U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية اميرة بقلب سجان ج2 بقلم رحاب إبراهيم - الفصل السادس و العشرون

مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية جديدة للكاتبة المميزة رحاب ابراهيم الشهيرة بروبا, وموعدنا اليوم علي موقع قصص 26 مع الفصل السادس و العشرون من رواية اميرة بقلب سجان ج2 بقلم رحاب إبراهيم. 

رواية اميرة بقلب سجان ج2 بقلم رحاب إبراهيم - الفصل السادس و العشرون

تابع من هنا: تجميعة روايات رومانسية مصرية

رواية اميرة بقلب سجان ج2 بقلم رحاب إبراهيم
رواية اميرة بقلب سجان ج2 بقلم رحاب إبراهيم

رواية اميرة بقلب سجان ج2 بقلم رحاب إبراهيم - الفصل السادس و العشرون

بعد تحديد خطوبة نيرمين ،، مع تصميم عصام واستعجاله بقرب الخطوبة على الرغم من اقتراب موعد الامتحانات ،،وعدى اسبوعين وادهم يحدث اميرة كل ساعتين تقريباً حتى وسط كم انشغاله لا ينساها ابدا،،
واهتم كثيرا بدراستها حتى لا تنشغل عنها وسط كل هذه المناسبات ،،
وانشغلت سعاد بتجهيز الشقة للعرسان الجدد ونقلت العفش القديم لشقة الدور الثانى المقفولة ورتبت العفش بها مثل ما كان فى الشقة الاخرى العلوية ،،
واتفق ادهم على عفش جديد من الخارج ،، سيصل قبل الزفاف بأسبوع ،،

اتى ادهم الى الشرقية قبل خطوبة نيرمين بيومين ،،واخذ اميرة وامها خديجة ،، وودعت سمر ووعدتهم انها ستأتى يوم الخطوبة نظرا لانشغالها باطفالها ،،

وصل ادهم الى القاهرة بعد ساعات سفر امام منزل والدة نيرمين ،،ورحبوا بهم بحرارة،،
وبعد انقضاء يومين ،،فى حفلة الخطوبة ،،اتى مساءاً امام صالون تجميل شهير ،،ليأخذ اميرة التى كانت برفقة نيرمين هى وجودى ايضا ،،واتى معتز ايضا ليأخذ جودى للحفل ومعه الجدة

دخلت اميرة السيارة بعد ان ذهبت نيرمين مع عصام بسيارة مزينة بشكل رائع ،،
وابتسمت اميرة لامها التى اتت مع ادهم وهى بالسيارة ،، وقالت
كويس انك جيتى مع ادهم
خديجة بسعادة .....هو جه بيت نيرمين وخدنى من هناك
ادهم بابتسامة .....
هو انا اقدر انسى حضرتك بردوا ،،انا ممكن انسى اميرة عادى 😂
اميرة بتكشيرة وغيظ ، وقالت فى سرها
( ده ماقاليش اى تعليق على شكلى 😢)
نظر ادهم بنظرة جانبية خبيثة وهو يعلم بماذا تفكر
وابتسم ،،
ثم ذهبوا وراء سيارة العروسين للحفل ،، وخلفهم معتز بسيارته ومعه جودى والجدة ،،وقال بهمس
ايه القمر ده 😡
جودى بتعجب ....انت زعلان ان شكلى حلو 😏
معتز ....
لا ،بس اللى هيبصلك هضربه 😈
جودى بضحكة .....
حبعمراااى 😂😂
الجدة ....انتوا ناقر ونقير كدا دايما ،مش هتبطلوا 😀
معتز .....
ماهى اللى حلوة 😭😭
ضحكت جودى على تعابير وجهه ،وقالت بخفوت
معتز معتز ،، ايه الكلمة اللى اولها ب
معتز بهتاف
بطططططططيخ 😂😂😂😂💔💔
جودى بغيظ.....😡😡😏😏
...........................................
وصلوا عند القاعة ،،ونزل العروسين
ونزلت اميرة واسرعت الى نيرمين ،،واتت جودى مسرعة ايضا
وساعدوا نيرمين على النزول لضخامة فستانها ،،
ودخلوا جميعا ،،
وبعد فترة من بدء الحفل ،، استأذن ادهم من خديجة ليأخذ اميرة ويريها مفأجاة ،، واخبرها انهم بالمطعم فى الدور الاعلى ،،
اتت اميرة وجلست بجانب امها ،،واخذها ادهم من يدها
نظرت لخديجة ،،وهزت خديجة رأسها بالموافقة وقالت
بس ما تتأخروش ،، ونظرت لابنتها بنظرة فهمتها اميرة
وذهبوا ،،
قالت بتعجب وهى تسير معه ولا تعرف اين سيأخذها ،،
احنا رايحين فين ؟
ادهم ....عاملك مفأجاة 😊
ابتسمت اميرة وشعرت بالفضول
بعد دقائق كانوا امام مدخل لمطعم خالى تمام ومجهز بشكل فخم جدا ،، وموسيقاه هادئة ،،
نظرت له بابتسامة ، وجذبها من يدها ،،واجلسها امام طاولة تطل على النيل مباشرة ،،وقال
اليوم ده بتاعنا ،، حجزتلك المطعم كله عشان نبقى لوحدنا
واتى النادل ووضع بعض العصائر والفاكهة ،، وذهب
ونظر لها بابتسامة محبة وهو يشرب العصير ،، وشربت هى ايضا كوب العصير امامها ،
واشار ادهم للنادل بشئ ،،وبعد دقيقة ،،
انقلبت الانوار لاضاءة ناعمة وساحرة ،،
تذكرتها اميرة ولمعت عينها بدموع ،، اقترب ادهم بالمقعد بجوارها ،،ومسح دموعها بأنامله ، ونظر لها بتمعن
وقال بهمس ،
ب ح ب ك يا اميرة ،، بحبك بجنوووون ، انتى فرحة عمرى كله
انا عارف انتى بتعيطى دلوقتى ليه ،، بس انا هخلى كل موقف جرحك هو هو نفس الموقف اللى تفتكريه وتفرحى ،،
انا اقسمت انى هعوضك

نظرت له بسعادة ،،وقالت
انا حاسة ان بابا رجعلى تانى يا ادهم
ورغما عنها بكت ولكن بسعادة ،،
نظرة عينيه حضنتها واحتوتها بحنان فائق
ونظر بعينيها بقوة وقال ،،
انا بابا وجوزك وحبيبك وكل حاجة ،،
قالت اميرة بهمس وهى تمسح دموعها ،
ادهم ...
مسك يديها بقوة ، وقال
يانن عيون ادهم ،، ياروح ادهم
ابتسمت بسعادة وقالت
انا بحبك اووووى
ادهم ...
وانا بعشقك يا احلى حاجة حصلتلى ،،
واكمل بضعف ،،وقال
ماتبعديش عنى تانى ،، قلبى بيوجعنى لما بتبعدى
مابشوفش طعم النوم وانتى زعلانة منى ،، خليكى جانبى على طول يا حبيبتى عشان ابقى مرتاح

اميرة .....مش هبعد ابدا ،،انا قدرك 💝
ابتسم ادهم .....لاول مرة احس ان قدرى وحياتى حلووو اوى كدا
نظرت حولها بخجل ،،وابتسم هو ،وقال
ماتخافيش ماحدش هنا غيرنا ،والجرسون مشى وبيحضر العشا ،، واستمر ينظر لها ويبتسم
قالت بكسوف ...
هتفضل باصصلى كدا كتير
ادهم .....لو قعدت عمرى كله قاعد ابصلك كدا مش هزهق ،،

انتبهت لصوت الموسيقى وابتسمت اكثر ،،وقالت
انت اللى قولتلهم يشغلوا الاغنية دى

ابتسم بخبث ....وقال
فكراها ،،
اميرة ....طبعا ،، اول يوم اتقابلنا يوم راس السنة ،،
ادهم ولم تترك نظرته عيناها ، ،
انا ازاى بحبك اوى كدا ،، دنا زى ما يكون حوشتلك كل مشاعرى ،، المراهقة والشباب
انا حاسس الايام اللى فاضلة على الفرح دى بعيدة اوووى
نفسى اغمض عين وافتح الاقيكى بقيتى معايا ،، مش هسيبك لحظة واحدة ،، ومحضرلك مفاجأت كتيرة
اميرة ....
يعنى مش هتقسى عليا تانى يا ادهم ،،انا خايفة اوى
ادهم بحب ....مش هقسى ،،
بس مش هوعدك اننا مش هنزعل ساعات من بعض لان دى سنة الحياة ،،بس انا عايز لما تعدى عليا اوقات صعبة تبقى انتى جانبى ،، ازعل وافرح وانا معاكى انتى

نظرت لهم خديجة من الخارج ومن بعيد ،وهى مبتسمة وسعيدة لابنتها ،،ودعت ربها ان يكمل فرحتها هذه
فهى اختارت من يصلح

اميرة بسعادة ومرح ....طب قولى مفاجأت ايه بقى ؟
ادهم بحب ....
ولو قولت هتبقى مفاجئة ،، خليها فى وقتها احسن
اميرة ....
خلاص ماشى
ادهم بأبتسامة خبيثة ....
الفستان يجنن عليكى ،، ذوقى حلو صح ؟
اميرة بتذمر ....
منا استنيت انك تقول حاجة اول لما شوفتنى وماقولتش 😒💔
ضحك ادهم عاليا ،،وقال
هو انتى اديتينى فرصة ،،انتى جريتى ورا صحبتك ووصلتيها للعربية ،،
بس اقولك الصراحة ،انا بمووت فيكى فى اى حاجة ، وده مايمنعش انى اقولك انك طالعة زى القمر 😍
مش بشوف احلى منك مش عارف ليه
ابتسمت اميرة بكسوف ونظرت للاسفل من الخجل،،
تابع ادهم حديثه ،وقال
ماكنتش اعرف ان الايام مخبيالى فرحة وسعادة زى اللى عايش فيها دى ،، دنا لما بشوفك واقعد معاكى بحس انى مش عايز حاجة من الدنيا تانى ،، انتى نن عيونى من جوا

شعرت انها فى حلم لا تريد الاستيقاظ منه ابدا ،، ونظرت له بحب وقالت فى سرها بتأكيد
يارب احميه ليا يااارب ،،
انت كنت خايف عليا من اللى بيهددوك بس قسما بالله لو حد فكر يأذيك يا ادهم اميرة دى هتبقى حد تانى محدش هيتخيل انا ممكن اعمل ايه ،
................................
نهضت الجدة وجلست بجانب خدبجة حتى تترك بعض الحرية لمعتز وجودى بالحديث ،، مع مراقبتها من بعيد
نظر معتز لجودى بهيام ...وقال
جوجو 😊😊
ارادت ان تضحك على طريقته وتعابير وجهه المضحكة ولكن قاومت وقالت بقوة
نعم 😏
معتز .... نعم الله عليكى يا قلبى 😊
عقبالنا يا جوجى 😊
تعجبت جودى وقالت بعصبية..... عقبالنا !!! احنا اتخطبنا والله
معتز ....لا ،عقبال فرحنا اقصد 😊💝
جودى ...مش موافقة 😒
معتز بذهول .....نعم ياختى 😡
جودى بانزعاج .....
اه مش موافقة ،، بقى فى حد يبقى خاطب قمر زى كدا ومايقولهاش كلمة حلوة حتى 😢
معتز .....
كلمة حلوة دانتى ظالمة اوووى 😞 دنا ماحدش بيقول اكتر من اللى بقوله
جودى بانفعال....اه منا عارفة 😏
معتز ....بقى كدا 😡 طب هروح اقعد برا 😑
وخرج وعلى وجهه ضحكة متخفية ،،
حركة قدمها بعصبية ،، وقامت ثم جلست تانى وهى تقول
يتفلق 😈
عدى دقائق وهى تستشيط غضبا مع الوقت ،،
نهضت ونظرت بخارج القاعة ،، رأته مواليها ظهره ،،
اقتربت بخطوات سريعة ،،ووقفت وهى تقول
يعنى سايبنى قاعدة لوحدى جوا وقاعد هنا 😡
استدار لها وقالوهو يعطيها وردة حمرا
بحبكككككككك
صاحت وهى تقول ،،،وطى صوتك يا مجنووون 😀
معتز بحدة ....
مانا ياما افضل ساكت او ازعق وابهدل الدنيا اختارى 😑
جودى بضحكة ....
الجواب الثانى مستر جورچ قرداحى 😂
..............................
دخلت اميرة وادهم القاعة ويدها بيده ،، وينظرون لبعضهم بعشق ،،التفتت لهم العيون بحسد ،،
وضاقت خديجة عندما رأت بعض النساء ينظرون لابنتها بهذه الطريقة ،،وقالت بعض الاذكار فى سرها ، ثم قالت
استرها ياارب وعديها على خير ،،

جلسوا على طاولة بجانب طاولة خديجة والجدة ،، واتى معتز وجوظى وجلسوا معهم ،، ووضع النادل بعض المشروبات امامهم ،،
قال معتز لجودى مشاكساً،،
سيبيلى شوية 😊
جودى وهى تخرج لسانها وتغيظه ،
لا 😝
معتز .....مالكيش فى الطيب نصيب ،،كنت هجيبلك عصير بطيخ 😁
جودى بغيظ ....مش عايزاه 😏
معتز .....بصى انا من رأى اجيب بطيخة واقسمها نصين وتلبسى البطيخ فى وشك شوية تشربى عصيرها من غير محد يشوفك 😀
هيبقى شكلك عسل 😊💝💝
جودى بنرفزة .....هااااا😨 ،والنص التانى هتلبسه فى دماغك ولا ايه 😝😡
ضحكت اميرة وادهم ،،وقال ادهم بمرح
هيبقى شكلكوا يجنن يا مجانين 😂
وبعدين انتوا ايه اللى جابكوا هنا اصلا 😂😡
معتز ....
مالقيناش مكان فاضى 😒

بعد عدة ساعات رجع كل فرد لبيته ،، ورجعت اميرة وخديجة على الشرقية فى اليوم التالى ،،

،،واتت فترة الامتحانات ،، وبذلت اميرة جهدا كبير فى تجميع المنهج بأكمله بمساعدة بعض الاساتذة الذى ارسلهم ادهم بشكل خاص الى منولها بالشرقية ،،

وقفت سيارته امام الجامعة ،، وتذكرت بأبتسامة امتحانات نص العام ،، وكيف قضتها ،، وكيف تغيرت الاحوال لتقف الان وهى بجانبه وزوجته ،، ولكن الخوف والقلق كان دائما المتاسبق الفائز فى هذه الجولة التى تدور بداخلها ،،
قال ادهم بمرح وهى يفتح باب سيارته ،،
يلا بقى خلصى امتحاناتك 😂
اميرة بانزعاج .....بدل ما تطمنى 😒
ادهم بضحكة .....اطمنك ! دانتى كنتى بتاكلى الكتب اكل ،، وقعدتينى اسبوع من غير كلام 😈
اميرة ...اااااحسن 😝
ادهم بحب .....الحمد لله كلها كام يوم ونخلص بقى ونتجوز 😁
اميرة ......😒😒

اتت خديجة مع ابنتها الى القاهرة ،، وحجز لهم ادهم فى فندق بجانب الجامعة حتى تقيم فيه ،، بعد رفض خديجة بالاقامة فى الشقة الخالية فى منزله ،،
وبعد ايام انتهت فترة الامتحانات ،، وبدأت اميرة تستعد للزفاف ،،
وانتهى ادهم من تجهيز شقته ،، وفرش الاثاث الجديد ،،
مما جعل سعاد تقف بعد الانتهاء بأنبهار ،،وقالت
مشاء الله ،،ده ولا عفش الملوك ،، اكيد هيعجب اميرة ،،
ادهم بابتسامة ....بأذن الله ،،
سعاد .....هتروح الحنة ؟
ادهم بمكر .....انا قولتلها مش هينفع اروح بس محضر مفاجئة
سعاد بأبتسامة .... ربنا يسعدك يااارب ويتمملك بخير
ادهم بسعادة .....
ربنا ما يحرمنى منك يا امى
اتسعت اعين سعاد ودمعت عيناها ،، واقترب منها ادهم
وقال بحنان
انا مش بعتبرك امى من النهاردة ده من زمان ،،
سعاد .....
وانا ماكنش عندى اكرم الله يرحمه بس ،، انت كمان فى غلاوته
ادهم .....
انا خدت حقى وحقك ،،نيكولاس اتسجن مؤبد وبيتعذب وهو فى السجن ،، قتله ماكنش هيشفى غليلى ،،على اد مانا شايف كل لحظة بتعدى عليه بتموته الف مرة وبالاخص بعد ما خسر كل حاجة ،،
سعاد بقلق ....ربنا ينتقم منه ،، بس خايفة بردوا
ادهم بلطف .....لا اطمنى ما تقلقيش ،، مابقاش حيلته حاجة يشترى بيها حد او يحاول يدافع عن نفسه بالرشوة ،،

تنهدت سعاد بقلق ،، وابتسم لها ادهم وذهب
تتبعته وهو يخرج ،،وقالت
ربنا يستر
........................

"يوم الحنة "
ارتسمت السعادة والفرحة على الوجوه ،، ونساءاً كثر يأتون ويجيئون بالمنزل بسعادة ،،
وتشاجر ادم وملك على اخذ الحنة اولاً ،، ولكن ملك كان له نصيب الاسد واستغلت خوف ادم منها ،،
ولااا سيب الحنة هاخدها انا 😈
ادم ببكاء .....هقول لماما 😭
ملك ....لو روحت قولت هطحنك 😈
ادم بخوف ....طيب 🙊😨

التفوا الفتيات حولها بسعادة ومرح ،،واخذوا يقرصوها ،،،صاحت اميرة بألم ،،وقالت
ايدك تقيلة يا نيرمين 😭 القرصة علمت 😭
نيرمين بضحكة .....هتروح ياختى ماتخافيش 😂
جودى .....انا قرصتك براحة 😁
اميرة .....لا 😏
وصاحت اميرة لسمر وقالت
طب دول بيقرصوا وعارفين ، انما انتى بتقرصينى ليه 😭😈
سمر بضحكة عالية ....
عايزة اغير عيلوة 😂😂
وركضوا الفتايات خلفها مرة اخرى واصوات ضحكاتهم تتزايد
وقالت نيرمين ....
هو ادهم هيجى امتى ؟ وامه هتيجى معاه ولا ؟
اميرة....هى فى الطريق كلمتنى من شوية ،،لكن هو مش هيعرف يجى 😞
جودى ....ليه بس 😒
اميرة .....هو قالى ان وراه حاجات كتير اوووى ولسه ما خلصتش
نيرمين .....معلش ،اى عريس كدا
دخلت خديجة ومعها هيلين التى للتو وصلت ،، ركضت اميرة بفرحة ، وحضنتها بقوة ، وقالت
وحشتينى اوووووووووى
ابتسمت هيلين بسعادة ، وقالت
ليس اكثر منى حبيبتى ،،
اخذتها اميرة من يدها واجلستها ،، وتحدثت معها كثيراً

وعدى فترة النهار مع سعادة الجميع ،، واستعدت اميرة بفستانها الفيروزى اللامع ،،الذى صممه ادهم خصيصا لها عند احدى اكبر المصممين ،،
وخرجت من غرفتها مع زراغيط الاقارب والمعارف ،، وبدأ الاحتفال،،
انطفئ النور فجأة ،،وسكت الجميع ،، وبعد دقيقة اضاء مرة اخرى ونظرت بذهول لادهم الذى وقف امامهم بابتسامة عريضة ،، وغمزت سمر من بعيد وهى تضحك ،، وقالت
ايه رأيك فى المفاجئة دى
اميرة بغيظ من سمر ، قالت
يعنى ضحكتى عليا وماقولتليش انه جاى،
تعالت الزغاريد مرة اخرى ،، ونظر لها ادهم بسعادة
وقضى اليوم وسط الاحتفال ،، مع نظرات ادهم لهيلين الغاضبة
وفى اليوم التالى
" الفرح "
استعدت فى الصباح الباكر ،،بعد صلاة الفجر تقريبا ،، واستعدوا الجميع للسفر معها ،، وسبقتهم هيلين بسائقها الخاص
ولكن اصرت اميرة على الذهاب للمقابر ،،قبل ان تغادر لتأسيس بيتها واسرتها الخاصة ،،
وصلت عند المقابر وترجلت من السيارة ،، وذهبت الى قبر والدها ،، وبكت وهى تستند على التربة ،، ( انا بعمل كدا 😢💔) ،، ووقفت خديجة بعيون دامعة وتنظر للتربة بعمق وكأنها تحدثه ،، قالت اميرة وهى تبكى بعد ان قرأة الفاتحة وبعض الادعية
كان نفسى تبقى معايا دلوقتى يا بابا،، مين اللى هيوصلنى لعريس النهاردة 😢
ربط ادهم على كتفها بحنان وقال بألم لاجلها وهو يراها تبكى ،،
اوعدك انى هبقى مكانه ومش هحسسك انه بعد عنك ابدا يا حبيبتى ،،اوعى تعيطى وانا جانبك تانى ،،
وادارها نحوه ورفع وجهها اليه حتى تنظر له ،،
والتقت عينيها الدامعة بعيونه القوية التى غمرها حنان فائق
ونظرات العيون كانت اقوى من اى حديث فى هذا الوقت
ومسحت خديجة دموعها واكتفت بالصمت

بعد ساعات وصلوا للقاهرة ،، ووقف ادهم امام مركز كبير للعرائس ،، ودخلت سمر ونيرمين وجودى بالداخل ،،
وجلست خديجة بالسيارة حتى يصلها ادهم لمنزله ،،حتى يأتى معتز ويأخذها وقت حفل الزفاف لابنتها لحين المساء ،،

خرج ادهم واميرة من السيارة ،،ونظر لها نظرة بأبتسامته التى تكسفها كثيرا ،، وقال بعشق
انا عمرى ابتدا من النهاردة
ابتسمت بخجل وتورد وجهها التى زاد اشراقه فى هذه الفترة ,,
وذهبت للداخل وهى تبلع ريقها من التوتر ،،وتفاجئت بنورا
ركضت عليها بسعادة ،، وباركت لها نورا كثيرا ،،وقالت
انا مستنياكى هنا من بدرى ،،
اميرة .....
معلش يا نورا انا ماحضرتش اى حاجة ،ادهم هو اللى حجز كل شئ ، ده حتى فستان الفرح خلاه مفاجئة وبعتلى ناس اخدوا مقاسى بالضبط
نورا بضحكة وهى تشدها من يدها ،،وقالت
طب تعالى نشوف الفستان ،، تعالوا يابنات
اتى سمر وجودى ونيرمين وهو يضحكون ،، وصعدوا للدور الثانى مع ارشاد احدى العاملات للمركز
دخلوا جناح خاص قد حجزه ادهم خصيصا لاميرة ،، وقالت العاملة ،،
حضرتك هتقعدى هنا وهتجهزى هنا ،، والفستان فى الاوضة التانية ،،
ركضوا جميعا للغرفة الاخرى ،،
وتسمرو مكانهم ،،
نيرمين بأنبهاار ...واوووووووووووو
جودى وهى تحدق بعدم تصديق
ااايه ده 🙈😱
ابتسمت اميرة بفرحة ،،وقالت
عشان كدا خلاه مفاجئة ،، فستان اميرات
سمر وهى تدعك عينيها بعدم تصديق ،،
يالهوووى عليك فستان ،، ده حلو بغبااااء ،،حلو ااايه ده وهم
نورا بسعادة ......الفستان رووووعة يا ميروووو هيبقى يهبل عليكى
نيرمين بثقة .....احنا اميرتنا اللى هتحلى اى حاجة مش فستان اللى هيحليها 😎
والتفو حولها دائرة يغنون بصوت عالى معا ،،
الفرح ده فارحنا والعروسة من عندنااااا 💃💃💃
جودى بهتاف ...اوعوووولى 💃💃💃💃👏👏
وزغرطتت سمر وكررت مرارا ،،واميرة تتسع ابتسامتها ،، وقالت
على اد ما كنت مدايقة من موضوع الفستان وانى كان لازم اقيسه كام مرة ،،بس بصراحة هو عنده حق 😊

عدى ساعات النهار واميرة تتجهز كالاميرة 💟
وفى المساء ،،وقفت امام المراية وتنظر لوجهها التى لم تعرفه ،، الميك اب رقيق جدا ولكن لم تعتاد ان تضع ميك اب هكذا ايضا ،، وابتسمت وخفقات قلبها تعلو ،، ونظرت لعينيها
وتذكرت كل ما عدى من اوقات صعبة مرت بها ،،
من اهانة ومذلة للجلوس وسط الامطار فى غرفة تسقط عليها ماء المطر بجانب ماكس ،،،
من النوم فى الروف وتعرضها كثيرا للخطر ،،من قسوة ادهم الظاهرية برعب داخلى عليها ، من اوقات مؤلمة مرت عليها ولم تتوقف من البكاء حتى اثناء النوم ،، ومن ومن ومن
الى الان ،، الان اصبحت هنا ،تتزين لعرسها وهى زوجته
تنتظره حتى يأتى ،، يأخذها الى عالمه الساحر ،، يأخذها من حزنها ،،
لمعت عينيها بدمعة وهى تبتسم لسعادتها ،،وحضنتها سمر بقوة ،،وكأنها قرأت افكارها ،،وقالت
اللى بيصبر بينول احلى فرحة ،، حافظى على حياتك يا حبيبتى واللى يقرب من بيتك ومن حياتك مع جوزك اوقفيله
محدش هيقدر يحافظ على بيتك اكتر منك انتى ،،
اميرة بقلق ....
انا فرحانة اوووى يا سمر ،،بس مش عارفة ليه بردوا قلبى مقبوض ،،
سمر بابتسامة ......اى واحدة فى يوم فرحها كانت كدا ،وانا كنت كدا واكتر كمان ولا ناسية ،،ده طبيعى جداااا
هتفت جودى وقالت
ادهم ومعتز بس اللى عارفين مكان القاعة ،،وماردوش يقولوا لحد المكان
نيرمبن بخبث .....عشان تبقى مفاجئة زى الفستان كدا ،، وبصراحة مفاجئاته حلوووة اووووووووى

نورا .....انا سامعة دوشة جاية من الشباك ،، ممكن يكون ادهم
دق قلب اميرة بجنون ،، وبلعت ريقها بخوف ،،
وركضت جودى للنافذة حتى تتأكد وصاحت بسعادة ،،
هوووووووو ،وووووصل وووووووصل ،
مبرووووك يا ميرووووووو 😍😍😍
نظرت نيرمين ايضا ،،وقالت
ومامتك يا اميرة معاه ،،
اميرة .....عمامى معاهم ولا راحوا فين
سمر بضحكة .....عمامك مستنينك فى القاعة هيجوا هنا ليه 😂
وبعدين بقى يلا نخرج ادهم طالع ،،
دق الباب بعد دقائق ،، وفتحت نورا الباب وهى تبارك لادهم
الذى ارتدى بدلة بيضاء فى منتهى الاناقة ،، ومظهره ساحر
وانتفضت وهى تكاد ان تسقط من التوتر ،، وقف وهى يبتسم بعشق وعينيه لم تتركها ،، خرجوا الجميع للخارج ،،
واقترب وهو يتمعن فى جمالها ،،وقال وهو يقبل رأسها بحب
ومسك يديها بقوة ،،
دورت كتير على حاجة توصل لجمالك مالقيتش بس الفستان ده اقرب حاجة لقمرى،، اميرتى ،،مراتى 💟
( انا 😢😢😢😢😢💔💔💔)
احمرا وجهها بحدة ،،وزادت ابتسامته بسعادة ،،وجذبها اليه وحضنها بقوة وقال بهمس
بعشقك يا اميرة ،،
لم تشعر ان يوجد سعادة فى هذا الكون فاقت سعادتها الان
ووضع يدها بيده وذهبوا،،
*********************
إلي هنا ينتهي الفصل السادس و العشرون من رواية اميرة بقلب سجان ج2 بقلم رحاب إبراهيم


تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها



ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة