U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل الحادى والثمانون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الحادى والثمانون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الحادى والثمانون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل الحادى والثمانون

فى فيلا ممدوح

صحى ممدوح من نومه قام من على السرير دخل الحمام وبعد شويه خرج لبس هدومه واده فرضه بص على ايه وهى نايمه ونزل خرج من باب الفيلا وركب عربيته ومشى راح بيها عند فاطمه وبعد وقت وصل عن البيت وطلع عندها رن الجرس وبعد وقت اتفتح الباب ودخل وخبط على باب اوضت فاطمه سمع صوتها وهى بتقول ادخل فتح الباب ودخل لاقها لسه نايمه راح قعد جنبها وقال

ممدوح :- كل ده نوم يا بت اصحى يلا
فاطمه :- عايز ايه يا ممدوح سبنى نايمه بقى
ممدوح :- لاااااا مفيش نوم قومى يلا وفؤقى ليا كده
فاطمه :- قعدت بغيظ وقالت عايز ايه يا ممدوح مش هخلص من زنك
ممدوح :- اختى حبيبتى هتقوم زى الشاطره تدخل الحمام تاخد حمام سخن كده يفوقها وهتلبس احلى طقم عندها فى الدولاب وهتنزل معايا اوصلها شغلها وبعد ما تخلص هروح اخدها من الشغل على بيتى المتواضع علشان هتتغدا معانا النهارده
فاطمه :- والله ! ومين قالك انا هعمل كل ده سبنى انام الله يكرمك
ممدوح :- هتقومى بنفسك ولا اشيلك وارميكى تحت المايه السقعه ها انتى عارفه انا مجنون واعملها
فاطمه :-بدموع والله العظيم مليش نفس اعمل اى حاجه انا زهقانه من الدنيا بحالها وقرفانه لا عايزه اشوف حد ولا اكلم حد
ممدوح :- علشان خاطرى اسمعى كلامى يا فاطمه وقولتلك بلاش دموعك دى
فاطمه :- اتنهدت وقالت حاضر يا ممدوح اطلع استنانى بره
ممدوح :- عونيا هى دى اختى حبيبتى وباسها فى خدها وخرج يستناها بره
فاطمه :- قامت جهزت نفسها وأدت فرضها وخرجت من اوضتها وقالت انا خلصت
ممدوح :- مزه يا اخواتى يلا يا روحى ونزلوا الاتنين مع بعض ركبوا العربيه وراح وصلها عند الجريده وقال قبل ما تخرجى من الشغل رنى عليا هتلاقينى عندك علطول
فاطمه :- اتنهدت وقالت حاضر يا ممدوح
ممدوح :- حضرك الخير يا قلب ممدوح تحبى تتغدى ايه النهارده
فاطمه :- اى حاجه مش هتفرق
ممدوح :- عمومآ هخلى ايه تحضرك الاكل كله اللى بتحبيه
فاطمه :- متخلهاش تتعب نفسها اى لقمه والله مش هتفرق
ممدوح :- تعبك راحه يا بطه يلا يا حبيبتى انزلى شغلك خلى بالك على نفسك
فاطمه :- ابتسمت ليه وقالت حاضر ونزلت من العربيه دخلت الجريده وممدوح شغل العربيه ورجع تانى الفيلا بتاعته
~•~•~•~•~•~•~•~•~•~•~•~•~•
فى فيلا أكرم

وفاء ومنير كانوا مستغربين نزول جاسمين مصر فى الوقت ده وطريقة معاملة أكرم ليها وطلب أكرم أن هو يكلمهم فى موضوع يخصه هو وجاسمين وقال

أكرم :- جاسمين هو الموضوع اللى كنت عايز اكلمكم فيه
منير :- موضوع ايه
أكرم :- انا قررت اتجوز جاسمين وفى اقرب وقت ممكن
وفاء ومنير :- اتصدموا من اللى سمعوا ده وبصوا لبعض
منير :- ازاى يا ابنى طيب ومراتك فاطمه
أكرم :- انت ناسى أن انا طلقتها
وفاء :- يا حبيبى دى مشكله صغيره تهدوا بس وهترجعوا لبعض تانى
أكرم :- خلاص يا ماما مبقاش فيه ما بينا رجوع انا وفاطمه حكايه وانتهت خلاص
منير :- تعال معايا يا اكرم عايزك
أكرم :- متحاولش يا بابا انا قررت خلاص هتجوز جاسمين بنت عمى
منير :- تعال بس معايا عايز اقولك حاجه
أكرم :- اتنهد وراح وراه ابوه على المكتب
منير :- اقفل الباب
أكرم :- قفل الباب وقال خير يا بابا
منير :- انت ايه الجنان اللى بتعمله ده ازاى هتتجوز جاسمين بنت عمك انت بكده بتنهى على اى أمل متبقى لرجوع فاطمه انت عايز ايه بالظبط مش دى جاسمين اللى عملت خطه مع فاطمه علشان تهرب منها قبل كده ايه اللى حصل انا خلاص مبقتش فاهمك
أكرم :- يا بابا موضوع فاطمه انتهى خالص ومبقاش فيه رجوع هى حياتنا انتهت لحد هنا وجاسمين يمكن كنت غلطان فى حقها كتير هى الوحيده اللى حبتنى بجد من قلبها لدرجة أنها انتحرت بسببى ارجوك يا بابا وافق علشان انا هتجوز جاسمين يعنى هتجوزها
منير :- بعصبيه انا مستحيل اوافق على الجوازه دى انت عارف جاسمين دى مين
أكرم :- بنت عمى
منير :- وحبيبت اخوك مكرم
أكرم :- بجد حبيبت اخويه! وفين اخويه ده ها ؟؟ اخويه اللى ماشى يقتل الناس فى الشوارع
ولا اخويه اللى قتل ابنى قبل ما يجى الدنيا انا مليش اخوات يا بابا وجاسمين هتجوزها مهما كان التمن عن اذنك وخرج وسابه
منير :- اتنهد بوجع وخرج وراه
جاسمين :- كرومتى انا عايزه اروح لايه ابارك ليها علشان محضرتش الفرح بتاعها
أكرم :- لما ارجع من الشغل ابقى اوديكى اطلعى اوضك دلوقتى ريحى شويه من تعب السفر
جاسمين :- باسته فى خده وقالت اوك وطلعت على الاوضه اللى بتقعد فيها لما بتنزل مصر
أكرم :- اتنهد بوجع وبص لابوه ولامه ومشى من غير ولا كلمه
وفاء :- ايه اللى ابنك بيعملوا ده يا منير
منير :- عليه العوض ومنه العوض فى أولادك يا وفاء عليه العوض ومنه العوض وطلع اوضه وسابها
وفاء :- ربنا يهديك يا ابنى ويصلح حالك يارب وقامت طلعت وراه الاوضه
~•~•~•~•~•~•~•~•~•~•~•~•~•
فى فيلا تامر

صحيت دينا من نومها وهى مفزوعه وصرخت بأسم تامر

تامر :- قام مخضوض من صوت دينا وحضنها وقال مالك يا دينا فيه ايه
دينا :- بخوف ودموع مكرم يا تامر شوفته بس المرادى شكله وحش اوى اوى شبه الشياطين وماسك راس الناس وعمال يقطعهم من جسمهم ولسه ماسكك انت صحيت من النوم انا خايفه عليك اوى يا تامر اوى وقعدت تعيط
تامر :- اتنهد بزعل وقال يا حبيبتى مش قولتلك متخافيش تانى أهدى يا قلبى مكرم نهايته قربت والله العظيم نهايته قربت
دينا :- مش هرتاح غير لما يتعدم يا تامر
تامر :- أن شاءالله يا حبيبتى
دينا :- ازاى مش قادرين توصلوا ليه ازاى
تامر :- مكرم مش مجرد مجرم عادى مكرم مجرم خطير وفيه ناس كبيره سنده ضهره واحنا عايزين نوقع الاتنين مع بعض وهانت يا حبيبتى قومى يلا علشان نفطر
دينا :- لاء مش عايزه مليش نفس معدتى وجعانى اوى
تامر :- سلامتك يا قلبى اتصل بالدكتور طيب يطمنى عليكى
دينا :- لاء هى معدتى وجعانى بس من التوتر اللى انا حاسه بيه ده يتمسك مكرم وهبقى كويسه والله
تامر :- أن شاءالله يا حبيبتى وقام وقف دخل الحمام اخد شاور واتوضه وخرج لبس هدومه واده فرضه وقال عايزه حاجه يا حبيبتى
دينا :- خلى بالك على نفسك علشان خاطرى يا تامر
تامر :- ابتسم ليها وقال هخلى بالى على نفسى علشان خاطر عيونك يا روحى وباس خدها برقه وسابها وراح شغله
دينا :- يارب احميه واحرسه ليا يارب وقامت دخلت الحمام
~•~•~•~•~•~•~•~•~•~•~•~•~•
فى فيلا ادهم

صحى ادهم من نومه بص جنبه لاقه داليا لسه نايمه قام دخل الحمام اخد شاور وخرج لبس هدومه وقعد جنب داليا على السرير و فضل يلعب فى طرف مناخيرها
داليا :- حركت راسها وقالت يوووووه بقى بس يا ادهم
ادهم :- قومى يلا يا كسلانه هتتأخرى على الشغل انتى ناسيه أن النهارده عندك لقاء مهم مع اكبر رجل اعمال
داليا :- قامت قعدت وقالت مش لما نشوف مواعيد الأستاذ ايه علشان حضرته دايمآ بيتأخر على مواعيده
ادهم :- لالالا ده انا هوصلك ليه بنفسى
داليا :- بضحك إذا كان كده ماشى ضمنت الاقيه موجود
ادهم :- شقيه وباس خدها وقال يلا قومى حضرى نفسك يا قلبى
داليا :- اعمل حسابك بقى أننا هنروح نبارك لحمزه النهارده
ادهم :- ماشى يا قلبى عقبال ما ابننا يجى الدنيا وينورها يارب
داليا :- يااااارب وقامت دخلت الحمام اخدت شاور واتوضت وخرجت لبست هدومها وأدت فرضها ونزلوا الاتنين راحوا على شركة ادهم ونزلوا من العربيه وطلعوا عند المكتب وبص ادهم لداليا وقال
ادهم :- اتفضلى يا مدام داليا عند السكرتير واول ما اخلص اللى ورايا هخلى السكرتير يدخلك
داليا :- بصت ليه بغيظ وقالت والله وحضرتك هتحن عليا وتقابلنى امته
ادهم :- بجديه قولتلك هبلغ السكرتير وسابها ومشى وهو كاتم ضحكته على منظرها
داليا :- راحت قعدت عند السكرتير وانتظرت مكالمة ادهم وبعد وقت طويل اتصل ادهم بالسكرتير وطلب منه أنه يدخل داليا ودخلت داليا وقفل السكرتير الباب وراها
ادهم :- اتفضلى يا مدام داليا نورتينى
داليا :- بلا مدام بلا زفت انت ازاى تسبنى بره كل ده وبعدين ايه مدام داليا اللى ماسكها ليا دى هو انت مش عايز تعرف الناس أن انا مراتك ولا ايه
ادهم :- ضحك وقال منظرك تحفه وانتى متعصبه كده
داليا :- يعنى انت قاصد تعصبنى صح
ادهم :- بضحك الصراحه اه
داليا :- شكلنا كده هنرجع اللقاء القديم واللى حصل فيه
ادهم :- ضحك وقال بكرشك ده
داليا :- ده انتفاخ مش اكتر
ادهم :- راح عندها وشدها فى حضنه وقال وحبك ليا انتفاخ برضه
داليا :- بصت فى عينه واتوترت وقالت د.د.ده مكان شغل يا عم انت ابعد بقى
ادهم :- طيب هاتى بوسه قبل اللقاء علشان اتحمس و كده
داليا:- استاذ ادهم مينفعش كده الصحفيه مع رجل الأعمال فى مكتبه عيب
ادهم :- قرب من شفايفها وباسها وبعد وقت بعد عنها وقال محدش ليه عندنا حاجه مراتى حبيبتى مع جوزها حبيبها صح
داليا :- بصت فى عيونه وقالت صح ومدام انت جوزى حبيبى يبقى محدش ليه عندنا حاجه وقربت من شفايفه وباسته وبعدت عنه وحضنته
ادهم :- ضمها فى حضنه وقال ما تيجى نروح وبلاش شغل النهارده
داليا :- مينفعش يا حبيبى اتفضل على مكتبك يلا خلينا نبدأ شغلنا
ادهم :- طيب تعالى اقعدى على رجلى وانتى بتعملى اللقاء
داليا :- والله وده ازاى ده روح يلا يا ادهم خلينى اشوف شغلى بقى دى اخرت اللى تفكر تشتغل مع جوزها فى مكان واحد
ادهم :- ضحك وباس داليا فى خدها وراح قعد على كرسيه وقعدت داليا وشغلت تليفونها علشان تسجل اللقاء وبدأت تسأله
~•~•~•~•~•~•~•~•~•~•~•~•~•
عند فادى

كان راكب عربيته وماشى بيها فى الشوارع وهو مضايق ومخنوق والدموع فى عينه ومش عارف يروح فين وفاجئه لاقه نفسه واقف قصاد باب بيت اهل نهى القديم نزل من عربيته وطلع خبط على الباب وانتظر حد يفتح ليه وشوية وفتحت الباب خالة نهى وقالت

الخاله :- ايوه يا ابنى
فادى :- احم حضرتك مش فكرانى انا اللى جيت قبل كده لنهى
الخاله :- معلش يا ابنى مش واخده بالى اتفضل
فادى :- لاء شكرآ بس كنت جاى اسأل معرفتوش حاجه عن نهى
الخاله :- والله يا ابنى احنا جه لينا واحد ومعاه ظرف فيه فلوس وبيقول أن ده من نهى تعويض على حبس جوزى لما اعتدى عليها وطلبت منه الطلاق وطلقنى ولما سألت على مكانها قال إنها رجعت لجوزها ومش عايزه حد يعرف مكانها
فادى :- بصدمه جوزك اعتدى عليها امته ده
الخاله :- والدموع فى عينيها من حاولى تلت شهور كده
فادى :- داس على أسنانه وقال الزباله الواطى بس ازاى نهى رجعت لجوزها هى عرفت مكانه
الخاله :- معرفش والله يا ابنى هو ده الكلام اللى اتقال ليا
فادى :- والدموع فى عينيه قال شكرآ ونزل وسابها وركب عربيته وراح على شركة رودينا ودخل عندها لاقها دموعها على خدها وسرحانه دخل اترمى فى حضنها وقعد يعيط
رودينا :- اتفاجئت باللى حصل وحاولت تبعده بعيد عنها بس هو كان ماسك فيها جامد
فادى :- بدموع جوز خالتها اعتدى عليها الواطى الزباله احنا السبب احنا السبب يا رودينا
رودينا :- بعدم فهم هى مين
فادى :- بدموع نهى يا رودينا
رودينا :- غمضت عينيها بوجع وقالت ابعد عنى
فادى :- ليه الدنيا بتعمل فيها كده ليه كلنا جينا عليها ورمت نفسها تانى فى النار ورجعت لجوزها اختارت أنها تتعذب علشانك يا رودينا
رودينا :- زقته جامد بدموع وقالت انت ايه يا اخى معندكش دم جاى وبتتكلم عليها قدامى عادى حرام عليك هى صعبانه عليك صح طيب وانا يا فادى مصعبتش عليك ولا ثانيه واحده كفاااااايه بقى اللى انت عمال تعمله فيا ده انت كل يوم بتثبت ليا انك محبتنيش ولا لحظه واحده وحبيت نهى اكتر منى طلقنى يا فادى طلقنى
فادي :- مسك ايديها وقال بترجى ساعدينى انساها يا رودينا خلاص مبقتش ليا رجعت لجوزها خلاص انا عارف انها عملت كده علشانك بس انا عايز انساها ارجوكى يا رودينا
رودينا :- شدت ايديها منه وقالت انت اكيد مجنون ازاى تطلب منى كده انت عارف معنى كلامك ده ايه انك عايزنى بديل ليها يا فادى
فادى :- بدموع رودينا انا عارف ان اللى بطلبه منك ده صعب بس انا فعلا محتاج وجودك جنبى دلوقتى
رودينا :- بدموع وانا مش هرجعلك يا فادى لو شوفتك بتموت قدامى وادته ضهرها وقالت اطلع بره
فادى :- راح مسك كتفها وقال رودينا
رودينا :- بعدت عنه وقالت اطلع بره قولتلك
فادى :- بصلها بدموع وطلع يجرى من مكتبها
رودينا :- غمضت عينيها بوجع ودموعها نزلت منها وقعدت على الكرسى وحطت ايديها على وشها وقعدت تعيط
~•~•~•~•~•~•~•~•~•~•~•~•~•
عند ممدوح

راح جاب فاطمه من الشغل بالعربيه ورجع على الفيلا بتاعته ودخلوا الاتنين مع بعض وقال

ممدوح :- وسع وسع وسع طمطم طماطيمو وصلت بيتى المتواضع
فاطمه :- ابتسمت ليه بوجع ومقالتش ولا كلمه
ايه :- جت وسلمت على فاطمه وقالت نورتى يا قلبى بيتك
فاطمه :- شكرآ يا ايه
ايه :- فاطمه انتى زعلانه منى
فاطمه :- لاء طبعآ انتى ذنبك ايه
ايه :- انا بحبك والله يا طمطم ومصدومه من اللى حصل ما بينكم ده ومش قادره اصدق ازاى أكرم قدر يعمل كده
فاطمه :- كل شئ قسمه ونصيب يا ايه
ممدوح :- بلاش السيره الغم دى دلوقتى وتعالوا ناكل احسن انا بطنى بتصوصو والبت ايه اكلها ريحته تطير العقل
وراحوا التلاته على السفره وقعدوا ياكلوا
وفى الوقت ده جرس الباب رن قامت ايه تفتح الباب واتصدمت وقالت
ايه :- جاسمين
جاسمين :- حضنتها وقالت واحشتينى يا ايوش
ايه :- من وراه جاسمين بصت لاكرم بأستغراب
جاسمين :- ايه يا يويو مش هدخلينا ولا ايه
ايه :- بصت لجوه ورجعت بصت لاكرم وجاسمين بتوتر وقالت ها ا.ا.اه طبعآ اتفضلوا
دخلوا التلاته واول ما أكرم شاف فاطمه اتصدم بوجودها
جاسمين :- اول ما شافت فاطمه بصت ليها بغيظ ومدت ايديها ومسكت ايد أكرم ودخلوا والاتنين ماسكين ايد بعض
فاطمه :- اول ما شافت أكرم وجاسمين ماسكين ايد بعض اتغاظت ومسكت دموعها بالعافيه وجت تقوم علشان تمشى كوباية المايه وقعت فى الارض واتكسرت قالت بتوتر ا.ا اسفه ونزلت تلم الازاز بتوتر ودموعها نزلت منها والازازه جرحت ايديها
ممدوح :- بص لاكرم بغيظ وطلع يجرى على أخته وقال مش مهم يا فاطمه سبيها كده جرحتى ايدك تعالى معايا واخدها الحمام
فاطمه :- اترمت فى حضن ممدوح وقعدت تعيط وقالت شوفت ماسك ايد بنت عمه ازاى يا ممدوح ده زى ما صدق أنه طلقنى علشان يروح ليها ليه بيعمل فيا كل ده ليه
ممدوح :- شششش أهدى يا حبيبتى انا عايزك تتعاملى عادى قدامه ولا كأنه موجود ولا شاغل بالك اصلا
فاطمه :- بدموع مش هقدر يا ممدوح ده انا هموت من ساعة ما شوفته ماسك ايديها كده انا لازم امشى
ممدوح:- يا بت انتى كده بتظهرى ضعفك ليه خليكى قدامه قويه ولا بيهمك عارف ان انتى من جواكى بتتقطعى بس على الاقل اظهرى قدامه انك هاديه وشئ عادى اللى شايفه
فاطمه :- بتقطع بس ده انا بموت يا ممدوح وقعدت تعيط
ممدوح :- اغسلى وشك وتعالى نطلع ليهم وانتى طبيعيه
فاطمه :- بدموع حاضر وغسلت وشها وخرجوا الاتنين مع بعض
ايه :- فاطمه انتى كويسه
فاطمه :- طبعآ كويسه بس الكوبايه وقعت غصب عنى سورى يا ايه
ايه :- ولا يهمك يا حبيبتى فداكى مليون كوبايه
ممدوح :- بغيظ منورنى يا ابو النسب
أكرم :- بقرف شكرآ
جاسمين :- بصت لايه وقالت جوزك شكله لطيف جدآ يا ايه
ايه :- ميرسى يا حبيبتى عقبالك يارب
جاسمين :- ما انا خلاص ربنا كرمنى بأكرم وخلاص هنتجوز ومسكت دراعه
فاطمه :- بصت ليهم بصدمه وبصت على ايديها اللى ماسكه دراعه ومسكت دموعها بالعافيه
ممدوح :- بجد مبروك لايقين على بعض جدآ حله ولاقت غطاها
جاسمين :- what
ممدوح :- خطيبك يبقى يفهمك بقى
أكرم :- بص لممدوح بقرف
ممدوح :- يلا نكمل اكلنا زمانه برد
ايه :- قوم يلا يا اكرم تعالى يا جاسمين يلا يا بطه
فاطمه :- الحمدالله انا شبعت روحوا انتو
ممدوح :- قومى يا بت يعنى يرضيكى ايوش حبيبتى توقف ليكى طول النهار تعملك الاكل اللى بتحبيه وفى الاخر متاكليش
فاطمه :- بس انا فعلا ش
ممدوح :- قطعها وقال يلااااااا
فاطمه :- اتنهدت وراحت معاهم وقعدوا كلهم تانى على السفره واكرم قعد على الكرسى اللى قصاد فاطمه وجاسمين جنبه
جاسمين :- خد دى من ايدى يا كرومه وحطتها فى بؤقه
فاطمه :- غمضت عينيها بوجع والم وداست بقبضت ايديها جامد على المعلقه اللى ماسكها
ممدوح :- بص على فاطمه وشاف الحاله اللى هى فيها قال قوليلى بقى يا طمطم يومك كان عامل ازاى فى الشغل
فاطمه :- احم تمام كان تمام
ممدوح :- ايه رأيك تسافرى معانا المرادى تونس
ايه :- والله فكره تعالى على الأقل تقعدى معايا هناك بدل ما انا بقعد لوحدى ما بين أربع حيطان
فاطمه :- مش عارفه نظام الشغل هيكون ايه هشوف وارد عليكم
ممدوح :- ملكيش دعوه بالشغل داليا مش هتقولك حاجه
فاطمه :- اتنهدت وقالت ربنا يسهل
جاسمين :- ايه رأيك احنا كمان نسافر يومين معاهم قبل الفرح يا اكرم
أكرم :- احم اللى تشوفيه يا حبيبتى
فاطمه :- اول ما سمعت كلمة حبيبتى لحد تانى مقدرتش تمسك دموعها اكتر من كده ونزلت منها قامت وقفت وقالت عن اذنكم وفتحت الباب لاقت المطر نازل و رعد وبرق ولسه هتخرج لاقت ايد بتمنعها تخرج بتبص لاقته أكرم
أكرم :- مش هينفع تمشى فى الجو ده
فاطمه :- زقت ايده ومردتش عليه
ممدوح :- يا بنتى مش هينفع تمشى فى الجو ده
فاطمه :- معلش يا ممدوح انا لازم امشى اتأخرت على بابا وماما فى البيت
ايه :- استنى وممدوح يتصل بيهم يبلغهم انك مش هتقدرى تروحى فى الجو ده
فاطمه :- بصت لجاسمين ولاكرم واتنهدت بوجع وقالت معلش انا عايزه اروح
ممدوح :- يخربيت دماغك الناشفه دى طيب اصبرى اجيب حاجه تقيله وانزل اوصلك
فاطمه :- لاء انا هركب تاكسى وسابتهم ومشيت تحت المطر
ممدوح :- دماغها ناشفه وبص بقرف لاكرم وقال هطلع البس حاجه تقيله واروح ليها
أكرم :- انا ماشى يا ايه
ايه :- ما تصبر انت كمان هتمشى ازاى
أكرم :- هنروح عادى وخرجوا الاتنين وركبوا العربيه وخرج بيها من باب الفيلا لاقه فاطمه قاعده على الرصيف ومفيش اى حد والدنيا بتمطر عليها اتنهد بوجع ووقف العربيه ولسه هينزل
جاسمين :- رايح فين
أكرم :- هنزل اجبها اوصلها
جاسمين :- مينفعش ومسكت أيده تمنعه
أكرم :- فهم قصد جاسمين غمض عينه بوجع ورجع شغل العربيه ومشى بيها بس لاقه الدنيا كلها مايه والعربيه عطلت منه خبط على العربيه بغيظ وقال مش وقتك خالص
جاسمين :- هنروح ازاى
أكرم :- مش عارف
جاسمين :- تعال نرجع تانى عند ايه
أكرم :- مش قدامنا حل غير كده

عند ممدوح

خرج من الفيلا بيجرى لاقه فاطمه منهاره من العياط تحت المطر وجسمها كله بيرتعش طلع يجرى عليها وقال والدموع فى عينيه

ممدوح :- ليه تعملى فى نفسك كده بس وقلع الجاكت من عليه وحطه عليها وقال قومى تعالى معايا جوه هما مشوا خلاص
فاطمه :- بدموع مقدرتش استحمل اكتر من كده ضعفت يا ممدوح صعب عليا اشوفهم مع بعض واسمع شفايفه تنطق كلمة حبيبتى لحد تانى
ممدوح :- عارف تعالى وسندها تقف ودخل بيها الفيلا تانى وقال ايه هاتى ليها هدوم من عندك بسرعه ولسه هيطلع بيها جرس الباب رن قعدها على اول درجه من السلم وراح يفتح وقال انتو تانى
أكرم :- بقرف العربيه عطلت من الشوارع كلها غرقانه
ممدوح :- اتنهد ووسع ليهم الطريق وقال اتفضلوا
أكرم :- دخل لاقه فاطمه هدومها كلها مبلوله وبترتعش وقاعده على السلم
فاطمه :- بصت لاكرم وجاسمين بدموع وقالت ممدوح عايزه اطلع فوق
ممدوح :- حاضر يا حبيبتى تعالى ومسك ايديها وطلع بيها الاوضه اللى فوق
ايه :- خدى هدوم اهى غيرى هدومك دى بسرعه علشان متبرديش
ممدوح :- انزلى لاخوكى وبنت عمك تحت راجعوا تانى علشان العربيه عطلت
ايه :- تمام هجهز ليهم الاوضين اللى جنب الاوضه دى
ممدوح :- ماشى
ايه :- خرجت من الاوضه وراحت تجهز ليهم الاوض التانيه
ممدوح :- ادخلى الحمام غيرى هدومك دى وانا مستنيكى
فاطمه :- هزت راسها والدموع نازله من عينيها وقالت ح.ح حاضر ودخلت الحمام غيرت هدومها وخرجت قعدت على السرير جنب ممدوح
ممدوح :- مشى أيده على شعرها وقال ميستاهلش دموعك دى عليه
فاطمه :- انا بموت يا ممدوح مش متخيله أن هو خلاص هيبقى لغيرى
ممدوح :- اتنهد بوجع وقال بعد الشر عليكى يا حبيبتى من الموت ربنا يخليكى وتتجوزى سيد سيده
فاطمه :- انا مش عايزه سيد سيده انا عايزاه هو بس يا ممدوح
ممدوح :- هجيبه ليكى زاحف على الأرض كده وبيتمنا رضاكى يا فاطمه وحياة كل دامعه نزلت من عيونك بسببه هخليه يندم ندم عمره عليكى
فاطمه :- عيطت اكتر ومسكت فيه
ممدوح :- ششش أهدى يا حبيبتى وقعد يمشى أيده على شعرها لحد ما نامت رجعها لوراه ونيمها على المخده وغطها وباس راسها وطفى النور عليها وخرج وقفل الباب وراه ودخل على اوضه
~•~•~•~•~•~•~•~•~•~•~•~•~•
فى بيت سعيد

وصلت داليا وادهم على بيت سعيد رنت داليا الجرس وفتح الباب مؤمن وحضن داليا وقال

مؤمن :- دودى واحشتينى يا مزتى
داليا :- وانت كمان يا روح مزتك عامل ايه
مؤمن :- شغال المربيه سعديه لاخوكى ومراته وبنته
داليا :- هههههههه احسن تستاهلى يا بيضه وقرصته من خده ودخلت
ادهم :- ضحك على حركة داليا فى مؤمن وقرصه هو كمان فى خده ودخل
مؤمن :- ده ايه عيلة الاستظراف دى وقفل الباب بغيظ ودخل
داليا :- مبرررررروك يا ابو الحماميز لاء ابو الحماميز ايه بقى خلاص احنا نقول يا ابو هاجر من هنا ورايح وحضنته
حمزه :- بحب الله يبارك فيكى يا حبيبتى عقبال ما ربنا يقومك انتى كمان بالسلامه يارب
ادهم :- سلم على حمزه وقال تتربى فى عزك يارب
حمزه :- ربنا يخليك اتفضلوا اقعدوا على ما انادى ميرفت وسابهم ودخل الاوضه
داليا :- هروح اشوف بابا فى المطبخ اسلم عليه
ادهم :- ماشى يا حبيبتى
مؤمن :- منور
ادهم :- بنورك
مؤمن :- قعد جنبه وقال ليا عندك طلب
ادهم :- بأستغراب قول
مؤمن :- بس احياة ابنك اللى جاى ده ما ترفض
ادهم :- لاء ما هو بطريقتك دى انا شكلى هرفض
مؤمن :- لالالا ده انا اروح فيها
ادهم :- طيب ما تنطق يا ابنى عايز ايه
مؤمن :- توعدنى أن سندس ليا لحد ما ادخل الجامعه واجى اخطبها منك رسمى
ادهم :- رفع حاجبه وبص ليه شويه
مؤمن :- اللهى تنستر يارب ما ترفض انا بحب البت دى وهى شكلها بنت ناس محترمه اوى. والله
ادهم :- شكلها بنت ناس
مؤمن :- ها لالالا اقصد اكيد بنت ناس محترمه
ادهم :- مش شايف انك صغير لسه على الكلام ده
مؤمن :- صغير ايه بس ده انا داخل السنه الجايه الجامعه يعنى كلها سنه واحده بس اضمن انها متروحش لغير احسن وربنا اغزها ويبقى ذنبى وذنبها فى رقابتك ها قولت ايه
ادهم :- وهو كاتم ضحكته قال عمومآ لسه بدرى على الكلام ده لما يجى وقتها يبقى يحلها ربنا
مؤمن :- طيب ادينى اى أمل طااااه
ادهم :- قولتلك مش وقته واسكت بقى بدل ما ارفض خالص
مؤمن :- لا ترفض ايه وبعد عنه وقال بنى أدم ثقيل
ادهم :- بتقول حاجه
مؤمن :- ها لاء انا بقول انك منور يا ابو النسب أن شاءالله
ادهم :- ضحك وقال بنورك يا اخويه
ميرفت :- جت سلمت عليه وقالت منور يا استاذ ادهم
ادهم :- سلم عليها وقال حمدالله على السلامه مبروك ما جالك يا ميرفت
ميرفت :- الله يبارك فى حضرتك
ادهم :- حط ظرف على صدر هاجر وقال عقبال ما تشوفيها عروسه يارب
ميرفت :- شكرآ ربنا يخليك وقعدت جنب حمزه
وفى الوقت ده جت داليا وسعيد وسلم سعيد على ادهم وقعد
داليا :- مبروك ما جالك يا ميرفت عقبال ما تفرحى بيها يا حبيبتى واخدتها منها
ميرفت :- الله يبارك فيكى يا حبيبتى عقبال ما ربنا يقومك بالسلامه يارب
داليا :- بسم الله ماشاء الله طالعه زى القمر
حمزه :- شبهك اوى على فكره
داليا :- يا خلاثى بقى انا بالجمال ده يا ناس
ميرفت :- لا فعلا والله لسه بقول لحمزه أنها شبهك خالص والله
داليا :- حبيبت عمتها يا ناس
ادهم :- بس ربنا يستر متطلعش فى دماغ عمتها بس
داليا :- مالها دماغى أن شاءالله
ادهم :- لا يا حبيبتى عايزه كسرها بس
داليا :- والله كده يا ادهم
ادهم :- ضحك وقال بس منكرش أن انا بحب عمتها برضه
مؤمن :- انت كده فى السليم من خاف سلم
الكل ضحك على كلمة مؤمن
ادهم :- بتحذير بلاش انت
مؤمن :- ها بس اديها ولا يهمك على دماغها اختى وانا عارفها متجيش غير بالسك: حلو كده ؟
داليا :- لا والله
مؤمن :- معلش يا اختى الكيف بيحكم بقى
وقعدوا يضحكوا ويهزروا مع بعض وانتهى اليوم وقال ادهم
ادهم :- يلا يا حبيبتى
داليا :- اوك يلا
مؤمن :- يلا فين انتو مش سامعين صوت المطر والرعد ده هتمشوا ازاى بس فى الجو ده
سعيد :- صح يا ابنى هتمشوا ازاى كده مش هتعرفوا تمشوا خليكم النهارده ناموا هنا فى اوضت داليا انا مرضتش اخلى مؤمن يقعد فيها ومخليها زى ما هى يا بنتى
داليا :- ليه بس يا بابا خلى مؤمن يقعد فيها بدل ما بينام معاك فى الاوضه كده
مؤمن :- مش راضى يا اختى بتحايل عليه علشان اقعد فيها من يوم ما انتى مشيتى بس هو مش راضى وبيقولى لما انا اقعد فيها انتى لما تيجى هتنامى فين
داليا:- خلاص من بكره انقل فيها
سعيد :- يا بنتى مينفعش اهو ظرف زى ده هتناموا فين خلى اوضك زى ما هى وهو عنده اوضى ينام فيها زى ما هو عايز
داليا :- يا حبيبى خليه ينام فيها ولو يوم جيت انام عندك يبقى ينام هو جنبك اليوم ده وانا انام فى سريرى عادى
سعيد :- ماشى
مؤمن :- بفرحه يحيى العدل هو ده الكلام حلاوتك يا دودى يا مقنع انت
الكل ضحك على كلام مؤمن ودخل ادهم وداليا الاوضه بتاعتها
داليا :- عمرى ما كنت اتخيل انك هتنام معايا فى الاوضه دى
ادهم :- قلع الجاكت بتاعه ونام على السرير وقال ولا انا بس سريرك حلو اوى وفتح دراعه ليها
داليا :- نامت فى حضنه وقالت انت احلى حاجه حصلت فى حياتى
ادهم :- قرب من شفايفها وباسها وبعد وقت بعد عنها وبص فى عينيها وقال بعشقك
داليا :- اتنهدت بحب وحطت راسها على صدر ادهم وقالت الله يا ادهم احساس جميل اوى لما بنام وانا بسمع دقات قلبك بحس أن انا مطمنه اوى وانا فى حضنك بحس براحه كبيره اوى وانا نايمه هنا
ادهم :- باس راسها وضمها فى حضنه اكتر وقال تصبحى على خير يا قلبى
داليا :- باست صدره وقالت وانت من أهله وغمضت عينيها وابتسمت بحب ونامت
*********************
إلي هنا ينتهي الفصل الحادى والثمانون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة