U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

حكاية حياة بقلم أمنيه أيمن - الفصل العاشر

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة أمنيه أيمن علي موقعنا قصص 26 و موعدنا اليوم مع الفصل العاشر من حكاية حياة بقلم أمنيه أيمن.

حكاية حياة بقلم أمنيه أيمن - الفصل العاشر

حكاية حياة بقلم أمنيه أيمن
حكاية حياة بقلم أمنيه أيمن

حكاية حياة بقلم أمنيه أيمن - الفصل العاشر

كشفتك
سليم :فين ماما
ازيس :............
سليم :ردي
ازيس :...........
يتحرك سليم بكرسيه خارج غرفته وهو ما زال يشعر ببعض الدوار
سليم :ماما
تخرج كريمه من المطبخ :خرجت يا بني
سليم :فين
كريمه :فوق عند اخواتك
تتحرك ازيس نحو الباب و بالفعل تفتحه وتخرج يتجه اليها سليم دون وعي فيجدها تقف امام الاسانسير
كريمه :انت هتروح وراها
سليم :اضغطي زراير الاسانسير
كريمه :حاضر
يفتح الاسانسير و تضغط كريمه رقم الدور وتخرج وتترك سليم مع ازيس في الاسانسير الذي يتوقف عند الدور المحدد
يخرج منه ازيس وخلفها سليم على كرسيه ويقفوا امام باب الشقه
سليم :رني الجرس
ازيس :...........
يبدا سليم يتحرك بكرسيه للامام والخلف قاصد احداث صوت وبالفعل يفتح له رامي زوج اخته امال
رامي بدهشه :سليم ايه المفاجاه الحلوه دي ادخل
يفسح له رامي الطريق ويلاحظ وجود ازيس فيترك الباب
رامي :ادخلي
سليم :مش هترد
نهى :سليم انت طلعت ازاي وكمان ازيس
امال :خطوه عزيزه اول مره تدخل عندي
نبيل :اول مره يخرج لواحده بس بصراحه مفاجاه حلوه
ازيس :حلوه
تنتبه امال اليها وتريد ان تغلق الباب في وجهها ولكن رامي يمنعها اكراما لسليم
سليم :اظاهر مش مرغوب في وجودي
رامي :متقولش كده يا سليم ده بيتك مش كده يا امال
امال :اكيد يا سليم مش عايزه كلام وبعدين ايه يخليك تقول كده
سليم :ازيس
نبيل :لا حول ولا قوه الا بالله يا حبيبي هي مقصدش بص يا سليم في حاجات انت متعرفهاش او تعرفها بس مش فاكر هي اللي مخليانا واخدين موقف منها
سليم :ممكن بس دي يتيمه ومريضه و ضيفتي
امال :حقك عليه متزعلش ادخلي يا ازيس
ازيس :..............
هنا تاتي عليا وتمسك يد ازيس وتسحبها للداخل و تجلسها معها وتعطيها احد عرائسها
امال :هي مالها
نهى :خالتها بتقول عندها تاخر عقلي بسيط وعلى ما تندمج معانا وخصوصا بعد وفاه والدتها هتاخد وقت
فاطمه :لا حول ولا قوه الا بالله ربنا يشفيها
وبينما يتجاذب الجميع اطراف الحديث تندمج ازيس مع عليا ولم تنتبه لتلك التي تراقب تصرفاتها في صمت وبعد ان تناول الجميع طعام الغداء والعشاء معا في بيت رامي وامال انفض الجمع وذهب كل الى شقته
خلدت ازيس الى النوم بينما تظاهره نهى بذلك حتى تاكدت من نوم ازيس ثم قامت بخفه وهدوء وتناولت كوب ماء وسكبته على وجه ازيس التي قامت فزعه
ازيس :ايه فيه ايه
انتبهت ازيس لنفسها لتجد نهى واقفه وقد امسكت بكوب الماء وتنظر اليها نظره ذات مغزي تعرفه
نهى :كنت متاكده انك طبيعيه ومش بتعاني من حاجه
ازيس :...............
نهى :لا فوقي كده وفهميني والا  والله هنادي ماما و اقولها
ازيس :لا خلاص عايزه تعرفي ايه
نهى :ليه تظاهرتي بالاعاقه وعايزه مننا ايه بالظبط
ازبس :وعدي لامي الله يرحمها هو سبب وجودي
نهى :لا براحه عليه كده وفهميني بشويش
جلست ازيس الى جوار نهى وشرعت في سرد سبب مجيئها لبيتها من بدايه الامر لنهايته
نهى :يعني انتي دكتوره مخ واعصاب
ازيس :ايوه وكنت شغاله في كاليفورنيا لحد ما والدتي ماتت يعني من اسبوع بس
نهى :وتخليتي عن كل ده عشان وعدك لوالدتك انك تعالجي سليم
ازيس :والله دي الحقيقه
نهى :وليه والدتك تخليكي توعديها بده
ازيس :السر مع والدتك هي الوحيده اللي تعرف كل حاجه الوقتي
نهى :بامانه انتي ناويه تساعدي سليم
ازيس :اكيد و الوقتي اكتر من الاول
نهى :واشمعنى الوقتي اكتر من الاول
ارتبكت ازيس قليلا
ازيس :ععشان هو اكتر واحد عملني كويس وبيدافع عني ومتعاطف معايا
نهى :عشان كده بس
ازيس :اه عشان كده بس هتساعديني ولا
نهى :بصي هي اجابتك مش مقنعه بس الاكيد اني اهساعدك عشان سليم اعمل اي حاجه
احتضنت كلا الفتاتان الاخرى وبداتا في التخطيط معا لمساعده سليم
************************
في اليوم التالي استيقظت الفتاتان وشرعتا في تنفيذ مخططهما نهى :انا هخرج وانتي بعدي بشويه اخرجي تمام
هزت ازيس راسها بالموافقه على كلام نهى ولكنها
امسكت بيدها :انا خايفه قوي من رده فعل ماما فاطمه
نهى :متقلقيش وبعدين متقليش العيار لو هنظهر كل يوم صوره
ازيس :تمام بسرعه اطلعي وانا وراكي
خرجت نهى وبعدها بقليل خرجت ازيس والتقوا مع الجميع على طاوله الطعام
امال :قعديها يا نهى بتعصب لما بشوفها واقفه
نهى :تعالي يا ايزو
امال :ايزو يعني ابوها ملقاش الا الاسم ده من قله الاسامي
نهى (وقد لاحظت انزعاج ازيس ):تعرفي يا امال انا ساعات كتيره مش بصدق انك عايشه في لندن لا و ايه زوجه دبلوماسيه
امال :ليه يا ست نهى مالي
نهى :ولا حاجه انا اتكلمت
فاطمه :على فكره يا امال ابوكي اللي مسميها ازيس هو في الحقيقه كان هيبقى اسمك بس جدتك زعلت فسميناكي على اسمها
اندهش الجميع ببنما ردت امال :معقوله بابا
فاطمه :وكمان عرفت ان اخوها الله يرحمه كان على اسم ابوكي علي
ازيس :علي سولي
فاطمه :الله يرحمه ويشفيكي انتي و سليم
ازيس تتجه لسليم :علي سولي فين
فاطمه :حبيبتي عسولي قدامك اهوه
ازيس (تجلس ارضا وتخرج من حقيبتها التي تحملها دائما صوره من ظرف ):علي
ثم تقوم وتنظر في الصوره ثم تنظر لسليم :علي
وتضع الصوره على قدم سليم لينظر اليها بتعجب تاخد فاطمه الصوره وتنظر اليها وتنساب دموعها :الله يرحمك يا علي جبتي منين الصوره دي
امال :صوره مين دي يا ماما
فاطمه تعطيها الصوره :ابوكي الله يرحمه فعلا يا ازيس سليم نسخه منه
امال :تنظر للصوره باندهاش شديد :فعلا يا ماما بص كده يا نبيل
نبيل :الله يرحمك يا بابا جبتيها منين دي
تحاول ازيس اخذ الصوره وتبكي :علي هات علي
تاخذ نهى الصوره منهم وتعطيها لازيس التي تضعها على قدم سليم مره اخرى وتجلس على الارض جواره في صمت
نبيل :ايه ده دي مالها دي
نهى :يا سليم دي انسانه بقدرات ذكاء اقل من العادي بكتيره تساعد نفسها بالعافيه وشكلها كده فكره سليم هو بابا وبتتحامي فيه
فاطمه :الله يرحمه علي كان ديما يشيلها و يدلعها كان بيعملها زيكوا بالظبط
سليم :الله يرحمه
ازيس :علي العب سولي نوم موله
فاطمه بضحك :دي عايزه تلعب معاكم نبيل و وسليم وامال
نهى :واشمعنى انا بقى مش عايزاني
فاطمه :مكنتيش لسه اتولدتي لما كانت بتلعب معاهم
جيجي :طيب سولي هو سليم مين نوم وموله
فاطمه :نوم جوزك نبيل كنا بناديه (عنوم )
وموله
رامي :اكيد دي تبقى امال يا ماما
فاطمه :صح يا رامي
جيجي :الله تصدق يا نبيل اسم جميل نبيل عنوم
سليم :بس انا مش فاكر حاجه
ارتبكت فاطمه قليلا بينما اخرجت ازيس صوره اخرى وضعت فوق الصوره الاولي ليزداد اندهاش سليم كانت الصوره لاشخاص يعرفهم جيدا وجذاب انتباهه على وجه الخصوص ذلك الطفل الواقف الي جوار ابيه
من يكون هذا الشخص هذا ما سنعرفه المره القادمه
توقعتكم
*********************
إلي هنا ينتهي الفصل العاشر من حكاية حياة بقلم أمنيه أيمن
تابع من هنا: جميع فصول حكاية حياة بقلم امنية ايمن
تابعوا صفحتنا على الفيس بوك للمزيد من روايات رومانسية
أو أرسل لنا رسالة مباشرة عبر الماسنجر باسم القصة التي تريدها
يمكنك تحميل تطبيق قصص وروايات عربية من متجر جوجل بلاي للإستمتاع بكل قصصنا
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة