U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية دمار قلب بقلم كنزي حمزة - الفصل العشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة كنزي حمزة علي موقعنا قصص 26 و موعدنا اليوم مع الفصل العشرون من  رواية دمار قلب بقلم كنزي حمزة. 

رواية دمار قلب بقلم كنزي حمزة - الفصل العشرون

اقرأ أيضا: روايات رومانسية
رواية دمار قلب بقلم كنزي حمزة
رواية دمار قلب بقلم كنزي حمزة

رواية دمار قلب بقلم كنزي حمزة - الفصل العشرون

اراح ظهره علي وسادته وامسك الهاتف بيده

واخيرا قرر الاتصال بها بعد ماعناه طيلة اليوم من الارهاق

ليأتيه صوتها المحبب اليه وهي شبه غافيه علي الجهه الاخري

الو

نمتي ولا ايه

صقر

وحشتي صقر يا قلب صقر عامله ايه يا بيبي

مش كويسه عشان انت بعيد عني

معلش ياحبيبي يومين كده وهاجيلك المهم تخلي بالك من نفسك
وتعملي اللي قولتلك عليه يا چانا

حاضر يا صقر بس رقم مين دا ده مش رقمك

ده رقم عادي من اللي بيتباعو في الشارع مانا لازم اعمل حسابي لكل حاجه عشان محدش يوصلك

طب وهتفضل تطلبني علي رقم عم عبدو كده كتير

اه بس بتسألي ليه

اصل ماما اخدت بالها ان في حاجه

حاولي تمسكي نفسك قدامها لحد مااجي وهجبلك معايا خط جديد ابقي أكلمك منه لما اسيبك واسافر تاني

وهنفضل في الخوف ده لحد امتي بس

لحد ماتولدي وبعد ما تولدي كمان مش انتي عايزه كده يبقي تستحملي بقي

الله طب وانت بتزعق ليه دلوقتي

عشان انا مش مبسوط بالوضع ده عايزك جانبي في حضني وفي نفس الوقت خايف عليكي ومش قادر اعمل كده

طب عشان خاطري اهدي خلاص متزعلش بقي

مش زعلان منك يا چانا بس اكدب يعني وأقولك اني مبسوط من وضعنا ده

عارف ان انا السبب فيه وعارف انك زي اي وحده نفسك تعيشي في بيتك مع جوزك حياه هاديه من غير مشاكل

بس ده قدري ومقدرش اغيره ولا اقدر ابعدك انتي عني يا ملكة قلبي

ومين بقي قالك اني اقدر ابعد عنك لاء يا سيدي انا بحبك وراضيه بعيشتي دي معاك وان شاء الله وضعنا ده مش هيطول

ان شاء الله يا بيبي ربنا مش هيحرمني منك ويخليكي ليا

/////////////////////////الله لا اله الا هو الحي القيوم

قبض عليه ونقل من بيته الفخم الي حجز ضيق مكون من اربع جدران وباب حديدي مغلق بأحكام عليه

وحيد زليل بل ومرعوب من القادم لا يعلم اين هو ولا حتي سبب وجوده في هذا المكان

انفتح الباب فجاءه وظهر امامه احد العساكر

قوم يا مسجون انت مطلوب في مكتب حظابط

انتو حابسني هنا ليه يا شاويش انا لحد دلوقتي مش فاهم انا هنا ليه

ال يعني مانتش عارف فوت قدامي يا خويا فوت

وصل به الي مكتب اللواء ادهم المصري ادخله امامه وحرره من تلك الاساور الحديديه واوقفه امامه مباشرة

تمام يا فندم المسجون ياسين الوزان

اشار له بيده بان يتركه ويذهب دون ان يرفع عينه من الملفات التي امامه وتركه الاخر وذهب

ظل هو واقف لبعض دقائق منتظر ان يتحدث

ولكنه لم يعيره اي اهتمام وكأنه غير موجود بالمره ليصيح ياسين منفعلا

ممكن اعرف انا هنا ليه

رفع الاخر حاجبه الايمن بكل هدوء واشار له بأن يخفض صوته

وطي صوتك وانت بتتكلم

هو ايه اللي اوطي صوتي ده انا من حقي اعرف انا مقبوض عليا ليه ولا انا فين اساسا

اولا انت في جهاز المخابرات العامه

ثانيا انت مقبوض عليك بكذا تهمه

1-التحريض علي قتل السيده ماهي

2-الاتجار في السلاح ودخوله البلاد بطرق غير مشروعه

3-بقي دي المهمه اوي اللي فيها إعدام مافيش كلام يا ياسين بيه انك متهم بالتخابر ضد دولتك لصالح دوله اجنبيه تانيه

كدب محصلش كل ده افتري وتلفيق من عندكم لصالح صقر الجبالي

قولتلك وطي صوتك وانت بتتكلم اظن الملفات اللي فيها صفقات السلاح بتاعتك دي مطلعينها من خازنتك

والفلاشه دي انت شايفنا احنا مطلعنها من جيب بدلتك اللي متعلقه في دولابك

انا معرفش حاجه عن الفلاشه دي معرفش جات في بدلتي ازاي حتي معرفش فيها ايه

صمت قليلا يتذكر حينما كان يرتدي تلك الحله في المشفي عندما عاد صقر ليأخذ والدته ويدفنها وكيف احتضنه بحميميه اثناء مواساته له

افتكرت هو مافيش غيره هو اللي حاطها ليا

هو مين ده وعندك دليل علي كده

صقر صقر هو اللي حاطها ليا معنديش دليل بس اكيد هو اللي

يبقي ماترميش التهمه علي غيرك من غير ماتكون متأكد

تهمة ايه انا بقولك معرفش حتي الفلاشه دي عليها ايه تقولي تهمه

ماهي الفلاشه دي عليها اهم تهمه تقدر تقولي ازاي قدرت تصور المواقع الحربيه دي

واماكن كماين ظباط الجيش في سينا وكنت بتصورهم ليه وناوي تبعتهم لمين بالظبط

كدب محصلش والله ما حصل انا عايز اكلم المحامين بتوعي من فضلك حتي خليني اكلم ابني

اكيد من حقك طبعا تعمل مكالمة تليفون اتفضل يا سيدي اطلب الشخص اللي انت عايزه

بيد مرتعشه توصل الي الهاتف وامسكه منه وطلب رقم ابنه ليجده مزال مغلقا

///////////////استغفرك ربي و اتوب اليك

وعند بزوخ النهار عاد بها الي ڤيلتهم
بعد ان قضو ليلهم بأكمله سهرانين علي باخره نيليه يرقصون ويمرحون معا

كان محتضنها بين يديه يقبل كل جزء في وجهها الي ان فتح باب ڤيلته ودلف بها للداخل

مبسوطه يا حبيبتي.

اوي اوي يا مازن ربنا يخليك ليا وديما كده تفرحني

انا عايزك بس تحلمي وانا هاكون الفانوس السحري اللي يحقق ليكي كل احلامك يا اميرة

يا حبيبي يا مازن ربنا مايحرمني منك ابدا

ولا منك يا حبيبتي حملها بين يديه وقرر ان يصعد بها الي غرفة نومهم ولكن صوت الهاتف الارضي اوقفه لتهمس له

الله مين اللي هيطلبنا دلوقتي

مش مهم نعرف اللي عايزنا يطلبنا بعدين

لاء استني بس احسن تكون حاجه مهمه ولا تكون ماما ولا بابا تعابنين ولا حاجه

اوعي انا هاشوف مين قفزت من بين يديه ليتأفف بعدم رضا وهو يلعن الجميع في سره

ورفعت هي سماعة الهاتف واستمعت لصرخات والدته الغير مفهومه

الحق يا مازن دي مامتك بتصرخ ومش فاهمه منها حاجه

امي هاتي السماعه الو في ايه يا ماما مالك بتصرخي كده ليه

وعلي الجهه الاخري جاوبته

الحقني يامازن انت فين يا بني من بدري ابوك اتقبض عليه بعد ما مشيت علي طول ومعرفش خدوه ودوه فين

ايه بتقولي ايه يا ماما طب اقفلي انا جايلك حالا

اغلق الهاتف دون ان يستمع ردها وجذب مفاتيح سيارته واتجه للخارج

رايح فين يا مازن في ايه فهمني

مش عارف يا اميره انا هاروح اشوف في ايه

طب استني انا هاجي معاك

لاء خليكي هنا اطلعي نامي وانا لما ارجع هابقي اقولك في ايه

وقفت بلا مبلاه وتركته يذهب وحيدا ثم رفعت كتفاها واتجهت للأعلي

اوك زي ما تحب

*********************
إلي هنا ينتهي الفصل العشرون من رواية دمار قلب بقلم كنزي حمزة
تابع من هنا: جميع فصول رواية دمار قلب بقلم كنزي حمزة
تابع من هنا أيضاًجميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة