدعاية هتليق بشركتك
وهتكون ف كل المجلات والتليفزيون...بس انا كنت محتاج مطربة...تعرفلى حد كويس؟!
اسر سكت شوية وقال:لا الحقيقة معرفش...بس هو مهم اوى موضوع المطربة دة؟!
معتز:انا محتاج وجه جديد لشركتى.وتكون موهوبة بجد ولو لقيتها هساعدها علشان توصل وتعلى..وتعلى شركتى معاها..اتمنى لو لقيت البنت دى تكلمنى...يلة هات الشريط
اسر طلع الشريط وقال:اتفضل
معتز:تمام..عن اذنك يااستاذ اسر
ومشى ودخلت السكرتيرة الخاصة بيه
اسر بتعب وهو بيحركك رقبته يمين وشمال دليل ع الارهاق ف ايه؟!
السكرتيرة:الاجتماع اللى حضرتك طلبته بخصوص اختيار بطل الاعلان الجديد
اسر:طيب حضرى اوضة الاجتماعات وانا هاجى ع طول
السكرتيرة:تمام..حاضر
ترن ترن
اسر:الو
ياسمين:ايوة يبنى..بقولك ف موضوع كنت حبة اتكلم معاك فيه
اسر:مش دلوقتى ياماما لما اجى..عندى اجتماع مهم..هخلصه واجى ع طول نتكلم ف الموضوع اللى انتى عايزاه
ياسمين:ميار هتنزل مع البنات علشان يجيبوا الفساتين انت عارف كتب كتاب اختك وريان بكرة
اسر ببرود:ماشى..خليها تنزل تفك شوية عن نفسها..مفيش مشكلة معايا
ياسمين:وهتجيب فستان ليها علشان فرحك معاهم
اسر بغضب:نعم..فرح مين اللى معاهم ؟! انا مش هعمل افراح..انا اتنيلت وخلص الموضوع
ياسمين بحزم:بقولك ايه؟!ا ع الرغم من كل اللى حصل دة محدش اتكلم ولا اعترض..واظن من حقنا..تلبى لينا الطلب دة ولا انت ايه رايك
اسر بغضب مكتوم:حاضر ياماما..اللى تشوفيه
ياسمين:ربنا يكملك بعقلك يبنى ياري
ف اوضة اميرة
ميرا بفرحة:يعنى احنا هننزل نجيب هدوم هييييييييه بجد مبسوطة اوى

اميرة:طب يلة علشان ننزل نعدى ع ميار علشان ناخدها ف طريقنا
مروة:اوعدنا يارب
اميرة:هههههههه معلش ياحبيتى..صدقينى قريب هيتقفل عليك وع رعد باب واحد وهيكون من نصيبك..بس انت ادعى اهم حاجة
مروة:خير ياقلبى..يلة خلينا نمشى..ريان جابلنا سواق يودينا ويجيبنا..معرفش ليه القلق هو احنا هنتخطف
اميرة:الاحتياط واجب بردو..انت نسيتى اللى حصل معاكى انتى ورعد ولا ايه؟!
مروة بخوف:انت ليه فكرتينى..انا م صدقت نسيت..انتى كدة هتخلينى مخرجش..واكيد رعد مش عارف...دة هيترعب وهيخاف عليا جامد
اميرة:رعد نايم ف سابع نومة ومش هيصحى دلوقتى خالص..يلة بقا كفايا رغى خلينا نمشى....انت بجد مبسوطة اوى..اليوم دة استنيته كتير
مروة:ان شاء الله يكمل ع خير
اميرة:يارب
ف الصالة
ريان:خلوا بالكوا من نفسكوا..اميرة الفلوس معاكى
اميرة:تمام
ريان:حاجة كمان..اى فستان يعجبك تقيسيه وتخلى حد من البنات يصورك بيه..علشان اشوفه مناسب ليكى ولا لا؟!
اميرة بتفهم غيرة ريان وخوفه عليها
حاضر ياريان..حاجة تانى
ريان:هاتى ودنك علشان اقولك
اميرة بكسوف:ريان بس..عيب كدة
مروة:عيب ايه ياختى...هو الراجل لحق ينطق حتى..دة بيقولك هات ودانك..تعرفى كان عايز يقولك ايه؟!
اميرة:ايه؟!
مروة:هاتى ودانك علشان اقولك؟!
اديتها ودانها بحسن نية بس مروة عملت كدة😂
تووووووووووت
اميرة بصريخ:اااااه ودانى..ماشى يامروة..اللى يلعب بقا يستحمل
وجريت وراها وهى بتجرى وتضجك وقعوا ع الكنبة مع بعض واميرة عمالة تزغزغ ف مروة وهى بتضحك
مروة:ههههههههههه خلاص يامجنونة هههههههههههههه كفايا يابنتى ههههههه.انا اسفة مش هعمل كدة تانى
اميرة:هههههههه علشان تحرمى بعد كدة....يلة قدامى علشان منتاخرش
مروة:يلة
عدوا ع ميار وخدوها ف طريقهم..وراحوا واشتروا كل اللى يحتاجوا..هزروا واتكلموا كتير مع بعض ونسيوا اى حاجة وحشة مرت بيهم
*********************
إلي هنا ينتهي الفصل الخامس و العشرون من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق