U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل التاسع و الأربعون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل التاسع و الأربعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل التاسع و الأربعون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل التاسع و الأربعون

فى فيلا ماجده ومصطفى

فى اوضت نوم ماجده كانت نايمه وهى مريضه ودموعها على خدها وحاوليها اولادها قاعدين معاها ومصطفى قاعد جنبها واخدها فى حضنه

مصطفى :- واخرت اللى انتى فيه ده ايه يا ماجده حالتك كل يوم بتسوء اكتر وانتى رافضه العلاج بصى لاولادك شوفيهم هيموتوا عليكى ازاى وانا يا ماجده لو حصلك حاجه مش هقدر اعيش فى الدنيا دى من غيرك مش علشان فرد تبعينا كلنا وتبيعى نفسك وهو أصلا مش سأل فيكى وبيعك
ماجده :- بدموع ما انا سبق وبعته علشانك وهو طفل مستخسر فيه اخر ايامى يا مصطفى
مصطفى :- انتى اكتر واحده عارفه أن انا متعذب زيك بالظبط بس اتعالجى يا ماجده وانا اوعدك هفضل وراه لحد ما يسامحنا كلنا بس مفيش وقت ارجوكى كل يوم بيفوت فيه خطوره على حياتك
ماجده :- هيحصل ايه يعنى هموت؟ احسن علشان استريح من العذاب اللى انا فيه ده بعد ابنى عنى بيموتنى كل يوم يا مصطفى لو عايزنى استريح بجد هات ليا ابنى خليه يسامحنى نفسى احضنه اشم ريحته اللى واحشانى نفسى اسمع منه كلمة ماما انشالله لو مره واحده بس وبعدها اموت نفسى ابنى يسامحنى يا مصطفى
مصطفى :- وقف وقال بدموع انت ليه غاويه تعذبينى يعنى انتى شيفانى سعيد ومبسوط اوى وانا ابنى ميعرفش أن انا ابوه شيفانى فرحان اوى وهو اسمه على اسم راجل تانى انا بموت اكتر منك على الأقل هو عارف انك أمه إنما أنا ميعرفش أنى أبوه ابنى اللى من صلبى بيكرهنى وشيفنى قدامه راجل زباله وواخد أمه منه وقعد على حرف السرير وقال ياريت كنتى قولتى سعتها انك حامل منى كنت اخدك وهربت بيكى بعيد عن خالد هو مش قادر يقتنع انك كنت مراتى ولما اخدك خالد منى وطلقك منى واتجوزك كان جوازكم باطل وان طلاقك منى برضه كان باطل واللى حصل ما بينا ده كان شرع ربنا وعمرنا ما غضبنا ربنا ياريت يفهم كل ده ياريت

ساندرا 24 سنه اخت ادهم الوسطانيه الشرعيه من ابوه وامه قالت :- سهله على فكره تحليل DNA ليك وليه يثبتله أنه ابنك
مصطفى :- وهو هيرضا يعمل التحليل ده هو اصلا مش مدينى فرصه أقوله أن انا أبوه
سامر21 سنه اخو ادهم الشرعى الصغير قال :- هو متجوز صح
مصطفى :- ايوه
سامر :- خلاص احنا ممكن نطلب منها تجيب عينه منه من غير ما يحس
ساندرا :- افرض رفضت وراحت قالت ليه يا خفيف
ماجده :- لالالا مراته كويسه انا شوفتها مره
سامر :- اهى اتحلت بما انك بنت زيها حاولى تشوفى طريقه واتقابلى معاها وقولى ليها الحقيقه واطلبى منها عينه لادهم علشان لما بابا يروح يقوله أن هو ابنه يبقى معاه إثبات قوى
ساندرا :- اوك بس انا هعرف مراته ازاى
مصطفى :- انا هجبلك كل المعلومات عنها الصبح
ساندرا :- اوك
ماجده :- بدموع رجعولى ابنى كفايه اللى راحوا منى
ابنى عاش بعيد عن حضنى اكتر من سته وعشرين سنه
وامى اللى من ساعة ما سافرت معرفش عنها اى حاجه وفقد الأمل انها عايشه اصلا انا تعبت بقى الموت ارحم بكتير من العيشه دى
ساندرا :- قعدت جنبها وحضنتها وقالت ربنا يخليكى لينا يا ماما متقوليش كده تانى علشان خاطرى
ماجده :- نفسى ارتاح من التعب اللى حاسه ده مش حاسه بتعب جسدى قد ما حاسه بوجع جامد فى قلبى من فراق اخوكم عنى منه لله خالد الحناوى هو السبب فى كل اللى احنا فيه ده كان نفسى تتعرفوا على اخوكم وتعيشوا تخافوا على بعض
سامر :- هيجى يا ماما بس الصبر شويه
ماجده :- اكتر من كده صبر؟؟ اهو صابره مش فى ايدى حاجه غيره
مصطفى :- يلا يا ولاد سيبوا امكم تنام بقى
ساندرا وسامر :- واقفوا وقالو تصبحوا على خير
مصطفى :- وانتو من أهله
وخرجوا الاتنين على اوضهم ونام مصطفى على السرير واخد ماجده فى حضنه وباس راسها وقال
مصطفى :- نامى يا قلبى وسبيها على ربنا هو قادر يحلها من عنده تصبحى على خير
ماجده :- بتعب ودموع وانت من أهله
~•~•~•~•~•~•~•~•~•~•~•~•~•
عند ادهم وداليا

وصلوا الاتنين المكان اللى بيسهر فيه ادهم الحناوى كل يوم بليل وكانت داليا هتموت وتعرف ايه سر البيت ده
ودخلوا الشقه بعد تهديد ادهم ليها لو قالت لحد على السر ده واول ما النور نور وقفت داليا مكانها مصدومه من اللى شافته وبصت لادهم وقالت بصدمه

داليا :- مين دى يا ادهم
ادهم :- راح حط راسه على رجليها ومسك ايديها وبسها وقال دى الحاجه الحلوه الوحيده اللى فى حياتى قوتى وضهرى فى الدنيا دى ضميرى الحى اللى كنت بقضى معاها طول ليلى دى الوحيده اللى بتشوف ادهم الحناوى على حقيقته وانا ببقى على طبيعتى معاها من غير اى تحفظات
داليا :- برضه مقولتش دى تبقى مين وتبقى ليك ايه
ادهم :- بصلها وابتسم وقال دى جدتى الحاجه الوحيده الحقيقيه فى حياتى وقام قعد جنبها وباس راسها وقال انا وهى مشتركين فى نفس الوجع انا وهى اتغدر بينا من واحده كل همها نفسها وبس انا وهى اترمينا من واحده بتاعة مصلحتها وشهوتها وبس
داليا :- دى تبقى ام امك؟؟
ادهم :- بعصبيه مليون مره اقولك متقوليش عليها امى وحتى هى مش بتحب حد يجيب سيرتها قدامها حتى كده اسأليها
داليا :- راحت قعدت على الكرسى وقالت انا مش فاهمه حاجه خالص ليه جدتك عايشه معاك وسيبها هنا لوحدها ليه مش عايشه معاك فى الفيلا ليه عملها سر ومخبيها وليه مش عايز حد يعرف بوجودها هنا
ادهم :- بص لجدته مده طويله ورجع بص لداليا وقال دى حكايه طويله يطول شرحها
داليا :- انا مش ورايا حاجه انا عايزه الاقى اجوبه لكل اسألتى
ادهم :- زمان لما الهانم اتجوزت خالد الحناوى باعت أهلها والدنيا ومسألتش فيهم لحد ما جدى مات بحسرته عليها وساب الست دى وحيده وغلبانه مفكرتش ولا مره ترفع سماعة الفون وتسأل عليها ولا حتى تروح تطمن عليها وتشوفها محتاجه حاجه ولا لاء وجدتى من حزنها على جدى فقدت النطق وجسمها اتشل حركته تمامآ والناس لما شافوا حالتها كده صعبت عليهم اخدوها ودوها دار مسنين وطبعآ الهانم كانت غرقانه فى العسل ولا تعرف حاجه عن أمها وجه الدور عليا وبعتنى ورمتنى نفس رميت امها بس الفرق أن انا لاقيت بيت عيشت فيه رغم كنت بكره البيت ده وسافرت مع عشيقها ورمت كل حاجه وراه ضهرها ولما كبرت كنا قاعدين بنفطر فى بيت خالد الحناوى وحد من دار المسنين ده جه وبلغه أنهم محتاجين فلوس لدار لجدتى وسألوا على اى حد يقرب ليها وعرفه أن خالد الحناوى كان جوز بنتها الوحيده طبعآ الباشا رفض وقال أن هو طلق بنتها وميعرفش عنها حاجه بلغوه أن لو محدش راح دفع فلوس ليها خلال الاسبوع ده هيرموها فى الشارع
داليا :- طيب اشمعنا طلبوا فلوس فى الوقت ده بعد السنين الكتير دى
ادهم :- اتنهد وقال علشان كانوا بياخدو من الفلوس اللى عندها فى البنك ولما خلصت دورا على حد يدفع ليها بعد كده
داليا :- اه ماشى وايه حصل بعد كده
ادهم :- كنت كبير وبدأت ابنى نفسى ومستقبلى وأحط رجلى على اول طريق ادهم الحناوى روحت دار المسنين وزورتها حسيت بالمعاناه اللى هى حاسه بيها لأن نفس وجعها نفس وجعى اخدها واشتريت ليها الشقه دى ومن ساعتها وانا باجى أسهر معاها طول الليل انام على رجلها واحس بحنانها عليا وقت ما اكون مكسور وحزين تبص ليا بعنيها نظره تقوينى وتدينى طاقه اكمل طريقى؛ طول النهار بيكون معاها ممرضه انا واثق فيها وبتمشى من عندها اول ما الليل يليل وانا اجى الاقيها قاعده كده على الكرسى اشيلها ادخلها على السرير وأسهر معاها طول الليل وارجع الفيلا اول ما النهار يطلع انام ساعتين وأقوم اروح الشغل وأكمل يومى عادى
داليا :- طيب ليه مش عايز حد يعرف انها موجوده هنا
ادهم :-حط راسه على كتفها وقال علشان مقدرش استغنا عنها واللى اعرفوا أن اللى اسمه مصطفى جوز بنتها بيدور عليها كل فتره وانا مستحيل اخليه يوصل ليها
داليا :- طيب ما يمكن ام اقصد بنتها عايزها
ادهم :- عايزاها اشمعنا دلوقتى عايزه كله يرجع ليها ويسامحها اشمعنا دلوقتى افتكرت أن ليها ابن وام لما تعبت وحست انها هتموت وداس على سنانه وقال انا مستحيل اسامحها مستحيل وجه الوقت اللى هى دوق فيه العذاب والوجع اللى حسينا بيه انا وامها تدوق مر الاحتياج لحضن ومش قادره توصله وتطوله خليها تجرب كل اللى انا عيشته وحسيته
داليا :- وقفت وقالت طيب يلا دخلها اوضتها شكلها تعبانه من القاعده كده
ادهم :- بصلها وقال تعبانه ادخلك اوضك
الجده :- هزت راسها بمعنى ايوه
ادهم :- باس راسها وقال حاضر عينيا وشالها بين ايديه ودخلها اوضتها ونيمها على السرير وغطها
داليا :- دخلت وراهم وقالت خد راحتك زى كل يوم واعتبرنى مش موجوده
ادهم :- طيب استنى بره وانا هنيمها وشويه وهجيلك
داليا :- ماشى وخرجت من الاوضه وقفلت وراها الباب
ادهم :- نام جنب جدته وحط راسه على كتفها وقال ايه رأيك فى مراتى حلوه صح
الجده :- هزت راسها بمعنى اه
ادهم :- اهى هى دى اللى قدرت تخطف قلبى وتوقع حفيدك على بوزه ما انتى عارفه كل حاجه ما انا كل يوم كنت بكلمك عليها هى اللى عرفت تكسر ادهم الحناوى وتخليه ميقدرش يستغنا عنها ثانيه واحده ويعمل حاجات كتير اوى علشان تبقى ليه وضحك وقال بس متخفيش مقدرتش تخدنى منك ولا هتقدر تاخد مكانك انتى عمرى كله بس شكلك زعلانه منى وانا عارف ليه علشان بقالى فتره مش بنتظم واجيلك بليل علطول بس والله غصب عنى انتى عارفه ميشغلنيش عنك غير الشديد القوى اضحكى بقى احسن اسيبك واروح ليها انا عريس جديد يعنى انتى فاهمه بقى
الجده :- ضحكة ليه وشاورت بعنيها على الباب يعنى أخرج ليها
ادهم :- بتطردينى من اوضك ده انتى عمرك ما عملتيها
الجده :- غمضت عينيها وفتحتها بمعنى أنها بتترجا يخرج لمراته
ادهم :- حاضر هخرج ليها بس لما اقولك خبر هيفرحك
الجده :- بصت ليه بتفهم
ادهم :- بفرحه وشماته قال خالد الحناوى انتهى خلاص اتقبض عليه بتهمة تجارة المخدرات
الجده :- ضحكة ليه بمعنى أن الخبر فرحها
ادهم :- عقبال ماجده وجوزها وإنعام
الجده :- عيونها دمعة لما سمعت اسم بنتها
ادهم :- ليه الدموع دى هى متستهلش دمعه واحده منك متستهلش انك تفكرى فيها لحظه واحده
الجده :- بصت ليه بترجى أنه يخرج ويسيبها
ادهم :- حاضر اللى يريحك مش محتاجه منى حاجه
الجده :- هزت راسها بمعنى لاء
ادهم :- اكلتى
الجده :- هزت راسها بمعنى اه
ادهم :- باس راسها وظبط عليها الغطا وخرج من الاوضه وقفل الباب وراه
داليا :- قامت من على الكنبه وراحت عنده وقالت نامت
ادهم :- هتنام
داليا :- انا اسفه
ادهم :- على ايه
داليا :- أن انا كنت مفكراك بتقضى وقتك فى الأماكن المشبوهه
ادهم :- مش انتى بس الناس كلها مفكره كده بس انا مش بشغل بالى بكلامهم
داليا :- ليه انا
ادهم :- راح قعد على الكنبه وقال ليه انتى ايه
داليا :- قعدت جنبه وقالت ليه انا الوحيده اللى عرفتها السر ده
ادهم :- علشان عمرك ما هتتكلمى وتجيبى سيره لحد عن اللى شوفتيه هنا وعلشان اثبت ليكى أن انا عمرى ما المس وحده واغتصابها زى ما اخوكى قالك انا عمرى ما لمسة واحده فى حياتى غيرك انتى
داليا :- علشان كده بس
ادهم :- سكت ومردش عليها
داليا :- طيب ليه انا بالذات اللى عايز تثبيت ليها انك مش وحش
ادهم :- سكت ومردش عليها
داليا :- حطت ايديها على دراعه وقالت ادهم رد عليا متسبنيش اكلم نفسى كده
ادهم :- فيه اوضه هنا لو عايزه تدخلى تريحى شويه ووقف ولسه هيمشى
داليا :- وقفت قصاده وقالت ليه مش عايز تقولها رغم أن عينك وتصرفاتك بتأكدها ليه مستكبر تنطقها دى كلمه من اربع حروف مش محتاجه كل الوقت والمجهود دول علشان تقولها ليا
ادهم :- غمض عينه وقال ادخلى يا داليا نامى
داليا :- لاء مش داخله انت ليه مش عايز تريح قلبى وتقولها خايف من ايه يا ادهم انا مراتك وبحبك وعمرى ما هوجعك ولا هكسرك انت مفكر لما تنطقها تبقى كده ضعيف بالعكس ده هتديك القوه اكتر هتكون دافع ليا وليك انطقها بقى انت قولتها ليا مره بس كنت حاسه انك كنت تحت تأثير المخدر إنما أنا وانت دلوقتى فايقين نفسى اسمعها منك يا ادهم
ادهم :- أداها ضهره وقال انا مش فاكر أن قولتها ليكى قبل كده تلاقى زى ما قولتى انا كنت تحت تأثير المخدر
داليا :- خلاص يا ادهم مش هطلبها منك تانى انت حر تصبح على خير وقالت فين الاوضه
ادهم :- اللى فى الوش دى
داليا :- شكرآ ودخلت تجرى على الاوضه وقفلت الباب جامد ونامت على السرير وقعدت تعيط
ادهم :- غمض عينه بوجع وقال كنت انطقها هيحصل ايه لو كنت قولتها ما انت فعلا بتحبها وبتموت فيها ليه مش عايز تقولها مش هى دى البنت الوحيده اللى دخلت قلبك ليه بتعذبها كفايه عليها لحد كده بقى واتنهد راح فتح باب اوضة جدته وبص عليها لاقها نامت قفل الباب تانى وراح عند الاوضه اللى فيها داليا ومد أيده بتردد وفتح الباب لاقها نايمه على السرير وبتعيط دخل وقفل الباب وراه ووقف قصاد داليا وقال بحبك
داليا :- رفعت راسها و بصت لادهم وهى الدموع فى عينيها وقالت انت قولت ايه وقامت وقفت قصاده
ادهم :- غمض عينه وقال بحبك وقرب من شفايفها وبسها بوسه طويله وقويه لحد ما حست داليا انها هتتخنق زقته بعيد واخدت نفسها
ادهم :- شدها تانى ليه وشالها حطها على السرير ونام جنبها وقرب من شفايفها وبسها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•
فى فيلا أكرم

الكل طلع على اوضه واكرم اخد فاطمه وطلعوا على اوضتهم وفتح الباب وقال

أكرم :- استنى هشيلك
فاطمه :- والله وده من ايه ده
أكرم :- الحق عليا عايز اعيشك جو الافلام والروايات اللى بتشوفيها دى
فاطمه :- ماشى يا عم الرومانسى شيل ولا هنقضى الليله على الباب كده
أكرم:- قرب منها وقال لا ليله ايه دى اللى نقضيها على الباب ده انا عندى كلام كتير اوى عايز أقوله وشالها وفتح الباب ودخل بيها وقفل الباب برجله وراح عند السرير وحط فاطمه عليه وقال نورتى اوضك يا قلبى
فاطمه :- ش.ش.شكرآ
أكرم :- بصلها بأستغراب وقال هو احنا مش عدينا مرحلة الكسوف دى من كام يوم
فاطمه :- انت اصلا طريقتك فى الكلام بتكسفنى
أكرم :- قعد جنبها وغمز ليها وقال انا واحد مش سهل صح
فاطمه :- صح ولسه هتقوم
أكرم :- رايحه فين بس يا حبيبتى
فاطمه :- هدخل الحمام اخد شاور
أكرم :- ايوه بقى هو ده الكلام بسرعه بس الله يكرمك عندى شغل الصبح بدرى
فاطمه :- حاضر وقامت دخلت الحمام اخدت شاور وخرجت من الحمام وهى لابسه البورنص
أكرم :- حلاوتك يا ابيض جهزى نفسك بقى على ما ادخل اخد شاور انا كمان وسبها ودخل الحمام وبعد وقت خرج وبيبص فى الاوضه لاقه فاطمه نامت على السرير اتصدم وقال لالالا ايه ده وراح عندها وقال طمطم حبيبتى اصحى معايا كده الله يكرمك
فاطمه :- اممم سبنى يا اكرم انام
أكرم :- لاء نوم ايه مينفعش يا حبيبتى قومى يلا ربنا يهديكى
فاطمه :- بس بقى يا اكرم بجد عايزه انام
أكرم :- لاء مينفعش صدقينى انا جهزت نفسى قومى يلا يا حبيبتى
فاطمه :- بزهق يووووه بقى يا اكرم بقولك سبنى انام وحطت المخده على ودنها
أكرم :- نامى يا اختى نامت عليكى حيطه يا بعيده ولبس هدومه ونام جنبها على السرير وقال بداية الاوضه دى معايا مش مبشره يا بختك يا بابا زمانك دلوقتى طرزان فى الاوضه وبص عليها لاقها نايمه ومش حاسه بحاجه قعد يتقلب على السرير ومش عارف ينام راح خبط على كتف فاطمه وقال فاطمه طمطم حبيبتى
فاطمه :- اممم نعم يا اكرم
أكرم :- قومى يا حبيبتى ربنا يهديكى حالتى صعبه ومش هعرف انام
فاطمه :- بعصبيه اقسم بالله لو منمتش يا اكرم وسبتنى انام لكون سايبه الاوضه ورايحه نايمه مع ايه فى اوضتها
أكرم :- اتخمدى يا شيخه جتك القرف وشد الغطا عليه وحاول ينام
فاطمه :- بصت عليه وابتسمت وغمضت عينيها وكملت نومها
~•~•~•~•~•~•~•~•~•~•~•~•~•
فى اوضت ايه

كانت قاعده على سريرها ودموعها نازله منها وحاطه التليفون جنبها وشايفه ممدوح بيرن عليها ومش بترد عليه وبعد وقت اعلن التليفون عن وصول رساله مسكت التليفون وفتحت الرساله وكان مكتوب فيها

ممدوح :- ايه انا اسف متزعليش منى اقسم بالله انا مكنتش اقصد اتعصب عليكى وكلامك اللى قولتيه ليا فرحنا اوى وعلاكى فى نظرى اوى وانا فخور أن بحب بنت مؤدبه ومحترمه زيك بنت بمية راجل انا فخور انك خطيبتى وهتبقى أن شاءالله مراتى وام ولادى حقك عليا متزعليش ووعد منى مش هضيقك تانى بس ردى عليا اسمع صوتك واطمن عليكى وفى الوقت ده التليفون رن
ايه :- غمضت عينيها واتنهدت وردت على التليفون وقالت نعم عايز ايه
ممدوح :- انا اسف ياايه ووعد منى مش هضيقك تانى
ايه :- تمام يا ممدوح عايز حاجه
ممدوح :- خلاص بالله عليكى يا ايه ما تكونى زعلانه منى
ايه :- ماشى يا ممدوح خلاص مش زعلانه
ممدوح :- طيب ايه يثبتلى انك مش زعلانه منى
ايه :- والله اللى فيك فيك
ممدوح :- يا بت مش قصدى اللى فى دماغك انا قصدى اسمع ضحكتك اللى اتعود عليها ويومى مش بيكمل الا بيها
ايه :- ماشى يلا بقى علشان عايزه انام
ممدوح :- ايه
ايه :- نعم
ممدوح :- والله العظيم بحبك وانتى البنت الوحيده اللى خطفت قلبى ومش معنى انا بقولك تتكلمى معايا برقه ابقى كده بنى أدم مش كويس انا عارف ايه الأصول كويس اوى وعمرى ما هعديها بس بحب اضحك معاكى مش اكتر ويا ستى انتى حره ابقى قوليها ليا وقت ما تحبى حتى لو مقولتهاش انا حاسس بيها ومتأكد انك بتحبينى زى ما بحبك واكتر كمان وانا عن نفسى عمرى ما هبطل اقولها ليكى تصبحى على خير
ايه :- وانت من أهله وقفلت التليفون وحطته جنبها وحطت راسها على المخده وابتسمت وقالت وانا بحبك يا ممدوح وغمضت عينيها ونامت
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها ومع شدة الضوء اللى داخل من الشباك بقت تغمض عينيها وتفتحها لحد مااتعودت عليه رفعت راسها لفوق وبصت على ادهم اللى نايمه فى حضنه وقعدت تبص عليه ومشيت ايديها على وشه براحه ونزلت بيها على شفايفه وابتسمت وقربت من شفايفه وبسته بوسه خفيفه ودخلت جوه حضنه اكتر وباست صدره العريان

ادهم :- كان حاسس بحركة داليا بس عامل نفسه نايم لحد ما لاقها بتدخل جوه حضنه اكتر ضمها ليه وباس راسها وقال صباح الخير
داليا :- رفعت راسها ليه وقالت بحب صباح النور
ادهم :- نمتى كويس
داليا :- ابتسمت وقالت اكتر يوم عرفت انام فيه كويس
ادهم:- بصلها وابتسم وقال اشمعنا
داليا :- اتكسفت وقالت ا.ا انا هقوم ادخل الحمام ولسه بتقوم
ادهم :- شدها تانى فى حضنه وقال استنى هنا ردى عليا الاول
داليا :- بكسوف ادهم خلاص بقى متكسفنيش
ادهم :- ضحك وقال انا زى جوزك برضه
داليا :- واحلى راجل فى الدنيا
ادهم :- باسها برقه من عند مناخيرها وقال وانتى احلى واجمل ما فى الدنيا
داليا :- ياااااه كان فين الكلام الحلو ده من زمان يا ادهم
ادهم :- اتنهد وقال اللى انا شوفته وعيشته فى حياتى مش سهل يا داليا بيخلى القلب حجر بيخلى الواحد يشوف الدنيا كلها سوده فى عينه المكان ده الوحيد اللى كنت اجى فيه وانسا كل حاجه وارجع فيه طفل صغير المكان ده اللى بكون فيه على طبيعتى من غير قيود ولا ذكريات مؤلمه توجعنى علشان كده كنت باجى فيه كل يوم بليل وارجع اول ما النهار يطلع
داليا :- لدرجاتى المكان ده ليه تأثير ايجابى عليكى اوى كده
ادهم :- انتى شايفه ايه
داليا :- انا شايفه أن انا كمان هحب المكان ده اوى علشان اعترفت ليا بحبك هنا
ادهم :- بسها فى راسها وقال ومن هنا ورايح هعترف بحبك لدنيا بحالها يا داليا
داليا :- انا حاسه انى بحلم حلم جميل اوى ومش عايزه افوق منه
ادهم :- وليه تفوقى منه خليكى عايشه فيه انا ناوى اعيشك الحلم ده علطول ومن هنا ورايح مش هدارى حبك وهظهره قصاد اى حد وفى اى مكان
داليا :- انا بحبك اوى يا ادهم اوى ودخلت اكتر فى حضنه
ادهم :- رفع وشها ليه وقرب من شفايفها وبسها بوسه طويله وبعد وقت بعد عنها وبص فى عينيها وقال انا لو عليا عايز افضل غرقان فى العسل ده علطول بس للاسف لازم نقوم علشان اروح الشغل
داليا:- قوم ادخل الحمام خد شاور على ما اروح اطمن على جدتك
ادهم :- لاء روحى انتى خدى الشاور وانا هدخلها
داليا :- ماشى وبسته فى خده وقامت خرجت من الاوضه ودخلت الحمام
ادهم :- قام لبس هدومه ودخل يطمن على جدته لاقها لسه نايمه مرضاش يصحيها وخرج وقفل الباب وراه براحه وبعد وقت خرجت داليا من الحمام ودخل ادهم اخد شاور وخرج دخل الاوضه لاقه داليا بتصلى
داليا :- أدت فرضها وبصت لادهم وقالت مالك واقف كده بتبص عليا وانا بصلى
ادهم :- اصل شكلك حلو اوى بالحجاب
داليا :- بجد
ادهم :- اه والله
داليا :- هو انت ليه مش بتصلى
ادهم :- عادى انا ملاقتش عندى حد بيصلى ولا بيقولى صلى كبرت على كده واتعود خلاص
داليا :- مش شرط حد يقولك صلى ولا تشوف قدامك حد بيصلى علشان تصلى زيه فيه كتير ناس اهلهم بيبقوا فاسدين وهو مؤمن وبيخاف ربنا وبيصلى وبيقراه قراءن ومش بيفوت فرض زى ما بيقولوا يخلق من ضهر الفاسد عالم انت كبير وناضج والمفروض تكون عارف ايه هينفعك وايه هيضرك وبعدين بص لعلاء بيصلى ومش بيفوت فرض وعارف الحلال والحرام ومتربى فى نفس المكان ونفس البيئه بس هو عرف يختار طريق الهدايه
ادهم :- يا داليا افهمى انا الظروف اللى عشتها ومريت بيها كانت كفيله تخلينى انسا اى حاجه ومفكرش غير فى نفسى وخلاص
داليا :- عارفه ومقدره ده بس صدقنى قربك من ربنا هيحليها ويريحك اوى مش هتتعب
ادهم :- أن شاءالله ربنا يسهل وفى الوقت ده سمعوا صوت باب الشقه بيتفتح
داليا :- بأستغراب مين اللى هيجى المكان ده مش انت قولت محدش يعرفه غير انا وانت
ادهم :- ايوه بس انا قولتلك جايب ممرضه انا واثق فيها بتهتم بجدتى وتلاقيها هى اللى جت بره
داليا :- بغيظ وهى كل يوم بقى بتيجى وحضرتك لسه هنا ولا ايه
ادهم :- ابتسم على غيرة داليا عليه وقال لاء مش بتيجى وانا هنا غير بسيط اوى
داليا :- لما نشوف تعال نطلع ليها
ادهم :- هههههه يلا وخرجوا الاتنين من الاوضه واول ما الممرضه شافت داليا اتخضت وبصت لادهم بقلق
ادهم :- بص ليها نظره تطمنها
داليا :- بصت لادهم بغيظ وقالت والله ده ايه الحلاوه دى يا حبيبى بسم الله ماشاء دى تقول للقمر قوم وانا اقعد مكانك
الممرضه :- ش.ش.شكرآ حضرتك طبعآ ا.ا.اجمل منى بكتير
داليا :- بس مش عارفه ليه شكلك مش غريب عليا حاسه ان انا شوفتك قبل كده
الممرضه :- ها م.م.معتقدش حضرتك اانا اتقبلنا قبل كده وبصت لادهم
داليا :- لاء انا فاكره والله إن انا شوفتك واتكلمت معاكى هو انتى اسمك ايه
الممرضه :- ها وبصت لادهم
ادهم :- داليا تعالى معايا عايزك
داليا :- ثوانى بس اعرف اسمها
ادهم :- اسمعى الكلام تعالى عايزك وبص للممرضه وقال شوفى شغلك واحنا شويه ونازلين
الممرضه :- م.م.ماشى عن اذنكم وطلعت تجرى من قدامهم
داليا :- كانت بتبص على الممرضه بغيظ لحد مااختفت
ادهم :- مسك داليا من ايديها وشدها دخلها الاوضه وقفل الباب وراه وقال فيه ايه يا داليا عماله تستجوبيها كده ليه
داليا :- بغيظ وانت رايح جايب ممرضه لجدتك ولا ملكة جمال العالم مش عارف تجيب واحده احلى من كده شويه
ادهم :- والله حلوه ولا وحشه لنفسها انا اصلا قليل اوى لما بشوفها انا باجى وهى مش هنا وبمشى قبل ما هى تيجى انا المهم عندى أنها امينه ومش هتقدر تخرج السر ده بره
داليا :- ومالك واثق منها اوى كده انها مقالتش لحد
ادهم :- انا ادهم الحناوى يا داليا مش هجيب اى واحده كده وخلاص انا عارف كل حاجه عنها ومتأكد منها
داليا :- يا سلااااام وعارف كل حاجه عنها ازاى بقى
ادهم:- ها هيكون ازاى يا داليا سألت عليها طبعآ وعرفت كل حاجه عنها
داليا :- ماشى انت حر وقعدت على حرف السرير
ادهم :- ابتسم وراح قعد جنبها وقال ده اسميه ايه غيره صح
داليا :- بصت ليه بغيظ وقالت عايزينى يعنى اعرف أن جوزى بيبقى معاه واحده وحلوه اوى كده وبيتقفل عليهم باب واحد ومغرش ايه مش من حقى اغير عليك
ادهم :- لاء من حقك بس انا سبق وقولتلك أن عمرى ما لمسة واحده غيرك وانا لو بعمل معاها حاجه غلط مكنتش هخليكى تشوفيها صح انتى ماليا عينى يا داليا ومش شايف غيرك وبعدين أنا ادهم الحناوى اللى مفيش واحده عرفت تدخل قلبه غيرك انا بحبك وعمرى ما حبيت ولا هحب غيرك انتى
داليا :- بجد يا ادهم
ادهم :- بجد يا روح ادهم ولسه بيقرب منها
داليا :- بعدت عنه وقالت ادهم مش هينفع فيه واحده بره وبعدين يلا اتأخرت على شغلك
ادهم :- اتنهد بغيظ وقال فصيله
داليا :- هههههههه شكرآ وبسته فى خده وخرجت من الاوضه
ادهم :- ابتسم على شقاوتها وخرج وراها شاف الممرضه واقفه بص ليها بعينه أنها تمشى من قصاد داليا
الممرضه :- دخلت تجرى بعيد عن داليا
داليا :- بغيظ هتشل ما تشوف ممرضه يكون عندها ستين سنه هيكون احسن وانا استريح
ادهم :- ههههه ودى هتخدم ولا هتتخدم امشى يا مجنونه قدامى
داليا :- بصت مكان ما موجوده الممرضه بغيظ وخرجت مع ادهم
ادهم:- قفل الباب ونزل ركب العربيه وصل داليا الفيلا وراح هو على الشركه
~•~•~•~•~•~•~•~•~•~•~•~•~•
فى فيلا أكرم

صحى أكرم من نومه لاقه فاطمه لسه نايمه والغطا واقع من عليها والهدوم مرفوعه لفوق بلع ريقه بصعوبه واتنهد وقال

أكرم :- اااااايه بقى ده نظام شوق ولا تدوق ده ولا ايه الله يحرقك
فاطمه :- اتقلبت وحطت ايديها على أكرم ورجليها عليه وحطت راسها على كتفه
أكرم :- لا والله دى كملت بقى وقال زفته يا زفتة الطين انتى
فاطمه :- امممم
أكرم :- اممم ايه اوعى كده علشان اقوم اروح الشغل احسن اقسم بالله الواحد مش مستحمل
فاطمه :- فتحت عينيها وقالت صباح الخير يا حبيبى
أكرم :- صباح النور
فاطمه :- مالك يا قلبى فيه ايه
أكرم :- مالى ما انا زى الفل اهو وناس عشمتنى بالليل واتخمدت
فاطمه :- وهى كاتمه ضحكتها اسفه يا حبيبى معرفش نمت ازاى والله
أكرم :- لا ولا يهمك بس خلينى اقوم اروح شغلى اوعى كده
فاطمه :- قربت اكتر ليه وقالت انت لسه زعلان منى يا قلبى
أكرم :- بلع ريقه بصعوبه واتوتر وقال بت انتى اتظبطى خلينى اشوف اكل عيشى
فاطمه :- قربت اكتر ليه وقالت بدلع الله هو انا عملتلك حاجه يا عمرى
أكرم :- يا مثبت العقل فى الراس يارب يا بت اتهدى بقولك
فاطمه :- بدلع حاضر وبسته بوسه خفيفه على شفايفه ولسه هتقوم
أكرم :- وحياة امك انتى اللى جبتيه لنفسك ودوستى على الزرار وشدها فى حضنه وقرب من شفايفها وبسها بوسه طويله
فاطمه :- زقته وبعدت عنه وقالت هتعمل ايه يا مجنون مش وقته قوم يلا روح الشغل هتتأخر
أكرم :- يا بت متبقيش غلسه تعالى مش كفايه امبارح
فاطمه :- بأبتسامه لاء
أكرم :- خلصى يا بارده
فاطمه :- طلعت لسانها ليه وقالت بارده بارده برضه لاء
أكرم :- قام يجرى وراها وقال يتحرق الشغل انا النهارده مش سايبك
فاطمه :- طلعت تجرى وقالت بطل جنان وخلص روح شغلك
أكرم :- راح عندها وقال لاء وشوفى عندى ولا عندك
فاطمه :- طلعت تجرى بعيد عنه وهى بتضحك وقالت مش هتعرف تمسكنى وبلاش تتعب نفسك على الفاضى وروح شغلك احسن هههههههه
أكرم :- يا بنت ال بلاش تستفزينى وتعالى احسنلك يا فاطمه
فاطمه :- بضحك لاء
أكرم :- اممممم كده ماشى براحتك ودخل الحمام وقفل الباب
فاطمه :- قعدت تضحك عليه وراحت تظبط السرير بس اتفاجئت بأيد بتمسكها وتحدفها على السرير
أكرم :- هههه على مين يا بت عرفت اجيبك برضه
فاطمه :- لالالا ابعد يا اكرم بقى
أكرم :- هه ابعد ايه ده انتى هيطلع عينك اقرى الفاتحه على عمرك يا طمطم
فاطمه :- هههههه اوعى يا اكرم بقى هههههههههه
أكرم :- قرب من شفايفها وبسها بوسه طويله وبعد وقت بعد عنها
فاطمه :- بدلع أكرم بس بقى
أكرم :- بحب قلب أكرم من جوه وقرب منهاو(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•
فى بيت سعيد

صحى حمزه على صوت تليفونه بص فيه لاقه رقم تامر رد وقال

حمزه :- صباح الخير يا صاحبى
تامر :- صباح الهنا يا صاحبى عندى اخبار حلوه ليك
حمزه :- بلهفه عرفت حاجه عن ميرفت
تامر :- ايوه يا صاحبى عرفت انها كانت شغاله ممرضه فى مستشفى (......) فتره وسابتها بقالها كام يوم
حمزه :- بصدمه بتقول فين
تامر :- فى مستشفى (......)
حمزه :- يبقى اللى انا شوفتها هناك فى المستشفى يوم التحقيق هى مش تهيأت وقال بفرحه انا شوفتها بجد يا تامر يبقى هى اكيد هنا فى اسكندريه بس هتكون مشيت وراحت فين
تامر :- وجودها فى المستشفى ده ادانا امل أننا نلاقيها أن شاءالله واكيد هى لما لاقتك قدامها سابت الشغل ده خافت لترجع تانى وتسأل عليها واكيد اشتغلت فى مستشفى تانيه انا مش هسكت يا صاحبى وهسأل عليها فى كل المستشفيات الحكوميه والخاصه وان شاءالله نوصل ليها فى أقرب وقت
حمزه :- بفرحه شكرآ يا تامر انا بجد مش عارف من غيرك كنت هعمل ايه
تامر :- بس هبل يا لا مفيش اخ بيشكر اخوه على حاجه بيعملها ليه صح النوم كده قوم جهز نفسك وانزل الشغل سلام يا صاحبى وقفل التليفون
حمزه:- بحب سلام يا صاحبى وحط التليفون جانبه وقال الحمدالله يارب بعت ليا الامل تانى بعد ما فقده
مؤمن :- صباح الخير مالك على الصبح
حمزه :- بفرحه صباح النور ميرفت كانت شغاله فى مستشفى وانا شوفتها وفكرتها تهيأت انا عندى امل انها قربت منى اوى وان شاءالله قريب هترجعلى
مؤمن :- ربنا يريح قلبك وتلاقيها أن شاءالله
حمزه :- يارب يا مؤمن وقام خرج من الاوضه دخل الحمام
مؤمن :- اتنهد بوجع وقال عقبال ما تسامحينى يا سندس انتى كمان وقام خرج من الأوضه وقال صباح الخير يا بابا
سعيد :- صباح النور يا حبيبى
وبعد شويه خرج حمزه من الحمام ودخل مؤمن
حمزه :- صباح الخير يا بابا
سعيد :- صباح النور يا حبيبى ربنا يفرح قلبك يا حبيبى انت عرفت حاجه عن مراتك ولا ايه
حمزه :- ايوه مؤمن قالك ولا ايه
سعيد :- لاء اخوك مقالش حاجه بس باين عليك من فرحتك
حمزه :- الامل رجعلى تانى واتأكد أنها هنا فى اسكندريه وكانت شغاله فى مستشفى (......) وانا شوفتها يا بابا وكدبت عينى سعتها
سعيد :- ربنا يجمع شملكم يا حبيبى ويسعد قلبك يارب
حمزه :- يارب يا بابا يارب ودخل لبس هدومه واده فرضه وخرج فطر وراح على شغله ومؤمن راح مدرسته
~•~•~•~•~•~•~•~•~•~•~•~•~•
عند فادى ورودينا ونهى

ركبوا الطياره اللى راجعه مصر وقعدت رودينا جنب فادى وقعدت نهى قصادهم وبدأت الطياره تتحرك وتطلع لفوق

رودينا :- خافت كالعاده ومسكت فى فادى
فادى :- ابتسم وقال تعرفى انا حبيت موضوع الطياره ده اوى وغمز ليها
رودينا :- بخوف اتلم واسكت بقى ومسكت فيه اكتر
فادى :- بضحك حاضر
رودينا:- كل ما الطياره تطلع لفوق كل ما تخاف وتمسك فى فادى اكتر لحد ما كان هيتخنق
فادى :- انتى كده هتموتينى يا بنتى
رودينا :- مسكت فيه اكتر وحطت راسها جوه حضنه
فادى :- بصوت واطى هموت بس احلى موته دى ولا ايه
رودينا :- بخوف سامعتك على فكره ماشى يا فادى
فادى :- خلى بالك فيه مطب
رودينا :- بخوف مسكت فيه اكتر وقالت عاااا
فادى :- ههههههههههه
رودينا :- بدموع بس بجد يا فادى انا خايفه
فادى :- شاف دموعها زعل ومسح دموعها وقال ششششش انسى اى حاجه خالص وضمها فى حضنه وقعد يمشى أيده على شعرها
رودينا :- حست بأمان كبير وقعدت تسمع دقات قلبه لحد ما عينيها راحت فى النوم وهى فى حضن فادى
فادى :- لاقها نامت باس راسها وحط راسه على راسها وغمض عينه هو كمان
نهى :- اتنهدت وقالت هييييييح عقبالى يارب لما انام فى حضنك يا محماااااا ومسكت المخده وقالت تعالى يا اختى ملناش غير بعض وحطت راسها عليها ونامت وبعد وقت وصلوا مصر وكل واحد راح بيته يناموا ساعتين يريحوا فيهم جسمهم من تعب السفر
~•~•~•~•~•~•~•~•~•~•~•~•~•
فى القسم

وصلت انعام القسم وهى بتبص حاوليها ومتخفيه من عيون الناس وطلبت انها تشوفه ودخلت ليه وقالت

إنعام:- عايز منى ايه يا خالد ها بعت ليا ليه
خالد :- لسه فاكره يا هانم تيجى ليا القسم
إنعام :- انت تحمد ربنا أن رضيت انزل الشارع فى الوقت ده بعد الفضيحه اللى احنا فيها دى
خالد :- انعام اتظبطى فى الكلام معايا وانا هنا ليه ما بسببك ولا نسيتى الشغل ده بتاع مين اساسآ
إنعام :- اثبت يا حبيبى كل حاجه بأسمك انت وانا مفيش اى حاجه عليا تقول إن ليا علاقه بالشغل ده
خالد :- مسكها من دراعها وقال لا فوقى يا إنعام ده انا اوديكى وراه الشمس
إنعام :- شدت دراعها وقالت أعلى ما فى خيلك اركبه ولا تقدر تعملى حاجه والبوص بيبلغك لو جبت سيرته فى حاجه هيقتلك
خالد :- هى بقت كده يا إنعام طيب انتوا اللى جبتوه لنفسكم وهقول على كل حاجه وعليا وعلى اعدائى
إنعام :- يبقى انت اللى جبته لنفسك طلقنى يا خالد
خالد :- انسى يا إنعام وخليكى عارفه أن انا خالد الحناوى وخافى منى متبقيش مطمنه اوى كده علشان هتندمى كتير كتير اوى يا إنعام
إنعام :- ههههه ده كلام بس بتقوله علشان تفك بيه عن نفسك سلام يا حبيبى وكلامك هيوصل للبوص كله وسابته ومشيت
خالد :-بتوعد انتو اللى بدأتو استحملوا بقى
*********************
إلي هنا ينتهي الفصل التاسع و الأربعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة