U3F1ZWV6ZTMzNTg0ODE3NzI1X0FjdGl2YXRpb24zODA0Njk2NDgxODg=
recent
آخر القصص

حكاية حياة بقلم أمنيه أيمن - الفصل الثامن والعشرون

مرحباً بكم أصدقائي وأحبابي عاشقي القراءة والقصص الرومانسية مع رواية رومانسية جديدة للكاتبة أمنيه أيمن علي موقعنا قصص 26 و موعدنا اليوم مع الفصل الثامن والعشرون من حكاية حياة بقلم أمنيه أيمن.

حكاية حياة بقلم أمنيه أيمن - الفصل الثامن والعشرون

حكاية حياة بقلم أمنيه أيمن
حكاية حياة بقلم أمنيه أيمن

حكاية حياة بقلم أمنيه أيمن - الفصل الثامن والعشرون

غيره بلا داعي
كان نبيل و جيجي قد وصلوا الى مدخل المحل عندما التقيا بعاصم و بداوا بالبحث عن باقي المجموعه و بالفعل وجدوا سليم و ازيس يجلسان بمفردهما في احد اركان المطعم المنزويه
نبيل :قاعدين بعيد ليه كده
سليم :احنا جايين نتسحر مش نشيل ذنوب ازيك يا عاصم
عاصم :الحمد لله يا سليم اخبارك ايه فين باقي الناس
ازيس :باقي الناس ولا نهى على العموم في التوليت اهم جاين على ذكر اسمائهم
جيجي :ولاد حلال والله
امال :ايه ده منورين يا جماعه كنتوا فين
نبيل :روحنا كارفور نجيب بامبرز للولاد اصل قرب يخلص و جيجي طلبته كتير و كنت بنسى قلت بالمره واحنا بره نجيبه صح يا جيجي
جيجي بارتباك :اه زي ما نبيل قال
كارما :نطلب بقى يا جماعه الوقت اتاخر و شويه هنام منكم
نهى :لا تنامي ايه استني اعرفك ده دكتور عاصم خطيبي
كارما :اتشرفنا يا فندم
نهى :و النايمه دي دكتوره بدر كارما ههههههههه معلش اسفه
كارما :ماشي اضحكي براحتك انا كارما بهاء الدين سلطان
عاصم :بنت دكتور بهاء الدين كامل سلطان استاذ جراحه العظام المعروف انتي بقى كارما
كارما :اه تصور
عاصم :مقصدش و الله بس سمعت عن رساله الماجستير بتاعتك في جراحه العظام كانت هايله بس استغربت لما قالوا انك اعتزلتي
ازيس :انتي جراحه عظام و علاج طبيعي
كارما :مش قلنا كل واحد يخليه في نفسه حد ينادي المتر يا شباب
فوجئ نبيل و عاصم و جيجي من رد كارما بينما ظهر الاحراج على ازيس و سليم و لتدارك الامر اسرع رامي بالاشاره لاحد الجرسونات وطلبوا السحور في جو من التوتر بداته ازيس و انهته كارما
انهوا السحور وطلب نبيل الفاتوره فاتي راضي
راضي :خلاص يا بشوات الفاتوره مدفوعه
نبيل :مدفوعه ازاي
كارما :راضي الشغل شغل هاه
راضي :اكيد بس فعلا الفاتوره ادفعت
رامي :ومين اللي دفع
راضي :الباشا اللي هناك
واشار راضي لاحد الاشخاص نظر الجميع حيث اشار راضي
نبيل :مين ده
رامي :معرفوش حد يعرفوا يا جماعه
نفي الجميع معرفتهم به الا كارما
كارما :بتهيالي شوفته قبل كده بس بصراحه مش فاكره فين
سليم :وده يخليه يدفع فاتوره لناس ميعرفهمش
اتي دافع الفاتوره ليعرف عن نفسه
شاكر :السلام عليكم اسف لتطفلي
رامي :وعليكم السلام ممكن نعرف حضرتك دفعت فاتورتنا ليه
شاكر :دي حاجه بسيطه
نبيل :لا معلش نفهم
شاكر (مشيرا لكارما) :حضرتك دكتوره كارما بنت دكتور بهاء صح
كارما :وبعدين
شاكر :وبعدين دكتور بهاء صاحب والدي و مقامه و مينفعش اكون موجود و تدفعوا
كارما (بلا مبالاه) :تمام دكتور بهاء  صاحب والدك وفي مقام والدك بس ده مش معناه تدفع الفاتوره
شاكر :والله الموضوع بسيط
كارما :انت شايف كده
تدخل رامي الذي وجد ان الوضع تعقد :شكرا يا استاذ و تشرفنا بمعرفتك مش ياله يا جماعه اتاخرنا و الولاد هيناموا مننا
عاد الجميع الي بيت مريم حيث صعدت كارما لترتاح بينما صعد نبيل ليحضر امه و الولاد
نبيل :سلام عليكم ورحمه الله و بركاته
فاطمه :ما لسه بدري بالله عليك انت اب انت وفين مراتك تسيبوا العيال كله ده
نبيل :حصل خير يا حاجه
مريم :فين باقي الناس مش هتسحروا
كارما :مريوم انا قولتلكم هنسحر بره صح ملوش لزوم بقى تزعلوا
فاطمه :مالك يا ام لسانين بتطوحي كده ليه
كارما :عايزه انام يا طماطم مطبقه يومين واتهديت
فاطمه :طماطم يا ام لسانين ادخلي نامي واول ما تصحي بكره ان شاء الله الاقيك قدامي فاهمه
كارما :تمام يا فندم سيبوني بقى انام حتى لو على الارض
نبيل :انا نازل حصليني يا ماما سلام يا طنط سلام يا كارو
توقعتكم
*********************
إلي هنا ينتهي الفصل الثامن والعشرون من حكاية حياة بقلم أمنيه أيمن
تابع من هنا: جميع فصول حكاية حياة بقلم امنية ايمن
تابعوا صفحتنا على الفيس بوك للمزيد من روايات رومانسية
أو أرسل لنا رسالة مباشرة عبر الماسنجر باسم القصة التي تريدها
يمكنك تحميل تطبيق قصص وروايات عربية من متجر جوجل بلاي للإستمتاع بكل قصصنا
ليست هناك تعليقات
إرسال تعليق

إرسال تعليق

يسعدنا تلقي اقتراحاتك أو تعليقك هنا

الاسمبريد إلكترونيرسالة