U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل السبعون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل السبعون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل السبعون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل السبعون

بعد مرور أكثر من شهر على ابطالنا بدون احداث تذكر

ادهم وداليا

مابين عنادهم وكبريائهم ادهم بينزل الشركه وبيرجع الفيلا متأخر
داليا بتنزل الجريده بس بتحاول متعملش مجهود علشان الحمل وبتتعذب من بعدها عن ادهم

ميرفت حمزه

عايشين اسعد ايام حياتهم فى حب وسعاده بينزل الشغل ويرجع بسرعه علشان يقضى اكتر وقت ممكن مع ميرفت
وميرفت بتعمل كل حاجه فى البيت ومريحه سعيد ومش بتخليه يعمل حاجه

أكرم وفاطمه

مازل الجنان ما بينهم لكن حبهم بيزيد كل يوم اكتر من اليوم اللى قابله
أكرم بينزل الشغل كل يوم وبيرجع بليل يقضيه مع فاطمه فى الاوضه ما بين الهزار والضحك والرومانسيه
فاطمه بتقضى يومها مابين السرير وقاعدها مع وفاء ومنير وبليل فى حضن أكرم

ممدوح وايه

خلصوا شهر العسل وسافروا تونس مع بعض وعاشت فى الفيلا بتاعتهم اللى هناك وبينزل ممدوح الشغل وبيرجع بليل متأخر والجنان لسه شغال معاهم وايه كالعاده مش بتبطل اكل وممدوح لسه كل ده بيحاول يدور على ايه الكيوت بس مش قادر يلاقى قدامه غير جعفر

علاء ومنتهى

عايشين اسعد ايام حياتهم بدء علاء ينزل الشغل فى شركة ادهم من اول وجديد ونزلت منتهى الجريده من تانى بينزلوا مع بعض الصبح ويرجعوا مع بعض بليل

سندس ومؤمن

بدأت كل حاجه تمشى طبيعيه ما بينهم وبدأت سندس تنزل المدرسه وبياخدها مؤمن كل يوم من باب الفيلا الصبح ويرجع يوصلها تانى بعد المدرسه البيت
وائل :- تامر خلاه مسح الصور ومضى على نفسه تعهد بعدم التعرض ليهم وخرجوا علشان مستقبله ومش بيتعرض ليهم نهائى

فادى ورودينا ونهى ومحمد

مش بيسيبوا نهى لحظه واحده وقدموا شكوه فى محمد فى السفاره وقدموا التقارير بتاعة المستشفى واطلقت من محمد ورجعوا التلاته لمصر تانى
نهى :- طلعت النتائج انها مش حامل وأنها لعبه من عفاف علشان تثبت برأة اخوها ودموعها كانت مش بتوقف من عينيها لحظه واحده رودينا مش بتسيبها ولا ثانيه
محمد :- خرج من الحبس بشهادات تثبت انه غير مؤهل نفسيآ واختفى فتره ومحدش عارف هو فين
عفاف :- رجعت تانى مصر ورجعت تعيش فى الفيلا تانى

مصطفى وادهم

بدأت العلاقات ما بينهم تتحسن ودايمآ ادهم بيزور اخواته ويطمن عليهم وبياخد معاه مديحه تقضى اليوم معاهم ويرجع يخدها اخر اليوم وهو راجع من الشركه وكان مصطفى فرحان جدآ بمسامحة ادهم ليه وكان بيتمنى تكون ماجده موجوده معاهم علشان تفرح برجوع ابنهم ليهم

تامر ودينا

جهزوا كل حاجه للفرح والنهارده يوم فرحهم تامر مش قادر يصدق نفسه أن اخيرآ خلاص دينا هتكون معاه وفى حضنه
دينا كانت حاسه ان فرحتها نقصه علشان امها و ابوها مش موجودين بس اللى كان مصبرها وجود تامر واخواتها جنبها
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء دينا بفتح عيونها على صوت تليفونها مدت ايديها اخدته وبصت فيه لاقته تامر اتنهدت بتوتر وردت عليه

دينا:- ص.ص.صباح الخير
تامر :- احلى صباح ده ولا ايه لسه كل ده نايمه يا عروسه
دينا :- احم خ.خ.خلاص صحيت اهو
تامر :- ايوه كده صحصحى وفوقى ده احنا ورانا فرح وسهر طول الليل وضحك ولعب وشقاوة وحاجات كده فوق بعض
دينا :- تامر ب.ب بس قلة ادب احترم نفسك
تامر :- الله مش هتبقى مراتى اااااه ده انا بصى مش هتكلم هخليكى تشوفى بعينيكى
دينا :- تامر
تامر :- قلب تامر من جوه
دينا :- لااااا حالتك صعبه اوى الصراحه
تامر :- اوى اوى والله
دينا :- ربنا يشفى
تامر :- ما هو هيشفى بس بليل الشفا على ايدك انت يا قمر
دينا :- والله العظيم انت النهارده ما طبيعى
تامر :- يعنى واحد هيكون فى حضنه بليل حب عمره كله عايزه حالته تبقى ازاى بس ده طبيعى يا قلبى
دينا :- ربنا يشفى باى
تامر :- دينا
دينا :- نعم
تامر :- بحبك ومنتظر بليل بفارغ الصبر باى يا عمرى الجاى كله
دينا :- بحب باى وقفلت السكه وحضنة التليفون وقالت وانت احلى حاجه فى دنيتى يا تامر واتنهدت بحب وقامت دخلت الحمام اخدت شاور واتوضت وخرجت لبست هدومها وأدت فرضها وفى الوقت ده سمعت صوت خبط على باب اوضتها راحت فتحت لاقتها داليا حضنتها بفرحه وقال داليا انا مش مصدقه نفسى انك جيتى
داليا :- وانا اقدر برضه مبقاش معاكى فى يوم زى ده وبعدين انتى اختى وتامر اخويه يعنى الفرح يخصنى من الاتجاهين
دينا :- بس ازاى يعنى
داليا :- ازاى ايه مش فاهمه
دينا :- جيتى يعنى وادهم وكده
داليا :- ااااه لاء ما انا عملت حسابى وظبط مع سندس تبلغنى بخروج اخوكى من الفيلا واول ما قالت ليا أنه خرج جيت ليكى علطول
دينا :- لاء ناصحه
داليا :- هههههههه طول عمرى
دينا :- واخرتها يا داليا
داليا :- آخرة ايه
دينا :- بعدك انتى وادهم عن بعض كده
داليا :- اتنهدت بوجع ودخلت قعدت على السرير وقالت يعنى انا عجبنى الوضع اوى يا دينا بس عايزانى اعمل ايه اروح اترجه فيه واقوله ارجوك رجعنى انا بحاول اقلم نفسى على عدم وجوده فى حياتى وبشتغل على قد ما اقدر علشان مبقاش لوحدى وافكر فيه اخوكى ميستهلش وجودى فى حياته ده واحد متكبر ومغرور وشايف نفسه على مخاليق ربنا
دينا :- قعدت جنبها وطبطبت عليها وقالت معلش يا حبيبتى ربنا يصلح الحال بينكم
داليا :- وقفت وقالت مبقاش يفرق كتير صدقينى يلا هروح اسلم على مديحه واجيلك
دينا :- ماشى يا حبيبتى
داليا :- خرجت وراحت اوضة مديحه
دينا :- بصت على داليا وهى خارجه بوجع وقالت ربنا يهديك عليها يا ادهم يارب
داليا :- خبطت على باب اوضت مديحه ودخلت وقالت توحه روح قلبى واحشتينى
الجدة :- داليا يا بنتى عامله ايه وحضنتها
داليا :- باست راسها وقالت انا الحمدالله انتى عامله ايه توحه
الجدة :- كويسه يا بنتى مش ناويه بقى ربنا يهديكى وترجعى لبيتك و لجوزك
داليا :- يا مديحه هرجع ازاى بس
الجدة :- طيب ما انا جيت ليكى وانتى اللى مرضتيش ترجعى معايا
داليا :- قولتلك لو هو عايزينى ينزل شويه من كبرياءه ده ويجى يخدنى مش يبعتك ليا
الجدة :- وانا وهو ايه واحد يا بنتى
داليا :- لاء مش واحد يا مديحه هو مين اللى زعلنى انتى ولا هو
الجدة :- هو
داليا :-يبقى هو اللى يجى يتأسف ويظهر ليا ندمه كمان
الجدة :- انتو الاتنين دماغكم انشف من بعض وعايزه تكسرها
داليا :- سيبك مننا المهم انتى عامله ايه مرتاحه هنا
الجدة :- اى مكان فيه ابن بنتى هكون مرتاحه فيه وسندس ودينا الاول مكانش حد فيهم واخد عليا بس دلوقتى يوميآ يصبحوا عليا وبيقعدوا معايا
داليا :- انتى اصلا عسل يا توحه بتدخلى علطول القلب ومن غير استأذان
الجدة :- يا بت يا بكاشه
داليا :- والله ما بكش انا فعلا بعشقك يا توحه
الجدة :- وانا موت فيكى يا قلب توحه قوليلى بقى الحمل عامل معاكى ايه
داليا :- اهو هو متعب شويه والترجيع وقلة الاكل حاجه صعبه بس الحمدالله كله يهون قصاد ما يكون عندى حته منه
الجدة :- ربنا يكملك على خير يا حبيبتى
داليا :- الصراحه بابا وميرفت مش سيبنى ولا لحظه واى حاجه اتوحم عليها اخويه حمزه بيجبها ليا علطول
الجدة :- ربنا يخليهم ليكى يا بنتى ويصلح حالك وترجعى بيت جوزك
داليا :- تاااااانى يا مديحه ووقفت وقالت هروح بقى اشوف العروسه اكيد النهارده وراها حاجات كتير اخلصها معاها بسرعه وامشى قبل ما الراجل الغامض يرجع الفيلا وبستها فى خدها وخرجت
الجدة :- ربنا يهديك يا ادهم وتعرف ترجعها بقى
~•~•~•~•~•~•~•~•~•~•~•~•~•
فى فيلا أكرم

صحيت فاطمه من نومها على صوت تليفون أكرم خبطت على كتفه وقالت

فاطمه :- أكرم قوم شوف مين بيرن أكرم يا اكرم قوم بقى
أكرم :- امممم
فاطمه :- تليفونك بيرن بقولك
أكرم :- قام قعد ومسك التليفون وبص فيه وقال دى البت ايه
فاطمه :- قامت قعدت بسرعه وقالت بفرحه طيب افتح يلا
أكرم :- رد وقال ايوش قلب اخوكى عامله ايه يا بت
ايه :- كرومتى واحشتنى انا الحمدالله يا حبيبى
أكرم :- وجوزك عامل معاكى ايه
ايه :- ممدوح طيب وبيحبنى ومش بيرضا يزعلنى أبدآ
أكرم :- لو عملك حاجه قوليلى وانا هاجى ليكى فى أول طياره
ايه :- حاضر يا حبيبى ربنا يخليك ليا وميحرمنيش منك أبدآ يارب ماما وبابا عاملين ايه واحشنى اوى
أكرم :- كويسين يا حبيبتى
ايه :- سلملى عليهم بالله عليك
أكرم :- حاضر يا حبيبتى
ايه :- فين البت طمطم واحشنى جنانها اوى
اكرم :- لاء ده انتى تحمدى ربنا انك اتجوزتى وبعدى عنها ده الجنان زاد اوى عندها اليومين دول
فاطمه :- ضربته فى كتفه وقالت والله طيب هات بقى وشدت منه التليفون وقالت يوكا يا روحى عامله ايه
ايه :- كويسه يا قلبى حزومبل عامل ايه
فاطمه :- حزومبل متعب شبه ابوه
أكرم :- والله! ده انا اللى متعب صح؟
فاطمه :- المهم الولا مندوح عامل ايه الجزمه واحشنى ومش بيسأل فيا من يوم ما اتجوز
أكرم :- بصوت واطى كتك نيله عليه
فاطمه :- حطت ايديها على السماعه وقالت بصوت واطى سمعتك اتلم يا اكرم
أكرم :- شوح بأيده ليها وقام دخل الحمام
فاطمه :- معلش يا يويو كنت بعمل حاجه
ايه :- ولا يهمك
فاطمه :- الولا توحه عامل معاكى ايه
ايه :- كويس
فاطمه :- مالك
ايه :- مفيش
فاطمه :- امال هو فين
ايه :- فى الشغل بينزل بدرى وبيرجع متأخر
فاطمه :- معلش يا حبيبتى ده اكل عيشه
ايه :- عارفه والله ومقدره ده بس انا فى بلد غريبه ومعرفش حد هنا خالص طول النهار قاعده ما بين أربع حيطان لما خلاص هطق من جنابى
فاطمه :- معلش يا ايوش اكيد هو برضه نفسه يقضى وقته كله معاكى لما يرجع بليل خليه يكلمنى
ايه :- بقولك بيرجع متأخر
فاطمه :- مش مهم خليه يتصل بيا برضه
ايه:- حاضر يلا هسيبك بقى تشوفى جوزك خلى بالك على ماما وبابا يا فاطمه وبلغيهم سلامى
فاطمه :- فى عينيا متخافيش خدى بالك انتى من نفسك يا حبيبتى باى وقفلت السكه مع ايه وفى الوقت ده خرج أكرم
أكرم :- خلصتوا لك على الصبح
فاطمه :- ايوه خلصنا
أكرم :- قالت ليكى حاجه
فاطمه :- حاجة ايه
أكرم :- ان الولا ده مزعلها ولا حاجه
فاطمه :- اولا اسمه ممدوح مش ولا ثانيآ ممدوح طيب اوى مش بيعرف يزعل حد انا مش عارفه انت بتكرهوا اوى كده ليه
أكرم :- بنى أدم ثقيل كده وغلس ومش بينزلى من زور
فاطمه :- بزعل ممدوح مش ثقيل ولا غلس ممدوح دمه خفيف وبيحب الهزار وعمره ما كره حد ولا قال كلمه تزعل حد بيحترم الصغير قبل الكبير
أكرم :- اه ما هو علشان اخوكى ووقف يسرح شعره قصاد المرايا
فاطمه :- اكرم انا بزعل عليه لو بتحبنى بجد بلاش تغلط فيه هو عمره ما جاب سيرتك بحاجه وحشه
أكرم :- بص عليها لاقها زعلانه اتنهد وراح عندها وقال انا اسف يا طمطم متزعليش وبعد كده يا ستى مش هجيب سيرته لا بالخير ولا بالشر
فاطمه :- يا اكرم انا عايزاك تحبه ممدوح بجد راجل جدع والله
أكرم :- حاضر مش زعلانه منى خلاص
فاطمه :- لاء ولسه هتمشى
أكرم :- شدها فى حضنه وقال طيب ما تجيبى بوسه
فاطمه :- لاء واوعى كده بقى
أكرم :- قربها اكتر ليه وقرب من شفايفها وبسها بوسه طويله وبعد وقت بعد عنها وقال واحشتينى اوى يا فاطمه امته بقى يخلصوا الشهور الاولى دى
فاطمه :- حطت راسها على كتفه وقالت لسه شهر يا حبيبى
أكرم :- باس راسها وضمها اكتر فى حضنه وقال يارب يخلص بسرعه بقى احسن انا خلاص مبقتش قادر على بعدك ده اكتر من كده
فاطمه :- رفعت راسها ليه وقالت بدلع اكرم انا بحبك اوى
أكرم :- ابتسم ليها ولعب بصوابعه فى مناخيرها وقال بلاش شقاوة ودلع على الصبح كده
فاطمه :- ضحكة بدلع وقالت برضه بحبك
أكرم:- ضمها فى حضنه وقال وانا بعشقك يا طمطم انتى القمر اللى منور سمايا فى عز لياليا
وبعد عنها وقال لازم انزل الشغل بقى
فاطمه :- متتأخرش بقى علشان فرح دينا بليل
أكرم:- لاء أن شاءالله هاجى بدرى وبسها فى خدها وسابها ومشى
فاطمه :- دخلت الحمام اخدت شاور واتوضت وخرجت لبست هدومها وأدت فرضها ونزلت تبص على وفاء
~•~•~•~•~•~•~•~•~•~•~•~•~•
فى بيت فادى

صحيت رودينا من نومها وهى حاسه بتعب خبطت على كتف فادى وقالت

رودينا :- فادى يا فادى
فادى :- اممم ايوه يا قلبى
رودينا :- تعبانه اوى
فادى :- فتح عينه بخضه وقال مالك يا قلبى سلامتك
رودينا :- حاسه نفسى دايخه ومعدتى وجعانى اوى
فادى :- طيب اتصل بالدكتور يجى يطمنى عليكى
رودينا :- لاء مش لازم دكتور انا شويه كده وهبقى كويسه وقامت واقفت علشان تدخل الحمام داخت واغمى عليها
فادى :- قام بسرعه يجرى عليها وشالها حطها على السرير وخبط على وشها وقال رودى رودينا ردى عليا يا حبيبتى ومسك تليفونه وطلب الدكتور وشويه وجه الدكتور وخرج فادى فتح ليه ودخل يكشف على رودينا
نهى :- خرجت من اوضتها بخضه وقالت فادى فيه ايه
فادى :- رودينا تعبت واغمى عليها ومعرفش مالها الدكتور عندها جوه
نهى :- بخوف يارب استر وبعد شويه الدكتور فتح الباب وخرج
فادى :- خير يا دكتور
الدكتور :- مبروك يا استاذ فادى المدام حامل
فادى :- بفرحه حامل رودينا حامل ش.ش.شكرآ يا دكتور ودفع ليه الفلوس ووصله عند الباب ورجع
نهى :- مبروك يا فادى
فادى :- الله يبارك فيكى يا نهى ودخل يجرى عند رودينا بفرحه وقال مبروك يا قلبى هتبقى مامى زى القمر
رودينا:- انا فرحانه اوى يا فادى
فادى :- وانا طاير من الفرحه
رودينا :- فين نهى عرفت
فادى :- اه عرفت وواقفه بره
رودينا :- طيب ما تخليها تدخل يا فادى
فادى :- معرفش مدخلتش ليه وراح نده عليها وقال تعالى يا نهى مدخلتيش ليه
نهى :- احم ا.ا.انا قولت اسيبكم تحتفلوا بالخبر ده مع بعض براحتكم
رودينا :- انتى عبيطه يا بت وخبر زى ده مش مفرحك
نهى :- حضنتها وقالت مبروك يا قلبى ده انا هموت من الفرحه والله العظيم
رودينا :- هتبقى خالتو يا بت وانا هبقى مامى مش مصدقه نفسى
نهى :- هههههههه براحه على نفسك طيب يا مجنونه
فادى :- من هنا ورايح متتحركيش من على السرير نهائى فاهمه
رودينا :- والله وانت عايزنى اقعد التسع شهور كده لاء انا ازهق
نهى :- سيبها عليا دى انا هربطها فى السرير وافتكرت بالكلمه دى اللى كان بيحصلها من محمد حبست دموعها فى عينيها وقالت عن اذنكم وخرجت وسابتهم دخلت تجرى على اوضتها وحدفت نفسها على السرير وقعدت تعيط
رودينا :- صعبت عليها نهى قالت احنا المفروض كنا نراعى مشاعرها اوعى كده اروح ليها
فادى :- واحنا قولنا ايه هى اللى قالت الكلمه ووجعتها
رودينا :- معرفش بقى انا رايحه ليها وسابته وراحت خبطت على الباب وفتحته وقالت ممكن ادخل
نهى :- مسحت دموعها بسرعه وقالت ايه قومك من على السرير بس
رودينا :- انتى يا نونه مالك بس
نهى :- انا كويسه يا قلبى انا قولت بس اسيبكم براحتكم
رودينا :- عليا انا برضه يا بت انا بفهمك اكتر من نفسك
نهى :- روحى يا قلبى افرحى انتى وجوزك ربنا يكملك على خير يارب
رودينا :- قعدت جنبها وشدتها فى حضنها وقالت نهى انتى اختى اللى ربنا بعتها ليا وبفرح لفرحك وبزعل لزعلك وفرحتى عمرها ما هتكمل وانتى حابسه الدموع فى عينك كده
نهى :- بصت ليها ومره واحده دموعها نزلت منها وقالت مكنتش عايزه اعكنن عليكى فى يوم زى ده غصب عنى لما بفتكر اللى حصل فيا منه قلبى بيوجعنى والدموع بتنزل من عينى غصب عنى واترمت فى حضن رودينا وقعدت تعيط
رودينا :- حاولى تنسى يا نهى علشان تقدرى تكملى حياتك وتعيشى اعتبرى محمد ده كانت صفحه قديمه وقطعتيها من حياتك وأحمدى ربنا انك مطلعتيش منه بعيل ولا حاجه ابدئي حياتك بصفحه جديده بشخصيات جديده وبكره ربنا يبعت ليكى ابن الحلال اللى يسعدك ويعوضك عن اللى شوفتيه فى حياتك
نهى :- لالالا مش عايزه حد يدخل حياتى تانى انا هعيش لوحدى مش عايزه اتوجع تانى يا رودينا مش هستحمل وجع تانى والله
رودينا :- طبطبت عليها وقالت مش كل الناس وحشه زى ما فيه وحش فيه كويس واكيد ربنا شايل ليكى الخير كله هيكافئك بيه
نهى :- بعدت عنها ومسحت دموعها وقالت سيبك منى دلوقتى اهم حاجه حافظى على اللى فى بطنك ده بلاش حركه كتير نامى على ضهرك وانا هعملك كل اللى انتى عايزاه
رودينا :- حضنتها وقالت ربنا ميحرمنيش منك يارب
نهى :- ولا منك يا قلبى
فادى :- خبط على الباب وقال طيب ممكن تيجوا بقى تأكلونى علشان اتأخرت على الشغل بسببكم
رودينا :- بصت لنهى وضحكوا الاتنين
وقامت نهى وقفت وقالت
نهى :- روحى انتى ريحى يا رودى وانا هحضر ليكم الفطار
رودينا :- لاء هنحضره سوا امشى يلا قدامى وخرجوا الاتنين من الاوضه وراحوا على المطبخ يحضروا الفطار
~•~•~•~•~•~•~•~•~•~•~•~•~•
فى شركة ادهم

وصل اكرم الشركه ودخل على مكتب ادهم وقال

أكرم :- صباح الفل يا صاحبى
ادهم :- صباح النور يا اكرم
أكرم :- عامل ايه يا ادهم
ادهم :- اهو عايش مالك النهارده قول الكلمتين اللى عندك بدل ما انت عمال تسأل كتير كده
أكرم :- مش ناوى تحن على البت الغلبانه دى وترجعها بقى
ادهم :- تقصد مين
أكرم :- ادهم متستعبطش انت عارف اقصد مين
ادهم :- ربنا يسهل
أكرم :- ما هو هيسهل ان شاءالله بس انوى انت بس.
ادهم :- هى اللى رفضت ترجع يا اكرم مديحه راحت ليها ترجعها وهى مرضتش
أكرم :- انت ناوى تشلنى صح يعنى انت مطلع عين البت من يوم ما عرفتك ويوم ما تحب تصلح الأمور تبعت ليها جدتك
ادهم :- هى لو بتحبنى بجد كانت اتنازلت عن. عنادها ورجعت مع مديحه
أكرم :- طيب ما لو انت بتحبها بجد كنت اتنازلت شويه عن كبريائك وروحت صالحتها بنفسك
ادهم :- انت مع مين بالظبط
أكرم :- مع الحق يا ادهم والحق يتقال انك ظالم معاك داليا اوى
ادهم :- انا مظلمتش حد يا اكرم هى اللى عناديه ودماغها نشفه
أكرم :- يا راجل ده على اساس انك انت ماشاءالله مطيع وبتسمع الكلام الصبر من عندك يارب
ادهم :- أكرم روح شوف شغلك
أكرم :- ما انا هروح اشوف شغلى بدل ما اتشل منك وانا قاعد معاك ووقف ومشى لحد الباب وقال اه صحيح اللى انت كنت طالبه منى خلص خلاص
ادهم :- تمام خليه بعدين
أكرم :- بعدين ازاى بس وانت زعلان معاها
ادهم :- اكررررررم
أكرم :- ماشى ماشى وخرج من الباب راح على مكتبه
ادهم :- رجع لوراه وبص لفوق وقال لما نشوف اخرت عنادك ايه يا داليا
~•~•~•~•~•~•~•~•~•~•~•~•~•
فى بيت علاء

فتح عيونه وبص على منتهى وهى نايمه فى حضنه ومشى أيده على شعرها وبسها فى خدها وقال

علاء :- توته قلبى اصحى يلا
منتهى :- فتحت عينيها وابتسمت بحب وقالت صباح النور يا قلبى
علاء :- صباح الورد والفل والياسمين على احلى عيون حلوين
منتهى :- قامت قعدت وقالت كمان بقيت شاعر
علاء :- على ايدك بقيت كل حاجه انتى بتحبيها وبتحليلك دنيتك
منتهى :- حطت راسها على كتفه وقالت انا حاسه ان انا بحلم من كتر السعاده اللى شايفها معاك
علاء :-باس راسها وقال لاء يا قلبى حقيقه وربنا يقدرنى واقدر اسعدك علطول
منتهى :- عارف يا علاء الصراحه يعنى كنت متوقعه انك مش كده خالص
علاء :-بأستغراب كده ايه
منتهى :- رومانسى وحنين اوى كده كنت مفكراك شخصيتك زى ادهم تقيل ورخم
علاء :- هههههههه لمى لسانك متغلطيش فى حد
منتهى :- لاء بجد ادهم ده رخم اوى كفايه اللى عامله فى داليا والله بتصعب عليا اوى
علاء :- ملناش دعوه يا توته دى حياتهم وهما حرين فيها منتكلمش على حد
منتهى :- بس ي
علاء :- قطعها وقال منتهى خلاص كده حرام
منتهى :- بزعل طفولى حاضر ولسه هتقوم
علاء :- شدها تانى فى حضنه وقال مش عايزك تزعلى منى يا روحى بس انا خايف عليكى والله كلامك ده بتاخدى عليه ذنوب واحنا فى عرض حسنه واحده ورضا ربنا علينا
منتهى :- حاضر خلاص مش هتكلم على حد تانى
علاء :- بقولك ايه
منتهى :- ايه
علاء :- لسه شويه على الشغل ماتيجى وقرب منها
منتهى :- بعدته عنها وقالت هتعمل ايه
علاء :- هقولك اصل انا عايزك فى موضوع خطير وقرب منها تانى
نهى :- بعدته عنها وقالت بس يا علاء بقى هنتأخر على الشغل كده
علاء :- مش هنتأخر يا بت تعالى بقى
منتهى :- وقفت وطلعت تجرى وقالت لاء مش هيحصل اتلم على الصبح بقى وخلينا نجهز لشغل
علاء :- وقف وقال انتى بتجرى منى طييييب ماشى وطلع يجرى وراها
منتهى :- هههههه مش هتعرف تمسكنى وطلعت تجرى بعيد عنه
علاء :- هههههه بتهربى منى يا توته تعالى عندى احسنلك
منتهى :- تؤ تؤ مش جايه
علاء :- نط على. السرير وراح عندها ومسكها وقال هتهربى منى فين بس
منتهى :- ههههه لالالا اوعى يا علاء اوعى بقى الله
علاء :- شالها حطها على السرير وقرب من شفايفها وقال قولتلك مش هتعرفى تهربى منى وبسها برقه وقال بعشقك يا توته وقرب منها تانى وبسها و (سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•
فى بيت سعيد

صحى مؤمن على صوت تليفونه مد أيده اخده وبص لاقها سندس بص على ابوه اللى نايم جنبه وقام براحه وفتح الباب وخرج وقفل وراه الباب وراح البلكونه وطلب رقم سندس وانتظر ردها

سندس :- مردتش عليا ليه
مؤمن :- طيب الاول قولى صباح الخير
سندس :- صباح الخير ها قول بقى مردتش عليا ليه
مؤمن :- على ما خرجت من الاوضه للبلكونه كانت الرنه خلصت بس هى دى كل الحكايه واتصلت بيكى اهو بكلمك
سندس :- ماشى انت شكلك كنت لسه نايم
مؤمن :- الصراحه اه صحيت على صوت الفون وانتى بترنى
سندس :- انت كسول اوى
مؤمن :- بس رنتك بتدينى البور والنشاط الواحد بيقوم فايق اوى
سندس :- والله
مؤمن :- وحياتك عندى
سندس :- احم ا.ا.انت هتيجى الفرح بليل صح
مؤمن :- اكيد مدام انتى فيه يبقى راشق علطول فيه وش
سندس :- اشطا هستناك بليل
مؤمن :- انتى مش رايحه المدرسه النهارده
سندس :- لاء النهارده هروح المدرسه ازاى وفرح دينا بليل ركز يا مؤمن بلاش الغباوه دى الله يكرمك
مؤمن :- لمى لسانك يا حبيبتى علشان مقطعهوش ليكى
سندس :- حبك برص ايه حبيبتى دى
مؤمن :- بحب ماانتى حبيبتى وعمرى ودنيتى كلها وفى الوقت حمزه مسكه من قفاه وقال
حمزه :- مين دى اللى حبيبتك وعمرك ودنيتك كلها ها انطق
مؤمن :- بغيظ فيه ايه يا عم خضتنى ده انت قطعت ليا الخلف
حمزه :- شويه من اللى انت بتعملوا فينا
سندس :- عماله تضحك فى التليفون
مؤمن :- سندس اقفلى دلوقتى وقفل معاها وبص لحمزه وقال ارتحت كده
حمزه :- ساب قفاه وقال سندس اااااه
مؤمن :- حمزه رجع شخصيتك القديمه دى تانى كنت جد ومش قارفنا بهيافتك دى
حمزه :- وحياة امك
مؤمن :- وحياة خالتك
حمزه :- بقى انت يا اهبل بتحب
مؤمن :-بزعل اهبل ليه شيفنى ماشى فى الشارع والعيال بتحطفنى بالطوب
حمزه :-قرصه فى خدوده وقال انتى زعلتى يا بيضه طلع عندك دم وبتعرف تزعل اهو
مؤمن :- اكتر من كده وبيزيح ربنا الجواز هطلك يا اخويه والله وسابه ومشى ورجع ليه تانى وقال بلاش بوس المطبخ ده احسن الاكل بيطلع ماسخ ملهوش طعم وسابه ومشى تانى
حمزه :- بغيظ يا ابن ال ودخل اوضه
ميرفت :- هههههه حرام عليك اللى عملتوا فى مؤمن ده
حمزه :- انتى سامعتى
ميرفت :- اه صوتكم كان عالى انت مشكله يا قلبى
حمزه :- حط أيده على بطن ميرفت وقال سامعه يا جوجو ماما بتقول على بابا ايه بتقول عليه مشكله
ميرفت :- بحب احلى واجمل مشكله فى حياتى
حمزه :- لاء خلاص متسمعيش يا جوجو حاجه ظلمنا ماما ههههه
ميرفت :- طول عمرك ظالم
حمزه :- بس بحبك
ميرفت :- وانا بعشقك
حمزه :- قرب منها وقال ده شكله كده هيكون صباح زى الفل ولسه هيبوسها
ميرفت :- زقته وقالت ااااه
حمزه :- بخضه مالك يا قلبى
ميرفت :- بنت الكلب ضربتنى
حمزه:- الله وانا مالى بس بتشتمينى انا ليه
ميرفت :- قربت منه وقالت حقك عليا وبسته بوسه خفيفه على شفايفه
حمزه :- لاء ما الشفايف العسل دول مش بيعرفوا يغلطوا أبدآ وقرب منها ولسه هيبوسها
مؤمن :- خبط على الباب وقال حمزه ميزو ابو المزاميز بيقولك بابا يلا علشان حضر الفطار سيب اى حاجه فى ايدك واطلع يلا هههههههه
حمزه :- يلعن ابو غضتك يا شيخ
ميرفت :- ههههه الصراحه ليا حق بعد اللى انت عملتوا فيه من شويه
حمزه :- كسر حق وحقه قومى يلا وخرجوا الاتنين وقعد الكل يفطر
~•~•~•~•~•~•~•~•~•~•~•~•~•
فى فيلا ادهم

فى اوضت دينا

بصت داليا فى الساعه وقالت
داليا :- انا لازم امشى قبل ما ادهم يرجع من الشغل
دينا :- خليكى شويه معايا يا داليا
داليا :- هجيلك تانى بس لما الناس كلها تتجمع واكون انا جهزت نفسى
دينا :- متتأخريش عليا ماشى
داليا :- حاضر وباستها وخرجت من اوضتها ونزلت من على السلم بس اتفاجئت بأدهم قصادها حاولت تتجاهلوا ونزلت من غير ما تبص ليه
ادهم :- داليا
داليا :- وقفت بتوتر وغمضت عينيها علشان تهدا
ادهم :- راح عندها ومسك ايديها وقال واحشتينى
داليا :- رجعت لوراه وقالت لو سمحت متلمسنيش وشدت ايديها منه
ادهم :- مش كفايه بقى مش ناويه تتنازلى عن عنادك ده
داليا :- والله مش لما تتنازل انت عن كبريائك الاول
ادهم :- قرب منها وقال يا داليا كفايه اللى بيحصل ما بينا ده انا بعت ليكى مديحه ومرضتيش ترجعى معاها
داليا :- يا سلام ومتجيش انت ليه على رجلك نقش الحنه ولا كبريائك منعك
ادهم :- هتفرق معاكى ايه انا ولا مديحه
داليا :- لان انت اللى جرحنى مش مديحه انت جوزى مش هى وهتفرق معاك ايه لو كنت جيت انت واخدنى ها رد عليا ولا غرورك منعك
ادهم :- قرب تانى ليها وقال خلاص تعالى ننسا اللى فات ونبدء صفحه جديده ومسك ايديها وقال داليا خليكى بقى وبلاش تمشى
داليا :- سحبت ايديها ورجعت لوراه وقالت قولتلك متلمسنيش بس رجليها فلتت من على السلم ورجعت لوراه وكانت هتقع على ضهرها
ادهم :- حط أيده فى ضهرها وشدها ليه فى حضنه قبل ما تقع وقال خلى بالك
داليا :- اتوترت وغمضت عينيها بخوف
ادهم :- بص عليها وهى مغمضه عينيها وماسكه فيه وبص على شفايفها وقرب منها وبسها
داليا :- اتصدمت من اللى حصل وفتحت عينيها وبعدت عنه وقالت ا.ا ايه اللى انت عملته ده
ادهم :- عملت ايه انتى مراتى مفيهاش حاجه يعنى
داليا :- بعصبيه ادهم بلاش اسلوبك ده معايا
ادهم :- قرب منها وقال اسلوب ايه ها علشان بظهر ضعفك قصادى ولا علشان مش بتقدرى تقاومى حضنى
داليا :- بتوتر مغرور اوى على فكره انت بقيت ولا فارق معايا اصلا
ادهم :- قرب اكتر ليها ورفع حاجبه وقال بجد
داليا :- ا.ا.ايوه وياريت متقربش اكتر من كده
ادهم :- قرب تانى ليها وقال بس عينك بتقول غير كده عينيكى بتقول انك لسه بتحبينى وقرب اكتر ومسك وشها بين ايديه وبص فى عينيها وقال عيونك فيها اشتياق ليا كبير بتنده عليا كل يوم دبلت من كتر الدموع علشانى عيونك فضحاكى يا داليا
داليا :- بتوتر بعدت عنه وقالت والله وبقيت خبير كمان فى العيون مكنتش اعرف
ادهم :- معاكى وعلى ايدك بقيت خبير فى كل حاجه
داليا :- شايفه فيك تغيرات اهو خير اللهم اجعله خير
ادهم :- اصل قلبى بقى مشغول بواحده مغلبانى
داليا :- بجد قطعت قلبى والله وبصت ليه بقرف ولسه هتمشى
ادهم :- وقف قصادها وقال بترجى داليا متمشيش
داليا :- مبقاش ليا مكان هنا عن اذنك وسابته ومشيت
ادهم :- بص عليها وهى ماشيه وقال انتى ملكيش مكان غير هنا يا داليا وطلع على اوضه
*********************
إلي هنا ينتهي الفصل السبعون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة