هذا الموقع محمي بموجب اتفاقية حماية حقوق المحتوي العالمية

رواية اختلاف القلوب وتحدى القدر بقلم هاجر عبدالحليم - الفصل التاسع و العشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل التاسع و العشرون من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل التاسع و العشرون

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل التاسع و العشرون

تانى يوم
ف فلة عبدالرحمن
ف اوضة اسر
ميار كانت سرحانة وبتفتكر اسر عامل ايه ساعة كتب كتاب ريان وعمر
فلاش باك
ميار:كنت فين يااسر انت بجد مش معقول..ليه اتاخرت اوى كدة
اسر:اتكلمى كويس
ميار بتوتر:اسفة والله مكنتش اقصد..انا بس قلقت عليك
اسر:مش من حقك تقلقى عليا..ع العموم انا كنت بزور شخص عزيز عليكى وجيبته علشان تشوفيه
ميار بفضول:حد مين دة؟! مفيش حد عزيز ع قلبى غير ماما
سكتت وقالت بلهفة:اسر..هو انت جيبت ماما...قولى هى فين بالله عليك
اسر مسك ايدها وقال:تعالى اوديكى ليها
مسك ميار من ايدها ووداها ف الجنينة مكان م امها واقفة..ميار جريت عليها وحضنتها جامد وفضلت تعيط..امها كانت بتعيط بحرقة ووجع قلب..وبتبص ع اسر نظرات شكر وامتنان
مسكت ايدها وقعدوا مع بعض اما اسر فراح يقعد مع معتز علشان يسيبهم يقعدوت مع بعض اصله عزمه وجى المناسبة دى
ميار بعياط:هو ازاى جيتى فعلا؟! متتصوريش انا كنت محتاجة وجودك جمبى اد ايه...انا تايهة اوى ياماما..واللى بيحصلى فوق طاقتى..وبعدين اسر ازاى جابك ع هنا..هو عمل ايه انا معرفوش؟!
عدلية حكتلها كل اللى حصل..ميار كانت بتعيط بفرحة...حست انها مهمة عند اسر..وانه اتضايق لما شاف الكدمات اللى ف جسمها وحست ان ف حد جمبها وهى مش لوحدها ف الدنيا دى
ميار:اسر يعمل كل دة علشانى انا..لا اكيد انا صعبت عليه...او يمكن حس ان مراته مينفعش يحصلها كدة..ومش ياخد حقها
عدلية:بس اللى عمله دة..اكبر دليل انه بيحبك
ميار:دة موقف جدعنة منه مش اكتر ياماما..مقدرش اسميه حب
عدلية:ليه ان شاء الله..هو اتجوزك غصب ولا اتجوزتك غصب..ف ايه يابت متنطقى؟!
ميار:ياماما..دى حاجة تخصنى انا وهو مقدرش اقول لحد عليها حتى انتى..بس انا عايزاكى تطمنى اسر راجل بجد وجدع جدعنة مشوفتش زيها ف حياتى..وهبقى مطمنة وانا معاه
عدلية:يابنتى انا واثقة فيه وعارفة كلامك دة كويس..بس انا عايزة اطمن عليكى
ميار مسكت ايدها وقالت:اطمنى ياماما..سيبك منى وقوليلى انتى حاليا مينفعش تقعدى لوحدك..انا ممكن اقول ل اسر انك تيجى وتقعدى معانا وتكونى جمبى ايه رايك؟!
عدلية:انا نفسى ف دة فعلا...بس خايفة جوزك يرفض
ميار:لا متخافيش...انا هقنعه..وان شاء الله مش هيعترض..علشان الصراحة هخاف عليكى ومش هبقى مطمنة..اخاف عليكى من ابويا...ممكن يعمل فيكى حاجة..او ياجر رجالة تخطفك..دة راجل ميعرفش معنى الرحمة
عدلية:طيب قوليلى يابنتى...هو صح العارف حاول يعتدى عليكى؟! بالله عليكى اوعى تكدبى عليا...انا عايز اعرف معقولة القذارة والف****يوصلوا بيه لكدة
ميار بخوف:لو سمحت ياماما..انا مش عايز افتكر اللى حصل...انا م صدقت نسيته..الراجل دة انا عايزة انساه..ومش عايز افتكر ليه اى حاجة تخصنى
عدلية:حاضر يابنتى زى منتى عايزة
باك
طق طق
اسر دخل بعصبية الدنيا لدرجة انه وقع الطربازة برجله والفازة اللى كانت فوقيها اتكسرت
ميار اترعبت علشان هى عارفة هو متضايق ليه وشكل الموضوع وصل لمنحنى هى مش هتعرف تعديه..ولازم تستحمل غضبه حتى لو......
اسر مسكها من دراعها وقرصها جامد
ااااااه ايدى يااسر حرام عليك
اسر بعصبية:حرمة عليكى عيشتك...اللى انتى عملتيه دة صدقينى مش هعديه بالساهل...لو وصلت ان اضربك بالحزام زى م ابوكى عمل هعمل كدة..لو دى الطريقة المناسبة لتربيتك ياست هانم
ميار بخوف:انا معملتش حاجة..معتز هو اللى جى وشافنى وانا بغنى بالصدفة وصمم انى اشتغل معاه..وانا خوفت منك وكنت هعترض بس لقيته مصدق لقا وجه جديد لشركته وحط قدامى كذا عرض مغرى بالنسبالى بس برده رفضت وقولت انك هتتضايق بس هو قالى انه هيقنعك..معرفش ايه اللى حصل بينكم
اسر بزعيق:وانتى عايزة تشتغلى مطربة وانتى ف سنك دة..انا مش هقبل بحاجة زى كدة..مستحيل اخلى مراتى تغنى وحد يلمسها ويقرب منها.ويمدح فيها بحجة ان دة شغل..ولازم استحمل واحط ف بقى جزمة واسكت
ميار برعب:طب اهدا..انا والله م عايزة اشتغل...طالما الموضوع ضايقك اوى كدة
اسر شدها للحيطة وهى صرخت بوجع وغمضت عينها جامد
اسر بزعيق:احنا هنروح لمعتز..ولازم تقوليله انك رافضة الموضوع دة..ومفيش ف اى نقاش تانى..علشان هو مصمم انك تشتغلى والاستاذ بيلوى دراعى ياما تشتغلى ياما مش هينتج الاعلان الجديد..وهو لازم ينتجه لان فى نقلة للشركة وممكن يحطنى ف مكان غير المكان..فاهمة ولا افهمك انا
ميار بخوف:حاضر..حاضر والله
اسر بعد عنها جاى يمشى بس هى مسكت ايده وقالت:استنى
اسر بعصبية:مش بحب حد يومرنى.. انا عايزة امشى
ميار:لا انا عايزة اتكلم معاك
اسر بزعيق:وانا مش طايق ابصلك...علشان انتى شكلك بتاعة مشاكل..وغلطاتك بقت كتير
ميار:بطل تزعق علشان مش هخاف
اسر:ميار تلاشينى
ميار:لا
اسر بزعيق:ميار
ميار بزعيق:اسر انا بحبك
اسر برق عنيه بصدمة..هى ازاى تقوله بحبك..هى ازاى مش عايزة تقتنع انه خلاص مش هيحب تانى..وقلبه بقا اسود..وبيزعق عمال ع بطال..واقل غلطة بتعصبه..وعصبى لدرجة تخنق..لازم تبعد بدل م تتحرق بناره

اسر بصدمة:انتى اكيد اتجننتى..انتى مش هتشوفى معايا الحب لا..انتى هتشوفى الاهانة والتجاهل والضرب والشتيمة.بس انا ممكن اتنازل عن كل دول..ما عدا حاجة واحدة...التجاهل...ملكيش دعوة بيا..ولو فضلتى تتكلمى معايا هتشوفى وش مش هيعجبك
ميار قربت منه اوى وقالت:بس انا بحبك..وواثقة انك هتحبنى...لازم تعرف انك ملكى انا...ولو مش مصدقنى انا هثبلك
قربت منه اوى والشفايف اتقابلت..اسر اتصدم من جراتها..وع الرغم من انه لقا نفسه حب دة..بس مرة واحدة بعدها عنه بزقه جامد وقلم جامد خلة ميار تقع ع الارض بسببه
اسر بزعيق:لا انتى فعلا محتاجة تتربى وانا اللى هربيكى
ميار بعصبية:انت جوزى يااسر...بلاش تخلينى احس برخص
اسر:علشان انتى كدة فعلا
لقا نفسه من العصبية طلع الحزام من البنطلون ولفه ع ايده
ميار بزعيق وخوف:الحقووووونى...ياماماااااااا
تحت ف المطبخ
ياسمين بصدمة:بسم الله الرحمن الرحيم...ف ايه؟! انا هطلع اشوف...اعملوا انتوا الاكل..وانتى خليكى واقفة تبعى بيعملوا ايه
ف اوضة اسر
اسر ضربها ع ضهرها بالحزام كذا ضربة وسط صراخها وصدمتها هى مش عارفة ليه بيعمل كدة...ايه الغلط اللى عملته
ياسمين عمالة تخبط بعنف وبتترجا ابنها انه يفتح وعمالة تصرخ وتقوله لو مفتحش الباب يعتبر نفسه معندوش ام
صرخت ب اعلى صوتها وبعتت حد من الخدم علشان ينادى ع عبدالرحمن
اسر بعد عنها وسط صدمته وهى عمالة تصرخ وتنزف جامد..رما الحزام وتف عليها جى يفتح الباب لقا ابوه وهو بيبصله بحدة وضربه قلم وقال بزعيق:استنانى تحت واياك تخرج..ولو خرجت اعتبر نفسك ملكش مكان ف البيت دة
اسر بصلها بجمود ومفيش ف عنيه اى ذرة ندم..بس فعلا نفذ كل الكلام اللى ابوه قالوا
عند مروة ورعد
ف اوضة رعد
طق طق
رعد راح علشان يفتح لقا مروة
مروة:طلبتنى...افندم عايز ايه
رعد:تتجوزينى
مروة فتحت بقها من الصدمة وقالت:هه
رعد:بقولك تتجوزينى
مروة:ليه؟!
رعد:علشان عايزك يامروة
مروة:لا انت انانى...مش عايزنى اتجوز وسافر بعيد عنك.اشمعنى لما مراد جى وطلب منى الجواز...نطقت وقولت الكلام اللى كان نفسى اسمعه منك
رعد بجمود:يمكن لما حسيت انك هتضيعى منى.انا اهو بقولك انك هتتجوزينى ومش هتسافرى وتبعدى عنك..وهتكونى بتاعتى وملكى ولو مراد حاول يقرب منك والله لندمه ع اليوم اللى اتولد فيه
مروة:سيبنى افكر
رعد:مروة
مروة:قلب مروة..مين دة اللى يقدر يملى عين مروة غيرك انت ياابيه
رعد:دلوقتى بقيت ابيه
مروة:انت كل حاجة ف حياتى...قولى بقا هتتجوزنى امتى
رعد:ههههههههه واقعة واقعة يعنى..متتقلى يابت شوية
مروة:والله اللحظة دى استنيها من زمان..تقل ايه ياشيخ..دة بقا موضة قديمة
رعد:هكلم ابوكى واشوف...وف اقرب وقت هتكونى مراتى
مروة:بحبك اوى
رعد مردش عليها وبص ف ساعته وقال:انا همشى وهاجى ع القاعة ع طول...واليوم يعدى ع خير..بعد كدة هشوف حوارنا انا وانتى
مروة بفرحة:تمام
ف اوضة مروة
عمالة بتنطط ع السرير بفرحة وعمالة تسقف جامد وبتضحك بصوت عالى وتقول:اخيرا..اخيرا
ف عربية رعد
عمر:انت اتهبلت
رعد:احترم نفسك
عمر:انت انانى واللى هتعمله دة مش حل ابدا
رعد:يعنى اسيبها تروح منى
عمر:لا اتجوزها وتقولها معلش انا مش هقدر اعتبرك مراتى انا اتجوزتك بس علشان ارضى غرورى وان مفيش حد هيقدر يسيطر عليكى الا انا
رعد بكدب:مش دى الحقيقة
عمر:لا دى الحقيقة
رعد:طب لو فردنا ان دى الحقيقة...مفيش حاجة وحشة هتحصل
عمر:انت شايف كدة
رعد:خليك ف حالك ...هو انهردة مش فرحك.امشى بقا ابعد عنى...خلينى اشوف شغلى..واجى ف المعاد
عمر:ماشى يارعد..براحتك
رعد:سلام
ف المطبخ
اية:حاجة تانى ياماما
ثريا:تسلميلى يارب..اطلعى يابنتى ارتاحى..تعبتى معايا موعين وطبيخ ...جيسى عمرها م هتفكر تعمل كدة
اية:ربنا يهديها ياماما
ثريا:عملتى ايه مع اسد
اية:قولتلوا الاقتراح اللى انتى قولتيلى عليه..بس شكله مش عايز يمشى ويسيب البيت
ثريا:مفيش حل...غير الحل دة يابنتى...لازم تبعدى عن جيسى..ع الاقل الفترة دى
اية:هحاول معاه تانى
ثريا:ماشى يابنتى
ترن ترن
اية: دة اسد
ثريا:طب ردى عليه..وانا هطلع اشوف اميرة وميرا
اية:ماشى
اية فتحت عليه وقالت:الو
اسد:انا موافق انى اخدك ونمشى من القصر شوفت شقة قريبة من القصر بس مش اوى بردو وجيسى معرفتهاش حاجة قولتلها بعيد عن هنا علشان ميحصلش اى احتكاك بينكم
اية بفرحة:شكرا اوى يااسد..بجد شيلت من قلبى هم كبير
اسد:سلامة قلبك من اى هم...اهم حاجة انا عايز مكافاة ليا...انتى قايلالى الموضوع دة امبارح...وانا خلصتوا انهردة
اية:عايز ايه؟!
اسد:هقولك بعد الفرح
اية بفضول وخوف:لا قول دلوقتى..علشان اجهز للمكافاه
اسد:بردو مش هقولك..استنى بعد الفرح..هتعرفى
اية:ماشى يااسد هستنى
ف اوضة اية
اية قاعدة بترضع نوح فجاه سمعت حاجة بتتكسر من اوضة جيسى
قلقت ونيمت نوح ف مكانه بعد كدة جريت تشوف ف ايه
ف اوضة جيسى
اية دخلت لقت جيسى ماسكة بطنها وعمالة تتلوى يمين وشمال وبتعيط بوجع وتقول:ليك بطنى..بطنى كتير عم توجعنى...مانى قادرة اقوم.يالله حدا يساعدنى

اية جريت عليها جاية تسندها بس جيسى زقتها
اية:مش وقت غيرة وكره.. بالله عليكى خلينى اساعدك..صدقينى انا عايزالك الخير..واللى بيحصلك ممكن يكون اعراض حمل علشان انتى حامل..خلينى اسندك ووديكى الحمام..وصدقينى هطمن عليكى وامشى
اية راحت وسندت جيسى اللى استسلمت ليها علشان هى كانت فعلا تعبانة.دخلتها الحمام وغسلتلها وشها وخرجت من الحمام وغيرتلها هدومها ونيمتها ع السرير..جيسى من التعب نامت
اية بصتلها بحيرة وشفقة...بعد كدة خرجت
عند ميار واسر
اسر بزعيق:علشان هى واحدة خاينة واللى حصلها دة...حاجة صغيرة اوى..دة جزاتها اكبر من كدة بكتير
عبدالرحمن:ليه هى عملت ايه علشان تعمل فيها كدة..ليه يبنى دى بتحبك
اسر:انا هقولك عملت ايه..وانت اللى هتحكم
ياترى اسر عنده فعلا المبرر اللى يخليه يعمل فيها كدة...ولا هو ظلمها فعلا
ف اوضة ميار
ميار ف حضن ياسمين وعمالة تعيط
ميار بصريخ:قسما بالله م عملت حاجة...انا عايزة ماما..انا عايزة امشى..مش عايزة اعيش معاه..خليه يطلقنى..حد يفهمنى انا عملت ايه..والله العظيم مظلومة..ماماااا..انا عايزة ماما
ياسمين مش عارفة ترد عليها بسبب صريخها..وحاولت تهديها وقالتلها امها هتيجى علشانها
نيمتها ع السرير وسابتها عمالة تعيط وتصرخ ب اسم امها وتقول كلام مش مفهوم ك انها بتشكى ل ربنا عن كل اللى مرت بيه ف حياتها
نزلت ل اسر وعبدالرحمن
علشان تسمع كل الكلام اللى اسر قاله
*********************
إلي هنا ينتهي الفصل التاسع و العشرون من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها

جديد قسم : روايات حب

إرسال تعليق