U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية دمار قلب بقلم كنزي حمزة - الفصل التاسع عشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة كنزي حمزة علي موقعنا قصص 26 و موعدنا اليوم مع الفصل التاسع عشر من  رواية دمار قلب بقلم كنزي حمزة. 

رواية دمار قلب بقلم كنزي حمزة - الفصل التاسع عشر

اقرأ أيضا: روايات رومانسية
رواية دمار قلب بقلم كنزي حمزة
رواية دمار قلب بقلم كنزي حمزة

رواية دمار قلب بقلم كنزي حمزة - الفصل التاسع عشر

داخل مبني المخابرات العامه المصريه كان يجلس صقر الجبالي
في مكتب اللواء ادهم المصري بعد ان عاد الي القاهره وترك حبيبته في واحته

البقاء لله يا صقرو حمدلله علي سلامتك

الله يسلمك يا سيادة اللوا بس مكنتش اظن انكم تسيبو امي تتقتل غدر وانا سيابها في امنتكم

انت عارف اننا مكانش ينفع نظهر في الصوره
والا كانت كل حاجه انكشفت وولدتك حطتنا كلنا في مأزق لما قربت من سراج

علي العموم ده قضاء الله وقدره وانا راضي بيه واخبار سراج ايه دلوقتي

طبعا الشرطه قبضت عليه وهو مسجون علي زمة القضيه دلوقتي

وبعد ما قبضنا علي الولد الروسي اللي بعتلنا الڤيديو بتاعه وهو بيضرب ولدتك بالرصاص اعترف انه هو اللي قتلها

هو في واحد اتفق معاه علي قتل امي

هو مين ده قلنا عليه ولو عندك دليل قدمه لينا واحنا نجيبه لو هو فين

ياسين الوزان

/////////////////////ربي اني مسني الضر وانت ارحم الراحمين

كان غاضبا ثائرا علي كل من حوله عندما علم بهروب حفيده هو وزوجته

اه يا ارون ايها الجرو اللعين اتتلاعب معي ام تختبر صبري عليك حتي تري عقابي

سيدي لقد ظهر السيد ارون في شركته في مصر

كيف عرفت

هاتفني احد الحراس الخاص هل اعيد لك الاتصال به مره ثانيه

لا فقط راقبوه جيدا دون ان يحتك احد منكم به

حسنا سيدي كما تريد
////////////////////////////اللهم انك عفو تحب العفو فاعفو عنا

الو

اخيرا فتحت تليفوناتك يابمبو ايه يا عم اختفيت مره واحده كده من وسطنا

معلش يا شق كان ورايا شوية حاجات كده وكان لازم اعملها من غير تأخير

طب انت فين كده وانا اجيلك

انا في المجموعه

خلاص انا جايلك بس هاودي اميره لچانا في الڤيلا عشان هتجنن وتشوفها وعماله تزن عليا

چانا مش في الڤيلا يا مازن

الله اومال فين طيب وانا اوديها

ماجتش معايا لسه بره يا مازن اخلص عايز تيجي تعالي مش عايز سيبني واقفل بقي عشان ورايا شغل كتير

الله انت مالك متنرفز كده اقفل اقفل انا جايلك

اغلق معه الهاتف وهو غاضب جدا وخائف ايضا فقد نبه عليها ان لا تفتح هاتفها الخاص

ولا تتصل بأحد وانه عندما يريد ان يحدثها سوف يصل اليها

ولكن ما كان يرتاب منه ان لا تطيعه كعادتها وتحدث صديقتها الوحيده

يا رب ماتجنينش زي عادتك يا چانا وتسمعي الكلام ومتخوفينيش عليكي زياده

قرر ان يهاتف خادمه حتي يطمئن عليها

الو ايوه ياعبدو ايه الاخبار عندك

الحمد لله يا صقر اطمن كله تمام

انت عندها ولا بعيد عنها

ماتخفش هي كانت لسه معايا حبت تخرج تتمشي في الواحه شويه هي ومامتها ويتفرجو عليها وهما دلوقتي بيتغدو في الفندق

عينك متنزلش من عليها يا عبدو وشويه كده وابقي رجعها الڤيلا تاني

وعرفها اني كلمتك وهاكلمك باليل وانت عندها عشان اكلمها من تليفونك

حاضر متقلقش انت بس الدنيا هنا امان

لاء ياعبدو مبقاش في امان والايام الجايه مش هيبقي في غير القلق والخوف وبس

يابني ارمي حملك علي الله وسيبله هو التدبير من عنده

كله علي الله بس بردو لوصحيح بتعتبرني ابنك يبقي تخلي بالك من امانتي اللي عندك سلام يا عبدو

مع السلامه يا حبيبي

///////////////////////الحمد لله

شوفتي ياماما المكان هنا جميل ومريح ازاي

جميل اوي يا چانا ربنا يهنيكو يا حبيبتي ويسعدكو فيه

بس هو ليه صقر سافر الصبح بدري كده مش كان قعد يومين ارتاح فيهم من السفر وليه سابك وماخدكيش معاه

لاء ماهو سابني هنا لما عرف بموضوع الحمل قال هايسبني ارتاح الشهور الاولي هنا

وهو سافر عشان يتابع الشغل بتاعه وقالي يومين كده وهايجي تاني وهيبقي بين هنا وبين هناك

بس كده هيبقي تعب عليه يا بنتي يا ريتنا كنا سافرنا معاه كان بقي احسن وانا كنت خليت بالي منك هناك بردو

معلش يا ماما هو عايز كده وانا مش حابه اضغط عليه خصوصا بعد حكاية قتل مامته دي

صحيح هو معرفش مين اللي قاتلها

لاء عرف واتقبض عليه كمان بس هو قال يسبنا هنا عشان يبقي مطمن علينا

ها الهوانم عاملين ايه يا تري مبسوطين هنا ولا في حاجه مش عاجباكو.

قالها عبدو الذي توجه اليهم مباشرة بعد ان اغلق مع سيده الهاتف

الحمد لله يا عم عبدو انت كنت فين

كنت بتابع الشغل هنا وصقر كلمني كان بيسألني ويطمن عليكي يا ستي

الله طب ماتصلش علي تليفونها هي ليه،

قالتها لبني مستفهمه لتجيبها چانا سريعا قبل ان يتحدث هو

عادي يعني يا ماما تلاقيه طلبني واناماردتيش مانتي عارفه اني سايبه التليفون في الڤيلا

ابتسم هو لها ولاحظ انها لاتريد ان تشرك والدتها في قلقهم فأكمل

هو ده بالظبط اللي حصل وعلي فكره قالي انه هايكلمك باليل وقالي كمان ارجعكم الڤيلا عشان ماتتعبيش

ردت له الابتسامه وتفهمت عليه ثم اومئت له برأسها
حاضر يا عم عبدو يلا بينا يا ماما

نظرت لها والدتها ثم عادت بالنظر له وهي في ريبه من امرهم

ولو اني مش مرتاحه لكم انتو الاتنين وحاسه ان في حاجه مخابينها عليا بس ماشي يلا بينا يا ست چانا

/////////////////////////سبحان الله

فتح باب مكتبه دون ان يدقه او ينتظر خروج سيكرتيرته من عنده

البمبو حبيب قلبي وحشتني يا بن الايه

هههههههه اهلا يا مجنون مافيش فايده فيك عمرك ماهتتغير

واتغير ليه ياعم هو في احلي من الجنان

والتفت الي تلك الواقفه بجانبه تنتظر ان ينهي توقيعاته علي الاوراق وغمز لها بعينه

ازيك يا بوسي احلوتي اوي

نظرت الي مديرها وضحكت له

فعلا معاك حق ياباشا عمره ماهايتغير ابدا انت كمان يا مازن باشا احلوت بعد الجواز

ههههه اهي افلت عليك يا شق ومش هتعرف تثبتها

ليه ياخوي انا طول عمري حلو قبل الجواز وبعده مش كده ولا ايه يا بوسي

ههههههه كده يامازن باشا كده عن اذنكم بقي اروح اشوف شغلي

اتفضلي يا بسنت وانت يا استاذ اقعد احكيلي عامل ايه بعد الجواز واميره عامله ايه معاك اتجننت ولسه بعقلها

والله بتحاول تفضل بعقلها بس سيبك انت مني انا واميره دلوقتي وقولي انت اخبارك ايه

وليه اختفيت مره واحده كده ورجعت وسيبت چانا في روسيا ازاي اصلا

ومين قالك اني سابتها في روسيا

الله ايه الالغاز دي ماتتكلم علطول ياصقر في ايه مالك

مافيش وبطل اسئله شويه بقي خليك في حالك يا بني

وهو احنا من امتي في بينا الكلام ده ماطول عمرنا حالي هو حالك

لا الوضع اتغير كتير عن الاول يا مازن واسئل ابوك

انت لسه زعلان عشان موضوع التليفون ده سألته يا سيدي وقالي انه فهم غلط

رمقه بنظرة سخريه

ابوك شكله علطول فاهمني غلط يا شق

اوبا شكلك بقي مريب اوي يا صاحبي انا اول مره مبقاش فاهمك

معلش يا مازن انامضغوط اوي والايام اللي فاتت دي كانت صعبه وكملت بموت امي

بصراحه ماكنتش عامل حسابي انها هتوصل لكده
الله يرحمها بس انت عارف ان ابويا ماكنش يقدر يسيطر علي الوضع اكتر من كده

ايوه ايوه عارف يا مازن

طب ايه بقي فكك من الجو الكئيب ده انا مش واخد عليك كده

ماتخفش يا مازن و متقلقش عليا انا بعرف اصرف اموري بنفسي

كده تمام اوي اسيبك انا بقي وارجع شركتي
مانت قاعد يابني

لاء يا عم كفايه عليك كده انا قولت اجي اطمن عليك بس يلا سلام يا بمبو

سلام ياشق سلام

///////////////////استغفرك ربي واتوب اليك

قرر ان يذهب الي ڤيلا والده حتي يخبره ما حدث بينه وبين صديقه

ويأخذ زوجته من عنده فتح الباب الداخلي بعد ان ترك سيارته للحارس بالخارج ليصفها بجانب باقي السيارات

ودلف وجدها جالسه علي الاريكه بجانب والدته يتصفحون بعض المجلات

انحني بجزعه العلوي علي رأس والدته وقبلها
والتفت الي وجنة زوجته وخطف منها قبله وهتف

الامرات بتوعي بيعملو ايه كده

اتأخرت كده ليه يا مازن

والله يا ماما النهارده اليوم كان مشحون بطريقه فظيعه ومارتحتش خالص

ربنا يقويك يا حبيبي هقول بقي للخدم يحضرو العشا علي بال ما تغير هدومك

لاء يا ماما ماتعمليش حسابنا انا جاي اخد اميره ونروح بقي ڤيلتنا

ليه بس يا مازن مانتو قاعدين معانا واميره قاعده معايا ومسلياني

نظر الي عيناها رأها حزينه فالتفت الي والدته واكمل

معلش بقي يا ماما انا كمان عايز انبسط واتسلي مع عروستي شويه

اذا كان كده ماشي بس تتعشو معانا وبعدين ابقو امشو

ماشي هو بابا فين اومال

جاوبته وهي تتركهم وتتجه الي مطبخ ڤيلتها الكبير
قاعد جوه في مكتبه ادخله

ماشي هادخله دلوقتي

واخيرا ما تركتهم بمفردهم ليمسك يدها بين كفيه وهو يهمس لها

وحشتيني يا ميرا مالك يا حبيبتي

مافيش حاجه

ده علي اساس اني مش عارفك يعني في ايه مالك

زهقانه يا مازن عايزه اخرج اشوف صحابي اروح الكليه

انت من بعد اجازة جوازنا ماخلصت وانت انشغلت عني وسايبني هنا مع مامتك وبابك

كلية ايه بس يا حبيبتي قولتلك هتبقي تروحي علي الامتحانات

واذا كنتي يا ستي عايزه تخرجي ليكي عليا قبل مانروح اخدك اسهرك سهره حلوه لوش الصبح

بجد يا مازن هيههههههه

هههههههه ايه شرس هو انا كنت مأثر اوي كده

ايوه بصراحه مأثر جامد

ياشيخه حرام عليكي داحنا لسه راجعين من لبنان مافيش اسبوع

ماليش دعوه يا سيدي انت المفروض تخرجني مره كل اسبوع

حاضر يا ستي اطلعي اجهزي وبعد العشا نخرج نسهر وبعدين نروح علي بيتنا

هوي ثواني وهاجهز علطول جرت من امامه وصعدت علي الدرج دون ان تنتظره ليكمل حديثه

ماشي يا شرس انا هادخل اقعد مع بابا شويه علي بال ماتجهزي

اوك حبيبي

اتجهه وهو مبتسم لها الي غرفة مكتب والده دق بابها وفتحه ودلف اليه بعدما سمح له بالدخول

مسا مسا يا بوب

اهلا يا مازن تعالي قولي عملت ايه

ده انت عارف بقي انا كنت فين

طبعا عارف انك كنت عنده اخلص وقولي قالك ايه
مالك يا بابا مرعوب منه كده زي ماتكون متأكد انه هيعمل حاجه

من ساعة ما ظهر وانا حاسس انه جاي عشان ينتقم وبس

وينتقم منك انت ليه يا بابا وانت مالكش علاقه بقتل امه

مش هيتفاهم ولا هيفهم دا صقر انت يعني مش عارفه

حتي لو اللي بيفكر فيه عارف انه غلط بردو هيعملو

انا فعلا لما كنت عنده لأول مره القيه بيكلمني بتحفظ كده

حسيت انه عايز يبعدني عنه ده حتي مرديش يقولي هو مسفر مراته فين عشان اميره تكلمها

شوفت مش قولتلك هيخلنا نلف حاولين نفسنا انا هاحاول اتصل بجده واخليه يبعده عننا شويه

محدش هيقدر عليه غيره وانت امن نفسك كويس انا مش ضامن غدره يا مازن ممكن يضرني فيك انت

ايه يا بابا الاڤوره دي بس انا وصقر طول عمرنا اخوات وعمره ما يفكر يأذيني تلاقيه هيخسرك في صفقه ولا حاجه

ياريت يا بني تيجي علي كده وبس او حتي يأذيني انا بس مايجيش جانبك انت

فتحت والدته الباب عليهم فقررو ان يصمتو فنظرت لهم بحيره

مالكم سكتو يعني اول مادخلت

ياسين:عادي يعني انتي عايزه حاجه

لاء مش عايزه حاجه انا كنت جايه اقولكم تعالو عشان تتعشو معانا.

ماشي يلا يا مازن

يلا يا بوب هي اميره نزلت يا ماما

ايوه المجنونه بتاعتك يا سيدي نزلت ومستنياك بره

طب يلا بينا بقي احسن دي ممكن تدخل تشدني من وسطكو عشان تخرج ومالحقش اكل اصلا

هههههههه لاء وعلي ايه اهو تلحق تاكل قبل ما تخرجو

اتجهو ثلاثتهم الي الخارج وجدها جالسه هلي طاولة الطعام في انتظارهم فتحدث إليها

اميره انتي بدأتي من غيرنا

يلا يا مازن عشان تلحق تاكل قبل مانخرج ولا مش هاتاكل

لاء يا شرس اهدي كده علي نفسك لحد ماتعشي بدل ماسقط منك وماتعرفيش تخرجي

جلسو جميعا يضحكون وهم يأكلون الي ان اتمو طعامهم واخذها وذهب بسيارته

////////////////////////بقلمي/كنزي حمزه(مياده)

جلس داخل سيارته المصفوفه بجانب الرصيف بين السيارات في الظلام

الي ان رأه يخرج بسيارته من الڤيلا وانتظر قليلا في هدوء

ثم أعطي اشاره لسيارات الشرطه ليدخلو الڤيلا

وبالفعل دلفو امامه وجلس هو ينتظر عودتهم

كان قد صعد الي غرفته هو وزوجته حتي يستعدو للنوم ليتفاجئ بدق الباب وصوت سارينة الشرطه يصدح في الاجواء ورهبة زوجته مما تستمع اليه

في ايه يا ياسين ايه اللي بيحصل

انا عارف سيبيني انتي انزل اشوف مين اللي بيخبط كده

لاء ماتنزلش انا خايفه

خايفه من ايه بس ماهو اكيد الخدامين فتحوا سيبيني انزل بقي

ارتدي مأزره عليه ونزل علي الدرج ليتفاجئ بعدد كبير من رجال الشرطه

ايه ده في ايه

حضرتك ياسين الوزان

ايوه انا انتو مين وعايزين ايه

احنا امن وطني معانا امر بتفتيش الڤيلا والقبض عليك

انت بتقول ايه انت مش عارف بتتكلم مع مين ولا ايه

لاء انا عارف كويس اوي بس ياريت حضرتك تخلينا نشوف شغلنا بهدوء ومن غير شوشره

جلس علي المقعد يتصل علي محاميه ووقفت زوجته تهاتف ابنها وهي خائفه جدا

لتجد هواتف ابنها وزوجته قد انغلقو

بدؤو رجال الامن في تفتيش الڤيلا بأكملها وبعد وقت ليس بقصير

خرجو به وهو مكبل الايادي بالاساور الحديديه

واخيرا راه زليل وقبل ان يركب السياره الخاصه بهم

ادار سيارته واتجهه اليه واظهر نفسه له

شاو يا ياسين باشا

صقركنت متأكد

من ايه بس داحنا لسه في اول الجيم
*********************
إلي هنا ينتهي الفصل التاسع عشر من رواية دمار قلب بقلم كنزي حمزة
تابع من هنا: جميع فصول رواية دمار قلب بقلم كنزي حمزة
تابع من هنا أيضاًجميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة