-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل السادس و الستون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السادس و الستون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السادس و الستون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل السادس و الستون

اشرقت شمس صباح يوم جديد بنورها الساطع فى سماء عروس البحر لتبدء منتهى بفتح عيونها قامت لاقت نفسها نايمه على السرير لسه بهدومها افتكرت اللى حصل دموعها نزلت منها واتنهدت وقامت دخلت الحمام اخدت شاور وخرجت من الحمام وهى لابسه البورنص واتفاجئت بوجود علاء فى الاوضه اتكسفت وقالت بتوتر

منتهى :- ا.ا انت بتعمل ايه هنا
علاء :- خبط على الباب محدش رد قلقت عليكى فتحت الباب لاقيتك فى الحمام
منتهى :- ولما ملاقتش حد قعد تعمل ايه فى الاوضه
علاء :- عايز هدوم ليا علشان اغير
منتهى :- ما عندك الهدوم فى الدولاب طلع اللى انت عايزه ومن بكره هنقلك هدومك فى الاوضه التانيه
علاء :- قرب من منتهى وقال وهو احنا هنفضل على الحال ده كتير
منتهى :- رجعت لوراه بتوتر وقالت ايوه وياريت متقربش منى لو سمحت
علاء :- قرب اكتر ليها وقال منتهى انا اسف والله عملت كده خوف عليكى خوفت تضيعى منى حاولت اخليكى ليا بأى طريقه انتى عارفه ومتأكده انا بحبك قد ايه
منتهى :-رجعت لوراه وقالت بقولك متقربش
علاء :- قرب اكتر ليها وسندها على الحيطه وقال خلاص بقى يا توته انا سيبتك براحتك امبارح علشان تهدى انا ما صدقت بقيتى مراتى حلالى وقرب من شفايفها ولسه هيبوسها
منتهى :- زقته بتوتر وقالت ق.ق.قولتلك متقربش منى يا علاء واللى انت بتفكر فيه ده مش هيحصل بلاش تعشم نفسك كتير
علاء :- غمض عينه واستنا شويه لما اتحكم فى أعصابه وقال منتهى انتى ايه اللى يرضيكى طيب
منتهى :- تبعد وتسبنى فى حالى
علاء :- مقدرش اعيش من غيرك
منتهى :- ايه خايف تخسر الفلوس اللى دفعتها فيا
علاء :- انا الفلوس متفرقش معايا يا توته انا اهم حاجه عندى انتى مش هاين عليا اسيبك زعلانه منى كده
منتهى :- لاء متشغلش بالك عليا اوى كده انا كويسه اوى الحمدالله بس مش نقصنى غير أن انا ارتاح من وشك ده
علاء :- بعصبيه خفيفه يا منتهى سبق وقولتلك بلاش الاندفاع اللى عندك ده
منتهى :- والله انا حره محدش ليه عندى حاجه
علاء :- قرب منها وشدها عليه وبص فى عينيها وقال يا توته انا كل ده مش عايز ازعلك والله وبحاول أطول بالى عليكى على قد ما اقدر بس خدى بالك تطويل البال ده مش هيستمر علطول وخليكى عارفه أن انا بحبك وعمرى ما هبعدك عنى مهما حصل وقرب شفايفه من خدها وبسها برقه وسابها راح اخد هدوم ليه من الدولاب وخرج من الاوضه
منتهى :- بصت عليه بدموع وقعدت على حرف السرير وقعدت تعيط وبعد وقت قامت لبست هدومها ودخلت اتوضت وخرجت ادت فرضها وخرجت من الاوضه لاقت علاء قاعد على الكنبه بصت ليه بغيظ ودخلت المطبخ علشان تاكل فتحت التلاجه بصت فيها لاقت اكل كتير بس محتاج يتعمل وهى مش بتعرف تطبخ قفلتها تانى واخدت حتة جبنه وعملتها فى سندوتش ودخلت تانى الأوضه
علاء :- كان متابع تحركاتها وعرف أنها جعانه بس مش عارفه تعمل اكل قام راح المطبخ وطلع اكل من التلاجه وبدء هو يعمله
منتهى :- الريحه وصلت ليها جوه فتحت حته صغيره من الباب وبصت منها لاقت علاء واقف فى المطبخ وبيعمل الاكل حطت ايديها على بطنها بجوع وقالت ليه كده بقى الريحه تجوع اكتر ما انا جعانه وقفلت الباب تانى ودخلت قعدت على السرير ومسكت تليفونها وقعدت تتصفح مواقع التواصل الاجتماعي علشان تنسا شويه الجوع وبعد وقت سمعت خبط على باب اوضتها قامت فتحت الباب وربعت ايديها على صدرها وقالت افندم
علاء :- تعالى يلا علشان تاكلى انا عملت اكل
منتهى :- شكرآ شبعانه مش عايزه اكل
علاء :- بلاش عند يا توته انا عارف انك جعانه يلا بقى
منتهى :- لاء عن اذنك ودخلت قفلت الباب فى وش علاء
علاء :- بص لباب بغيظ وقال بصوت عالى انتى حره وراح هو قعد على الكرسى وبدأ ياكل
منتهى :- فتحت حته من الباب وبصت لاقته قاعد بياكل والأكل شكله يجوع قالت لاء ما انا هموت من الجوع هروح وخلاص وفتحت الباب وخرجت منه وراحت قعدت على الكرسى من غير ولا كلمه وبدأت تاكل
علاء :- بص على منتهى وهى بتاكل وابتسم وكمل اكله وهو فرحان أن منتهى عجبها الاكل وبتاكل معاه
~•~•~•~•~•~•~•~•~•~•~•~•~•
فى فيلا أكرم

صحى أكرم من نومه على صوت تليفونه بيبص لاقه رقم تامر استغرب وقام قعد على السرير ورد عليه

أكرم :- السلام عليكم
تامر :- وعليكم السلام ورحمة الله وبركاته اسف أن انا اتصلت بيك بدرى اوى كده بس كنت عايز ابلغك أن محاكمة مكرم اخوك بكره
أكرم :- بزعل بكره يعنى النطق هيكون بكره
تامر :- لاء طبعآ النطق مش من اول محاكمه
أكرم :- اه ماشى بس ياريت محدش يعرف عندى فى البيت علشان النهارده فرح اختى ومش حابب اعكنن عليهم فى يوم زى ده
تامر :- تمام بس حضرتك بقى اللى تبلغ المحامى قبل ما يوصل ليهم ويقولهم
أكرم :- تمام وشكرآ ليك يا تامر تعبتك معايا
تامر :- مفيش تعب ولا حاجه والف مبروك لأختك
أكرم :- الله يبارك فيك عقبالك يارب
تامر :- يارب مع السلامه
أكرم :- مع السلامه وقفل مع تامر واتنهد بزعل
فاطمه :- فيه ايه خير
أكرم :- محاكمة مكرم بكره
فاطمه :- ياربى هو احنا مش مكتوب لينا الفرح أبدآ كل ما نيجى نفرح تطلع حاجه بسبب مكرم تعكنن علينا ذنبها ايه البنت الغلبانه دى كل شوية فرحتها تتأجل بسبب الموضوع ده
أكرم :- لاء طبعآ مش هنأجل حاجه كل حاجه هتم زى ما احنا متفقين النهارده
فاطمه :- ربنا يسعدهم يارب
أكرم :- يارب ولسه هيقوم
فاطمه :- مسكته من دراعه وقالت أكرم
أكرم :- نعم
فاطمه :- انت زعلان منى
أكرم :- لاء هزعل منك ليه
فاطمه :- علشان اللى حصل امبارح
أكرم :- ااااه على موضوع ايه يعنى
فاطمه :- ايوه
أكرم :- مزعلتش يا فاطمه بس يعنى خلى بالك من كلامك شويه دى اختى برضه وكلام حضنك ومعاك وكده بتغظنى گ الراجل وانتى بتوصفى اختى فى حضن راجل غريب
فاطمه :- بأستغراب غريب ده هيبقى جوزها
أكرم :- بغيظ عارف بس انا لسه مش قادر أتخيل اختى وهى فى حضن راجل افهمى بقى
فاطمه :- خلاص ماشى عمومآ كده كده هى هتبقى النهارده فى حضنه برضاك أو غصب عنك لانه هيكون جوزها وهى مراته وده شرع ربنا اللى محلله اعترض بقى
أكرم :- لا يا اختى مش هعترض ما هو كان يوم مطلعش ليه شمس يوم ما العيله بتاعتكم دخلت عندنا
فاطمه :- قعدت بغيظ وقالت ناااااعم عيلة مين يا اخويه اللى دخلت عندكم ده انت تبوس ايدك وش وضهر انك انت اخدنى وايه اخدها ممدوح انتو تطولوا
أكرم :- لاء منطلش اصل احنا عيلة القصيرين يا قزمه
فاطمه :- كده يا اكرم ماشى متكلمنيش تانى
أكرم :- اتنهد وشدها فى حضنه وقال بحبك يا مجنونه
فاطمه :- لاء اوعى كده مش بكلمك
أكرم :- بطه طمطم طماطم خلاص بقى يا روحى صباحك عسل وبيضحك طيب هتضحكى ولا اخد حقى الشرعى اللى هموت عليه ده
فاطمه :- ايه اللى انت بتقوله ده اتلم
أكرم :- اضحكى ولا ها أنا مجنون كده طيب استعنا على الشقا بالله وقرب منها
فاطمه:- هههههه بس يا مجنون الدكتور قال ممنوع
أكرم :- شدها فى حضنه وقال احلى ضحكه والله
فاطمه:- ضربته فى صدره وقالت غلس بس بموت فيك
أكرم :- بعشقك يا بطتى
فاطمه :- أكرم ما بلاش تروح الشغل النهارده ده النهارده فرح اختك
أكرم :- مش هينفع ادهم مش فى حاله تسمح أنه يدير الشغل لوحده اليومين دول موت أمه مأثر عليه جدآ
فاطمه :- مش أمه دى اللى كان بيكرهه
أكرم :- ايوه بس معرفش ليه متأثر اوى كده بموتها ده تقريبآ مش بيتكلم معايا كلمتين على بعض طول اليوم حاله بقى غريب اوى وخايف عليه جدآ يا فاطمه
فاطمه:- متخفش اللى زى ده عنده كبرياء حتى على أحزانه ووجعه اللى زى ده مش بيعرف الضعف
أكرم :- انتى بتقولى كده علشان متعرفيش ادهم ادهم شخصيه طيبه اوى وعاطفيه اوى اوى بس مشكلته بيحاول يدارى ده وراه قسوته علشان بيخاف يظهر ضعيف
فاطمه :- اه بأمارة اللى بيعملوا مع داليا ده
أكرم :- اللى بيستفز ادهم وبيخليه يعمل كده ان داليا شخصيتها قويه وعناديه ومش من النوع المنكسر ودايمآ واقفه ليه وبتتحدا علشان كده بيعمل فيها كل ده وبرضه هو ده اللى خلى ادهم يحب داليا ويعشقها من اول لحظه
فاطمه :- ربنا يهديهم ويصلح حالهم يارب
أكرم :- يارب ووقف وقال يدوب اخد شاور سريع كده علشان متأخرش
فاطمه :- ماشى وانا هحضرك هدومك
أكرم :- ماشى ودخل الحمام ياخد الشاور
فاطمه :- قامت فتحت الدولاب وبصت على هدوم أكرم واختارت ليه طقم وهى بطلعه جاكت البدله وقع على الأرض بترفعه علشان تحطه فى الدولاب لاقت حاجه فى الجيب الداخلى بتمد ايديها لاقتها علبة قطيفه حمرا صغيره بصت ليها بأستغراب وفتحتها لاقته خاتم شكله رقيق وجميل لسه بطلعه علشان تشوفه على صوابعها لاقت الباب بتاع الحمام بيتفتح حطت العلبه تانى مكانها بسرعه ورجعت البدله مكانها فى الدولاب
أكرم :- طلعتى حاجه ليا يا حبيبتى
فاطمه :- ها ا.ا.اه اهى ومدت ايديها بالهدوم لاكرم
أكرم :- اخد الهدوم منها وباس ايديها وقال تسلم ايدك يا قلبى
فاطمه :- قعدت على السرير وهى بتفكر الخاتم ده لمين
أكرم :- بطه مالك قاعده سرحانه بتفكرى فى ايه
فاطمه :- ها و و.ولا حاجه هتغيب النهارده
أكرم :- عندى مشوار ضرورى بعد الشغل هروحه وهاجى بسرعه بتسألى ليه
فاطمه :- ع.ع.علشان كتب كتاب ايه متتأخرش عليه
أكرم :- لاء متقلقيش هاجى قبل ما المأذون يجى وبسها فى خدها وقال طمطم ممكن تجيبى ليا الدبله من الحمام علشان نسيتها
فاطمه :- ح.ح.حاضر ودخلت الحمام
أكرم :- طلع يجرى على الدولاب فتحه واخد العلبه حطها فى جيبه ورجع بسرعه تانى مكانه
فاطمه :- شافت أكرم لما اتحرك واخد العلبه طلعت من الحمام وقالت خد دبلتك اهى
اكرم :- اخدها من ايديها لبسها وباس فاطمه تانى فى خدها وفتح باب الاوضه وخرج وقفل الباب وراه
فاطمه :- قعدت على السرير وقالت يا ترى جايبه لمين معقول يكون بيعرف واحده عليا ده انا اموت فيها لو طلع أكرم بيخونى وقامت دخلت الحمام اتوضت وأدت فرضها ونزلت ليهم تحت
~•~•~•~•~•~•~•~•~•~•~•~•~•
فى شقة الجدة

فتحت داليا عينيها على صوت تليفونها بصت على ادهم لاقيته نايم على الكنبه قصادها مدت ايديها اخدت تليفونها وبصت فيه لاقته رقم غريب استغربت وردت عليه وقالت

داليا :- السلام عليكم مين معايا
المتصل :- وعليكم السلام ورحمة الله وبركاته احنا عيادة الدكتور (.....) دكتور النسا
داليا :- بصت على ادهم بتوتر وقالت ا.ا.اهلا وسهلا خير
العياده :- حضرتك مدام داليا سعيد
داليا :- ايوه انا
العياده :- نتيجة التحاليل كلها ظهرت وكلها كويسه الحمدالله والدكتور بيطلب من حضرتك تيجى ليه النهارده علشان يكتب لحضرتك العلاج اللى هتخديه أثناء الحمل
داليا :- ا ا أن شاءالله شكرآ مع السلامه وقفلت السكه وحطت ايديها على بطنها وافتكرت كلام الدكتور ليها
~•~•~•~•~•~•~•~•~•~•~•~•~
فلاش بااااااك

الدكتور بعد ما كشف عليها وعمل ليها السونار قعد على مكتبه وخرجت ليه داليا وقالت

داليا :- خير يا دكتور
الدكتور :- حضرتك حامل يا مدام داليا
داليا :- حطت ايديها على بطنها وقالت بصدمه حامل طيب ازاى يا دكتور ويعنى جات ليا البريود
الدكتور :- حضرتك قولتى نزلت ليكى يوم واحد وحاجات بسيطه يبقى دى مش بريود
داليا :- امال ايه يا دكتور
الدكتور :- حمل حضرتك ضعيف جدآ يا مدام داليا ومحتاج راحه ومش عايز مجهود اى حركه هتنزل منك دم زى ما نزل ليكى كده وممكن يأدى اجهاض الحمل نفسه بلس ان حضرتك عندك مشكله فى الرحم ودى هنعالجها أثناء الحمل
داليا :- بتوتر يعنى المشكله دى هتأثر على الحمل يا دكتور ولا على البيبى فى المستقبل
الدكتور :- لو متبعناش العلاج والكلام اللى هقوله لحضرتك يبقى هيأثر
داليا :- لالالا يا دكتور اى حاجه هتقولها ليا هنفذها علطول
الدكتور :- تمام هتعملى ليا شوية تحاليل ضرورى والنتيجه هتظهر بكره أن شاءالله وهتبلغها ليكى السكرتيره فى الفون وهحدد ليكى ميعاد وهخليها تقولوا لحضرتك
داليا :- طيب مفيش اى علاج هاخده لحد بكره
الدكتور :- لاء طبعآ فيه هكتب ليكى على مثبت تخديه مؤقتآ لحد ما تطلع التحاليل وتيجى ليا أن شاءالله
داليا :- وقفت وقالت إن شاءالله يا دكتور واخدت منه ورقة التحاليل المطلوبه وخرجت عملتها ورجعت تانى على الفيلا غيرت هدومها وراحت على كتب كتاب منتهى وبعد ما رجعت مع ادهم كانت الجدة نايمه دخلوا الاتنين الاوضه وقفل ادهم الباب وراهم ودخل الحمام غير هدومه وخرج نام على الكنبه من غير ولا كلمه بصت ليه بوجع وسابته ودخلت الحمام غيرت هدومها واخدت المثبت اللى دكتور قال عليه وخرجت نامت على السرير وقعدت تبص علي ادهم لحد ما عينيها راحت فى النوم
~•~•~•~•~•~•~•~•~•~•~•~•~•
باااااااك

فاقت داليا من تفكيرها على صوت باب الحمام بيتقفل بتبص على الكنبه لاقت ادهم قام من نومه وهو اللى دخل الحمام دموعها نزلت منها وقالت

داليا :- كان نفسى تفرح معايا بخبر زى ده بس ازاى وحضرتك حتى مش مدينى فرصه اعرفك واقولك أن انا حامل يا خساره يا ادهم كل يوم بتكسرنى وبتقلل حبك عندى فى قلبى وفى الوقت ده باب الحمام اتفتح مسحت دموعها بسرعه قبل ما أدهم يشوفها وقامت دخلت الحمام
ادهم :- بص عليها وهى داخله الحمام واول ما قفلت الباب راح مسك تليفونها وجاب اخر رقم كلمها وسجله عنده على التليفون وحط تليفون داليا تانى مكانه ولبس هدومه وخرج من الاوضه وراح عند اوضت الجدة دخل لاقها نايمه راح عندها وبسها فى راسها ولسه هيمشى
الجدة :- فتحت عينيها وقالت انت صحيت يا ابنى
ادهم :- ايوه يا مديحه ورايح الشغل
الجدة :- طيب أفطر الاول قبل ما تنزل خلى داليا تحضرك الفطار
ادهم :- مليش نفس انا ماشى عايزه حاجه
الجدة :- انا هخلى داليا تخدنى النهارده تودينى عند ابوك وأخواتك اطمن عليهم وأشوف ايه أحوالهم بعد موت امك الله يرحمها ودموعها نزلت منها
ادهم :- بوجع ماشى يا مديحه روحى وخرج وسابها ونزل ركب عربيته وجاب الرقم اللى اخده من داليا وطلبه واستنا الرد
العياده :- عيادة الدكتور (......) لنسا والولاده اتفضل يا فندم
ادهم :- اتصدم اول ما سمع كده قفل السكه تانى من غير ما يتكلم وقال يا ترى يا داليا بتروحى دكتور نسا بتعملى ايه من ورايا وشغل العربيه بتاعته وراح على الشركه
داليا :- خرجت من الحمام ملاقتش ادهم فى الاوضه عرفت أن هو مشى لبست هدومها وأدت فرضها وخرجت من الاوضه راحت عند الجده وقالت صباح الخير يا مديحه
الجدة :- صباح النور يا بنتى
داليا :- ادهم نزل شغله
الجدة :- ايوه يا حبيبتى
داليا :- بزعل ماشى
الجدة :- لسه مش بيكلمك
داليا :- كالعاده يعنى يا مديحه مفيش جديد لدرجة أنه نام على الكنبه
الجده :- معلش يا بنتى اصبرى ربنا يهديه ليكى ويصلح حالكم
داليا :- يا رب يا مديحه
الجدة :- اعملى حسابك انك هتودينى النهارده عند مصطفى وولاد بنتى
داليا :- بصدمه النهارده
الجدة :- ايوه يا بنتى النهارده مالك اتخضيتى كده ليه
داليا :- م.م.مش اتخضيت ولا حاجه بس كان عندى مشوار مهم النهارده مش مشكله بقى هوديكى هناك واسيبك معاهم واروح مشوارى وارجع اخدك
الجده :- ماشى يا بنتى معلش هعطلك معايا
داليا :- مفيش عطله ولا حاجه تعالى يلا اغيرك هدومك وراحت فتحت الدولاب جابت هدوم للجده وغيرت ليها هدومها وقعدتها على الكرسى وخرجت بيها من الشقه نزلت لاقت العربيه والسواق واقف تحت وبيقولها
السواق :- اتفضلى يا مدام داليا ادهم باشا قالى افضل معاكم لحد ما ارجعكم تانى البيت
داليا :- بصت للجده ورجعت بصت تانى لسواق وقالت ماشى ركبها العربيه وساعدته فى ركوب الجده وركبت جنبها وراح بيهم على فيلا مصطفى ونزلوا الاتنين من العربيه وزقت داليا الكرسى بالجده وراحت عند الباب ورنت الجرس وشويه وساندرا فتحت الباب واول ما شافت داليا والجده اترمت فى حضن الجده وقالت
ساندرا :- بدموع ماما واحشتنى اوى يا تيته البيت وحش اوى من غيرها
الجده :- طبطبت عليها وهى الدموع فى عينيها وقالت أهدى يا حبيبتى وادعيلها بالرحمه
ساندرا :- ربنا يرحمها يا تيته يارب بس فرقها صعب اوى علينا
داليا :- حبيبتى هى ربنا رحمها من العذاب والتعب اللى هى كانت حاسه بيه صعب علينا فرقها اه إنما هى مرتاحه كده
ساندرا :- مسحت دموعها وسلمت على داليا وقالت اتفضلوا طيب ادخلوا
داليا :- خدى انتى مديحه وانا هروح مشوار وراجعه كمان شويه
ساندرا :- ماشى واخدت الجده دخلتها وقفلت الباب وداليا مشيت
السواق :- مدام داليا مدام داليا
داليا :- وقفت وقالت ايوه
السواق :- اتفضلى حضرتك هوصلك مكان ما حضرتك رايحه
داليا :- ها ل.ل.لا خليك انت هنا وانا هروح بتاكسى
السواق :- مش هينفع يا فندم ادهم باشا اللى طلب منى كده مسيبش حضرتك لواحدك
داليا :- انا رايحه مشوار بسرعه وجايه ومش مستحقه انك تيجى توصلنى
السواق:- مش هينفع يا فن
داليا :- قطعته وقالت خلاص قولتلك خليك انت هنا ووقفت تاكسى ومشيت
السواق :- اخد تليفونه واتصل بأدهم وانتظر رده
ادهم :- ايوه عايز ايه
السواق :- مدام داليا حضرتك مشيت ورفضت تركب معايا اوصلها
ادهم :- انت غبى ازاى تسيبها تمشى لوحدها انا مش منبه عليك تخليك معاها
السواق :- والله حضرتك هى اللى مرضتش وسابتنى وركبت التاكسى
ادهم :- واحد غبى وقفل السكه فى وش السواق
السواق :- بص فى التليفون لاقه ادهم قفل السكه حطه فى جيبه ورجع تانى فى العربيه يستنا خروج الجده
~•~•~•~•~•~•~•~•~•~•~•~•~
فى فرنسا

فى المستشفى

كان محمد قاعد مع نهى وماسك ايديها وبيكلمها بدموع وقال

محمد :- نهى من امبارح بكلمك ومش بتردى عليا انا بحبك يا نهى انتى بقيتى شئ أساسى فى حياتى بلاش تروحى وتسبينى نهى ارجوكى ارجعيلى ارجوكى وفى الوقت ده الجهاز القلب اللى هى عليه صفر طلع يجرى ينادى الدكتور وبعد شويه الدكاتره جت ولاقه أن القلب وقف عند نهى الدكتور طلب من محمد يخرج بره وبدأوا يعملوا ليها إنعاش للقلب تانى وقربوا الجهاز من قلبها وسحبه بس القلب مستجبش والجهاز مازال بيصفر وبيعلن عن وقف قلبها جربوا تانى وتالت بس القلب مستجبش كل ده ومحمد متابع اللى بيحصل من بره ودموعه على خده الدكتور زود الكهربه فى الجهاز وقربه من قلبها تانى بس القلب مستجبش ومازال جهاز القلب بيصفر الدكاتره بصوا لبعض وكله هز راسه يمين وشمال أن هى رافضه ترجع تانى للحياة وقررو يجربوا اخر مره وقربوا الجهاز تانى ليها وسحب الجهاز مره واحده وفى الوقت ده جهاز القلب أعلن أنها رجعت للحياه من تانى كل الدكاتره بصت لبعض براحه وخرجوا من العنايه
محمد :- خير يا دكتور
الدكتور :- انها معجزه كانت رافضه العوده للحياه مره آخره ولكن استطاعنا أن نفعلها ونعيد قلبها الحياه مره اخره عن اذنك وسابه ومشى وفى الوقت ده جت عفاف وقالت
عفاف :- ايه ده فى ايه
محمد :- نهى قلبها وقف وقدروا يرجعوها تانى الحياه
عفاف :- والله طيب كويس
محمد :- انتى كنتى فين
عفاف :- ها ك.ك.كنت فى الفندق بغير هدومى واه فادى ومراته سألوه عليكم قولت ليهم انك اخد مراتك وسافرتوا بلد تانيه تكملوا فيها شهر العسل لواحدكم
محمد :- ماشى وسابها وطلع يجرى تانى على نهى ودخل قعد جنبها ومسك ايديها تانى وقال كده برضه يا نهى كنتى ناويه تمشى وتسبينى ليه يا نهى انا بحبك ومقدرش اعيش من غيرك
عفاف :- بصت عليهم من وراه الازاز وقالت انا عارفه انتى ليه ماسكه فى الدنيا اوى كده غورى فى داهيه بقى وريحنا من قرفك وراحت قعدت على الكرسى
~•~•~•~•~•~•~•~•~•~•~•~•~
عند فادى ورودينا

كانوا قاعدين فى اوضتهم وبيتفرجوا على التليفزيون

رودينا :- بقلق انا قلقانه اوى يا فادى على نهى اختفائهم المفاجئ ده مش مطمنى
فادى :- ما انتى سامعتى بودنك أخته وهى بتقول أنهم بيقضوا شهر العسل مع بعض فى بلد تانيه
رودينا :- وهو هيسافر ليه ويسيب أخته هنا
فادى :- تلاقيه سافر مخصوص بسبب أخته دى علشان مش عارف ياخد راحته منها ولا حاجه
رودينا :- لالالا مش مقتنعه بالكلام ده الصراحه وقلبى بيقول فيه حاجه غلط مش مطمن لكل اللى بيحصل ده
فادى :- يا حبيبتى بلاش تفكيرك ده هيكون عمل فيها ايه يعنى تلاقيهم دلوقتى عايشين حياتهم ومبسوطين ادعلهم ربنا يسعدهم يارب
رودينا :- بقلق ربنا يستر بقى
فادى :- بقولك ايه يا حبيبتى
رودينا :- نعم
فادى :- هو مش ده شهر عسل
رودينا :- ايوه
فادى :- فين العسل بقى
رودينا :- مش فاهمه
فادى :- يعنى طول الوقت شاغله بالك بنهى واللى بيحصل معاها انا عايزك وانتى معايا متفكريش فى اى حد نهائى تفكيرك يبقى معايا انا وبس
رودينا :- غصب عنى والله بالى مشغول على نهى اوى
فادى :- يا دين النبى يا بنتى بقولك متفكريش فى حد خااااالص
رودينا :- حاضر
فادى :- قرب من شفايفها وبسها وقال انا عايز شهر عسل محصلش يا رودى
رودينا :- حاضر
فادى :- هو ايه حاضر حاضر معندكيش اى كلمه تانيه غير حاضر
رودينا :- فيه ماشى
فادى :- والله طيب انتى لازم تتعقبى على لمضك دى وقرب منها ولسه هيبوسها
رودينا :- هههههههه هتعمل ايه يا مجنون
فادى :- هعقبك وقرب من شفايفها وبسها برقه وقال بس عقاب على طريقتى انا
رودينا :- بدلع فادى بس بقى
فادى :- بنفس صوتها فادى بس بقى ابس ايه بس وقرب منها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~
فى اسكندريه

فى فيلا ادهم

فى اوضت دينا

كانت قاعده بتتكلم مع تامر وهى دموعها على خدها وقالت

دينا :- بدموع لازم الحيوان ده يتعدم انا لو اطوله كنت قطعته بأسنانى المجرم ده قتل بابا وماما منه لله
تامر :- أهدى يا حبيبتى كده كده لسه مش بكره المحاكمه الاخيره لسه دى اول واحده يا دينا يعنى لسه المشوار طويل معاه فيه جرائم تانيه كتير عليه غير قتل ابوكى وامك
دينا :- انا اللى جننى ازاى قدروا يوصلوا لبابا وهو فى القسم عندكم
تامر :- التحريات أثبتت أن هو دفع فلوس لساعى بتاع البوفيه اللى فى القسم أن هو يحط ليه ماده مخدره فى القهوه والنوع ده بيخليه يتجه للانتحار من غير ما يشعر وبالفعل لما ابوكى شرب القهوه دى بدأت تشتغل عنده وربط حبل كان حطه ليه الساعى وانتحر علشان كده محدش حس ولا شك فى انتحار ابوكى ده على أنه جريمة قتل
دينا :-بدموع الحيوان الكلب الواطى
تامر :- أهدى يا حبيبتى وهو هياخد جزائه بالقانون
دينا :- بدموع هو السبب فى حرمنا منهم
تامر :- فى الاول والاخر ده عمر وانتهى يا حبيبتى
دينا :- بدموع ربنا يرحمهم
تامر :- ايوه كده ادعلهم بالرحمه هما فى اشد الحاجه لدعاء ده
دينا :- بدعلهم علطول والله
تامر :- انسى بقى ده احنا كلها كام يوم وهنكون مع بعض
دينا :- خلاص يا تامر مفيش حاجه بس لازم اقفل علشان اروح اصحى سندس علشان مدرستها
تامر :- ماشى يا قلبى صحيها وتعالى نكمل كلامنا انا مستنيكى باى
دينا :- حاضر باى وقفلت السكه مع تامر وقامت خرجت من اوضتها وراحت خبطت على باب اوضت سندس محدش رد عليها فتحت الباب ودخلت لاقتها نايمه على سريرها وبتعيط استغربت وراحت قعدت جنب سندس وقالت سندس مالك يا حبيبتى
سندس :- اترمت فى حضن دينا وقعدت تعيط
دينا :- شششش أهدى يا حبيبتى مالك بس
سندس :-بدموع الحيوان الواطى الحقير
دينا :- مين ده يا سندس
سندس :- و.و.وائل
دينا :- مين وائل ده
سندس :- واحد فى المدرسه اللى انا فيها
دينا :- عمل ايه
سندس :- عمل فيا حاجات بشعه
دينا :- بخوف وقلق عمل فيكى ايه انطقى ومؤمن كان فين ازاى سابك كده انا وافقت تروحى المدرسه دى علشان هو فيها وهيحميكى
سندس :- بصت ليها بدموع وقالت مؤمن مراحش المدرسه امبارح وطلب منى مروحش انا كمان علشان مبقاش لوحدى بس انا مسمعتش كلامه وروحت المدرسه وفى البريك الكلب الواطى معرفش حط ليا المخدر ازاى فى المايه من غير ما اعرف فؤقت لاقيت نفسى وانهارت ودموعها نزلت اكتر وجسمها كله ارتعش وكملت كلامها وقالت لاقيت نفسى فى مكان فى المدرسه مهجور وهدومى مش عليا والكلب الواطى ده قاعد وبيتفرج عليا وطلع مصورنى وانا كده يا دينا وبيهددنى ينزل الصور دى على النت
دينا :- بصدمه وعمل فيكى حاجه
سندس :- بدموع لاء هو صورنى وانا كده بس الواطى الزباله انا خايفه لو مؤمن شاف كده هيحملنى الذنب علشان مسمعتش كلامه واترمت فى حضن اختها بأنهيار وقعدت تعيط
دينا :- مش هى دى الزفت المشكله المشكله دلوقتى لو الصور دى وصلت لأخواتك زى ما حصل معايا زمان هتبقى مصيبتك سوده ادهم ممكن يقتلك فيها
سندس :- انا مش خايفه غير على مؤمن واللى هيعملوا لو عرف يا دينا مؤمن لو بعد عنى هموت مقدرش اعيش من غيره وفضلت تعيط
دينا:- مش قدمنا حل غير أننا نصبر ونشوف ايه اللى هيحصل أو نخلى تامر يحل لينا هو الموضوع
سندس :- لالالا بلاش حد يعرف يا دينا انا خايفه اوى
دينا :- يا ربى اتصرف ازاى بس وافتكرت الموقف ده لما حصل معاها زمان ضمت اختها اكتر ليها وقالت حاسه بيكى يا سندس انا اكتر واحده حاسه بيكى دلوقتى علشان فى يوم من الايام اتحطيت فى موقف زى ده بالظبط ربنا يستر بقى
وفى الوقت ده تليفونها رن برقم مؤمن
سندس :- اتخضت واتوترت وقالت ا.ا انا مش هرد عليه خدى انتى يا دينا ردى عليه وقوليله أن انا مش هروح المدرسه
دينا :- حاضر واخدت التليفون وردت على مؤمن وقالت صباح الخير يا مؤمن
مؤمن :- ايه ده صوتك بقى ناعم اوى كده ليه يا سندس
دينا :- انا دينا يا مؤمن
مؤمن :- اه ما انا قولت كده برضه مستحيل الصوت الرقيق ده يكون صوت سندس هى فين بقى
دينا :- ها س.س.سندس مش هتروح المدرسه النهارده
مؤمن :- بخضه ليه هى تعبانه ولا حاجه
دينا :- لالالا هى كويسه بس يعنى مش هتروح المدرسه
مؤمن :- طيب ايه السبب اوعى تكون تعبانه ومش عايزه تقولى
دينا :- هى تعبانه بس تعب عادى يعنى
مؤمن :- يعنى ايه تعبانه بس تعب عادى ده مرض جديد نزل ولا ايه
دينا :- يا ابنى افهم بقى
مؤمن:- احم ا ا اه ماشى الف سلامه عليها طيب هى فين عايز اكلمها
دينا :- ها تكلمها
سندس :- شاورت ليها تقوله أنها نايمه
دينا :- س.س سندس نايمه
مؤمن :- ماشى لما تصحه خليها تكلمنى
دينا :- ماشى يا مؤمن باى وقفلت السكه معاه وقالت يخربيت غباؤه بنى أدم
سندس :- انتى ازاى تقوليلوا كده
دينا :- اعمل ايه بيسأل كتير وملقتش. حاجه اقولها غير كده خوفت ليكشف أن فيه حاجه غلط مع أن أشك فى كده الصراحه لانه غبى اوى وبيفهم بصعوبه
سندس :- مش وقتك يا دينا بقى انا هموت من الخوف لو الصور دى ظهرت هكون اتفضحت وكمان مؤمن هيبعد عنى ويسيبنى
دينا :- اخدتها فى حضنها وقالت إن شاءالله ربنا هيستر وقعدت تطبطب عليها
~•~•~•~•~•~•~•~•~•~•~•~•~•
فى العياده

وصلت داليا عند الدكتور وطلعت اخدت نتايج التحاليل ودخلت عنده وقعدت على الكرسى قصاده وقالت

داليا :- اتفضل يا دكتور التحاليل اهى
الدكتور :- اخدها منها وقال كلها تمام هكتبلك على علاج هنمشى عليه طول فتره الحمل وكمان على شوية فيتامين ومثبت للحمل ممنوع اى علاقه فى أول تلات شهور هتنامى على ضهرك فى الشهور الاولى لحد ما يثبت الحمل فى بطنك اى مجهود ممنوع نهائى المشروبات السخنه ممنوع وان شاءالله اشوفك الشهر الجاى زى النهارده
داليا :- وقفت واخدت الروشته من أيده وقالت شكرآ يا دكتور وفى الوقت ده الباب اتفتح ودخل ادهم وهو متعصب اتصدمت داليا وقالت ادهم
الدكتور :- مين ده وازاى يدخل كده
السكرتيره :- والله يا دكتور دخل على هنا علطول ومعرفناش نوقفه
داليا :- ا.ا.اسفه يا دكتور ده جوزى
الدكتور :- بعصبيه وايه يعنى جوزك مش المفروض يستأذن الاول قبل ما يدخل
ادهم :- داس على أسنانه ومسك الدكتور من هدومه وقال انا ادخل فى اى وقت أحبه ولو مش عجبك اشرب من البحر وحسك عينك تتكلم معايا بالاسلوب ده تانى انت متعرفش مين ادهم الحناوى ولا ايه
الدكتور :- بخوف ا.ا اسف حضرتك اتفضل اقعد
ادهم :- سابه وبص ليه بغيظ وبعد كده بص لداليا وقال بتعملى ايه هنا يا هانم
الدكتور :- المدام حامل وكنت بكتب ليها العلاج اللى هتمشى عليه
ادهم :- بصدمه حامل
داليا :- بصت لدكتور وبصت لادهم بدموع وخرجت تجرى من العياده
الدكتور :- ايوه المدام حامل بس الحمل ضعيف جدآ عندها ومحتاجه رعايه خاصه واهتمام الفتره دى
ادهم :- بص لدكتور وخرج يجرى من عنده وراه داليا ونزل لاقها لسه بتوقف تاكسى راح شدها من دراعها قبل ما تركب التاكسى واخدها فى حضنه جامد
داليا :- حاولت تبعده عنها بس معرفتش قالت ابعد عنى يا ادهم
ادهم :- وهو حضنها قال مش مصدق نفسى انا هبقى اب يعنى انتى جوه منك حته منى
داليا :- بدموع زقته وقالت ابعد عنى ملكش دعوه باللى فى بطنى ده ابنى انا بس فاهم
ادهم :- لاء يا داليا ده ابنك وابنى ابننا احنا الاتنين وعمرى ما هبعده عنى انا هخليه احسن واحد فى الدنيا دى بحالها انا هخليه مش عايز حاجه هجبله كل اللى بيتمناه
داليا :- لاء يا ادهم ملكش دعوه بأبنى ابعد عننا وانسانى كفايه بقى اللى حصل فيا منك مش هسمح ليك تعمل مع ابنى زى ما بتعمل فيا كفايه بقى انا تعبت
ادهم :- اتعصب وبص نظره ناريه لداليا وقال مش هسمح ليكى تربى ابنى بعيد عنى مش هخليه يعيش اللى انا عيشته يا داليا ابنى هيتربى معايا ومعاكى مستحيل اخليه يحس ويشوف اللى انا شوفته وراح مسك ايد داليا وقال داليا تعالى ننسا اللى فات ونبدء صفحه جديده صفحه مفيهاش مشاكل ولا كره انا عايز ابنى يجى الدنيا يلاقيها صافيه ومفيهاش حاجه وحشه عايز ابنى يتولد فى جو اسرى نضيف مفهوش كره ولا حقد من حد لتانى داليا ربنا بعت ليا اللى فى بطنك ده علشان يعوضنى عن حاجات كتير اوى شوفتها بلاش تضيعى املى الوحيد فى الدنيا
داليا :- بصت ليه بدموع وقالت وانا يا ادهم فين من حياتك من يوم ما دخلت حياتك وانا بديل لكل حاجه بديل لتعب بديل لوجع بديل لحضن بديل لاشتياق علطول انا فى حياتك بديل امته هكون أساسى فى حياتك يا ادهم امته
ادهم :- انسى اللى فات يا داليا
داليا :- حتى دلوقتى عايزنى انسا اللى فات مش علشانى لاء علشان اللى فى بطنى يعنى برضه انا بديل لحاجه طلقنى يا ادهم ارجوك وسيبنى اربى لحالى يمكن يكون ده عوض ربنا ليا عن اللى استحملته منك
ادهم :- غمض عينه وقال بوجع ارجوكى بلاش تسيبينى زى اللى سابونى قبل كده يا داليا
داليا :- بوجع حرام عليك بلاش تصعبها عليا اكتر من كده انا هروح عند بابا وياريت ياريت يا ادهم تطلقنى المرادى بجد ووقفت تاكسى ومشيت وسابته
ادهم :- بص عليها وهى ماشيه فى التاكسى بوجع وركب عربيته ومشى بيها راح عند فيلا مصطفى نزل من عربيته ووقف قصاد الباب بتردد ومد أيده على الجرس رنه واتفتح الباب و............
*********************
إلي هنا ينتهي الفصل السادس و الستون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة