U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية اميرة بقلب سجان ج2 بقلم رحاب إبراهيم - الفصل الثالث و العشرون

مرحباً بكم أصدقائي وأحبابي عاشقي القراءة والقصص والروايات حيث نغوص اليوم مع رواية رومانسية مصرية جديدة للكاتبة المميزة رحاب ابراهيم الشهيرة بروبا, وموعدنا اليوم علي موقع قصص 26 مع الفصل الثالث و العشرون من رواية اميرة بقلب سجان ج2 بقلم رحاب إبراهيم. 

رواية اميرة بقلب سجان ج2 بقلم رحاب إبراهيم - الفصل الثالث و العشرون

تابع من هنا: تجميعة روايات رومانسية مصرية

رواية اميرة بقلب سجان ج2 بقلم رحاب إبراهيم
رواية اميرة بقلب سجان ج2 بقلم رحاب إبراهيم

رواية اميرة بقلب سجان ج2 بقلم رحاب إبراهيم - الفصل الثالث و العشرون

واخذ اصبعها والبسها خاتم جدته الذى خلعته قبل هروبها ،،
وابتسمت بسعادة عندما رأته مجددا باصبعها ،، وما كانت تتوقعه وتفاجئت بذهول وهو يخرجه من علبة قطيفة صغيرة
الانسياااال
نظرت له بعدم تصديق ،،اين وجده؟
ابتسمت لذهولها وروى لها قصة المصعد عندما وجده بداخله قبل لقائهم ،،
ابتسمت ابتسامة واسعة وشعرت ان كل شئ كان يرتب للقائهم ونظرت له بحب ولكن خوف غريب بداخلها يوازى سعادتها
وتذكرت نورا فى هذا الوقت ،، وقالت
نورا اللى جابتلى الانسيال ده مع الساعة وهتفرح اووى لما تعرف انك لقيته وحافظت عليه ،، كان هديتها لاول يوم شغل
وتنهدت بضيق وقالت
كان نفسى تبقى موجودة النهاردة
رد ادهم بتعجب ....هى ماجاتش ؟
هزت اميرة رأسها بنفى وقالت بانزعاج
لا للاسف ،، جوزها قطع شهر العسل عشان كان عنده مأمورية مهمة جدا ،، هو ضابط ،، وقعد اسبوع ،ولما رجع كان متصاب
فى دراعه برصاصة ،،وهى قاعدة جانبه وماعرفتش تيجى
ادهم ....
معلش ،تتعوض فى الفرح ،،
لولا انى عارف الظروف هنا كنت عملتلك كتب كتاب خيال
لكن هعوضهالك يوم فرحنا،،
ابتسمت اميرة مجددا وقالت بحب
انت فرحتى يا ادهم
ادهم بشرود ....ها 😇😇
ضحكت على مظهره وتذكرت معتز وقالت
انت وصاحبك زى بعض بالضبط 😂 الا صحيح هو فين ؟
ادهم باستغراب ...
مش عارف كان موجود وفجأة مالقيتهوش جانبى
اميرة بضيق .....
ازاى يسيبك فى وقت زى ده ؟
ادهم بابتسامة وتفهم......
انتى اخدتى العذر لصاحبتك عشان ظروفها ،،وانا بردوا عارف ان معتز اكيد فى حاجة شغلته ،، انا بصراحة ماكنتش مركز مع حد غيرك 😊
اميرة بابتسامة ....
تعرف بردوا احلى حاجة انك لبستنى الشبكة بعد كتب الكتاب
لو قبل كدا ماكنتش هخليك تلبسهالى 😂😝
ادهم ....
اتشرطى اتشرطى مانا لسه هشوف 😐
اميرة بضحكة .....ههههههههههههه 😝😝 ،،واكملت
ايه حكاية الصور اللى قولت عليها يوم خطوبة نادين دى يا ادهم ؟
ادهم... (حكى خطة نادين بأكملها)
انزعجت اميرة وقالت... صور !!! طب والصور دى مين اللى صورها
ادهم ...ماتقلقيش ،،اللى عرفته من صاحبة نادين ،ان واحدة صاحبتهم تالته هى اللى صورت
اميرة بأرتياح ....اه الحمد لله،،
ادهم.... محدش شاف شعرك ما تقلقيش ،،
اميرة بخجل ....اصل ،اصل ،اصل الفستان كان نص ضاهره عريان
ادهم بدهشة ...والله ما شوفت حاجة ولا خدت بالى اصلا ،،
انا مابصتش الا لعينيكى ساعتها 😇 ده احلى يوم فى حياتى
وماركزتش فى اى حاجة تانية والله 😑
اميرة .....
بس تعرف احترمتك اووى لما حطيت الستارة على شعرى
ادهم بحب....
اومال اشوفك خايفة واسيبك 😊💝
ابتسمت اميرة من الخجل ،،ثم قالت
طب والصور دى اكيد قطعتها ورميتها ،صح
ادهم ...لا طبعا ، دى احلى حاجة عملتها نادين من غير قصد
وخدت جزائها
اميرة باستغراب ....ليه فى ايه؟
ادهم ....فى يوم جاتلى عشان تحاولى ترجعنى ليها فطردتها
ومشيت وهى عصبية اووى ،،بعد كام يوم صاحبتها اتصلت بيا
وقالتلى انها عملت حادثة ،، واترجتنى اروح اشوفها بناءاّ على طلب نادين ،،
اميرة ..وروحت اكيد
ادهم ....ايوة روحت ،،ولقيتها لا حول ليها ولا قوة ،، وطلبت منى اسامحها واعترفتلى على كل حاجة
اميرة بضيق ...لا حول ولا قوة الا بالله ،،ربنا يشفيها
ادهم ....سامحيها ياحبيبتى
اميرة ....سامحتها يا ادهم ،،سامحتها عشان اللى هى فيه دلوقتى
ادهم بحب .....ب ع ش ق ك
احمر وجنتى اميرة بشدة ،،وابتسمت له بخجل

سمعت طرقات على الباب ،ودخلت جودى وهى تحمحم بخجل
وقالت ،
انا اسفة ،بس نورا اتصلت كذا مرة ونفسها تكلمك
نظرت اميرة لادهم تستأذنه،وهز رأسه موافقا ان تحدث صديقتها ،، واخرج هاتفه ايضا ليتصل بمعتز ويعرف اين ذهب؟

بعد دقيقة اتى صوت معتز
ادهم ..الو
رد معتز وهو يترجل من سيارته امام منزل اميرة ،،
معتز ...ايوة يا ادهم ،،انا اسف والله بس كان فى حاجة ضرورى وكان لازم اعملها ،،
ادهم بعتاب ....كان نفسى تبقى معايا فى اهم لحظة فى حياتى
معتز بضحكة .....معاكى ايه ياعم ،وايه الدراما دى 😂
دنا مابطلتش احضان فيك لحد موصلنا هنا قبل كتب الكتاب ،،
زعلان على الشوية اللى اختفيت فيهم ؟😂
ادهم بابتسامة .....كنت فين يا غتت
معتز ....هتعرف دلوقتى ،،واقفل بقى دانت مزعج 😝
قفل ادهم وهو ينتظر اميرة ،،
فتح معتز الباب الاخر لسيارته ،،وخرجت امراة فى كامل اناقتها ،، السن لم يزيل جمالها الباهر ،البهى الطلعة ،،
لمعت عيونها الزرقاء بصفاء مضئ وسط الزينة المعلقة على منزل اميرة ،، اتسعت ابتسامتها بسعادة ،،وقالت بعربية بسيطة
اين اجده؟
تحدث معها معتز بالعربية بناءاّ على طلبها ، فهى تحب تتحدث بها كثيراً ،، وقال
جوا ،،
تحركت عدت خطوات على خروج جودى مسرعة عندما هلل ادم من الخارج بوصول معتز وقال
معتس جه معتس جه 😂💃
ملك ...اسكت يا ادم 😈
ادم بخوف..حاضل يا ملك 😨
خرجت جودى بغيظ ،،وكادت ان تتكلم ،،نظرت بتعجب للمراة
وقالت لمعتز بنرفزة
كنت فين يا استاذ ؟ 😈
معتز .....كنت فى مشوار ،،وادخلى جوا
دبت جودى على الارض بقوة وركضت للداخل وهى تستشيط غضباً ،،
ابتسم معتز بخبث من غيرتها.... 😁😁😁
ودخل ومعه هذه السيدة التى تبدو اصغر من عمرها بكثير
نهضت سعاد بغضب عندما رأتها ،،وذهبت لاتجاه اخر بعد ان نظرت لها بنظرة جانبية غاضبة ،،
لم تبالى وقالت لمعتز مجدداً وسط النظرات المتسائلة لجميع الحاضرين واولهم خديجة ،،
سأل معتز عن ادهم ،وردت سمر واشارت على الغرفة
........................
دعى معتز فى سره قبل ان يفتح الباب بقلق ،، ودخل اولا
وجد ادهم يجلس وهو سارح بخياله وعلى وجهه ابتسامة سعيدة ،، لمحه ادهم دون ان ينظر لما خلفه ،ووقف بسعادة
وحضن صديقه وعلى وجهه ضحكة واسعة سرعان ما زالت عندما رأها

.........
نورا عبر الهاتف بحزن
معلش يا حبيبتى ماتزعليش منى غصب عنى
اميرة بلطف ...ولا يهمك نورا ،، لسه الفرح يا قلبى وان شاء الله تحضرى انتى وجوزك كمان
نورا بتمنى ....ياااارب ،، وانا عارفة ان ماكنش المفروض اتصل دلوقتى بس والله كان نفسى ابقى معاكى فى اللحظة دى
وقولت حتى لو تليفون حتى بس اسمع صوتك
اميرة بحب ....
عارفة يا نورا ، كفاية انى لما اتصلت بيكى وحكيتلك كل اللى حصل بعد قراية الفاتحة فهمتينى ومازعلتيش انى ماكلمتكيش من قبلها
نورا ...
صداقتنا اكبر من كدا يا اميرة ، واكملت بمرح
ويلا بقى هقفل واكلمك بكرا زمان جوزك مستنيكى وبيدعى عليا دلوقتى انى خدتك
اميرة بضحكة ....
يلا عشان يتغاظ شوية 😂
نورا بضحكة ....مجنووونة ،،ربنا يسعدك يا حبيبتى ياارب
هقفل بقى وزى ما قولت هكلمك بكرا
اميرة ...اوك
............................
ابتعد معتز بتوجس من رد فعل ادهم ،،وحدق ادهم بذهول فى وجههاا ،،ونظرة الصبا المعذبة التى اعتقد انه ودعها ،عادت له من جديد ،، لمعت دمعة بعينيها التى تتشابها كثيرا مع ابنها
واسرعت اليه وحضنته بقوة وهى تبكى ،،
وقف جامداً بلا حراك ،، وخرج معتز حتى يترك لهم مساحة لحرية النقاش ،،
وقفت جودى بتساؤل ...مين دى ؟
قال معتز لهم جميعا
نيرمين وامها والجدة وخديجة وسمر ،،
دى ام ادهم
اندهش الجميع مما قاله معتز ،، وقالت الجدة بضحكة
ام مين يابنى ،صل على النبى ،، دى بكبرها ٣٠ سنة
معتز مؤكداً... والله العظيم امه ،،حتى اسألوا دادة سعاد
هى راحت فين ؟
جودى ...انا شوفتها دخلت الاوضة اللى هناك دى
نظر معتز للغرفة وتردد ان يذهب ولكن ركض اليها ليعتذر
فتح الباب ببطئ
ودخل ...
....................
خرجت اميرة بسعادة ودخلت مباشرة الى ادهم ولم يستغرق ذهابها ثوانى بحيث ان لم يستطع احدا اخبارها ،،
انصدمت مما رأته ،،
ادهم وامراة تحضنه بهذه الطريقة المتلهفة ،، صاحت بغضب كاد ان يعميها ....
فى ااايه ،اايه ده ؟؟
فاق ادهم من صدمته على صوت اميرة ،، التفتت هيلين لاميرة بأبتسامة محبة وقالت برقة
ميرا ،انتى ميرا ،اليس كذالك
اميرة بغضب ...
اه كذالك بعينها 😈
تابعت هيلين بحب .... اتيتُ لاجلك
استشاطت اميرة بغضب اكثر من هذه المراة ،وقالت بغضب وهى تتجه لادهم ،
ايه يا ادهم انت متجوز عليا ولا ايه ،، طلقنى طلقلللللللنى 😢
انكمشت تعابير ادهم بغضب وكاد ان يتحدث ،،قاطعته هيلين بضحكة . انا والدته
كانت تواليها ظهرها ومواجهة لادهم ،،اتسعت عينيها بشكل مضحك له ،، ولولا صدمته لكان انفجر من الضحك على تصرفها ورد فعلها ،،
وقالت بهمس له ،،الكلام ده صح 😃
هز رأسه بالايجاب ،،
اميرة بذهول .....لا اله الا الله ،، ازاى وامتى 😮 هى دى حماتى😍

هيلين بابتسامة وقالت لادهم
ذوقك رائع ،، احببتها كثيراّ
اخذ ادهم اميرة من يدها وابعدها عن هيلين ،، وقال
كلامك معايا انا وبس ،، اميرة مالهاش دعوة بحاجة
نظرت هيلين له بألم ،،وقالت
اتخاف عليها منى
ادهم بحدة .... بخاف عليها من اى حد وخصوصا انتى
نظرت هيلين بحزن ونزلت دموع على وجهها الشديد الجمال
وقالت
لهذه الدرجة غاضب منى
رد بحدة والم ....انا بكرهك
اتسعت اعين اميرة بضيق ،،وقالت بحدة
ادهم ،،ماينفعش كدا ،، دى والدتك !!
جز على اسنانه بعنف وهو يتنفس بحدة ولم ينطق لدقيقة
ثم قال بغضب ...
حسابك معايا يا معتز
ردت هيلين مدافعة ،،وقالت
لا ذنب له ارجوك ،، انا من توسلت له كثيراً حتى يأتى بى الى هنا ،،
اسفة ادام ،،لن ازعجكك اكثر
اسرعت اليها اميرة عندما اتجهت هيلين لتذهب ،، ولامست كتفها وقالت بابتسامة
لا ، استنى ،،هو حضرتك بتفهمى عربى كويس ولا اكلمك انجلش كدا على ادى
هيلين مبتسمة بعيون باكية ،وقالت
اتحدث العربية جييدا، اتحدث مثل ما تعلمتها بلندن
تنهدت اميرة بارتياح وقالت
يبقى من فضلك لازم تستنى هنا
رد. ادهم بغضب
اااااميرة
التفتت له اميرة بلوم وقالت
فى ايه يا ادهم ،،انا مش لاقية سبب لتصرفاتك دى
قال ادهم بتحذير لهيلين
كل اللى فات واللى انتى من ضمنه انا نسيته ومش عايز اتكلم فيه تانى ،،فلو سمحتى انسينى ،اكنى مش موجود
نظرت هيلين لاميرة برجاء ان تقف بجانبها
اميرة ....
انا ممكن افهم فى ايه ؟
ادهم بغصب والشرر يتطاير من عينيه
يهمك فى ايه انك تعرفيه ،، شئ مالكيش اى علاقة بيه عايزة تعرفيه لييييه ؟
اميرة بنظرة ملئها اللوم والضيق ...
على صوتك كمان ،لا اقولك زعق اكتر واكتر ،،لا لا
الاحسن تضربنى منا خلاص بقيت مراتك ،،
وركضت لغرفتها وهى تبكى ،،
نظر ادهم بعنف لهيلين وقال
دمرتى حياتى زمان وجيتى دلوقتى عشان تدمريها تانى
انا مش عارف اقولك اايه ،،حرراااام عليكى سيبينى بقى فى حااالى وانسى ان ليكى ابن من الاساس
هيلين ببكاء ....
وهل انت نسيت ان لك ام
ادهم ....
من زمان
هيلين برفض .....مع نظرتك هذه ،فلن اصدقك ،،انت ابنى واعرفك جيداّ
ادهم بحدة ....
انتى ماتعرفيش غير نفسك ،غير مصلحتك وبس ،ولا ناسية
جيتلك لحد عندك بعد ابويا ما مات وقولتلك ان الحقير اللى اسمه كولان ( نيكولاس) هو اللى قتله ،،كدبتينى ودافعتى عنه
وطردتينى قدامه ،، عايزة منى ايه تانى،، المفروض اسامحك ازاى ،، دنا ماسبتش فرصة الا وذليته بيها ودخلته السجن ،،عشان يموت بالبطئ بعد ما فلس

هيلين بنظرة متفحصة ....اتعتقد انك كنت بمفردك تفعل هذا
نظر ادهم نظرة نارية وساخرة لحديثها وخرج من الغرفة
لكن لم يجد الا خديجة وكأنها كانت تنتظره ،،
ركض اليها وقال بلهفة
اميرة فين ؟ انا ماكنش قصدى ازعلها والله العظيم
خديجة ......
اللى سمعته ده صحيح ؟
ادهم ....حد تانى سمع غير حضرتك ؟
خديجة بنفى ....لا ،،كلهم دخلوا ورا اميرة لما لقوها خارجة معيطة ،،لكن انا استنيتك هنا
ادهم وهو ينظر لاتجاه اخر بتألم ولم ينطق ،،
خديجة ....
يبقى اللى سمعته صحيح ،، عشان كدا مش هزعل منك لكن
حاول تتحكم فى اعصابك بعد كدا بالذات مع اميرة ،، اما والدتك فعشان خاطرى لو ليا خاطر عندك اسمعها للاخر

ادهم .....فات الاوان خلاص مابقاش ينفع ،،بس ارجوكى ماتقوليش اى حاجة من اللى سمعتيها لاميرة
خديجة ....
لا مش هقول ،، زى مانت ماقولتلهاش على الاقلام دى اديتهالك
ادهم ...
استحملت لانى كنت غلطان ،، واقدر استحمل اى حاجة عشان اميرة ،،
خديجة .....
ماتسافرش وروح عند على عشان تصالحها بكرا ،،بس سيبهالى دلوقتى
ادهم ...
خلاص ماشى ،،انا فى كل الاحوال ماكنتش هسافر الا وانا مصالحها
خديجة مبتسمة ....
يبقى سيبهالى وانا هعرف اهديها ازاى ،،هتلاقى على برا روح معاه،،
ادهم ....هو معتز راح فين ؟
اشارت له خديجة بغرفة جانبية ،وقالت
بيتكلم مع سعاد فى الاوضة دى ،،
فهم ادهم ما حدث لسعاد بمجرد ان رأت هيلين ،، ودلف بالغرفة المشار إليها ،،
كان معتز لس بجوارها ويتأسف ،، نظر له ادهم وهو يقفل الباب ،،وقال بغضب
عجبك اللى عملته ده ؟؟
معتز بقلق ....
حصل ايه تانى ؟ وبعدين انا عملت ايه بس يا ادهم
ادهم بعنف ....بتجيبها هنا ليه ؟
معتز .....
هى اللى اترجتنى عشان تحضر كتب كتابك يا ادهم ،، وهربت منها كتير ،، وفجأة اتصلت بيا النهاردة وقالتلى انها وصلت مصر امبارح وعرفت انت فين بطريقتها وهى فى الطريق لهنا
يعنى كدا كدا كانت هتيجى ، وده اللى احبرنى انى اروح اجيبها ،، لانها لواحدها وماينفعش اسيبها
زفر ادهم بضيق وقال لسعاد
انا اسف يا دادة ،بس زى مانتى شايفة انا ماليش ذنب فى حاجة ،،
سعاد ....
عارفة يا بنى ومقدرة ،،بس لما شوفتها ماقدرتش ومشيت ،،فكرتنى بكل اللى فات ووجعه
جلس ادهم بجانبها وقال
حقك عليا انا ،، ماتزعليش
ورفع رأسه امعتز وقال
خد دادة يا معتز وسافروا على القاهرة ،وانا هفضل هنا
معتز ...
طب و
نظر ادهم بحدة ولم ينطق ،،
...........
دخلت خديجة لهيلين التى كانت تجلس بالغرفة وتبكى بحرقة
وقالت بتردد
ممكن تباتى عندنا النهاردة
رفعت هيلين رأسها وقالت بعدم فهم
عذرا
خديجة وهى تراجع حديثها
اقصد تنامى هنا
فهمت هيلين وقالت
هل ازعجكم ؟؟؟
نفت خديجة وقالت
لا طبعا
ثم اخذت هيلين للشقة العلوية ،، وصاحت تنادى على ..على
وقالت
معلش يا على سيب مراتك هنا وخد ادهم معاك
على بضحكة مرحة ..
ليه هو كان فاكر انه هيمشى النهاردة ولا ايه ؟
خديجة ...لا هيابت عندك النهاردة
على .....خلاص ماشى
.....................................
التفوا الفتايات حولها وجلست كلاً من عائشة والجدة قبالتها وهى تبكى بشدة ،، وقالت
شخط فيا وزعقلى اوووى 😢😢
الجدة بأستياء ...اوى اوى يعنى 😞
اميرة ببكاء .....اه يا تيته 😢😢
جودى بتكشيرة .....بس تصدقى امه مزززة اووى 😮😮😍😍
نظرت اميرة بحدة 😐 واكملت بكاء 😢😢😢
نيرمين ...هتعكننى على نفسك فى يوم زى ده ،، ما يمكن زعلان مع امه فى حاجة ياستى وهيتصالحوا دلوقتى ،، ايه النكد ده 😒
عائشة ام نيرمين .....بطلى عياط يابنتى بقى 😞
سمر بمرح .....
هو الراجل ايه غير شخط ونطر 😁😁
ملك وهى تنظر لاميرة بقوة وقالت
انا هروح اضرب عمو ادهم ده 😈 يزعقلك ليه يعنى
ادم بتكشيرة ....تضلبى مين يا ملك 😒😒 ده دودو حبيبى 😊
ملك بهتاف
اااااادم 😈😈
ادم برعب 🙊🙊😨😨
نيرمين بيأس .....عقدتينى من الجواز ،، وانا اللى خطوبتى خلاص بعد كام اسبوع
الجدة ....اه صحيح يا نيرمين ،انتوا اجلتوها ليه؟
نيرمين .....
جوز اخت عصام تعبان شوية ،وماكنش ينفع نعمل خطوبة دلوقتى ،،فقرينا فاتحة بس وهنستنى لما يتحسن شوية عشان يقدر يحضر
الجدة ....
ربنا يشفيه يااارب
نيرمين ...يااارب ،، انا اتصلت بعصام وقولته يسافر هو عشان هنبات النهاردة مع اميرة 😁
اميرة بابتسامة ...بجد 😊
نيرمين ...اه والله
جودى ...وانا وتيته كمان هنبات معاكى 😁
اميرة وهى تتسع ابتسامتها رغم الدموع على خديها ، وقالت
ربنا ما يحرمنى منكوا يااارب
دخلت سعاد على اميرة تودعها وهى تحضنها
سعاد ..... الف مبروووك يا حبيبتى ربنا يسعد قلبك يااارب
اميرة بحزن ....
الله يبارك فيكى ،،
سعاد بدهشة ....انتى بتعيطى ليه؟
اميرة وهى تمسح دموعها ....لا مافيش
ملك بحدة .....
عمو ادهم زعقلهاااااا😈😈
سعاد .....ليه؟
لم تنطق اميرة
استوعبت سعاد وقالت
انتى قابلتى هيلين ؟
اميرة ....ايوة
سعاد .....اااه فهمت ،،معلش هو بيتعصب شوية بس مش بيبقى قصده ، وانا هكلمك وهفهمك بعدين
اميرة ....بعدين ايه ؟ هو انتى ماشية ؟
سعاد ....
ايوة ،،بس اوعدك فى اقرب فرصة هجيلك تانى ،
اضحكى بقى
لم تستطع اميرة ونظرت للاسفل بحزن
سعاد ....
هو يصالحك بقى ،انتوا مجانين والله .😂😂
...............................
وصل ادهم وعلى الى المنزل ،،وادخله على للغرفة الذى جلس بها سابقاّ،،
وتنهد بحزن وهو يتذكر ما حدث ،، وقال بضيق
يعنى مالقيتيش الا النهاردة وتيجى
وندم على صرفه واسلوبه مع اميرة ،، ولكن لم يتسطع التحكم باعصابه عندما شاهد هيلين بعد سنوات من العذاب
*********************
إلي هنا ينتهي الفصل الثالث و العشرون من رواية اميرة بقلب سجان ج2 بقلم رحاب إبراهيم


تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها



ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة