مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الخمسون من رواية تمرد صحفية بقلم دودو محمد.
رواية تمرد صحفية بقلم دودو محمد - الفصل الخمسون
اقرأ أيضا: روايات رومانسية
 |
| رواية تمرد صحفية بقلم دودو محمد |
رواية تمرد صحفية بقلم دودو محمد - الفصل الخمسون
وصل ادهم الشركه ودخل مكتبه ودخل وراه السكرتير وقعد على الكرسى وقال
ادهم :- استاذ أكرم جه ولا لسه
السكرتير :- لسه يا فندم
ادهم :- طيب اول ما يجى تبلغه أن انا عايزه ضرورى
السكرتير :- حاضر يا فندم وحط قصاده الاوراق علشان يمضيها ادهم
ادهم :- بص فى الأوراق ومضاها ومد أيده بيها وقال هات ليا واحد قهوه بسرعه
وفى الوقت ده وصل اكرم وقال
أكرم :- خليهم اتنين الله يكرمك وقعد على الكرسى
السكرتير :- حاضر عن اذنكم وخرج وقفل الباب وراه
ادهم :- مش ملاحظ أنك من يوم ما اتجوزت وبقيت تيجى الشغل متأخر
أكرم :- ده على اساس ان بقالى سنه متجوز ده انا يا عنيا مكملتش اسبوع متجوز واحد غيرى كان زمانه متمتع فى شهر العسل منه لله اللى كان السبب ونزلنى الشغل بعد يومين بس من الجواز
ادهم :- يا شيخ اتنيل ده انا بستر عليك علشان ميبقاش شكلك وحش قدام مراتك وتكسفنا
أكرم :- مين ده هو انت مفكرنى زيك لا حاسب صاحبك اسد على الله هى بس تجمد كده و تصد هههههههه
ادهم :- امممم ما هو الكلام مش بفلوس وبعدين انت تطول تكون زى
أكرم :- ايوه يا عم الله يسهلوا شكلها مشيت معاك والعيشه بقت فله
ادهم :- يا ساتر يارب فيه ايه انت هتقر ولا ايه
أكرم :- لاء متخافش يا صاحبى انا بحسد بس هههههههه
ادهم :- طيب يا اخويه ربنا يكفينا شر عينيك المهم خلينا فى الشغل
أكرم :- استنا بس قبل الشغل طمنى الوضع بقى عامل ايه بينك وبين داليا
ادهم :- كله تمام والدنيا اتصلحت مع بينا
أكرم :- يااااااه اخيرآ القط والفار عملوا صلح مع بعضهم واتفقوا ده انا كنت فقد الامل والله رغم ان انا كنت متأكد أن حبكم لبعض هيكون الاقوى وهتتحدوا اى ظروف وتكونوا مع بعض فى النهايه
ادهم :- قام وقف وراح قعد على حرف المكتب قصاد أكرم وقال انا اوقات كتير بستغرب نفسى وافعالى لما بكون معاها بحس كأنى طفل صغير ببقى عايز أجرى على حضنها ومخرجش منه بفرح لما بشوف ضحكتها ببقى عايز اجيب ليها حته من السما علشان اشوفها سعيده علطول داليا قدرت تخترق حصونى كلها بضحكتها وبرأتها وقوتها فى نفس الوقت لما بشوف دمعتها بحس أن انا حاجه من جوايا بتتكسر ببقى عايز أشدها فى حضنى واحسسها بالأمان عايز ادخلها جوه طلوعى علشان مخليش اى راجل يشوفها غيرى انا لو قعد اتكلم عنها محتاج عمرين على عمرى علشان بس اوصف عينيها ومهما اتكلم واحكى مش هقدر اوصل ليك انا بحبها قد ايه
أكرم :- تعرف الحاجه الوحيده اللى حلوه فى الموضوع ده ايه
ادهم :- ايه
أكرم :- انها خليتك متصالح مع نفسك قبل ما تكون متصالح مع الناس يعنى مش من طبيعتك تتكلم وتقول اللى جواك بسهوله كده وانا فرحان ليك اوى يا صاحبى وحبيت التغير ده فيك
ادهم :- أكرم عايز منك خدمه
أكرم :- امر يا صاحبى
ادهم:- ...........
~•~•~•~•~•~•~•~•~•~•~•~•~•
فى فيلا ادهم الحناوى
فى اوضت علاء
صحى علاء على صوت تليفونه بص فيه لاقها منتهى قام قعد على السرير ورد عليها وقال
علاء :- صباح الخير يا توته
منتهى :- صباح النور لسه نايم كل ده
علاء :- اه والله معرفش ازاى نمت كل ده ومحستش بالمنبه لما رن
منتهى :- جسمك مجهد علشان كده نمت ومحستش
علاء :- فعلا يا توته الفتره اللى فاتت دى متعبه اوى
منتهى :- طيب هتيجى تخدنى امته النهارده
علاء :- اخدك فين
منتهى :- علشان نختار الفرش بتاع الشقه انت نسيت ولا ايه
علاء :- تصدقى نسيت خالص المشوار ده بس النهارده صعب خليها بكره
منتهى :- يا علاء مفيش وقت باقى يومين بس على الجواز عايزه اخلص وافرش الشقه
علاء :- عارف والله بس اللى حصل ده مكنتش عامل حسابه وعطلنى وكده كده الشقه مش هتحتاج غير يوم واحد بس للفرش هبقى اخلى ادهم واكرم يسيبوا مراتتهم يساعدوكى فى فرشها
منتهى :- من غير ما تقول هما هيعملوا كده من نفسهم بس انا محتاجه اخلص ورايا حاجات تانيه كتير غير الفرش
علاء :- حاجات تانيه ايه
منتهى :- بكسوف حاجات تانيه وخلاص يا علاء متغيرش الموضوع
علاء :- فهم قال احم ماشى خلاص هخلص شوية حاجات ورايا فى الشغل وهاجى اخدك
منتهى :- ماشى باى
علاء :- مع السلامه وقفل السكه وحط التليفون جنبه وقام دخل الحمام اخد شاور واتوضه وخرج لبس هدومه واده فرضه وفى الوقت ده لاقه تليفونه بيرن برقم فادى رد وقال السلام عليكم
فادى :- وعليكم السلام ايه الكلام اللي سمعته ده فعلا ابوك اتقبض عليه بتهمة تجارة المخدرات
علاء :- ايوه بقاله يومين
فادى :- وازاى محدش فيكم يقولى حاجه زى كده
علاء :- لان انت كنت مسافر ومحبناش نشغلك فى سفرك باللى بيحصل هنا
فادى :- لاء سبب مقنع الصراحه مش عارف اقولكم ايه الصراحه المهم قومتوا ليه محامى ولا لسه
علاء :- ايوه من ساعتها ودينا جابت محامى وراحت ليه وتامر خطيبها مش سايبه
فادى :- ماشى يا علاء انا هروح ليه دلوقتى
علاء :- ماشى وانا كمان شويه رايح ليه برضه
فادى :- صحيح فين امك
علاء :- حابسه نفسها فى الاوضه عندك فى الفيلا وخايفه تظهر قدام الناس
فادى :- لاء امك مش موجوده خالص فى الفيلا من ساعة ما جيت وسألت عليها قالوا خرجت ولحد دلوقتى مجاتش
علاء :- بأستغراب هتكون راحت فين انا امبارح حاولت أقنعها تروح لابوك بس هى كانت رافضه تخرج من الاوضه
فادى :- معرفش بقى يمكن خرجت وراحت ليه
علاء :- يمكن
فادى :- ماشى نتقابل عند ابوك بقى سلام
علاء :- ماشى سلام وقفل السكه مع فادى وخرج من الاوضه وراح عند اوضت دينا وخبط عليها
دينا :- فتحت الباب وهى مغمضه عينيها وقالت خير يا علاء عايز ايه
علاء :- انتى كل ده لسه نايمه
دينا :- ورايا ايه يعنى هقوم دلوقتى اعمل ايه
علاء :- طيب اصحى معايا كده وفوقى
دينا :- امممم معاك قول
علاء :- شوفى مدرسه حلوه تكون قريبه مننا هنا لأختك سندس علشان مش عايزه تروح المدرسه اللى هى فيها وانقليها منها
دينا :- حاضر حاجه تانى
علاء :- لاء بس حاولى تنجزى علشان اختك تلحق دراستها
دينا :- حاضر
علاء :- ادخلى كده جهزى نفسك وياريت تخديها معاكى المدرسه اللى هتقدمى فيها ورقها وشوفيها مرتاحه ليها ولا لاء
دينا :- ما خلاص يا علاء بقى روح شوف رايح فين واعمل حسابك انا النهارده هروح لبابا فى القسم
علاء :- خلصى مشوارك وروحى بس متتأخريش هناك
دينا :- حاضر
علاء :- سلام ونزل وسابها
دينا:- ده ايه الغلب ده ياربى هموت وأكمل نومى واتنهدت ودخلت اوضتها وقفلت الباب وراها ودخلت الحمام اخدت شاور واتوضت وخرجت لبست هدومها وأدت فرضها وقعدت على السرير ومسكت تليفونها وطلبت رقم تامر وانتظرت الرد
تامر :- رد عليها بصوت متغير وقال صباح الخير يا حبيبتى
دينا :- بأستغراب صباح النور مال صوتك متغير كده ليه
تامر :- مفيش يا حبيبتى سلامتك جايه امته
دينا:- هروح انقل سندس من مدرستها لمدرسه تانيه وهاجى عليكم
تامر :- هتنقليها ليه
دينا :- هى مش حابه تروحها تانى بعد موضوع بابا علشان أصحابها هناك ميجرحهاش بكلمه
تامر :- ماشى يا قلبى خلى بالك على نفسك انا مستنيكى تيجى بالسلامه
دينا :- حاضر باى وقفلت السكه مع تامر وقامت خرجت من اوضتها وخبطت على باب اوضت سندس
سندس :- فتحت وقالت صباح الخير
دينا :- صباح النور يا حبيبتى جهزى نفسك يلا علشان هنروح المدرسه اسحب ليكى ورقك وانقلك مدرسه تانيه
سندس :- لاء انا مش عايزه ادخل المدرسه دى خالص
دينا :- استنينى فى العربيه لحد ما ادخل انا اخد ورقك واجيلك
سندس :- ماشى بس ليا طلب عندك
دينا :- ايه هو
سندس :- مش عايزه ادخل مدرسه زى اللى انا فيها عايزه ادخل مدارس عادى
دينا :- ليه طيب
سندس :- لان أهالى الناس اللى فى المدارس دى بتكون رجال أعمال واكيد اول ما هيتقال أسمى الرباعى هناك هيعرفونى انا بنت مين إنما المدارس العادى محدش فيهم بيبقى مهتم برجال الأعمال ولا أخبارهم
دينا :- بس لو ادهم ولا علاء عرفوا هيهدوا الدنيا
سندس :- ابقى انتى اقنعيهم علشان خاطرى وافقى
دينا :- اقنع مين بس طيب علاء ممكن إنما ادهم هقنعه ازاى لالالا مش هينفع اعمل كده
سندس :- يبقى مش هروح مدارس خالص وذنبى فى رقابتك انتى
دينا :- يووووه بقى يا سندس ماشى هعملك اللى انتى عايزاه وربنا يستر بقى ادخلى جهزى نفسك يلا
سندس :- بفرحه هو ده هجهز بسرعه ودخلت وقفلت الباب فى وش دينا
دينا :- يارب استر بقى ونزلت لاقت داليا قاعده بتفطر قالت صباح الخير
داليا :- صباح النور
دينا:- فينك مختفيه من امبارح يعنى
داليا :- مش مختفيه ولا حاجه كنت عند بابا بشوفه علشان واحشنى
دينا :- ربنا يخليه ليكم يارب
داليا :- يارب وانتى امبارح كنتى فين دورت عليكى فى الفيلا قبل ما امشى مكنتيش موجوده
دينا :- بزعل كنت عند بابا فى القسم
داليا :-بأستغراب ابوكى فى القسم طيب ليه
دينا :- بدموع بابا تاجر مخدرات يا داليا
داليا :- بصدمه ايه طيب ازاى يعنى ايه اللى حصل
دينا:- لاقه عنده المخدرات فى المخازن اللى اتحرقت كان بيستخدم الشركه بتاعته ستاره ليه
داليا :- انا مصدومه بجد بس ازاى ادهم مقالش ليا حاجه زى كده معقول يكون ميعرفش
دينا :- ادهم مش عارفه اوصله من ساعة ما بابا اتقبض عليه
داليا :- انا هتصل بيه واقوله
وفى الوقت ده نزلت سندس وشافت داليا مكلمتهاش وقالت لدينا
سندس :- انا جهزت يلا بينا
داليا :- طيب قولى صباح الخير الاول
سندس :- صباح الخير يلا يا دينا
دينا :- فيه ايه يا بنتى بتتكلمى معاها كده ليه ردى عدل عليها
داليا :- سبيها براحتها يا دينا انتوا رايحين فين كده
دينا :- هنقل سندس من مدرستها بسبب موضوع بابا بس انا فى مشكله
داليا :- ايه هى المشكله
سندس :- ما تخلصى يا دينا انتى هتحكى قصة حياتك
دينا :- يا بنتى اصبرى وبصت لداليا وقالت الهانم عايزه تروح مدارس عاديه حكوميه يعنى ولو ادهم عرف هو وعلاء هروح انا فى شربت مايه
داليا :- طيب ايه السبب لطلبها ده
سندس :- على فكره انا حره محدش ليه حاجه عندى
داليا :- يا حبيبتى محدش اعترض انتى حره بس تفتكرى أن علاء وادهم هيشوفوا انك حره فعلا
سندس :- والله دى حاجه تخصنى انا واخواتى ملكيش دخل فيه
دينا :- بعصبيه سندس عيب كده ايه اللى انتى بتقوليه ده
داليا :- يا بنتى سبيها سندس اختى الصغيره ومهما تعمل مش بزعل منها وانا عندى فكره حلوه
دينا :- ايه هى
داليا :- دخليها المدرسه اللى فيها مؤمن اخويه هيخلى باله منها وهيحميها من اى حد يجى جنبها
سندس :- بعصبيه انا مستحيل اروح المدرسه اللى فيها البنى أدم ده على جثتى
دينا :- اسكتى فكره حلوه والله هبقى مطمنه عليكى وانتى معاه
سندس :- قولت لاء يعنى لاء
دينا :- يبقى خلاص هنقلك فى مدسه زى اللى انتى فيه دى انا مش هأمن عليكى فى مدارس عادى وانتى لواحدك
سندس :- يووووه بقى
دينا :- اختارى! المدرسه اللى فيها أخوه داليا؟ ولا مدرسه زى اللى انتى فيها ؟
سندس :- اوف بقى خلاص هروح اللى فيها الزفت ده ومشيت وسابتهم
داليا :- اطمنى مؤمن هيقدر يحميها كويس
دينا :- شكرآ يا داليا بجد وفرتى عليا وقت ومجهود كبير
داليا :- بلاش عبط بس سندس اختى الصغيره ومصلحتها تهمنى روحى خلصى نقلها وانا هبلغ ادهم وهروح معاكى القسم
دينا :- ماشى يا قلبى باى وخرجت دينا راحت تنقل سندس من المدرسه وطلعت داليا اوضتها مسكت تليفونها واتصلت على ادهم وانتظرت الرد وبعد وقت رد عليها وقال
ادهم :- واحشتينى يا عمرى
داليا :- انت اكتر
ادهم :- والله حاسس ان الساعات تقيله اوى ومش عايزه تمشى
داليا :- خلاص سيب اللى فى ايدك وتعال انا مستنياك
ادهم :- ياريت كان ينفع كنت عملتها بس للاسف عندى اجتماع كمان نص ساعه
داليا :- امممم ماشى بس عندى خبر ليك مش عارفه هو هيبقى وحش ولا حلو بالنسبالك
ادهم :- قولى يا قلبى
داليا :- ابوك
ادهم :- بعصبيه داااااااليا مليون مره اقولك متقوليش الكلمه دى
داليا :- اسفه خالد الحناوى
ادهم :- ماله زفت الطين ده
داليا :- مقبوض عليه فى القسم
ادهم :- عارف
داليا :- بصدمه عارف ! طيب ليه مقولتليش
ادهم :- وانتى عايزه تعرفى ليه ما يغور فى داهيه هنشغل بالنا بيه ليه
داليا :- ادهم مهما حصل ده ابوك ولازم تقف جنبه فى وقت زى ده
ادهم :- بعصبيه داليا قفلى على ام الموضوع ده علشان متعصبش عليكى اكتر من كده
داليا :- يا ادهم اسمعنى بس
ادهم :- قطعها بعصبيه وقال داااااااليا قولتلك خلاص واقفلى بقى علشان عندى شغل وقفل السكه
داليا :- ادهم يا ادهم وقالت قفل السكه فى وشى ماشى يا ادهم مش ناوى تبطل العصبيه اللى فيك دى ماشى لما تيجى ونزلت من اوضتها وهى متعصبه وطلعت قعدت فى الجنينه وشويه جت الشغاله وقالت ليها أن فيه واحده عايزه تقابلها وقالت ليها أنها تدخلها ليها الجنينه وشويه ودخلت ليها وبصت ليها داليا بأستغراب وقالت ليها انتى مين
ساندرا :- انا أسمى ساندرا مصطفى اخت ادهم الشرعيه
داليا :- اول ما سمعت كده اتصدمت وقالت نعم
ساندرا :- ممكن اقعد وهفهمك كل حاجه
داليا :- اه اسفه اتفضلى اقعدى
ساندرا :- اقعدت وقالت شكرآ انا ساندرا مصطفى اربعه وعشرين سنه اخت ادهم الشرعيه من ابوه وامه
داليا :- ازاى أخته هو اسمه ادهم خالد الحناوى وانتى اسمك ساندرا مصطفى
ساندرا :- ادهم اسمه الحقيقى ادهم مصطفى ادهم مش ابن خالد الحناوى
داليا :- بصت ليها بصدمه وعدم فهم
ساندرا :- هفهمك ماما لما كانت مكتوب كتابها على بابا حصل ما بينهم خلوه وحصلت ما بينهم علاقه ومكانش حرام لانه كان جوزها شرعآ وحاصل اشهار وكانوا بيحبوا بعض بس محدش كان يعرف خالص باللى حصل ما بينهم ولما دخل فى حياتهم خالد الحناوى خربها ليهم وطلق ماما من بابا وماما كانت سعتها حامل فى ادهم اخويه بس مقالتش لحد خافت من الفضيحه وبابا سافر وماما عاشت حياتها مع خالد الحناوى وعرف أنها مش بنت بس طبعآ معرفش بموضوع الحمل ده لان هو اغتصابها علشان ينتقم منها ويكسرها علشان رفضته وبعد فتره صغيره قالت لخالد انها حامل منه وعاشت اكتر من ست سنين الناس كلها مفكره أن أدهم ابن خالد وخالد كان بيحب ادهم اوى لحد ما بابا رجع تانى من السفر وبدأت الحقيقه تظهر وبابا لما سأل قالوا عرف أن مدام الطلاق حصل بالإكراه والزواج برضه بالاكراه يبقى الاتنين باطل وان ماما لسه مرات بابا شرعآ وطبعآ كانت صدمه للاتنين فى الوقت ده أن ماما تبقى لسه على ذمة بابا وأنها مش مرات خالد الحناوى وعايشه معاه طول السنين دى باطل بس للاسف كان متأخر اوى لما عرفوا الكلام ده المهم رجعوا عاشوا حياتهم زى اى اتنين متجوزين لحد ما خالد عرف بالموضوع ده وشافهم وضرب ماما واخد منها ادهم بس فى الوقت ده ماما قالت الحقيقه لخالد أن ادهم مش ابنه ادهم يبقى ابن مصطفى اخد ادهم وشدها من دراعها ورمها فى الشارع راحت لبابا اللى مكانش يعرف أن ادهم ابنه وقالت ليه الحقيقه حاول يرجع ادهم ليه ويثبت ان هو ابنه مش ابن خالد بس كان خالد خسر بابا كل فلوسه وزور تحليل ال DNA وأثبت أن ادهم ابنه هو ومقدرش بابا يوصل لادهم فى الوقت ده وخالد اخده منهم وعاش وكبر ادهم والكره كبر جواه اتجاه ماما وبابا وهو شايفهم أنهم مجرمين فى حقه وكل ما بابا ولا ماما يحولوا يوصلوا ويقولوا ليه الحقيقه هو كان بيرفض يقابل حد فيهم ولا يسمعهم
داليا :- كانت مصدومه من كل اللى بتسمعوا ده وقالت وانا ايه يثبت ليا أن كلامك ده كله صح
ساندرا :- ما هو ده اللى انا جايه علشانه الاثبات
داليا :- ازاى مش فاهمه
ساندرا :- يعنى احنا محتاجين عينه من أدهم علشان نعمل تحليل DNA ونثبت ليه أن هو ابن مصطفى مش ابن خالد
داليا :- طيب وانا ايه ضمنى انكم مش هتلعبوا لعبه على جوزى وتزوره النتيجه
ساندرا :- طيب و احنا هنعمل كده ؟
داليا :- معرفش ممكن علشان يسامح مامتك ولا علشان تنتقموا من خالد
ساندرا :- من حقك تخافى ومتكونيش واثقه مننا بس ممكن تخدى انتى العينه بنفسك واجبلك عينه من بابا وتوديهم المعمل اللى انتى عايزاه وواثقه منه وتتأكدى من النتيجه كمان بنفسك
داليا :- سكتت شويه وبعدين قالت بقلق لالالا انا مستحيل اعمل كده ده لو ادهم عرف هيزعل منى وممكن ميسمحنيش على الغلطه دى
ساندرا :- وهيزعل منك ليه انتى هتفتحى عينه على الحقيقه
داليا :- برضه لاء انا خايفه يبعد عنى
ساندرا :- براحتك بس عايزه اعرفك أن ماما مريضة كانسر وحياتها فى خطر وهى رافضه أنها تتعالج غير لما تشوف ادهم ويسامحها وادهم مش عايز يسمع من حد الحقيقه لازم إثبات قوى علشان يسامح ماما وانتى وضميرك بقى لو ماما حصلها حاجه ذنبها فى رقابتك انتى عن اذنك وخرجت وسابتها
داليا :- اتصدمت من اللى سمعته ومبقتش عارفه تعمل ايه تساعد ام ادهم ولا تبعد عن المشاكل دى وتسكت وقعدت تفكر هتعمل ايه فى المشكله دى وفى الاخر طلعت اوضتها تستنا ادهم
~•~•~•~•~•~•~•~•~•~•~•~•~•
فى بيت نهى
كانت نايمه فى اوضتها بتفكر فى محمد وكان واحشها صوته قامت من على السرير وراحت جابت الكارت بتاعه من شنتطها وبصت فيه شويه بتردد وبعدين اخدت قرار أنها تتصل بيه مسكت تليفونها وطلبت الارقام اللى على الكارت وانتظرت الرد
محمد :- نهى
نهى :- بأستغراب عرفت ازاى أن انا
محمد :- كنت بفكر فيكى واول ما الفون رن قلبى حس أن انتى واحشتينى
نهى :- ع.ع.عامل ايه
محمد :- مش قادر اعيش من غيرك
نهى :- بجد! تلاقيك مقضيها عادى !
محمد :- والله العظيم بجد اخد اشوفك الصبح وانا بجرى وبعدين نفطر مع بعض واحشتنى كلمة احلف من شفايفك وحشنى ضحكتك وجنانك حاسس بفراغ كبير اوى يا نهى من غيرك انتى فى يومين بس خليتى حياتى كلها بهجه وسعاده ومشيتى واخديهم تانى معاكى
نهى :- سكتت ومردتش عليه
محمد :- ساكته ليه
نهى :- مش عارفه اقولك ايه
محمد :- طيب انا مش واحشك ؟
نهى :- بتوتر ا.ا انا لازم اقفل دلوقتى
محمد :- ههههه اهربى اهربى عمومآ يا ستى انا فرحان اوى أن سمعت صوتك رقمك ده
نهى :- ا.ا.ايوه رقمى
محمد :- تسمحيلى اسجله وابقى اتصل اطمن عليكى كل فتره
نهى :- م.م.مفيش مشكله
محمد :- ربنا ما يحرمنى من صوتك أبدآ
نهى:- ب.ب.باى وقفلت السكه وحطت التليفون جنبها وقعدت تهوى على وشها وقالت يا نهارى على كده ده انا كنت هروح فيها يخربيت ام سهوكتك دى اللى هتجننى هيييييح يا لهووووووى على الجمال يا ناس وبعدين قالت اتنيلى يا شيخه فكرى الاول هتعملى ايه فى موضوع العيال دى وبعد كده ابقى فكرى فى السهوكه والكلام الفاضى ده احسن حاجه اكلم البت رودينا واخدت التليفون واتصلت بيها وانتظرت ردها
رودينا :- بصوت نعسان الو
نهى :- نهارك اسوح انتى لسه كل ده نايمه
رودينا :- عايزه ايه يا انسه احلف انتى
نهى :- هيييييح احلف
رودينا :- يا اختى اجمدى بدل ما انتى عامله شبه كاس الجيلى كده
نهى :- مش انا لسه مكلمه محمد دلوقتى
رودينا:- محمد مين
نهى :- فوقى معايا يا بنتى كده محمد الانسه احلف ايه افتكرتى
رودينا :- اه اه ماله بقى
نهى :- بت انتى متغظنيش فوقى معايا وصحصحى بقولك لسه مكلمه محمد
رودينا :- هييييح بقى ومين اللى اتصل انتى ولا هو
نهى :- انا اللى اتصلت هو هيجيب رقمى منين
رودينا :- وانا ايه عرفنى انا قولت انك انتى سايبه رقمك ليه هناك
نهى :- لاء انا معايا الكارت بتاعه وكنت هموت واسمع صوته اتصلت بيه وزى ما يكون كان مستنى المكالمه دى اول ما فتح قال نهى عرف رقمى ازاى معرفش
رودينا :- بت انتى عندك حد متخلف فى العيله
نهى :- خالى كان اهبل شويه بس ليه
رودينا :- علشان اكيد عرف الرقم لما شافه مصرى يا اذكى اخواتك
نهى :- تصدقى صح ده انا طلعت غبيه اوى لاء والمصيبه أن انا سألته هو كمان السؤال الغبى ده وهو استغل هبلى وقعد يقولى بفكر فيكى وقلبى حس أنه انتى بيشتغلنى ابن المفكوكه ده
رودينا :- هههههههه هموت يخربيت شكلك يا شيخه
نهى :- بس بجد هو واحشنى اوى يا رودى
روينا :- فى ايدك تريحى نفسك وتبقى معاه علطول
نهى :- خايفه مسؤولية الولاد صعبه اوى وبالذات لما يكونوا مش ولادك
رودينا :- للاسف انا معاكى فى الكلام ده الاولاد مسؤوليه كبيره ولازم قبل ما تخدى الخطوه دى تكونى متأكده انك هتبقى قدها
نهى :- ياربى على العذاب ده يعنى يوم ما احب واحد واتعلق بيه يطلع كان متجوز ومعاه ولاد
رودينا :- صلى صلاة استخاره وربنا يكتبلك اللى فيه الخير
نهى :- يارب يلا اسيبك بقى تكملى نومك
رودينا :- اكمل نوم ايه بقى هقوم اجهز نفسى وانزل الشركه
نهى :- ربنا معاكى يا روحى
رودينا:- تسلميلى يا حبى يلا باى
نهى :- باى وقفلت السكه وحطت الفون جنبها ونامت على السرير وقالت يا ترى الايام مخبيه ايه ليكى يا نونه
~•~•~•~•~•~•~•~•~•~•~•~•~•
عند حمزه
خرج من القسم ركب عربية الشغل ونزل بنفسه يسأل فى كل المستشفيات اللى فى اسكندريه على ميرفت وبعد وقت تعب من اللف وقف على جنب ونزل من العربيه وقعد قصاد البحر وقال بوجع
حمزه :- كفااااايه بعد بقى يا ميرفت تعبت اوى من غيرك صحيح غلط فى حقك كتير بس عقابك كان قاسى عليا اوى وسكت فاجئه لما شاف قصاده خيال ميرفت
ميرفت :- انت اللى ضيعتنى من ايدك يا حمزه
حمزه :- علشان حمار وغبى
ميرفت :- انا كنت بحبك اوى كنت بعمل اى حاجه ترضيك حاولت كتير افهمك انى مظلومه حاولت كتير اترجاك تسمعنى بس انت كنت رافض تسمع حتى نفسى
حمزه :- عارف كل ده وعارف أن وجعتك سامحيني وارجعيلى يا ميرفت وانا والله مش هزعلك تانى ابدآ وبص حاوليه ملاقاش حد موجود قال بصوت عالى ميرفت انتى فين مشيتى تانى وسيبتنى ليه ميرفت ميررررررفت ودموعه نزلت منه وقال ميرفت ردى عليا ارجوكى وقعد يبص على البحر ودموعه نازله منه وبعد وقت مسح دموعه ورجع تانى العربيه وكمل عملية البحث فى المستشفيات
~•~•~•~•~•~•~•~•~•~•~•~•~•~•
فى فيلا أكرم
فى اوضت ايه
صحيت على صوت تليفونها بتبص لاقته ممدوح ردت عليه بصوت نعسان وقالت
ايه :- صباح الخير
ممدوح :- صباح النور يا عمرى لسه كل ده نايمه
ايه :- وايه المشكله لما اكون نايمه هصحه اعمل ايه ورايا الديوان يعنى
ممدوح :- لاء وراكى حبيبك ناسيه
ايه :- ممدوح
ممدوح :- قلب ممدوح من جوه
ايه :- هى الحاله هترجعلك تانى ولا ايه
ممدوح :- اه اصل انا عندى شعره ساعه تروح وساعه تيجى
ايه :- ههههههههه مجنون على فكره
ممدوح :- ايوه بقى وحشنى صوت ضحكتك
ايه:- احم اه صح نسيت اقولك بطه واكرم رجعوا الفيلا امبارح
ممدوح :- لاء بجد احلفى
ايه :- اه والله
ممدوح :- هما لاحقوا يزهقوا من بعض فى يومين هو اه اخوكى محدش بيطيقه ساعه واحده بس هى مراته ولازم تتعود على سحنته بقى
ايه :- والله على الأقل اخويه مز وعيونه ملونه انت بقى فيك مميزات ايه
ممدوح :- عندى قلب قاعده فيه ملكه متوجه اسمها ايه ودى من اجمل واحلى مميزاتى
ايه:- اتكسفت وقالت ش.ش.شكرآ
ممدوح :- بجد يا ايوش انتى من احلى واجمل مميزاتى بحبك اوى والله
ايه :- سكتت ومردتش عليه
ممدوح :- ساكته ليه يا قلبى
ايه :- ما انا خايفه اتكلم تزعل منى علشان كده بسكت
ممدوح :- انتى مهما عملتى فيا عمرى ما ازعل منك حبك كل يوم بيكبر فى قلبى اكتر من اليوم اللى قابله
ايه :- امممم ماشى صح انت هتسافر امته
ممدوح :- مش هسافر الا بيكى
ايه :- استنا بس مين قالك أن انا هسافر انا مش هتحرك من مصر
ممدوح :- ازاى بس يا حبيبتى وانا شغلى كله فى تونس
ايه :- سافر تونس شوف شغلك براحتك وابقى انزل اجازه كل فتره وهتلاقينى مستنياك
ممدوح :- ازاى بس يا ايه يعنى اتجوزك وابقى انا فى بلد وانتى فى بلد تانيه
ايه :- ايه المشكله بس ما فيه رجاله كتير بتعمل كده
ممدوح :- بس انا مقدرش استغنا عنك ثانيه واحده يبقى ازاى هستحمل بعدك عنى وقت كبير
ايه :- خلاص انقل شغلك مصر
ممدوح :- يا سلام هى بالسهولة دى يا بنتى هيبقى صعب وعلشان انقل الشغل مصر محتاج شهور على ما ارتب نفسى هناك واصفى كل حاجه وهاخد سنين هنا فى مصر على ما اعمل اسم لشركتى وسط الشركات
ايه :- بعصبيه يبقى خلاص بلاش منها دى جوازه
ممدوح :- ايه هو ليه مع اى مشكله تقولى نفركش الخطوبه لدرجاتى انا مش مهم فى حياتك مجرد خاتم هتقلعيه من صوابعك فى اى وقت كل حاجه بلاش منها جوازه بلاش منها جوازه بحس أن الفركشه بالنسبالك عادى مش فارقه معاكى
ايه :- مش كده يا ممدوح بس انت شخصيه غريبه على قد ما بتضحك وتهزر كتير بس طبعك صعب بحس أن انت عندك شويه حب السيطره والامتلاك وانا عكسك اكتر حاجه بكرها هو الموضوع ده مبحبش احس أن حد مسيطر عليا أو ممتلكنى علشان كده بحس أن فى توتر جامد فى علاقتنا
ممدوح :- لاء يا ايه انا طبعى اسهل ما يمكن بس مشكلتى عقلى صغير شويتين يعنى بحب نتناقش فى الموضوع بهدوء ويا اقنعك يا تقنعينى انما انتى العكس يا رأيك اللى يمشى يا تنهى كل حاجه
ايه :- والله انا كده
ممدوح :- ايوه انتى كده وعلى فكره ده مأثرش على حبك فى قلبى بس عايزك تعقلى ومش كل حاجه تقولى بلاش منها دى جوازه
ايه :- ماشى يا ممدوح عايز حاجه
ممدوح :- ايوه عايز
ايه :- عايز ايه
ممدوح :- عايزك تهدى شويه وتفكرى فى كلامنا بهدوء وتعرفى ان انا مستحيل اسيبك بسهوله كده بحبك يا مجنونه باى
ايه :- قفلت السكه واتنهدت وقالت بجد مبقتش فهماك يا ممدوح انا نفسى افهمك واعرف بتفكر فى ايه وحطت التليفون جنبها وقامت دخلت الحمام اخدت شاور واتوضت وخرجت لبست هدومها وأدت فرضها ونزلت تحت لاقتهم كلهم قاعدين على الفطار ماعدا مكرم واكرم
ايه :- صباح الورد عليكم
كلهم :- صباح النور
ايه:- امال فين جوز الخيل بتوعنا
فاطمه :- بأستغراب مين جوز الخيل دول
منير :- ههههههههه تقصد مكرم واكرم
فاطمه :- ايه ده مطلعه عليهم جوز الخيل هههههههه انتى الصراحه مشكله
ايه :- اعمل ايه بنوته رقيقه وقمر زى عايشه وسط اتنين عاملين شبه الخيل رايحين جايين بس بذمتك مش الاسم لايق عليهم
فاطمه:- الصراحه لايق عليهم اوى ههههههه
ايه :- اهو شوفتوا ايوش عمرها ما تقول حاجه غلط أبدآ بس محدش رد عليا هما فين
وفاء :- واحد لسه منزلش من اوضه والتانى راح شغله
ايه :- فزوره دى يا حاجه يعنى اتوقع مين اللي فى الاوضه ومين اللى فى الشغل ما تقولى اسامى يا ماما مش كفايه عايشه وانا بحاول اعرف أكرم من مكرم من غير ما اتلغبط فى اساميهم
فاطمه:- هههههههه بتتلغبطى فى اسامى اخواتك طيب ازاى
ايه :- بذمتك فيه حد يسمى أكرم ومكرم دى اسامى معاقه اصلا لاء وجايين عليا انا ومسمينى ايه ايه جاب مكرم واكرم لايه ااااه لو فى ايدى اختار اهلى
فاطمه:- كنتى هتعملى ايه
ايه :- كنت هشجعه اصل انا زملكاويه وبتعالج من الضغط والسكر بسببه حاسه ان هموت قبل ما ياخد بطوله واحده ابن الفقريه
فاطمه :- لالالا انتى فظيعه الله يكون فى عونك يا ممدوح وربنا هههههههههه
وفى الوقت ده نزل مكرم وقال
مكرم :- صباح الخير
الكل :- صباح النور
مكرم :- قعد ياكل من غير ولا كلمه
منير :- مش واخد بالك من مرات اخوك ولا ايه يا مكرم
مكرم :- لاء اخد بالى
وفاء :- طيب سلم عليها يا ابنى
مكرم :- ما انا قولت صباح الخير اعملكم ايه يعنى
فاطمه:- اتحرجت ووقفت وقالت عن اذنكم
ايه :- اقعدى كلى يا بنتى
فاطمه :- شبعت الحمدالله يا ايوش وسابتهم وطلعت اوضتها
منير :- انت هتفضل كده لحد امته
مكرم :- عملتكم ايه انا
وفاء :- يا ابنى أحرجت مرات اخوك ليه تعمل عدواه بينك وبين اخوك ومراته بس
مكرم :- انا مأحرجتش حد دخلت وقولت صباح الخير ولا يعنى كنتوا عايزينى اخدها بالبوس والاحضان
منير :- ولا اختشى ايه اللى انت بتقوله ده على مرات اخوك
مكرم :- هو فيه ايه مرات اخوك مرات اخوك محسسنى ان اخويه اول ولا اخر راجل يتجوز ويكون عنده واحده
وفاء :- انا الصراحه مش عارفه اقولك ايه احنا تعبنا من الكلام معاك
مكرم :- احسن محدش فيكم يتعب نفسه ويتكلم تانى معايا عن اذنكم وسابهم ومشى
منير :- الولا ده هيجيب اجلى بسبب اللى بيعملوا ده
ايه :- بعد الشر عليك يا بابا ربنا يهديه لنفسه
وفاء :- ربنا يهديك يا ابنى على اخوك ومراته معرفش ماله بالبنت مع ان من ساعة ما جت معملتش حاجه لحد تزعله
ايه :- ما انتى عارفه اللى فيها حبه لجاسمين جننه
وفاء :- ربنا يهديه وينور بصيرته للحقيقه
منير وايه :- يارب
~•~•~•~•~•~•~•~•~•~•~•~•~•
فى القسم
وصل فادى القسم وطلب أن يشوف خالد بس اتصدم من خبر موت خالد الحناوى
فادى :- بعصبيه أبويه مات ازاى
تامر :- بزعل للاسف داخلوا لاقوا شانق نفسه فى المكتب
فادى :- انا أبويه مستحيل يموت نفسه بالسهوله دى أبويه مات مقتول
تامر :- لو فى الزنزانه تحت اقولك احتمال كبير أنه يكون اتقتل إنما ده فى مكتب الظابط مين هيكون عنده القدره أنه يدخل مكتب ظابط فيه كاميرات مراقبه وعليه حرس اربعه وعشرين ساعه ويقتله
فادى :- قعد على الكرسى بحزن وقال مستحيل بابا يعمل كده مستحيل وفى الوقت ده وصل علاء وعرف الخبر
علاء :- ازاى يعمل كده ازاى خسر دنيته واخرته ليه بس يا بابا وقعد على الكنبه ودموعه نزلت منه
وفى الوقت ده خبط العسكرى على الباب ودخل ومد أيده بظرف وقال
العسكرى :- اتفضل يا فندم
تامر :- ايه ده
العسكرى :- ده ظرف لاقوه مع المتهم المنتحر يا باشا كان مخبيه جوه هدومه
تامر :- اخده منه بأستغراب وقال روح انت واقفل الباب وراك
العسكرى :- تمام يا فندم وخرج وقفل الباب وراه
فادى :- ده لاقوه مع بابا صح
تامر :-ايوه
علاء :- افتحه طيب خلينا نشوف فيه ايه
تامر :- لازم اللى يفتحه اللى ماسك القضيه ومش انا اللى ماسك القضيه دى خليكم هنا ثوانى وانا هوديه واجى
فادى :- احنا عايزين نعرف بابا كاتب فيه ايه وليه كان مخبيه جوه هدومه
تامر :- صدقنى مينفعش انا لو فتحته ليكم هضر فى شغلى والله
علاء :- واحنا ميرضناش نضرك بس ارجوك تعرف وتبلغنا
تامر :- حاضر وخرج من المكتب وراح مكتب زميله وقال اسلام الظرف ده لاقوا مع المتهم المنتحر خالد الحناوى
اسلام :- طيب مفتحتهوش ليه
تامر :- مقدرش ولاده عندى ومش عايز احسسهم باللى احنا شاكين فيه
اسلام :- طيب افتحه شوف كاتب فيه ايه
تامر :- فتح الظرف شويه وبعدين اتصدم وقال مستحيل مش معقول !
اسلام :- ايه فيه ايه
تامر :- بصدمه................
*********************
إلي هنا ينتهي الفصل الخمسون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابع أيضاً: جميع فصول رواية آدم ولانا بقلم امونه
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
أو أرسل لنا رسالة مباشرة عبر الماسنجر باسم القصة التي تريدها
اقرأ أيضا: رواية من أجلك فقط بقلم لولو الصياد
إرسال تعليق
يسعدنا تلقي اقتراحاتك أو تعليقك هنا