U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية اختلاف القلوب وتحدى القدر بقلم هاجر عبدالحليم - الفصل السادس

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع الفصل السادس من  رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم - الفصل السادس

رواية اختلاف القلوب وتحدى القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم

رواية اختلاف القلوب وتحدى القدر بقلم هاجر عبدالحليم - الفصل السادس

ف قصر الرملى
صحيت وانا ناوية اواجه رعد. امبارح من ساعت مصارحته بمشاعرى وهو متجاهلنى...لا يارعد انا مش هقبل بجرحك ليا ابدا
قررت اروحله اوضته وفعلا خبطت ع الباب
كنت بلبس علشان اروح ااقسم لقيت الباب بيخبط..معقولة تكون..لا يستحيل مش هيجيلها الجراه تعمل كدة...روحت علشان افتح لقيتها هى فعلا برقت عينى جامد من شكلها كانت لابسة بجامة عليها ميكى وبنطلون براموضة.وشعرها مفرود كانت فعلا جميلة
اتكسفت من نظرات رعد ليا وبصيت لنفسى اوف نسيت البس حاجة بدل لبس النوم دة..حرام عليك يارعد خليت دماغى تروح منى
قالى:عايزة ايه؟!
قولتله:اتكلم معاك شوية دة لو ممكن يعنى
قالى ببرود:مش فاضى انا عندى شغل...اجلى الكلام لوقت تانى
قولتله:لا يارعد انا هتكلم دلوقتى وانت لازم تسمعنى
بص ف عينى وقال بحدة:دة امر ولا ايه؟! لا بقا مش سامع حاجة ولو سمحتى خشى ع اوضتك وغيرى اللبس اللى انتى لابساه دة...انا مش فاهم اصلا انتى جيا عندى بيه ليه؟!
قولتله بشجاعة:بلاش اهانة لو سمحت...وبعدين انت عارف انا جاية ليه فبلاش تعمل فيها عبيط
رفع حواجبه وقال:دة انا...انا عبيط...ماشى يامحترمة..طب انا بقا مش عارف عرفينى انتى
قولتله بحسرة:انت ايه يااخى...انت مصنوع من ايه ممكن افهم؟! بقولك بحبك..بس للاسف شكلى غلط مش انى قولتلك لا...انى حبيتك اصلا
لفيته اتعصب ومسك ايدى جامد وقال بعصبية:بت انتى اصتبحى وقولى ياصبح انا مش عايز اتخانق معاكى علشان قسما بالله لو ناويتيها يامروة لخلع اجدعها حزام وع جسمك عدل علشان انتى واحدة مش متربية...وحب!!! حب ايه اللى بتتكلمى عنه دة...اتجوز وحب طفلة متعرفش اى حاجة غير انها عايزة فستان تفرح بيه وخلاص تعرفى ايه عن الجواز والمسءولية...انا عمرى محبيتك يامروة ولا عمرى فكرت ولا عمرى هفكر
برقت جامد وعيونى نزلت شلال دموع...الكلام دة ليا انا...كلامه صدمنى ومش عارفة ارد...لا هعرف ارد كرامتى اللى بقت ف الارض دى لازم المها والا انا اللى هخسر
قولتله:براحة ع نفسك شوية ياابيه ليطقلك عرق ولا حاجة صحتك ياابيه مينفعش كدة احنا عايزينك...وبالنسبة للى قولتله اعتبرنى مقولتش اى حاجة ابدا...بس لازم تعرف حاجة انا مش ضعيفة ولا هعيط ع رفضك ليا...لا انسى بس كل اللى عايزاك تعرفه ان من اللحظادى علاقتى بيك اتغيرت 180 درجة سلام يارعد باشا
مشيت وسابنتى ف حيرة من امرى معرفش اللى عملته دة صح ولا غلط...اتمنى يكون صح...انا مش عايز اظلم الطفلة دى معايا...طفلة ياجدعااااان طفلة تعرف ايه عن الحب والجواز والمسءولية والمشاركة... اخاف عليها من نفسى ومن مشاعرى...انا عمرى مكون سبب ف اذاها ابدا..سامحينى يامروة
ف اوضة مروة
دخلت الاوضة وانا بعيط بحرقة قلبى واجعنى وانوثتى اتهانت وكرامتى بقت ف الارض ماشى يارعد قسما بالله لندمك ع كل حرف قولته
مسكت موبايلى وفتحت الماسينجر وبعت رسالة لشادى
شادى ازيك
اهلا يامروة ازيك انتى
انا كنت حبة اعرف انت كنت جدى بخصوص عرضك امبارح دة ولا لا؟!
ايوة طبعا جدى..هو انا هلعب بمشاعرك ليه بس...غاوى اذية...وع العموم انا مش هزعل لو رفضتى بس ع الاقل هكسب صديقة واخت ليا...بس يارب علاقتنا مش تتقطع علشان دة فعلا اللى هيجرحنى
طيب هو انا ممكن اعتبرك اخ ليا عايز يساعد اخته تتخطا محنة صعبة
طبعا يامروة..انا لو ف ايدى حاجة مش هتردد ابدا ف مساعدتك قوليلى
حكتله عن حبى لرعد ومشاعرى اللى بتكن ليه.. وحكتله كمان عن مشاعره هو وان هو بيعتبرى اخت ليه وبس..وحكلته عن اخر كلام حصل ما بينا
عايزة اقول راييي بصراحة
طبعا اومال انا بحكيلك ليه
رعد بيحبك بدليل انه شدك من ايدك لما كنتى بترقصى معايا ورفضه فكرة الجواز ومتقوليش ان علشان انتى صغيرة دى حجة فاشلة ومتخشش ف عقل عيل صغير علشان انا فعلا لو اتقدمت لعمك صدقينى مش هيرفضنى...بس متقلقيش يامروة انا هساعدك وكمان لازم نعرف رعد ان مشاعره دى مشاعر حب مش مشاعر اخوة...فاهمة
لا ياشادى انا مش هجرى وراه تانى..دة هان مشاعرى وكرامتى فاهم يعنى ايه..احساس صعب اوى..صدقنى انت مش حاسس بيا
يابنتى اسمعى منى للاخر ومش هتندمى عندى ليكى كذا خطة اعمليها ورا بعضها ووقت طويل لغاية امتى...لما رعد يعترف بحبه ليكى
طب تمام انا متحمسة اوى للخطة دى قولى وانا سامعاها
تمام ياستى اسمعى
ف القسم
كنت قاعد ع المكتب ماسك القلم جامد ومرة واحدة اتكسر ف ايدى
دخل عليا عمر ومعاه ملف نوسة
تخيل يارعد عرفت ايه...دى نوسة دى طلعت ابيض ملهاش اى ملف ف اداب خالص
قولتله بتريقة:محترمة فعلا....بقولك ايه انا اصلا مش مقتنع اروح اعمل ايه هناك...ومش بعيد يكون رجالة غسان مراقبانا وساعتها هنروح انا وهى ف الباى باى
عمر قالى:انت هتنخ ولا ايه ياعم انت لا انشف كدة اومال رعد ايه ة وبعدين متقلقش احنا هنكون ف ضهرك وانت بردو خد احتياطاتك فاهم يارعد نوسة دى ممكن تفيدنا ونعرف ازاى غسان بيستغل ضحاياه وبيخليهم يمضوا ع انهم موافقين ع العملية دى وف الاخر اهل المرضى دول بيقولوا انهم كانوا رايحين المستشفى لسبب تانى خالص
قولتله:الموضوع يحير فعلا وكمان اللى بييجوا يبلغوا مش بيرضوا يتكلموا عن اللى حصل معاهم قصاد الصحافة..خايفين يقتلوهم...احنا لازم نخلص من الموضوع دة ف اسرع وقت
قالى:ان شاء الله كله هيبقى تمام متقلقش
ف قصر الرملى
ف الجنية
مشيت انا واية وداخلين ع القصر ومش عارفين ايه اللى مستنينة هناك
خبطنا فتحتلنا اميرة وقالت ب استغراب:اهلا وسهلا اتفضلوا
ماما قامت هى وام اميرة وبصوا ناحيتنا ب استغراب
ماما قالت:مين دى يااسد
بصيت ل اية وقولت:دى اية ياماما..بصى الموضوع طويل ويطول شرحه..بس كل اللى هقوله دلوقتى اية هتبقى مراتى ع سنة الله ورسولة
ام اميرة خبطت صدرها ب ايدها كدليل يعنى ع الصدمة
يالهوى مراتك انت...طب وجيسى هانم هطلقها..دول انتوا لسة متجوزين مكملتوش شهرين
قولتلها وانا بحاول اكون شجاع رغم التوتر والخوف اللى جوايا
ومين قال بس انى هطلقها...جيسى مراتى وهتفضل مراتى لاخر نفس فيا...انا بحبها ومش هقدر اتخلى عنها بس بردو مش هعرف اتخلى عن مسءوليتى اتجاه ايه
ماما بصتلى بحسرة وقربت منى وقالت:اول مرة اعرف انك مزواج يااسد..يبنى انت ايه مبترحمش اتجوزت جيسى من ورانا ووافقنا وقولنا بيحبها وكفايا علينا نشوفه مبسوط ودلوقتى جايب واحدة تانية وبتقول دى هتبقى مراتى..انت ايه اللى ف دماغك...وبعدين انت فاكر ان جيسى هتقعد ع ذمتك بعد متعرف دة عشم ابليس ف الجنة
بصيت ل اية وقولت:اية ممكن تاخدى ماما وتروحوا اوضتها تتكلموا مع بعض شوية
وبصيت لماما وقولت برجاء
علشان خاطرى ياماما روحى معاها وهى هتفهمك كل حاجة...وغلاوة بابا عندك بلاش ترفضى...انا عملت دة علشان انتى رببتينى ع كدة...انا هتجوزها علشان احميها مش علشان شهوة منى ابدا...انا مكتفى بجيسى وعمرى مهبص لواحدة غيرها
لقيتها بصتلى ب اقتناع واستسلام وقالت:ماشى يااسد..امرى لله هروح معاها
والصدمة كمان ان سمعت صوت جيسى بتقول بحدة:شو عم بيصير هون
غمضت عينى جامد
اااااه يارب قوينى انا عارف مواجهتى مع جيسى مش هتبقى سهلة ابدا
لقيتها نزلت بسرعة وبصيت عليا وع اية بصدمة وقالت بزعيق:شو عم يصير هون حدا يفهمنى...مين يالى معك هلا مين هاى ليك احكى
قولتلها وانا ماسك كتفها وبقول:جيسى ممكن تهدى وهفهمك كل حاجة
لقيتها بعدت ايدى عنها بعنف وقالت بحدة:ايدك هاى ما تلمسنى بنوب انا هلا مانى مرتك..ليك بدك تتجوز عليا الله لا يوفقك ع ها العملة...ليك هاى مانا احسن منى عم تفهم..بدى اطلق وهلا بدى سافر لعند اهلى بدى اطلق طلقنى ليش ساكت هيك طلقنى
كانت منهارة وعمالة تزقنى بحدة وانا مش قادر اعملها حاجة وصدمتى انها طلبت الطلاق منى..يستحيل دة يحصل جيسى مراتى وبتاعتى انا وهتفضل بتاعتى
مسكت ايديها الاتنين وحطتهم ورا ضهرها مش مبالى بالى واقفين وقولت بحدة مماثلة:اهدى ياجيسى طلاق ايه..انتى عبيطة اسيبك تروحى لغيرى لا انسى مش هيحصل..وبعدين قولتلك اهدى وفهمك كل حاجة بطلى تسمعى وتحكمى بس ع اساس اللى سمعتيه لازم تفهمى..تعالى معايا فوق وهفهمك كل حاجة
لقيتها زعقت ف وشى وقالت:حقير خاين خاين مابدى اروح معك لمكان ليك اتركنى
شيلتها بين دراعاتى وطلعت بيها الاوضة وسط صرخاتهم ومقاومتها ليا
انا كنت مصدومة من اللى شوفته معقولة اكون سبب ف خراب بيت حد
بصيت لوالدة اسد وقولت:انا اسفة اوى بجد ..سامحينى
لقيتها قالت:تعالى معايا فوق
لقيتها طلعت وانا مكنش ف ايدى حاجة غير انى اسمع كلامها
ف المطبخ
كنت سرحانة وانا بقطع السلطة وفجاه جرحت ايدى جامد ونزفت روحت غسلتها بالمياه وحطيت شاش
وانا سايبة دموعى تعبر ع اللى انا حساه
لقيت ماما قالتلى:خدى يااميرة الاكل دة ووديه لريان بيه هتلاقية ف الجيم اللى ف الجنينة...روحى يابنتى مالك مبلمة كدة ليه
قولتلها:واروح انا ليه طب متروحى انتى اشمعنى انا
قالتلى:يابنتى انا ف ايدى حاجة شغلانى وبعدين بللش قلق الموضوع مش مستاهل روحى اديله الاكل وتعالى ع طول
قولتلها:ماشى
ف صالة الجيم
كنت قاعد بتدرب بعنف شديد مش عارف سببه وف دماغى كل الاحداث اللى جمعتنى ب اميرة واهمها لما فضلت تعيط ف حضن اسر واحنا ف المطعم فعلا كانت حالتها مش طبيعية
لقيت حد حمحم ببص لقيتها اميرة وكانت معاها صنية الاكل
تعالى يااميرة حطى الاكل هنا
راحت وحطت الاكل مكان مطلبته وهى بتتجاهلنى تماما
لقيت نفسى بنادى عليها وهى مطنشة الموضوع استفزنى وكانت قبل متخرج كنت ماسك ايدها وقولت:هو انا مش بنادى ولا البعيدة طرشة ومش بتسمع الكلام
بصيتلى بحدة وقالت:الزم حدودك معايا...انت ب اى حق تكلمنى كدة.. سيب ايدى
اتصدمت من كلامها وبعدت ايدى وقولت:انا اسف اصل الصراحة اكتر حاجة بتستفزنى انى انادى ع بنى ادم وهو مش بيرد عليا
معلقتش وكانت هتمشى بس اللى وقفها انى قولت:هو انتى ليه بتعملينى كدة...هو انا مش وحش ولا واحد شمال علشان تهربى منى كل متشوفونى
لقيتها بصتلى وقالت:هو انت بجد مش عارف انا زعلانة ليه؟! نسيت انت عملت ايه امبارح لما زعقت ف وشى.
انا لبست الفستان علشان ميرا طلبت منى كدة..ومكنتش اعرف انك انت اللى جيبتلها الفستان
قولتلها بصدمة:هو انتى عرفتى ازاى؟!
قالتلى:ميرا كلمتنى وقالتلى وقالتلى كمان انك اتخانقت معاها بعد عيد الميلاد بليل ع التليفون...ليه عملت كدة
قولتلها بحدة:شى ميخصكيش علد
غمضت عينى جامد مكملتش الكلام يارب هو انا ع طول دبش معاها ف الكلام كدة ليه
قولتلها:انا اسف بس مش بحب حد يدخل بينى وبين ميرا وزعلى منها زاد علشان حكيتلك اللى حصل
قالتلى بحسرة:معاك حق انا مليش دعوة
جت تمشى بس رجليها اتخبطت ف الة
صرخت بوجع
اااااه رجلى
مسكت كتفها وقولت بقلق:ايه يابنتى مش تاخدى بالك...ورينى رجلك اشوفها
قالتلى بعياط:رجلى ياريان واجعانى اوى...مش قادرة امشى اتخبط فيها جامد ااااه
قعدتها ع كرسى وقولت:ثوانى وجاى
روحت جيبت علبة الاسعافات ومسكت رجلها ودويتلها الجرح..ببص ف عنيها علشان اطمنها بس فجاه لقيتها بتبصلى بصات غامضة مش فاهمها يمكن كانت مزيج من العتاب والحب نظراتها سحرتنى بجد مكنتش قادر اشيل عينى من عليها
بس هى اللى بعدت عينها عنى بتوتر
قامت مرة واحدة وقالت:انا همشى
كنت عايزة امشى قبل مشاعرى متتفضح اذ مكننش اتفضحت اصلا...بس لقيت ريان مسك دراعى يمنعنى من المشى
ف اوضة اسد
حكتلها كل حاجة طبعا بعد مهديتها ودى اصلا كانت معجزة ف حد ذاتها
قالتلى:وانت ليش تعمل هيك بحالك؟! ليش بدك تحميها هى شو بالنسبة الك...عن جد مانى فاهمة شى
قولتلها:صدقينى كان لازم اعمل كدة...انا عايزك جمبى ومحتاج وجودك ف الوقت دة بالذات ياجيسى ارجوكى اوعى تتخلى عنى...مش عايز فراغ يبقى ف قلبى ييجى اى حد يملاه مش هقدر اسامح نفسى ارجوكى ياجيسى
لقيتها اترمت ف حضنى وفضلت تعيط وتقول:ما بدى ياك تحب حدا غيرى بترجاك يااسد ما تعمل فينى هيك والله بموت حالى....اذ بدك اسلم تكرم عينك بس ما تتجوز ها المخلوقة...انا خايفة كتير تحبا وتشاركنى فيك
بعدتها عنى ومسحت دموعها وقولت:محدش يقدر يملة عينى ولا اى ست مهما بلغت من جمال تخلينى ابصلها..علشان انتى حبى الوحيد...لازم تفهمى كدة كويس..فاهمة
قالتلى:شو راح تعمل مع ها البنت
تنهدت تنهيدة تعب وقولت:حاليا ليها شهور عدة ولازم تخلصها مش هعرف اكتب كتابى عليها قبل المدة متخلص وكمان هى حامل ف لازم تولد صدقينى انا لو عايز احبها مش هعرف الظروف كلها ضدى...انا بس هحميها اعتبريها ضيفة عندنا..بس ع الاقل هخطبها ايدة ايدة ارجوكى عياط لا قسما بالله مهقدر اشوف دموعك دى ابدا...خلى عندك ثقة فيا...واقولك كمان انا هنسيكى اية ونفسك والدنيا كلها تعالى معايا
شيلتها وحطيتها ع السرير والباقى انتوا عرفونى مش محتاج احكى فيه😂
بعد وقت هى كانت مبسوطة بالى حصل..بس لسة لحد دلوقتى قلقانة وزيها زى اى ست مش هتقبل بوجود واحدة ف حياه جوزها
ف اوضة ثريا
حكيتلها كل حاجة وانا بعيط وهى كانت مصدومة بس الحمد لله حسيت انى صعبت عليها ودة اتاكدت منه لما شدتنى لحضنها وانا مصدقت اترمى ف حضن حد خاصة ف حضن دافى وحنين كدة زى حضنها روحت عيطت بحرقة اكبر فضلت تواسينى ع جوزى اللى راح اللى كل مسمع اسمه افضل اعيط واصرخ وقالتلى ان بيتها مفتوح ليا...وقالتلى ازاى اتعامل مع جيسى وكمان مع البنات الموجودة ف الفلة وعرفتنى عليهم وجبتلى صور من عندها ليهم...وكمان قالتلى ع والد اسد..وقالتلى انه مش هيمانع وجودى ف حياتهم..والحمد لله مواجهتى مع اهل اسد باشا عدت ع خير
ويفضل السوال
ازاى هعيش هنا؟! وياترى القدر مخبيلى ايه؟!
فى القسم
عمر دخل عليا وع وشه ملامح الصدمة وقال:الحق يارعد نصيبة نوسة اتقتلت ف شقتها امبارح بليل😲😲😲
ف صالة الجيم
بصتله بصدمة وخوف: ف ايه
لقيته بصلى وقال:انا اللى فى ايه ولا انتى
بصتلة بتوتر وقولت:انا مالى انا...منا كويسة اهو
لقيت ريان ضيق عنيه وقال:انا حاسس انك فيكى حاجة..وحاسس بحاجة خطيرة اتمنى متكونش موجودة
بلعت ريقى بصعوبة وقولت:مش فاهمة تقصد ايه
ريان قرب منى وانا عمالة ابعد وكنت هقع بسبب الالة اللى ورايا بس ريان شدنى ليه جامد لدرجة ان وقعت ع صدره اتوترت وبعدت بسرعة
ريان قالى:بتحبينى يااميرة
يالهوى يااميرة ايه السوال دة يارب وانا المفروض اقول ايه...ريان انت اتجننت مستحيل طبعا اجاوبك ع السوال دة
حطيت وشى ف الارض بخوف وتوتر لقيته رفع وشى ليه وقال بجدية:متخافيش من اى حاجة وردى ع سوالى
لقيتنى بقوله:لا مش بحبك انت ازاى بتفكر ف كدة ابص ل خطيب اختى انت فاكرنى ايه وبعدين خلاص انا هتخطب ل اسر يبقى ازاى بحبك
قالى بمكر:يمكن بتعملى كدة علشان تنسينى بيه
قولتله بحدة:اسكت انت غلطان انا مش بحبك
قالى:طب اثبتى الكلام دة
قولتله ب استغراب:واثبته ازاى
قالى:تتجوزى اسر بسرعة يعنى بمجرد كتب الكتاب تعملوا الفرح وتانى يوم نقولك صباحية مباركة ياعروسة
بصتله بصدمة وقولت وانا بحاول اكون متماسكة
زى منت عايز..وصدقنى دة اللى هيحصل
مشيت وسابنتى ف صدمة معقولة هتعجل الجوازة دى لقيتى بمسك ازازة المياه وكبتها ع وشى مرة واحدة وفعستها ف ايدى ورميتها ع الارض وانا مش عارف انا متعصب ليه..ولا الكلام اللى قولتله
قولتله ازاى

ا نجرى كدة ف الاحداث لمدة 8 شهور
مفيش اى جديد يذكر
ريان واميرة حاولوا يتجاهلوا بعض من ساعت اخر موقف ما بينهم
ريان حاول يقرب من ميرا جدا وفعلا حس احساس الاحتواء معاها بعد كدة جتله سفرية شغل علشان يحضر موتمر مهم ف باريس
راح وقعد لمدة 5 شهور
اميرة ع طول كانت مع اسر ووداها تشتغل ف شركة كبيرة وكانت بتقضى معظم وقتها برة فبترجع مهدودة وعايزة تنام وفترة الاجازة كانت بتقضيه مع اسر وكانت بتحاول تنسى ريان معاه
اسر حاول يفتح معاها سيرة الجواز اكتر من مرة بس هى كانت بتتهرب منه بحجة انها لسة مش متاكدة من مشاعرها ناحيته ومحتاجة شوية وقت
بعد كدة علاقتهم خدت منحنى خطير جدا...وحدث شى لم يكن ف الحسبان
ريان رجع من السفر وحس بمشاعر الاشتياق لشخص ما
اما مع رعد ومروة
نفس التجاهل
مروة انشغلت ف دروسها ونجحت وبقت ف 3 ثانوى
رعد كل مبيحاول يقرب منها كانت بتصده ودة كان مضايقه فعلا
العرسان بقا بيطلبوا مروة علشان طول الفترة دى كانت بتحاول تهتم بنفسها جدا وفعلا كانت كلها انوثة
رعد كان متضايق اوى واقنع نفسه واللى حواليه انه رافض فكرة جواز مروة علشان لسة صغيرة وممكن تتخطب وهى ف 3 كلية غير كدة لا
مروة طفح بيها الكيل وقررت انها لازم تعرف رعد مقامه فضلت صبرة عليه 8 شهور حرام لازم يغهم انها مش صغيرة
اما بقا اسد واية
طول المدة دى اية بتتجاهل اسد تماما وقربت اوى من البنات بالذات مروة الاتنين حبوا بعض جدا وكانوا بيقعدوا مع بعض بالساعات
حاولت تقرب من عيلة اسد وفعلا حبوها اوى
وكانت بتخرج مع اابنات علشان يجيبوا هدوم للبيبى
حاولت تقرب من جيسى لكن معرفتش ابدا
جيسى كانت مش طايقة تبص ف وشها
وحاولت كذا مرة تطلعها من القصر بس كلهم كانوا رافضين دة
اسد حاول يقرب من اية لمجرد انهم يبقوا صحاب لكن هى كانت بتتجاهله علشان مراته متحسش ان فى حاجة بينهم
خلصت شهور العدة واية ولدت ولد سميته نوح ع اسم ابوه
عدا 8 شهور ودى الاحداث المهمة اللى حصلت
ودلوقتى هنخش ف مرحلة غير متوقعة ابدا
ف مقولة بتقول
اذ وقعت ف حب رجلان ف نفس الوقت
ف اختارى الثانى لانك اذ كنتى فعلا تحبين الاول ما
خفق قلبك للاخر
ايه علاقة المقولة دى ب ابطالنا
دة اللى هنعرفة بكره
ف احداث جديدة ومشاعر جديدة
من رواية اختلاف القلوب وتحدى القدر
*********************
إلي هنا ينتهي الفصل السادس من رواية اختلاف القلوب وتحدى القدر بقلم هاجر عبدالحليم
تابع من هنا: جميع فصول الرواية
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة