U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل السادس و الثلاثون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السادس و الثلاثون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السادس و الثلاثون

رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل السادس و الثلاثون

وبعد مرور أيام من دخول ادهم المصحه

بدأ يخرج المخدر من جسم داليا وكان تملى اللى يقويها ادهم رغم التعب الشديد اللى بيحس بيه وتملى كان قاعد معاها فى الاوضه

الكل بدء يشعر بغياب ادهم ويسأل عنه وكان تملى أكرم يقول إنه مسافر تبع شغل

منتهى وعلاء:- مفيش اى جديد فى علاقتهم ولسه عايش فى فيلا ادهم نزل يساعد فادى فى الشركه منتهى بتحاول تخلق اعذار لابوها بسبب تأخير علاء عن مقابلة الخطوبه هو وأهله

دينا وتامر :- دينا هى الوحيده اللى تعرف بوجود ادهم فى المصحه وبتطمن علي ادهم وداليا من أكرم تملى علاقتها مع تامر مستقره تامر بيحاول يوقف جنب حمزه فى أذمته وبيتصل كل شويه يطمن عليه وحب دينا بيزيد كل يوم اكتر من اليوم اللى قابله

مؤمن وسندس :- مؤمن حزين على اللى حصل لأخته ومبقاش يروح المدرسه وحابس نفسه فى اوضه
سندس نفس الحكايه حزينه من اللى حصلها من مؤمن ومش بتروح المدرسه بتاعتها وحبسه نفسها فى الاوضه بتاعتها

مكرم :- بيعانى من حبه لجاسمين وبيحاول يقضى اكتر وقت ممكن فى الشغل علشان ينساها

فادى رودينا :- فادى مش قادر ينسى حب رودينا وتملى تفكيره مشغول بيها لكن كل ما يتقابل معاها يحاول يجرحها بالكلام ويضحك مع نهى علشان يثبت ليها أنها مش فى تفكيره
رودينا حبها لفادى مسيطر عليها ومش قادره تخرجه من قلبها وكلام فادى ليها بيكسرها من جواها وبيوجعها وكل ما تشوفه واقف مع نهى تتجن وتبقى عايزه تروح تقتلها

ممدوح وايه :- ممدوح مشغول مع فاطمه واجل السفر بعد جواز فاطمه واكرم تفكيره مشغول بأيه بيحاول يشوفها بس مش عارف يوصلها
ايه قلبها اتعلق بممدوح وعلطول سرحانه تفكر فى كلامه وضحكه وهزاره وتقعد تضحك عليهم بس كانت خايفه لتكون هى بتحبه وهو مش بيحبها ولا شاغله تفكيره

أكرم وفاطمه :- أكرم واقف جنب ادهم تملى وعلطول عنده فى المصحه يشوفه لو محتاج حاجه ويطمن على داليا وفى نفس الوقت واخد باله من كل حاجه تخص ادهم ولما يحس أن هو بدء يضعف يكلم فاطمه تقويه وجهز كل حاجه فى الفيلا بس الفرح اتأجل بسبب دخول ادهم المصحه وقال إن هو مش هيعمل الفرح غير بعد رجوع ادهم من السفر
فاطمه عرفت بدخول داليا المصحه وكانت حزينه جدآ حاولت تروح تشوفها بس الزياره ممنوع وبتدعى ربنا أن يرجع داليا ليها بالسلامه

سعيد :- كان علطول قاعد بيقراه فى المصحف ودموعه على خده حزين علشان بنته وتملى يدعى ليها أنها ترجع لحضنه فى أقرب وقت

حمزه وميرفت :- حمزه حزين جدآ من يوم ما ميرفت بعدت عنه وسابته بينزل الشغل شويه ويخرج يدور عليها ميوصلش لحاجه يرجع البيت حزين يدخل يقعد فى اوضت ميرفت ويشم ريحتها فى المخده
ميرفت هتتجن على حمزه وقلبها وجعها ودموعها علطول على خدها وبتتمنا تجرى عليه وتترمى فى حضنه ونايمه علطول على السرير مش بتتحرك ومنيره بتخدمها ومنعها من الحركه ومحسن بيحاول يعوضها عن حنان الاب وبيهتم بيها زى بنته بالظبط
~•~•~•~•~•~•~•~•~•~•~•~•~•
اشرقت شمس نهار يوم جديد بنورها الساطع فى سماء الاسكندريه ليبدء أكرم بفتح عيونه على صوت تليفونه مد ايده اخد التليفون من على الكومدينو وبص فيه لاقه رقم غريب استغرب ورد وقال

أكرم:- السلام عليكم
المتصل:- وعليكم السلام حضرتك استاذ أكرم
أكرم:- ايوه انا مين حضرتك
المتصل :- انا سليم منصور من جريدة (......) وكنت عايزه اتأكد من حضرتك خبر دخول رجل الأعمال ادهم الحناوى المصحه لعلاجه من الادمان
أكرم:- قام قعد بصدمه وقال انت جبت الكلام ده منين
سليم:- ده خبر الموسم النهارده فى جميع الصحف والمواقع الإلكترونية
أكرم :- ده انا ههد الدنيا فوق دماغكم وقفل السكه فى وش الصحفى وقام بعصبيه من على سريره وطلب رقم الدكتور بتاع المصحه وانتظر الرد بس محدش رد عليه حدف التليفون على السرير وقال ودينى ما هرحم اللى عمل كده ودخل الحمام غسل وشه واتوضه وخرج اده فرضه ولبس هدومه ونزل يجرى
منير :- صحيح الخبر اللى نازل النهارده ده يا ابنى
أكرم :- غمض عينه وقال خبر ايه يا بابا
منير :- أن أدهم الحناوى محجوز فى مصحه بيتعالج من الادمان
أكرم :- ما انت عارف الإعلام يا بابا بيحب يكبر المواضيع
مكرم :- واحد زى ده هيكون ايه غير مدمن مخدرات وبتاع نسوان
أكرم :- بعصبيه قوام خلتوه مدمن وبتاع نسوان ادهم مش كده ولا عمره هيكون كده
ايه :- اهدا طيب يا اكرم احنا بنسألك عادى علشان الخبر ده حديث السوشيال ميديا النهارده
أكرم :- بصلهم وقال عن اذنكم وخرج وسابهم
مكرم :- مفكر أن احنا عبط ومش فاهمين حاجه واضح اوى من عصبيته أن الكلام ده صح
وفاء :- حتى لو صح بلاش نضايق أكرم بالكلام ده كلنا عارفين قد ايه هو بيحب ادهم
ايه :- صح ماما عندها حق بلاش نضايق أكرم بالكلام ده
مكرم :- محسسنى أن هو أخوه علشان زعلان عليه اوى
منير :- يا حبيبى متربين طول عمرهم مع بعض
مكرم :- يولعوا الاتنين مع بعض عن اذنكم
منير :- مكرم انا مش عجبنى نظامك اليومين طول بتهلك نفسك جامد فى الشغل وبترجع متأخر اوى
مكرم:- عادى يا بابا بخلص الشغل اللى عليا
منير :- يا ابنى انا فاهم بتعمل فى نفسك كده ليه انساها
مكرم:- بعصبيه انا مش بعمل كده علشان حد يا بابا عن اذنك وخرج وسابهم
منير :- ربنا يهديك يا ابنى ويصلح حالك
ايه :- مكرم بيتعذب اوى وبيطلع ده فى الشغل
وفاء :- فيها ايه لو كانت جاسمين وافقت تتجوز مكرم
ايه :- مكانش هينفع يا ماما جاسمين بتحب اخوه ازاى هتتجوزه و تعيش معاه صح جدآ اللى عملته جاسمين ده لما رفضت تتجوز مكرم ورجعت امريكا بكره هو هينسى وهيقابل واحده تحبه بجد وهو كمان يحبها
منير :- يارب يا بنتى
ايه :- وقفت وقالت انا رايحه عند فاطمه حد عايز منى حاجه
وفاء :- لا يا حبيبتى سلميلى عليها
ايه :- الله يسلمك باى وسابتهم ومشيت
~•~•~•~•~•~•~•~•~•~•~•~•~•
فى الصعيد

نزل حمزه الشغل كالعاده وهو مش قادر يفكر فى اى حاجه غير فى ميرفت دخل مكتبه وقعد على الكرسى وفتح صورة ميرفت على تليفونه وقال

حمزه :- يا ترى انتى فين يا ميرفت خلاص مش قادر اعيش ثانيه واحده من غيرك وفى الوقت ده تليفونه رن اخد تليفونه بص فيه لاقه رقم غريب رد وقال الو
المتصل :- مردش عليه
حمزه :- الو الو
المتصل :- مردش عليه
حمزه:- مين معايا وسكت شويه سمع النفس وقال ميرفت
المتصل :- مردش
حمزه:- ميرفت ايوه ده صوت نفسك انتى فين يا ميرفت ليه بعدى وسبتينى وفى الوقت ده السكه اتقفلت قال الو ميرفت يا ميرفت ولاقه السكه مقفوله قال الحمدالله يارب استجابة لدعواتى ايوه انا هعرف مكانها من الرقم ده واتصل على تامر وانتظر الرد
تامر :- ايوه يا حمزه عامل ايه دلوقتى
حمزه:- بفرحه اتصلت بيا يا تامر
تامر :- بفرحه بجد طيب قالت ليك هى فين
حمزه :- هى اتصلت بيا بس مقالتش ولا كلمه انا عرفتها من صوت نفسها
تامر :- متأكد انها هى
حمزه :- ايوه متأكد
تامر :- ماشى يا حمزه ابعت الرقم وانا هعرفلك المكان بالظبط
حمزه :- بسرعه بس يا تامر
تامر :- حاضر
حمزه:- قفل مع تامر وبعت ليه الرقم وقعد ينتظر مكالمة تامر ليه وبعد وقت طويل بالنسبه لحمزه اتصل تامر بيه تانى فتح التليفون بسرعه وقال ها عرفت المكان
تامر :- ايوه العنوان (......)
حمزه :- شكرآ يا تامر وقفل السكه ونزل يجرى ركب عربيته وراح على العنوان اللى تامر قال عليه لاقه عند ترعه بص حاوليه بأستغراب وقال هتكون فين هنا واتصل تانى على تامر
تامر :- وصلت ليها
حمزه :- ده مكان مفهوش غير ترعه يا تامر
تامر :- مفيش بيوت خالص
حمزه :- لاء
تامر :- طيب اتصل على الرقم اللى اتصلت بيك منه
حمزه :- جربت لاقته مقفول
تامر :- بزعل يبقى هى كانت عارفه انك هتعمل كده اتصلت بيك من الخط ورمته
حمزه :- بزعل كنت مفكر أن انا خلاص وصلت ليها
تامر :- معلش اكيد هنوصل ليها قريب واعمل حسابك ممكن تكون فى مكان قريب من اللى انت فيه دلوقتى دور فيه كويس
حمزه:- بزعل ماشى
تامر :- ابقى طمنى
حمزه:- سلام وقفل معاه وراح ركب عربيته ومشى بيها وشاف واحده من ضهرها شبه ميرفت فرح ونزل يجرى من العربيه وقال ميرفت وراح وقف قصادها بس اتفاجئ أنها مش هى اتأسف ليها ورجع تانى عربيته وركبها وراح على البيت وهو حزين
~•~•~•~•~•~•~•~•~•~•~•~•~•
في بيت محسن

دخلت ميرفت من الباب بتجرى دخلت اوضتها واترمت على السرير وقعدت تعيط منيره دخلت وراها وقعدت جنبها على السرير وطبطبت عليها وقالت

منيره :- كنتى فين يا بنتى
ميرفت :- كنت بحاول اسمع صوته يمكن ارتاح شويه طلعت كده بعذب نفسى اكتر
منيره :- لا حولا ولا قوة الا بالله طيب يا بنتى جاى عليك بأيه العذاب ده ما ترجعى ليه من تانى وربى ابنكم مع بعض
ميرفت :- حطت ايديها على بطنها وقالت مينفعش يا خالتى هيشك فيه أن هو مش ابنه انا اتكتب عليا اعيش متعذبه بشوقى ليه هفضل طول عمرى كده بسبب فراقه
منيره :- يا بنتى كفايه انتى كده بتقطعى قلبى عليكى
ميرفت :- قامت واترمت فى حضن منيره وقعدت تعيط
منيره :- ربنا يريح قلبك يا بنتى وطبطبت عليها وقعدت تمشى ايديها على شعرها لحد ما عينيها راحت فى النوم عدلتها ونيمتها على المخده وغطتها وخرجت قفلت باب الاوضه عليها وقعدت على الكنبه
محسن :- عامله ايه دلوقتى
منيره :- قلبى واجعنى عليها يا سى محسن البنت متعذبه اوى بسبب جوزها
محسن:- لو مكانتش حلفتنى أن انا مقولش لجوزها عن مكانها كنت روحت جبته ليها من زمان
منيره :- ما هى برضه معذوره خايفه على اللى فى بطنها منه بتقول أنه بيشك فيها
محسن :- ربنا يصلح حالهم يارب هقوم بقى اشوف اكل عيشى
منيره :- ربنا معاك يا رب ويرزقك ويوسع رزقك يا قادر يا كريم
محسن :- ربنا يخليكى ليا وبسها من راسها ومشى
~•~•~•~•~•~•~•~•~•~•~•~•~•
فى اسكندريه

عند أكرم

راح المصحه عند ادهم وهو متعصب ودخل على مكتب الدكتور ومسكه من هدومه وقال

أكرم :- سبق ونبهتك أن خبر وجود ادهم عندك فى المصحه ميخرجش بره صح
الدكتور :- بخوف ا.ا.ايوه وانا سمعت كلامك ومقولتش لحد عن وجود ادهم باشا عندى
أكرم :- والله امال الناس دى كلها عرفت منين
الدكتور :- والله العظيم ما اعرف انا اتفاجئت زيك بالظبط بالخبر
أكرم :- مين غيرك يعرف بوجود ادهم هنا انطق
الدكتور :- الممرضين بس برضه محدش منهم قال حاجه انا سألتهم كلهم الصبح
أكرم :- يعنى لا انت ولا الممرضين الصحفيين عرفه من نفسهم كده صح
الدكتور :- والله ما اعرف مين اللى قالهم
أكرم :- حسابك معايا بعدين مش دلوقتى اياك ادهم يعرف بالموضوع ده
الدكتور :- بخوف ح.ح.حاضر
أكرم :- زقه وخرج من مكتبه راح عند الاوضه بتاعة أدهم وخبط عليها ودخل وقال عامل ايه دلوقتى يا ادهم
ادهم :- بتعب قعد على السرير وقال احسن من الاول
أكرم :- احنا وشنا نور اهو من تانى
ادهم :- اتنهد وقال طمنى الشركه عامله ايه دلوقتى
أكرم :- متقلقش على اى حاجه كله ماشى تمام وزى الفل
ادهم :- حد عرف حاجه عن وجودى هنا
أكرم :- ها ل.ل.لا طبعآ
ادهم :- بصله بشك وقال أكرم
اكرم :- يا ادهم متقلقش قولتلك
ادهم :- ماشى
أكرم :- داليا عامله ايه
ادهم :- بقت احسن دلوقتى
أكرم:- طيب الحمدالله انا حاسس ان الموضوع ده جه فرصه علشان تقربوا من بعض اكتر
ادهم :- مكنتش حابب نقرب لبعض بطريقه دى وسكت شويه وقال بس هيفضل اللى حصل فيها بسببى ده حاجز ما بنا يا اكرم
أكرم :- بلاش تحسبها كده انتو الاتنين اتأذيته زى بعض بالظبط
ادهم :- بتوعد ومش هرحم اللى عمل فينا كده مش هقدر اعيش مع داليا صح غير لما انتقم منهم واجيب ليها حقها
اكرم :- اعمل اللى انت عايزه وانا فى ضهرك يا صاحبى
ادهم :- خبط على كتفه وقال شكرآ على كل اللى عملته معايا يا اكرم
أكرم:- وهو مش مصدق استنا كده ادهم الحناوى بجلالة قدره بيشكرنى لاء انا لو اعرف ان الموضوع ده هيغيرك كده كنت جبتلك المخدرات دى بنفسى من زمان
ادهم :- قوم بقى وقتك خلص معايا
أكرم :- وليه التغير المفاجئ ده يا عم ما كنت لذيذ من ثانيه واحده
ادهم :- اكرررررررم
أكرم :- وقف وقال احم انا بقول أن وقتى خلص برضه يلا سلام وخرج من الاوضه ومشى
ادهم :- بص على أكرم لحد ما خرج وقام من على السرير بصعوبه سند على الحيطه وراح عند الباب فتحه وخرج راح عند باب اوضت داليا خبط وفتح الباب ودخل ملقاش داليا على السرير اتخض عليها دخل بسرعه وقال داليا يا داليا
داليا :- خرجت من الحمام وقالت ادهم فيه ايه بتنادى بصوت عالى كده ليه
ادهم :- شدها فى حضنه وضمها جامد
داليا :- اتفاجئت باللى عملوا ادهم وقالت بكسوف ا.ا.ادهم فى ايه مالك
ادهم :- اتخضيت عليكى لما دخلت وملقتكيش على السرير
داليا :- بعدت عنه وقالت احم ك.ك.كنت فى الحمام
ادهم :- انتبه لنفسه وقال ماشى انا جيت اطمن عليكى محتاجه حاجه
داليا :- رجعت شعرها وراه ودنها وقالت ش.ش.شكرآ
ادهم :- مشى لحد الباب
داليا :- ادهم
ادهم:- بصلها وقال ايوه يا داليا
داليا :- انت مقولتش ليا مين اللى عمل فينا كده وعمل فينا كده ليه
ادهم:- هتعرفى كل حاجه فى وقتها
داليا :- طيب انا بابا واحشنى
ادهم :- هبعت اجيبه ليكى
داليا:- ماشى
ادهم :- لسه هيخرج
داليا :- ادهم
ادهم:- بص ليها وقال ايوه
داليا :- انا زهقانه من القاعده فى الاوضه
ادهم :- تعالى اقعدك فى الجنينه تحت شويه
داليا :- بفرحه بجد
ادهم :- ابتسم ليها وقال بجد
داليا :- يلا بينا
ادهم:- استنى
داليا:- ايه
ادهم :- البسى حاجه تانيه غير ده
داليا :- بصت على نفسها وقالت ليه ماله
ادهم :- مفتوح من فوق وقصير
داليا :- احم م.م.ماشى اطلع بره وانا هغيره
ادهم :- ماشى وخرج من الاوضه وقف عند الباب وشويه وخرجت داليا وقالت
داليا :- حلو ده
ادهم :- بص ليها وقال ايوه حلو يلا ومشى معاها وهو حاسس بتعب
داليا :- ادهم انت تعبان
ادهم :- لاء انا كويس
داليا :- بقلق لو تعبان بلاش ننزل
ادهم :- بكدب لا انا كويس
داليا :- نزلت معاه الجنينه بتاعت المستشفى ومشيت جنبه وقالت ياااااااااه قد ايه كان واحشنى الهوا ده الاوضه عامله زى السجن محبوسه فيها علطول
ادهم :- الدكتور لسه قايل ليا الصبح لو حابين ننزل نتمشى فى الجنينه شويه ننزل
داليا :- بس انت مقولتش ليا غير لما قولتلك أن انا زهقانه
ادهم :-بتعب وعصبيه مش نزلتى وخلاص يا داليا يهمك فى ايه انتى اللى قولتى الاول ولا انا اللى قولت
داليا :- خلاص ماشى
ادهم :- راح قعد على الكرسى بتعب ومسك دماغه
داليا :- راحت عنده وقالت تعال نطلع فوق يا ادهم شكلك تعبان
ادهم :- اااااااه مش قادر ااااااااه
داليا :- بخوف ادهم اجمد علشان خاطرى
ادهم :- رجع فى الارض وقال بألم نادى الدكتور بسررررررعه اااااااااه ااااااااه
داليا :- بدموع حاضر حاضر وطلعت تجرى بلغت الدكتور
الدكتور :- جه وقال انت لازم تطلع الاوضه حالا
ادهم :- بتعب وعصبيه اعمل اى حاجه تخلصنى من الوجع ده ااااةاااه
الدكتور :- نده الممرضين سنده ادهم وطلعوا الاوضه عنده واخد حقنه مهدأه وبدأت عينه تروح فى النوم
داليا :- قعدت جنبه بدموع ومشيت ايديها على شعره وقربت شفايفها عند راسه وبسته وقالت ارجوك ارجعلى يا ادهم انت قوتى مينفعش تضعف علشان انا سانده عليك ومطمنه لو انت ضعفت انا هبقى ولا حاجه انا حبيتك من اول ثانيه شوفتك فيها حسيت بالأمان وانا جنبك ومهما عملت فيا مش قادره اكرهك ادهم ارجع لداليا مراتك ارجع لكبريائك وعزة نفسك ارجع ناقر الصحفيه المتمرده ايوه يا ادهم انا متمرده على حبك وكبريائك بس فى الاخر اللى انتصر ما بينا الحب لا التمرد نفع ولا الكبرياء نفع ونامت جنبه على السرير وحطت راسها على صدره وغمضت عينيها ونامت
~•~•~•~•~•~•~•~•~•~•~•~•~•
فى بيت منتهى

دخلت ام منتهى الاوضه عند بنتها وهى زعلانه وقالت

ام منتهى:- منتهى
منتهى :- ايوه يا ماما
ام منتهى :- ابوكى قرر أن يلغى الفاتحه مع علاء وهيكلمه النهارده يبلغه بكده
منتهى :- بصدمه ايه اللى انتى بتقوليه ده يا ماما
ام منتهى :- ده مش كلامى يا بنتى ده كلام ابوكى
منتهى :- وليه بابا يعمل كده
ام منتهى :- متعصب وقال من يوم ما جه قراه فاتحه لا حس ولا خبر
منتهى :- والله يا ماما غصب عنه حصلت مشاكل معاه فى الفيلا وابوه طرده منها وهو قاعد عند اخوه وشغال فى شركة اخوه
ام منتهى :- المشاكل دى بسببك انتى
منتهى :- بدموع ايوه قال ليهم أن هو قراه فاتحه راح ابوه طرده هو مش وحش والله يا ماما هو كل الحكايه بيخاف على زعل أمه وابوه وبيحاول معاهم يقنعهم
ام منتهى:- والله يا بنتى مش فى ايدى حاجه ابوكى مصمم يكلمه وينهى معاه كل حاجه معرفش ايه سبب التغير المفاجئ ده
منتهى :- ابوس ايدك يا امى بلاش تخليه يعمل كده انا لو بعد عنى علاء هموت ارجوكى يا امى واترمت فى حضنها
ام منتهى :- ربنا يهدى ابوكى ويرجع عن اللى فى دماغه يا بنتى وقعدت تطبطب عليها
~•~•~•~•~•~•~•~•~•~•~•~•~•
فى فيلا خالد الحناوى

فى اوضت سندس

كانت نايمه على السرير بتاعها وعماله تعيط ومانعه الاكل والشرب ومش بتنزل المدرسه وحابسه نفسها فى الاوضه ومسكت تليفونها واتصلت بمؤمن وانتظرت الرد

المؤمن :- ايه عايزه ايه متصله بيا تانى ليه
سندس :- بدموع وضعف ليه عملت فيا كده عملت ليك ايه انا حبيتك بجد من قلبى قولت عليك مختلف عن كل الناس ليه طلعت زيهم ليه هو انا وحشه اوى كده فى وسطكم ليه كلكم بتحاولوا تكسروا الحلو اللى فيا
مؤمن :- انتى لازم يتعمل فيكى زى ما اخوكى بيعمل فى اختى بالظبط
سندس :- بوجع ذنبى انا ايه يا مؤمن ذنبى أن انا عبيطه وساذجه ذنبى أن انا بصدق الناس بسرعه عارف رغم الوجع اللى شايفه من إهمال اهلى ليا بس عمرى ما وصلت للحاله اللى انت وصلتنى ليها دى مش قادره اكرهك ولا قادره انسا انك انت كنت واخدنى لعبه وسيلة انتقام تنتقم بيها من اخويه انا بموت بسببك يا مؤمن مبقاش ليا نفس لاى حاجه عارف انا عايزه ايه دلوقتى عايزه اموت مش عايزه اعيش وسط البشر كلكم خاينين كلكم قلوبكم حجر وقعدت تعيط
مؤمن :- واختى برضه مذنبهاش حاجه اخوكى غدر بيها وجعها وكسرها وصلها للإدمان هى برضه معملتش ليه حاجه العين بالعين والسن بالسن والبادى اظلم يا سندس
سندس :- بدموع هتندم يا مؤمن بس فى وقت مينفعش فيه الندم بكره ربنا هيعوض كسرة قلبى دى خير وانت هيوعدك بواحده تكسر قلبك زى ما انت كسرته ليا وهترجع ليا ندمان وسعتها مش هسأل فيك وهخليك تبكى بدل الدموع دم سلام ولا اقولك أن شا ءالله مش هتشوف فى حياتك ابدآ سلام ولا راحه علشان جيت على قلب واحده حبيتك بجد وقفلت السكه فى وشه ورمت التليفون جنبها وقعدت تعيط
~•~•~•~•~•~•~•~•~•~•~•~•~•
فى فيلا ادهم الحناوى

فى اوضت دينا

كانت قاعده بتكلم تامر فى التليفون وهى دموعها على خدها

دينا :- شوفت يا تامر الناس كلها بتتكلم عن دخول ادهم مصحة الإدمان انا مش عارفه مين اللي نشر الخبر ده وعرف منين
تامر :- أهدى يا حبيبتى اللى حصل حصل احنا عايزين دلوقتى نوقف جنب ادهم ومنخلهوش يحس بحاجه
دينا :- أكرم قالى ان هو راح المصحه ليه واطمن عليه وقال إن هو ميعرفش حاجه عن الموضوع ده
تامر:- طيب يا حبيبتى على ما يخرج من المكان اللى هو فيه ده يكون الناس نسيت دى اكتر حاجه فى البلد دى الخبر ينزل ويشتهر بسرعه ويتنسى برضه بسرعه
دينا :- ادهم لو عرف أن الناس عرفت الموضوع ده هيبقى واحد صعب جدآ ادهم اهم حاجه عنده كرامته وكبريائه قدام الناس
تامر :- أن شاءالله مش هيعرف وانتى علشان خاطرى بلاش دموع علشان دموعك دى بتقتلنى
دينا :- حاضر يا تامر
تامر :- يلا بقى يا حبيبتى قومى اغسلى وشك وشوفى هتعملى ايه
دينا :- هعمل اللى بعمله كل يوم شغل الفيلا كله بقى فوق دماغى من يوم ما الشغاله دى اختفت
تامر :- طيب ما تجيبوا واحد غيرها
دينا :- لما ادهم وداليا يرجعوا بالسلامه
تامر :- أن شاءالله يا عمرى
دينا :- باى
تامر :- باى
دينا :- قفلت مع تامر وقامت دخلت الحمام غسلت وشها ونزلت تقوم بشغل الفيلا وتحضر الاكل
~•~•~•~•~•~•~•~•~•~•~•~•~•
فى بيت فاطمه

دخلت فاطمه تجرى على اوضت ممدوح وقعدت على السرير جنبه وهو نايم وضربته على كتفه وقالت بصوت عالى

فاطمه :- ممممممممممممدوح
ممدوح:- قام مفزوع وقال ايه فى ايه
فاطمه :- قوم بسرعه كده وفوق يلا يا ممدوح فوق يلا يا ممدوح
ممدوح :- بعصبيه اللعن ابو ممدوح فى ايه يا شيخه
فاطمه :- فؤقت
ممدوح :- قام قعد وقال انتى متنيله وشايفه ايه
فاطمه :- لاء مدام فيها متنيله يبقى فؤقت
ممدوح :- الله يحرقك مش كنتى مكتئبه علشان داليا ايه اللى حصل بقى
فاطمه :- ما انا اطمنت عليها من اكرم وخلانى اكلمها فى الفون وصوتها الحمدالله كويس واكرم وعدنى أن هو هيودينى ليها
ممدوح :- طب كويس عايزه من امى ايه بقى
فاطمه :- وانا هعوز ايه من مرات عمى
ممدوح :- فاطمه اطلعى بره جتك القرف فى شكلك ونام تانى
فاطمه :- بلاش هتندم
ممدوح:- اى حاجه منك تغور
فاطمه :- براحتك ووقفت ومشيت لحد الباب وقالت انا اللى غلطانه كنت جايه افرحك واقولك أن ايه بره
ممدوح :- قام جرى عند فاطمه بفرحه وقال احلفى
فاطمه :- لالالا يا مندوح ابعد عنى ومتكلمنيش واصل
ممدوح :- قلب مندوح عقل مندوح انتى قولى بقى بجد ايه بره
فاطمه :- اممممم عايزنى اقولك اه ولا اقولك لاء
ممدوح :- وهو بيدوس على سنانه قال اى حاجه تطلع منك حلوه يا قلبى
فاطمه :- مش عارفه ليه حاسه ان نفسى بتغز عليا وعايزه شيكولاته
ممدوح :- احلى باكو شيكولاته هيجى لاختى حبيبتى وانا عندى اغلى منها
فاطمه :- ماشى شكرآ وفتحت الباب ولسه هتطلع
ممدوح :- خدى هنا يا بت ردى عليا ايه بره بجد ولا انتى بتشتغلينى
فاطمه :- اشتغلك ليه هو انت مفرش هههههههههه
ممدوح :- اللهم طولك يا روح انطقى بقى
فاطمه :- عشت وشوفت اليوم اللى اغيظك فيه ياااااااااه
ممدوح :- انا صبرى بدء ينفذ
فاطمه :- هات صبر غيره هههههههههه عسل يا بطه عسل هههههههههه
ممدوح :- مسكها من قفاها وقال قسمآ عظمآ لو ما نطقتى لكون معلقك فى البلكونه و اخلى اللى ما يشترى يتفرج عليكى
فاطمه :- توحه حبيبى يهون عليك تعمل كده فى أختك
ممدوح:- اه يهون انطقى ايه بره بجد
فاطمه :- اه انت بتسألنى يعنى
ممدوح :- لاء بسأل نفسى
فاطمه :- طيب ما تقول كده البت قاعده بره زمانها حمضت
ممدوح :- فتح باب الاوضه بتاعته وحدفها وقال اللعن ابو غلاستك معرفش طالعه لمين وقفل الباب وراها
فاطمه :- فتحت الباب تانى وقالت على فكره طالعه ليك ولو مش مصدق اجبلك أكرم وقفلت الباب وطلعت تجرى
ممدوح :- جتك نيله عليه ودخل الحمام غسل وشه واتوضه وخرج اده فرضه وغير هدومه وخرج من الاوضه وشاف ايه وقال ايه ده ايه عندنا مش مصدق نفسى
ايه :- على فكره بقى تمثيلك اوڤر اوى
ممدوح :- اهو بنتعلم منك يا ملكة الاڤوره
ايه:- يعنى انت عايز تقنعنى انك متعرفش أن انا موجوده هنا
ممدوح :- زى ما انتى اقنعتينى بالظبط انك قابلتى اخوكى فى الكافيه صدفه
فاطمه :- هو فيه ايه
ممدوح :- فراخ بانيه
فاطمه :- ايه
ايه :- باتيه
فاطمه :- انتو هتحدفونى لبعض ولا ايه
ايه:- هههههههه هو اللى بدء
ممدوح :- ما انتى حلوه وبتعرفى تمشى معايا على نفس النمط اهو
ايه :- على فكره بقى الحته دى لعبتى
فاطمه :- انتو بتقولوا ايه انا مش فاهمه حاجه
ممدوح :- حط أيده على كتفها وقال من امته وانتى بتفهمى يا حبيبتى
ايه:- اضايقت لما ممدوح حط أيده على كتف فاطمه وقالت بغيظ هو انتو عندكم كده عادى
فاطمه :- بصت بأستغراب لممدوح ورجعت بصت تانى لايه وقالت قصدك ايه مش فاهمه
ايه :- يعنى ابن عمك يحط أيده على كتفك ويحضنك ويقولك حبيبتى كده عادى اصل احنا عندنا عيب
فاطمه :- ااااااه لاء احنا عندنا مش عادى وعيب برضه أن ابن العم يحضن بنت عمه ولا يلمسها وبيبقى فيه برضه حدود
ايه :- بس مش شايفه كده يعنى
فاطمه :- علشان ممدوح مش ابن عمى بس ممدوح اخويه فى الرضاعه
ايه :- احم ازاى
فاطمه :- يعنى راضعين من نفس البقره اقصد من نفس الام
ممدوح :- ههههههههههه وانا اقول طالعين اغبيه كده ليه اتارى راضعين من بقره واحده اقصد من ام واحده ههههههههه علشان كده الهبل عندنا واحد بس عارفه يا طمطم يا اختى كان نفسى امك تبقى من الأمهات اللى بترضع هوت شوكليت يا سلااااااام
فاطمه :- معلش بقى اصل سعتها مكانش لسه نزل الاوبشن الجديد ده
ايه:- احم سورى يعنى علشان اتكلمت معاكم بالطريقه دى
ممدوح :- صورم يا نفيسه متحطيش فى بالك
فاطمه :- بلاش تحطى فى بالك حطيه فى جيبك احسن ههههههههههه
ممدوح :- هههه خفه
ايه :- وقفت وقالت انا همشى بقى
ممدوح :- عليا الطلبات ما انتى ماشيه يرضيكى يمينى يوقع فى الارض
ايه :- هههههههه لاء ميرضنيش وقعدت تانى
ممدوح :- بص لفاطمه وقال ايه
فاطمه :- هههه ايه
ممدوح :- جتك أوه روحى اطمنى على جوزك فى التليفون
فاطمه :- لاء ما انا كلمته وقالى مش فاضى
ممدوح :- يا دين النبى طيب روحى هاتى حاجه ليها عيب دى ضيفه عندنا برضه
فاطمه :- سألتها ومرضتش تشرب حاجه
ممدوح :- طيب غورى فى اى داهيه
فاطمه :- لاء انا مرتاحه هنا
ممدوح :- مسكها من هدومها وبص لايه وقال ثانيه وراجعلك ومشى بيها
ايه :- ههههههههههه مجانين
ممدوح :- زق فاطمه فى اوضتها وقال عارفه لو شوفت خيالك فى الصاله هعمل فيكى ايه
فاطمه :- ايه
ممدوح :- هعصرك وانزل منك عصير طماطم حمضان ماشى وقفل الباب وراه وراح عند ايه وقال عسل فاطمه دى عسل
ايه :- هههههههههه فى دى عندك حق بطه عسل
ممدوح:- بصوت واطى عسل اسود
ايه :- بتقول حاجه
ممدوح:- ها لا ولا حاجه المهم انك منوره
ايه :- ميرسى
ممدوح :- برسيم
ايه :- ههههههههههههه
ممدوح :- يا لهوووووى عليا وعلى اللى حاوليا فيه كده فى الدنيا دى ضحكه دى ولا سفونيه جميله
ايه :- اتكسفت وبصت فى الارض
ممدوح :- لاء استنى هنا بلاش اللهى تنسترى جو الكسوف الهابط ده احنا فى زمن البنت هى اللى بتعاكس الشباب
ايه :- بصت ليه بغيظ وقالت لاء انا مش منهم البنات دول
ممدوح :- ما انا عارف انك مش بنت اصلا
ايه :- بصدمه ايه
ممدوح:- لاء مقصدش اللى جه فى دماغك يا منيله انا اقصد انك بنت بمية راجل
ايه :- هههههههههه احم ماشى
ممدوح :- بقولك ايه من الاخر كده انا اندبست فيكى وحبيتك
ايه :- بكسوف نعم
ممدوح :- اه والله زى ما بقولك كده بحبك
ايه :- انت مش طبيعى والله مجنون
ممدوح :- ليه بس
ايه :- علشان مفيش حد بيعترف بحبه لحد تانى بالطريقه دى خالص
ممدوح :- مش انا اعترفتلك كده
ايه :- ايوه
ممدوح :- يبقى فيه ها اخلصى بتحبينى وهتموتى عليا ولا لاء
ايه :- هههههههه هموت عليك مره واحده
ممدوح :- قولى يا اختى كل اللى جواكى متتكسفيش انا زى اخوكى برضه
ايه :- لاء بجد انت فظيع ووقفت وقالت انا ماشيه
ممدوح :- اتنيلى واقعدى هنا يا بنتى قولى ليا بتحبينى ولا لاء الاول
ايه :- انت عبيط يا ابنى سبنى امشى
ممدوح :- اه عبيط وابقه اهبل لو سبتك تمشى من غير ما تقولى ليا بتحبينى ولا لاء
ايه:- بصوت عالى انا ماشيه يا فاطمه انا ماشيه يا طنط
ام فاطمه :- خرجت من المطبخ وقالت ما لسه بدرى يا بنتى
ايه :- معلش يا طنط لازم امشى
فاطمه :- خرجت من اوضتها وقالت يارب اكون نفذت التعليمات
ممدوح :- وهو بيبص بغيظ لايه علشان هربت من سؤاله قال ايوه يا اختى نفذتيها بس فيه ناس تانيه هربت
فاطمه :- شكلها سوحتك هههههههه
ايه :- ههههههههه حاجه زى كده يلا باى ومشيت وهى بتضحك على ممدوح اللى متغاظ منها علشان مردتش عليه
فاطمه :- مشيت وهى بتغنى وتقول ااااااه يا قلبى اااااه يا قلبى الواد ده جراحنى فى قلبى ااااااه يا قلبى ودخلت اوضتها
ممدوح :- بغيظ واجعه فى قلبك انتى وهى يا بعيده ودخل على اوضه

~•~•~•~•~•~•~•~•~•~•~•~•~•
فى شركة أدهم الحناوى

وصلت رودينا الشركه وراحت عن السكرتيره نهى وبصت ليها بقرف وقالت

رودينا :- ممكن لو سمحتى تدخلى تبلغى استاذ فادى أن انا جيت
نهى :- اممم بس استاذ فادى مش فاضى دلوقتى
رودينا :- ملكيش دعوه قوليلوا انتى بس أن انا بره هو اللى طالب يشوفنى
نهى :- اوك ثوانى وقامت راحت عند مكتب فادى وخبطت على الباب ودخلت وقفلت الباب وراها تحت نظرات رودينا وشويه وخرجت وقالت استاذ فادى منتظر حضرتك اتفضلى
رودينا :- بقرف ميرسى ودخلت المكتب عند فادى
فادى :- اقفلى الباب وراكى
رودينا :- هوف حاضر ورجعت قفلت الباب وراحت تانى قعدت على الكرسى وقالت خير حضرتك كانت سايب خبر عندنا فى الشركه انك عايزنى
فادى :- بص ليها شويه وبعدين قال أنا لو عليا مكنتش عايز اشوف وشك نهائى بس نعمل ايه لادهم اخويه بقى المهم انا جبت هنا علشان ابلغك تحضرى نفسك علشان مسافرين اخر الاسبوع ده
رودينا :- بأستغراب مسافرين فين أن شاءالله
فادى :- هنسافر فرنسا علشان نستلم المعدات بتاعة الشركتين
رودينا :- وانا مالى ما تسافر انت استلمها وانا هستلمها هنا منك
فادى :- مش خدامين جنابك احنا مش المعدات دى لينا وليكم
رودينا :- ايوه لينا وليكم بس انتو الشركه المتعاقدة معاهم مش احنا
فادى :- انا مش جايبك هنا علشان اخد رأيك أنا جايبك علشان ابلغك تجهزى لسفر على اخر الاسبوع تقدرى تمشى
رودينا :- انا مش شغاله عندك علشان تدينى أوامر
فادى :- والله انتى شغاله عندى تقدرى تراجعى العقود كويس اوى وانتى هتعرفى أن احنا لينا مطلق الحريه فى اختيار الموظفين اللى هنتعامل معاها من عندكم وانا اختارتك كموظفه فى الشركه بتاعتكم وانتى لازم تنفذى الاوامر يا اما كده يا تدفعى الشرط الجزائى اللى هيبقى صعب انكم تدفعوا وادهم عمل كده علشان متقصروش فى الشغل زى المره اللى فاتت
رودينا :- بصت ليه بقرف وقالت اخر الاسبوع هكون جاهزه عايز حاجه تانى
فادى :- لف الكرسى واداها ضهره وشاور ليها أنها تمشى
رودينا :- بغيظ بنى أدم مغرور وفتحت الباب وخرجت منه بغيظ ووقفت عند مكتب نهى بصت ليها بقرف وخرجت تجرى من الشركه
~•~•~•~•~•~•~•~•~•~•~•~•~•
فى مكتب ادهم

أكرم كان قاعد على مكتب ادهم وبيشتغل وفاجئه الباب اتفتح ودخل خالد الحناوى عليه وهو الشر بينط من عينه وقال

خالد :- قاعد فى مكتب ادهم بتعمل ايه
أكرم :- بكل برود بشوف شغلى
خالد :- شغلك ! شغل ايه ده انت ملكش شغل هنا اطلع بره
أكرم :- محدش ليه حق يطردنى من شركتى
خالد :- انت مفكرنى معرفش أن أدهم نهى الشراكه اللى ما بينكم
أكرم :- لاء حضرتك من الواضح كده فيه حاجات تانى كتير حصلت انت متعرفهاش
خالد :- تقصد ايه
أكرم :- متشغلش بالك اتفضل قول كنت جاى عايز ايه حضرتك
خالد :- انا جاى استلم شركة ابنى بعد ما خبر الإدمان كله عرفه من حقى انا ابوه استلم كل ممتلكاته علشان هو غير امين عليها ورفعة دعوه حجر عليه وهكسبها قريب اوى بعد ما قدمت الورق اللى يثبت أن هو مدمن
أكرم :- قام وقف وراح عنده وقال ههههههههههه احب ابلغك أن أدهم حاليآ لا يحتكم على ولا مليم ادهم باع كل أملاكه ليا علشان يسدد الديون اللى عليه
خالد :- بصدمه انت كداب
أكرم :- لاء مش كداب ومعايا ورق يثبت كلامى ده
خالد :- انت حرامى واستغليت ادهم واخد فلوسه
أكرم :- استغليت ادهم هههههههه يا خالد باشا انت مش عارف ابنك ولا ايه أدهم مستحيل حد يستغله كل الحكايه أن هو مبقاش عنده نفس يكمل راح باع كل حاجه حتى الفيلا اللى عايش فيها حاليآ دى بأسمى
خالد :- وقف بعصبيه وقال كداب وحرامى وانا هعرف ارجع كل حاجه منك ازاى ومشى وسابه
أكرم:- ابقى سلملى على طنط إنعام يا عمو وراح قعد تانى على مكتبه ورجع راسه لوراه وافتكر اللى حصل مع ادهم من كام يوم فاتوا
~•~•~•~•~•~•~•~•~•~•~•~•~•
فلاش باااااك

وصل اكرم الشركه عند ادهم ودخل المكتب عنده لاقه نايم على الكنبه بتعب ومش حاسس بحاجه قعد على حرف الكنبه وقال

أكرم :- ادهم يا ادهم
ادهم :- امممم
أكرم :- مالك يا ادهم فيك ايه يا صاحبى
ادهم :- بتعب أكرم انت جيت امته
أكرم :- لسه جاى دلوقتى فيك ايه بس يا ادهم
ادهم :- قام قعد على الكنبه بتعب وقال أكرم انا محتاجك جنبى
أكرم :- انا جنبك يا صاحبى من غير ما تقول
ادهم :- قام وقف بتعب وقال شكل فيه مؤامره عليا انا ومراتى وبيحطوا لينا مخدر
أكرم :- بصدمه مخدرات طيب مين بيعمل كده وهيعمل كده ليه
ادهم :- معرفش بس اكيد اللى تعرف الاجابه دى الخدامه اللى عندى فى الفيلا اكيد هى اللى كانت بتحط لينا المخدر فى المشروب بس لصالح مين معرفش
اكرم :- طيب مين جابها ليك
ادهم :- معرفش دينا قالت ليا أنها جابتها علشان تقوم بشغل الفيلا بس معرفش جابتها منين
أكرم :- سيب ليا انا الموضوع ده انا هعرف كل حاجه بس قبل كل ده فيه خطوه لازم نعملها
ادهم :- بتعب ايه هى
أكرم :- تعال نتأكد الاول من الادمان اللى عندك وبعد كده يحلها ربنا
ادهم :- من غير ما أحلل يا اكرم انا عارف فيا ايه
أكرم :- زيادة تأكيد يلا بينا
ادهم :- دلوقتى
أكرم :- ايوه يلا ونزلوا الاتنين من الشركه ركبوا العربيه راحوا نفس الدكتور اللى راحت عنده داليا وبعد ما كشف عليه وحلل عرف واتأكد أنه مدمن
الدكتور :- فعلا الدم فيه نسبة مخدر كبيره اوى وصعبه جدآ لأنه بيدخل على العصب علطول ولازم تتعالج منه فى أقرب وقت
ادهم :- شوف ايه العلاج المطلوب وانا هنفذه عندى فى الفيلا
الدكتور :- للاسف مش هينفع لازم تتححز فى المصحه ياادهم باشا
ادهم :- مش هدخل مصحات انا قولتلك شوف ايه العلاج وانا هخده فى البيت
الدكتور :- يا ادهم باشا افهمنى علاج الادمان ده مش شوية حبوب وخلاص لاء ده فيه حاجات تانيه بتتعمل علشان نسحب المخدر من الجسم
أكرم :- جهز ليه الاوضه وهو هيكون عندك الصبح
ادهم :- مش هروح يا اكرم
أكرم :- ربنا يسهل يلا بينا بس
ادهم :- وقف ومشى قدام أكرم وخرج من الأوضه
أكرم :- بص لدكتور وقال حضر الاوضه زى ما قولتلك وخرج يجرى وراه ادهم
وركبوا العربيه
ادهم :- مش هدخل المصحه يا اكرم
أكرم :- لازم تدخل وتتعالج يا ادهم علشان تقدر تنتصر على اعدائك تقدر تقولى هتقف ليهم ازاى وانت مدمن وجسمك ضعيف لازم تتعالج يا ادهم
ادهم :- مش هينفع يا اكرم ادخل المصحه لازم اكون بره لأسباب كتير
أكرم :- قولى هتقدر تقوى داليا ازاى وانت اصلا ضعيف لازم تقوى وتقويها يا ادهم
ادهم :- سكت ومردش عليه
أكرم :- كمل كلامه وقال انت لو وقعت كلنا هنضيع يا ادهم كلنا محتاجين ليك
ادهم :- ماشى
أكرم :- بفرحه بجد وافقت
ادهم :- ايوه بس لما اعرف مين اللى عمل فينا كده وانتقم منه
أكرم :- سيب الموضوع ده عليا ومشى بالعربيه وروح ادهم الفيلا وراح عند الخدامه وقال ممكن تيجى معايا
الخدامه :- اجى معاك فين
أكرم :- خرج ليها مبلغ وقال هتعرفى لما تيجى معايا وغمز ليها
الخدامه :- بصت للفلوس بفرحه واخدتهم منه وقالت من يد ما نعدمها يا باشا بس ثوانى ابلغ ادهم باشا
أكرم :- ملكيش دعوه بأدهم يلا بقى
الخدامه :- مشيت مع اكرم وركبت العربيه وقالت عندك مكان يا باشا
أكرم :- طبعآ عندى مكان هيعجبك اوى وغمز ليها
الخدامه :- مشيت ايديها على كتف أكرم وقالت ده انت هتتبسط اوى يا باشا
أكرم :- بتمنى كده وبعد وقت وصل لمكان مهجور ونزلوا الاتنين مع بعض ودخلوا المكان ده ومسك شعر الخدامه وقال وقعتى يا حلوه
الخدامه :- ااااه يا باشا شعر ايه حصل بس
أكرم :- مين يا بت وراكى
الخدامه :- م.م.مش فاهمه يا باشا تقصد ايه
أكرم :- انا هعرفك اقصد ايه وحدفها فى الارض وخرج المسدس من جيبه وقال مين اللى شغلك فى فيلا ادهم وقالك تحطى المخدر ليه هو مراته
الخدامه :- بخوف م.م.محصلش يا باشا مظلومه وال
أكرم :- قطعها وقال متحلفيش شكلك كده عايزه تموتى واهو اسمك كلبه وروحتى
الخدامه :- بخوف لالالا يا باشا هقولك مين اللى اتفق معايا اعمل كده
أكرم :- انطقى
الخدامه :- قالت ليه على الاتفاق اللى ما بينها وبين خالد
أكرم :- اتصدم لما عرف أن اللى عمل فى ادهم كده ابوه وبص للخدامه وقال اقسم بالله لو طلعتى بتكدبى عليا هيكون اخر يوم فى عمرك
الخدامه :- والله يا باشا ما بكذب عليك
أكرم :- شدها من شعرها وقفها وربطها وقال هتفضلى مربوطه كده زى الكلبه لحد ما يجى ليكى ادهم
الخدامه :- لالالا ابوس ايدك يا باشا سبنى امشى
أكرم :- تف فى الارض وقال زباله ومشى وسابها ورجع الفيلا عند ادهم وبلغه بكلام الخدامه
ادهم :- بصدمه خالد الحناوى اللى عمل فيا كده طيب ليه هو فيه اب كده فى الدنيا
أكرم :- انا مصدوم زى زيك بالظبط ازاى يكون بالقسوه دى معقول كل ده علشان الفلوس
ادهم :- بضحكة وجع اتعود على كده من اقرب ناس ليا
أكرم :- انت لازم تعاقبهم كلهم على اللى عملوا فيك ده بس الاول تتعالج
ادهم :- أكرم انا هكتب بأسمك كل حاجه علشان ميعرفش يطول اى مليم من فلوسى
أكرم :- معنديش اى مشكله ومتقلقش هصونهم ليك لحد ما ترجع
ادهم :- انا مش خايف منك يا صاحبى وعارف انك هتصونهم كويس اوى الصبح بدرى نمشى من هنا اسجلك كل حاجه بأسمك ونرجع تانى من غير ما اى حد يحس وبعد كده تبقى تيجى تخدنى على المصحه
أكرم :- ربنا ينجيك من شرهم يارب وانا جنبك هتلاقينى فى ضهرك سندك تملى يا ادهم
ادهم :- ده العشم يا اكرم وسابه ومشى وجه الصبح اخده من غير ما حد يحس سجل كل ممتلكات ادهم بأسم أكرم ورجعوا تانى الفيلا
~•~•~•~•~•~•~•~•~•~•~•~•~•
بااااااااك

أكرم :- ربنا ينتقم من كل اللى ظلموك يا ادهم وترجع تنور مكانك تانى من جديد يا صاحبى وقام رجع تانى الفيلا بتاعته
*********************
إلي هنا ينتهي الفصل السادس و الثلاثون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة