U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

رواية تمرد صحفية بقلم دودو محمد - الفصل الثالث والثمانون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة دودو محمد علي موقعنا قصص 26 و موعدنا اليوم مع الفصل الثالث والثمانون من  رواية تمرد صحفية بقلم دودو محمد. 

رواية تمرد صحفية بقلم دودو محمد - الفصل الثالث والثمانون

اقرأ أيضا: روايات رومانسية
رواية تمرد صحفية بقلم دودو محمد
رواية تمرد صحفية بقلم دودو محمد

رواية تمرد صحفية بقلم دودو محمد - الفصل الثالث والثمانون

فلاش بااااااك

طلبت نهى تقابل ادهم وكانت منهاره من العياط
نزل ليها ادهم من غير ما يحسس حد وقال

ادهم :- انتى جايه هنا ليه وعايزه ايه بعد ما خربتى بيت اخويه
نهى :- بدموع ابوس ايدك ساعدنى انا مليش حد فى الدنيا دى بعد ربنا غيرك
ادهم :- صعب عليه شكلها قال انتى ايه اللى عمل فيكى كده
نهى :- بدموع جوز خالتى اعتدى عليا وهربت من البيت ومش عارفه اروح فين انا مش وحشه والله ولا قصد اخرب بيت اخوك انا كنت واخده قرار اسافر بعيد عنهم بعد ما حسيت بمشاعر اتجاهه وشوفت فى عينيه نظرة حب منه ليا بس كنت منتظره اجيب الفلوس اللى هسافر بيها هو اللى ضيع الدنيا مش انا انا صعب اخون صاحبتى مش انا اللى تنسى جميل حد عمله معاها ورودينا وقفت جنبى بجد ايام محمد انا متمنتش يحصل كل ده ما بينهم ولا كنت حابه رودينا تبعد عن جوزها ابوس ايدك سفرنى بره ابعدنى عن هنا مش عايزه حد يعرف مكانى ولا حتى خالتى
ادهم :- بجديه انا هساعدك وهسفرك بعيد عن هنا وهشغلك وهجبلك كمان سكن مقابل انك تبعدى عن اخويه نهائى ومتفكريش تقربى منه أبدآ
نهى :- من غير ما انت تقول أنا اخد قرار بكده فعلا ودموعها نزلت منها وقالت على قد حبى للاتنين هبعد هبعد على قد ما اقدر
ادهم :- تمام انا هنيمك فى اوضه فى الجنينه عندى بس حسك عينك تخرجى منها غير على السفر علطول فاهمه
نهى :- بدموع هزت راسها وقالت فاهمه
ادهم :- قبل ما تسافرى انا هنتقم ليكى من جوز خالتك ده هسجنه
نهى :- بس انا خايفه على خالتى لما تعرف اللى حصل يحصلها حاجه
ادهم :- لازم خالتك تعرف حقيقة الزباله ده وتبعد عنه هتظهرى بس وقت الكشف الطبى وهتختفى تانى وانا هقوم بكل حاجه
نهى :- بدموع هزت راسها وقالت حاضر
ادهم :- ومتقلقيش على خالتك انا هبعت ليها شهريه كل شهر تعوضها عن اللى هيحصل مع جوزها وهفهمها أن اللى بيبعت ده انتى وانك رجعتى لجوزك القديم علشان لو فادى سأل عليكى عندها تقوله كده وتقطع الامل عنده من نحيتك
نهى :- غمضت عينيها بوجع وقالت انا بشكرك على وقفتك جنبى دى وكل اللى حضرتك قولته ليا هنفذه بالظبط
ادهم :- العفو بس على الله متندمنيش على مساعدتى ليكى دى
نهى :- متقلقش انا اللى فيا مكفينى نفسى ابعد وارتاح بقى
ادهم :- يوم ما هتمشى من هنا هتنسى رجوعك لمصر نهائى بيتك وشغلك وحياتك هتبقى هناك
نهى :- حاضر متقلقش بس ممكن اسافر فى اى مكان الا فرنسا لان اول مكان هيدور فادى عليا فيه هى فرنسا وكمان احتمال يكون طليقى عايش هناك انا عايزه اروح مكان جديد محدش يعرفنى فيه
ادهم :- هسفرك أمريكا تشتغلى فى الفرع بتاع شركة مصطفى أبويه وهجبلك السكن اللى تقعدى فيه متقلقيش
نهى :- بوجع شكرآ بجد فعلا صدق فادى فى كل كلمه قالها عليك يا بختهم أن عندهم اخ زيك
ادهم :- تعالى معايا وراح عند الاوضه وقال اقعدى فيها حاول تعيشى بس فيها اليومين دول لحد ما اخلص ليكى كل إجراءات السفر واحبسلك جوز خالتك ده
نهى :- بصت للاوضه وقالت شكرآ
ادهم :- هبعتلك اكل مع الشغاله
نهى :- مليش نفس مش جعانه
ادهم :- انتى حره الاكل هبعته ليكى وانتى تاكليه دلوقتى ولا شويه براحتك وسابها ومشى
نهى :- دخلت الاوضه وقفلت الباب وقعدت على السرير وفضلت تعيط على اللى بيحصل ليها وبعد شويه سمعت خبط على الباب خافت تفتح بس سمعت صوت الشغاله وهى بتقولها
الشغاله :- بصوت واطى افتحى انا اللى ادهم بيه بعتها بالاكل
نهى :- فتحت الباب اخدت الاكل وقفلت الباب تانى بسرعه حطته على الترابيزه ونامت على السرير ونامت وضع الجنين وضمت رجليها عند صدرها وقعدت تعيط بوجع وحرقه ومر كذا يوم على وجودها فى الاوضه من غير ما حد يحس بيها وبرعاية ادهم ليها خلال الأيام دى قدم الشكوه فى جوز خالتها وتم الكشف عليها واتحكم عليه بتهمة التعدى على نهى والتحرش بيها وتمت كل إجراءات السفر لأمريكا وسفرها تشتغل فى شركة ابوه واشترى ليها سكن تقعد فيه وحول ليها مبلغ بأسمها فى البنك تعيش بيه عيشه مرتاحه
~•~•~•~•~•~•~•~•~•~•~•~•~
باااااااك

فاق ادهم من تفكيره على صوت تليفونه بيبص لاقها داليا رد عليها بحب وقال

ادهم :- واحشتينى
داليا :- وانت اكتر كنت بتعمل ايه
ادهم :- اممم كنت بشتغل شويه وافكر فيكى شويتين
داليا :- بضحك بس كده مش قسمة حق يا استاذ ادهم
ادهم :- عندك حق المفروض افكر فيكى اربعه وعشرين ساعه وضحك
داليا :- ايوه كده اتعدل
ادهم :- وانتى بتعملى ايه يا روحى
داليا :- بزعل كنت قاعده مع فاطمه بواسيها على اللى اكرم عامله فيها ده خطب بنت عمه
ادهم :- اه خطبها وفرحه اخر الاسبوع شكله اتجنن والله العظيم
داليا :- انا اللى هتجنن ايه اللى قلب حاله فى يوم وليله كده دى فاطمه يا عينى هتموت عليه وهو رايح يتجوز بنت عمه
ادهم :- مش عارف مش مرتاح للى بيحصل ده حاسس ان الموضوع ده فيه حاجه غلط أكرم لسه بيحب فاطمه وهيموت عليها بس مش فاهم ليه بيعمل كده الصراحه
داليا :- ربنا يهديه ويفوق ويرجع لمراته بقى احسن انا خايفه على فاطمه اوى
ادهم :- خليكى جنبها ومعاها متسبهاش يا داليا
داليا :- من غير ما تقول يا ادهم انا جنبها ومش هسيبها ربنا يريح قلبها يارب المشكله أنها بتحبه اوى وهو ولا حاسس بيها
ادهم :- هحاول أكلمه تانى وربنا يصلح حالهم يارب
داليا :- يارب يا حبيبى
ادهم :- قدامك كتير فى الشغل
داليا :- امممم لسه شويه وانت
ادهم :- وانا لسه شويه برضه
داليا :- ماشى يا قلبى اسيبك بقى تشوف شغلك وبرضه تفكر فيا ماشى
ادهم :- بضحك ماشى يا مجنونه بحبك
داليا :- بعشقك باى يا قلبى
ادهم :- قفل مع داليا واتنهد بحب وبدء يشوف شغله
~•~•~•~•~•~•~•~•~•~•~•~•~
فى أمريكا

فى شركة مصطفى

دخلت نهى المكتب عند سامر بشكلها الجديد والمتميز والجديه على وشها وحطت الملفات على مكتبه وخرجت تانى قعدت على مكتبها وتليفونها رن ردت بكل جديه وقالت

نهى :- ايوه يا فندم
سامر :- ايوه يا نهى عملتى ايه
نهى :- حطيت الملفات فى مكتب حضرتك
سامر :- تمام ماشى خدى بالك منها لأنها ملفات مهمه جدآ
نهى :- متقلقش يا فندم
سامر :- تمام يا نهى محتاجه حاجه
نهى :- شكرآ يا فندم
سامر :- تمام انا جاى اخر الاسبوع ده أن شاءالله
نهى :- تيجى بالسلامه يا فندم
سامر :- الله يسلمك باى
نهى :- مع السلامه وقفلت السكه مع سامر واتنهدت بتعب وحطت راسها على المكتب بتاعها وغمضت عينيها وشافت فى نومها جوز خالتها وهو بيعتدى عليها قامت مفزوعه من نومها ونفسها سرع وبصت حاوليها لاقت نفسها فى الشركه اتنهدت براحه ودموعها نزلت منها وقالت بوجع يارب نفسى انسى اللى حصل ده يارب انا تعبت من الكوابيس اللى مش بتنتهى دى ومسحت دموعها وبصت فى الساعه بتاعتها لاقت انتهى وقت العمل قامت من على الكرسى واخدت شنتطها ونزلت ركبت المواصلة اللى ريحه على السكن بتاعها وبعد وقت وصلت نزلت وطلعت على شقتها ودخلت من باب الشقه و حدفت شنتطها على الكنبه وقلعت جزمتها وحدفتها على الأرض والمفاتيح حدفتهم على الترابيزه وطلعت اوضتها وقلعت هدومها ودخلت الحمام وقعدت فى البانيو فى ميه سخنه وغمضت عينيها بوجع واتنهدت وجه قصاد عينيها فادى نزلت بجسمها وراسها تحت المايه وكتمت نفسها وقعدت وقت طويل على كده وخرجت مره واحده من تحت الميه وقعدت تكح وبتتنفس بصعوبه قامت خرجت من البانيو ولبست البورنص وخرجت من الحمام نزلت المطبخ حضرت اكل وقعدت تاكل وبعد وقت خلصت اكل وغسلت الاطباق وقامت قعدت تقلب فى التلفزيون معجبهاش حاجه طفته وطلعت اوضتها لبست هدومها ونامت على السرير وفضلت تبص على السقف بدموع شافت قصادها فادى حطت المخده على وشها وقالت كفااااااايه بقى اطلع من تفكيرى كفايه تظهر كل شويه ليا انا عايزه انساك يارب قوينى من عندك وشالت المخده وقامت قعدت وضمت رجليها عند صدرها وقعدت تعيط
~•~•~•~•~•~•~•~•~•~•~•~•~
فى اسكندريه

فى فيلا أكرم

وصل اكرم الفيلا ودخل لاقه ابوه قاعد على الكرسى وأمه قاعده جنب جاسمين اتنهد وقال

أكرم :- السلام عليكم
الكل رد عليه السلام
جاسمين :- راحت عنده وباسته من خده وقالت واحشتنى
أكرم :- ابتسم ليها بوجع وقال وانتى كمان يا حبيبتى
منير :- اتنهد بغيظ وقام وقف ولسه هيطلع اوضه
أكرم :- بابا
منير :- وقف من غير ما يبص ليه
أكرم :- اتنهد وراح عنده وقال انا حددت خلاص الفرح اخر الاسبوع ده
منير :- وانا مالى مش انت عملت كل حاجه بنفسك يبقى كمل لوحدك يا اكرم
أكرم :- يا بابا بلاش تصعبها عليا اكتر من كده
منير :- بصله بغيظ وقال انت اللى صعبتها على نفسك مش انا يا اكرم اعتبرنى مش موجود وسابه وطلع اوضه
أكرم :- بص لامه وقال وانتى يا ماما برضه هتعملى زى بابا وتتخلى عنى فى يوم زى ده
وفاء :- انا مش موافقه على اللى انت بتعمله ده يا ابنى بس مقدرش اتخلى عنك
أكرم :- بص لجاسمين وبص لامه وطلع على اوضه ودخل وقفل الباب وراه وقعد يعيط وفى الوقت ده دخلت جاسمين وقفلت الباب وراها بصلها أكرم بأستغراب وقال جاسمين
جاسمين :- قعدت جنبه وطبطبت عليه وقالت متزعلش محدش يعرف حاجه بكره لما الكل يفهم هيعذروك
أكرم :- بدموع مش قادر استحمل بعدها اكتر من كده يا جاسمين انا بتقطع والله العظيم الموت عندى اهون من بعدها عنى
جاسمين :- مسكت دموعها بالعافيه وقالت يا بختها علشان بتحبها الحب ده كله معلش هانت خلاص ومره واحده قربت من شفايفه وباسته
أكرم :- اتفاجئ وحاول يبعد عنها
جاسمين :-قربت جنب ودنه وقالت متبعدش فيه حد بيراقبنا من بعيد
أكرم :- قرب اكتر ليها وقال جنب ودنها مكرم
جاسمين :- وهى بتلعب فى شعره قالت مش واضح بس بيراقبنا من وراه الشجر بتاع الفيلا
أكرم :- حاول يبص
جاسمين :- متبصش علشان ميخدش باله أننا واخدين بالنا وبعدت عنه وابتسمت وباست خده وقالت بصوت عالى تصبح على خير يا حبيبى وسابته وخرجت
أكرم :- حاول يبص شاف الشجر بيتحرك وشخص بيجرى بعيد
مسك تليفونه وطلب تامر وقال مكرم كان هنا بيراقبنا
تامر :- عارفين ومتابعين خطواته الله ينور عليكم الخطه ماشيه زى ما احنا عايزين بالظبط
أكرم :- اوعى يأذى فاطمه يا تامر انا عملت اللى انتو عايزينه كله بس لو حصل حاجه لفاطمه مش هرحمكم
تامر :- هو دلوقتى كل اللى شاغله حبيبته اللى مع اخوه وهو أتأكد من كده اما فاطمه مبقتش تخصه فى حاجه طلاقك ليها حماها منه متقلقش يا اكرم كله تحت السيطره ومفيش اى خطوره على فاطمه
أكرم :- اتنهد وقال لما نشوف اخرها ايه الحكايه دى سلام وقفل السكه مع تامر ونام على سريره وافتكر اللى حصل ما بينه وبين تامر
~•~•~•~•~•~•~•~•~•~•~•~•~•
فلاش بااااااك

اتصل تامر بأكرم بعد موت ابنه بأسبوع وطلب منه انه يجى ليه ضرورى وراح ليه أكرم المكتب وسلم عليه وقعد وقال

أكرم :- خير يا تامر
تامر :- اولا الف سلامه على فاطمه وربنا يعوضك خير ان شاءالله عن فقدآ البيبى يارب
أكرم :- بزعل الله يسلمك يا تامر بس معتقدش انت جيبنى هنا علشان تقولى كده
تامر :- فعلا احنا محتاجين مساعدتك علشان نقدر نوصل لاخوك مكرم
أكرم :- محتاجين مساعدتى ازاى يعنى ما انا لو اعرف مكانه ما كنت روحت ليه وانتقمت منه على اللى عمله فى مراتى وابنى
تامر :- انا عارف انك متعرفش مكانه فين بس ايه اكتر حاجه اخوك بيتأثر بيها واحده مثلا كان بيحبها وبعدت عنه حاجه اخوك بيضعف قدامها
أكرم :- فكر شويه وقال جاسمين بنت عمه هى دى نقطة ضعفه وسبب تحوله بالشكل ده
تامر :- حلو هى فين
أكرم :- عايشه فى أمريكا مع اهلها
تامر :- بصدمه فى أمريكا ؟
أكرم :- ايوه
تامر :- طيب هى بتحبه
أكرم :- لاء بس هى بتحبنى انا ومكرم عارف كده
تامر :- حلو اوى يعنى ده هيسهل علينا كتير اوى
أكرم :- ازاى مش فاهم
تامر :- احنا هنبعت نجيب جاسمين وهو اكيد بيراقبك وهتعلن انك خطبتها وتحدد فرحك عليها وهو هيتجن وهيبدأ يفقد السيطره على أفعاله وهيراقب اكتر تحركتكم وهيحاول يمنع الفرح ده يتم واحنا هنكون مأمنين كل المداخل وهنقبض عليه قبل ما يأذى اى حد فيكم
أكرم :- استنا بس ازاى أخطب جاسمين طيب وفاطمه مش هتقبل بكل ده
تامر :- فاطمه اصلا مش لازم تعرف بالخطه دى لأنها بتصرفاتها هتبوظ كل حاجه
أكرم :- انت عارف معنى كلامك ده ايه يعنى فاطمه هتبعد عنى وتطلب الطلاق منى لانها مش هتقبل بالوضع ده خالص
تامر :- أكرم انت لازم تطلق فاطمه قبل ما نبدء الخطه اصلا
أكرم :- بصدمه اطلق فاطمه مستحيل طبعآ
تامر :- انت لازم تطلقها لسببين اول سبب علشان الخطه متبوظش وتانى سبب وده الاهم فاطمه طول ما هى مراتك هتكون معرضه للخطر من مكرم علشان ينتقم منك فيها بطلاقك ليها انت كده بتكون بتبعد الخطر عنها
أكرم :- هز راسه يمين وشمال وقال لالالا مستحيل ده يحصل انا مقدرش أطلق فاطمه صعبه عليا وعليها فاطمه ممكن يحصلها حاجه لو طلقتها فاطمه بتحبنى وهتكون صعبه عليها لما تعرف أن انا هخطب غيرها واتجوز كمان جاسمين وهى بتغير منها لالالا شوفوا اى طريقه تانيه غير دى مش هقدر اعمل كده صدقونى
تامر :- يا ابنى فكر بالعقل شويه وجود مكرم اكتر من كده خطر على الكل دوس شويه على نفسكم واستحمل شويه وفى الاخر كل حاجه هترجع زى الاول واحسن ومكرم يتعدم بقى ونرتاح
أكرم :- سكت شويه وقال طيب هعمل كده بحجة ايه
تامر :- اللى هو ايه
أكرم :- طل وسكت وقال مش قادر انطقها والله
تامر :- تقصد طلاق فاطمه
أكرم :- هز راسه بمعنى ايوه
تامر :- بحجة موت ابنك
أكرم :- انا اه زعلت منها شويه بس مش لدرجة أن انا أطلقها فى الاول والاخر ده قضاء الله وهما مش هيقتنعوا بسبب الطلاق ده لأنهم عارفين أن انا مؤمن بقضاء الله
تامر :- بس زعلت منها صح ولا مش صح
أكرم :- ايوه زعلت لأن نزولها الشغل سهل وصل مكرم ليها
تامر :- خلاص كمل على كده وطلقها
أكرم :- اتنهد وقال مش عارف هعرف انطقها ازاى انا بحب فاطمه وهتكون صعبه على لسانى والله
تامر :- عارف بس معلش كل ده لمصلحتها
أكرم :- وقف وقال ربنا يسهل
تامر :- سلم عليه وقال حاول تطلقها فى اسرع وقت علشان نبدء الخطه
أكرم :- أن شاءالله ومشى وسابه وروح الفيلا وطلع اوضه لاقه فاطمه نايمه قعد جنبها ومشى أيده على شعرها ودموعه نزلت منه وقال حقك عليا فى اللى هيحصل ده انا بحبك والله العظيم بحبك وهتكون صعبه عليا زيك واكتر وقرب من خدها وباسها وراح نام على الكنبه وفضل تلت شهور على وضعه ده مش قادر يطلقها ولا قادر يحكى لفاطمه حاجه بقى ينزل الشغل قبل ما تصحه ويرجع بعد ما تنام علشان ميشوفش عينيها ويضعف وبقى تامر يلح عليه علشان يطلق فاطمه علشان يبدأو الخطه لحد ما جت اللحظه اللى قدر ينطق فيها كلمة الطلاق وكانت سكينه بتقطع قلبه وهو بينطقها وبلغوا جاسمين الخطه ووافقت تساعدهم فى الخطه ونزلت مصر فى أول طياره جايه من امريكا
~•~•~•~•~•~•~•~•~•~•~•~•~•
بااااااك

أكرم :- دموعه نزلت منه وقال واحشتينى اوى يا فاطمه اوى وحشنى حضنك وضحكتك كلامك جنانك كل حاجه واحشتنى فيكى يا حبيبتى واتنهد وغمض عينه ونام
~•~•~•~•~•~•~•~•~•~•~•~•~•
فى بيت فاطمه

روحت فاطمه البيت وهى حزينه لاقت ممدوح وايه موجودين استغربت وقالت

فاطمه :- ممدوح ايه جابك تانى النهارده
ممدوح :- مسك قلبه وقال قلبى اختى مش عايزه تشوف وشى ليه بس تعملى فيا كده ومثل أنه بيعيط
فاطمه :- ضحكت وقالت مجنون
ممدوح :- ايوه بقى القمر ضحك ليا يا ناس
فاطمه :- حضنته وقالت ربنا يخليك ليا يا ممدوح وتفضل سند ليا يا حبيبى
ممدوح :- يا بت احنا اخوات قبل ما نكون ولاد عم يعنى انتى حته منى وعمرى كله مش خساره فيكى انا هفضل سندك وحمايتك فى الدنيا دى وباس راسها وقال انا عايز اشوف ضحكتك دايمآ منوره وشك ومرسومه على شفايفك
فاطمه :- باست خده وقالت طول ما انت معايا وجنبى الضحكه بتعرف طريقها لشفايفى
ايه :- ياريتنى كان أسمى فاطمه هيييييح
ممدوح :- يا شيخه اتنيلى ده على اساس الجبل هيتهز لو قولت ليه كلام حلو
ايه :- ممدوح اتلم احسنلك
ممدوح :- وحد الله يا جعفر مش قدام الناس يا اخى
فاطمه :- بضحك مجانين والله
ممدوح :- بقولك ايه يا طمطم ما تقولى كلمتين لجعفر خليه يحن عليا شويه ده انا جوزها والله بتعاملنى معامله وحشه اوى الصراحه
فاطمه :- بضحك اجمد كده ياض
ممدوح :- يا شيخه اتنيلى اللى ميعرفش يقول عدس
فاطمه :- بضحك انتى بتعملى فيه ايه يا بت
ممدوح :- لطم على وشه وقال المصيبه أنها مش بتعمل اسكتى يا اختتتتتتى اسكتى
ايه :- والله ظلمنى يا طمطم وراحت عند ممدوح وقالت بدلع اخس عليك يا مندوح بقى انا بعذبك وقربت من خده وباسته وهى بتضحك
ممدوح :- ها هو اللى حصل ده بجد جعفر اتكلم بدلع يا بركة دعواتك يا اما ومسك ايديها وقال لاء انا لازم امشى حالا قبل ما جعفر يحضر تانى يمكن تتفك عقدتنا دى
ايه :- شدت ايديها منه وقالت ب.ب بس جنان يا ممدوح احنا لسه جاين
ممدوح :- لاء كده جعفر حضر تانى وقعد وحط رجل على رجل وقال انا هبات عند عمى مش مروح ها يا انا يا جعفر ده مليش دعوه
فاطمه وايه بصوا لبعض وقعدوا يضحكوا
ممدوح :- بصلهم هما الاتنين بحب وقال ربنا يخليكم ليا انتو الاتنين وتفضل الضحكه منوره وشكم
فاطمه وايه راحوا حضنوه وكل واحده باست خد ممدوح بحب
~•~•~•~•~•~•~•~•~•~•~•~•~
فى شركة رودينا

كانت قاعده على المكتب بتاعها كالعاده سرحانه ودموعها على خدها وسمعت صوت خبط على الباب مسحت دموعها وقالت

رودينا :- اتفضل والباب اتفتح قامت وقفت وقالت اتفضل حضرتك
ادهم :- دخل وقال عامله ايه يا رودينا
رودينا :- الحمدالله كويسه اتفضل اقعد
ادهم :- قعد وقال انا جاى لاختى الصغيره اتكلم معاها شويه وأشوف اللى مزعلها ايه واتأكدى انا هاجى فى صفك انتى ومش هظلمك اهم حاجه قولى كل اللى جواكى ليا من ناحية فادى اشتمى زعقى طلعى كل اللى جواكى اتجاهه وانسى خالص أن انا اخوه
رودينا :- قعدت على الكرسى بدموع وقالت بوجع هقول ايه بس الكلام مفيش منه منفعه
ادهم :- لاء غلطانه الكلام بينفع كتير بيبقى منفذ نخرج اللى جوانا واللى وجعنا وبيريحنا كتير اوى لما بنخرجه من قلوبنا اتكلمى يا رودينا وقولى كل حاجه جواكى
رودينا :- بدموع وانهيار فادى ده واطى وزباله وحيوان كسرى قلبى ووجعنى بكل ما عنده حب عليا صديقة عمرى وفى اول شهر جواز لينا كسر فرحتى بيه كسر فيا كل حاجه حلوه انا قلبى وجعنى اوى منه اوووى واللى وجعنى وكسرنى أن انا لسه بحبه ومش قادره اكره وبكل برود ودم بارد جاى يعيط فى حضنى علشانها مين تقدر تستحمل ربع اللى هو بيعملوا فيا ده حب عمرى وابو ابنى جاى يعيط فى حضنى علشان صعبانه عليه حبيبته انت متخيل وجع قلبى وكسرة نفسى فى اللحظه دى والله الموت اهون عندى من اللى فادى بيعملوا فيا ده وسكتت شويه وقالت بدموع انا الدموع مبقتش تنشف من على خدى انا بقيت بشوف كوابيس كتير اوى من كتر اللى هو بيعملوا فيا بابا بيطلب منى اسامحه بس ازاى وانا قلبى بينزف بسببه وانا عارفه أن حبيب قلبى بيحب واحده غيرى جوزى بيعترف ليا أن بيحبها وميقدرش يعيش من غيرها يا ااااالله والله العظيم صعبه عليا انت عارف يعنى ايه احساس واحده تنام فى حضن جوزها وهى متأكده أنه بيفكر فى غيرها وقلبه بيدق بأسمها هى هو عايزنا نرجع لبعض كبديل ليها مش اكتر عايز واحده تملى الفراغ اللى هى سابته ليه انت عارف يعنى ايه كسرة قلبى لما ابقى متأكده أن جوزى بيحب واحده تانيه اكتر منى اقولك على حاجه انا نفسى أنسى كل اللى حصل ده نفسى ارجع طبيعيه واعيش زى الناس نفسى ارجع رودينا بتاعة زمان قبل ما تدخل نهى فى حياتها والله العظيم نفسى أنسى وحطت ايديها على بؤقها وقعدت تعيط
ادهم :- اتكلمى تانى يا رودينا خرجى كل اللى جواكى اتكلمى اكتر كمان
رودينا :- انا مهما اتكلم مش هخلص كل الكلام اللى واجع قلبى انا نفسى اصرخ اصرخ لحد ما ارتاح
ادهم :- بس كده قومى تعالى معايا
رودينا :- بأستغراب على فين
ادهم :- تعالى بس
رودينا :- مسحت دموعها ونزلت مع ادهم وركبت العربيه جنبه
ادهم :- شغل عربيته ومشى بيها وراح مكان فاضى مفهوش حد نهائى ووقف العربيه وقال انزلى
رودينا :- بصت حاوليها وقالت انزل فين
ادهم :- مش انتى نفسك تصرخى علشان ترتاحى
رودينا :- ايوه
ادهم :- خلاص انزلى اصرخى براحتك لحد ما تحسى نفسك ارتحتى
رودينا :- بصت لادهم
ادهم :- انزلى
رودينا :- فتحت الباب ونزلت
ادهم :- فتح الباب ونزل وسند عليه وقال اصرخى
رودينا :- بصت ليه بأستغراب
ادهم :- ساكته ليه اصرخى يا رودينا صدقينى ده هيريحك كتير انا لما بكون مخنوق باجى هنا وبصرخ لحد ما احس نفسى ارتحت وامشى
رودينا :- مشيت لقدام وافتكرت كل اللى حصل بينها وبين نهى وفادى
ودموعها نزلت منها وقعدت على ركبها فى الارض وقعدت تصرخ بطريقه هستريه ودموعها تنزل منها وتصرخ اكتر واكتر واكتر لحد ما حست أن صوتها خلاص مبقاش قادر يطلع سكتت شويه وحست براحه كبيره
ادهم :- راح عندها وربع أيده على صدره وقال حاسه بأيه دلوقتى
رودينا :- بصت ليه وقالت ارتحت كتير
ادهم :- قومى يلا نروح مكان نتكلم فيه
رودينا :- قامت ونفضت هدومها وراحت ركبت العربيه
ادهم :- شغل العربيه ومشى بيها وراح على كافيه ووقف العربيه ونزل فتح الباب لرودينا وقال انزلى يلا
رودينا :- نزلت وراحت مع ادهم دخلوا وقعدوا على الترابيزه وطلب واحد ليمون لرودينا وواحد قهوه ساده ليه
ادهم :- بصى انا مش هقولك الكلام التقليدي اللى الناس كلها بتقوله ارجعى لجوزك علشان الطفل اللى ما بينكم مع أن هو ده الصح بس مش هقوله بس عايز اقولك الست الجدعه هى اللى بتعرف تحافظ على جوزها ومتخليش اى واحده تيجى جنبه حتى لو جوزك بص لواحده تانيه وحبها عليكى شوفى ايه السبب اللى خلى جوزك بص لواحده تانيه وتدويه ومتخليش التانيه تشغله اكتر من كده ادخلى سباق معاها اشغليه خلى عيونه متشوفش غيرك انتى خلي قلبك جامد مش طرى كده ومش اى واحده تقدر تقرب ليه الراجل ضعيف ومحتاج ست قويه قلبها قوى تدافع عليه وتحميه من ضعفه وتقويه تقوله لاء مش هسمح لاى واحده تخدك منى
رودينا :- بس انا فعلا مقصرتش معاه احنا اصلا ملحقناش احنا كان لسه بقالنا شهر بس
ادهم :- عارف انك مقصرتيش معاه بس بغبائك روحتى جبتى واحده غريبه وحطتيها قدامه كأنك بتقوليلوا متتعبش نفسك وتدور بره انا هجبها لحد عندك مفيش ست عاقله تعمل اللى انتى عملتيه ده انا مش بحب مراتى اهو وبموت فيها كمان بس لو جت واحده حلوه زى نهى عاشت شهر بحاله معانا اربعه وعشرين ساعه غصب عنى هتعود على وجودها فى حياتى وهتعلق بيها وده اللى حصل مع فادى هو مش حب ولا حاجه اللى فادى حاسس بيه ده تعود مش اكتر ولازم تدخلى حياته تانى فى الوقت ده علشان ميتعودش على غيابكم انتو الاتنين وجودك جنبه هيشغله بيكى تانى ونهى هتبقى مجرد ذكرى بايخه ما بينكم
رودينا :- ازاى بس انا اول ما بشوف وشه بفتكر كل اللى عمله فيا ده وهو ماشاءالله عليه مش بيتوصى بتعذيبى لما بيجيب سيرتها قدامى لو تعود زى ما حضرتك بتقول كان ناسها مجرد ما بعدت عنه ده سافر يدور عليها ازاى بس ده حب تعود
ادهم :- فادى مشوش فى تفكيره واحساسه مفكر اللى حاسس بيه لنهى ده حب بس مجرد ما هترجعى ليه هينسا اسمها ايه اصلا هو علشان حياته فاضيه دلوقتى بيفكر فيها علطول وهو لحد دلوقتى ده حب تعود بس مع الفراغ اللى هو عايش فيه ده وكتر التفكير فيها هيقلب معاه بحب بجد ومش معنى كلامى ده بقولك ارجعى ليه علطول لاء احنا لازم نحسسه بغلطه الاول
رودينا :- ازاى مش فاهمه
ادهم :- بضحك هنلعب بيه الكوره ايه رأيك
رودينا :- ابتسمت وقالت نلعب بيه الكوره ؟
ادهم :- ايوه يعنى انا ازعق ليه وابعتهولك علشان يصلحك انتى حاسبيه واوجعى قلبه ونفضل نعمل معاه كده كذا مره علشان نطلع عينه ويحرم يعمل كده تانى
رودينا :- بضحك فكره حلوه انا عايزه اطلع عينه
ادهم :- نطلع عينه واحنا عندنا كام رودينا بس
رودينا :- ضحكت وقالت شكرآ بجد حضرتك طلعت طيب اوى انا كنت دايمآ بشوفك متكبر ومغرور بس كنت غلطانه وشرف ليا أن حضرتك تبقى اخويه الكبير
ادهم :- انا هفضل جنبك واى وقت فادى يضايقك تيجى ليا انا علطول وانا هطلعلك عينه وقدامك كمان هخليه يفكر مليون مره قبل ما يزعلك
رودينا :- بأبتسامه حاضر
ادهم :- بضحك يلا بينا بقى بدل ما احتاج مساعدتك تصالحينى على داليا علشان اتأخرت عليها
رودينا :- بضحك لا ميرضنيش اكون السبب فى زعلك مع داليا يلا بينا
ادهم :- حاسب على المشروبات وخرجوا الاتنين ركبوا العربيه وصلها الفيلا بتاعتهم وراح عند الجريده لاقه داليا واقفه ومستنياه
داليا :- راحت عنده بغيظ وركبت العربيه وقالت بعصبيه كل ده تأخير يا ادهم كنت فين اتصلت بيك كتير ومش بترد عليا
ادهم :- سورى يا حبيبتى كان عندى شغل ضرورى اخرنى شويه عليكى متزعليش منى وباسها فى خدها
داليا :- اتنهدت وقالت ماشى سماح المرادى بس متتأخرش عليا كده تانى يا اما لو عندك شغل وهتتأخر تبلغنى وانا اروح مش افضل مستنياك كده فى الشارع
ادهم :- حاضر يا روحى وشغل العربيه وراحوا على الفيلا
~•~•~•~•~•~•~•~•~•~•~•~•~•
مرت الايام وجه ميعاد فرح أكرم وجاسمين وبدأت الناس تتجمع فى الفيلا بتاعة أكرم وكان أكرم متوتر من اللى هيحصل وخايف على فاطمه وحالتها اللى وصلت ليها بسبب خبر جوازه دخل الاوضه عند جاسمين وهى لابسه الفستان الابيض وقال

أكرم :- انا خايف اوى من اللى هيحصل النهارده خايف حد يتأذى
جاسمين :- متقلقش أن شاءالله مش هيحصل حاجه وهيتمسك من غير خساير
أكرم :- قعد على الكرسى وقال يا ترى فاطمه عامله ايه دلوقتى اكيد دموعها على خدها وقلبها مكسور أن هبقى لحد غيرها
جاسمين :- اتنهدت بوجع وقالت معلش استحمل النهارده بس ومن بكره هتروح ليها وتفهمها كل حاجه وهى علشان بتحبك هتسامحك
أكرم :- تفتكرى هتسامحنى بسرعه ولا هتبقى واخده على خاطرها منى
جاسمين :- معلش استحمل اللى هى حاسه بيه دلوقتى مش سهل على اى واحده تستحمله
أكرم :- عارف والله انه صعب عليها اوى
وفى الوقت ده خبطت ايه وبلغته أن المأذون تحت بص لجاسمين واتنهد بوجع
جاسمين :- حطت ايديها فى دارع أكرم وغمضت عينيها بوجع ونزلت معاه والكل سقف ليهم وقعدت جاسمين على الكرسى المخصص ليها وراح قعد جنب المأذون
ممدوح :- كان قاعد متغاظ من اللى بيحصل وهاين عليه يقوم يقتل أكرم
أكرم :- كانت عينه ماشيه فى المكان كله وبيتايع تحركات الشرطه فى تأمين المكان ولسه المأذون بيقول قولوا ورايا دخلت فاطمه والدموع فى عينيها ووقفت قصاد أكرم
أكرم :- وقف وقال فاطمه
ممدوح :- قام وقف ولسه هيروح لأخته
ايه :- مسكت أيده منعته وقالت سيبها تقول كل اللى جواها ليه
فاطمه :- بدموع لييه تعمل كده فهمنى انا ذنبى ايه فى موت ابنى علشان تعقبنى العقاب الصعب ده ارجوك بلاش تتجوزها يا اكرم ارجوك بلاش تكسر قلبى بالطريقه دى ارجوك يا اكرم بلاش
أكرم :- دموعه نزلت منه وقال امشى يا فاطمه ارجوكى امشى حالا
فاطمه :- مسكت أيده وباستها وقالت بالله عليك بلاش تتجوزها ابوس ايدك بلاش
ممدوح :- صعبت عليه أخته راح عندها بدموع وقال امشى معايا يا فاطمه
فاطمه :- وهى بتعيط متخلهوش يتجوزها يا ممدوح انا هموت لو بقى لواحده غيرى انا بحبه يا ممدوح والله العظيم بحبه وبصت لاكرم وقالت طيب انا اسفه خلاص مش عايزه شغل مش عايزه اى حاجه تانيه انا عايزاك انت يا اكرم ومسكت أيده وقالت سيبها وتعال معايا انا يا اكرم
أكرم :- غمض عينه بوجع وبص لممدوح وقاله خدها حالا من هنا يا ممدوح امشى يا فاطمه علشان خاطرى امشى ابوس ايدك خدها يلاااااا يا ممدوح
ممدوح :- بدموع وعصبيه امشى يا فاطمه بقى كفاااااايه بقى امشى
أكرم :- قعد بدموع ومد أيده علشان يكمل كتب الكتاب
فاطمه :- بصت ليه وهزت راسها يمين وشمال مش قادره تتخيل أنه هيبقى لحد غيرها وبدأت الدنيا تسود فى عينيها واغمى عليها
أكرم :- بصدمه فاطمه وقام يجرى عليها وخبط على وشها وقال فاطمه يا فاطمه ردى عليا يا فاطمه والله العظيم وانا كمان بحبك فاطمه انا خلاص مش هتجوز غيرك ردى عليا يا فاطمه وفى الوقت سمع صوت جاسمين بتجرى عليه وبتنادى على أكرم
جاسمين :- وقفت قصاده وقالت اكررررررم خلى بالك ومره واحده الرصاصه جت فيها والفستان الابيض بقى كله دم ووقعد على الأرض وبدء ضرب النار ما بين الشرطه والعصابه
أكرم :- بص لممدوح وقال خد فاطمه واختى من هنا بسررررررعه
ممدوح :- شال فاطمه واخد ايه وخرج يجرى من الفيلا وركب عربيته ومشى بيها يجرى على المستشفى
أكرم :- خبط على وش جاسمين وقال جاسمين ردى عليا انتى كويسه
جاسمين :- ابتسمت بألم وقالت انا فرحانه أن هموت وانا لابسه الفستان الابيض ليك عيشت عمرى كله بتمنى ألبس ليك الفستان الابيض انا مش زعلانه ان انا فديتك بعمرى يا اكرم انا عيشت عمرى كله بحبك ومش خساره فيك يا حبيبى
أكرم :- بدموع انت هتعيشى يا جاسمين وهتتجوزى واحد احسن منى مليون مره واحد يستاهلك بجد
جاسمين :- هزت راسها بألم وقالت مش عايزه اللى احسن منك يا اكرم انا فرحانه أن انا هموت وانا بين ايديك وفى حضنك وعينيها وقفت
أكرم :- اخدها فى حضنه وصرخ وقال لااااااااا جاسمين لااااااااا
تامر :- جه خبط على كتف اكرم وقال البقاء لله يا اكرم والعساكر حطوا جثة مكرم جنب جثة جاسمين
أكرم :- بدموع بص لأخوه وقال ليه يا ابن أبويه وامى ليه كسبت ايه دلوقتى خسرت دنيتك وخسرت اخرتك وفى الاخر موت حبيبتك بأيدك
وفاء ومنير :- قعدوا جنب مكرم وحضنوا
وفاء :- لااااااا ابنى حبيبى يا قلب امك ليه يا ابنى تحرق قلب امك عليك ليه يا حبيببببببى ليه ااااااه الصبر من عندك يارب ااااه يا قلب امك ااااااه
منير :- كسبت ايه يا ابنى لما وجعت قلبنا عليك كسرت ضهر ابوك ليه يا ضنايا يارب الصبر من عندك يارب
أكرم :- وقف وشد ابوه وامه واخدهم فى حضنه والاتنين قعدوا يعيطوا فى حضن أكرم ومشى بيهم والانوار بدأت تنطفى والجثتين جنب بعض جاسمين بالفستان الابيض ومكرم جنبها والاتنين الدم مغرقهم وبعد شويه جت الإسعاف واخدتهم
*********************
إلي هنا ينتهي الفصل الثالث والثمانون من رواية تمرد صحفية بقلم دودو محمد
تابع من هنا: جميع فصول رواية تمرد صحفية بقلم دودو محمد
تابعوا صفحتنا على الفيس بوك للمزيد من روايات حب
أو أرسل لنا رسالة مباشرة عبر الماسنجر باسم القصة التي تريدها
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة