-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية اختلاف القلوب وتحدى القدر بقلم هاجر عبدالحليم (ج2) - الفصل الثانى

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة هاجر عبدالحليم علي موقعنا قصص 26 و موعدنا اليوم مع  الفصل الثانى من الجزء الثاني من رواية اختلاف القلوب وتحدى القدر بقلم هاجر عبدالحليم. 

رواية اختلاف القلوب وتحدى القدر بقلم هاجر عبدالحليم  (ج2) - الفصل الثانى

تابع من هنا: الجزء الأول من رواية اختلاف القلوب وتحدي القدر بقلم هاجر عبدالحليم
رواية اختلاف القلوب وتحدى القدر بقلم هاجر عبدالحليم  (ج2)
رواية اختلاف القلوب وتحدى القدر بقلم هاجر عبدالحليم  (ج2)

رواية اختلاف القلوب وتحدى القدر بقلم هاجر عبدالحليم  (ج2) - الفصل الثانى

ف اوضة اية
اسد دخل وباين ع وشة العصبية اية حاولت تتجنبه ع قد متقدر..عنيها جت ع الباب جاية تخرج منه بسرعة بس اسد مسك ايدها وشدها لحضنه جامد اوى ودفن راسه ف رقبتها
اية كانت مش عارفة تحضنه هى كمان ولا لا بس فعلا هى كانت محتاجة حضنه التوتر كان ماليها بس لقت نفسها بتسمع كلام مشاعرها وقلبها وحضنته..قعدوا فترة فحضن بعض.. اية بعدت ببط وبصت ف عنيه وقالت:فين اسد؟!
اسد: اسد تعبان اوى يااية..اسد محتاجك...انا شكلى مش هيبقى ليا حد غيرك...جيسى طلبة منى الطلاق...انا خايف تعمل ف نفسها حاجة..هى معندهاش عزيز
اية:لا يااسد..جيسى مستحيل تعمل حاجة تغضب ربنا...وبعدين انا روحتلها واتكلمت معاها وعرفت ايه السبب؟! جيسى اتغيرت وبقت واحدة تانية خالص..واحنا لازم نستغل التغيير اللى حصلها دة لصالحنا...بص يااسد انا مش عايزة امشى من البيت اعتبرنى عيلة ورجعت ف كلامى
اسد:منكرش انى فرحان حاليا بس بردو عايز اعرف ايه السبب اللى خلاكى تغيرى رايك..احنا خلاص كنا هنروح دلوقتى علشان نكتب العقد
اية:اسد انت المفروض تقدر انى تايهة وحيرانة ممكن اقول قرار وفجاه اغيره..انا عايزة اخرج
اسد شدها من وسطها ليه وقال: انا هخرجك بس بسرط
اية بكسوف:شرط ايه
اسد شاور ع جبهته وغمزلها..اية وشها احمر وعملت اللى طلبه..طمع وشاور ع خده اية بصتله بضيق مزيف وعملت اللى طلبه طمع زيادة وشاور ع شفايفه
اية:لا..كدة طمع رسمى...اوعى بقا سيبنى خلينى البس..اه صح نوح مينفعش اسيبه لوحده
اسد:طالما بوستينى ف خدى وراسى يبقى فيه امل انه يحصل تطورات تانية..الحمد لله طمنينى...وبالنسبة لنوح متقلقيش عليه...هخليه يقعد مع ماما...انتى عارفة انها بتحبه اوى
اية:تمام
ف اوضة اميرة وريان
طق طق
اميرة راحت علشان تفتح لقت امها ومعاها صنية الاكل
الام:صباحية مباركة ياحبيتى
اميرة:تسلميلى ياست الكل..ليه تعبتى نفسك بس
الام:وانا ف دي الساعة لما اخدم بننى وجوزها...دة احب حاجة عندى..اهم حاجة بس طمنينى حصل
اميرة بكسوف:ايه ياماما..ايه الكلام دة عيب؟!
الام:عيب! عيب ايه ياختى دة انا امك..بس طمنينى حصل ولا لا؟! ريحى قلبى
اميرة:ايوة ياماما حصل..ارتحتى بقا...بقولك ايه بس...متعرفيش اى حاجة بخصوص اسر وميار
الام:ايه دة هو انتى متعرفيش ان اسر ف البيت تعبان ومراته غضبانة وشكل الموضوع كبير وهيوصل للطلاق
اميرة بخوف:طب اسر كويس؟! طمنينى عليه بالله عليكى
الام:وانتى مال اهلك كويس ولا لا؟؟ بقولك ايه احنا مصدقنا موضوعك خلص بلاش تخلقى مشاكل مع جوزك...انسى اسر دة خالص..ومتقلقيش عليه ابوه وامه معاه..اهتمى انتى بس بنفسك وبجوزك..ريان غيور يااميرة تلاشيه....اسر خلاص نسيكى ومش عاوز يشوفك..اخرة مرة تسالى عن اسر انتى فاهمة ولا لا؟!
مشيت وسابت اميرة ف حيرة وقالت بصوت مسموع:لا بس انا عاوزة اطمن عليه...انا قلبى مش مطمن وحساه فيه حاجة...اسر حساس واكيد اللى حصل دة اثر عليه...محدش عارف غلاوة اسر ف قلبى
لقت صوت ريان بيقول بجمود:بس انا عارف
ف اوضة جيسى
جيسى رايحة جاية بتفكر ف طريقة تتخلص بيها من الجنين بدل عملية الاجهاض
لبست وخرجت برة القصر رايحة ل اقرب صيدلية
ف الصيدلية
جيسى:جود افتر نون دكتور
الدكتور:جود افتر نون مدام..اى خدمة اقدر اخدمك بيها
جيسى بتوتر:بدى بدى.الصراحة انا حامل هلا وبدى اى دواء يخلى ها الحمل ينزل..انا ما بدى اعمل عملية اجهاص مشان هيك ممكن اعرض حياتى للخطر وانا ما بدى هيك
الدكتور:غريبة الدنيا دى والله واحدة جيالى بتقولى عايزى دواء يخلى الحمل ينزل مش عايزة رزق ربنا يوصلها ومن نص ساعة واحد ومراته داخين ع الدكاترة ع امل ان ربنا يرزقهم بعيل ولد بنت متفرقش اهم حاجة نفس عيل يكون معاهم ف البيت
جيسى بعصبية:عندك هاد الدواء ولا لا..ليك خلصنى وما تقلق اللى بدك ياه راح ادفعوا...اهم شى عندى ها الحمل ينزل...انا ما بدى ياه بها الوقت..راح يعملى مشاكل كتير...وبعدين انت مالك اى علاقة وما راح تشيل ذنب شى
الدكتور:ثوانى
شوية ورجع بص عليها لقاها متوترة وبتفرك ف ايدها بتوتر..وبتمتم ب يالله
الدكتور:دة دواء اسمه............ لسة جيلى من امريكا مكملش يومين..اول متصحى من النوم تجيبى كباية مياه وتحطى فيها الدواء وتشربيها اليوم التانى هيحصلك مضاعفات بسيطة ونزيف حاد شوية والحمل هينزل بس متقلقيش ع نفسك لو روحتى عند اى دكتور هيقدر بنقذك
جاية تاخد الدواء بس الدكتور بعد ايده وقال:هعمل معاكى ديل صغير مش عايز حد يعرف انى ببيع الادوية دى عندى..مش عايز اظهر ف الصورة خالص
جيسى:ما تقلق ابدا من هاد الشى...انا اللى راح اتحمل ها الموضوع مو انت..ليك هات خلصنى
الدكتور:اتقضلى
خدته بتوتر وايد بتترعش وجريت ع العربية وغمضت عينها جامد وهى بتمسك المقود بتاع العربية بتحاول تقوى نفسها علشان تعمل اللى ناوية عليه للنهاية..حطت ايدها ع بطنها وبتعيط بحرقة ووجع..وبتتمنى من ربنا انه يغفرلها الذنب اللى هترتكبه ف حق نفسها وابنها
ف اوضة ريان واميرة

ريان بزعيق:هو ف حد قالك انى واحد مختوم ع قفايا..اوعى تفتكرى انى مش عارف انتى متضايقة ليه....انا مش فاهم لحد امتى اسر هيبقى ف حياتنا..خليه يخرج منها بقا
اميرة بعياط:ريان افهم
ريان:مش بفهم ولا عايز افهم..انا عايز اعرف ليه كدة؟! اوعى تكونى عايزة ترجعيله
اميرة قربت منه وحطت ايدها ع خده وقالت:انا مش عايزة غيرك انت...خلى عندك ثقة فيا...انا اخترتك انت بداله...حاربت معاك علشان نوصل للى احنا فيه دلوقتى..اوعى تفتكر انى مش مبسوطة بالى انت بتعمله..بالعكس دة بيثبلى انك بتحبنى وبتغير عليا اوى
ريان:اميرة انا ممكن اسامح ف اى حاجة وادى الف فرصة لكن توصل للخيانة مش هقبل دى بتعلم القلب الجفا والبرود..اوعى يااميرة تخونينى...انا مستاهلش منك كدة....لو مش عايزانى او زهقتى منى قوليلى وانا هبعد عنك
اميرة بصدمة:لا انت شكلك مش ف وعيك...انت غاوى نكد ياجدع انت..خيانة ايه وهبل ايه؟! انا مستحيل اعمل كدة علشان انت مالى عينى وقلبى..انت سندى وتاج راسى..واوعى تقول الكلام العبيط دة تانى..انت بجد فصلتنى منك..انا ماشية
جت تفتح الباب بس هو مسك ايدها وقال:اسف متزعليش
اميرة:دى اسهل حاجة الواحد يقولها...ابقى حاسب ع كلامك معايا بعد كدة
ريان:خلاص يااميرة قولتلك اسف...تعالى هصلحك
اميرة:مش عايزة حد يصالحنى
ريان باس خدها ومشى بيها لحد السرير هو نام ع ضهره وخلاها تقف ومسك ايدها الاتنين ورجله ع بطنها
هى اتصدمت وفتحت بقها وقالت:انت بتعمل ايه يامجنون انت خلاص انا مقدرش ازعل منك ريان خلاص بالله عليك لا لا لا لا هههههههههههه
الضحكة دى لما ريان رفعها برجليه وبقت ف الهواء
ريان:هههههههه عجبك القاعدة كدة صح
اميرة:هههههههههه خلاص ياريان بطنى وجعتنى
ريان نزلها ووقعت ع بطنه..وفضلت تضحك
ريان رفع وشها ليه وقال:ضحكتك دى بتنسينى كل همومى
اميرة:طيب انا هنزل تحت شوية..علشان طنط ثريا كانت بتنادى
ريان:تمام..وانا هنزل اجيلك المفجاه واجى
اميرة:مفجاه ايه
ريان:مش هقولك عليها اكيد..لما اجى هتعرفى
اميرة باست خده وقالت:اوك ياقلبى
عند اية واسد
ف العربية
اية:ايه المكان دة
اسد:انزلى وهتعرفى
اية:طيب
نزلوا من العربية واسد مسك ايد اية ومشيوا هى بصت ع ايدها اللى ف ايده ضحكت وكملت طريقها معاه..واتصدمت ب سفينة متزينة بشكل حلو جدا..بصتله بفرحة مقدرش تخبيها..هو دخل بيها السفينة كان تحتيهم بالونات حمراء..اسد وقف مرة واحدة وقالها:اقعدى
اية سمعت كلامه وقعدت..هو قعد وحط راسه ع رجلها ومسك ايدها جامد ك انها بتديه الامان...اية لقت نفسها بتملس ع شعره بحب..وابتسامة بسيطة ع شقايفها
اسد بصلها وقال:انا بحبك
اية:
اسد:مش هتردى بردو يااية...عايز الحب اللى انا شايفه ف عيونك دلوقتى لسانك كمان يقوله
اية:اقولك ع حاجة
اسد:قولى
اية:انا لما شوفتك كدة ف المرات الاولى..كنت فاهماك غلط خالص..حساك متكبر وشايف نفسك وبنى ادم لعوب
اسد:طب ودلوقتى؟!
اية بكسوف:حساك بنى ادم شهم وكويس ومحترم وبتقدر الناس
اسد بعد راسه عن حجرها وبص ف عنيها وقال:ها وبعدين
اية:انا مش مدحت فيك اهو...عايز ايه تانى
اسد:هو من ناحية عايز ف انا عايز كتير..متحن عليا ياجميل..ونبى لتحن وتاخد فيا ثواب..ارحم قلبى اللى ولا بيغفل ولا بينام
اية:هههههههههههههه
قامت وهى بتضحك وبتجرى ف السفينة وهو بيجرى وراها مسكها من ضهرها ودوخها والاتنين ضحكاتهم عليا
اسد:اضحكى يااية...اضحكى اكتر..بحبك يااية..بعشقك ياام نوح
اية عمرها محست انها مبسوطة كدة...بصت ع السفينة وقالت:هو انا لو طلبت منك انى اقف ع المركب وتعمل معايا زى م عملوا ابطال فيلم تيتانيك
اسد مسك ايدها ووقفها ع متن السفينة
اية بخوف:لا يااسد خلاص مش عايزة..خلاص انا غيرت رايي مش عايزة حاجة
اسد مسكها من وسطها وقال:سيبى نفسك خالص ومتخافيش من حاجة..انا جمبك
اية بصت ع البحر بخوف..بس لقت ايد اسد بعدت عنها مرة واحدة هى خافت ولفتله وحضنته جامد وقالت بعياط:يامامى..لا انا عايز انزل..انت غشاش وبتخوم..انت كنت هتوقعنى
اسد لفها تانى ومسك ايدها وفردها للهواء وحط ايده ع وسطها وهمس ف ودانها وقال:غمضى عنيكى
اية غمضت عينها وحست بالنسيم الهادى والدفا ف حضن اسد لقت نفسها حطت راسها ع كتفه وهو مستمتع بقربها دة
اسد:اية
اية:همممم
اسد:قوليها
اية:بحبك يااسد
اسد مصدق سمع منها الجملة دى..شالها ومشى بيها وحطها ف الارض وسط البالونات والورود الحمراء هى بصتله بحب هو بادلها نفس النظرة
اسد:اخيرا يااية...تعبتى قلبى معاكى
اية:قرب يااسد
شبك ايده ف ايده وقرب منها
وعاشوا ف عالم ملي بالرومانسية والجنون والشغف
وبكدة اية بقت مرات اسد شرعا وقانونا
ف شركة الانتاج
ميار دخلت ف مكتب معتز
معتز قام بفرحة وقعدها ع الكرسى وطلبلها عريس فريش
معتز:مش مصدق انك جيتى..صدقينى مش هتندمى ع القرار دة
ميار:اتمنى
معتز:تمام...تحبى تبتدى شغل من امتى؟!
ميار:انهردة لو حبيت
معتز:هايل...انا بحب الواحد اللى بيحب شغله وبيخليه الاولوية ف حياته...تعالى معايا نعمل بروفة ونشوف صوتك عامل ازاى
ميار:ولو عجبك...ايه الخطوة الجاية
معتز:خلى كل حاجة ف وقتها..بلاش تستعجلى..اتفضلى معايا
ميار:اوكى براحتك
ف اوضة اسر
اسر حاطت ايده ع راسه وعنيه ف السقف وسرحان فيه
ترت ترن
اسر:الو
المتصل:الو ياباشا...عندى ليك خبر ميصورش
اسر:ف ايه؟!
المتصل:مدام ميار راحت شركة الانتاج بتاعت معتز وعملت بروفة معاه وصوتها حاز ع اعجاب ملحن كبير اوى واتفق مع معتز ان هو اللى هيلحن اغنيتها الجديدة..وبعدين مش دى المشكلة؟!
اسر قبض ع ايده جامد وبص ع كباية المياه ومسكها بعصبية وقال:قول اللى عندك كله
المتصل:عرفت ان العقد بيقول ان ميار مش مسموح ليها توقف غنا ولا تتعامل مع اى شركة انتاج تانية غير بعد سنة من توقيع العرض والا هيبقى فيه شرط جزاءى عالى
اسر:اقفل
قفل معاه وبص ف المرايا ورمى الكوباية عليها بعصبية
اسر:انا اللى هلمك ياميار..انتى متعرفيش انا مين..وايه اللى ممكن اعمله..انا هربيكى...مش هستنى لحد متخلينى احط راسى ف الطين زى النعام..انا هشكمك يابنت العارف
ف بيت ميار
الباب بيخبط بعنف
ميار جريت ع الباب بخوف جت تفتح لقت اسر مسكها من شعرها جامد وقال:بتتصرفى من دماغك...ليه ملكيش راجل يشكمك ولا ايه؟! لمى هدومك وتعالى معايا
ميار:سيب شعرى ااااه سيب شعرى بقولك بطل همجية بقا
اسر:لو دى الطريقة الوحيدة علشان ارجعك ع اللى بتعمليه دة..يبقى انا همجى وستين همجى كمان...لمى هدومك وتعالى معايا بالذوق
ميار بعند:لا..اوعى تعمل راجل عليا..علشان مش هسمحلك
اسر جاى يرفع ايده علشان يضربها بس ايده وقفت ف الهوا
ميار بزعيق:ايه هتضربنى تانى..يلة اضرب مستنى ايه..اضربنى وهينى وامسك حزامك دة واضربنى بيه وتف عليا وقولى ياخاينة..يلة قولى انى خاينة وسافلة وف******
اسر حط ايده ع بقها وقال بصريخ:ميار كفايا بالله عليكى
ركع قدامها وباس ايدها وقال بتوسل:ارجعيلى ياميار انا بتعذب من غيرك الدنيا كلها بتضيق عليا انا مخنوق ومش قادر اتنفس محتاج وجودك بلاش تسيبينى زى مهى كمان سابتنى ليه محدش عايز يشوفنى من جوة..ليه مفيش حد عاوز يقرب منى..ارجوكى ارجعيلى وخليكى جمبى..انا حيوان علشان عملت فيكى كدة...ايوة انا بعترف انى حيوان..ولو عاوزة تعاقبينى عاقبينى بس وانتى ف بيتى وع ذمتك...بعدك اصعب من كرهك ليا ياميار..انا هستحمل اى حاجة ف الدنيا دى كلها الا بعدك
وبعياط قال:علشان خاطرى
ميار حست بضعف راحت ركعت قدامه وحضنته وهى بتعيط وبتقول:بدل كل الكلام دة يااسر..كنت قولى بحبك...هى دى اللى عايزة اسمعها منك
اسر بصلها وقال:مستحيل احب
ميار:اومال انت جاى ليه؟!
اسر:علشان عايزك
ميار:يعنى بتحبنى
اسر:دى حاجة ودى حاجة
ميار:يعنى ايه؟!
اسر مسك ايدها وقال:تعالى معايا..انا هاخدك بالهدوم اللى عليكى دى..مش عايز حاجة منك
ميار:وشغلى يااسر
اسر:مفيش شغل
ميار:لا انا هستغل
اسر:ابقى نتكلم ف الموضوع دة بعدين..يلة بينا دلوقتى
ميار:لا امشى وانا هرجع لوحدى
اسر:ميار
ميار:والله هرجع..بكرة الصبح هرجع...جرحك ليا لسة مخفش يااسر
اسر بحزن:براحتك ياميار
مشى وقفل الباب وراه...ميار عيطت جامد لفت لقت امها بتبصلها بحزن وشفقة راحت ميار رمت نفسها ف حضن امها وبتعيط..وامها فضلت تهديها وتقرالها بعض ايات الله
ف اوضة اميرة
ريان:غمضى عينك
اميرة غمضت عينها وقالت:اهو
ريان:فتحى
اميرة بفرحة خدت اللى كان ف ايد ريان وقالت:الله دى تذاكر سفر لباريس..وكمان بكرة السفر هييييييه انا بحبك اوى
ريان:علشان بس تعرفى انا بحبك اد ايه
اميرة:والله عارفة..طيب الكل عارف بحوار السفر دة ولا ايه؟!
ريان:اكيد طبعا الكل العارف..بابا هو اللى سعدنى اساسا علشان اخد اسرع رحلة طيران كان ممكن استنى اسبوع بس قولت كتير
اميرة:ريان
ريان:نعم
اميرة:خلاص
ريان:متخلصى وقولى عايزة ايه؟!
اميرة:خلاص نسيت لما افتكر ابقا اقولك
ريان:لا ياشيخة...انتى عايزة تشوفى اسر صح؟!
اميرة بلعت ريقها بخوف وقالت:اسر!! لا انت فاهم غلط والله انا
ريان:اسكتى..انا واثق فيكى ع فكرة وعارف القلق اللى جواكى دة ليه...لو حبة تتطمنى ع اسر انا معنديش مشكلة وعلشان ابقى مطمن هاجى معاكى..دة مهما كان ابن عمى وهحاول اصلح اللى حصل بيا ونرجع ضحكته وطباعه اللى وحشتنا من تانى..واسف لو ضايقتك منى..دة من باب غيرتى وحبى ليكى والله
اميرة بحب:عارفة ياحبيبى.قولى اعمل ايه علشان اخليك مبسوط
ريان بمكر:ارقصيلى
اميرة بصدمة:نعم...لا مستحيل مش هيحصل
ريان بمكر:لا هيحصل
بطريقته خلاها ترقصله ع اغنية يابنت السلطان😂
ف اوضة جيسى
جيسى مسكت الدواء وحطته ف كباية مياه وشربته بعديها بنص ساعة حست بمغز جريت ع الحمام رجعت كل اللى ف بطنها شوية ولقت نفسها بتنزف ورجليها كلها بقت دم..حست بخوف ودوخة ولقت نفسها مغمى عليها
ف القسم
رعد دخل ع حجز السيدات لما الكل ماسك ف سراب وشكلها يدل ع انها خدت علقة موت..رعد بصوت عالى وخشن زعق ف كل الستات اللى خافوا ورجعوا لورا هو مشى ناحية سراب لقا ملايتها اتقطعت وبقت بقميص نوم قصير بعد نظرها عنه بسرعة وبيدور بعينه لقا قماشة كانت ع جنب

خدها بسرعة وغطا بيها جسم سراب شالها وداها ع مكتبه وسط استغراب العساكر والستات اللى ف القسم
رعد بزعيق:كل ست لمست البنت الغلبانة دى تتعرف وتبلغنى بيهم ولو معرفتش الستات دى كلها هتتعاقب ممنوع الاكل والشرب لمدة 2 يومين متواصلين ولو ماتوا يكون احسن اللى زيهم مش يستاهلوا يعيشوا
دخل ونيمها ع السرير وحاول يفوقها هى فاقت بصريخ وحضنت رعد جامد وع بتترعش
لااااااااا حرام عليكم لاااااا يارب خدنى يارب..يارب ريحنى انا تعبت جسمى بقا مقرف وكل حاجة فيا بقت مقرفة حتى روحى اااااااه ياماماااااا
ابعد عناااااااااى..ااااااه لاااااا هتغتصبنى زى مكلهم عملوا...انا تعبت انا خلاص كل اللى فيا بان لكلاب السكك..خلاص..انا بقا عندى ملف اداب...هههههههههههه خلاص انا واحدة عا*******. ابعد عنى...ابعد بقولك...هقتلك.هقتلكوا كلكم.ااااااااه
عمالة تصرخ وفجاه اغمى عليها
رعد بخوف:لا دى لازم تتحول ع مستشفى امراض نفسية...لازم اعادة تاهيل نفسى..البت مدمرة خالص
ف قصر الرملى
ف اوضة جيسى
ثريا دخلت الاوضة ملقتش جيسى استغربت خبطت ع باب الحمام ملقتش رد..جت تفتح برقت عينها من الصدمة
ثريا جريت بتنادى ع الكل بصريخ..الكل خرج من اوضته بخوف مش فاهم ف ايه
ريان:ف ايه ياماما
ثريا بصريخ:جيسى بتموت ياريان..الحقها يبنى
ريان جرى ناحية الحمام شافها برق عينه من الصدمة
حتى البنات حطه ايدهم ع بقهم ووشهم الناحية التانية كان شكلها فعلا يوجع القلب
ريان قعد ع الارض وقال بلهفة وخوف:دى بتسقط لازم تننقل ع المستشقى حالا الدم مالى الحمام دة معناه انها نزفت كتير ممكن تموت ف اى لحظة
ف فلة عبدالرحمن
اسر:انا هاجى معاكوا
ياسمين:لا يبنى خليك انت تعبان
اسر:انا كويس ياماما..الواجب بيقول انى لازم اكون هناك...يلة بسرعة علشان منتاخرش
عبدالرحمن:يلة
ف العربية
اسد بزعيق:انت متاكد من الكلام دة
خبط ع الدريسكيون العربية جامد وقال بصريخ:بنت الكلب
قتلتلى ابنى هى اللى حفرت قبرها ب ايدها والله لبعتها جثة عند اهلها تحرق قلبى ع ابنى...دة انا استنية من زمان..........حرام عليا.........انت هتتجننى ازاى يعنى بظلمها.....اكيد خدت حاجة علشان تسقط...كله هيبان..والله مفى حد هينقذها منى....هى اللى لعبت ف عداد عمرها...ماشى يابنت******
اية بخوف:اسد انت
اسد بزعيق:مش طايق اسمع صوت حد...اسكتى يااية ارجوكى بدل معمل حاجة نندم عليها احنا الاتنين
قبل موضوع جيسى ميحصل بحوالى ساعة

ف اوضة مروة

مروة مسكت موبايلها ورنت ع مراد

عند مراد

كان ف جلسة تصوير مهمة

وكان بيصور مشاهد مهمة مع بطلة سينماءية صاعدية

السكرتير بتاعه جالوا وايدله تليفونه

مراد:الو

مروة:باين من صوتك انك هلكان

مراد:الصوت مش غريب..مروة صح

مروة:ههههههه لا ياشيخ ع اساس مش مسجل رقمى يعنى

مراد:معاكى حق فاتتنى دى بس معلش اعذرينى تعبان جدا وعندى شغل متراكم فوف بعضه بقالى يومين متمتش

مروة:طيب لو مشغول ممكن اكلمك ف وقت تانى عادى مفيش مشكلة انا بس حبيب اعبرلك عن اعجابى بشغلك اصلى دخلت ع صفحتك وشوفت صورك مع موديلز موزز الصراحة

مراد:اممممم...طيب لو حبة ان احنا نتقابل ف كافيتريا اعزمك ع اى حاجة وندردش شوية

مروة:مفيش مانع

مراد ب استغراب:طب ورعد؟!

مروة بضيق:ملكش دعوة بيه..هو مالوش اى حكم عليا اصلا..انا مبعملش حاجة غلط

مراد:لو فى حاجة حصلت..انا ممكن اساعد..يعنى لو حبة اوضحلوا ان مفيش حاجة ما بينا...يمكن هو متضايق منك علشان كدة

مروة:شوف شغلك..اسفة لو ازعجتك

مراد:لا احنا صحاب..ومفيش شكر ولا اسف ما بينا..لازم تفهمى دة..يلة افتحيلك كتاب وذاكرى

مروة:حاضر

مراد قفل معاها وسرح شوية وقال:يابختك ياعم رعد..دى ملاك ماشى ع الارض..استغفر الله العظيم يبنى دى مش تخصك حرام تتكلم عليها اصلا

شوية وحد حط ايده ع كتفه بيبص لقاها هانية

هانية:ايه يامراد مش هنكمل شغل ولا ايه؟!

مراد:لا معاكى.احنا خلصنا المشهد الاول..فاضل الرقصة بعديها المشهد التانى..عملنا بروفة امبارح ودلوقتى اظن جاهزة

هانية:yes

مراد:تمام

وعلى صوته وقال:يلة الكل يجهز شغلوا الكاميرا..ومدير الاضاءة يجهز

ف اوضة احمد وسوزى

سوزى:ما هذا الهراء يامايكل..تريد منى ان اجعلها تدمن المخدرات...هذا خطر على..هل تعلم لو احمد علم بذلك كيف سيكون مصيرى

مايكل:لابد من ان تكونى شجاعة ياسوزى والا مالك سوف يذهب للمدعوة مروة هل تريدى ذلك؟!

سوزى:بالطبع لا

مايكل:اذا اجعلى البنت تدمن المخدرات..كيف تفعلى ذلك سوف اخبرك..اعطيها مادة مخدرة ولكن احذرى هذه طفلة لابد من جرعات صغيرة

سوزى:انا اريد موت تلك الفتاه..ولكن لا بد من اجعلها تعانى واستمتع بذلك..سوف تتذلل لى..سوف تدمن المخدرات وتذهب الى مصحة نفسية وكل المال سوف يكون من نصييى انا لا احد غيرى

مايكل:بالتوفيق عزيزتى

ف القسم

ف مكتب رعد

الدكتور:رعد باشا..البنت حالتها مدمرة خالص..هى فعلا محتاجة تروح المستشفى

رعد:تمام..بس طمنى عليها الاول؟!

الدكتور:بجد انت انسان شهم...اللى زيك بقوا حالة نادرة تنزل تجيبلها هدوم

رعد:كان لازم اعمل كدة..هى جاية ف وضع صعب وكام لازم تخرج وحاجة سترة جسمها

الدكتور:انا كشفت عليها..البنت اتعرضت ل اغتصاب وحشى ومدمر..دى كانت ع وشك الموت وجسمها موضح دة...كمان لو لاحظت ان ايدها حمرا اوى شكلها كانت متقيدة بسلاسل حديد

رعد بصدمة:حديد!! ممكن فعلا تكون اتخطفت واتمولت للضعارة

الدكتور:مفيش حاجة مستبعدة يفضل انك انك تتكلم معاها

رعد:انا مش هبقى مطمن لو راحت ل مستشفى امراض عقلية دى ممكن تتجنن زيادة.. انا ممكن

وسكت

الدكتور:اهم حاجة تبقى كويسة وتتكلم.يفضل تتحول ع مستشفى

رعد:ان شاء الله
*********************
إلي هنا نتهي الفصل الثانى من رواية اختلاف القلوب وتحدى القدر بقلم هاجر عبدالحليم  (ج2)
تابع من هنا: جميع حلقات الجزء الثاني من رواية اختلاف القلوب وتحدي القدر
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة