-->
U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل الثمانون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثمانون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثمانون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثمانون

فى بيت فاطمه

وصل ممدوح وايه وسلموا على الكل وسألوا على فاطمه وخبطوا على باب اوضتها ودخلوا لاقوها نايمه على السرير ودموعها نازله منها دخل ممدوح يجرى عليها وشدها فى حضنه وقعد يطبطب عليها وباس راسها وقال

ممدوح :- ليه عامله فى نفسك كده لييييه ميستهلش دمعه واحده من عيونك ده واحد ندل وواطى ميستهلش حبك ليه
ايه :- احم أهدى يا فاطمه انا حاسه بيكى ومقدره الحاله اللى انتى فيها دى مش سهله بس اعذريه برضه هو زعلان على ابنه اللى مات من قبل ما يشوفه
ممدوح :- بغيظ والله وهى ذنبها ايه بقى أن شاءالله ده بنى أدم مش مؤمن بقضاء الله البيبى نزل وعلى ايد اخوه هى ذنبها ايه ليه يعذبها كده اقسم بالله هاين عليا اروح اكسره دلوقتى
ايه :- بعصبيه خفيفه ما تهدا بقى يا ممدوح كفايه اهانه وتجريح فيه قدامى انا مش بقول أنه مش غلطان بس بلاش تتكلم عليه كده راعى شعورى يا ممدوح شويه
ممدوح :- ايه بلاش تخدى على كلامى دلوقتى انا مش طايق نفسى
فاطمه :- الدموع بتنزل من عينيها ومش بترد على حد فيهم
ايه :- بصت بعنيها لفاطمه وقالت خلاص يا ممدوح مش وقته الكلام ده
ممدوح :-بعدها عن حضنه وبص ليها وقال فاطمه اتكلمى اصرخى قولى اى حاجه بس بلاش سكوتك ده
فاطمه :- دموعها نزلت اكتر واترمت فى حضن ممدوح ومسكت فيه اكتر وقعدت تعيط
ممدوح :- بغيظ يا ابن الكلب يا اكرم ده انا لو مسكتك فى ايدى دلوقتى هقتلك
ايه :- بصت ليه بغيظ وقالت انا هسيبكم مع بعض شويه وخرجت من الاوضه وسابتهم
ممدوح :- بص على ايه وهى خارجه من الاوضه وبص لفاطمه وقال فاطمه انتى لسه بتحبيه وبقيه عليه
فاطمه :- هزت راسها بدموع بمعنى اه
ممدوح :- عايز اسمعها يا فاطمه
فاطمه :-بدموع وانا لو مكنتش بحبه يا ممدوح كنت هتوجع واتكسر كده طبعآ بحبه ومش قادره اصدق اللى عمله ده قلبى وجعنى اوى يا ممدوح اوى وقعدت تعيط
ممدوح :- انتى بحبك ليه ده بتكتفينى كان نفسى اروح اديله علقه واطلع كل الغيظ اللى جوايا منه فيه
فاطمه :- بوجع وهيفيد بأيه الحب ما خلاص طلقنى يا ممدوح انا عمرى ما اتخيلت أن ده يحصل من اكرم انا حاسه ان انا فى كابوس ونفسى اصحه منه بقى
ممدوح :- اوعدك يا فاطمه هخليه يجى ليكى ندمان ندم عمره هخليه يترجاكى علشان تسامحيه هجيبه ليكى زاحف علشان ينول رضاكى وانتى عارفه اخوكى ممدوح لما يوعدك بحاجه بينفذها علطول
فاطمه :- بأستغراب انت ناوى تعمل ايه بالظبط
ممدوح :- متقلقيش اهم حاجه من بكره انزلى شغلك وارجعى لحياتك من تانى
فاطمه :- مليش نفس اعمل اى حاجه يا ممدوح
ممدوح :- اسمعى الكلام نزولك الشغل هيغيظه اكتر وهيحس أنه مش فارق معاكى اللى حصل ما بينكم
فاطمه :- بدموع حاضر
ممدوح :- مسح دموعها وقال مش عايز اشوف دموعك دى تانى دموعك غاليه عليا يا بطه
فاطمه :- اترمت فى حضن ممدوح وقالت ربنا يخليك ليا يارب
ممدوح :- باس راسها وقال وميحرمنيش منك يا حبيبتى يارب
فاطمه :- ممدوح عايزه اطلب منك طلب
ممدوح :- اطلبى اللى انتى عايزاه طبعآ
فاطمه :- بلاش اللى حصل ما بينى وبين أكرم يأثر على علاقتك انت وايه ايه بتحبك بجد وملهاش ذنب فى. اللى اخوها عملوه معايا واى واحده مكانها هتزعل على أهلها علشان خاطرى يا ممدوح حافظ على شعورها شويه
ممدوح :- اتنهد وقال حاضر يا فاطمه بس غصب عنى مضايق من ابن المضايقه ده
فاطمه :- قوم بقى روح ليها طيب خاطرها بكلمتين
ممدوح :- لاء ما هو انا أخرى معاها الكلمتين مقدرش اعمل معاها حاجه اكتر من كده
فاطمه :- ابتسمت ليه قالت معلش اصبر عليها
ممدوح :- وقف وقال
وصفولي الصبر
لقيته خيال وكلام فى الحب
يا دوب يا دوب ينقال
واهرب من قلبي اروح على فين
ليالينا الحلوة فى كل مكان
مليناها حب احنا الأثنين
وملينا الدنيا امل
امل وحنان
وحنان ماتت منتحره من الانتظار يلا اسيبك وباس راسها وسابها وخرج
فاطمه :- اتنهدت بوجع ونامت على السرير وافتكرت اللى حصل ما بينها هى أكرم والايام الحلوه اللى كانت ما بينهم ودموعها نزلت منها وقعدت تعيط
~•~•~•~•~•~•~•~•~•~•~•~•~•
فى فيلا أكرم

وصل اكرم الفيلا وهو حزين دخل من الباب ولسه هيطلع السلم سمع صوت ابوه بينادى عليه وبيقولوا

منير :- أكرم استنى هنا عايزك
أكرم :- غمض عينه وقال ارجوك يا بابا انا تعبان ومش قادر اسمع ولا حرف
منير :- راح عنده ومسكه من دراعه وقال فيه ايه مالك لا انت اول واحد يخسر البيبى ولا اخرهم ده قضاء ربنا وقدره بتعترض ليه مكنتش كده الاول بقيت رافض تكلم حد بقيت علطول مقضى وقتك فى الشغل حتى مراتك اللى بتحبها وبتموت فيها طلقتها وبعدها عنك فوق بقى قبل ما تخسر كل حاجه فى حياتك
أكرم :- بدموع انا خسرت كل حاجه خلاص يا بابا والسبب ابنك ابنك دمر حياتى قتل الحلم اللى كنت بستناه بفارغ الصبر ابنك نجح فى اللى عايز يوصله يا بابا
منير :- بوجع ومراتك ذنبها ايه يا ابنى ليه تطلقها وتكسر قلبها كده مش كفايه حرقت قلبها على ابنها اللى خسرته احنا كرجاله مهما نزعل على فقدان الطفل مش هيبقى زى حرقة قلب الام عليه لانها حاسة بنبضه جواها احساس الامومه بتحسه من اول يوم بتبقى حامل وعلشان كده قلبهم بيبقى محروق اكتر مليون مره عن الراجل بتبقى فى عز ضعفها وقت فقدانه بتبقى محتاجه جوزها يحتويها ويطبطب عليها يخدها فى حضنه ويحسسها بالأمان وانت ظلمتها يا ابنى واتخليت عنها فى الوقت ده ليه عملت كده يا ابنى فاطمه بتحبك ومتستاهلش منك كده
أكرم :- اتنهد بوجع وقال خلاص يا بابا مبقاش ينفع الكلام دلوقتى طلقتها واللى حصل حصل
منير :- لسه فيه فرصه عندك روح عندها وراضيها وهى بتحبك وهتسامحك علطول بلاش تخسرها يا حبيبى هتندم عليها كتير لو ضيعتها من ايدك
أكرم :- بص ليه بدموع وقال تصبح على خير وسابه وطلع اوضه دخل الاوضه وبص فيها بوجع واتنهد نام على السرير وعيط وقعد يصرخ ويكتم نفسه فى المرتبه
~•~•~•~•~•~•~•~•~•~•~•~•~•
فى فيلا ادهم

وصل ادهم الفيلا هو وداليا لاقه مصطفى وأخواته قاعدين مع الجده وسندس ودينا
اول ما شافته ساندرا قامت جريت وحضنت ادهم وقالت

ساندرا :- واحشتنى اووووووى اوى يا ادهم
ادهم :- ضمها فى حضنه وباس راسها وقال وانتى والله واحشتينى اوى يا قلبى عامله ايه
ساندرا :- الحمدالله انا اللى قعد الح على بابا علشان نيجى نشوفك ونشوف تيته
ادهم :- لعب فى مناخيرها وقال احلى حاجه عملتيها
داليا :- يا سلام يا اختى يعنى هما بس اللى واحشينك
ساندرا :- راحت عندها وحضنتها وقالت وانتى والله يا دودو واحشتينى اوى وبعدت عنها وحطت ايديها على بطنها وقالت الله انتى بقى عندك كرش اهو يا داليا
داليا :- المشكله مش فى الكرش خالص وحياتك المشكله أنه شقى اوى اوى طول الليل والنهار بيلعب كوره جوه بطنى
ادهم :- سلم على سامر وقال عامل ايه
سامر :- سلم عليه وحضنه وقال الحمدالله
ادهم :- انت رجعت امته من امريكا
سامر :- بقالى يومين وهكمل الاسبوع ده وهرجع تانى امريكا
مصطفى :- ما سامر مسك ليا الفرع اللى هناك اللى فيها ن
ادهم :- قطعه وقال ا ا اه من عارف
الجدة :- يلا ناكل بقى من بدرى مستنين وصلكم
دينا :- انا هستنى تامر
ادهم :- خلاص كلنا نستناه عن اذنكم هطلع اغير هدومى وبص لداليا وقال يلا
داليا :- مسكت أيده وقالت يلا وطلعوا الاتنين الاوضه مع بعض وقالت ادهم هو انت ليه ارتبكت ومخلتش ابوك يكمل كلامه
ادهم :- مرتبكتش ولا حاجه عادى يا قلبى
داليا :- ممكن
ادهم :- باسها فى خدها وقال مجنونه وسابها ودخل الحمام
داليا :- قعدت على السرير ومسكت تليفونها وطلبت رقم فاطمه وانتظرت الرد بس محدش رد عليها وفى الوقت ده خرج ادهم من الحمام وقال كنتى بتتصلى بمين
داليا :- بفاطمه علشان اطمن عليها بس مردتش عليا
ادهم :- أكرم طلقها
داليا :- بصدمه طلقها
ادهم :- اتكلموا مع بعض الصبح وطلبت منه الطلاق طلقها
داليا:- يعنى هى تطلب منه الطلاق يروح هو مطلقها علطول ده ايه التخلف ده انا مصدومه من اللى اكرم بيعملوا فى فاطمه ده متخيلتش أن يحصل كده ما بينهم معقوله توصل ما بينهم لطلاق
ادهم :- حاولت أكلمه وافهمه كتير بس رافض يسمع اى حاجه من يوم اللى حصل ده واكرم اتحول لبنى ادم تانى خالص غير اللى انا اعرفه ربنا يهديه لما يهدا كده يفكر بعقل شويه
داليا :- بصت بعينيها لفوق وقالت مش جايبه من بره طالع لصديق عمره
ادهم :- قعد جنبها وقال الكلام ده كان زمان قبل ما اعرفك واحبك يا روحى
داليا :- يا راجل يعنى مكانش فيه طلاق مكانش فيه جواز غصب
ادهم :- لف دارعه على رقابتها وضمها فى حضنه وقال انسى اللى فات بقى
داليا :- ضحكت وقالت بهزر يا قلبى انا اى ذكرى حصلت ما بينا إذا كانت حلوه ولا وحشه على قلبى زى العسل
ادهم :- بعشقك يا داليا بعشقك
داليا :- بموت فيك يا روح داليا
ادهم :- مسك وشها ما بين ايديه وقرب من شفايفها ولسه هيبوسها
داليا :- اااه ومسكت بطنها
ادهم :- بخضه مالك يا قلبى
داليا :- الظاهر كده ابنى بيغير عليا اول ما جيت تبوسنى ضربنى فى بطنى ههههههههه
ادهم :- محدش يغير عليكى غيرى انا انا بس اللى احبك وتحبينى مفهوم
داليا :- اشتغل بقى شغل الغيره ما بينكم من دلوقتى هههههههه
ادهم :- لو الدنيا كلها حاولت تحبك عمر ما حد هيعرف يحبك قد ما انا بحبك حتى اللى شايله فى بطنك ده
داليا :- حضنته وقالت بحببببببك بحبك بحبك بحبك نفسى اصرخ واقول لدنيا دى كلها أن انا بحبك وبموت فى التراب اللى بتمشى عليه
ادهم :- ضمها اكتر فى حضنه وباسها فى راسها وقال انا بقول نبلغهم تحت اننا هنام ايه رأيك
داليا :- ايه لاء طبعآ مينفعش قوم يالا الراجل جاى هو وأخواتك علشان يقعد معاك شويه ووقفت وشدته من ايديه علشان يوقف
ادهم :- وقف وشد داليا فى حضنه وقرب من شفايفها وباسها بوسه طويله وبعد وقت بعد عنها وقال ربنا يديمك فى حياتى يارب
داليا :- بصت ليه بحب وحطت راسها عند صدره وقالت انت اجمل ما خلق ربى واتنهد بحب وبصت ليه وابتسمت وقالت يلا ننزل
ادهم :- ابتسم ليها بحب وقال يلا وفتحوا باب الاوضه نزلوا الاتنين وقضوا مع بعض وقت سعيد وبعد وقت كل واحد روح على بيته والكل طلع اوضهم وناموا
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء رودينا بفتح عيونها قامت قعدت على السرير وضمت رجليها عند صدرها وقعدت تعيط وافتكرت لما كانت اول حاجه تفتح عينيها وتشوفها هو فادى وافتكرت لما خرجت من اوضتها وسمعت فادى وهو بيعترف بحبه لنهى وقالت

رودينا :- بدموع يارب انا تعبت ونفسى ارتاح بقى وانسى كل حاجه حصلت نفسى أخرج حبه من قلبى وانساه يارب مش قادره استحمل وجع قلبى اللى حاسه بيه ده وحطت ايديها على بطنها وقالت شايف ماما بتتعذب بسبب بابا ازاى بابا اكبر جرح ووجع فى حياة ماما لا قادره تنساه وتعيش ولا قادره ترجع ليه وتنسى اللى حصل احساس صعب اوى اللى انا حاسه بيه ده قصرت معاه فى ايه بس علشان يبص لغيرى انا كنت قايده صوابعى العشره شمع علشان ارضيه بحاول اديله عذر للى عمله ده بس مش لاقيه بجد انا موجوعه اوى ونفسى ارتاح انا بقيت اشوف كوابيس أن هو وهى مع بعض وانا بنادى عليهم محدش فيهم شيفنى ولا سامعنى كانوا متجاهلين وجودى فى الحلم زى ما كانوا متجاهلين وجودى فى الحقيقه
وفى الوقت ده الباب خبط مسحت دموعها وقالت ادخل
ابو رودينا :- فتح الباب ودخل وقال صباح الخير يا بنتى
رودينا :- صباح النور يا بابا
ابورودينا :- صاحيه من بدرى
رودينا :- لاء لسه صاحيه هقوم اجهز اهو علشان ننزل الشغل
ابو رودينا :- لو تعبانه يا حبيبتى خليكى
رودينا :- متقلقش عليا يا بابا انا كويسه
ابو رودينا :- ربنا يقومك بالسلامه يا بنتى يارب هسيبك تجهزى نفسك وخرج وسابها
رودينا :- بصت على ابوها وهو خارج ودموعها نزلت منها مسكت تليفونها جابت صورة فادى معاها وقالت معقوله تعمل فيا كل ده ليه رسمت ليا حياة وردى ومره واحده سودها فى عينى انا هموت واعرف ازاى جالك قلب تعمل فيا كل ده ازااااااى ومسحت دموعها وقالت كفايه تفكير فى واحد خاين بقى فكر فى واحده غيرك بكل سهوله كفااااايه كفايه وقامت دخلت الحمام اخدت شاور واتوضت وخرجت لبست هدومها وأدت فرضها وخرجت وراحت هى وأبوها على الشركه
~•~•~•~•~•~•~•~•~•~•~•~•~•
فى بيت سعيد

فى اوضت حمزه

كانت هاجر عماله تعيط وحمزه شايلها وميرفت ونايمه بص على ميرفت وهى نايمه وبعدين بص لبنته وقال

حمزه :- شششش ماما نايمه تعبانه مش عايزين نصحوها تيجى نروح عند جدو ولا تحبى تروحى عند الولا مؤمن اقولك تعالى نروح نغلس على الولا مؤمن شويه وخرج بيها من الاوضه وهى بتعيط وقال صباح الخير يا بابا
سعيد :- صباح النور يا حبيبى مخرج البنت ليه من الاوضه كده تبرد يا حبيبى
حمزه :- ميرفت نامت شويه وهى بتعيط ومش عايزه اصحيها قولت اطلع بيها من الاوضه شويه وادخل اقعد فى الاوضه التانيه بتاعتك انت ومؤمن
سعيد :- ماشى يا حبيبى روح بس هات الاول أصبح عليها واخدها منه وباس راسها بحنيه وقال صباح الفل يا حبيبت قلب جدو من جوه يا شمس نورت حياتنا كلها
حمزه :- يا سلام يا سلام يا ست هاجر خليتى جدو شاعر فى يوم واحد امال لما تكبرى بقى هتعملى فيه ايه
سعيد :- ربنا يباركلك فيها يا ابنى يارب خدها يلا الاوضه علشان متستهواش
حمزه :- اخدها ودخل الاوضه لاقه مؤمن لسه نايم قرب ايد هاجر الصغنونه جدآ ليه وقال عمو يا اهبل كفايه عليك نوم لحد كده
مؤمن :- فتح عينه وشاف هاجر قدامه ابتسم وقال قلبى بقه احلى صباح ده ولا ايه وقام قعد واخد هاجر شالها وباس ايديها وقال صباح الورد والفل والياسمين
حمزه :- استلم بقى اروح انام انا شويه
مؤمن :- استلم بقى! انت يا ابنى سايب البت ورايح فين
حمزه :-اعمل حركة جدعنه مع اخوك عايز انام ساعتين قبل ما اروح الشغل
مؤمن :- وفين امها
حمزه :- نامت شويه
مؤمن :- بدأنا بقى انتو تخلفوا وتناموا واحنا نشيل لسيادتكم اتفضل روح نام والمربيه سعديه هتاخد بالها من البت
حمزه :- اخويه حبيبى بقى وسابه وخرج راح اوضه ينام وهاجر بدأت تعيط
مؤمن :-هزها وقال البدايه مش مبشره يا ست جوجو معاكى شششش بس بس وبعدين قال بيسكتوهم ازاى دول انتى جعانه اعملك سندوتش تاكليه طيب ولا هتاكلى ازاى بس وانتى مش عندك اسنان طيب تاكلى ايه اجبلك عصير ! حد يسكت البت دى وفى الوقت ده تليفونه رن اخده من جنبه لاقها سندس رد وقال صباح الخير
سندس :- صباح النور ايه العياط اللى جنبك ده
مؤمن :- الست هاجر يا اختى سابوها ليا وناموا
سندس :- بضحك هما بدأوا معاك بدرى اوى كده اشرب بقى يا حلو هههههههه
مؤمن :- طيب هى بتعيط ليه ما انا لو اعرف انفذ اللى هى عايزاه علطول
سندس :- ممكن تكون جعانه
مؤمن :- اعملها ايه طيب تاكله اعملها مكرونه
سندس :- نهار اسوح مكرونه حد ياخد البت منك ده انت مجنون رسمى
مؤمن :- طيب اعمل ايه ما انا مخلفتش قبل كده هعرف منين العيل الصغير بياكل ايه طاااه
سندس :- يا ابنى بيبى عمره يوم واحد هياكل ازاى بس يا ابنى دى لازم امها ترضعها
مؤمن :- ااااااه طيب السؤال هنا امها نايمه ارضعها انا ازاى وانا معنديش
سندس :- احم ايه اللى انت بتقوله ده
مؤمن :- يا بنتى مقصدش حاجه وربنا انا اقصد اسأل اكلها ازاى يعنى
سندس :- اكيد فيه ببرونه
مؤمن :- ايه ببرونه دى
سندس :- زى الازازه كده بيتعمل فيها لبن مخصوص للبيبى وبيرضع
مؤمن :- مش عارف أسأل بابا
سندس :- انا اصلا مش سامعه صوت البت لتكون عملت فيها حاجه
مؤمن :- صح هى البت سكتت ليه بيبص لاقها نامت قال بفرحه الله البت نامت فى حضنى شوفتى بقى ازاى حضنى حنين البت اول ما جات فى حضنى نسيت الدنيا ونامت عقبال اللى فى بالى يارب
سندس :- بكسوف والله العظيم انت ما طبيعى
مؤمن :- واحد بيحب واحده اسمها سندس عايزه يبقى ايه اكيد هيتجنن بسببها
سندس :- لااااا انا هقفل بقى
مؤمن :- استنى هنا انتى امبارح متصلتيش بيا ليه استنيتك كتير
سندس :- اصل عمو مصطفى بابا ابيه ادهم وساندرا وسامر اخواته كانوا سهرانين معانا ومشوا متأخر وقولت اكيد انت نايم
مؤمن :- بغيظ مين سامر ده
سندس :- يا ابنى انت ما انا لسه قايله ليك اخوات أبيه ادهم
مؤمن :- وانتى تسهرى معاه ليه بقى أن شاءالله
سندس :- انا مقولتش سهرت معاه انا قولت كلنا كنا سهرانين معاهم وبعدين انت مأخدش بالك غير من اسم سامر بس انا قولت اخته ساندرا وعمو مصطفى
مؤمن :- بغيظ بعد كده لما يكون فيه شاب قاعد متقعديش فى المكان فاهمه بتاع ايه تسهرى فى مكان فيه حد غريب
سندس :- مكنتش سهرانه لوحدى كلنا كنا قاعدين مع بعض وانا متكلمتش مع اللى اسمه سامر ده كلمتين على بعض
مؤمن :- حتى لو متكلمتيش معاه وجودك فى مكان وهو قاعد مش هقبل بيه فاهمه
سندس :- والله انا معملتش غلط انا كنت قاعده وسط رجاله أبيه ادهم وعمو مصطفى والجده مديحه وداليا وتامر ودينا وساندرا فين الغلط فى كده
مؤمن :- سندس انا قولت كلمه واحده اسمعى الكلام بقى
سندس :- لاء مش هسمع الكلام لمجرد أن حضرتك عايز تبقى سى السيد مدام انا مش بعمل غلط يبقى خلاص محدش ليه أن يحاسبنى
مؤمن :- حتى انا يا سندس
سندس :- حتى انت يا مؤمن مدام مغلطش خلاص
مؤمن :- بس انا بغير عليكى يا سندس
سندس :- تغير عليا لو لاقتنى بضحك وبتكلم معاه انا بقولك متكلمتش كلمتين معاه على بعض لو كنت عملت حاجه غلط أبيه ادهم كان نبهنى لده
مؤمن :- ماشى خلاص بس علشان خاطرى بلاش تقعدى معاه تانى
سندس :- حاضر يا مؤمن وفى الوقت ده هاجر عيطت قالت ليه روح يلا خلى عمو سعيد يحضر ليها رضعه
مؤمن :- بحبك
سندس :- يا ابنى انت البت بتعيط
مؤمن :- ب ح ب ك
سندس :- ي.ي.يلا باى
مؤمن :- اتنهد وقال يا مهون امته هتحنى عليا بقى
سندس :- بااااااى
مؤمن :- ماشى يا سندس باى وقفل معاها وبص لهاجر وقال هو انتو كلكم كده نكدين من اول يوم تتولدو فيه تعالى نروح لجدو يشوف ليكى صرفه وقام خرج من الاوضه وراح عند أبوه وقال البت دى بتعيط كتير شكلها جعانه
سعيد :- اصبر طيب أحضرها الببرونه رضعها ليها
مؤمن :- ايووووووه هى البتاعه دى بسرعه بس يا حاج البت دى عليها صوت ماشاءالله طالعه لابوها
ميرفت :- هى مين دى اللى طالعه شبه ابوها
مؤمن :- مرات اخويه يا غاليه اخيرآ صحيتى من الغيبوبه اللى كنتى فيها استلمى بنتك اهى وحذارى الاقى حد منكم جايبها ليا تانى فاهمين واداها ليها ودخل الحمام
ميرفت :- تعالى يا حبيبت ماما ملكيش دعوه بعمو الوحش ده
سعيد :- خدى يا بنتى الببرونه جهزتها ليها ايه
ميرفت :- اخدتها منه وقالت ربنا يخليك لينا يا بابا عن اذنك ودخلت بيها الاوضه وقعدت ترضعها
~•~•~•~•~•~•~•~•~•~•~•~•~
فى شقة منتهى

صحى علاء من نومه قبل منتهى قام دخل الحمام وشويه وخرج لبس هدومه و اده فرضه وخرج من الأوضه دخل المطبخ حضر فطار لمنتهى ودخل الاوضه عندها وقعد جنبها وقال

علاء :- توته يا قلبى اصحى يلا هنتأخر
منتهى :- فتحت عينيها وقالت صباح الخير يا حبيبى
علاء :- صباح الورد والفل والياسمين يا روحى قومى يلا علشان تفطرى
منتهى :- بدلع الله انت حضرت الفطار ليا وجايبه كمان لحد السرير
علاء :- طبعآ يا روحى انا اخدمك برموش عينيا كمان
منتهى :- بحب ربنا يخليك ليا يا حبيبى يارب وقامت قعدت وفطروا الاتنين مع بعض وقامت منتهى دخلت الحمام اخدت شاور وخرج علاء غسل الاطباق وقعد يستنى خروج منتهى وبعد وقت خرجت منتهى وقعدت جنبه ونامت فى حضنه وقالت بتفكر في مين
علاء :- بفكر فى اللى سكنه قلبى ومعششه فيه
منتهى :- تبقى مين دى بقى
علاء :- فيه غيرها توته حبيبت قلبى
منتهى :- حضنته وقالت انت عملت فيا ايه جننتنى بيك خلاص بحبك يا ابن اللذين
علاء :- هههههه طيب يلا بينا علشان ممكن ألغى موضوع الشغل واحبسك فى البيت النهارده
منتهى :- بدلع وانا موافقه
علاء :- بجد
منتهى :- هزت راسها بمعنى ايوه
علاء :- قلع الجاكت وفك الكرافته وفتح القميص وقال هو ده الكلام ومسك ايديها شدها وراه ودخل الاوضه وقفل الباب وراه
~•~•~•~•~•~•~•~•~•~•~•~•~•
فى فيلا أكرم

صحى أكرم من نومه قام دخل الحمام وشويه وخرج اده فرضه ونزل من الاوضه لاقه ابوه وامه قاعدين بيفطروا قعد على السفره من غير ولا كلمه

منير :- اتنهد وقال وبعدها معاك يا ابنى هتفضل كده لحد امته
أكرم :- مالى ما انا كويس اهو
وفاء :- يا ابنى ربنا يهديك رجع مراتك ذنبها ايه بس حرام والله اللى انت بتعملوا فيها ده البت متستاهلش كل ده منك
أكرم :- خلصنا بقى يا ماما من ام الموضوع ده انا قعد بس علشان اقولكم موضوع
منير :- موضوع ايه
أكرم :- كنت عايز اقولكم وفى الوقت ده قطع كلامه صوت جاسمين وهى بتقول
جاسمين :- بفرحه انا جيت
منير :- قام حضنها بأستغراب وقال جاسمين حمدالله على السلامه يا بنتى
جاسمين :- الله يسلمك يا عمو واحشتنى وراحت حضنت وفاء وقالت ازيك يا طنط واحشتينى
وفاء :- بأستغراب وانتى اكتر يا بنتى
جاسمين :- راحت باست أكرم فى خده وقالت اتأخرت عليك
أكرم :- ابتسم ليها وقال جيتى فى ميعادك بالظبط حمدالله على السلامه نورتى بيتك
وفاء ومنير بصوا لبعض بأستغراب ومش فاهمين حاجه
أكرم :- بص ليهم وقال موضوع جاسمين هو اللى كنت هقولكم عليه
منير :- موضوع ايه
أكرم :- ............
*********************
إلي هنا ينتهي الفصل الثمانون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة