U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل الحادى و الستون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الحادى و الستون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الحادى و الستون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل السادس

اشرقت شمس صباح يوم جديد بنورها الساطع فى سماء الاسكندريه لتبدء دينا بفتح عيونها على صوت تليفونها اخدت تليفونها وردت عليه من غير ما تبص تشوف مين وقالت بصوت نعسان

دينا :- السلام عليكم مين معايا
تامر :- وعليكم السلام ورحمه الله وبركاته انا العريس المنتظر
دينا :- تامر صباح الخير
تامر :- صباحك بلون خدودك الوردى يا روحى
دينا :- انت نزلت الشغل ولا ايه
تامر :- من بدررررى وحضرتك لسه كل ده نايمه
دينا :- يعنى انا هقوم بدرى اعمل ايه بس يا تامر
تامر :- تصبحى عليا يا روح تامر انا يوم مش بيبدأ غير لما اسمع صوتك يا دينا
دينا :- ابتسمت وقالت طيب مش خلاص يومك بدء اقفل بقى علشان انا النهارده رايحه عند داليا واحشتنى وعايزه اشوفها
تامر :- طيب وانا مش واحشك يا دودو
دينا :- وحش لما يلهفك هههههه اقفل بقى
تامر :- قلبى اهون عليكى تدعى عليا
دينا :- هههههههه اه
تامر :- سلامتك يا قلبى من الاه
دينا :- انت فيه ايه النهارده بالظبط
تامر :- فيه أن انا خلاص مبقتش قادر وهموت واخدك فى حضنى يا دينا
دينا :- امممم حضنى كلها كام يوم
تامر :- من انا عارف انها كلها كام يوم بس مش عايزين يمشوا حاسس أنهم كام سنه
دينا :- هههههههه حالتك ميؤس منها خالص والله
تامر :- بحبك
دينا :- ا.ا.انا لازم اقفل بقى
تامر :- بعشقك
دينا :- يا ابنى انت ارحم نفسك وارحمنى شويه بقى يلا باى
تامر :- مع السلامه يا احلى واجمل ما خلق ربنا
دينا :- قفلت السكه وضمت التليفون فى حضنها وابتسمت وقالت وانا بموووت فيك واتنهدت بحب وقامت دخلت الحمام واخدت شاور واتوضت وخرجت لبست هدومها وأدت فرضها وخرجت من الاوضه ونزلت لاقت سندس قاعده بتفطر قالت صباح الخير
سندس :- صباح النور
دينا :- انتى مروحتيش مدرستك النهارده ليه
سندس :- لاء مش هروح النهارده انا رايحه عند داليا
دينا :- داليا ورايحه تعملى ايه هناك وليه مش هتروحى المدرسه
سندس :- هروح ابص على مؤمن علشان تعبان شويه ومش عايزه اروح المدرسه لوحدى
دينا :- امممم ماشى لو خلصتى يلا
سندس :- يلا فين
دينا :- يلا علشان انا كمان رايحه عند داليا اشوفها علشان واحشانى
سندس :- اوك انا خلصت بس انتى مش هتاكلى
دينا :- لاء مش عايزه يلا بس
وفى الوقت ده دخل ادهم وقال
ادهم :- يلا فين
دينا :- احم ه.ه.هروح ابص على داليا علشان وحشانى
ادهم :- وانتى يا هانم مروحتيش المدرسه ليه
سندس :- ها ا.ا.اصل راحت عليا نومه
ادهم :- والله ورايحه فين كده
سندس :- ر.ر.رايحه ع.ع.عند
دينا :- هخدها معايا عند داليا
ادهم :- وجودك هناك علطول ده مش مريحنى يا سندس عمومآ روحو ومتتأخروش هناك
دينا:- طيب اخلى الشغاله تحضرك الفطار
ادهم :- لاء انا جاى اغير هدومى وماشى تانى روحوا انتو يلا واعملوا حسابكم هنروح مع فادى بليل وهو بيكتب كتابه
دينا :- حاضر باى وخرجوا الاتنين ركبوا العربيه وراحوا عند داليا
~•~•~•~•~•~•~•~•~•~•~•~•
فى فيلا خالد الحناوى

صحى علاء على صوت خبط على باب اوضه قام بصعوبه فتح الباب وقال

علاء :- فادى فيه ايه
فادى :- انتى مش ناوى تنزل الشركه مع اخوك بقى
علاء :- مش فاضى بجهز الشقه اللى هتجوز فيها
فادى :- ربنا يسعدك انا كنت جاى اقولك أن هروح اكتب كتابى وهخدها واسافر فرنسا النهارده بليل
علاء :- تكتب كتابك النهارده
فادى :- ايوه ايه الغريب فى الموضوع مش فاهم
علاء :- على رأيك ايه الغريب فى الموضوع بقينا اخوات بالاسم بس بقينا نعرف بعض اننا هنتجوز فى نفس اليوم عمومآ ربنا يسعدك
فادى :- مش قصدى يا علاء بس الظروف اللى احنا كنا فيها حكمت علينا بكده وانا كنت محتاج أتمم الجوازه دى فى اسرع وقت محتاج رودينا تهون عليا الوقت انا مبقتش الاقى حد فيكم زى الاول كل واحد انشغل بحياته عن التانى وعمومآ انت كلها كام يوم وهتتجوز وهتنشغل بحياتك انت كمان
علاء :- أن شاءالله هكون جاهز على الميعاد اللى انت تقوله
فادى :- بعد المغرب علطول
علاء :- تمام هتلاقينى معاك وقت ما تخلص
فادى :- تمام هروح انا اشوف اللى ورايا سلام ومشى وسابه
علاء :- بص لأخوه بوجع وزعل ودخل وقفل الباب وراه وقعد على السرير ومسك تليفونه واتصل على منتهى وانتظر الرد

منتهى :- صباح الخير
علاء :- صباح النور
منتهى :- مال صوتك يا علاء شكلك زعلان من حاجه
علاء :- بوجع من حاجه هه انا زعلان من كل حاجه بتحصل دلوقتى
منتهى :- ليه كل ده اتكلم
علاء :- أهل مبقاش موجودين لا اخ ولا اخت ولا ام ولا اب انا حاسس ان انا بقيت وحيد يا منتهى الفيلا اللى كان فيها حركه ماتت وبقت عامله شبه الصحرا اخواتى كل واحد بقى ماشى فى طريق لوحده كل واحد بقى غريب عن التانى مش عارف اوصفلك شعورى يا منتهى انا حاسس ان انا ضايع
منتهى :- يا علاء حرام متقولش كده العبد اللى معاه ربه عمره ما يكون وحيد خلى صلاتك ومصحفك هما الونس ليك هينفعوك دنيا واخره اذكر الله هتلاقى نفسك مش محتاج تكلم حد هتلاقى شفايفك بتذكر الله دائمآ وابدآ الونس والعزله دول بأيد الإنسان يعنى لو بصيت على ونس الناس هتلاقى اللمه كلها نميمه ومعاصى بالكوم تعال بقى على العزله اللى بتقول عليها دى هتلاقى نفسك متوضى وواقف على سجاده بتصلى وبتدعى ربك يغفر ليك ذنوبك ويبعدك عن المعاصى بتفتح كتابه الشريف بتلاقى كلام يداوى جروحك ومواعظ وحكم تنفعك فى مشوار حياتك وفى نفس الوقت ثواب وبتاخد عليه اجر يعنى لو بصيت على المجموع اللى جمعته من العزله والونس هتلاقى الونس جمعت ناس بالكوم وزيهم معاصى وخسرت نفسك ودنيتك أما العزله هتلاقى كسبت نفسك وكسبت دنيتك واخرتك واخد دروس الحياه وخبره من كتاب الله الشريف وفوق كل ده طمائنينه وراحه لقلبك يبقى ايه احسن ليك العزله ولا الونس
علاء :- ونعم بالله العزله فى قرب الله حياه
منتهى :- بالظبط كده
علاء :- ربنا يبارك ليا فيكى
منتهى :- ويخليك ليا انا هقفل دلوقتى اشوف ماما اللى بتنده عليا عايزه ايه وهكلمك تانى
علاء :- ماشى يا توته مع السلامه وقفل السكه وحط جنبه التليفون وقام اتوضه وصلى ومسك المصحف وقعد يقراه فيه
~•~•~•~•~•~•~•~•~•~•~•~•
فى فيلا أكرم

فى اوضت أكرم وفاطمه

صحيت فاطمه من نومها بصت جنبها ملاقتش أكرم وشويه ولاقته خارج من الحمام وهو لابص البورنص

أكرم :- انتى صحيتى يا قلبى صباح الفل
فاطمه :- صباح النور يا حبيبى
أكرم:- صحيتى بدرى ليه كده خليكى نايمه ومستريحه على ضهرك لحد ما نروح لدكتور ويقولنا نعمل ايه
فاطمه:- لاء ابوس ايدك بلاش كلام الستات الكبار دول انا اتحرك براحتى ولو الدكتور شاف أن انا لازم انام على ضهرى ابقى اسمع كلامه وانام
أكرم :- ماشى يا بطه بس بلاش تتعبى نفسك علشان خاطرى
فاطمه :- حاضر وقامت دخلت الحمام اتوضت وأدت فرضها واكرم لبس هدومه واده فرضه ونزلوا الاتنين تحت لاقوه ايه قاعده بتفطر

أكرم :- ارحمى نفسك شويه
ايه :- الله اكبر انت هتحسدنى ولا ايه
فاطمه :- بألف هنا وشفا عليكى يا روحى صباح الفل على عيونك
ايه :- ايوه بقى هو ده الصباح اللى بجد صباح الورد يا قلبى
أكرم :- والله يعنى اطلع انا منها دلوقتى
ايه وفاطمه :- فى صوت واحد ااااااااه
أكرم :- جتك اوه منك ليها
وفى الوقت ده نزل منير ومعاه وفاء وقعدوا على الكرسى
الكل بص لبعض
منير :- صباح الخير يا ولاد
ايه وفاطمه :- صباح النور
أكرم :- صباح النور يا بابا صباح النور يا ماما
وفاء :- صباح الخير يا ابنى متزعلش منى بخصوص امبارح
أكرم :- وقف وراح باس راس أمه وقال انا عمرى ما ازعل منك يا ماما ربنا يخليكى لينا يارب
وفاء :- ويكملك على خير يا فاطمه يا حبيبتى يارب
فاطمه:- ربنا يديكى الصحه يارب يا ماما
ايه :- ايه كمية الدعاء اللى انفجرت على الصبح دى يا جماعه انا جعانه عايزه اكل
أكرم :- بت انتى مش لسه كنتى بتاكلى وانا نازل
ايه :- ايوه حصل بس الاكل خلص وملحقتش اشبع يا اخويه الفطار يا جماعه
أكرم :- مسكها من هدومها وقال انتى يا بنتى بتودى الاكل ده فين شبه السحليه تاكلى مهما تاكلى وميبنش عليكى
ايه :- يخربيت سنينك يا اخى بلاش قر الله يخليك انا واحده كلها كام يوم وهتتجوز
فاطمه :- صح هو الولا ممدوح هيرجع من تونس امته
ايه:- هو على كلامه النهارده بس متصلش بيا النهارده خالص
فاطمه :- هتقلقينى عليه ليه
أكرم :- هتقلقى على حاجه عدله ده بسبع ارواح يا اختى متخفيش
وفى الوقت ده دخلت الشغاله وقالت
الشغاله :- استاذ ممدوح بره وعايز حضرتك
فاطمه :- بفرحه ايه ده ممدوح رجع من السفر خليه يدخل بسرعه
الشغاله :- حاضر وخرجت تبلغه
أكرم :- انا مش عارف ايه سر فرحتك دى امال لو كان حاجه عدله كنتى عملتى ايه
فاطمه :- أكرم ملكش دعوه بأخويه فاهم
أكرم :- بلا قرف
ممدوح :- دخل وقال توحشتكم برشا
أكرم :- يخربيت ام الدم السم ده
منير :- حمدالله على السلامه يا ابنى
ممدوح :- الله يسلمك يا عمى
وفاء :- نورت يا ابنى
ممدوح :- بنورك يا امى عامله ايه دلوقتى
وفاء :- اهو عايشه يا ابنى
ممدوح :- جوز اختى يا غالى عامل ايه
أكرم :- كنت كويس لحد ما شوفتك بس حسيت بكرشت نفس معرفش ليه
ممدوح :- علشان الورد اللى زى بيسحب الأكسجين من المكان
أكرم :- بصوت واطى اللعن ابو غتات أهلك يا شيخ
فاطمه :- ممدوح واحشتنى وطلعت تجرى عليه وحضنته
ممدوح :- روح قلب ممدوح من جوه ايه يا بت الحلاوه دى بس يخربيت كده هو الجواز بيحلى بالطريقه دى
فاطمه :- ضربته على كتفه وقالت يخربيت لسانك اللى بينقط سكر ده
ايه :- يا سلام يا اخويه قاعد تهزر مع اختك ومش بتسلم عليا انا زحلانه
ممدوح :- زق فاطمه وقال تولع فاطمه المهم انت يا جميل
أكرم :- وحياة امك ده على اساس ان احنا قراطيس قاعدين قصادك
ممدوح :- ايه دى كلها كام يوم وتبقى مراتى رسمى ومحدش يقدر يقول نص كلمه لمؤاخذه يا عمى
منير :- ربنا يسعدكم يا ابنى يارب
أكرم :- وحياة امك لطلع عينك على اللى عملته فيا وكانت مراتى فى وقتها
ممدوح :- ليه يا اخى قلبك اسود اوى كده ليه بس انسا
أكرم :- انسا ده انت هتشوف معايا ايااااام ده انا هنفخك
ممدوح :- متخافش انا اصلا خاطب برعى دى كويس انها بتخلينى اقولها ايه عادى كده
أكرم :- انا عارف اختى ايه وتربيتها ايه مش هستنا رأى واحد زيك فيها
ممدوح :- بعصبيه واحد زى ليه شيفنى ماشى بطوح وفى ايدى ازازة البيره وفى الايد التانيه السيجاره انا محترم غصب عنك مش معنى ان بهزر وبعدى حاجات كتير يبقى تغلط فيا وتتعدا حدودك عن اذنكم وسابهم ومشى
ايه :- طلعت تجرى وراه وقالت ممدوح ممدوح استنا
فاطمه :- ليه يا اكرم تجرحه كده هو بيهزر ميقصدش حاجه
أكرم :- عادى يعنى وانا كمان كنت بهزر
فاطمه :- ده مكانش هزار يا اكرم انت كلامك معاه كان بجد وواضح اوى فى كلامك كرهك ليه
أكرم :- اه مش بحبه دمه تقيل على قلبى ومش ندمان على اللى قولته ليه سلام وخرج وسابهم ركب عربيته ومشى
فاطمه :- عجبك يا بابا اللى أكرم عمله مع اخويه ده
منير :- متزعليش يا بنتى انا هكلم ممدوح واطيب خاطره وهخلى أكرم كمان يكلمه
فاطمه :- اتنهدت وقالت ماشى يا بابا علشان خاطرك انت بس
وفاء :- اطلعى انتى اوضك ريحى شويه علشان الحمل مش عايز مجهود
فاطمه :- وقفت وقالت حاضر عن اذنكم وطلعت اوضتها

عند ايه وممدوح

ركب ممدوح عربيته وهو متعصب وطلعت تجرى ايه وركبت جنبه ومشى بالعربيه بسرعه جنونيه

ايه :- ممكن تهدا شويه بقى
ممدوح :- بعصبيه اهدا ايه مشوفتيش اخوكى كان بيتكلم معايا ازاى
ايه :- أكرم قلبه ابيض وبيهزر معاك ميقصدش يزعلك
ممدوح :- والله عبيط انا؟ ايه! اخوكى بيكرهنى من اول لحظه شفنى فيها
ايه :- أكرم مش بيعرف يزعل حد أكرم بيهزر بس ساعات هزاره بيبقى تقيل شويه روق بقى علشان خاطرى
ممدوح :- وقف العربيه على جنب وقال خاطرك غالى عليا اوى حاضر يا قلبى
ايه :- ايوه كده شطور رجعنى بقى على الفيلا
ممدوح :- ارجع مين بس انتى النهارده هتقضيه معايا
ايه :- اقضيه معاك ازاى مش فاهمه
ممدوح :- يخربيت الدماغ الشمال دى اقصد أننا هنتغدا مع بعض فى مكان عام
ايه :- احم م.م.ماشى
ممدوح :- على فكره واحشتينى اوى اوى
ايه :- سكتت ومردتش عليه
ممدوح :- يوكا يا قلبى بقولك واحشتينى
ايه :- م.م.ماشى شغل العربيه وامشى بقى
ممدوح :- طيب ما تجيبى بوسه سلف تصبيره كده لحد الفرح
ايه :- مممممممدوح استهدا بالله كده وامشى احسنلك
ممدوح :- انا مش حد غريب انا زى خطيبك يعنى
ايه :- اهو انت قولتها خطيبى مش جوزى يعنى راجل اجنبى بالنسبه ليا مينفعش تلمسنى غير لما تكون جوزى على سنة الله ورسوله
ممدوح :- يخربيت كده دى بوسه بريئه مش هغتصبك يعنى
ايه :- ممدوح ايه اللى انت بتقوله ده
ممدوح :- ولا حاجه بقولك هتاكلى فراخ ولا لحمه
ايه :- وهى بتكتم ضحكتها ايه حاجه بس المهم اكل جعاااااانه
ممدوح :- هو انتى علطول كده جعانه ده انا داخل والاطباق كلها ممسوحه واكيد حضرتك اللى اكله الاكل ده كله
ايه :- الله اكبر انت هتحسد ولا ايه يلا بقى جعاااانه
ممدوح :- هو ده بس اللى فالحه فيه اكل ميه على الميه رومانسيه صفر على ميه
ايه :- هى دى انا لو مش عجبك اتفضل الباب يفوت جمل
ممدوح :- إنبى عسل ومقدرش استغنا عنك يا جميل ده انت تعجب الباشا يا باشا
ايه :- والله مجنون مش طبيعى على فكره
ممدوح :- احبك يا ابيض
ايه :- ههههههههه
ممدوح :- ايوه بقى وشغل العربيه ومشى بيها راحوا المطعم علشان ياكلوه
~•~•~•~•~•~•~•~•~•~•~•~•
فى بيت سعيد

صحيت داليا من نومها وغمضة عينيها تانى ودمعه نزلت منها مسحتها بسرعه واتنهدت بوجع وقامت من على سريرها دخلت الحمام غسلت وشها ودخلت تانى اوضتها و اترمت على السرير بتعب وحطت ايديها على بطنها وقالت

داليا :- تعبانه اوى النهارده مش هقدر انزل الشغل احسن حاجه اشرب حاجه سخنه وانام خرجت من الاوضه تانى دخلت المطبخ تعمل حاجه سخنه دخلت عليها ميرفت

ميرفت :- صباح الخير
داليا :- صباح النور حزلقوم عامل ايه النهارده
ميرفت :- حزلقوم برضه اخص عليكى يا داليا بقى ابن اخوكى تطلعى عليه حزلقوم
داليا :- ماله بس حزلقوم ده كان شاب مكافح ههههه
ميرفت :- هههه ماشى يا ستى مقبوله منك اى حاجه
داليا :- حبيبتى ربنا يقومك بالسلامه يارب
ميرفت :- بتعملى ايه هنا
داليا :- البريود جاتلى وتعبانه خالص هعمل حاجه سخنه اشربها ومش هروح الشغل
ميرفت :- طيب ادخلى انتى ريحى فى اوضك وانا هعملك حاجه سخنه واجبهالك
داليا :- ماشى يا حبى وسابتها ودخلت الاوضه ونامت على سريرها بتعب
ميرفت :- عملت الحاجه السخنه لداليا ودخلتها ليها وقالت لو احتاجتى حاجه نادى عليا وريحى شويه
داليا :- شكرآ يا ميرفت
ميرفت :- العفو على ايه بس الشكر احنا مش اخوات ولا ايه
داليا :- اكيد طبعآ اخوات
ميرفت :- يبقى مفيش شكر ما بين الاخوات هروح انا احضر ليهم الفطار قبل ما يصحوا وخرجت من الاوضه وقفلت الباب وراها
داليا :- مسكت التليفون بتاعها وجابت رقم ادهم وقعدت تبص عليه ودموعها نزلت منها وقفلت التليفون وحدفته جنبها على السرير وقعدت تاكل فى ضوافيرها بتوتر وبعدين مسكت التليفون تانى وجابت رقم ادهم واتصلت بيه واول ما سمعت صوت ادهم قفلت السكه بسرعه وحدفت التليفون على السرير وقالت ايه الغباء ده بتتصلى بيه ليه مش قولتى هتنسيه ايه اللى حصل رجعتى فى كلامك تانى ليه عجبك الذل والاهانه اللى كان بيعملهم فيكى أهدى يا داليا واجمدى كده لسه المشوار طويل وفى الوقت ده سمعت صوت جرس الباب قامت خرجت من الاوضه علشان تشوف مين لاقت مؤمن فتح الباب وقال

مؤمن :- اهلا وسهلا اتفضلوا وسلم عليهم
دينا :- ازيك يا مؤمن عامل ايه
مؤمن :- الحمدالله تمام
دينا :- داليا هنا
داليا :- جريت عليها واترمت فى حضنها وقالت دينا واحشتينى اوووى
دينا :- ضمتها اكتر وقالت وانتى كمان والله متزعليش منى معرفتش أسأل عليكى اليومين اللى فاتوا دول كنت بجهز بيتى علشان خلاص الفرح قرب
داليا :- ربنا يسعدك يارب وراحت حضنت سندس وقالت عامله ايه يا سندس
سندس :- الحمدالله
داليا :- تعالوا اتفضلوا ودخلوا كلهم وقالت داليا بصوت عالى بابا يا بابا تعال سلم على دينا وسندس
سعيد :- جه وسلم عليهم وقال عاملين ايه يا بنات
دينا :- الحمدالله يا عمو صحتك عامله ايه
سعيد :- الحمدالله تمام يا بنتى
وفى الوقت ده جت ميرفت مع حمزه واول ما شافتهم دينا قالت
دينا :- ميرفت انتى بتعملى ايه هنا
ميرفت :- سلمت عليها وقالت انا مرات حمزه
دينا :- لاء بجد انتى اختفيتى مده كبيره اوى ده حصل امته وازاى
ميرفت :- دى حكايه طويله ابقى احكهالك بعدين اتفضلوا
دينا :- مبروك على الحمل مع أنها جايه متأخره
ميرفت :- الله يبارك فيكى
سندس :- عامل ايه دلوقتى يا ميزو ههه
حمزه :- الحمدالله يا سندس كويس انتى عامله ايه
مؤمن :- بغيظ زفت على دماغها
حمزه :- وهو كاتم ضحكته قال ليه ما قمر اهى وزى العسل
سندس :- شكرآ يا ميزو
مؤمن :- بغيظ وحياة امك وانتى يا ست ميرفت ما تلمى جوزك بدل ما هو عملك كيس جوافه كده
ميرفت :- هههههههه لاء سورى انا جوزى بثق فيه مهما عمل وانا متأكدة أن عمره ما يبص لغيرى
داليا :- الله الله على الرومانسيه الله يسهلوا بقى
حمزه :- يخربيت القر ارحموا شويه عنيكم دى
مؤمن :- يا شيخ روح وانتى يا بتاعة ميزو امشى قدامى على البلكونه ولسه هيمشى
حمزه :- استنا هنا رايح فين شايفنا قدامك ايه واخد البت وماشى كده اقعد هنا محدش فيكم هيروح اى مكان
مؤمن :- والله وده من ايه أن شاءالله وبعدين انا بقولها البلكونه يعنى قدام الناس كلها ده مكان عام
سعيد :- هههههههه اخوك بيزولك روحوا البلكونه يا ولاد
مؤمن :- اخد سندس ووقفوا فى البلكونه وقال بغيظ اتلمى يا سندس بلاش تقولى لحمزه يا ميزو
سندس :- وفيها ايه حمزه اخويه الكبير وبعدين ايه غيظك انت من الكلمه دى
مؤمن :- ها ك.ك.كده وخلاص مش عايز اسمع منك الكلمه دى تانى
سندس :- لاء بقى انا أقولها زى ما انا عايزه وبعدين احنا قولنا هنكون اصحاب وبس بلاش اللى انا شايفه فى عينك ده يا مؤمن
مؤمن :- مسكها من دراعها وقال بذمتك انتى بتعتبرينى صاحبك بجد بلاش كدب يا سندس علشان انتى بتحبينى زى واكتر كمان ليه غاويه تعذبينى وتعذبى نفسك وليه لازم نمثل اننا أصدقاء واحنا اكتر سندس انا بحبك وعمرى ما هحب غيرك ومش هييأس هفضل وراكى لحد ما اخليكى تعترفى ليا بحبك
سندس :- بدموع لو انت ناسى افكرك نسيت كسرتك ليا نسيت وجعتنى قد ايه نسيت انك انت وعدنى أننا هنكون اصدقاء وبس ليه كل مره توعدنى بوعد تخلفه معايا بص حتى الصداقه مش عايزاها وزقت أيده
مؤمن :- بألم من دراعه قال ااااااه ومسك مكان الجرح
سندس :- بلهفه م م.مالك انا اسفه دراعك حصله حاجه
مؤمن :- أهدى يا سندس انا كويس
سندس :- بدموع انا اسفه نسيت أن دراعك مجروح اسفه
مؤمن :- مسك وشها بين ايديه وقال أهدى يا سندس انا كويس والله العظيم كويس
سندس :- بصت ليه بدموع وقالت بجد
مؤمن :- مسح دموعها وقال بجد وبص فى عينيها وقال سندس انا اسف واوعدك مش هضيقك تانى ولا هفتح معاكى كلام فى الموضوع ده بس برضه اوعدينى انتى كمان انك تفكرى تدينى فرصه تانى فى اى وقت تكونى جاهزه فيه
سندس :- بصت لتحت وهزت راسها بالموافقه
مؤمن :- رفع وشها ليه وقال وانا هستناكى انشالله العمر كله
داليا :- ايه يا عم الحلو انت
سندس :- بعدت عن مؤمن وقالت احم خ.خ.خلاص
مؤمن :- ها ا.ا اه خلاص مفيش حاجه فى عينك
داليا :- والله سلامة عينك يا حبيبتى
سندس :- ا.ا.الله يسلمك
داليا :- بصت لمؤمن بلؤم ومسكت ايد سندس وقالت تعالى يا حبيبتى معايا وخرجت من البلكونه واخدت سندس معاها
مؤمن :- قعد على الكرسى واتنهد وقال هوف هو ايه اللى جاب داليا دلوقتى بس
داليا :- اخدت سندس ودخلت الاوضه وقفلت الباب وراهم وقالت تعالى يا حبيبتى اقعدى هنا
سندس :- قعدت وقالت ه.ه.هو فيه حاجه
داليا :- لاء خالص انا كنت عايزه اتكلم معاكى شويه گ أخوات ممكن
سندس :- ايوه طبعآ ممكن
داليا :- فيه ايه بينك وبين مؤمن اخويه
سندس :- ها م.م.مفيش
داليا :- بصى يا سندس لو مش هتتكلمى معايا بصراحه يبقى بلاش احسن
سندس :- بصى يا داليا انا بحب مؤمن اوى حتى بعد ما جرحنى وكسرنى مش قادره اكرهوا وهو على فكره كمان بيحبينى وانا متأكدة من حبه ده بس
داليا :- بس ايه سكتى ليه قولى
سندس :- بس انا مأجله كل الكلام ده لبعدين
داليا :- ليه
سندس :- اولا علشان احنا لسه صغيرين على الكلام ده وثانيآ علشان اعاقب مؤمن على اللى عمله معايا و اخليه يخلى باله بعد كده من أفعاله معايا
داليا :- جدعه نفس الكلام ده اللى كنت هقولوا ليكى انتو لسه بدرى اوى على كلام الحب ده انتو لسه قدامكم دراسه ومستقبل ومشوار طويل مشاعركم لسه طريه لسه فى مرحله المراهقه لسه منضجتش النضج الكامل اللى يخليكم واثقين من حقيقة مشاعركم دى وفرحت بكلامك ده اوى
سندس :- على فكره يا داليا انا واثقه من حبى لمؤمن ومتأكده منه كمان وهفضل أحبه طول عمرى لحد ما نبقى مع بعض مدى الحياة وحبه دافع ليا علشان أتقدم فى دراستى بس لازم أفرغ دماغه هو من الكلام ده علشان يركز فى مستقبله وينجح ويبقى متقدم دايمآ فى كل حاجه
داليا :- مش قادره اوصفلك فرحتى بيكى قد ايه ربنا يحميكى ويحرسك يارب يا سندس وانا موجوده جنبك فى اى وقت تحتاجينى
سندس:- وانا بحبك اوى اوى يا داليا وحضنتها
وفى الوقت ده دخلت دينا وقالت
دينا :- والله وده اسميه ايه قاعدين هنا لوحدكم ليه
داليا :- كنت بتكلم شويه مع سندس تعالوا يلا نخرج وخرجوا التلاته مع بعض من الاوضه

فى المطبخ

كانت واقفه ميرفت بتحضر الاكل ودخل حمزه عندها وحضنها من ضهرها ولف دراعه على بطنها وبسها فى رقابتها وقال

حمزه :- واحشتينى اوى يا روحى
ميرفت :- بخضه حمزه ابعد بقى حد يشوفنا
حمزه :- ما تسيبى اللى فى ايدك ده وتعالى عايزك فى الاوضه اقولك حاجه
ميرفت :- حمزه بس بقى
حمزه :- بس ليه واحشانى الله تعالى بس
ميرفت :- يا حمزه مالك بس بتكلم جد مش هينفع والله اوعى بقى علشان اخلص الاكل
حمزه :- يا بت افهمى كل حد مشغول مع التانى مش هيحسوا بحاجه تعالى بقى
مؤمن :- مش وقته يا اخويه جعااااان هههه
ميرفت :- وشها احمر من كتر الكسوف وزقت حمزه بعيد عنها
مؤمن :- مالك بس اتكتمت ليه منوره يا مرات اخويه هههههههههه
حمزه :- مسك مؤمن من هدومه من عند كتفه وقال تعال بس عايزك فى موضوع واخده وخرج بره المطبخ
مؤمن :- ايه يا ابو الحماميز سايب المزه ليه بس
حمزه :- ضربه على قفاه وقال عارف لو محترمتش نفسك هعمل فيك ايه
مؤمن :- ااااه هحترم هحترم
حمزه :- ده ايه الرخامه اللى فيك دى يالا علطول طابب علينا فى المطبخ اولع فيك وارتاح منك
مؤمن :- ما الحاجات دى مش فى المطبخ يا ابو الحماميز عندكم اوضه اللى هى بتاعتى واخد بالك بتاعتى ها اتلموا فيها وبلاش الفضايح دى ههههههههههه
حمزه :- داس على شفيته من تحت بسنانه وقال بغيظ وحياة امك شكلك عايزه يتعلم على قفاك كتير
مؤمن :- عيب بقى يا ابو الحماميز مزتى تشوفنى بضرب كده هوريها وشى تانى ازاى
حمزه :- مزت ايه يا اهبل دى مين دى اللى هترضا تبص ليك بس
مؤمن :- فشرررررر دى البنات عليا كده هيموتوا عليا
سندس :- والله مكنتش اعرف
مؤمن :-بص لأخوه بصدمه وقال قولى ان مش هى
حمزه :- وهو بيكتم ضحكته البس يا معلم هى وسابه ومشى
مؤمن :- غمض عينه وقال روحت فى شربة مايه اه يا انى يا اما ولف وابتسم ليها وقال ايه ده سندس انتى هنا من امته
سندس :- من ساعة ما كانت البنات هتموت عليك
مؤمن :- يا راجل انتى بتاخدى على كلامى ده انا واحد اهبل بقول اى كلام كده وخلاص
سندس :- ربعت ايديها على صدرها وقالت بجد ماشى يا اهبل
مؤمن :- تشكرات
سندس :- بصت ليه بغيظ ومشيت وسابته
مؤمن :- بت يا سندس انتى يا بت وطلع يجرى وراها
~•~•~•~•~•~•~•~•~•~•~•~•
عند ادهم

خلص شغله وراح على الدكتور النفسانى وهو متردد يدخل ولا لاء وبعد وقت اخد قرار أن هو يدخل وبعد وقت جه دوره فى الدخول وقف بكل هيبه ودخل عند الدكتور وقعد على الكرسى

الدكتور :- ادهم خالد الحناوى رجل الأعمال المشهور ابن اكبر رجل اعمال خالد الحناوى صح
ادهم :- اكيد صح
الدكتور :- منور يا استاذ ادهم
ادهم :- بنورك يا دكتور
الدكتور :- تحب نتكلم فين
ادهم :- وانا قاعد مكانى
الدكتور :- تمام اللى يريحك تحب تبدء بأيه
ادهم :- بتريقه هههه انا حياتى من اولها لاخرها متعقده اختار انت عايز نتكلم فى ايه وانا معاك
الدكتور :- تمام اتفضل اتكلم عن طفولتك
ادهم :- طفولتى احسنت الاختيار يا دكتور اخترت اكبر عقده فى حياتى ايوه الكلمه دى عقده كبيره اوى فى حياتى من وانا عندى سبع سنين حياتى بدأت تتغير شوفت امى فى احضان راجل غريب وابويه فى حضن واحده تانيه شوفت امى اللى كانت بتروح لعشيقها كل يوم بليل بعد ما تشوفنى نمت متعرفش أن انا كنت ببقى صاحى وشايفها وهى رايحه ليه فى بيته كنت مملكش حاجه فى ايدى غير الدموع وبس كنت بخاف من الضلمه وانا لوحدى كنت بنادى عليها واقول ماما انا عايز ماما بس امى كانت فين كانت الهانم مش فاضيه كانت فى حضنه عايشه حياتها وبعد ده كله راحت معاه وسابتنى لوحدى سابتنى مع مرات اب واب بيكرهونى علطول كانوا يقولوا ليا يا ابن الخاينه انت متخيل يعنى ايه طفل مجاش لعشر سنين حتى يتقال ليه لقب زى ده قمة المعاناه شوفتها معاهم من ضرب لاهانه لذل كتير كنت اتمنا لعبه اشوفها قدامى بس انعام كانت تملى تفضل اخواتى عنى كانت تشترى ليهم اى حاجه هما عايزينها إنما أنا لاء شوفت كتير اوى موت قلبى وكبرنى قبل الاوان اخد قرار اعتمد على نفسى اكبر واكون احسن من خالد مليون مره اتعلمت سهرت لحد ما نجحت وحققت كل اللى انا عايزه صحبت أكرم وكبرنا سوا بقى معايا على الحلوه والمره لحد ما اتخرجنا سوا وقررنا نفتح شركه صغيره مع بعض وعملناها وسهرنا ليالى كتير اوى انا واكرم علشان نوصل للاحنا وصلنا ليه ده ويكبر اسمنا وسط رجال الأعمال وفوق كل ده كنت واخد قرار أن اندم كل واحد كان ليه يد فى قتل طفولتى بس وسكت
الدكتور :- سكت ليه كمل
ادهم :- بس للاسف مكنتش بعرف انتقم منهم كان دايمآ قلبى بيمنعنى أاذيهم رغم كل اللى شوفته منهم كرهتوهم اه إنما مقدرتش أذى حد فيهم
الدكتور :- لو تعبت ممكن نكمل مره تانيه
ادهم :- لاء لازم اكمل كبرت وسط خالد وإنعام وكبرت على كرههم وفى الاخر اكتشف أن انا اصلا مش ابن خالد وابن الراجل اللى كانت بتسيبنى وتروح لحضنه ايه متوقع منى انسا كل اللى فاااات ده واروح اقولهم انا سامحتكم انسى وجع قلبى اللى شوفته منهم وأجرى عليهم واترمى فى حضنهم بأنفعال ايه اللى مطلوب منى اعمله يا دكتور
الدكتور :- اهدا يا استاذ ادهم اتفضل خد الحبايه دى
ادهم :- اخدها منه وقال حتى مراتى اللى محبتش غيرها اخدوها منى بعدوها عنى مصطفى ده هو أكبر مشكلتى دايمآ يجى على الحاجه اللى بحبها ويخدها منى
الدكتور :- ارجوك يا استاذ ادهم كفايه كده لانك بكده هتفقد السيطره على اعصابك نأجل كلامنا بعدين فى الجلسه الجايه
ادهم :- اوك ووقف وبص لدكتور بتحذير وقال اى حرف قولته عندك خرج بره فيها حياتك مفهوم
الدكتور:- احنا عياده محترمه يا استاذ ادهم واهم حاجه فيها اسرار المريض متخرجش بره
ادهم :- انا بقول كلامى مره واحده مش بعيده خليك فاكر وسابه ومشى نزل ركب عربيته وراح على جدته
~•~•~•~•~•~•~•~•~•~•~•~•
فى فرنسا

عند محمد ونهى

وصلوا التلاته فرنسا وراحوا على الفندق ودخلت عفاف على اوضتها ودخل محمد ونهى على اضتهم
دخلت نهى الاوضه دخلت الحمام اخدت شاور ولبست هدومها وخرجت نامت على الكنبه من غير ولا كلمه
محمد راح عندها وقعد على الكنبه وقال

محمد :- نهى حبيبتى انتى هتنامى هنا ليه
نهى :- لو سمحت ابعد عنى وسبنى فى حالى
محمد :- يا نهى انتى من امبارح متكلمتيش معايا ولا كلمه
نهى :- انا لو عليا لا عايزه اتكلم معاك ولا اسمع صوتك انا اصلا كرهت البلد دى علشان اتعرفت عليك فيها ياريتنى ما جيت فيها ولا شوفتك
محمد :- انتى زعلانه منى ليه علشان باخد منك حقى الشرعى
نهى :- لاء علشان بتعذب فيا وبتموتنى بالبطيئ يا محمد
محمد :- يا حبيبتى ما قولتلك دى طبيعه فيا يعنى مش بعمل فيكى كده انتقام ولا تعذيب انا متعتى مش بحسها غير بكده
نهى :- دموعها نزلت منها وحطت ايديها على ودنها وقالت بس ارجوك بس مش طايقه اسمع كلامك المستفز ده
محمد :- حاول يشدها يخدها فى حضنه
نهى :- زقته وقالت ابعد عنى متلمسنيش
محمد :- غمض عينه وقال نهى بلاش تعصبينى خلصنا بقى لا انتى أول اللى بيتعمل فيهم كده ولا آخرهم
نهى :- فقدت السيطره وقعدت تضرب فيه وقالت انت ايه يا شيخ ايه معندكش دم ارحمنى بقى ابعد عنى وسبنى فى حالى وضمت رجليها عند صدرها وقالت حرام عليك انا تعبت والله العظيم معتش قادره على كل العذاب ده ارحمنى بقى كفايه وقعدت تعيط
محمد :- بص ليها بوجع وسابها وخرج من الاوضه خالص
نهى :- بدموع كفايه بقى كفايه وقعدت تعيط لحد ما عينيها راحت فى النوم
*********************
إلي هنا ينتهي الفصل الحادى و الستون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة